قصيدة الشاعر فايز بن عواد الهبداني - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

04-06-2020, 07:35 PM

مساجلات جديده

قال الشاعر فايز عواد بن ساكر الهبداني هذه القصيدة يسند على عبدالله بن دهيمش بن عبار :

سـلام تـسلـيـم يـخـصـك ويـاصـلـــك *** أهديت لك صادق مشاعر واحاسيس
يامن عـلى القمّـه شموخـك ومنزلك *** نـاجـح ومـتـفـرّد بـشـتّـى المقـايـيس
وشلون نجهـل يا أبـو مشعل فعايلك *** وأنت الـذي من أسس المجد تأسيس
سطـرت مـجـدآٍ مـن نـوادر جـزايلك *** وجهـدك مـع الـويـلان جهـد بلا قيس
لاعاش من هـو يا أبن عبـار يخذلك *** من ينكـر المعروف هيس ولـد هيس
مـتـجـمّـل ورب المخـالـيـق جـمّـلـك *** وشعـرك يدّرس بيـن الأجيال تدريس
عن عـزوتك دافعت كيف انتجاهلـك *** يـوم أن غـيـرك صار خلف الكواليس
مثـل الجبل ثابت ولا أحـدن بمزملك *** ظهرت يوم أن حضرت ساعة إبليس
وصوبت ذيب الضلع من قبـل ياكلك *** وربـعـت فـي قـفـٍر مـربّـع ولا ديــس
والـلي عـلـى قـلّـة معـرفـه يطـاولـك *** لا ضاهـر بفـزعـه ولا مرخي الكيس
لا واصلـن فـعـلـك ولاهـو بـواصـلـك *** تـكـرم وتـبقـى يـا بـعـيـد المـراميس
حـنـا بـصـفـك مـا دفـنـا جـمـايـلــك *** تـبى لـنـا النوماس يا أبـو النواميس
ودون السمـيّـه مـا لحـقـنـا فضايلـك *** نـور القـمـر مـاهـو شبيـه الفـوانيس

قال عبدالله بن دهيمش بن عبار هذه القصيدة مجاراه لقصيدة الشاعر فايز بن عواد بن ساكر الهبداني :

مـبـداي باسمـك يالـولي مالـك الملـك *** يا من حفظت بقدرتك نوح وأدريس
وبـعـد ذكـر رب الـمـلأ مجـري الفلـك *** موحي دبيـب الـذّر فـوق الطعاميس
يالفـكـر عـبّـر مـن قـرايـض مـثـايلـك *** وأكتب جـوابي واحفظه بالكراريس
يا شعـر أبـن عـواد يـا حـي مـرسلـك *** فـايـز سليل المجـد من نسل فـريّس
الـوافـي الـلي سـمـعـتـه مـا تـفـشلـك *** عـسى فـداه المخـبـثيـن المنـاحـيس
مـن لفـظ منطوقـك عـرفـنـا خصايلك *** صـادق ولا عـنـدك تـمـلّـق وتـدليس
ورثـت مـن جـدّك وخـالـك مـراجـلـك *** يجذبك مجذب عـزوتك مابهم سيس
يا فـايـز العـواد يـالـقـرم أبـي أسألـك *** وش مقصد الـلي يولعوّن المقابيس
كيف أصبح لحوم الخلايق تقـل علـك *** بـه نـاس تغـرز بالضهور الدبابيس
كـان افتكـرت بـواقـع الـنـاس تشغلك *** وتـزيـد هـمّـك والغـثـا والهـواجيس
عـلـيـك بالـلي بالصـراحـه يـعـامـلـك *** ولا أهـل الضحكـه تـراهـم حمالـيس
عـلـيـك بـالـلي بالمشـاعـر يـبـادلــك *** الـلي لرضاك يكـرّس الجهـد تكريس
الـلي ولـو تخـطي عـلـيـه ايـتحـملـك *** ولـو تاصفه بالحلم يشبه لأبن قـيس

وقال الشاعر فايز بن عواد الهبداني هذه القصيدة رد على قصيدة عبدالله بن دهيمش بن عبار :

يــالـلـه يـالـلـي كـل خـلـقــك تـأمـلــك *** بـأمـرك وتصريـفك تـهـب النسانيس عـفـوك وغفرانك من الموقف الهلـك *** وحفظك من دروب العـنا والعواكيس ومن بعد ذكرك هاجس الشعر جاعلك *** تظهر بيوتن جوف صدري محابيس مـن يـوم مـن هـداج تـيـمـا منـاهـلـك *** بـقـيّـس الأمعـنـا والأوزان تـقـيـيـس قـافـن لأبـو مشعـل لـفـاني ومجـملـك *** طلعـني لصوب الـنجـوم المـراويـس بالطـيـب والشعـر الحقيـقي معـاملـك *** لو كان كثر اهل الدبش والعواسيس ويامن عـلى سطح المجـرّه مداهلـك *** مجدك رسا بالقاع مرسا التضاريس وبعض العباد اصغر ترى من تخيّلك *** يلعب بهـا الشيطان لعـب القراطيس راعـي النقـيـلـي دايـمـاً مـا يـقـابلـك *** كـنـك عـلى كـبـده تـحـط المحـاميس فـرق البشر واضح كما فرق أناملك *** تلقابـهـا العـاقـل وتـلـقى المـلاحيس وأن دارت الدنيـا كـما دورت السلك *** تظهـر لـك العـقـال وقـت المتـاريس
قال عبدالله بن دهيمش بن عبار هذه القصيدة جواب لقصيدة الشاعر فايز بن عواد الهبداني :
جـتـنـي يـا أبـن عـواد رسـالـتـك تـلـك *** يالصيرم الـلي من فـروخ القرانيس
لـي الشرف أرسل مـردّك ولا اهـملـك *** وأشكر جنابك يا نسل مرذي العيس جـادلـت يا طـيـر السعـد من يـجادلـك *** حـتّى خرسّت الـلي يسبّون تخـريس
الـلي مـهـاجـيـهـم تـغـثـّك وتـزعـلــك *** مقصودهم لعـروض الأجواد تدنيس
مـا ودي أن هـروج الأنـذال تـبـحلـك *** أبـشـر تـراهـم يـالسنـافي مـفـالـيس
يالجعـفـري مـفـعـول ربـعـك يـأهـلـك *** تـفـخـر بـهـم يـوم النواظـر معابيس
أفـعـالهـم فـوق السماكـيـن تـشهـلـك *** عـن طيبهم أنشـد رجـال السناعيس
يالـلي خفاك الجعفري ول مـا أجهلك *** حـمـيتـه مـاهـي هـقـاوي وتـوهـيس
أن جـيـت بـيـتـه بـالـونـاسـه يعـلـلـك *** وتـلـقى الـذبايـح بالصياني مفـانيس
بالقـيـض عـن حـر القـوايـل يضللـك *** شجـاع وبـفعـل الكـرم يـشبـه منيس
عسى الولي بالعطف واللّطف يشملك *** قافك عن الخاطـر يـزيـل التعاميس

قال الأبن الشاعر النقيب منصور بن عبدالله العبار هذه الأبيات :

مـا دام تـفـخـر فـي فـعـولك قـبـيلـه *** حنا فخـرنا إنـا من اصلك ومجنـاك
شـلـت الحـمـول الكـايـدات الثـقـيلـه *** ودونـت مـا قـدرّك ربــي بــيـمـنـاك
رقـيـت فـي فـعـلـك بـراس الطويلـه *** ومن الحسد بعض المخاليق تشناك
وياكـثـر مـن حـاول ولا أحـدٍ دريلـه *** لا فاعـلـن فعـلـك ولا هـو تحـاشـاك
تـثـني عليك أهـل السطـر والفضيله *** ولا هـمّك المذموم لـو كـان عـاداك
قـلـنـا كـمـا قـال الـزلامـي بـقـيـلـــه *** يـلـومـك الـلي مـا يسـوي سـوايـاك

رد عبدالله بن دهيمش العبار على نجله النقيب منصور بن عبدالله العبار :

تسلـم عـلى نظـم البيـوت الجـزيـلـه *** وتعـيش يا منصور يحفظك مـولاك
الـلـي حـسـد مـالـه عـلـيـه وسـيـلـه *** ولاله مطالب يا عسى الرب يرعاك
مـا قـلـت قـول ألا مـوضـّح دلـيـلـــه *** ولاهـمني مـن كـان جـاحـد وشكّاك
شيـن الضميـر الـلي علومه هـزيلـه *** وش عـاد لـو مـالـه دعـيـه تبلواك
أعـتـز بـأصحـاب الـخـلاق الـنبـيـلـه *** الـلي أن كان اطريتهم قيل شرواك
ومن دار عيبي ما حصل له حصيلـه *** حسيبه الله خالقي مجـري الأفـلاك