وقال الشاعـر منصور بن حواس الخضع هذا المقطع من قصيدة طويله :
وأثني بمدحي مسقي الضد مقصـاد *** مـن عـلـقـم تـولـجـه لـلـنـصـيـبــه
هـذاك أبـن عـبـار مـفـراص بــولاد *** مـثـل المحـيـط إلـى تـلاطـم غبيبه
الـعـيـلـم الـلـي مـبـهــج كــــل وراد *** لا زاد ورده قـام يـطـفـح قـلـيـبـــه
عنده عقب ماطرش فكري بلا عداد *** غـديـت مـثـل الـلي يجـمع ذهـيبـه
وأظـن جـلاب الحجف لو لقا أرشاد *** لأهـل الحساء ما يجلبه لـو يسيبه
أقسمت لك باللي شمخ شم الأطواد *** أنـك كـمـا نجـم الشمال اقـتـدي بـه
خـذ الـوكـاد وخـل كـايــد إلـى كـــاد *** أدركـتـهـا عـنـد الـرجـال العطيبـه
سيفك لك الله ما نبي عـقبـه اعـتـاد *** وعـيـال وايـل كـلـهـا تـكتـفــي بـه
يشهـد لـك الماضي ولا هـو بجحـاد *** خـزمـت صـيـاج الجـمـال المنيبـه
ومـن غـيـر هـذا للـرجاجيـل مقعـاد *** مجلسـك نـادي للعـرب تـلتـقي بـه
مـن طيبكـم لـه قاصي الناس ترتـاد *** بـه فوق رمعات البطون الرغيبـه
الحـيـل تـشـبع لـلـنـظـر قـبـل الأيـاد *** سـفـا الشحـم يـا مـا تكامـل كثيبـه
لا يا أبـو مشعل يوم أنا اليوم قصّاد *** وش لون أنا رد الثناء ماعتني به
أشكر وفاك وطيب ممشاك من غـاد *** وأضهر ثناك وعن حياك أرتهيبه
يا مـن جـمع تاريخ الأجـداد لحـفـاد *** يا حافظه عن العثـث لا اتعـثي بـه
تـاريـخ قـوم بـه تـواريـخ مـيـــــلاد *** لأحـداث قـوم تـلحـق الضـد ريبـه
ربـعـي بـني وايـل مطـانـيخ الأولاد *** لا شـاح رجـمٍ للـفـخـر تـرتـقي بـه
ويـلان مـن خيبـر إلـى شـط بـغـداد *** للسيف شرق إلى شمـال الـرحيبـه
شهد العسل سـم السقطري للأكبـاد *** نقـع الغـديـر معـثـبـريـن الشريبـه
أهـل الـربـاع الشـامـخـة بالتـشـيـاد *** وأهـل الفعول أن جردوا للحريبـه
يكفيك فيهـم قـول أبـن ملحـم طـراد *** يـوم الليـالـي بـالعـرب مستـريـبـه
يـقـول حـنـا مـالـنـا قـط سـيّــــــــاد *** مـن شـرق سدنا وسايديـن مغيبـه
وقال الشاعـر الريّض بن عوض بن بستان الوثيري هذا المقطع من قصيده:
ومن بعـد ذكـر الله سجلت الأشعـار *** هـات القـلـم وأكتـب بيـوت عـذيـه
أكتـب جوابي وأرسلـه لأبـن عـبـار *** هـو الـذي تـشـكى عـلـيـه الشكيـه
أمـدح سـميـتـكـم وبـالخـص عـقـار *** وأفعـالـكـم مبطي ولا هـي خـفـيـه
عـذروبكـم يا مسنـدي شبـت الـنـار *** ومـفـطـحـات بـالصحـون الـعـذيـه
وقال الشاعـر محمد بن مسلّم بن رعيصان الخمعلي هذا المقطع من قصيده :
على جهودك نشكرك يا أبـن عـبـار *** شكراً لكم في عالي الصوت ذعته
شكـر وتحـيـه لـهـا مـارد ومصـدار *** عبر الحساس اللي دعاني وطعته
أحـيـيـت مـجـدٍ كـاد يسقـط ويـنهـار *** وأعـدت بنيـه من جـديـد ورفعـته
للماضي المدفـون وجهـت الأنـظـار *** ولـو طـال دربـه مـا تركتـه تبعتـه
ماضي عـنـزه لـولاك فـلا لـه أذكـار *** وأنت الذي تبحـث وراه وجمعـته
عـن أصلها وأنسابها جبت الأخبـار *** والـلـي يـعـارض بالأدلـه ردعـتـه
تبحث وتنشدعن قصصهم والأشعار *** وسجلتهـا على حسب ما سمعتـه
دونـتهـا وراجـعـتـهـا قـبـل الأصـدار *** وكـل الـذي دونـت مـنهـا طبعـتـه
الـوايـلـي وكـتـاب قـطـوف الأزهــار *** وأنساب وايـل من قراها انفعـتـه
مـهـمـةٍ وأديـتـهـا بـعـزم وأصـخــار *** وثوب التقاعس والتكاسل خلعته
نعـم بـكـم يـالـوايـلي نـسـل الأخـيـار *** الطيـب لـو مـرقـاه عسـرٍ طلعـته
مـن طلعتـك صاحب عزيمه وصبـار *** التراث حبـه في ضميرك زرعتـه
فيـك الـوفـاء والغايـريـه لـك أشعـار *** لأجـل تـراث أبـاك مـالـك دفعــتـه
عـبـر الـزمـن يـبـقـا للأجيـال تذكـار *** لأجـيـال تـأتـي بالدفاتـر وضعـتـه
ولا للقـصـور الـيـوم عـلـيـك معـبـار *** من كـل جانب عنك دربـه قطعتـه
يا مستشار الشعـر يا سامي الأفكـار *** كن الشعـر وأنتـه صغير رضعتـه
مـن صـافي المعـنـا للأبيـات تخـتـار *** والبيت من عسر القوافي صنعته
نبع الشعر من مهجتك مثـل الأنهـار *** شعـر النبط من الضمير اخترعته
ولـو الشعر ينباع في غالي الأسعار *** تصيـر تاجـر لـو نـظـمتـه وبعـتـه
مـا قـلتهـا قـصـدي مجـامـل وقـمـار *** النصب عن منهج حيـاتي منعـتـه
أيضاً ولا قصـدي مـن المـال ديـنـار *** غير الأعجاب بمنهج لك شرعتـه
هـذي شهـادة قـلـتهـا بكـل مـا صـار *** وهـذا أعتراف بالشعـر لك بدعته
أن شفت غلطه نلتمس منك الأعذار *** عبـرت بالأبيات عن ما استطعتـه
وقال الشاعر شاهين بن عيد العنزي هذا المقطع من قصيده :
يكـتـب المكـتـوب لـقـروم العـيـالي *** أبـو مـشـعـل بـالـلـوازم يـنعـني لـه
أنت اللي ننصاك في ضيق الليالي *** عـادتـك يـالـقـرم تـحـوش النـفيـلـه
مـثـلـك وشـرواك يـنصى للثـقـالي *** وغيركم يا مسندي ما اريد اجي له
الـردي ما انصاه لـو طال المطالي *** تـلقـا عـذره والـم قـبـل اتـحـكي لـه
جالـس بـالبـيـت عـنـد أم العـيـالي *** طـول عـمره ما كسب علم الفضيله
وأنـت يالمنعـور ما دست الخمالي *** سابـقٍ لـك طيـب وأفعـالك جـزيـلـه
وقال الشاعـر شاهين بن عيد :
أسند لأبـو مشعـل صـدوق الأجـابـه *** عبدالـله العـبـار ريـف الهواشيـل
حـكــيـم رأي وقــدوة يــقــتـدابـــــه *** بـه نقتدي عـن كثـرة القال والقيل
أديــبـنـا نـلـقــا الـســداد بــجـوابــه *** مـثـايـلـه تـشـبـه قـراح المنـاهيـل
وقال الشاعـر خالد بن صتان بن فدغم الرويلي هذا المقطع من قصيدة :
قـصـدت والشـعـار سـوت اسـواتـي *** تـمـدح وتـصلـح بالقبـيلـه ولا تـدان
والفضـل لـلـه مـا سعـيـت بشتـاتـي *** ودي بـلـم الشمـل فـي قـدر الأمـكـان
وعبدالله ألـف مـن رزيـن الـرواتـي *** أنـسـاب وايـل بـالمـواقـع والأزمـان
نـرفـع لـه البيضـاء عـلى النايـفـاتي *** أديـبـنـا يـكـرم جـنـابـه ويـنـصــــان
مـن لابـةٍ بـالـطـيـب مـثـل الـفـراتـي *** قصيرهـم يحشم جنـابـه ولا ايـهـان
لابـة مـصـوت بـالعـشى بـالـمـبـاتي *** هـده ورده والـعـطـيـه بــلا اثــمــان
ومـا قـل دل ولا نـحـب الـهــتــاتــي *** والعـذر كـان أنـه حصل أي نقصـان
وتـرى الـكـمـال لعـالـم الخـافـيـاتـي *** الـلـي رفـع عـن أمـتـه كــل نـسـيـان
وقال الشاعر الوهيبي هذا المقطع من قصيده :
يابو مشعل من قلت الشوف ماجيك *** نـفـرح بـفـرحتكـم لـو أنـا بعيديـن
عسى الـفـرح دايـم ابـيـتـك حواليك *** وأنت العزيز من الرجال العزيزين
تعـيش يالطـيـّب عضيدك ابنـاخـيـك *** والتهـنئة فـي فرصة عـدهـا ديـن
حـنـا تـرانـا نـعـادي الـلـي يـعـاديـك *** نفـزع ولا نوقف بصـف المعادين
وقال أحد شعراء عنزة هذه الأبيات من قصيدة :
سـلام يالـلي يرفع الـراس طـاريـك *** وأن دار بالمجلس حديـث الرجالي
يالـلي إلى حـل الفخـر نفتخـر فيـك *** دمت وسلت وعشت في كـل حـالي
يا أبن دهيمش حينـا الـلـه يحيـيـك *** تـرى طلبنـا يا أبـن الأجـواد غـالي
أولـك وآخـر عـهـدنـا بـك وتـالـيـك *** أصفى مـن الدينـار هـو والـريالـي
مـن مـا خبرنـا بيننا جيـت ناصيـك *** لا هـانـك الـلـه يـا كـريـم السبـالـي
والعـلـم مـا يخـفـا ولا هـو بخافيـك *** يـالـوايـلـي نـبـغــاه صـافـي زلالـي
من أجل مايحدث تضارب وتشكيك *** وأيــقـال قـال فـلان وفـلان قـالـــي
يالـوايـلي قـال الحـقيـقـه ابنـاخيـك *** مـا هـي علوم أهل العلوم الهـزالي
جرح المشاعر ما يسرك ويرضيك *** ياللي هـدف حضرتك بالحيل عالي
يا ولـد أبـن عـبـار تـدخـل لبـاريـك *** عـن ذكرهـم لا هنـت مالـه مجالـي
غـيـر الحقيقه وش يهمـك ويعنيـك *** لا صـار مـالـك من وراهـم حـلالي
الـلـه يـدلـك لـلـحـقـيـقـه ويـهـديـك *** الـواحـد الـلـي لـه تـخـر الجـبـالـي
أرجـوك يا عـبـدالـلـه الـلـه يخليـك *** أنـك تـطـيـع وتسـتجيـب لـسـؤالـي
من ما حصل كني على نار وأتريك *** يومين يا مشكاي مـا ارتـاح بـالـي
كـم نـنـتـظـر لـلي تخـطـه يـمـانـيـك *** يـمـنـاك والـلي تكـتـبـه بالشمـالي
يـا عـزوة الـلي باللقـا يعتزي فيـك *** مـن لابـةٍ يــوم الـلـقــا مــا تـبـالـي
هـذي عـلـومي والمبـادي مبـاديـك *** يـالـلـي تـحـرى للـوفـاء والعـدالـي
وقال خلف بن ثاني الضبيب هذا المقطع من قصيده :
أن ضاق بالي جبت قطوف الأزهار *** وأخترت من طيب المعاني خبرها
فيـه الحوادث جاريه مثـل مـا صـار *** ما زاد فـوق حـروفها من نشرهـا
والخاتمـه نشكـر جنـاب أبـن عـبـار *** الـلي جـمع شتـاتـهـا وأختصرهـا
وقال ضيف الله بن غازي الضوي هذا المقطع من قصيده :
سر يا نديبي فوق من يطوي القـار *** يقـطـع مسافـات الخطـوط البعيـده
يلـفي عـلى قـرم العـيـال أبـن عبـار *** أبـي الـمـرد بـسـاع والحـل بـأيده
مشكاي لـلـه ثم بـك يا أبن الأخيـار *** وعـند الـولي حـل الأمـور الشديده
وقال نايف بن سعد العنزي هذا المقطع من قصيده :
سـر يا قـلم والبـال يملي لـك أفكـار *** أزكـى سـلامي نرسله لأبـن عـبار
مهديه مع الورد في روض الأقفار *** ومخالطه ريح البختـري والأزهار
مني سـلام أعداد من بالوطن سـار *** واعداد مـا طاير بجو السماء طار
يهدا لريف الضيف وأمـدلـه الجـار *** صقرالصقورالصيرمي حرالأحرار
القـرم أبو مشعل على الكود صبـار *** من ساس قوم ما يهابون الأخطار
فدعان وأن لاحوا على قب الأمهار *** عـدوهـم بالكـون مـن حربهـم نـار
مشكور ياللي تبذل الجهد بأصخـار *** حصيت وايـل كلها اصغـار وأكبار
ولأمجادهم دونت في كتب الأسطار *** مشكور يالـلي بـك حميـه ومغوار
نطلـب لعلـك مـن طـويلين الأعمار *** ويحميك ربك من صواديف الأقدار
دعـوت لـك مـانـي منـافـق وقـمـّار *** قـدر كـبيـر ولـك حشيمـه ومـقـدار
نظهـر ثـنـاك ولـو زعـل كـل هـذار *** بيّـنت فعـل اللي ثنـوا يـوم ذي قار
فـرعـت وايـل كـل بـدوه وحـضـّـار *** وصححتهـا حيثك صدوق بالأخبار
تـولـيـفكـم غـدالـنـا مـثـل الأقـمــار *** تبي الفخـر ما مقصدك جمع دينـار
والـلـه ما قصرت يا نسـل الأخيـار *** سطرت مجداً فات مبطي لـه أدوار
وأمجاد وايـل شاع في كـل الأقطار *** عـدوهـم مـا يـمـرح الـلـيـل سهّـار
وقال عواد الوحيد العنزي هذا المقطع من قصيده :
يا راكب اللي يسبق الريح وأن سار *** عـليـه من هـو لا نخـيتـه يـنـوبي
عـنيـت منـدوبي عـلى كـل الأقـطـار *** يـوم شمـال ويـوم يمشي جنـوبي
مرسول للفدعـان مهـدين الأعـمـار *** الـلابـة الـلي في عددهم اشعـوبي
لابـة مصوت بالعـشا للمـلأ أجـهـار *** ياصـل ويرجع ما عليه امحسوبي
وأهـدي تحيـاتي طـويلـيـن الأشبـار *** أهـل الشعـر والمعرفـة والسلوبي
سـلام مـنـي مـرسـلـه لأبــن عـبـار *** قـرم العيـال اللي كـلامـه اعجوبي
وسلم عـلى الـلي بالدياوين حضّـار *** لا جيتهم وسط المجالس حضوبي
واشرح لعـبداللـه مضامين الأخبـار *** وقـلـه تـرى عـواد تقـل مهـزوبي
فأن كنت أناغلطان نبدي لك أعذار *** أسمح لنـا يالقـرم واستـر عـيـوبي
والحمد لـلـه ما ضربنا على العـار *** ومن قال أنا اغلب الرجال مغـلوبي
وقال لافي بن ناجي العنزي هذا المقطع من قصيده :
ومـن بـعـد ذكـر الحكـيـم *** نبدي فـي نظـم الأشعـار
تـحـيـه لأهـل الـنـظـيـــم *** وأخــص رجـال الـعـبـار
أهــدي سـلام ســلـيـــــم *** يـعـم اكـبـار وأصـغــــار
مـنهـم الـرجـل الـفـهـيـم *** أبـو مشعـل ريـف الجـار
في عـرفي أعرفـه حشيم *** حـفـاظ السمعـة والـكـار
وكـل اخـوانـه شغـامـيـم *** يـحـمـيهـم والـي الأقـدار
وأخوانـه يجلـون الظيـم *** صلـبـيـن بـكـل الأشـوار
أهـل العشوى مـن قـديـم *** ضد الدنس وضـد العـار
أقــولــه والـلـه عـلـيـــم *** لا هو كذب ولا هو اقمار

وقال الشاعـر فيصل بن عايض العنزي هذا المقطع من قصيده :
كـلـفــت قــرم خـافـقــه مـا يـغـــرر *** مشي الـدروب الخـالـيـه منـوتـلـه
بـابـيـات فـي داخـل خـطـاب مـزرر *** للوايلي معـطي الخبـر مـن جهـلـه
لـعـبـدالـلـه الـعـبـار شكـري مـكـرر *** الـلي خـذا مـن قـمـة الطيب جـلـه
مـن لابـة سـقـم الـمـعــادي امــــرر *** حـريـبـهـم بالكـون يشكي المـذلـه
وإلـى تـنـاخـوا دون خـلـف مصـرر *** عـدوهـم فـك الـنـشب مـا حـصلـه
حـزت طـفـت نـار الـردي ما تشـرر *** كـلـن يـصـارع فـارس مـبـغـضلـه
عـساه دايـم بالـقـشر مـا ايـتـضـرر *** وبـالآخــرة لـعــل ربـــه يــحـــلــه
قـرم عـلى طـرق المـراجـل مصـرر *** طـرق المـراجـل وضـحـه بالأدلـه
لـفـعـايـل الـويـلان جــمـّع وحــــرر *** أنـا اشهـد أنـه شايـل الحمـل كـلـه
والـلـي يـقـول الـحـق مـثـلي يـقـرر *** هــو الـذي مـجــد الأوايــل بـذلــه
بـذل لـه الـمـجـهـود حــتـى تـحــرر *** حـتـى تـحـرر واضـح بـالـسـجـلـه
أقـولـهـا مـانـي بـحــال الـمـشــــرر *** مـن لابـةٍ بـرم الـمـعـادي تـفـلــــه
وأن ثـارت الهيجاء ولهبهـا أيشـرر *** غـضـاورة كـون الـعـدا حـربـتـلـه
والغضوري قافـه عـلى الراي كـرر *** وأرجـو السموحة يا زبون المتله
أنـت الـذي قـافـك كما التـبـر والـدر *** بـيـن الـمـجـالـس دايـم مـا تـمـلـه
وقال الشاعـر فويران البجيدي هذا المقطع من قصيده :
أحذر يابو مشعل عن النوم وانعاس *** ولا أنـت عـنـد اللازمـه مـا تـبـالي
القـرم الـلي لعـداه ضارب وفـراس *** وللصاحب أحلا من القراح الزلالي
اللي يصد أهل الحكاوي والأنجاس *** مـن فـات حظـه حـط فيـه الهبـالي
ماهـم عـلى قـدرك دنيين واخساس *** مـا تـستـوي الا للرفـيـق المـوالي
وحنـا نصد خصوم قلاع الأضراس *** الشـاعـر الـلي كـل مشـيـه عـدالي
حذراك من كيد الثعالـب والأبساس *** وأحـذر يغـرك كيد بعـض الرجالي
ولا أنـت من لابـه قويين الأمـراس *** مـن ضربهم دايـم تشيـب العـيـالي
وقال فويران البجيدي أيضاً هذا المقطع من قصيده :
راكـب مـن عـنـدنـا فــوق الـشـفــر *** تـو جـيـب مـن الوكـالـه مشترينـه
صـوب دار الـوايـلـي لـف الـكــفـر *** أبـو مـشـعـل كـل حـيـه عـارفـيـنـه
مـا تـخـفى يـوم طـاح الـلـي طـمـر *** أتـكـل عـلى الـولي والـلـه يـعـيـنـه
لـو بـغـى الـطـريـق لا بــده يــمــر *** ياصلـه لـو كـان خصمـه حافـظينـه
مـا هــمـه لـو كـان قــدامـه وعــر *** بـس طـاروق الـردى حـطـه يمينـه
أبـو مـشـعـل دوم رايـه مـسـتـقــر *** مـا خضـع ولا مشى مـع خـايـنـينـه
أبـو مـشـعـل جـامـع فـكـر وشـعـر *** وأن حصـل لازم فـحـنـا جـايـبـيـنـه
بـأي وقــتٍ مـتـى مــا ربــه ومــر *** أنـخـنـا وحـنـا طـلـبـك مـنـفـذيـنـــه
وأن حصل لـه ظيـم ما نقبل صبـر *** مـا نـعـد اعـذارنـا لـو هـي سميـنـه
يـوم جـانـا الـعــلـم حـاولـنـا نـمــر *** نفتخـر يا شوق مـن يوضي جبينـه
شوفتك عـنـدي مثـل عـيـد الفـطـر *** تـشـكـرك عـنـاز فـي بـر ومـديـنــه
حـيـث منطوقـك مثـل نـظـم الـدرر *** وكـل شعـرك بالمجالس حافـظـيـنـه
بـالشعـر يـا الـقـرم مـا مثـلـك نـدر *** ويشهدون الـلي لشعـرك سامعينـه
أهـدي لـك أبـيـات يـالحـر الصـقـر *** والـقـوافـي بـالـلـغـوز مـلـغـمـيـنــه
قـلـتـهـا لـلـقـرم بـيـطـار الـشـعـــر *** والشعـر يالـقـرم عـني ويـن ويـنـه
وقال الشاعر الطرقي بن مرغل بن عسكر البلعاسي هذا المقطع من قصيده :
ومـن بعـد ذكـر الـلـه دونـت قيفـان *** رداً عـلى مـن يـكـرم مـجـود السـاس
عبدالله دهيمش لـه الطيب عـنـوان *** الـلـه يـديــمـه دايــم شـامـخ الــراس
يامـن جمعـت جموع وايـل بديـوان *** وسجلت فعـل أبطـال ربعـك بقـرطاس
سجـلـت تـاريخ الأوايـل عـلى شـان *** يـبقـا لـنـا في عـبـر الأجيال نـبـراس
الـلـه يثيبك عـلى جمعـه بالأحسـان *** دعيت لك من قلب وشعور وأحساس
الكـل منا لك يا أبيض الوجـه منـدان *** وأنت الـذي مـن اجلنـا للخطـر داس
نعتـز في فعـلك عـلى طـول الأزمـان *** لا جـاء مجـالـك بيـننا بكـل مجـلاس
وشكرتــنـا وارسلـت شكرك بقيفـان *** ومـن حـقنـا يا طيـّب الخلق والبـاس
رحلتك اللي دونت في عذب الألحان *** تشكر جميع اللي تعزوى من جـلاس
واللي شاهدتـه فـرحـة فيـك وكـدان *** يـفـداك مـن هـو لـلـمعـازيـب لـغـاس
ولمـثـلهـا نـدعـيـك يـا طيّـب الشـان *** أنـتـه واللي تحب تـدعي مـن النـاس
وقال الشاعر فراج بن عبدالله المشعان الخريصي هذا المقطع من قصيده :
الـمـدح يـزهـا لـلـرجـال الـنــوادي *** الـلي بـهـم لا كـلش الـوقـت تـدبـار
لـلـوايـلي الـلـي افـعـالـه اسـدادي *** شهم كريم وكاسب الطيب من صار
رجـواي بالـلـه ثـم فيـك اعتمـادي *** يا بو مشعل يامكرم الضيف والجار
علمك شهر ما بين حضر وبوادي *** يا معطي الجـزلات يـوم الردي بـار
انـتـم هـل الـطـولات فـعـل وكـادي *** يا مـا رفعـتوا ظيـم من كـان محتار
تاريخكم فـي صفحـة المجـد زادي *** زاد وتـبـيـّن بـيـرق الـعـز بـاذكـــار
يالشبل يالضرغام يا بن الأجوادي *** حيثـك شـدي السيـف للـراس بتـار
نسل الحـرار الـلي علومـه ابعادي *** هـذي فـعـايـل مـن قـديـم لـكـم كـار
حـلحـيـل حـلال الأمـور الـعــقـادي *** الـلـه يـفكك من صواديف الأشـرار
وقال الشاعر عبدالعزيز بن إبراهيم العنزي هذا المقطع من قصيده :
ومن بعد ذكر الله حضّرت الأبـواك *** أهدي سلام لمسندي نسل الأحـرار
سلام يـامـن تـفعـل الطيـب يـمنـاك *** سلام يـا نجـم سطع وسـط الأنـوار
سـلام يـا قـرم جـزيـلـه عـطـايــاك *** كـفـك لبـذل الجـود مـارد ومصـدار
عـبـدالـلـه العبـار يا عـز من جـاك *** شاعر بني وايل هل السيف والكار
ما تذخر الواجب لمن جاك ينخـاك *** عـز الرفيق الـلي عليه الزمن جـار
تعيش يامن فاعـل الخـيـر حـليـاك *** علمك ضهر يالقرم في كل الأقطـار
يالوايلي يالـلي عـلى الحق مبـداك *** عـز الـلـه أنـك تفعـل الخيـر تكـرار
الطيـب اصلـك يالسنـافي ومنشاك *** وان كـان تقـدر مـا تـذرّع بالأعـذار
الجود هو طبعك وهو من سجاياك *** لـو خـيـروه بـدار مـا بـّدل الـــــدار
لنـا الشرف حزت نزورك وننصاك *** عطف وحبابة ومجلس بـن وبهـار
تستاهـل العـليا عسى الـرب ياقـاك *** وانت الذي تستاهل المدح واشعار
انا اشهـد أن المدح يالقـرم يزهـاك *** من لابـةٍ يشهدلهم مـاضي الأدوار
اليـا لفـاك الضيـف يـفـرح بلقـيـاك *** تسعى بفك اللي وضع دونه أسوار
يالوايلي مـن سمع قيفانـك اغـلاك *** قـافـك غـزيـر وكنـه الغـيث مـدرار
انا اشهد انـه يرفع الراس طريـاك *** فيـك القصايد ياابيض الوجه تحتار
حديـت خصمه يـوم عـال وتحـداك *** ايضاً ولا ظـلمت يـا وافـي الأشبـار
الظلم مـاهـو من خصايل مـزايـاك *** والحمـد لـلـه زايـد الهـرج ما صـار
الـلـه يفكك مـن حواسدك واعداك *** ومـن هـرج نـاس لسنهم تقـل بتـار
يـاعـزنـا يـالـوايـلي لا عـدمـنــاك *** يـا فـايـزٍ بالطـيب فـي سـر واجهـار
يا فاعل المعروف بالطيب وصّاك *** تجهد تبي حسن الثنا وطيب الأذكار
وقال الشاعر معوض بن معيض الخمشي هذا المقطع من قصيده :
بعـبـدالـلـه العـبـار سـيـد المياميـن *** جامـع شمل عنـاز وحـامي حماكـم
رمز الفخـر ذخـر الرجال المسمين *** الـلي جنى قطف الأثـمـار وعطاكـم
وولف لكم شعـر الفخـر بالدياويـن *** اليـا جحـدت بعـض القبايـل ثـنـاكـم
اثـبـات حـق والـحـقـيـقـة بـراهـيـن *** رفرف عـلى رمـز المفاخـر لواكـم
وقال الشاعـر سالم بن عبدالله بن جهبل الشملاني هذا المقطع من قصيده :
بتكريم أبن عـبـار واليـوم ذا غـيـر *** هـذا وفـاء لـلأوفـيـاء فـي وفـاهــا
عـبـدالله الـلي دوم مسعـاه لـلخـيـر *** لقـبـيـلتـه يـبـذل جـهـوده عـطـاهـا
وفـق أمـور فـوق كـل الـتـعـابـيـــر *** الـلـه يـوفـق كـل خـطـوه خـطـاهـا
شاعـر ومثله لـه على الناس تأثير *** كـل القصص دور من اللي وراهـا
واليـا وجـد غـلطه وتحتـاج تغـييـر *** كـلمـه بـدل كـلـمـه وكـلمـه بـلاهـا
وكـم مـن مؤلف قال كذب وتـزويـر *** بالشعـر أبـن عـبـار قـال ونـفـاهـا
يالله عسى دايم عـلى العـز والخيـر *** تـمـت ونـفسي مـا لحقـنـا هـواهـا
وقال الحميدي بن عماش العنزي هذا المقطع من قصيده :
وبعد ذكر الـلـه مرحبا يابـن عـبـار *** أبـو مشعـل الـقـرم ذيـب العـيـالـي
الـوايلي مجنـاه مـن نسـل الأخـيـار *** يـا مـرحـبـا حـيـيـت أول وتـالــــي
وقال الشاعر حسن أبوراس من سكان بلدة الكوم الأحمر في شمال الأردن
قـم يا نديبي وأسمع العـلم وأختـار *** وأكتب أبيات من ضميري غـزيـره
وصـل سـلامي للأديـب أبـن عـبـّار *** الـوايـلـي لأولاد وايــل ذخــيـــــره
أرسـل تحـيـاتي لـه اجـلال واكبـار *** لأجـل العـقـول الـراجـحه والكبيـره
تلـقى المعـزة والكـرامـه والأوقـار *** عـنـد أبـو مشعـل للعشيـره بـريـره
من نسل لابه تكرم الضيف والجار *** اهـل المـواقـف بالسنين الخـطيـره
الـلي لـهـم تـاريـخ فـي كـل الأدوار *** مثـل الجـبـال الشامخـات العسيـره
كـل الـديـار اليـوم صـارت لهـم دار *** قـبـايـل وشـعـوب خـلـق كـثـيـــره
تاريخهم معـروف في كـل الأقـطـار *** يحفظ يـدرّس في جميع الجـزيـره
ودي تـشـد الحيـل بالحيل وأسـرار *** والـفـاهـم الـلي مـثـلـكـم نستشيـره
لا تشاور الـلي مالهم رأي وأشوار *** سـود الضمايـر عـاقـبين المسيـره
خـلـه يـولـي كـل حـاسـد وغـّــــدار *** وكـل ظـالـم بالكـون يلقى مصيـره
وقال الشاعر عبدالكريم بن صالح بن سويلم المطرفي هذا المقطع من قصيده:
وخلاف ذا سجلت بالطرس وأمليت *** قـيـفـان نـاقـيـهـا عـتـاق كـرامــي
يـا راكـب مـن عـندنـا فـوق وانيـت *** مـن مصنعـه تـّوه جـديـد العـلامي
قـم يا نديـبي وأنتهض كـان مـديـت *** تكلاك عين اللي حشى مـا يـنـامي
أنص الرياض كان من شرق جديت *** وجهتـك غـرب ومقـتفيك الكتامي
الـف النظيـم وساكـنـه كـان دشيـت *** ملـفـاك حـّواش الفخـر بالمهــامي
أول قـراك الـيـا لـفـيـتـه تـقـهـويـت *** ومـن بعـدهـا يقـلط لذيذ الطعـامي
وتـنازوا الغلمان كـان أنـت صديـت *** بقـولـت هـلابك يا جناب السطامي
وعـقب البشاشه والقـرا لا تعـشيت *** سلمّ عـلى الـلي مرسل لـه سلامي
سـلام مـنـي فـالـكـم بـالمـصـاويـت *** سـلام يـا نـسـل الـكـرام العـظـامي
سـلام خـصـه لأبـن عـبـار عـنـيـت *** الـلي عـن الـويـلان دايـم ايـحامـي
من عـزوة ماهي هـروج وهتاهيت *** هـل الخـصـال الـبـيـنـات الـدوامي
منهم مصوت بالعـشا مفـني العيـت *** ما أحـدٍ يـنـازعهم جـنوب وشامي
كـلـن تـمـنى مـثـلـهـم قـال يـا لـيـت *** الصحف تطوى وناشفات القلامي
راعي العطيه يومهم من ورا هيـت *** ما مثـلهم بالحضر وأهـل الخيامي
الـلي عـطاهم ما عطـوه السرابيـت *** يا ما عطوا من سابق لها رهـامي
والـثـالـثـه بـواجـت الـدار تـثـبـيـت *** هـم راس حربـة باللقاء كل رامـي
الـلي عـلى عـدوانـهـم لا تـشاريـت *** عـدوهـم مـنـهـم يجـيـه انـهـزامـي
وحمر النواظر كان قلت وتضاهيت *** خـيـالـت الـعـلـيـا كـرام الـقـوامــي
سموبها ولاني عـلى الناس صفيت *** ربـعي ولانـي فـي ربوعي مـلامي
واليا اعتزيت وقلت يالـروم ناديـت *** عـدوهـم مـنـهـم غـدا بـانـهشـامي
الـيـا اعـتـلـوا قـب سـوات العناتيت *** الموت بالشجعان والضرب حامي
منها أنت يا نسل الحناتيش ضويت *** تاريخ وايـل وسط سامي وحـامي
لـك العـلا والمجـد مـن ويـن حليـّت *** اليا أشتد بالويلان كـرب وزحامي
جـمعـت مـن تـاريـخ وايـل ورويـت *** وأعـليـتها عـن الـوطأ والمطـامي
وعن كل طامن يابن وايـل تساميت *** ورديت عن وايـل خطير الهجامي
وعـزاللـه أنك بالنسب زين سويـت *** أصبح حقيقـه عقب ماهي حلامـي
وأكفيتـنـا وسـط الجـزيرة ولاقـيـت *** ورديـت عـنـا مـن يـلـوك الأثـامـي
وعـاديت من شان القبيلـه ورديـت *** وعـرضت نفسك للخطروالصدامي
كـفخـت يا طيـر السعـد مـا تذريـت *** يـوم أن غيـرك صاب حالـه زكامي
مـا قـلـت مـالي باللقـا ولا تـدريـت *** ولا قلت وش لي باللقا والخصامي
لبست درع من الفخـر يـوم دويـت *** ونـطـحـت قـوم ما تخـاف اللكـامي
وأكفيت فـي تاريخ وايـل وعـبيـت *** وغصت البحورالمظلمه والجمامي
لا هنت ياللي لأجـل مبداك قاسيـت *** لا هـنـت يـا نـزه اللحي والبهـامـي
وتـرى القبيـلة قـدرت مـا تفـاديـت *** يـاعـل يـفـداك الـردي والـخـمـامي
والـلـه في مدحـك أبـد كـان كـليـّـت *** والقصد أبيّـن فـي قصيدك هيـامي
اقـولـه ولانـي عـلى الـوجـد حـنيت *** ولاالمال قصدي يا سريع الفهامي
ولاني سقيم عقب الأسقام عـوفيت *** والـلـه يـعـلـم غـايـتي والـمـرامـي
هـذا وأنـا كـانـي تأخـرت وأبـطيـت *** فـي بيعـتي لـك يـا عـلي السهـامي
بالشعر عفوك يا فتى كاني اخطيت *** والجود عند أهـل الكـرم مستدامي
أنـا لـمـثـلـك يـابـن عـبـار سـريّــت *** ولا تـراني قـبـل لا أسمـعـك كـامي
عـبـرت لـك فـي مـا كتبته وهـميـت *** مـمـا بحـاشي يـا زبـون الجسامي

وقال الشاعر محمد بن معتق اليمني العنزي هذا المقطع من قصيده :
عـبـدالـلـه العـبـار لـه منطـق زيـن *** قـرم عـلـى كـل الـشـديـدات جـبـّار
وأنصت لكلمه وحطها بين قوسين *** هـذا عـلـم وايـل وبـارع بالأشعــار
سجـل مفـاخـرنـا بكـتـب ودواويـن *** امـجـاد أوايلنـا حصاها أبـن عـبـار
انـفـق بـهـا مـالـه وتـحـمـل الديـن *** لأجـل القبيلـه مـا كنـز ربـع ديـنـار
سيف وبـه نطعـن كبـود المعاديـن *** مثـلـه ايـقـدم لا حصل موقـف حـار
وكل الرجال الفاهمه عنـه راضين *** ولا ردي العـرف مـا ايحـط معـيـار
والصاع ما ينكال في وزن صاعين *** وعن الغلط بالعمد ما تفيد الأعذار
ولك الوفاء عـنـد الرجـال الوفييـن *** وأنتـه جبل ما هزهزه عج وغـبـار
وحـنـا تـرانـا في جنابك فخـوريـن *** عساك تبـقى من طويلين الأعـمـار
وقال الشاعر قلود بن جديع الرويلي هذا المقطع من قصيده :
أهـدي لـبـن عـبـار مـنـي تـحـيــات *** الـلي بـذل مجهـود بانسـاب وايــل
هـرجـه صحـيـح ولا تـكـلـّم بـزلات *** جـمـيـع قـولـه واضـح بـالـدلايـــل
رجل صدوق وكل هرجـه له اثبـات *** ويشهـد عـلى قولـه قديـم الفعايـل
طـيـبـه كـثيـر ولا بـطيـبـه مـراوات *** لـيـت الـذي شـرواه مـاهـم قـلايـل
من لابـة الفـدعـان يـوم القـوامـات *** حـامـيـن حـد ديـارهـم بـالـفـتـايــل
الـلي يـبـوجـون الـديـار البـعـيـدات *** الـيـا تـعـلـو فـوق قـب الأصـايــــل
مقدمهم اللي صوتو بالعشا صوات *** يـوم العرب يصعب عليها المكايـل
يشهدلهم بالطيب في وقت الأزمات *** عـاداتهـم كسب الثـنـاء والجمايـل
واليا عطـوا مـا حسبوا بالخسارات *** يـعـطـون مـالٍ مـا يـجي لـه بدايـل
وقال الشاعر سعود بن عشوي بن رويضان الغضوري هذا المقطع من قصيده:
هات الاقلام وهات ياسعد قـرطـاس *** نـبـي لبـن عـبـار نـكـتـب مـثـايــل
الشاعـر الـلي منطقه مالـه اجناس *** مـن لابـة تـرذي المـهـار الأصايـل
الشاعـر الـلي منهجه يرفع الـراس *** عبدالـلـه العـبـار وافـي الخصايـل
للمرجله مدرك وعنـده لهـا قـيـاس *** حـاز الـرضى في سلم كـل القبايـل
شربت فعـل المرجله شرب بالكاس *** أنـا اشهد أنـك مـن سلايـل حمايـل
كـلام ابـن عبـار مبـني عـلى ساس *** كـلام أبـو مشعـل صحيح وصمايل
حـاز لبـني وايـل مـعـزه ونـومـاس *** هـو الـذي سـجـل تـواريـخ وايـــل
اللابه اللي اليا اعتلوا قب الأفراس *** بالسيف الأملـح عـدلـوا كـل مايـل
افعـالهـم يـوم المضـاهيـر تحـتـاس *** مـبـطي عـلـيـهـا يالسنـافـي دلايـل
لهم الفخـر لباست الـدرع والطـاس *** مرويـن حـد المرهـفـات الصقايـل
من هـازهـم في حافر الخيل ينداس *** يـا مـا وقـع بـنحـورهـم كـل عايـل
وقال الشاعر سعود بن عبدالمحسن بن منور العنزي هذا المقطع من قصيده:
ومن بعد ذكر الـلـه نظمت الأسطار *** أبـيـات شعـرٍ بـابـو مشعـل نقـولـه
مـن منطقـة حـايـل تعـنيت مشـوار *** يـم الـذي يـفـرح بـربـعٍ عـنـولــــه
حكيم فـي نـظـم القصائد والأشعـار *** راعي المعرفة والكرم والرجـولـه
ودي اشوفك يا ابـو مشعل بتكـرار *** لكـن ظـروف البعـد عـنـكم تحـولـه
معي نصيحه يا ابو مشعل وتذكـار *** ودي بصوتك يا أبـو مشعل تقـولـه
يحميك رب الكون من كيد الأشرار *** وبـالآخـرة دار الـسعـادة تـنـولــــه
وقال الشاعر فحيمان بن عودة الحجوري الجهني هذا المقطع من قصيده :
هات القلم واكتب عدد سجع الورق *** عـلى البـروق الـلي زبنهـا يشوقه
حي الجواب اللي لفاني من الشرق *** اجمل هبايب شرق جت به تسوقه
يا مرحبـابـه عـدد مـا خـيّـل البـرق *** باطـراف مـزنٍ مـا توقـف بـروقـه
أهـلا هلابـه عـد ما يخضـر العـرق *** واعـداد ما طلع الثمـر في عذوقـه
من خاطرٍ ما يسرق السالفه سـرق *** يطلـب مـن المولى يـزيّـن وفـوقـه
روابعـه من كثـرهـا تطـرقـه طـرق *** لـو مـا يطـاوعـهـا خـطيـرً تعـوقـه
اللي يدش الموج مخطر من الغرق *** والماهـر السبـاح يعـرف طـروقـه
وأيـامـنـا فـيـهـا مغـاتـيـر مع زرق *** ومـافـات بالـدنـيـا صعـيبـاً لحـوقـه
فيهـا الـرجـال بفعلهـم بينهـم فـرق *** وكـلـن يحـاول مـا تضيّع حـقـوقـه
وسوق الغلا جلاب لو سلعته حرق *** وكلـن يمشي سلعتـه وسط سوقـه
جاني جـواب الـوايـلي مابهـا درق *** مشروب صافي كـل عـاقـل يـذوقـه
كـز العـذر لشيخنـا باحسن الطـرق *** مـعـذار حـرٍ مـا تـخـونـه اسبـوقـه
وقال أحد الشعراء هذا المقطع من قصيده :
هـديـة الـعـبـار حـنـا قـبـلـنـــــــــاه *** قـول صحـيـح مـكـمـل بـالـعـبـــاره
اسميـت بالمعـنـا واحسنـت مـبـداه *** واحسنت في طرح المثل واختياره
حيـا الله الطيّب عسى الـلـه يرعـاه *** الـلي عـلى الطـولات كـلـه جـساره
يـبا المعـرفـه طيّـب الأصل والجـاه *** الـعـرف مـا يجـلـب عـليكـم تجـاره
الصبر طيّـب يا ابـن عـبـار ممشاه *** فـيـه الخصـال الـوافـيـة والمهـارة
الصبـر بحـدوده جـمـيـل ونـرضـاه *** ولا يـنـقـبـل صـبـرٍ تـعـدى عـيـاره
مـذكـور بـالـقـرآن لـلـنـاس تـقـراه *** الـلـه وعـد لـلصـابـريـن الـبـشـاره
والـلي عـمـل طـيتب فـلا بـد يـلقـاه *** ويحـمـيـه مـن نـار شـديـد حـراره
والـلي عـمـل شيـن فـلا بـد يجـنـاه *** كـل واحـدٍ بـالـكـون يحـصـد بـذاره
يا طيّـب الأخـلاق يـا راعـي الجـاه *** درب الـرجـولـه بـينـن فـي مسـاره
الطيـب يـبقالـك عـلى طـول ذكـراه *** وتبـقى لـك الـذكـرى بكامـل وقـاره
لـو ضاعـت أمـوالـك بـخيـر تـبنـاه *** الطيـب يـبـقى لـك ولا هـو خسـاره
وقال خلف بن مطارد العنزي هذا المقطع من قصيده :
قـم يـا نـديـبي وأتـجـه لابـن عـبـار *** من عيـال وايـل عريبين الجدودي
وصل سلامي وابـد له كـل الأسرار *** يالـقـرم قـلـبي صايـبـاتـه لـهـودي
يا مدركين الطيـب مـن قـدم الأدوار *** الـطـيّـب الـلـي للـرفـاقـه يـجـودي
عـز الرفيق ومكرم الضيف والجار *** وعز الذي من جور بقعا محدودي
وقال محمد بن سعد بن حامد بن حريب هذا المقطع من قصيده :
أبو مشعل نرسل له القاف مرسال *** وهو صليب الشور والقاسي يحلـه
هو عريب الجد وهوعـريب الخال *** بالـعـلـوم الغـانـمـه يـعـرف مـحـلـه
مـع شكـر مـني وتـحـيـات اجــزال *** قـلـتـهـا وأنـا ردودك مـحـتـرلــــــه
وقال فهد بن عيد القاسمي الرسلاني هذا المقطع من قصيده :
وارفـع كـلامي لـلـذي حـاط معـنـاه *** الشاعـر الـلي مـا بقـولـه معاذيـف
عـبـدالـلـه العبـار وأن حـل طريـاه *** أديبنـا الـلي هـام روس المشاريف
وقال عامر أبو عبدالله القهيدي هذا المقطع من قصيده :
سلام من القهيدي لابن عبار يلقاه *** باحـلا التحـيـة والسلام اتـعـني لـه
قـريـت كـتـابـك بالنـسب واتـمـنـاه *** اقـراه أنـا يـالـقـرم فـي كــل لـيـلــه
كـتـابـكـم يـالـقـرم دايـم ذكــرنــــاه *** وهـذي أمـانـه والأمـانـه ثـقـيـلــــه
ودي كـتـابـك يـابـن عـبـار اقـــراه *** جهودك يابـن عـبـار جهـود جليلـه
مـن نسل وايـل لأبن عـمـه فـدايـاه *** بـالطـيـب يشهـدلـه فـعـول نـبـيـلـه
وقال الشاعر عبدالعزيز بن ناجي الجعفري هذا المقطع من قصيده :
للمجد نـاس وللردى نـاس ونفـوس *** والـطيـبـه تـبقـى ويـرفـع عـلمـهـا
لاشك كان الروس ما تنحسب روس *** وجـودهـا بالكـون كـنـه عـدمـهــا
تبقى فعول أهل الوفاء كنز ودروس *** يعـيش راس بالشجـاعـه رسمـهـا
رجـال ذكـره عـز مـبـدى ونـامـوس *** يـبني صروح المرجلـه ما هـدمها
اقولهـا والسيف يفـرق عـن الموس *** السيف مـيـزان الحقـوق وحكمهـا
شروى مقـام القـرم عساه محـروس ***عـبـدالـلـه بفـعـله ورايـه وسمهـا
اليا وقف كل المصاعب لـه جلـوس *** تخضع تحت سلطان عزمه هممها
ما طـال وقـفـاتـه ضعيـف ودنفـوس *** المـرجـلـه تـخـدم نـبـاه وخـدمـهـا
يوم أن بعض المرجله زيف وفلوس *** عـنـده تبـاشير السعـد مـا ظلمهـا
لبس الوفاء يـزهـاه واعـز ملبـوس *** وعين الحسود اللي تحسده لطمها
وقال الشاعـر نايل بن عبدالله بن دهيمش العبار هذا المقطع من قصيده :
سبحان والي الكون محصي البريـه *** الـواحـد المعـبـود وهـاب الأرزاق
رب الـمـلأ نـرجـيـه صبـح وعـشيـه *** يا منـزل مـزن مـن الغــيث دفـّاق
ثـم ابـتـدي شـعـري سـلام وتـحـيـه *** للوالد الـلي محتوي طيب الأخلاق
الـلـي حـفـظ تـاريـخ كـل الـسـمـيـه *** رفع بـني وايل على راس شوهاق
تـاريـخـنـا مـعـروف بـالـجـاهـلـيــه *** ويلان ما نرضاعلى الراس مدناق
أبـوي أبـن عـبـار فـيـه الـحـمـيـــه *** أبـوي اللي دايم على الطيب سبّاق
أعـتـز فـي ذكـره وحـقـه عـلـيـــــه *** أدعـي لـه وحـبـه تغـلغل بالأعماق
يـا أبـوي لـيه أهـل العلـوم الـرديـه *** تكالـبـوا عـلـيـك مـن كـل الأشنـاق
حسادك الـلي عـلـومهـم خـربطـيـه *** تخاذلـوا يا بـوي عـن رد الأحماق
وأنا أدري أن الهـرج ظلم وجـنيـه *** تـلـفيـق قـوم عـقـلهـا مـا بعـد فـاق
لا تستـمع لأهـل الـنـفـوس الـدنـيـه *** مـا فـيهـم الـلي بالمقـالات صـّداق
لاشـك مـا نـقـبـل عـلـيـك الخـطـيـه *** أقـولهـا لـو حل بـه قـطـع الأعناق
وقال محمد بن جريبيع بن ضريغط هذا المقطع من قصيده :
سـلام يـالـلـي لـلـجـمـالات غـــّّراس *** يالـوافـي الـنـادر وفـي الخـصـايـل
الـلي عـملـتـه مـالـه اعـداد وقيـاس *** تجـمع شتـايـت عـزوة أولاد وايـل
الفكرة اللي صاغهـا معـرّب الساس *** مـن أول لـكـم الأولـه بـالـقـبـايـــل
ما هي حذيه ولا اشتركت بها ناس *** حـزتـوا عـلـيـهـا بـالسنيـن الأوايـل
يامن بك حميـا وغيره مع احمـاس *** وعـادك يالمنعـور حـوش الجمايـل
لا حال دون حبالها وأنطوى الياس *** دايم تحامي عن شخوص الحمايل
تعيش يا أميّل عقالـه عـلى الـراس *** يالـلي عـقـالـك دوم بالـراس مـايـل
وقال الشاعر كليب الرويلي هذا المقطع من قصيده :
القول هـو القول ما يرخـص أسعـار *** والأدمـي مـفـتـاح قـلـبـه جـوابـــه
والشاهد الـلـه مابهـا زيـف واقـمـار *** ولاهي حرى من شان رد الأجابـه
مـنـي تـحـيـه والـولاء لأبـن عـبــار *** اعـداد مـا خـط الـقـلـم بـالـكـتـابــه
ويا مرحبا بعداد ما تشوف الأنظـار *** وأعـداد مـا قـال الـلسـان وحكـابـه
الـوايـلي قـدره عـلى روسنـا شعـار *** رقـا سـنـام الـمـجـد عـز ومـهـابـه
راعي الحميا الوايلي وافي الأشبـار *** يستـاهـل التقـديـر حضـرة جنـابـه
عـسـاه ذخـرٍ عـنـد دورات الأقـــدار *** ولا هي غريب من الحميا القرابـه
وهذه الأبيات مقطع من قصيده قالها خالد بن عايش الطيار:
شديـت مـا يطـوي بعـيـد البعـيـدي *** جمس حمـر مديـل تسعـه وتسعيـن
سافـر بأمـان الـلـه ودونك بريـدي *** لـلابـة الـلـي يـطـوعـون العـنيديـن
زبـن الـمجـنـى بالنهـار الشـديـدي *** لا جـاء نـهـار فـيـه مـثـل البراكيـن
أنـتـم أهـلـهـا وكـل شـي أكـيـــدي *** أنـتـم أهـلهـا مـن قـديـم وهـلـحـيــن
أشـكي لأبـن عـبـار رايـه سـديـدي *** الـوايـلي عـلـمـه بـوسط الدياويـن
وهذه قال الشاعر نزال محمد الجعفري العنزي هذا المقطع من قيده :
أبـتكـر جـزل القـوافـي مـا أستعـيـر *** لعـن أبـو ثـوب العريـه مـا اقشره
مـن فـوادي قـادهـا سـلـك الحـريـر *** لأبـو مشـعـل بـالسطـور امسطـره
تستحـق المـدح يـا ريـف القـصيـر *** لــك مـعــزة وأحــتــرام ومـقــدره
مـن زحـول تـنطـح الجـمع الغـفيـر *** يـوم بـالـمـيـدان لـلـخـيـل اغــبــره
والـكـرم جـادوه بـالـوقـت العـسيـر *** بـالـلـيـالـي والسـنـيـن الـمـعـسـره
يـا أبـو مشعـل جعـل يفداك الحقيـر *** خــارب الـنـيـــة كـثـيـر الـثـرثــره
قمـت بالـواجـب جـزاك الـلـه خـيـر *** فـعـلـك المشهـود مـا أحـدٍ يـنـكـره
الـتـمـسـنـا مــن فـوايـدك الـكـثـيــر *** كـل جهودك يا أبـو مشعـل مثمـره
كـتـبـكـم تـاريـخ لـلـرجـل الـبـصـيـر *** بـالحـقـايـق والـصحـيح امـطـوره
فـي نسـب عـنـاز واصـلـت المسيـر *** لـيـن لـلـويـلان طـلـعــت اشـجـره
يـالعـصـامـي يالقـطـامي يـالشهـيـر *** أنــت حـــرٍ بـالـطـويــلــه مـاكــره
مـا يلـومـك غـيـر وجعـان الضميـر *** بـاهــره فـعـلـك وهــو مـا يـقــدره
أنــت يـا هــداج جـمــك مــا يـغــيـر *** بـالـروي كـل الـقــبــايـل تــذكــره
مقصدي مدحـك ولا أبـي شي غـيـر *** مـثـلـكـم نـطـلـع ثـنـاه ونـشـكــره
نفـتخـربـك وأنـت شـاعـرنـا الكبيـر *** سـيـفـنـا الـلـي لـلــوازم نــذخـــره
أبـو مـشـعـل يـاخـذ الشـور ويشيـر *** ويـاخـذ الحكمـة بعـقـلـه وأنـظـره
شـاعـر الـويـلان بـالـمـعـنـا جـديــر *** تنهــل الشعّـار مـن فيـض ابحـره
يـوم دولاب الـمـشـاعـر يـسـتـديــر *** خـصمـكـم يـنشـب كـلامـه بـنحـره
مـا تـجـاهـل مـن يـسـب ويستـثـيـر *** يـردع الـمـخـطـي ويـلعـن كـوثـره
يـا بـعـد مـن حـط سـيـفـه بالجـفيـر *** لا نــفــع ربـعــه ولا فـيـه اثـمــره
والسمـوحـة وأنـت بالمعـنـا خبـيـر *** أن حصـل تـقصيـر مـنـك المعـذره
مـبـتـداهـا ورد يـنـفـح بـالـعـبـيـــر *** وآخـر الموضـوع مسـك وعـنـبـره
وقال الشاعر نزال بن محمد الجعفري أيضاً :
راكـب الـلي لا تروّح يعجبك مرواحـه
جيب شاص وفيه ميزات ماهي بغيره
لا نهـت باثنين والسايق لـواه وماحه
نهتت اللي مع غروب الشمس ضيّع طيره
مع خوياً لابس تاج الشرف ووشاحه
مثـل أبن عبار شاعرنا حسين السيـره
جعـل تفداك الرخـوم ملوثين الساحـه
هـمهـم للشاعـر التصفيق والتصفيـره
بـالـمـنـابـر دايـم صـلاخــه وذبـاحـــه
والحقيقة شعرهم من جرف في دحديره
وأنت شاعرنا الكبير اللي بعيد أشباحه
من دهاه وطيب ذاتـه فـارض تقديـره

وقال الشاعر متعب بن عيد بن مرهق الغضوري هذه الأبيات :
أما البيـارق مـن قـديـمات الأزمـان ** رفعهـا أبـو مشعل جـزيـل الفعايـل
يـوم أرتـكى للحـمل شالـه بلـيهـان ** يـشهـد لـه التـاريخ هـو والقـبـايـل
وقال الشاعر بن عيد بن رهق الغضوري :
ما دام مالي مـن وراء المـدح مقصـود ** مـالـي هـدف غـيــر الـغـلا والـمـعــزه
أبي أمدح اللي بيّض الـوجه يا سعـود ** الـلـي عـن دروب الـرديـه مـنـــــــــزّه
فـي كـل مـوطـن لـه عـلامـات وشهـود ** عـيـال وايـل كـل أبـوهـا تـعــــــــــزه
الـديـن والأخـلاق والـشـعـر والـجـــود ** تـلـقـاه فـي رمـز الـوفـاء كـل حـّـــزه
عـبـدالـلـه الـعـبـار يـرحـم هـاك الـعـود** الـلـي نـجـب راسـه ولـلـمـجـد لـــّـزه
وقال الشاعر متعب بن عيد الغضوري هذا المقطع من قصيده يتصدى لشخص:
أسمع أسمع يالمعذرب دام انا خصيتك
السوالف دامها وصلت لأبن عبار ما نجهلها
معـقـب الفنجـال كـان أنـي لهـا خليتـك
بالأسف بعض الأوادم هـرجها فشلهـا
لا تحسب أن المراجل بس خذني جيتك
المـراجـل يعـجـز الـرجـال مـا حصلهـا
المراجـل فـاز فيها يرحـم الـلـه مـيـتـك
شاعـرٍ مـثـّل قـبـيـلـه كـامـلـه بـكـمـلـها

فاز فيها اللي جهلته بس عنهـا أنبيتـك
تعـرفـه كـل الـرجـال الـتـالـيـه وأولـهـا
أبو مشعل هو فخرنا وعنـه أنا حديتـك
الأديـب الـلي فعـايـل لابـتـه فـصـلـهـا
أبن عبـار أفتخـر بـه مـار أهجـد ليتـك
الفعول اللي وصلها أنـت مـا تاصلهـا
خل عنك النقد وأجلس واسترح في بيتك
لا تحـسب أن المـراجـل لـقـمـةٍ تـاكـلـهـا
التهـاون والسهولـة مـا تشـيّع صيـتـك
لا تحسب أن المعـالـي صيـدةٍ تخـتـلهـا
وقال الشاعر حمود بن نايف الغضوري هذا
المقطع من قصيده :
وبعد ذكر الله نبـدأ القيـل فـي لفـظ السلام
هو تحية مؤمنين الخلق نحو أحبابهـا
يا سلام الله أعـداد كـل مـن صلـى وصــام
وعـدد ذرات النفود وعدد رمل ترابهـا
لك يا ابن عبار تهدى في وقار وبـاحتـرام
يـا الأديب اللي تدافع يوم غيرك هابها
عن لزومك ما تقصر كـان زاروك الحشام
وكـان تقدر للحوايج من عنالك جابهـا
عـند دسمين الشوارب لـك تقاديـر ومقـام
والـرجال أهـل الحمية نلت كل أعجابها
بجتهـادك للقـبـيلـة تستحـق أعـلـى وسـام
والعلوم اللي تشرف عادتك تسعى بها
أنـت فـي مجـد القبيلـة دوم تـمشي للإمام
قـمت في جمع المفاخر فعلها وأنسابها
أنت ضد اللي هجاها وأنـت خصم للخصام
نـالت خبـاث المهاجي منك أشد عقابها
في مثابة فارس الشجعان في حد الحسام
يعتزابـه كان الأعداء حان فتل اشنابها
قلتهـا تقدير مـالي مـن وراء قولـي مرام
فعلـك وقدرك وطيبك هو تراه أسبابهـا
نشكـر الله ثـم نثـني شكرنـا لنسـل الكـرام
ونرفع البيضاء بقمـة عاليات هضابهـا
أنت شاعر بني وائـل في معـاني وأفـتهام
يـالسنافي رشحوك صغارها وشيابهــا
من مناهل عذب قافك دوم ما نصدر حيام
ومـن معانيك المعاني دوم نطرق بابهـا
شاعر ومنطوق شعـرك منه يذوب اللحام
قـلت وألفاظك ثمينـة عارفيـن حسابهـا
يا أبو مشعل لك مواقف خلت فعالك سنام
وربعـك دروب المراجـل والعلا ترقابها
وأن تفاخرنا بنسبنا يا ابـن وائـل مـا نلام
خـل الأفـاعي تمـوت وسمهـا بأنيابـهـا
ربعنا من صلب وائل ما علينا من أتـهـام
ربعنـا كيـد الأعادي يـوم عقـد أنشابهـا
احتموا دار الجدود واحتمـوا ذود الجهام
واحتموا دون الدخيل وعـز من يلجابها
كـم عـدو مـا يـمـيـّز بـالحـلال وبـالحــرام
كــل مـا يـدخـل بـقـبةٍ كبّـر وصـلى بهـا
حاسد وحاقد ويمشي آمـن بظــل النـظـام
يحسب أن حقـوق غيـره كبهـا طلابهـا
والخلاصة نختصر بالقول عن كثر الكلام
اختصرت وكل جملة ما تخفاك أعرابهـا
وقال الشاعر صالح بن ضويحي السلمي العنزي
هذا المقطع من قصيده :
وفي يميني سقت باسم الوفاء فنجال هيل
لليمـيـن الـلي تـقـدر وفـاي وتحـتـفـيـه
ما نبيهـا مثل ما يقال من تحت الشليل
كلمـة الرجال لـه تحسب أو تحسب عليه
لا يغـرك من يحط برخاء الوقت ويشيل
لـو تشوفه بالرخاء كـل منبـر يعـتـليـه
لا تجلى الفجر الأبلج من بعد ساعات ليل
فارس أيام الرخاء طاح رمحه من يديـه
وعزوة نبراسها المجد جيل بعـد جيـل
تـفـتخـر بالـوافي الـلي كلامـه ينتصيـه
أبـو مشعل لا تبرى العـميل من العـميل
أعتزا لعـيون من هو بالمواقـف يحتريه
وقفته وقفت شجاع سمع صوت الدخيل
وأنتخى واسرج جواده وشمـر ساعديه
كل مدح يقال في حـق عبدالـلـه قـليـل
لـو كلام المـدح نـوفيه شرح وننتقيـه
الوفي راعي الوفاء لا أنكسر عزم الهزيل
الشيـم هـو تـاجـهـا والمـراجـل تهـتـويـه
أنشدوا معناه عن شذرة السيف الصقيل
وأنشدوا من يصنع السيف هو ليه ايحنيه
والحكيم الـلي معـانيه شهد وحنظليـل
لـه بياض الوجـه باسم القصيد وسامعيه
شاعـرٍ راعى ضميـره ولا يقبل يعـيـل
شـامخ معـنـاه فـيـه الـدليـل لمـن يـتـيـه
مثـل أبن عبـار ما اقول مثله مستحيل
نـادراً وأقـول مثـلـه قـليـل بـما رضيـه
أحتمى الماقف بيوم جرى مالـه مثيـل
مـا تـزعـزع مـن كـلام قـبيلـه يـفـتـريـه
عاش راس بالوفاء لـه براهين ودليـل
لا مدحتـه ما أفتريت المديح ولا أدعيه
كل مدح يقال في مدح عبداللـه قـليـل
الأديـب الشامخ الـوافي الشهم النـزيـه
وقال الشاعـر هايل بن عبدالله الربشاني
القعيقعي هذا المقطع من قصيدة :
شاعـر بدع القوافي جابها طـاري مجيـه
لأجل أبو مشعل نصوغـه عن نقاص وعن خماله
من وصل عند الجماعـه صارت الديره بهيه
أشهد أن الكل هلا واسفهل وزان بـالـه
مرحبا والفين مرحب يا هـلا والفين ميـه
كل ما ذعذع جنوب وكل ما ذعذع شماله
سنـة العيد رمضان وسنته عقب الضحيه
وأنت جيت بجيتك عيد فرحنابه لحالـه
يا عنزي وأن تعزوى يعتزي باسم عنزيـه
وش عليه وراعي الأول له فلا نلحق جماله
مرحبـابـك بيـن ربـع تنتسب للـوايـليـه
ما بهم قول يقال ولا بهم شك وجهاله
وقال الشاعر فهد بن سماح العنزي هذا
المقطع من قصيده :
بـيـد الـذي بالـمعـالـي معـتـلي شـانـه
حضرت جنابـه بوقـت العـز يطرونـه
أصـدق دلايـل بـني وايـل وشيـخـانـه
خـطـه أديـب لـعـزه يسـهـر اعـيـونـه

يسلـم جـنـابـه الـيـامـن هـل قـيـفـانـه
مـن فضل ربي اعداه تموت مغبونـه
عبدالـلـه مـا نجهـلـه لا ثـار بـركـانـه
نجـم الجـدي معـتـلي باسمـه يسمونـه
قـرم لـمـن يـقـصـده مفـتـوح ديـوانـه
وايـقـلـط الحـيـل لـرجـال يـضيـفـونـه
هـذا الـذي يـاخـذ مـن العـلـم وكـدانـه
سوالـفـه مـع جميع النـاس مصيونـه
نفسه عـلى المرجلـه والطيب شفقانه
دايـم اعــلـومـه هـل الـذمـه يـعـدونـه
رفـيـع راس امتعـلي صـرح مسكانـه
ونفس تبي تعـانـده خـرسا وملعـونـه
الـسـم يـسـقـيـه مـن كـفـه لـعـدوانــه
وكبـد العـدا مـن لقـاه تموت مطعونـه
أرخـى ذراعـه بـعـز الـعـلـم ثـم مـانـه
اليا ما اصبحت جميع الناس يقـرونـه
لـه الـثـنـاءْ عـد هملـول مـن أمـزانـه
واعداد ما غـرد البلبل على اغصونـه

وقال علي بن صويلح رحمه الله هذا المقطع من قصيده :
يا أبن عبار نعـم بربعـه أولاد وايل *** يحتمون الوسيق ويحتمون الرعيـه
ينطحون الجموع ويحملون الثقايل *** وأنـتخى كـل منهـم عـزوتـه وايليـه
تايـه الدرب ينشد لين يـلقا الـدلايـل *** يابو مشعل وفيت وزاد فضلك عليه
أرفع العلم حيثك من رفاع الحمايـل *** يا أبو مشعل حماك الله من كل سيه
وقال الشاعر علي بن علي بن صويلح رحمه الله هذا المقطع من قصيدة :
يا أبو مشعل تعبت وضاع فكري والضمير أحتار
أخاف من الفشل يا عارف الديرة وأهاليها
أبـو مـشـعـل معـه عـلـم يـدرس قـاصـر الأفـكـار
يشير ويستشير وحاجتـه بالنفس يقضيهـا
إلى دارت عـلوم الناس قـالـوا مـا عـلـيه اغـبـار
تصاريفه ما احد يقدر يقول ويعترض فيها
إلى وكلته عـلى القالا ت ما عاد للحسوفـة كـار
مثل ما قالوا أرسل نادر وللحال يشفيها
ولا أنـا بمتحسف يـوم أني قـدمـت أبـن عـبـار
طبيب للمعاني كـل مـا تشـكي يـداويـهـا
وقال علي الصويلح أيضاً من قصيدة :
سلام لأبن عـبار ما طـار مـن طـيـره
ومـاهـل مـن وبـل السماء مـن تماطيـره
تفكـرت مـن يقـضي لـزومي وحاجـتي
ولا شفت منهو ينطح الموجبـه غـيـره
أنـا يا أبـو مشعـل جـيتـكم خـاطـرٍ لـك
كما أنك تعـرف الحـلم حـلـه وتعبيـره
مـن الـلي يحلـوم المشاكل إلى أوشكـت
وأنـا أقـول أبـن عـبـار نرضى بتدبيـره
إذا قـال لـك عـلـم فـي الأنساب فأقضبه
تـرى مـا أحـدٍ يـقـدر يصوّر تصاويـره
يعـرف الجـدود الباليـة فـي أول العـرب
يجـيـك بعـلـوم الأصيـلـيـن والجـيـره
وقال فراج بن منصور المزروعي الموايقي هذا المقطع من قصيدة :
باسم الإله الغفـور *** بديت ونظمت اسطور *** لشاعر عناز المشهور

نهديها لأبن عـبـار

على تأليفـه مشكور *** سجـل فعـل مثل النور *** كـلام الرجـل الوقـور

صافي ما عليه اغبـار

قال محمد بن فلاح بن عايش الحماد هذه الأبيات :
أنظـم جـزلات الأشعـار * باسم الكريـم الجـبـار *عـالـم تصـريـف الأقــــدار

رب الأنس ورب الجان

ومن بعـد ذكر الرحمن * ابعـث مـن قـولي بـيـان * كـلام مـابـه بـهـتــــــان

يهدى لقرم من الفدعان

محصي امجاد العشيرة * في كل أطراف الجزيـره * ومدحهم في كـل ديـره وذكر شيوخ وفرسان

عبدالله ذيب ابن ذيـب * هـو الشاعـر والأديـب * مـن أهـل الكـرم والطـيب

من شغاميم الويلان

مـن محـمـد لأبن عبار * أرسل مـن نـبـع الأفـكـار * هـذا قـولـي بأختصـار

وأسمح لي كاني غلطان

أنا اشهد أنك وفيت *** يامن بالشعر عديت *** ذكرت امجاد وحصيت

وذكرت شيوخ وفرسان

أفعال وايل قديمات *** وعندك دلايل وأثبات *** كسرى شهد لك بالذات
والشاهد بنت النعمان
وقال الشاعـر عوض بن عبدالواحد العنزي هذا المقطع من قصيده :

يا ولـد عـبـار دايـم عـلى الطـولة تـهـام
ليـن تبلغ ذروة المجـد بعيـون الجميع
يـا وديـع كـلـمـتـه كـنهـا وقـع الحـسـام
من شرى في كلمة الحق ملزوم يبيع
وأنـت ما بعت الحقايق ولا تشري هـزام
باقي في عـزة النفس ما قدرك وضيع
وقفتك في موقف الحق في صدرك وسام
رغـم كيد اللي بطانه على الذمة وسيع
يفتخربك علو الأنساب في حرب وسلام

كنك كموج البحر من دخل وسطه يضيع

وهذه الأبيات رسالة جوال من حمود بن عافت بن جدعان المجيد العبدلي :
الـلـه درك بـالـوفـاء يـا ابـن عـبـار *** لا هـنـت يا نجم سطع فـوق عنـزه
تبـقى ويبقى مـركـزك بيـن الأقمـار *** ولا كـل مـن رام الـمعـالي يـحـرزه
مـا أقولهـا قـصدي أباهي بالأشعار *** لا شـك مـثـلـك للصعـايـب نـكـنـزه
وقال الشاعر علوش الشمري :
شاعر بني وايـل بعيـدٍ عن العـييـب *** متحـدرٍ مـن نسـل يعـرب وعـدنـان
يـصوغ زيـنـات المثـايـل بـتـرتـيـب *** وايـركـب المعـنى عـلى كـل عنوان
من حيث ابن عبار هو منقع الطيب *** راس الحـميـا والشهـامـه كحـيلان
وقال الشاعر ثاني بن عويجان المضعان هذه الأبيات :
يـالـوايـلي مـبـروك عـيـد الضحيـه *** عسى تعـوده دايـماً يـا أبـن عـبـار
يـالشـاعـر الـلي تفـتخـر بـك سميه *** تفخـر بك الويلان في كـل الأقطـار
والتـهـنـيـة بالـعـيـد واجـب عـلـيـه *** حبيت اترجم لك شعوري بالأشعار
وقال ثاني بن عويجان الحسني هذه الأبيات رسالة جوال :
سلام أحـلا مـن العسل يا ابن عـبـار *** مني يا أبو مشعل لحضرة جنابـك
مـن شاعـرٍ يـغـليك يا بحـر الأشعـار *** ومن كثـر ما يغـليك حافـظ كتابـك
ودي يـشـرفـني جـنـابـك بـمـسـيــار *** اقـولـهـا مـلـيـون مـّره هـلابـــــك
بالـقـلـب والـلـه لـك مـعـزه ومـقـدار *** يالوايلي اسمك شرف في غيابـك
بـك نفـتخـر يـا طـيّـب السلـّم والكـار *** من دون وايل كـل شاعـر يهابـك
تستـاهـل التكـريـم فـي كـل الأقـطـار *** دافعت عن وايل ويحسب حسابك
وقال عبدالكريم الركابي هذه الأبيات رسالة جوال :
الـوايـلـيـه اعـتـزت وانـتــخـت بــك *** وانت فخرها وعـزها يـوم تـنخاك
سيقت لها البشرى هلا وافرحت بك *** تضحك لهـا الدنيا بطـاري محياك
وهبه من اللـه يـوم هي اوهبت بـك *** حـظ لهـا سعيـد بمثـلـك وشرواك
بـغـت تضـيع أمجـادهـا لـولا كـتبـك *** لـولا الـلـه المولى ومن ثم لولاك
حـميـتـك ساقـتـك واستـقـت ركبـك *** حـفـظـتـها الـلـه يـديمـك ويحماك
وقال عبدالكريم الركابي :
لا عــددوا شـعـّـار كـل الـقـبـايــــل *** والـكـل مـنهـم قـام يـفـخـر بشاعـر
انا افـتخـر بـك شـاعـر اولاد وايـل *** احـكـام شعـرك يـالـمـعـنـى ذواعـر
لـك مـوقـف مشهـود مابـه جهايل *** قهـرت خصمـك لـيـن روح يجـاعـر
تـزها الـمدح حيثك وفي الخصايـل *** ذكرك من دير الزور لدار الصياعر
وقال عبدالكريم الركابي العنزي رسالة جوال مرسلها إلى عبدالله بن عبار
المـدح يزها الوايلي زاكي الأنساب *** الـلي لأجـل وايـل بـذل كـل مجهود
الـوايـلـي ولـف دواويـن وكـتــــاب *** تأليفـهـا باسمـه مسجـل وموجـود
انفـق مصاريفـه ولا حسّب حساب *** اللي بشعره عن حسب وايل يذود
قرم العيال اللي من الخصم ماهاب *** أسطى من مصقل شطير ومزنود
أبيات من أحد الأخوة رسالة الجوال :
مشكور يا راعي الوفاء والجمايـل *** يـا نـادرٍ روس الـنـوايـف رقـاهـــا
يا أبو مشعل يفداك عفن الخصايـل *** الـلي عـلـوم المـرجـلـه مـا قـواهـا
الـطـيـب ساسـك والـفـعـايـل دلايـل *** والـعـز طـبـعـك لا تـزايـد قـسـاهــا
وهذه الأبيات من أحد الأخوة رسالة جوال :
انـت الـذي رفـعـت صيـت القبـيـلـه *** جـمعـتهـا مـابـيـن حـضـر وبـدوان
نرفع لك البيضاء بـراس الطـويلـه *** يا عـزنـا يا فخـرنـا يـا أبـو عدنـان
هـذا كـلام الصـدق مـا بـه جهـيـلـه *** شفـت الحميه فيك والفعـل برهـان
وهذه الأبيات أيضاً رسالة جوال :
سلام منـا لأبـن عـبـار زبـن الدخيل *** اعـداد مـا لاح بـارقهـا ورعـادهـا
شاعر عيال وايل مثـل حـد الصقيـل *** مسند الوايليه فخـرهـا واسنادهـا
وقال خلف نزال الصريع هذه الأبيات :
يالوايلي مـا شفـت مثلـك بهـالنـاس *** فيك الوفاء والوقت شح الوفاء فيه
أنـت الـذي كان اظـلم الليـل نبـراس *** لاجارت كروب الزمن صحت اناديه
أنت الذي بين الذهب جوهر الماس *** غـالي الثمن عندي ولا احد يـوازيه
وقال الشاعـر زكريا بن حمدان بن حطاب الصعوب :
صدق الدلايل * في نسب ولد وايل * مجهـود هـايـل * قـدمـه حـر الأحرار
قـاده هـديــه * للـنـفـوس الأبــيـه * أهـل الحـميه * عنوزها كبار وأصغـار
عبدالـلـه الـلي * ما مشى بدرب ذلي * الـلـه يخلـي * خلـفـة الـقـرم عـبـار
كتابـه موفـق * في علومـه موثـق * ما حـرف لفـّق * يا حلو طيب الأثمار
يـرجـو بشـده * في حنـان ومـوده * من كـان عـنـده * قول ثاني أو أخبـار
يبعث دليله * والشكر له جزيلـه * ويحفظ جميله * والـعـذر لأهـل الأعـذار
هـذا كـلامـه * يرتجي في ختامـه * كـل السـلامـه * لـلبـوادي والأحــضـار
وهـذي دلالـه * عالوفاء والأصالـه * خلـق ونبالـه * غيرهـا مـا حمل كـار
جهـدك مبارك * يالوفي لـك نبارك * كـلاً يشارك * بالفـرح يا أبـن الأخيار
وعـيـال عمـك * همهـم دوم همـك * أرض تضمـك * زانهـا الـرب وأختـار
كتابـك قريتـه * في حنان ولقيتـه * بجهـدك بغيتـه * والتـعـب ليـل وأنهـار
تبحث وتسأل * ومن هل الشور تنهل * وبالعقل تعمل * والعقل زينة الدار
عـلومـك أكيـده * بالأدلـه فريـده * نـثـر وقـصيـده * ما عـلى قولك اغـبـار
فيهـا الحقيقـه * وغيرهـا ما تطيقـه * مـن كــل ضيـقـه * يرفعك رب غفار
قـول بمحـلـه * تـدمـغــه بـالأدلـه * كـفــّيـت والـلـه * تبدع بـنـثـر وأشعـار
الشكـر لـلـه * والثنـاء ليـك جلـه * سـيـف تـسـلـه * ومـا كـنت يـوم غـدار
سيـف العلومـي * في زمنـا لزومـي * ضـد الخصومي * والقلم سيف بتار
ومهمـا وصفتـك * بالكـلام ومدحتـك * ومهما شكرتك * أعلنه للملأ جهار
أنـي مقصّر * وعـاجـزٍ كيف أفسّر * جـهـد ليبصّر * جاهـل بعطـر الأزهار
زهـر القبايـل * مـن بطون وحمايـل * أنساب وايـل * ألـفــه بـجـهـد جبـار
أبـن العنـوزي * بالمحبـه يفوزي * أغـلا الكنوزي * قدمـه بعـزم وأصرار
كتـاب المحبـه * للأهـل والأحـبـه * أفـكـار خـصبـه * يسلمن ذيـك الأفـكار
وأختـم كلامـي * بالثناء والسلامي * لأهـل كـرامـي * أهلنـا بكـل الأمصار
وأجمـل تحيـه * من سهـول الثنيـه * أرض أبـيــه * بالكـرك عـز الأجـوار
بأسـم الصعوبي * شيبهـا والشبوبي * بقلب طروبي * نرسله لأبـن عـبـار
أبـن العمومـه * صـادق في علومـه * يفرج اهمومه * رب عالم بالأسرار
ونطلب من الـلـه * في خضوع ومذلـه * يرعى بضله * شاعرٍ حـر مغوار
كاتب أديب * وفي فنونه تعاجيـب * شهـم ونجيـب * وحافظ العهـد ما بـار
ويجعل أيامه * عامره بالسلامه * وعزه وشهامه * ومن طويلين الأعمار

وهذه الأبيات قالها عبدالله الموسى الخرشاوي يسند على عبدالله بن عبار :
أبتديت بذكـر ربي وأسأله يرضى عـليـه
أسأله يحفظ لساني والفرج يوم الكروب
من يسب أنسان مثلك عاجزٍ لا يصير زيه
اللسان يبيّن الـلي حقـدهـم وسط القـلـوب
أقـرأ الـتـاريـخ تـلـقـا كـل صـادق لـه أذيـه
سنة الـلـه في عباده الأذى مـن كـل صوب
أنقتـل هابـيل غـيـلـه دون ذنـب ولا خـطيـه
والنـدم قـابـيـل شـالـه حـامـل كـل الـذنـوب
ومن بعد هـذا محمد يوصف بخيـر البـريـه
قيـل كاهـن قيـل ساحـر قيـل كـذاب ولعـوب
بـان كـذبـه وأتـضح كـذب أبـو جهـل وأمـيـه
والـلـه أن الحق واضح يعـرفه كـل الشعـوب
تـأتـي الأبـطـال بـعـده عـادل بـيـن الـرعـيـه
جـاه قـتـال مجوسي عـن مـراده مـا يـتـوب
أن بـغـيـت الـرد دحـه قـلـت عـزوه وايـلـيــه
جاتـك جموع تداحـم من شمال ومـن جنـوب
وأن بغـيـت الـرد كـلمه مـن زمـان التـغـلبـيـه
لو مشد القاف صخره عنـد ابـن وايـل يـذوب
وش تـبـي أمـر تـدلـل لـو تـبي هـذي وذيـــه
بك نشوف الحـق واضح بـيـنـه كـل الـدروب
وقال عبدالله الوسى الخرشاوي هذه الأبيات يسند على عبدالله بن عبار :
أحب ربـي عـظـيـم الـشـان وأجـلـه ** فضايـلـه مـا تـعـد وكـيـف نحصيهـا
أجل نـعـمـه وهـبنـا الـديـن والمـلـه ** من أمـة المصطـفى للـحق هـاديهـا
يا فخر وايل عـريب الساس عبدالله ** مهما مدحتك أفعالك ما أقدر أوفيها
قطفـت أزهـار المـراجـل كنـهـا دلـه ** ومديـت فنجـالهـا لـلي طـمع فـيـهـا
منظـوم شعـرك بـه التاريخ ما أملـه ** أخبار ناس مضت لولاك ما أدريهـا
يالجهـبـذ الـفـذ يـا حـامي عـريـنـلـه ** يالوابل الـلي همـل وأنبت قـوافيهـا
الوصف كايد وسامحني عـن الـزلـه ** بك أنظم أبيات فـيها النفس أسليها
ريان جنـة عـدن صومك لـك يـدلـه ** وفي ليلة العيد ضاعف لك حسانيها
وقال الشاعـر جميل بن محمد الحوسي هذه الأبيات بمناسبة أصدار شريط التصدي للحملة المغرضة :
يـالـلي تـبي تعـتـاش لـو هـو بـدينـار ** أرضك محل وأنت تحلم عايش بزيف
تحـفي قـدم رجلـك وتخـثـع بالأحجـار ** تبحـث عن المحار في شاطي السيف
تـطـرد سـراب القـيـظ ظـامي ومنهـار ** تبغي تبل الريق عـن حامي الصيـف
تبحث عن الشهرة وتلعـب بهـا قـمـار ** كـنـك عـن الـويلان كـاتـب وحـريـف
أنسـاب وايـل دونـهـا سيـاج وأسـوار ** حاميـه أبن عـبـار عـن كـل تحـريـف
عجـز هـل التـأليـف بجهـود وأصخـار ** هـو الصحيح وكـل تحـريف تـزيـيف
الـزيـف يـبـقى زيـف يـا طـافـي النـار ** يا الـلي تـبي التأليف من غير تكليف
مـالـك ومـال الـلـي حـمـاه أبـن عـبـّار ** عـبـدالـلـه الـلي ألـف الصدق تأليـف
وقال الشاعر جميل بن محمد الحوسي هذه الأبيات على نفس المناسبة:
يـا مدعـيـن العـلـم بـيـن الـبـرايـا يالـلي بحثـتم فـي تواريخ وأخبـار
شـدوا ومـدوا في جميع النحـايـا ** وهاتوا لنا البرهان في كل الأقطار
يا مـدعـي يـا مكـتشـف للخـفـايـا ** يالـلي لقيت آثـار فـي داخـل الغـار
قم أجتهد وأركـب وحـث المطايـا ** أبحث عن الأنساب لو عبـرالأقمار
عـطـني دلـيـل صادق بـلا رشايـا ** معـروف بالتاريخ في كل الأمصار
عطنـا نـسـب وايـل بـلـيـا هـقـايـا ** متواتـر فـي كتب الأنساب وأقـرار
حـتى تـنـام وتـسـتـريـح الخـلايـا ** الحـق حـق وخـشم عـمـار بالـنـار
هـاتـوا دلـيـل ونحتـكم للقـضـايـا ** الشرع شرع الـلـه وشيوخنا ابرار
وأن كان ما جبتوه أكـبـر خـزايـا ** عار وشنار وصار فرصه للأشرار
لا شـك مـا حنـا لـك الـلـه هـفـايـا ** والجـد مـا يـقبـل بـدالـه ولا أيعـار
أسألـك لا جـينـا حـفـايـا وعـرايـا ** أسألك بالله يوم تشخيص الأبصار
مـن سطـر التاريخ بـوثـق روايـا ** في وقـتنا الحاضرودوّن لنا أشعار
هـو جهـد شينين العـمل والنوايـا ** ولا جـهـود الـوايـلـي نسـل عـبـار
قال شايز خليف الضوي الجعفري :
يا حـيـد يالـلي كـلـنـا اليـوم دونـه ** وش عادحنا دونك اليوم وش عاد
كم شاعـرٍ دونـك تخـالـف اظنونـه ** وكـم شاعـرٍ يـبغي ينولـك ولا فـاد
مثلـك شريـف والعـرب يحتـرونـه ** يا جـامـع كنـز العـزاوي والأجـداد
تـكـفـى تـشـرفـنـا ولالـك مـهـونـه ** يا جـود حـظي كـانـه بجـيتك جـاد
وهذه ملخص قصيدة من شعر محمد بن عبدالله الجلعود أبو هذال :
خـاويـت رجـل لـه مـعـزه وتـقديـر ** عـبـدالـلـه الـعـبـار ولـد الـمـعـنــا
فـي خـوتـه تـجـمع رجال منـاعيـر ** فـي خـوتـه طـول الـلـيـالـي تهـنـا
أجهـد وسطـر مجـد عنـاز تسطيـر** لأولاد وايــل مـا ذخــر ولا تـونــا
الـلي سهـر طـول الليـالي بتـفكـيـر ** في كتـب عـقـب التفـرقـه جمعـنـا

ونعم بابن عبار الشعار الكبير المعروف في جميع القيايل وشكرا على القصائد الجميلة

اقتباس : المشاركة الأصلية كتبت بواسطة ابن المرتعـــــد [ مشاهدة المشاركة ]

ونـــــــعم بابن عـــبار الشاعر الكبير المعروف في جميع القيايل عنزة وغيرها من قبايل وشكرااااااااااا على القصائد الجــــــميلة المبدعـــــــــــه

وشكرا والف شكر اني انضميت في هذا المنتدى الكبير