( أبيات جديدة )

يـا الـلـه أنـي طـالبـك يـا رب غـوثـي *** تنصـر الـلي يالـولي فـيـك استـغـاث
مـا يضيـع الحـق لـو طـال المـكـوثي *** ولا يصوغ الساس بالـقـاع الـدمـاث
ينعـثـر مـن كـان سلمـه سلـم حـوثي *** وينكشف ستـر المنـاحيـس الخـبـاث
من فضل مولاي واثـق مـن بحـوثـي *** يـوم بـعـض النـاس بالأنساب عـاث
مـن نـوي مـجـد القبـيلـه لـه يـدوثي *** مـا قــدر لـعــروق عــنـاز اجـتـثــاث
كــل جــد مـن الـقـبـايـل لــه وروثـي *** والمـصـادر وضـحّـت أصـل الـثـلاث
الأشـاعـه بالمـجـالـس لــه بــثــوثـي *** ولالــه بـتـاريـخ عــزوتــه اكـتـراث
فـي كـلام الـزور يـقـسـم بـالحـنـوثي *** مـثـل خـطـو الـفـار يـفـتـك بـالأثــاث
ينهش الغـايـب مـثـل عـقـر اللهّـوثي *** أو كـمـا هـرفـال مـن صـابـه غــلاث
يـخـفي الـزيـنـه ولـلـشيـنـه نـثـوثـي *** بـالـخـطـأ يـا عـل بـلـسـانــه لّـــواث
مـن صدوق العـلم غاضب ومغـثوثي *** يـستـمـع هـرج الـمسـفـّه والـحـداث
مـا نطـيـع الـلي سـوالـفـهـم نـكـوثي *** أنـكـروا مـاضـي فـخـرنـا والـتــراث
ويـن الـلـي صـاروا عـلينـا كالليوثي *** يــوم عـيـلات الـعـدو صـاروا بـغـاث
مـن يـمثـلهـم عـلى جـفـر الـرغـوثي *** عــن مــرّده دوبـحـوا مـثــل الأنـاث

ملاحظة :
البيت الأخير أشير لقول الشاعر الذي يقول من قصيدته :
زحنا الضفيري وانهزم من نهـاره *** وزحـنـا بـني وايـل وقـفـوا مـصاخير
تـثـغي أومراهم مثـل ثـغي الجفاره *** ونسوقهم سوق السواني على البيـر
وجـديــع بـن وايـل دفـنـا وجــاره *** وعاداتـنـا نخـلي سـروج المشاهـيـر

وقد فندت مزاعم الشاعر وثنيت دونهم ورديت عليه في مائة وستون بيت وحصلت من بعضهم أخيراً على جزأ سنمار وكذلك من بعض أنذال وسفهاء القبيلة

صح لسانك وبارك الله فيك

أبيات من ذات القافية الصعبة

خــل راسـك بـالـكـرامـه دوم شـامـخ *** أرتـفـع وارفـع مــقـامـك لا تــطــوّخ
ولا يـضمّـك مجـلس بـه مـن يـلامـخ *** الـهـذور الـيـا حـكـى صـوتـه يـدوّخ
لا تـذل الـنـفـس لـكـبـار الـمـصـامـخ *** وأنـتـبــه بـأرض الـمــذلّـه لا تـنـوّخ
ولا يـهـمّـك بـالـسـوالـف كـل جـامـخ *** فـوح هـرجـه كالبـخـار الـلي يـفـوّخ
خـلّـه عـسى يكـمخه بالـراس كـامـخ *** قـاطـع المـنحـوس لـو جـدّه مـجّـوخ
وأحـذر الـلي جـمجمـة راسـه بلامخ *** مـثـل الأثـول بـس بـالـبـيـداء يـتـوّخ

صح لسانك يابومشعل فيكفي أنك حزت إحترام وتقدير الجميع أما هؤلاء فهم صفر ساقط لايأبه لهم ولا لما يقولون!!!

صح الله لسانك وبنانك يأديب وايل حتى ترضى وبارك الله فيكم وعليكم وأدامكم بالعز والمعزّة والرفعة والكرامة، أما الساقط فلن ينفعه جدّه ولو كان من بني هاشم..

مع الشكر الجزيل للأخوين الشيخ أبو مشاري الرفدي والزميل الشاعر محمد بن دوهان لقد ذكرني بقصيدة قلتها قبل ثلاثين سنة كنت مسندها على الشيخ الشاعر سلطان بن راكان المرشد رحمه الله ومنها هذا المقطع :

يشـهـد الـلـه يـوم شـديـت الحـزام *** محـرج لـلـرد مـا قـصـدي سـفـــاه
دون قـومٍ مـجـدهـم مـثـل الـحــلام *** نبـذل المجهـود والمـكسـب شـنـاه
مـن تـنيـوم مـا يفـيـق مـن المـنـام *** يـزلـه الـنـاده وهـو يـسـمـع نــداه
من كسل ما حط في صـدره وسـام *** والـمهـونـة تـورث الأمـه خــــزاه
لـو يكون المجـد فـي كبـر الجسـام *** كـان تشـوف الـفيل مـا حـي قـواه
وكان تشوف الباز هاب من النعام *** لـو يـرف الريـش يلبـد عـن هـواه
يفـرق الشيهان عـن طيـر الحمـام *** والـقـطـامـي مـا يـشـّبـه لـلـقـطــاه
والرخـم لـو طـار فـوق الجو حـام *** من سمين الصيـد ما يـدرك عشـاه
والـردي يـا مسنـدي مـثـل الخمـام *** لـو ركـب بـنـزه وشخص بالعـبـاه
الـردي مـذمـوم لــو جـده هـشـــام *** مـا يـفـيـد الجــد مـن عــزه محـاه
لـو يكـن مـن الذهـب مـلـي الـدرام *** مــا رفــع قــدره ولا فــاده غــنـاه
قـلـتـهـا يـا شيـخ والـدنـيـا حـطـام *** عـزهـا المزعـوم مـا يعـادل شقـاه
وأطـلـب الخـلاق فـي يـوم الزحـام *** غـافـرٍ للعـبـد عـن مـاضـي غــواه
وأذكـر الـلـه بـالـبـدايـة والـخـتــام *** فـي بـدايـة قـافـنـا وفـي منـتـهــاه
ثـم صـلـوا عـلى مـن سـن الصيـام *** وثـبّـت الإسلام بـفـروض الصـلاة

مقطع من أحد قصائدي القديمة

أضافة لما سبق

أبيات مسنده على الشيخ الشاعر فايز بن فرحان بن سويلم الغضوري

كثـر الهياط وقـوّش الصـّدق يا فـايـز *** القـول واجـد مـار الأفـعـال مفـقوده
كـلـن يقـول أنـه لمجـد الفخـر حـايـز *** يـعـتـز فـي سيـرتـه ويمـجـد جـدوده
أن كان ودّك تسوس الوضع وتمايز *** أعرف هدف غاية المادح ومقصوده
المـدح ماهـو عـلى كل العـرب جايـز *** مامن خفى جميع الأحداث مشهـوده
وش ينبغي بالـذي مـا يقضي العـايـز *** مـادام مـا يـبـذل لعـانـيـه مـجـهـوده
الـبـطـل الـلي بـنـدقـه نـتّـاشهـا بـايـز *** مـا ظـنـتي ينتصـر باسبـاب بـاروده
وكان ابن عمك لراسك بالعصا هايز *** ابعد عنه عده حضوضا وبرموده

خــل راسـك بـالـكـرامـه دوم شـامـخ *** أرتـفـع وارفـع مــقـامـك لا تــطــوّخ
ولا يـضمّـك مجـلس بـه مـن يـلامـخ *** الـهـذور الـيـا حـكـى صـوتـه يـدوّخ
لا تـذل الـنـفـس لـكـبـار الـمـصـامـخ *** وأنـتـبــه بـأرض الـمــذلّـه لا تـنـوّخ
ولا يـهـمّـك بـالـسـوالـف كـل جـامـخ *** فـوح هـرجـه كالبـخـار الـلي يـفـوّخ
خـلّـه عـسى يكـمخه بالـراس كـامـخ *** قـاطـع المـنحـوس لـو جـدّه مـجّـوخ
وأحـذر الـلي جـمجمـة راسـه بلامخ *** مـثـل الأثـول بـس بـالـبـيـداء يـتـوّخ


صح لسانـك يابــــن عبار .....جبت التماثيل منسرده
تقول درو ٍ لفــا مـن طــار ..... من ينطح السيل ياقرده

صح لسانك يابومشعل ولاهنت على الفرايد والقوافي الصعبه والمعاني الجزله

صح لسانـك يابــــن عبار .....جبت التماثيل منسرده
تقول درو ٍ لفــا مـن طــار ..... من ينطح السيل ياقرده

صح لسانك يابومشعل ولاهنت على الفرايد والقوافي الصعبه والمعاني الجزله

بارك الله فيك يا فهد على التشجيع والأعجاب ولا تهون فأنك شاعر فحل :

تـعـيـش يـا فـاهـم الأشـعـار *** يا نسل مـن يروي الكـرده
من ساس عزوه تعز الجار ***وبالكون مـا تطـري الشرده