قصائد بمناسبة زواج الأبن منصور بن عبدالله العبار - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

01-08-2020, 06:38 PM

أبيات في طرق الدحّة شعر عبدالله بن دهيمش بن عبار بمناسبة زواج الأبن النقيب منصور بن عبدالله العبار :

هـلا هـلابـه يـا هــلا *** نقـولـه ترحيب بغـلا *** بأهل المفاخر والعـلا *** بالعزوه ورجال اللاّبه

باللي لفونا حياّ الله *** عـلى الكرامه والدّلـه *** بفرح منصور العبدالله *** من شاركنا يا هلابـه

تشريف ولابه كلوفه *** من جانا نعتز بشوفه *** كلهم الربع محفوفه *** بين الصاحب والقرابه

واكثر دواعي طربنا *** واللي حصّلنا وكسبنا *** شوف الغالي من عربنا ***نشوفه من بعد غيابه

الليلـه ليلـة فـرحتـنا *** نبتهج ونحيي دحتنـا *** بالقصر نجـّمع عـزوتنـا *** جملت شيّاب وشبابه

يا ربعي يلزمنا صفّه *** والكل يصفّق في كفّـه *** عسى اللاّعب يبلغ شفّه ***بالحفلة يزداد اطرابه

يا عسى فـرحـنـا دايـم *** نلعـب ونقيم الـولايم *** في ضل اللي شرعه قايم *** حيد وبعد الله نلجابه

آل سعود حماة الديره *** نعم الأسرة والعشيره *** من نسل صقر الجزيرة *** يشل الصيد بمخلابه

في ضل ملوك اليمـامه *** ننعـم بـعـز وكـرامـه *** والعايل سلمان خـزامـه *** الليث عدانا تهابه

عسى الله يعـز العـاهل *** اللي للشكر يستاهل *** قايدنا من الحكمه ناهل *** يفعل الخير ويسعابه

ومحمـد قـاد البـواسل *** عن الواجب ماتكاسل *** يذكر فعله كل مراسل *** كلن يبدي فيه اعجابه

واللي على الحد مرابط ***نفخر بالجندي والضابط ***خلو راس العايل هابط ***بالمدفع هووالدبابه

الجيش محمد يـقـوده *** وطنا يحمون حدوده *** نشكر ضباطه وجنوده *** شجعان الياصار حرابه

لأعـداء الـملّـة دحرنـا *** الـلـه عليهم نصرنـا *** سلمان العاهل فخرنـا *** جيشه يردع كل عصابه

وهذه الأبيات من شعر عبدالله بن دهيمش بن عبار ترحيب بالرجال الذين سيشرّفون
حفلنا بمناسبة زواج الأبن النقيب منصور بن عبدالله العبار :

حـي الـلـه الزوّار في حـفـل منصور *** يا مـرحـبـا بحضوركم دون تكليـف
يا مرحبا باللي على الواجب حضور *** تـوافـد الغـالـيـن للحـفـل تـشـريـف
يا مـرحـبا وجـودكـم فـرح واسـرور *** حي الله الـلي بشوفهم يكمل الكيف
من جـاء يشرّف حفلنا اليوم مشكور *** يا مرحبـا بعـداد مـا هبهب الهيـف
الكـل منكـم سـار باحساس واشعـور *** أنـتـم أهـل فـي حـفلنا مابكم ضيف
عـم الفـرح فـي حفلنا وأشرق النـور *** وسـاد التـآخي والضمايـر مواليف
والحـمد لله ما حصل نقص واقصور *** يابعدكم عن طاري العيب والحيف
وحنا بضل الـلي لشعب الوطن سور *** اللي حكموبه من جميع الأطاريف
عـدوهـم بـأمـر الـولـي دوم مكسـور *** ماله جدى غـيـر الندّم والتحاسيف
أبـو فـهـد زعـيـمنـا صـايـب الشـور *** ومحمد الـلي بالـوغى للعـدا يخيـف

وهذه الأبيات من شعر عبدالله بن دهيمش بن عبار قالها بمناسبة حفل زواج الأبن
النقيب منصور بن عبدالله العبار وهي ترحيب بالحضور على طاروق شعر العرضه:

يا هلا ويا مرحبا وأعـطـر تحيـه *** بالذي شرف فرحنا وسارعاني
الهـلا والمـرحـبـا واجـب عـليـه *** كـل منكـم بالضمايـر لـه مكاني
حي مـن هو يعـتـزي بالـوايليـه *** مـن نسل عـنـاز طلقين اليمـاني
يا هـلا بـأهـل الشجاعه والحميه *** صفوة الويلان ما منهم هـداني
وهلا بالأصحاب واعيان السميّه *** من حمايل مابهم قاصي وداني
نـبـدي الترحيـب بنفوس رضيـه *** بالـرجـال الـلي يزفـون التهاني
عندنـا الليله مثـل عـيـد الضحيه *** نطـلـب المولى بتحقيق الأماني
نـفـخـر وحـنـا هـوانـا والهـويـه *** للوطـن نفـداه بأخلاص وتفاني
والـولاء لمـلـوكنـا عـز الـرعيـه *** هم فخرنا اهل المكارم والحساني
مـن قـرب لحدودهم زار المنيـه *** مزبن الخايـف عريبين المجاني

وهذه الأبيات من شعر عبدالله بن دهيمش بن عبار مسنده على الشيخ متعب بن عبدالهادي
الفققي أبو عبدالله حيث افهم بعض الذين لا يزالون متمسكين بالأشاعات وهم يدعّون أن أبن
عبار حذف وائل عن عنزة علماً أن الكتاب اسمه أصدق الدلائل في أنساب بني وائل :

يا ابـو عبدالله عـط العـلم اليقيـن *** للـرجـال الـلي سـوات الـبـبـغــا
قـل لهـم لا يسمعون المغـرضين *** وقـل أبـن عـبـار لـوايـل ما لغـا
ليتـهـم لـو يـنشـدون الـمـدعـيـن *** كـل منهـم عـقـب هـديـره رغـا
حـيـث كـانـوا حـاقـدين وظالمين *** والعـدل والحـق يردع من طغـا
من ظلمني عـاد ندمان وحـزيـن *** وانخفض قدره عقب ماهو اغـا
اكتـب الأنساب مـن عـدة سنيـن *** وكـل جاحـد ما حصل له ما بغـا