عبدالله العبار
شاعر علم من أعلام شعراء العرب المخضرمين
يستاهل أكثر من اللي قيل فيه يكفي أنه مؤرخ عنزه الأول وشاعرها الأول يكفي أنه ألف كتب وأنساب وديار وأفعال عنزه الشهيره.
وشهادتي فيه مجروحه أبو مشعل وكل الكلام يقصر عن فعله.
لكن أسأل الله العلي العظيم رب العرش الكريم أن يطول بعمره وأن يمده بالصحه والعافيه.

هذه ابيات متواضعه هدية الى الاخ الفاضل عبد الله بن عبار اقول فيها :

يا راكب فرد له غبا ر .. توه من المينا يخطي بها السير
مع السريع تشبه البرق لادار .. سواقها مابه نعاس ولا غير
تلفي على قرم صيته هل الكار .. عبد الله العبار تاج الشواعير
با به مفتوح لعاني وزوار .. طول الشهر مافيه صك وتسكير
وإليا شربت الشاذلي بصافي بهار .. هيلٍ من الهندي على زين وتقدير
سلم جوابي به تناغيم الأشعار .. من خاطر يملي من الفكر تعبير
وسطه تحية هدية لابن عبار .. الشاعر المعروف من روس المشاهير
لاقيل أبو مشعل تذكرت الأحرار .. صوارم الأحرار مابه تزاوير
قرمٍ على المعروف والخير سيار .. ساس الكرم والجود مابه تقاصير
من لابه الفدعان المكارم لهن كار .. أهل الوفاء من قديم العواصير
عبدالله العبار شوق مهرٍ لهن كار .. بنات فحلٍ مابساسه معاثير
عقله رزين وصافي الفكر بيطار .. ميزانه بعقله وخمونه مثامير
تلميح به الحشمة وحبه للأخيار .. وجهة السعد من وجيه مسافير
مضري نفسه على الطيب دوار .. واجاه مبذول بليا تكاثير
نال المعالي مع حسينات الأذكار .. بين القبايل له حمايد وتقدير
له سمعه تدري بها كل الأقطار .. علم النسب والشعر بالكل نحرير
ومن الوفاء كل الوفاء لابن عبار .. النادر الصيروم رفيع المواكير
المعدن الصافي ماتغير ولا بار .. المفدعي من ليوث مغاوير
اللآ به اللي بالفعايل لها ثار .. عند اللزوم والحرايب محاضير
عدوهم نوم الخلائق عن طار .. يسقون بالفعايل حدود البواتير
كم فارس جز رأسه بتار .. وكسيرهم يحتار ماله مجابير
يشهد لهم تاريخهم يوم الأطوار .. والناس بأفعال النشاما مخابير
وصلاة ربي عد حروف بالاسطار .. وإعداد ماطارت فروخ العصافير
وإعداد ماتزهي فياض بالآزهار .. وإعداد ماينبت بروضة نواوير
على رسول وحد الله بالغار .. شفيعنا يوم الخلايق مذاوير



مع تحيآت ..

أخوكم : محمد علي العجلان ..

وقال الشاعر عبيد بن محمد العامر الرسلاني هذا المقطع من قصيدة :

صغـت المثـل وأهديـت مكنـون الأفكـار *** لـلي يـمـيّـز وارده مـن صـديـــره

فـارس قـوافـي مـنهـج الـشعـر بـيطـار *** وأعني المعنى بالمثـل وأستشيـره

رمـز الـذكاء والمعـرفـة عـدل الأشوار *** سيـف الحمية والوفاء والبصيـرة

رافـع لـواء تـمجـيـد وأذكــار الأخـيــار *** عـدل السجايا فـي مناهج مسيـره

يـا مسنـدي يـا لمخلـص الـوافـي البـار *** أحييـت ذكـر أمجـاد قـوم شهـيـرة

أحـيـيـت ذكـر أفـعـال وايـل هـل الـكـار *** قـــمـة مـفـاخـر والـمـآثـر كثـيــرة

سـاس الفـخـر بـأيـام دورات الأخـطـار *** مـصـدر فخـرنا بالسنين العسيـرة

نفخـر بـمـاضي مجـدنـا يـا ابـن عـبـار *** والـمـجـد الأول بـاقـي لـه ذخـيـرة

وأقـبـل سـلامي عـدد مـا هــل مــدرار *** وأقبـل تحيـة مـن صفا لك ضميـره

وقال علي بن قيقان الدعيجي هذا المقطع من قصيدة :

يلـفـي أبـن عبـار يا طلـق اليمانـي *** أبـو مشعـل دايم يضحك احجاجه
والـدلال مـبـهــرات بـزعــفـرانــي *** من بكـر قمقومهن يملأ الزجاجـه
يقلـط الخرفان من فـوق الصيانـي *** يـوم ولـد اللاش تقـليطه دجـاجـه
حـر مـن حـرار عـريـب المـجـانـي *** ضاري بالطيب ما طب السماجـه
قـلتـه بـك فخـور مالي قصـد ثـاني *** لا ومن مشى رسولـه بانعـراجـه
فـي مـعـزة مثـلـكـم ربـي عـطـانـي *** واللخيـمـة مـا يطـابقـني مـزاجـه
ويشهدون الناس بمـا قاله لسانـي *** ومن يبي برهان ولع لي سراجـه
وهذا مقطع من قصيدة قالها الشاعـر علي بن قيقان الدعيجي :
أكـتـب تحـيـه خـاصـه لأبـن عـبـار *** الـوايـلـي حـقـه عـلـيـنــا وكــادي
بـك نفتخـر يا ليـث في كـل الأدوار *** للـضـد هـزم ولـلـرفـاقـة أسـنـادي
طـيـر السعـد حليـاك بيديـن صقـار *** يفـرح بـه القناص وقـت الهـدادي
ولا عـلى مـا قيـل لـك طيـر غيمـار *** تضرب بـه الأمثـال عنـد البـوادي
أظهـرت درٍ خـازنـه تحـت الأبحـار *** وتاريخ وايـل صدق مابه عنـادي
جبته من إسماعيل لا جتك الأشرار *** حتى وصلت اجدودنـا والحفـادي
والـلي ينظرك بشين جعـله للأكدار *** بجـاه الرسول ومن بأسمه ينـادي
ولا اعـمى وايقودونـه عـلى الـدار*** ولا حـسيـر مـكـسـر مـن الأيــادي
وأن مات جعلـه للزمهريـر والنـار *** ويشوف الأقرع يوم جاله عمـادي
والـرب بأعـمـال الخبـيثيـن خـبـار *** يوحي دبيـب الـذر فـوق الرمـادي
والنعـم فـي ربعـك صناديـد عـقـار *** ويـلان باللـقـوات عـوق المـعـادي
أمـدح ضنـا وايـل وبالـنـار عـمـّار *** الطيب جزمـة والمراجـل أسنـادي
والنعـم بالأجـواد فـي كـل الأقـطـار *** والطيب مقسم بين حضر وبوادي
*وقال علي بن قيقان الدعيجي من قصيدة جوابيه :
يوصل اللي مشتهـر وسط النجيـع *** المعـنـى الـلـي فـعـولـه شاهـراتـه
عـنـد أبـن عــبـار الـقـرم الـبـتـيـع *** بـه يرحـب قـبـل مـا يعـرف لغـاتـه
مكـرم الـلي من المسيرة مستجيـع *** يـذبـح كبـش مـن خـيـار محيلاتـه
من الشحم مليان وأيضولـع ضليع *** مــا تـغـــالا قــال لـلــدلال هــاتـــه
والــدلال بـنــارهــن لـهــا ولــيـــع *** والـديـوان مـفـتـحـات نـافــذاتــــه
يـفـداه الـلي بالـمـلأ فـكـره صقـيـع *** وتقصر الأنذال مـا تسوي سواتـه
قـل وصـلـنـا الـخـط بـه قـول نفيـع *** صح لسانـك يـوم قـلت ملاحظاتـه
مثلـك وشـرواك مـا عـقـلـه ضعـيع *** يبدي الأرشاد ونعمل في وصاتـه
وأنـت حـر وأن هـوا فـعـلـه فـنـيع *** وأن عـثـا بالصيـد يذبح مسمناتـه
مثـل سيـف الهنـد تسمع لـه قـريع *** يسحب من أجـواه حزت ملزماتـه
وقال علي بن قيقان الدعيجي هذه الأبيات من قصيدة :
دايـم عـلـومـك بـالـمـلأ يـشـرفـني *** وأنخاك يالمنعـور يا ذرب الأيمـان
بـك الحـمـيـا والصـخـى يـوجـدنـي ***هـذي عـذاريبـك يا طـيـر حـوران
يـفـداك مـن هـو بالـلـوازم يـكـنـي *** عليه من ضرب المثل خشم قمعان
وقال علي بن قيقان الدعيجي العنزي هذه الأبيات من قصيدة طويله :
بسم عنـزة وشيوخهـا واشعـراهـا *** أهـدي قصيـده باسمهم لأبن عبـار
تـهـدا لأديــب بالـقـبـيـلـه كـفــاهــا *** ودوّن لـهـا تـاريخ فـي كتـب اكـثـار
صـدق الدلايـل جـابهـا مـا غـواهـا *** وكمّل مع التصحيح بقطوف الأزهار
وبـنـسـاب وايـل كـل وايـل تـراهـا *** فخـوره بـما قـلـت يا وافـي الأشبـار
وحنـا بمـدحـك نـفـتخـر وانتـبـاهـا *** عـبـدالـلـه المشهـور بعـيـد الأذكـار
صدق وحبابـه والعـلـوم استقـاهـا *** ومـر بمواقف محرجه مكرم الجـار
وأن قـال كـلمـه بالـدلايـل حـمـاهـا *** ولا هـو من اللي يبذل القول بانكار
الـلـه مـا أطيب سمعته مـا حـلاهـا *** مسـك وعنبـر مـا تجـر فيـه عطـّار
ومن قصيدة جوابيه قالها الشاعر خالد بن صالح العيادة هذه الأبيات :
حي الجـواب أعـداد ما طـاف حجـاج *** يـا مـرحـبـا بـبـيـوت شعـرٍ لـفـتـني
من الشاعـر الـلي يفتهم كـل منهـاج *** عـرفـت مـعـنــاهــا ولا حـيــرتــنـي
والشعـر لـه فـن وصيـاغـة وديـبـاج *** وبيوت أبـو مشعـل بحـق أطـربتني
ولا تلتفت لـلي ضميـره كمـا الصاج *** الـلي فـعـولـه يـا فـتـى مـزعـلـتــني
والله لو أنه من وراء طعس الأفلاج *** يـوصلك شـره مثـل مـا جتـك جتنـي
لوحال من دون الردي ساحل العاج *** لا بـد مــا يشمـت وقـبـلـك شـمـتـني
سـر بالطريـق وعنـد مولاك الأفراج *** رب العـبـاد الـلي فـضـالـه كسـتـني
وهذا مقطع من قصيدة للشاعر فيصل بن منصور الرياحي البقمي رحمه الله :
هات القلم واكتب على البوك يا خي *** بسـم الـلـه الرحـمـن سجـل تحـيـه
حضـرة جنـاب الـلي لـه العـز مبني *** الــوايــلـي مـن عــزوةٍ وايــلـيــــه
الإسـم عـبـدالـلـه وطـاريــه يـكـفـي *** رمـز الشهـامـة والشرف والحميه
أكـتــب لأبـن عــبـار قـّدام يــمـشـي *** جـمـسٍ مجـهـز لـلـديـار الـقـصيـه
تـلقـا شغـاميـم الوغـى يـوم تضوي *** أولاد وايـــل حـي ذيــك الـسـمـيــه
مـن مـارثـة عــنــّاز مـا زيهــم زي *** أهـل الفـخـر مـن يـوم بقعـا صبيّـه
ملـفـاك أبـن عـبّـار مـن يـوم تـلـفي *** الـلي عـلى الشـدة عـزومـه قـويـه
تـبـشـر بـتـرحـيـبٍ مـربـّع ومـثــني *** ومـفطـح يـهـزع ركـون الصيـنـيـه
مـع دلـةٍ بـالـهــيــل والـبـن تـغــلـي *** بجـال المـنـاره كـل صـبح وعشيـه
عطه الكتاب وهو على طول يـدري *** الـذيـب مـا يـجـهــل روابـع خـويـه
وبعض العرب بالزود والكبـر مبلي *** يشيـل نـفسٍ كـبـر ضـلع الـطـمـيـه
تكرم يا أبن عبار عن طبعــه السي ***حـيثـك عـريـب الجـد مانتب حـليـه
هـذا كـلامي والـذي مـثـلـك أشـفـي *** عـلـى كـلامـه يـا زبــون الـونــيــه
عبّرت لك عن بعض ماكـن وأخـفي *** بـمـنـاسـبـة وقــتٍ تـصـافـق دلـيـه
أنت تعرف يالقرم في خاطري شـي *** والـرمـز يكـفـي عـن علـومٍ جـليـه
وقال الشاعر فيصل بن منصور هذه الأبيات من قصيدة :
ملفاه أبـن عـبـّار معـدوم الأجـنـاس *** عبدالله الـلي بالفخـر لـه نـواميس
قـرمٍ عريب الجد ساسٍ على سـاس *** ومسيسٍ فـي قـمة المجـد تسيـيس
مـن عـزوة يـوم البلاوي والأتعاس *** يـروون حـد مقـصمـات النسـانيس
أولاد وايـل بالفـخـر شـمعـة النـاس *** قـول عليه شهود مـا هـو تلاميس
قـوم عـزيزة والفخـر فوقهـا لبـاس *** حمول السبايا محرقيـن المحاميس
تبشر إلـى جيـتـه بتـرحيب وأينـاس *** وأيونسك عن كضمة البال تـأنيس
مـع دلـة تجلي غـثـا البال وأعماس *** الهيـل فيها كت من فرعـت الكيس
وأيقلط الـلي مـا وراء رأسهـا راس *** في سفرة ما حال من دونهاإبليس
عطه الجواب اللي مسجل بقرطـاس *** الـلي عـليه مليّس الضرف تلييس
قـول نقيتـه نـقـو عـن كـل الأدنـاس *** مـا عـوجـوه الخـايبـيـن الـدنانيس
بـيـن المجـالس كنـه الـدر والمـاس *** تجـلي معـانيـه الطلاس الطلاميس
ولا أن أبـن عـبـار سـابح وغطـّاس *** يسبق على الدرالثمين الغطاطيس
بقصد التعرف قلت نرسل ولا بـاس *** ونرسـل لـه المعـنـا بميـزٍ وتقييس
أشفق على المنعور لوهو ورا فاس *** لوحال من دونه بحور وتضاريس
ولا الردي لوكان مـن أقـرب النـاس *** أشـوم عـنـه ولا بـقـربـه تـوانيس
خبـلٍ مـن الكبـر أيتقـاعس تقيعـاس *** ومن الرخامة فوق رأسه هداريس
وأعـوذ بالمعـبـود مـن كـل هـلبـاس *** وش نستفيد من العفون الهلابيس
ومن قصيدة للشاعرنافع بن راكب العقيص الخمشي رحمه الله هذا المقطع
مـنـي عــنـت لـلـي قـلـيـلٍ مـثـيـلــه *** بـمـزرف مـنـصـيـه يـم أبـن عـبـّار
الـلـي لـعـازات الـلـيـالـي نـجـي لـه *** شاعـر حـكيـم وبالـتـمـاثيـل بيطـار
أنـا أشـهـد أنـه يستحـق الـنـفـيـلـه *** عـلمه شهـر بيـن القبايـل بالأخبـار
وإلـى تـبـرأ مـن عـمـيـلٍ عـمـيـلــه *** يرسي كما رسي الجبل بالصفاالحار
نجره على الشبات توحي صهـيلـه *** ماهو من اللي صك بابـه عن الجار
النجـر يضبح واللهـب لـه شعــيلـه *** ويفـرح إلـى مـنه لفـا البيـت خطّـار
يـذبـح لـدسمين الشـوارب جـليـلـه *** أن سـامـهـا الـسـوام زاده بـديـنــار
مـع دلـة يغـدي خـوا الراس هـيلـه *** أن شفها الشفاف عـنه الكسل طـار
عـفـيـفـه ونـضـيـفـة ومستحـيـلـه *** في ما مضى راعيه يعطي بلا أنذار
في مجلس ما فـيـه هـرجـت نقـيلـه *** يجمع هل المعروف والقدر والكـار
ما جـمّع الـلي يشـربـون الـرقـيـلـه *** ولا صار عـنـده كـل مسكر وسكـار
غـدا لـنـا مـثـل الـعـلـم بـالـطـويـلـه *** نمشي عـلى تاريخ وافعول وأذكـار
على الشرف ما هي سوالف هميله *** ممشى الصحابة والمهلهل وذيقـار
ومن قصيدة قالها الشاعر خلف بن محدى الغبيني هذه الأبيات :
تلـفي لـقـرمٍ يـدرك الطيـب والـثـنـا *** تـلـقـا النشـامـا جـالسيـن بجـنايـبـه
عنـد أبو مشعل عـز ضيفه وربعـه *** مـع دلـة صفـرا عـلى الكيف رايبـه
فنجالهـا يقعـد خـوا الـراس شفـتـه *** يـفـرح بـهـا شـرابهـا هـي طلايـبـه
مـدوا لأبـن عـبـار منـظـوم قـيـلـنـا *** الـوايـلـي يـقـرأ مـعـانـي عـرايـبــه
وإلـى قـرأ مـنـظـومـنـا جــاد ردنــا *** ردٍ عـنـه بـعـض الرجاجيـل هـايبـه
الوايـلي مـن ساس عـزوة عـريبـه *** ربـعـي وأنـا منهـم بعـالي جـذايـبـه
عـبـدالـلـه الـعـبـار جـمـّع تـراثــنــا *** وتـراث وايـل ولـفـه فـي كـتـايـبــه
أحيـا تـراث العـز والمجـد والفـخـر *** يـوم أن بعض الناس حطو نصايبه
وقال الشاعـر خلف المحدى الغبيني هذه الأبيات مقطع من قصيدة جوابيه :
قـريـت جـزلات القـوافي عـلى الآخ *** من نظم أبن عبار قاله على الأيخ
الـوايـلي قـافـه تـقـل نـسـخ نـسـاخ *** فـارس قـوافـي يـفتهـم بالتواريـخ
بالقـاف مـا هـو هلقمـاني وفخفـاخ *** وايطرخ المعنا على الكيف تطريخ
مـا هو مثـل منظوم خطات الأبياخ *** الـلـي كـلامـه بـيـّخ الشـعـر تـبيـيخ
يـاعـل يـفـدونـه هـلابـيـج الأزنـاخ *** الحـاقـديـن الحـاسـديـن الممـاتـيـخ
مني لأبـو مشعـل تحـيـه بالأنساخ *** الشـاعـر الـلـي مـا يهـاب النوافيـخ
شاعر بني وايل من شبيح لشواخ *** ومـن ديـرة الحـرة إلى وادي كليـخ
سيف الحمية لاحصل طاخ طرباخ *** يشكر بمـدح أهـل العلا والتشاميـخ
وقال خلف المحدى الغبيني :
اعرف يا أبو مشعل خصومك تراهم *** لعـيـال وايـل موقـفـك مـا خـفـيـهـم
لا شـك يـالـمـنعـور ربـك عـطـاهــم *** طبع الجحود وكيـف تشره عليهـم
لا تكـتـرث بأهـل الحسـد وزمـلاهـم *** مـا يشتهـونـك وأنـت ما تشتهيهم
كـل الـحـمـايـل بـيـنـوا لـك غـلاهــم *** حـيـثـك بجـهـدك دايـم محتسيـهـم
وأهـل الـردى يرجع عليهـم رداهـم *** الحـقـد الأسـود بالضماير غشيهـم
وقال خلف بن محدى هذه القصيدة يسند على عبدالله بن دهيمش بن عبار
راكـب اللي يا مشى مشيـه عـدالي *** يعـجبـك مـمشـاه بالخـط العـطـوف
عانـي مـن عـنـدنـا يحـمـل مـقـالي *** للـرفـاقـة عـزنـا ريــف الـضـيـوف
أبـو مشعـل بالفـخـر ذرب العـيـالي *** بالوفاء والمجـد والطيـب معـروف
لابـتـه بالـكـون لا جـوا بحـتـمـالي *** خصمهم بالكون يمشي مـا يشـوف
لابـتـه بالكـون مـاضيـن الـفـعـالـي *** لا تـلاقــوا بـالـرمـاح وبـالسـيـوف
أهـل العشوى مثـل حيـد بالجبـالي *** مـاتهـزهز راسي بـوجه العصـوف
هـذا قـولي فـي كـريميـن السبالـي *** ربعـي الفـدعـان طـلقـيـن الكـفـوف
أمـدح الفـدعـان وافيـن الخصالي *** ريف من هو شاف من وقته حفوف
أمـدح الفـدعـان فـي جـور الليـالي *** الـخـوي والـجـار بـه دايـم تــروف
أمـدح الفدعـان لا صـار انـعـزالي *** يـدحـرون الخصم وعيونـه تشوف
أمـدح الفـدعـان يـا جـالـي مجالي *** ولا سألت عن الردي هو والهلوف
أمـدح الـفـدعـان فـي قـيـل طـرالي *** ومن زعـل من قولنا جعـله ذلـوف

وهذا مقطع من قصيدة جوابيه قالها أحمد بن معيبر السحيم :
هات القلم والبوك يا مسندي جيـب *** نـبغـي لأبـن عـبـار نكـتـب رسـالـه
سـلام يالمنعـور عطـب المضاريـب *** يسـتـاهـل التـمجـيـد رجـل سـعـالـه
يالقرم أبو مشعل عدتـك العـذاريـب *** طـيـّب وأديـب وثـم راعـي شكـالـه
أنـت الـذي بالطيب ترقـا العـراقيـب *** يـاقـاك ربـي عـن دروب الـرزالـــه
مانت بولد هلباج يمشي مع السيب *** مفتـوح لـك بـاب الـفخـر وأتعـنالـه
وهذه مقاطع من قصائد للشاعرالكبير عبدالله بن حبيب التشيم رحمه الله :
عـبـدالـلـه العبـار بالفعـل مـرضيـن *** عـبـد الـلـه الـلي كـل فاهـم يـوده
الـلي لـنـا بالمـعـرفـة شـب نـوريـن *** مـا هـو الغشيم الـلي يـقـرط أبـده
أحـيـا تـراث عـلـوم نـاس قـديـميـن *** أمـثـالـهــم لـولاه مـا أحـدٍ يـعــده
بالعـرف ميـزانـه رجـح بالموازيـن *** حيلك أن كـان أنـك نخـيتـه يشـده
وقال الشاعر الكبير عبدالله بن حبيب التشيم رحمه الله هذا المقطع من قصيدة
تـلفي عـلى قـرم العـيال ابـن عـبـار *** وقـلـه تـراني لـك معـنـا ومرسـول
راعي الدلال اللي تطامى عـلى النار *** ما لقـم الطبخـة عـلى باقـي التـول
عابي لهن من حب خـولان وأبـهـار *** هيلٍ خضر من ديـرة الهند منقـول
ماجاب طبختهن من السوق بصرار *** والهيـل بالكرتون ما جيـب مفلـول
والـيـا لـفـوه بـتـالـي الـليـل خـطـّـار *** يذبح لهم كبش مـربى عـلى طـول
للـضّيـف مـا دوّر سمينـات الأعـذار *** يعطيه ماجوبه لو الضيف مجهول
عـطـه الكتـاب وبلغـه باقي الأخبـار *** قـله يا أبو مشعل لك الشكر مدبول
قـريـت أنا يالقـرم بقطـوف الأزهـار *** وأعجبت فيه وشاقني طيّب القـول
نـقـيـتهـا مـن كـل مـا طـاب تخـتـار *** مثل الذهب عن باقي السلم معزول
أكثـرهن الـلي مـن قـديمـات الأدوار *** من كل صوب ألفت ما كان مقبول
شفت العجـب بكتابكم بيـن الأسطـار *** يـدلـه بهـا قـلبٍ من الهـم مشغـول
مثـل الجواهـر من عميقات الأبحـار *** لا جابها من تاجر الغوص مسئول
قبلك وأنا في بعض الأشعار محتـار *** مار أنت يبدولي على الصح مدلول
الـطـايـلـه يـسـعــى لــهـا كـــل دوّار *** وحصلتها يا القرم بالفعـل والقول
حيثك بذلت الجهـد وأتعـبت الأفكـار *** ونلت الذي ما كان من قبل منيـول
يا الـوايـلي نرفع لـك الشكـر تكـرار *** على الكتاب اللي بالأمثال معسـول
عـنـدي تقـل روضٍ زهـا فيـه نـّوار *** في روضةٍ دربه عن السرح مقفول
قاعه خصاب وعلهـا وبـل الأمطـار *** بـقـفــريـةٍ مـا طـبـهـا دايـج الـزول
وهذا مقطع من قصيدة للشاعر الكبير عبدالله بن حبيب التشيم رحمه الله :
يا راكب الـلي منوتـه قطع الأسفـار *** تـو الجـمـيح مـوصـلـه بـالـتـريـلـه
يـا راكبـه شـّرق طـريقـك مع القـار *** أضـرب عـلى تيماء بهجعت نزيلـه
مـر المدينة وقت هجعـات الأسحـار *** وأركـع بـهـا لـك ركعـتيـن نـفـيـلـه
واصل مسيرك شرق مع فج الأنوار *** ومـر القصيم بوقـت حـروة مقيلـه
حط الرياض لموترك راس مشـوار *** أقـر الـقـوارم مـا تـبـي لـك دلـيـلـه
تـلفي عـلى قـرم العيـال أبـن عـبـار *** عـطـه الجـواب وسرنـا ينبـدي لـه
يـا عـز من جالـه مـن البعـد خطـار *** بـالـذكـر ولا مـا قــدرنـا نـجـي لــه
حـاولـت أجـي يـمـه مسـيـّر وزوار *** حـيثـه مـن الـلي جـانبـه ينعـني لـه
يـاالقـرم يـا الـلي بالتماثيل بـيطـار *** أنـت المـرشح عـن جـميع القـبـيلـه
أنت الذي من مخزن الشعـر تختـار *** دايـم بـيـوتـك والـمـعـانـي جـزيـلـه
أنـت الـذي لـلـقـاف بـادع وصـخـار *** بـك نكـتـفـي عـن كـل دوار عـيـلـه
يالقـرم قيفانـك مثـل قطـف الأثـمـار *** مـن هـاجمـك بالقـاف وعـزتـي لـه
لـو بالمثـل يـأتـيـك مـلـيـون شـعـار *** من كال لك بالصاع صاعـه تكيله
يا تاجـر القيفـان في سوق الأشعار *** عـن الـزمـل عـدك بعـيطـا طـويـلـه
والحـر مثلك مـا يـبي غـيـر الأشـار *** حملي من الدعـوى وحملك تشيلـه
وهذا مقطع من قصيده للشاعـر الأسمر بن خلف الجويعان رحمه الله :

لا تستـمع للطايشـة يـا أبـن عـبـار *** أرفـع مقامـك فـوق يا نـادر القـول

أرفـع مقـامـك للعـلا سـر وأجـهـار *** مالك وراء المخلوق قاتـل ومقتول

يا شاعـرٍ فـي بـدع الأمثـال بـيطـار *** ما قـلت عند المستمع غير مملول

قافـك حكيـم اللفـظ كاعـرم الأنـهـار *** شـط غـزيـر مـاه عـذب وشهـلـول

من عيلـم يـزمي عـلى الـدوم فـوار *** عـرم عـرمرم للمعالي سمك طـول

أنـت الـذي فـيـك الحـمـيـة وتغـتـار *** تنقض شرابيك من الخصم مفتـول

تـثـني ورانـا عـن تـمـاثـيـل شـعـار *** منطوق لفظك صار لـه رد مفعـول

حكيم لفـظ وعـارف قطـف الأثـمـار *** تفهـم وعندك كـل معـنا لـه حلـول

مـا دام وصفـك مثـل لطـام الأبحـار *** رجل كريم الموهبة ماأنت مهزول

لا تستمع للنـاس مفشيـن الأسـرار *** لوجاك منهم يافتى الجود مرسول

اصبر وخلك يا أبن الأجـواد صبـّار *** بالصبرعالج يا فتى ضيقت الجول

هـذي نصيحة وأنـت للنصح شكـار *** فيك الوفا ولا الردى عنك معـزول

وأنـت الأديب الـلي خبير بالأشعـار *** أحـذر تـطـاول بالتـمـاثيـل مهـبـول

اهديك مني شور يا صلب الأشـوار *** لا تـلتـفـت للنـاس عـاذل ومعـذول

ولا أنـت مـن ربع صواريـم عـقـار *** عـن الخطر يرعابهم راعي الشول

مـن لابـة تشهـد لهـم بوجت الـدار *** ويشهد فخرهم بين سائل ومسئول

من وايل الكبرى هل المجد والكـار *** دخيلهم دونـه عـن الخصم مقبـول

وايل رفيع الشان مـن صلـب نـزار *** دهم الرمك تنبيك عنهم هـل القـول

يا ما توطوا من صعيبات وأعسـار *** أفعالهـم من ساسهم تـارث افعـول

المنـذرية يـوم صـاحـت مـن العـار *** شقت جيوب الثوب والعقل مذهول

استصرخت بالـوايلي وأدرك الثـار *** وفـتح لهـا بـاب مـن الظيم مقفـول

قال أبشري جو لك بني بكر حضار *** كل أبلج يملـك من الخيـل زعجـول

حمي وطيس الحرب واشتبت النار *** وأقفت جحافـل قايد الفرس بفلـول

فوق الرمك يشهد لهم يوم ذي قار *** يوم أنهزم جيش العجم خيل وفيول

دخيلنـا يحـمى عـن الظيـم وأيجـار *** وهـذا فخرنا يـوم ساحل ومسحول

الا ومـع ذلـك بـعـد نـكـرم الـجـــار *** وقبـل كلامـي سابق الوقت مقيـول

يـا مـا تـحـمـلـنـا بـلاويـه لـو جــار *** يفلج قصير البيت لو جـار محمول

ويا ما هفا لأجله من المال واعمار *** بكـر وتغـلـب عطـروا كـل مسلول

يـوم البسوس وبـادرة حـربها ثـار *** الروح تقطف والحمـر فيـه مبذول

الخيل ترجف وأزعر الموت زجـار *** وتحطـمـت عـنـده ريابيـل وافيـول

يعـلم الـلـه ما واجبـه عنـدهـم بـار *** طـال الـزمان وكايـد السـؤ محبـول

واللي جهل تنبيه صفحات الأخبـار *** عـن مجد وايل بالتواريخ مسجول

أقـولـهـا و بـالـدار يـا الـقـرم ديّـار *** من كال صاع لغيره الصاع مكيول

وأما أنت عندي لك حشيمة ومقدار *** والله هو اللي يعـلم العـدل واميول

الصبـر محمـود العـواقـب بالأذكـار *** والله ما أنت بغايـة الصبر مجهول

الـلـه يجيـرك من تصاريف الأقـدار *** يامن حكيت وقـلت في حـد معقول

وقال سليمان العبيد الأسعدي هذا المقطع من قصيده :
حيـيـت يا قـرم نـشـدنـي بـالأشعـار *** وحـيـيـت يـا قـرم عـرفـنـا مــداره
ألـف هـلابـه عـد مـا صـايـر صــار *** والـف هـلابـه عـدد لـيـل ونـهـاره
وألـف هـلابـه عـدد مـا طـق نجـار *** وألـف هلابه عدد ما الهجن سـاره
أبـن الـمـعـنى لـلـمـثـل كـل مــا دار *** عبـدالله الـلي يجـذبك ضـوح نـاره
حيثـك يا أبن عبـار من ناس خيـار *** لا عـدوا الـشـعـار نـلـت الـصـداره
أبريت حظك يوم بعض العرب جار *** ومـواقـفـك تشهـد لكـم فـي جـداره
وأنـت الأديـب الـلي تـفـنـن بتكـرار *** لـلـقـاف والقـيـفـان عـنـدك تجـاره
يا ريف من جولـه من البعـد خطار *** وعنـد الـلـوازم يعـجـبنـك أشـواره
وقال سعود بن عفاش العنزي هذا المقطع من قصيده :

أسند عـلى الـلي باللوازم يـقـومـي *** رجـل عـزيـز ومن رجال عواريف

هـو عـز من تبدي عـليه الثـلومـي *** لا جـاء نهـار فيـه شين التحاريـف

عـبـدالـلـه الـعـبـار رجـل عـزومـي *** مـن لابـة تـعـرف نهـار المواقيـف

جاهـك يغطي عـن لهيب السمومي *** الـلـه يفكـك مـن جميع الصواديـف

وهذا مقطع من قصيده قالها عبدالله بن مشعان الخريصي :
تـعـيـش يـا قـرم وصـلـنـا حـمـيـده *** يا مشتهـر بالطيـب يـوم الردي بـار
مـا يـدرك الـتمجـيـد كـود الـولـيـده *** وأنت الـذي تستاهلـه يا أبـن عبـار
أحـفـظ بـيـوت مـن سميّـك جـديـده *** قـلـتـه ولانـي يـا فـتى الجـود هـّذار
أرسـل جـوابـي لا تطـول الوعيـده *** أرجوك في حال العجـل رد الأخبـار
وهذا مقطع من قصيدة جوابيه قالها الشاعر سلامه بن محارب اللعاق :
ملـفـاك ابـن عبـار ريـف الهـواتيش *** حلال عقـد اللي أشتكى كثر الأبلاش
أهـده سلامـي عـد وبـل المـراهيـش *** وألـذ وأحـلا مـن لـبـن نـوق هـتـاش
سلام صدق مـن القـلـوب المعاطيش *** يهـدا لشهـم مـا نـهـج منهـج اللاش
من لابـة الفدعـان زبـن المخـاريـش *** ما يذخرون الروح يا صـار شوباش
وأن حـل توريـد الـرمـاح المرايـيش *** عدوهم من باسهم يـرعش أرعـاش
أقـولـهـا مـا هـو تـكـلـف ولا طـيـش *** قلت الوكاد اللي كمن داخـل الجـاش
يالقـرم لـو عادوك بعـض الخفافيش *** الرس ما أيغطي على ساحل الطاش
والذيب مـا يخشى فعـول الـدراويش *** والـلـيـث بـطـشـه فـايـق كـل بطـاش
هـذا مـقـالـي يـا نـديـم الـمـبـاشيـش *** من فيض بحـرٍ ما تلاشى ولا أيقاش
وختـامهـا بعـداد مـا يخضـر الهيـش *** سلام يـهــدا لـك مـن عـيـال عـيـاش
وقال الشيخ بندر بن عثمان الصالح هذه الأبيات من قصيدة جوابيه :
حي الجـواب اللي لفا بزين الأوزان *** من شاعـر بالشعـر يـعـرف محـلـه
عبدالله اللي من الشعر صاغ قيفـان *** أسمـه صـريـح موضحـه بالمجلـه
غـنى بقـصيـده كـل شـاعـر وفـنـان *** قـولـه صحيـح ولا ذكـر فـيـه زلــه
من نسـل وايـل من شغاميم فدعـان *** تـاريـخـهــم كـل الـخـلايــق تــدلــه
هـل الكـرم والجـود بالفعل شجعـان *** كـفـو الـمـديـح وفـعـلهــم شاهـدلـه
رجـالهـم فـارس إلـى طـب مـيــدان *** سيفـه عـلى طعـن المـعـادي يسلـه
وأن جالهم من سربة القوم عدوان *** أبـطـال والـلـه مـا تـعــرف المـذلـه
عـاداتـهـم جـدع الـمـداريـع بالـزان *** زبــن الـدخـيـل ولـلعـذارى مـضلـه
ودي أزيـد الـمـدح لاشـك عـجــزان *** والـمـعـذرة يـالـقـرم عـن كـل خـله
وأرجوك تسمح كان بالقيل نقصـان *** يـا مـن صعـيـبـات المعـانـي تحلـه
وهذا مقطع من أبيات للشاعر عبدالإله بن حمود الساهي الضويحي :
يلفي على من نسف الحيـل تنسيف *** فـوق الصياني والمفطح ايصفـي
عبدالله العـبـار هـو مكـرم الضيـف *** وامخـلي الفـنجـال حـلـو المشـفي
سلم عـليه وثـم عـطـه المضاريـف *** واليـا عـطـاك الـرد لـلجـوف لفـي
وهذا مقطع من قصيدة قالها عبدالكريم بن خلف الجبوري :
مشكور من جـمّع وصـاغ القـوافي *** وأحصى تراث جدودنـا في سجلـه
تاريخـهـم يـوم السنـيـن العـجـافـي *** كـلـن يـعــرفـه بـالـكـتـاب ويـدلـــه
يـوم المـغـازي بـالليـالي المـقـافـي *** كـم واحـدٍ مـن فـعـلـهـم زاد غـلــه
كـريـمـهـم جــوده الـيـا جـاد وافـي *** وأدنـاهـم الـلي مـا يعـرف المـذلـه
مـن لاذ فـيهـم مالـك الـلـه يخـافـي *** إلـى زبـن مـا يعـرف الخـوف لـلـه
عـوق الخصيـم مكرميـن الضعافي *** كـل الـفـخـر حـاشـوه دقــه وجـلــه
ومـن بعــد ذا يا مرحـبـا يالسنافـي *** عـبـداللـه الـلي جـامع الطيـب كلـه
ردك وصلني وجبت مجهـود كافـي *** مـا فـيـه لا نـقـص ولا فـيـه زلـــه
تشكر عـلى ما قـلت ولامن خلافـي *** حـليتهـا يـا الـقـرم وتـعـرف لحلـه
عسـاك دايـم بـالـوجـود امـتـعـافـي *** وعسى الـردي يفـداك لا شان دلـه
هـذي تـحـيـاتي لـريـف الـهـجـافـي *** الـلي عـلى طـول الـزمـن مـا نملـه
وقال الشاعـر عبدالكريم بن خلف العنزي :
يا هل الجموس اللي نويتوا تمدون *** خـوذوا خطاب الوايلي لأبن عبـار
تلفـونـه الجهمـة وعـنـده تقهـوون *** امهيّـل يغدي عن الراس الأضرار
عند أبو مشعل يا جماعة تريضون *** حيثـه جزيـل ومن جزيلين الأذكار
وإلى نشدتـه جاب تفصيل مضمون *** سجـل مـن الويلان تاريخ وأخبـار
وقال عبدالكريم بن خلف الجبوري العنزي :
يـالـوايـلي جـيـتـك مسيّـر ومحـتـار *** جـيتـك تصافـقـني هـمـوم الليـالي
جيتك عـلى صيت ترعرع بالأقطـار *** صيتك يا أبن عبـار فوق العـوالي
يـا مـا تـذروبـك طـويـلـيـن الأشبـار *** وأدخـلتـهـم فـي فـيـة بـالـضـلالي
وعيـال وايـل فعلهـم قصف الأعمـار *** لـلـمـعـتـدي يـالـقـرم أول وتـالـي
مثلـك عـلى الفـزعـات يالقـرم جبـار *** بالفعل تفخر والهدف دوم عوالي

وهذه مقاطع من قصائد قالها الشاعر مشعل بن قيقان الجبوري :
ملفـاه ابن عـبـار ما قيـل مشمـوت *** عسى الـولـي يـا قـاه مـن كـل آفـه
يفـداه مـن هرجـه إلـى قال ممقوت *** ويـفـدا جـنـابـه كـل مسرف وتافـه
جيت لمحله من عقب غيبت وقوت *** قـرم العـيـال الـلي بعـيـده اهـدافـه
وقال الشاعر مشعل بن قيقان أيضاً هذا المقطع من قصيدة :
ودك تجـازي فاعـل الخيـر بالخيـر *** وفـاء وثناء ولغيـرها ليس معتـاز
القـرم أبـو مشعـل ربـيع المساييـر *** بالطيب والنخوة وفعل الفخر فـاز
يفـرح إلى جـوه الوجيـه المسافيـر *** حيثـه مـن الـلي بالمشاكيـل فـزاز
ذبـايـحـه جـزلات مـا هـي قـراقيـر *** طبعه ولو طالت عن الطبع ماجاز
قـرم مجـرب مـن رجـال مشـاهيـر *** ويشهد على قولي تواليف وأنجاز
ما مقصده من شـان جمع الدنانيـر *** كـل الهـدف يجمع تـواريخ عـنـاز
يـاعـل يـفـداه الـرخـوم الـمـعـاثـيـر *** اللي عن علوم الفخر جاهم انحاز
ما عندهـم غـيـر الـردى والمعاييـر *** هـمـاز واحـدهـم ولـلـنـاس لـمـّاز
اهـل النـفـاق مشجعيـن السماسيـر *** بين الجماعـة شبـوا النـار بالقـاز
وقال مشعل بن قيقان هذا المقطع من قصيدة :
يـا مـن يوصـل قـافـنـا والتـلاحـيـن *** فيض من القيفان مسطور بالبـوك
لعبـدالله العـبـار توصـل بعـد حـيـن *** وقـلـه ترى ربعـك بهالاسم نـادوك
سماك أبن عادل على فعلك الزيـن *** أبـن الفقيـر وكـل مـا قـال مبـروك
بنـدر مـن قـروم الشيوخ المسمين *** الأسم جايـز وأنت يا القـرم سموك
بنـدر مدحـك وكـل هرجـه براهـيـن *** مقصد كلامه واضح ولابه اشكوك
أظهـرت تاريـخ الجـدود القـديميـن *** وبينتهـا لـلي يلـوك القصص لـوك
وأخـذت من عند الرواة الصدوقين *** وجمعتـهـا يـا عـل الأنـذال يـفـدوك
تستاهـل التشجـيع بالعسـر والليـن *** أكتب سجل العز والصرح مسموك
شجـعـك مـن عـنـاز كـل الفهـيميـن ***حـبـوا مجـال تـراثهـم ثـم عـانـوك
حتـى تمـكـن كـامـل البحـث تمكيـن *** نعم الرجال اللي لدرب القدا اهدوك
وأحـذرك لا يثنيك بعض المساكيـن *** بالك عـن المشوار يالقـرم يثـنـوك
عميان الأريـا جعلهـم لأشنع البيـن *** أصبر ولـو بعض الهذاليف غثّـوك
ولـفـت لـلـويـلان مـجـد بـديـاويــن *** وأظهـرت فعـل كـان بالفقد مدروك
وأفطن ترى بالناس مثل الشياطين *** اللي سوالفهم خـرافات وأضحـوك
وقال مشعل بن قيقان الجبوري هذا المقطع من قصيدة :
سـر يا قـلم وأكتب كلامي وسطـره *** وجــه لأبـن عــبـار مـنـي رسـالــه
عـبـداللـه العـبـار قيلـه كمـا البحـر *** الـدر يـخـزن بــه ويـوجـد بـجـالـه
قـرم عـلى شـرواه نـكتـب رسـايـل *** يـسـر مـن لـفـاه شـوفــت قـبــالــه
مـن جـاه يفرح بـه ويسعـد بجـيتـه *** دايـم عـن الأحوال يـبـدي سـوالـه
الوايلي للضيف يضحـك احـجـاجـه *** الـوايـلي لـلـطـيـب عـلـّم اعـيـالــه
عـزيـزاً عـلى الويلان وكـاد كـلهـم *** قــرم عـسـانـا مـا نــدوّر بــدالــــه
لأمجاد وايـل عبـر الأزمـان بـاحـث *** ولا أحدٍ على البرهان يبدي جداله
قـبـايــل تــذكـر قــديــم أمـجــادهــا *** يرسون كـان الحـرب زاد أشتعالـه
لا شبت نار الحرب مشهور فعلهـم *** من عال يمشي في طريق العـدالـه
وقال مشعل بن قيقان أيضاً :
يلفـن عـلى كسابـت الطيب والثـنـا *** من عـزوة شجعان وقـت الحرايـب
يلـفـن لأبـو مشعـل بضيفـه يـهـلـي *** كـان أنـكـم عجلـيـن فـنجـال رايـب
وإذا تريضتوا فهـو ماكـر الصخـى *** لأجـل العلوم الطيبـه ما هـو هايـب
ودوه سـلامـي وخـالـص تـحـيـتـي *** ومـثـايـل فـيـهـن جـديـد الـغـرايـب
وقال الشاعـر مشعل بن قيقان الجبوري :
الـونـاسة يـوم أنـا بـحـي الـنـظـيـم *** جـار لـلعـبـار واربـوعـي اجـواري
عنـد أبـو مشعـل صديق لـي قـديـم *** حيث عبدالـلـه بعـلـم الطيـب داري
الأديـب الشـاعـر الـرجـل الـحـكـيـم *** مشتهـر بين الملأ علمـه اجهـاري
يـا أبـو مـشعـل أنـت رجـال فـهـيـم *** وش تقـول بحاجـة فيهـا احتيـاري
وقال عيد بن عبدالله بن صليبي :
أكتـب جـوابي وأرسلـه لأبـن عبـار *** شوق الهنوف اللي تنقض اجعوده
لـه طاري معروف في كل الأقـطـار *** ما هو من الـلي خاملات اعضـوده
حـرٍ مـواكـيـره عـلـى كـف صـقـّـار *** مـثـل القـطـامـي للحـبـاري هـدوده
وهذه مقاطع من قصائد الشاعر عايد بن حليس الغضوري :
عـايـد بـدأ مـبـداه قـافـه ومـعــنـاه *** عن الغثـا عـذاه مـا شـاركـه زيـف
يقـول فـي مـا قـال والحـق يـنـقـال *** في طيّب الأفعـال زيـن التصاريـف
الشاعر المعروف بالفهم به نـوف *** بالمعرفة موصوف باحلا تواصيف
عبـداللـه العبـار رافي جـفـا الجـار *** ولا قيـل للـزوار باعث حفاء حيف
الـلي بـدأ بالقيـل مـيـزة وتفـضيـل *** وفي مـا بـدأ ما قيل تنقد عـواريـف
يا شاعـر الويلان يا عـالي الشـان *** يا راجـح الميـزان شيمـة وتـثقيـف
يا مسندي لا هنت بالطرس دونـت *** ومـني لـكـم كـونـت بالنظـم تأليـف
أرسلت لك مكتوب يا طاهر الثـوب *** وأوفيـت بالمطلـوب بالكـم والكيف
ولا لك طلب لغير في مكسب الخير *** وحصيت بالتقدير شيمـة وتعفيـف
على الكرامة حزت بالخير عـززت ***بالطيب والله فزت وأخذت تشريف
وبيتك مقـر الجـود يا قاسي العـود *** والجود والماجود من خير للضيف
وهذي لكم عادات في كل الأوقـات *** والعز والطولات لهل الشرف ريف
وهـذي شـهـادة حـق فـيكـم تعـلـّق *** أقـولهـا والحـق مـا يشاركـه زيـف
* وهذا المقطع من قصيدة قالها الشاعر عايد بن حليس الغضوري :
يا أبـو مشعـل يالـلي كيانـك عففتـه *** عـن الـردا وأهـل الـردا مـا ودتـــه
تـنظـر وعـينـك بالـردا مـا طـرفـتـه *** واللاش سعيك عن سبيلك صددتـه
يـا شـاعـرٍ بـالعـز نـفسـك عسـفـتـه *** مثـلك إلـى غـاب القـبـيلـه أفـقـدتـه
ما أنته من اللي تستهيفـه أزهفـتـه *** وصيـدٍ يخـالـف دربـكم مـا طـردتـه
والـلي سـعـى بالشين دمـه نـزفـتـه *** قبـل يصيدك يا فـتى الجـود صدتـه
غـاوي ونـفسـه للمهـالـك أحـرفـتـه *** قـصده يـبـيـدك مـار يالقـرم بـدتـه
عقـب أعتراضـه فـي حبـالـه كتفتـه *** برد الجزأء من نوع جنسه فردتـه
يا أبن دهيمش موطن الهزل طفتـه *** والطيب نلتـه يـوم سـرت وعمدتـه
مبطي عن الهزلات شبحك صرفتـه *** وتاج الشرف يالقـرم نلتـه وعدتـه
نلـت الشرف والعايـبه ما أقتـرفـتـه *** وزرعٍ يسقى بالـردى مـا حـصدتـه
وسيرك على مجرى حياتك حرفتـه *** عـن الـردى والـلي جنـاه أنـتقـدتـه
وعندي خبر مي الطبع مـا غرفـتـه *** ولا تـقـتـدي بالـلي يكـودك وكـدتـه
والحاف مابـه تستـتـر مـا التحـفتـه *** والـلي يخالـف للوعـد مـا وعـدتـه
يا اللي ذكرت أوصاف حي اكسفته *** أوصاف من يحـظى بهـا مـا حـدتـه
ناس يا أبو مشعـل بقافـك وصفـتـه *** ولا واحـدٍ مـنهـم بـوصـفـك بـهـتـه
تـعـافـهـم وأنـا هـل الـشيـن عـفـتـه *** قـوم الـخـزا تـاج الـكـرامـة تـزتــه
ناس يا أبو مشعل مع الناس شفته *** شيـن الصـدى بوجيههـا مـا تحـتـّه
ويفـداك من نـفسه خبيثـه أحـذفـتـه *** بمنهج ضياع وكـل ساعي أسحتـه
أشهد شهادة حـق في مـا عـرفــتـه ***عرف الشرف مصدر شهاده شهدته
أنـك أديـب ومـن يـجـاريـك طـفـتـه *** وتاريـخ وايـل بالـمعـاجـم رصـدتـه
ونظم القوافي والأدب مـا أستلـفتـه *** ومثلك إلـى غـاب القبـيلـة أفـقـدتـه
ولـك التحـيـة مـن ضميـري زفـفتـه *** تـم الـجـواب وتـم قـافـي وعـدتـــه
وقال عايد بن حليس الغضوري أيضاً هذا المقطع من قصيدة :
يا ابن دهيمش جعل تبرىمواجعـك *** والـلي يـواجـع تبـتـليـه المـواجيـع
ياللي أحاسيسك على المجد تدفعـك *** وسعيـت والمسـعى سليـم الدوافيع
يالشاعـر الـلي فيـك تفخـر منابعـك *** وبالـطـايلـه تـفخـر فـروع المنابيـع
كـرست لـتـراث الـقـبـيلـة دوافـعـك *** يـالـقـرم مـا قـررت للمـجـد تـوديـع
تحسب مداخيلـك وتحسب مطالعـك *** وقـبـل المـداخـل تحتسب للمطاليـع
كلمة خطأ لو تلحق الأصل تجزعك *** ولأصل القبيلة ليس غيرك جوازيع
يالـطيّـب الـلي كـل طيّـب يـشجـعـك *** وتفخـر ونفخـر يالمكـرّم بـتـشجـيع
عملت وأعمال الفخـر من طبـايعـك *** والـطبـع قـالـوا مـا يشبـه ابتطبيـع
تـوجـت بسـجـل القـبيلـة طـوابـعـك *** وأصبح لنا ما عـاد غيـره مراجيـع
ياللي فخر ربعـك بالأمجاد مطمعـك *** وغيـر الكرامـة مـا لنفسك مطاميع
تـراث ربـعـك فـيـه تـنفـع وينفـعـك *** وفـخـر الـقبـيـلـة للقـبـيـلـة منـافيـع
سعيت والمسعى بالأمجـاد مرجعـك *** تحفظ تراث العز من خوف تضييع
وبـالـعـز وتـراث القـبـيـلـة تـولعـك *** وأهـل المـكـارم بالمـكـارم مـواليـع
تعـبـت لـكـن الـتـعـب لـيس يمنعــك *** عـن المفاخـر ما يجـي لـك موانيـع
وأتعبت من شـان القبيلـة نواجـعـك *** الـلـه لا يعـوّق لـنـفـسـك نـواجـيـع
وفي ما عملتـه ماش حي ينـازعـك *** حيثه حقايـق ربـح مشري بلا بيـع
عسى الولي يا طيّب الأصل يجمعك *** بـالـلـي تحـبـه دون هـم وزعـازيـع
وعسى على مسعاك تكثـر تـوابعـك *** لأجـل عـلى سيـرك تسير التوابيـع
وهذا مقطع من قصيدة قالها الشاعر كريّم بن رحيّل الجعفري :
حـنـا أحتفضنـا بالكتـاب الجـديـدي *** والـلي بعـد قبلـه صحيح وحقـايـق
كـلام ابـن عـبـار كـلــه مـفــيــــدي *** أنساب وايـل صـدق ما هـي لفايق
تستاهل المعـروف هـو والحميـدي *** يا الـلي تحملـت التعـب والعـوايـق
بحثـت عـن مجـد القبيلـة وحـيـدي *** والفـتـهـا والـبـال مـا هـو بـضايـق
وأنـتـجـت للـويـلان صـك مجـيـدي *** يبـقـا وثـيـقـة مـن كـبـار الـوثايـق
ورثٍ يـعــقـبـه الأبـو لـلـحـفـيـــدي *** خـلال دورات الـزمـن والـخـلايــق
يفدونك أهل الكذب وأهل الجحيدي *** اللي عـلى الصاحب تسد الطرايـق
يـحـرفـون السـالـفـة والـقـصـيـدي *** دايـم عـلى الغـافـل تـدور البـوايـق
ولا أنت واصلت السرى والمديـدي *** شاقـك عـلى بوابـت المجـد شايـق
وفعـلاً حصـل لـك كـل شي تريـدي *** مـجـدٍ وعــز وكـل مـا قـلـت لايـــق
وهذا مقطع من قصيده قالها الشاعر عوده بن ناصر العنزي :
ومن بعد ذكـر الله أبـديـت الألحـان *** وسجـلـت قـافـي بالـقـلـم والكتـابـه
وأهـديـتهـا لقـرم بالأشعـار فهمان *** يفـهـم معـانـي القـيـل لامـن بـدابـه
عبدالله المعروف من ساس ويلان *** القـرم اللي ياقـف بوقـت الصعابـه
يـفـهـم جـواب واضعـينـه بعـنـوان *** بـمـشاكـل الـدنـيـا كـتـبـت الأجـابـه
يا أبو مشعل بذلت جهدك بعـرفـان *** وعلـومكـم بـهـا الفـخـر والطـرابـه
مـوقفـك معـروف مسجـل بـديـوان *** ولـنـا الفخـر بـك يـا معـز القـرابـه
وهذه مقاطع من قصائد قالها الشاعر إبراهيم بن علي بن نزال الصقري :
يـلـفـي لأبـن عـبـار وافـي الشبـارا *** اللي على المجهود يستاهل وسـام
مـثـل العـلـم لا صـار بالحـيـد نــارا *** براس النبا مرفوع تنظر له اشمام
وإلـى لفـيـت الـلي يـعـرف العـبـارا *** يـفهـم بـلا تـوضـيح للهـرج فـهـام
ثـوب لـبـستـه مـن ثـيـاب الـوقــارا *** بـالـك تـقـضـه بـالـلـيـالـي والأيـام
ودرب مـشـيـتـه لا يجـيـه العــثـارا *** لوبه نبات الشوك وأدمس بالأظلام
وبـيـت بـنـيـتـه يـا رفـيـع العـمــارا *** لا يـقـربـه يالـقـرم مـن كـان هـدام
راعـي الصبـر لابـد يـجـني اثـمـارا *** ومثلـك فهيم يجيـد تفسير الأحـلام
مـوضـوع واحـد يا دلـيـل الـحـيـارا *** تـلعـب بـه الألـوان بـيـديـن رسـام
ولا أنـت سـرت محـددٍ لـك مـسـارا *** وعن خط سيـرك ما يعـوقـك نمـام
وقال إبراهيم بن علي بن نزال الصقري أيضاً هذا المقطع من قصيدة :
أنـا أشـهـد أنـك للتـواريـخ تـرخـت *** فعلك على غـيرك صعـيب المنالـي
مشيت بدروب الفضيلة ولا أرتخت *** واللي أعترض لك قل مالك ومالي
قـل أعتـدل يا الـلي بدينك تفصخـت *** وأشرب قـراح السلسبيل الـزلالـي
ولا يـنـفع التكشيخ يامـن تكـشخـت *** لـو كنت فـوق الخيل مثـل الهلالي
وقال إبراهيم بن علي الصقري هذا المقطع من قصيدة أيضاً :
أنـشــد أبـن عــبـار ذاك الـولــيــده *** ينبيك عـن ما صار في قـول كافـي
بـمـولـفـه تـلـقـا العـلـوم الـوكـيـده *** وأنا أشهـد أنـه يا جماعـه اسنافـي
لو كان بعض الناس ما هو مريـده *** ومـن ما قـدر للضلع قوله عوافـي
ما غـيـر يـرغـي بالمجالس نقـيـده *** ولا ظنـتي فـي يـوم للمجـد حـافـي
حيـث الشراشف يالسنافي عـديـده *** ولا يـدفـي الـبـردان كـود اللحـافـي
من يصنع المعروف يرفع رصيـده *** وحـقـه يمجـد فـي جـميع القـوافـي
وفعل عنـزه معروف مابـه جحيـده *** يـوم الـبـنـادق والـمـطـايـا أردافـي
وقال الشاعـر إبراهيم بن علي بن نزال الصقري :
وخـلاف ذا يا راكـب جـمس نـاقيـه *** تـوه جـديـد مـن الـوكـالـه شرينـاه
العـصر حـّرك ياخـذ الظـرف بيديـه *** من دار رفـحـا لأبـن عـبـار ملـفـاه
حـيـثـه كـريـم وكـم مرسال يلفـيـه *** وكـم خـاطـرٍ يـأتــيـه كـّرم وغـــّداه
الـلي عـنالـه مـن بـعـيـد ونـاصيـه *** بـتـرحيـبتـه طـول المسافـات نسّـاه
حزت وصوله قال يا الـلـه اتحيـيـه *** قـلـط عـلـى دلـه جـديـده امـســواه
لا بـاس والفـنجـال زانـت قهـاويـه *** حـال العجـل سلـم بـريـدي ويقـراه
يبلشك بالتـلـزيـم والضان يـدمـيـه *** لامـن خـطـو الـلاش لـقـاك عـلـبـاه
قـلـه أنـا عجـلان والـدرب مـاشيـه *** طالبك تسمح لي على الدرب نقداه
مظمـون خـطي بالتحـيـات نـهـديـه *** وأول بـدايـه بـالـسـلامــات نـبــداه
وبعـد أول الموضوع يأتيـك تـالـيـه *** واجـب عـلى مثـلي يـقـده بـيـمنـاه
مشكـور يـالـمنعـور شكـراً امثـنيـه *** شـكـراً مـدبّـل لـلسنـافـي وشـرواه
حيثك جمعت تراث وايـل وماضيـه *** وأنسابـنـا يالـقـرم جبته من اقـصاه
شكري بعض هالناس ماهو مدانيه *** لا شـك لـولا الحسـد ريّـح مطايـاه
يدعي جنود إبليس وإبليس يدعيـه *** واتصفـق الحسّـاد وإبـليس ينخـاه
راعي الحسد معروف ناره تصاليه *** نـاره بصـدره جعـلهـا دوم تصـلاه
مـا بـاخ جهـدك يالسنافي اتحـلـيـه *** مـا دمت مخلص والحقايـق تحـراه
والـثـالـثـة قـول نـعــده ونـبـديــــه *** حيثـك فهيـم وخايس العـلم تجـفـاه
وعـلّم برايك يا عـزيـزي وأمـاشيه *** ولاظن مثلك يرمي الصيد وأخطاه
حيثك تعرف القاف رخصه وغاليه *** وحيثك خبير القاف والقاف تهـواه
خطوا الرجل يستاهل المدح حاويـه *** يزهـا المدايـح والتماجيـد تـزهـاه
الـلـه يـحـفـظ مـن نـوده ونـغـلـيــه *** مـن كـل سـؤ وكـل شـرٍ تـبـلــــواه
قـلتـه والـلي قـلنـاه تفهـم معـانـيـه *** حـاشى عـلى مثلك معـانيه تخـفـاه
نندهـك من وسط القواصيـد يابـيـه *** يا شاعـرٍ بالقـاف يا ما استشرنـاه
مظمـون خـطي بالتـحيـات نـنهـيـه *** وبـزيـادة التـوقـيـر يـالـقـرم زدنـاه

وقال نايف الحبيل أبو سامي العنزي هذا المقطع من قصيدة :
أبـي أكتـب الأبيـات شكـراً وتقـديـر *** مـانـي مـن الشعـار لا شـك هـاوي
مني لأبـو مشعـل عشيـر المناعيـر *** القـرم عـبـداللـه عـريـب العـزاوي
من ساس لابـة كل أبوهم مشاهيـر *** عـدوهـم يـكـويـه بـالـكـون كــاوي
مبـروك والأنـتـاج جعـله قـدم خيـر *** حـيـثـه يـعـالـج كـايـدات الـبـلاوي
ترشـد بـه الغاوين باسلوب تحذيـر *** في خـط واضح ما يبي لـه فتـاوي
هرجك سديد ولا لقـي بـه عـواثيـر *** النصـح والأرشـاد فـيـه امتسـاوي
والمعـذرة أن كان بالقـاف تقصيـر *** مـا يكـشـف العـلات كـود المـداوي
وهذا مقطع من قصيدة للشاعر خليف النبل الخالدي :
يـلـفـن لأبـن عـبـار قـرم الأوالـيـد *** الوايلي ممدوح من كثر ما ايضاف
وإلـى لفـيـتـوا وأكـملـن المقـاعيـد *** رحب وهلا ثـم يـضحـك بالأشفـاف
وعـقـب التهـلي فـالكـم يالأجـاويـد *** فـنجـال بـن وراس شـاتيـنٍ أرداف
عند أبو مشعل ساعة عز ما تريـد *** وناسـةٍ واتغـيب كـدرات الأصـداف
وهذا مقطع من قصيدة قالها الشاعر بشير بن محمد الحجر :
الله يديمـك يـا أبـو مشعـل ويحمـاك *** يا الـلي لنـا عـنـد اللـوازم ذخيـره
كـان الـتـزمـنـا بالـلـوازم نـصـينـاك *** وعنـدك لوازمنـا الكبيـره صغيـره
فـوق الثناء والمدح مهمـا مدحنـاك *** فـعـلـك تـعـدى مـدحـنـا واتعـبيـره
انت الوفا فراشك وملبسك واغطاك *** والطيب والشومات بيت وحظيـره
وبـل الـنـدى يا ماكـر الجـود يمنـاك *** واحـة نـعـيـم لـوارده مع صديـره
سطع قمر نورك عـلى ليـل مسـراك *** كالحيد يـذري عـن لوافح هجيـره
عـرفـتك مكسب يـوم حـنـا كسبنـاك *** رصـيـد مكـسبنـا جـواهـر ونـيـره
يا طير شلـوى دوم حـنـا شكـرنـاك *** جـمـايـل صـارت عـلـيـنـا كـثـيــره
تـبـادر زمـام المـوجـبـه لا نخـينـاك *** وتهون لو هي بالمساعي عسيره
يا تـاج راسي ما اتجـاهلك وانسـاك *** مانساك لوانسى الوطن والعشيره
يـا الـلي لـربـعـك طـيـبـات نـوايــاك *** لتـاريخهـم سـويت منهـج وسيـره
غصـبٍ عـلى الـلي بالذرايع تحـداك *** أطـفيـت كيـده بالذكـاء والبصيـره
لأنساب وايـل كـل جهـدك ومسعـاك *** وكلـن ذكرتـه مـع وسيمـة بعيـره
وهـذا دلـيـل أنـه حـمـيـده سجـايـاك *** منهجك واضح يا نظيف السريره
جعـل الـردي يـا منهـل العـلم يفـداك *** يـفـداك لاش مـاكـر الـبـوم طيـره
وقال الشاعـر المعروف صالح بن حمد المالك هذا المقطع من قصيدة :
أهلا وسهلا يـا أبـن عبـار مرحـب *** تـحـيـة مـن داخـل القـلب وأقـصـاه
تهـدى لمـن شعـره رفيـع ويطـرب *** يا حلـوا مدلـولـه ويـا زيـن مـبنـاه
شعر الفهيم الـلي بما قـال يحسـب *** مـا هـو مـن الـلي ما يفكـر بمعـنـاه
بالطيب أبـو مشعـل صديق مهـذب *** وفـي والـصـاحـب يـوده ويـحـمــاه
هـو للـقـرابـة مثـل سيـف مجـرب *** تضرب به العايل وتقصر به أخطاه
وأن جيت له وقت اللـزم ما تغيّـب *** وأن كان جيته حـزت الضيق تلقـاه
رايـه سـديـد وكـل مـا فـيـه طـيّـب *** محـبـوب بـه نخوه وسـمح محـيـاه
أقـولـهـا مـانـي أجـامـل ولا أكـذب *** الصـدق غـايـة مـا أقـولـه ومـبـداه
وهذا مقطع من قصيدة قالها الشاعـر جلعود بن لافي الشمري :
شكـري وتقـديـري لكـم وأحتـرامي *** مـني لـكـم يـا سـاكـنيـن الـرياضي
بعـثـت مـن حـايـل عـليـكـم كلامـي *** من راسي ومرضي ورضا وراضي
ولانـي بـجـحـاد الـوفـاء للحشـامي *** تقديركـم بالنفس حاضـر ومـاضي
وهـوايـتي مـدح الرجـال الكـرامـي *** واجب ولا بترك المواجب تغـاضي
والـلـه يـا أبـن عـبـار ماني بكامـي *** أقـولـهـا وتـسـتـاهـلـون البـياضي
حـيثـك لشيمـات المكـارم تـحـامـي *** ولا قـلت قول بغير الأهداف فاضي
ومن هذي أفعالـه عـزيـز المقامـي *** ناجح ولو تزعـل نفـوس امراضي
للضيـف تجيـب الذبيحـه اشمـامي *** وللجـار ما أنتم بالقساوه اغـلاضي
أيـضـاً وفـيـكـم لـلخـوي الـتـزامـي *** وفـعـايـل غــراء طـوال اعـراضـي
وعـدوكـم منكـم يشـوف انـهـزامي *** وصديقكم ما شاف قاصر وحاضي
وأعـرض كلامي للرجـال الفهـامي *** عـنـاز كالسيـل أن تـعـّرم وهـاضي
أولاد وايــل طـيــبــيـن الأسـامــي *** تـاريـخـهـم يشهـد بـلا حكـم قـاضي
قـلتـه وأنـا مـن ناطحين الجهـامي *** شـمـر هـل النخـوة بكـل أنتهـاضي
أهـل اللحيسـة مـا بـهـذا خـصامي *** عـدوهـم قـلبـه من الخـوف جاضي
حـقيقـة الواقـع مـا هـي بالحلامـي *** شمـر كـما بـرق الحيـا يـوم ياضي
وقال الشاعر جلعود بن لافي الشمري :
عـبـدالله العـبـار يـا شـهـم الأخـيـار *** يالوايلي زاكي النسب يا أبن وايل
ما ترفع الشكوى على غير الأحرار *** ولا يحفظ المعروف غير الحمايـل
وهذا مقطع من قصيدة قالها الشاعر محسن بن علي الدعيجي :
ومـن بـعـدهـا سطـرت قـول منظـم *** وأرسلت أنا الأبيات تحمـل سلامـا
تهـدى لكم يا معـرب الخـال والعـم *** تهـدى لأبـو مشعـل بكـل احتـرامـا
حلياك حـر إلـى ضـرب سيّـل الـدم *** الصـيـد مـن فعـلـه تشتـت عـدامـا
من هو صفالك ما لفا حروتـه هـم *** عـلى الـمعـزة والـفـخـر والكـرامـا
عدوكم خسران عايش عـلى الغـم *** مـن فعـلـكم لا بـد يشـوف الـنـدامـا
يـفـداك مـن هـو بالشـدايـد تـلعـثـم *** يـوم الملاقـا مـثـل طـيـر الحـمامـا
أنـت الـذي بالـقـول والفعـل تـفهـم *** حـكـيـم مـا تـمشي دروب المـلامـا
وللطيّب تبـذل دوم ما قـلت في كـم *** أنـت الكـريم وأنـت نسـل الشهامـا
ومشـكـور مجهـودك وشـي تـقـدم *** لـتـراثـنـا وجـيـلـه بـذلـت أهتمامـا
وقبـل الختام وقبل ما القـول يختـم *** أقـبـل سـلام الـلي بالأشعـار هـامـا
وهذا مقطع من قصيدة قالها حسن بن عايد العطيفي :
مـني لأبـن عـبـار والـقـلـب وافــي *** الـوايـلي حـنـا لشـوفـه مـوالـيـف
يا ليـت أشوفـك فـي نهايـة مطافـي *** لـولا الأحوال اللي عليها تكاليـف
لـو أستطيع أوصلك لا جيـك حافـي *** اجري على الأقدام لوكان بالصيف
وهذا مقطع من قصيدة جوابيه قالها الشيخ حسين بن علي الطويلعي :
يا أبن دهيمش خلـق للـراس عينين ***والناس مـا ترضى سفيه إلـى صـال
وأنـا بـعـد مـا شفـت رسـم بـتـقـنيـن *** رسم على بيض الورق منـه مهتال
مـن شـاعـر لـه بـالمثـايـل عـناويـن *** ما أعطأ الجمل في طرقته كل جمال
على الغرايب حط لـه فـرق وسميـن *** وبـيـديـنهـنـه لأبـن عــبـار مـرسـال
اصحي لهـن إلـى غـدا الليـل ثلـثيـن *** معـجـب وتعجبني حسينـات الأمثـال
يـلفـي الـرجـال مكمـليـن الصفـاتيـن *** موفيـن ميـزان الوفى عـزوة رجـال
وأخص مـن يـوفي الرجال الوفييـن *** مـن يـوفي الأول ومـن يـوفي التـال
عبـدالـلـه الـعـبـار ملـفـا القـريـبـيـن *** وملفى لمن جاء تالـي الليـل هشـال
لـه مجلـس فيـه الـرجـال الحشيمين *** مجـلـس مـعــزه للشغـاميم مهضـال
وافـي النسـب نسل الرجال العريبين *** طـريحهـم بالقـاع مـا هـوب ينشـال
كـل القـبـايـل يـا أبـن وايـل مـقـريـن *** لعـنـاز يـا نـزه الشـوارب والأسبـال
لا تستمع في حكي بعض الضعيفيـن *** اللي سوالفهم عـلى الفاضي الخـال
لا تستمـع قـول السفـاه الخـفـيفـيـن *** الـلي تـلـفـّظ قـول مـا هـوب يـنـقـال
لـه منظر طيّـب مثـل شجـرة الـكيـن *** الـلي طعمهـا يضرب الكبـد بـوجـال
قـليـل مـيـز وعـايـش لـه بـوجـهـين *** أيضـاً ومـع هـذا بـلا كبـد وأطـحـال
لا يحـتـم المـاقـف ولا يـوفي الـديـن *** مـثـل الشرود اللي تـرادي بالأطبـال
وحـنـا عـن الـلي مـثـل هـذا غنـييـن *** الـلي يسوي له عـلى الـدرب محبال
مـع الـلـيـالـي مـا خـذا لـه تـمـاريـن *** تـمضي حـيـاتـه بـيـن الأجـواد دلال
ما يـدري أن الناس للناس صاحيـن *** تشوف مـن لعـروض الأجواد نشال
ماهوب عارف وين صوب المنادين *** غـافـل وقال أن أكثـر النـاس غـفـّال
حاشاك ماأنت من الضعوف الدنيين *** لكن لبست من الشرف ثوب دسمال
سطـرت تـاريخٍ لـه النـاس مصغـين *** الـكل يعـرفـه مثـل مـا يـعـرف بـلال
وحنا لفعلك يـا أبيض الوجـه مثنين *** ولا تستمع لـلي سـرى يهذل أهـذال
وأنـا بصفك وأن غدا الجمع صفيـن *** وحـنـا نعـدل مـايـل الحـمـل لـو مـال
من زعـل يعباله على القلب رمحين *** وإلـى بـرق وأرعــد تـدلـن الأثـعـال
نسمـع ونسفـه مـن كلام المضاهـين *** ويمشي عـلى درب الجمل كل زمال
ولا ينقل الحمله جمـل معـه ضلعـين *** الحمـل تعـرف لـه إلـى قـرب جمـال
هـذا وكـافـيـنـا عـن الجـيـم والسيـن *** أبـيات شعـرٍ ما بهـا سلـب ووصـال
تشبـه جنيـه الجـرج ما فيـه لـونيـن *** صبـه وصاغـه وأجتهـد فيـه فصـال
قـرايـضٍ منهـا الشواعيـر طـربـيـن *** بالغـرب والمشرق وجنوب وأشمال
لـو كـان بـه شعـار حضـر وبداويـن *** الـغــرب يـلقـا لـه عـلى الـعـد صلال
وهـداج لـو تـورد عـليـه المحيـميـن *** كـل الورود مـن أزرق الجـم تـكتـال
صحيح مـا كـل الـرجـال أمتسـاويـن *** هـذا مـقـيـم وذا مـع الــدرب حــوّال
ولحدٍ يصلي الفرض بين الصلاتـيـن *** الـخـلـق خــلاقـــه لــلأرزاق كـفـّـال
وأسلـم ودم حـنـا لشـرواك شفـقـيـن *** يـا صـايـغ الـقـيـفـان بـالأيـن والآل
فارس غرايب تفهـم الشعـر وذهـين *** والشعـروهـبـة مـا تـغـطـيـه بـحلال
صـفيـت عـذبـات القـرايـح بـتـثمـين *** مثـل القراح إلى شخـل لـه بمشخال
وحنـا عـلى مردود قافـك حريصيـن *** لوهي يا أبن عبـار أطـوان وأرطـال
لـو أنـكـم فـي بـدع الأمثـال مرهيـن *** الـرد مـا أجـلـتـه إلـى شهــر شــوال
أرسلت عصما خلت الشغـل شغـلين *** وعـن القصايـد تعـتلي روس الأتلال
أشتـقـت لـلمـعــنـا ورسـم المحبـين *** من شاعـر معـنـاه ماهـوب بمخيـال
يصوغ فيـه الكـف والخـف والـقـين *** هيضن مـن العـراف ماهيـب جـهـال
واليـوم يا نسـل الرجـال الشريـفيـن *** عسى المثـل لرضاك يا مسندي نـال
تمـت بذكـر الـلـه وخـيـر الشفيعيـن *** فـي ساعة يندم بهـا راعـي الإهمـال
وقال حسين بن علي الطويلعي هذا المقطع من قصيدة :
لأهل الثـناء والمجـد أسطـر ثـنايـه *** عبـر السطور وكـل مقصد فهمنـاه
يــوم أن أبـن عـبـار وفـّق بـرايـــه *** راعي الحسد أقـفت تـواما مطايـاه
عـرفـي ومـفهـومي وبـالـغ ذكـايـه *** ما منهم الـلي بعلم الأنساب جاراه
عـبـدالـلـه الـعـبـار فـيـه الكـفـايــه *** الـوايـلـي لا خـيّـب الـلـه مـسـعــــاه
يوم الوحوش الضاريه لهاعـوايـه *** وقـف وحـنـا بـوقـفتـه مـا نخـيـنـاه
لبس الحـميـه مثـل لـبس العـبـايـه *** ويشكـر عـلى الـلي للعنزتين سواه
تـاريـخ وايـل بـاقـي ولـه بــقـايــه *** وثـقـه أبن عبـّار وأسند عـلى رواه
يكتـب وجهـده عنـدنـا لـه عـنـايـه *** مـن واقـع التاريخ والصدق منجـاه
والمجتهـد حـقـه عـليـنـا الـرعايـه *** لـه حـق مجهـوده نصونه ونرعـاه
هـذا جـوابـي وأنـت تـفـهـم لغـايـه *** لا تـلـتـفـت للـطهـبـلـه والمـخـاقـاه
وهذه مقطع من قصيدة قالها الشاعر سعيّد بن محمد بن ثنيان الأكلبي:
تـحـيـة مـن الأكـلـبـي لأبـن عــبـــّار *** عبدالله المعـروف وافـي الخصايـل
أبـن دهيمش مكـرم الضيف والجـار *** يا عـسى تـفـداه العـفـون البخـايـل
أبـن دهيمش مـن عـزيـزين الأذكـار *** حـيثـه تـرفـع عـن دروب الـرذايـل
مـن ساس لابـة تلطم الخصم لا جار *** فـي مـرهـفـات مصقـلات السـلايـل
شجعـان بالفـرسة طويليـن الأشبـار *** فـدعـان مـا فـيـهـم مـلـفـق دخـايـل
فدعان من وايل لهـم صيت وأخبـار *** يـا نـعـم والـلـه يـا سـلالات وايــــل
شجـرة بني وايل من خيار الأشجار *** تـفـرعـت مـنـهـا شـيـوخ الـقـبـايـل
مـنهـا مـلـوك المملكـة هـيبـة الـدار *** حـكـام نـجـد مـطـوعـت كـل عـايــل
وايـل ومـن وايـل صنـاديـد وأكـبـار *** مـا ينحـصي تـعـدادهـم بـالـوسـايـل
أنـسـابـهـم متسلسلـه بيـن الأقـطـار *** وتـاريـخـهـم مـثـل الجبـال الثقـايـل
ما صار في الأنساب والأصل تغيـار *** مـتـمـاسـكـيـن بـالأسـر والـعــوايـل
حتى الوسوم اللي بهاجراف وهجار *** الـلـي تـفـّرق بـيـن كـل الـرحــايــل
حـصـلـتـهـا بـمـولـفـات ابـن عــبـار *** يشكـر عـلى جهـده وكـل الحصايـل
عـادات ربعي تكـرم الضيف والجـار *** من غيـر نقص فـي عيال الحمايـل
والشرح بعلوم الفخر ما بهـا أنكـار *** ولا نيب فـي مـا قـلت بالحـق مـايـل
وقال الشاعر سعيّد بن محمد بن ثنيان الجبيراني الأكلبي هذا المقطع :
هـات القـلم يـا سعيـد بكتـب رسـالـه *** سلام سالـم مـن جـمـيع الـمنـاقـيـد
خصـه لراعـي المرجلـه والشـكـالـه *** كسـاب قولـت نـعـم بيـن الأجـاويـد
عـبـد الـلـه اللي كـل مجهـود طـالـه *** رغـم عـلى الأنـذال غـبـر المقاعيـد
بـلـغ سلامـي لـه وقـل كـيـف حـالـه *** ثـم قـدم التـقـديـر والشكـر تـمجـيـد
قــرم عـريـب السـاس جـده وخـالـه *** مـن راس لابـة يوصلون المواعيـد
راس العرب وأصل العرب لا محاله *** مذكور بالتاريـخ مـن قبـل أبـو زيـد
مـن صـلـب عـنـاز ولـلطيـب نـالــه *** يـوم القبايـل بـيـن صـدر ومـواريـد

لبـن دهيـمـش طـوّل الـلـه مـهـالــه *** ريف الضيوف ومنبع الجيـد للجيـد

يا سعـد مـن جـاء بالمحـل وعنـالـه *** لا بـركت حـمـر الحـضـانـا مسانـيـد

وأنـت الـجمـل شيـال حمـل الثـقالـه *** لا بـركـت سـود الكـتـوف الملاهـيـد

أخـتـرتـكـم مـن بـيـن نجـد وتـبـالـه *** خيـرت ثقه يا القرم والعذر ما أيفيد

وقال سعيّد بن محمد الأكلبي هذه الأبيات من قصيدة :
الشـاعـر الـلي كـل معــنـا يـجـيـده *** لأديـب أبـن عــبـار قـرم العـيـالـي
الـلي عـلـومـه بالمجـالس سـديـده *** يحسب حسـاب الأولـه والـتـوالـي
مـن ساس لابـة للمعـادي ضـديـده *** يأمن بهم في الخوف نشر الحلالي
أهـل البـيـوت العـالـيـات المـشيـده *** ريف الضيوف ومكرميـن الدلالـي
أفـعـالـهـم بـيـن الـقـبـايـل مجـيــده *** يا نـعـم والـلـه يـا كـرام السبـالـي
سلـم عـلـيهـم عـد نـشـر الجـريـده *** وأعـداد مـا ينشر بهـا مـن مقالـي
ثـم خـص عبدالله بمعـنـا القصيـده *** وأبـلـغ تحـيـاتـي لـقـرم الـرجـالـي
يا ابن دهيمش جـاك مـني نـشيـده *** وأبغي معك يالقرم بعـض المجالي
وقال الشاعر سلطان بن عبدالله الوسيدي الحربي هذه المقطع من قصيدة:
عـسى المعـنى دايـم الوقـت مسرور *** بـأمــر الالـه الـلـي عـلـيـه اتـكـالـي

وعساه فـي درب السعـد دوم مأمور ***يـا الـلـه يـا رحـمـن تـقـبـل مـقـالـي

والـلـه لا أعـد الصـدق وأطلع النـور *** مثلـك عليـه أشفق عـلى كـل حالـي
مـا قـلـتهـا خـايـف ولانـي بـمجـبـور *** لا شـك عنـدي مثـل شرواك غـالـي
أفـخـر ولا أجـامـل ولانـي بـمغــرور *** ولا لـي وراهـا قـصـد أول وتــالــي
معروف قصدي وأنت يالقرم مخبور *** تضـرب بـك الأمثال وسط الرجـالي
لـعـل بـيـتـك بـيـن الأجـواد معـمــور *** ويجـيـرك الله مـن صـدوف الليالـي
مثلك عـلى مدحه مـن الناس معـذور *** لـو يـزعـل الهلـبـاج خـلــه ايـلالـي
نـعــم بـكسـاب الـثـنـاء بـاني السـور *** عـبـدالـلـه الـعــبـار قـرم الـعـيـالـي
من لا بـه تضرب عـلى مشـة الـزور *** أولاد وايـــل يـحـتـمــون الـتـوالــي
يـا مـا وقـع بـنحـورهـم كـل ممـرور *** عـاداتـهـم يـثـنـون يـوم الـقــتـالــي
يـا مـا نحـو عـن ذودهـم كل طابـور *** ويا مـا أرملوا من لابسات الشيالـي
وكـم واحـد خـلـوه طـايـح ومـثـبـور *** دون العــشـايـر مـن وراه الـزوالـي
من جالهم بالعنف يصبر على الجور *** حـمـايــة الـبـل لا كـربـن الحـبـالـي
ولو أبي أعـدد طحت في غبت بحور *** يـوم العصـور ويـوم وقـت الفعالـي
ومـن لا يعـد الصـدق بالفين عـاثـور *** والنـاس تـدري وش مـرد السوالي
ومن لا يعـد الصدق هـابي ومقهـور *** خبـل وخبيث وساس عـرقه خبـالي
تكـرم عـنه يـا طيـب الفـكر والشـور *** عـن الـردي فـي عـاليـات العـوالـي
ذكرتـني عـصر مضى دونـه عصور *** بالشعـر والـمعـنـا وزيـن الـمـثـالـي
ونظمت قافي يا فتى الجود مصخور *** فيـه الذهـب يشرى وسوق الـريالي
وأظهرت من در البحر عـدة اسطور *** تصفـق بـه الأمـواج فـي كـل جالـي
مشكـور فـي زيـن التماثيـل مشكـور *** هـذا مـرادي يــوم جــالـي مـجـالـي
قـم يـا نـديبي وأرسل الخـط بـالفـور *** تـلـقـا الرجـال وزين صفـر الدلالـي
تلـفي لبـو مشعـل عـلى فجـة الـنـور *** اقــلـط وكـلـن لــك رفــيـق أمـوالـي
كـلـن يـحيي وأحسـن الـطيب منثـور *** ومـن بعـدها يـذبح سمين الجزالـي
عـلى الصحن قدامك الضان مـزبـور *** للضيـف مـا حسـب جـميع الحلالـي
بـلغ سلامـي جـعـل يـفـداك مـذعــور *** لـلي رسـى كـنـه حـيـود الـجـبـالـي
وقتن يـا أبن عبـار مـا يعوض بـدور *** ما بـاقي ألا عـلومهـم وش بقـالـي
وأسلـم وسامحني إذا جيـت بقصـور *** الـكـامـل المعـبـود سـاس الكـمـالـي
ولا أنـت يا المنعـور بالشعـر دكتـور *** لـو يـنـشـرا ردك شـريـتـه بـمـالــي

وقال محمد بن عبدالله الجلعود هذا المقطع من قصيدة جوابيه :
حي الكتاب الـلي بـه المسك والعـود *** مـن شـاعـر بنظـم المثـايـل خبيـري
مـن قـيـل ابـن عـبـار ما فيـه منقـود *** يصخـر بديع القاف لو هو عسيري
يـا مـرحـبـا تـرحيـبـنـا لـيس محدود *** أعـداد مـن فـوق البسيطـة يسيـري
بـالـلي لربـعـه مـا ذخـر كل مجهـود *** مـجـهـد ويشهـد له كبير وصغـيري
سلسـل نسـب عـنـاز والـد ومـولـود *** وجـاب الـدلايـل للغـشـيـم الغـريـري
مشكور يا اللي كل ممشاك بصعـود *** يـفـداك مـن يـزمـر وفعـلـه حقيـري
مجـدت لابـه كـنـهـا نـمـور وافهــود *** إلـى ولـعـت بالـشـر نـار السعـيـري
الجـمع الـلي يكسـر طوابيـر وجـنود *** يــوم المـراجـل والـفـلـك يستديـري
يـوم أن بعـض الناس هجاع ورقـود *** والــكـل يـفـخـر كـان مالـه كثـيـري
عـادات ربـعـه باللقـاء تـنطح الكـود *** إلى صـار لفهود الضراغـم زويـري
يـوم الـقـبـايـل بـيـن طارد ومطـرود *** ضـد الـمـعـادي بـالـنـهـار الكبـيـري
يـوم الفخـر يـطلب بـصـارم وبـارود *** من ناطح الفـدعـان جمعـه كسيـري
منهم مصوت بالعشاء صدق ما كود *** الشيخ نسـل مـهيـد ريـف الفـقيـري
وقـال محمد بـن عبد الله بن الجلعـود هـذا المقطع من قصيـدة :
ملفـاه لـلي يـكـرم الضيـف والـجـار *** عـبـد الـلـه الـعـبـار تـسـلـم يـمـينـه
شاعـر بـني وائـل لـه علوم وأذكـار *** عــنـاز شـعـره كـلـهـم خـابـريـنـــه
وصـل سـلام الوائـلي نـسـل عــبـار *** ريـف الضيـوف إلى لفـوا منتصينه
سـلـم عـدد مـا زاروا الـبــيـت زوّار *** وأعـداد مـن جـوا للحـرم قاصدينـه
وبـقـدومكـم تـرحيب مع بـن وبـهار *** وأهـل الشكالـة مجـلسه حاضرينـه
صفـر الـدلال مـراكيـات عـلى الـنـار *** والنجـر يضبح بالضحى سامعـينـه
سـّلـم عـلـيـه وبـلغــه كـل الأخـبــار *** ولا تــأتـي ألا الـرد لـي جـايـبـيـنــه
يـا عـل يـفـدا الـوائـلي كــل ثـرثــار *** المسـرد الـلـي مـا يعـرف السكـينـه
كتـبـت كتـب مـن السجـلات بسطـار *** كـلامــكـم مـاكــود ومـوثـقــيــنــــه
وبينت للجاهل عـلى ماضي الأدوار *** وعـلمـت نـاس أنسابهـم جـاهـلينـه
مضمون كتبك بـه تواريـخ وأعـبـار *** تـذكـيـر لـلـي مـجـدهـم مـنـتسـينـه
تذكـر وهـب وعـبيـد وعـيال عـمّـار *** وجـمع الجلاس بـكـتـبكـم ذاكـرينـه
تـذكـر بـني وائـل بـوادي وحـضّــار *** وجمعـت الـلي دار العـرب ساكنينه
حصيت من حد اليمن لأرض سنجار *** والشـام والبلـقـاء والـلي نازليـنـه
وذكـرت مـن وائـل مشاهـيـر وأمـار *** وكـل المشـايخ سلمهـم حـافـظـينـه
وذكـرت قـول وكـل قولـك لـه أثـمار *** والقـاف عن هـرج الـردى منتقينه
نشكرك يا المنعـور في كـل الأمـرار *** مجـهـودكـم يا الـوائـلي شـاكـرينـه
مـن لابـة الـفـدعـان بـواجـت الــدار *** مـا أحـد يـقـول أفـعـالهـم منكريـنـه
فرسان بالهيجا عـلى سـرد الأمهـار *** ودخـيلهـم بـسيـوفـهـم مـحـتـميـنـه
منهـم مـصـوت بـالـكـرامـة لخـطـار *** ريـف الهواشل يـوم تقحـط أسنينـه
ابن مهيد اللي أشتهر ماضي الأدوار *** يـوم الـليـالـي بالأجـاويـد شـيـنــه
تـذكـر صيانـيهـم وسيعــات وأكـبـار *** يشرون عيـت الحيل لو هي ثمينـه
ما همهم بعصر الجفاء غلو الأسعار *** طبـع الـكـرم مـن جـدهـم وارثـينـه
وهذه ملخص قصيدة من شعر محمد بن عبدالله الجلعود أبو هذال يسند على عبدالله بن عبار :
فـي حـفلـة تجمع كبـار الشواعيـر *** وكـلن عـلى طـاروق فكـره تـغـنـا
خـاويـت رجـل لـه مـعـزه وتـقديـر *** عـبـدالـلـه الـعـبـار ولـد الـمـعـنــا
فـي خـوتـه تـجـمع رجال منـاعيـر *** فـي خـوتـه طـول الـلـيـالـي تهـنـا
أجهـد وسطـر مجـد عنـاز تسطيـر *** لأولاد وايــل مـا ذخــر ولا تـونــا
الـلي سهـر طـول الليـالي بتـفكـيـر *** في كتـب عـقـب التفـرقـه جمعـنـا
وقال الشاعر عبدالعزيز بن حماد الجلعود هذا المقطع من قصيدة جوابيه :
يـا الـلي نـويـتم لبـن عـبـار تمشون *** الشـاعـر الـلـي بـالقـوافـي خبـيـري
تـلـقـون رجـل واقـف حيـن تـلـفـون *** أنـا أشـهـد أنـه للنشـامى عـشـيـري
أنا أفتخر بك يا أبـو مشعـل وممنون *** جتـك البيـوت مؤلفـه مـن ضميـري
قـلت المثايـل مـا بهـا شـوك وفـنون *** ألـيـن مـن الديـبـاج ولا الحـريــري
وقال عذال بن سليمان الرويلي هذا المقطع من قصيدة :
قـم يـا نـديـبـي بـالعـجـل لا تـونـــــا *** وأرسـل لأبـن عـبـار شعـر أمسويـه
ود الـجـواب وسـلـمـه لـلـمـعـنــــــا *** الـلي عن الطولات مـا تقصر أيـديـه
راعـي عـلـوم لا حـكـا يـطـربـنــــــا *** مـثــايـل مـا غـيـره أحــد يـنـقـيـــــه
عـلـمـه تـبـيـّن وأشـتهـر فـي وطـنـا *** ومـن ويـن مـا سافـرت تلقا محبيـه
أحـد حـفـظ شـعـره والآخـر تــمـنـــا *** وأكثـرهـم الـلي مـا يعـرفـه ويغـليـه
الـشـاعـر الـلي مـا يـجـي لـه مـثـنـا *** ومـن نافسه بالقيـل خـابـت هقاويـه
سـود الليـالـي يأ أبـو مشعـل وطـنـا *** والـوقــت أشـوفـه زايـدات بـلاويــه
أشـوف نـاس بـالـخـطـأ تـمـتـحـنـــا *** والـلـي يـدور الـغـانـمـه مـا تـدانـيـه
نـاس عـلـى الـبـاطـل تـدق وتـرنـــا *** والـحـق والـلـه مـا يـدانـون طـاريـه
نـاس تـصـفـق لـلـخـطـأ وأتـغــبـنــا *** وترفع لـه الـرايـه بـعـالـي مـبـانـيـه
خـطـو الـرجـل لـو كـان كبـيـر سـنـا *** مـا كـن لـف الـكـون بـأقـدام رجـليـه
قـاصـر نـظـر بـالسـالـفـه مـا تــونـا *** ما من فكـر مـا هـي بعيـده مشاحيـه
ونـاس بـهـم تـرديـد حـنـا وحــنــــا *** ولو جيـتهـم محتـاج مـا تاخـذ جنيـه
قال الشاعـر فهد بن صفاق السحيحير هذا المقطع من قصيدة :
رح لأبـن عـبـار عـبـدالـلـه وقـلـــه *** ليـه يقصـر خـطـوتـه فخـر القبـيلـه
نـعـرفـه رجـال مـا يـمـشـي بــزلــه *** وفـي قبـال الضيف ما نـفسه ثقيلـه
بـالـوفـا والـطيـب معـروف مـحـلـه *** وبالـنـدى والجـود مـا كـفـه بخـيلـه
والسـوالـيـف الجـمـيـلـة منـهـجـلـه *** لــه سـوالـيــف طـريـات وجـزيــلـه
أبـو مـشـعـل مـرحـبـابـه مـا نـمـلـه *** لـو يـطـول الـوقـت كـسـاب النفيلـه
وقال الشاعر فهد صفاق السحيحير :
قم يا نديبي وارتحـل فـوق جـي أم *** تطـوي بعـيـد الخـط بخـلآل ساعـه
مـلـفـاك قـرم بـالـنـشـامـا تــأمــــم *** الـطيـب طبعـه والكـرم والشجاعـه
تـلـفـي لأبـن عـبـار شـبــلٍ مـكّــرم *** من مكرمين الضيف يوم المجاعـه
اعـط الـمـّزرف لـلـمـعـنى أيـتـفهـم *** وقـله عـن الموضوع وشو دفاعـه
والحـمـد لـلـه فـي فـخـرنـا أنـتـكـلم *** وفخر الفتى من حصله في ذراعـه
ومن لا شرب بحفونه الخمس يندم *** أظـمأ سنـه لكـن ما انهـان ساعـه
وقال الشاعر فالح بن فويز الشيباني هذا المقطع من قصيدة جوابيه :
والـلي مهـيـضني بـيـوت عـجـايــب *** مـن شـاعـر بـالقـيـل يـنطـح كتيـبـه
شاعـر وشعـره مـا يجـي بـه تعايـب *** فـتـال نـقـاضـن سـهـومـه عـطيـبـه
يضيم خصمـه ما حسب لـه حسايـب *** والشـعـر عـنـده ما يـبـيـّن نـضيبـه
مثـل البحـر يجـي لـمـوجـه غـبـايـب *** ما هـو حضيبين قـريـبـن حـضيـبـه
يـفـداه مسكـيـن قـريـب الحـضـايــب *** خبلن ومجلاس المهـونه رضي بـه
لـكـن ابـن عــبــار ذيــب الــزرايـــب *** نفسه عـلى طرق المراجـل رغيبـه
مـدح عـتـيـبـه بـالبـيــوت الـرهـايـب *** والـلـه عـلى مضمون قـولـه يثيبـه
صادق وقـولـه مـا وجـد بـه شوايـب *** واللي مـا يصدق نـال كوبه وخيبـه
وأبـي أشكره وأنـا عـن الـربع نايـب *** وأقـول لـه شكـراً بـنـفـس رحـيـبـه
والطـيـب مـن ربـك يـقـسـم وهـايـب *** وأنتـم هـلـه يـوم السنيـن العصيبـه
لـكـم فـعـايـل يـومـهـا بـالـغـصـايــب *** عـلـى الـمـهـار مـلافـخـات السبيبـه
فـيـكـم رجـالـن يـوم دور الـنهـايــب *** مـا تـوخـذ الـبـل مـن حماهـم نهيبـه
وفيكـم كريمـن يـوم دور الصعـايـب *** عـبده يصوت بالعشاء فـي الجذيبـه
وفـيـكـم محـددت الجـمـل فالنشـايـب *** ولـكم بعـد شيمـه وقـيـمـه وهـيـبـه
وقال الشيخ متعب بن عبدالهادي الفققي هذه الأبيات :
الـنـاس كـلـن قـدر حـقـه عـطـيـتـه *** وبذلت جهـد لعزوتك يرفع الراس
يجـزاك عـنـا خـيـر بالـلي سعـيـتـه *** ولا ينكر جهـودك فطين وحساس
وأفـطـن تـرى الحسـاد سـم مميتـه *** دايـم فصيلتهم رزيليـن وأخساس
لــولا المـؤرخ كـان صـرنـا شتيتـه *** يضيع علم الناس من بطوالأرماس
والقصر اللي بجهود جهدك بنيتـه *** أمش بطريقك دام تبني على ساس
وقال محمد بن أحمد بن سعد الحسن الهزاني هذا المقطع من قصيدة :
مـلـزوم نـذكـر مـن يـدور الجـمـايـل *** الـلي بعـلـوم الطيـب نفسه شهـرهـا
مـلـزوم نـذكـر مـن عـلومـه جلايــل *** الـلـي صعـيـبـات الـمـعـالـي قـدرهـا
مـثـل القـطـامي مـا يصيـد الهـزايـل *** الـحـر جـزلات الـمـراجـل حـصـرهـا
تـرفع لـه البيضاء بـروس الطوايـل *** والمسـك والعـنبـر واشـذى زهـرهـا
عـبـدالـلـه العـبـار مـن نـسـل وايــل *** مـن لابـة يخـشى المعـادي خطـرهـا
فـدعـان فـي الـغـدراء نجـوم دلايــل *** إلـى هـاجـت الهيجاء وعتـّم قمرهـا
أولاد وايــل مـن أعــزاز الــقـبـايــل *** وتـاريخهـم كـتـب السجـلة سطـرهـا
وأن جـاء نهـار فـيـه صايـل وجايـل *** تضرب على الكايد وتنصى خطـرها
عـنـاز تـروي مـرهـفـات الـسـلايــل *** وعدوهـم عينـه شكت مـن سهـرهـا
بـني وايـل أهـل الـفـعـول الجـزايــل *** وأن أظلمـت بالكـون ترهـم سفـرهـا
قال عيسى بن جاسر الأيداء هذا المقطع من قصيدة :
شكـراً يا أبـن عـبـار جـتـنـا الهـديـه *** هـديتـك مضمـونـهـا يـرفـع الـراس
تـهـدي ولا تـطـلب عـلـيـهـا جـزيـّـه *** وتجهـد لعلك بالجهد تـرضي الناس
أنـت الـذي جـمـعـت شـمـل السمـيـه *** بـكـتـاب يـقـرأ بـينـنـا تـقـل نبـراس
ومـجـلـدات بـالــعــدد تـجـي مــيـــه *** مثـل الذهـب ما طبها صفـر ونحاس
وأنـت الـذي عـلـيـت بـالـمـعـنـويــه *** يفهم هدفك اللي له شعـور وحساس
وأنـت الـذي شـهــّرت بـالـوايـلـيــه *** أن قيل أبن وايل قالـوا صح لا بـاس
عـن غيركم يـا القـرم صـّدت معـيّـه *** ولاقـت عـليـكـم رافـضـه كـل بـلاس
أثـنـي عـليـكـم بـالجـهـود الـضـنيـه *** الـلي بـذلـتـوهـا بحـكـمـه ومـقـيـاس
البعض يجهـل ويش معـنـا الحمـيـه *** معـنا الحميه عندهـم ضربت الفـاس
وأنـت الـذي دافـعـت فـي كـل هـيــه *** تبي الحقيقه كـل قولـك عـلى ساس
وأخـتـامـهــا مـني جـزيـل الـتحـيــه *** لك يا أبن وايل عدد ما هـب نسناس
وقال عيسى بن جاسر الأيدا :
أنا أشهد أنـك يا أبـو مشعـل تجملـت *** فـي كـل واحـد يـنـتـمـي لـلـقـبـيـلـه
ما منهم اللي شال نصف الذي شلـت *** ما هو تجاهـل مار ما مـن حصيلـه
الـلـه يـعـيـنـك يـوم عـنـا تـحـمـلـــت *** بعـض المصاعب والحمول الثقيلـه
يا ما تعبت ورحت وأنفقت وأرسلـت *** ويـا مـا كتبـت وقـلـت فـي كـل ليلـه
ويا ما نشدت وثـم بالصـوت سجلـت *** والـجـاحـد المـنـكـر عـطيتـه دلـيلـه
بـذلـت جـهـد ولـلبشـر مـا تـوسـلـت *** مـن حيث ما لـك غيـر ربـك وسيلـه
وشكرت من قـدم تعـاون لـه أكملـت *** ومـن ساعـدك بالطبع تذكـر جميلـه
لأسـمـه ورسـمـه بالمجـلـد تـناولـت *** وقـدمـت لـلـويـلان خـدمـه جـلـيـلـه
مـانيب شاعـر بـس للشعـر حـاولـت *** أشكرك شكر مـن الشعـور الجزيلـه
عشريـن عـام أقـرأ بكتبـك ولا زلـت *** ألـقـا بـدواويـنـك عـلـوم الفـضـيـلـه
قال الشاعر غالي الذايدي هذا المقطع من قصيدة جوابيه :
عبدالله أرسـل لي بـيـوتٍ جـديـدات *** صـاغـه وعـدلهـا ولا هـوب غـاوي
قـولـه بليـغ مضبط الهـرج بـاثبـات *** حيـثـه عـلى بـدع المثـايـل رهـاوي
قـولـه صحـيـح ولا ذكـر فـيـه زلات *** سـوالـفــه يــرويــه راوي لــراوي
باعـه طـويـل ويـشـهـدن الـمجـلات *** ومـؤلــفــاتـه يـعــرفــه كـل هــاوي
وقال غالي بن جليف الذايدي :
خـذ الـرسـالـة ودهــا لأبـن عــبــار *** ومعــهـا لبـو مشعـل سـلام وتحيـه
الصاحب المخـلص صدوق ولا بـار *** أحـرص عـلـيـه مـن حــدا والـديـه
هـو ذخرنا لا صار بالوقـت ما صار *** إلـى تـنـادوا بـيـنـهـم بـالـحــمـيــه
وديوان أبو مشعل به البـن وأبـهـار *** وتـلـقـا بـديـوانـه نـفـوس رضـيـه
أهـده سـلامـي عـدد مـا طـايـر طـار *** خـصـه وعـم الـعـزوه الـوايـلـيـــه
سـلام أحـلا مـن لــبـن در الأبــكــار *** وأحـلا مـن السكـر بـذوق الشـفيـه
وألـذ مـن درت مـبـاكـيـر الأقــفـــار *** تقطـف زهـر ورد الرياض الخليـه
ومـن بعـد ذا قـل للمعـنى بالأخـبـار *** حــنــا بـنـعــمـة والـروابـط قـويــه
يا مسندي خلك عـلى الوقـت صبـار *** وكـلن بفعـل الطيـب يـذكـر خـويـه
ولا بـد مـا تـبــقـى لـلأ يــام تــذكـار *** أسمع وخـذ مـني صحيح الوصيـه
والمعـذرة يا مكـرم الضيف والجـار *** قـولي حسب عـرفي على كـل نيـه
وأنا عـلى الواجب كما الوالـد البـار *** بـالـروح والـلي يـمـلـكـنـه أيـديــه
حيث الوفى طبعي عـلى مـر الأدوار *** وأحـب راعـي الطيب بـايـة نحـيـه
وقال عبدي بن علي الصليلي هذا المقطع من قصيدة :
تلفـي لأبـن عـبـار ريـف المسـاييـر *** قـولت هلا مـن واجبـه ما قصرهـا
اللي كلامـه مثـل عشب المخاضيـر *** فيضـة ربـيع وسـاطعٍ بـه قمـرهـا
عـقب السلام وقـول مسيت بالخيـر *** أشرح معـاني السالفه وأختصرهـا
تـرى المسّيـر مـا يحـب المخـاسيـر *** مـعــزتـه كـرامـتـه بـأمـحـضـرهــا
يالشاعر اللي مـن كبـار الشواعيـر *** حـذراك سـلـمى لا تـشـيّع خـبـرهـا
ولا أنت يابن عبـار ما منك تقصيـر *** تـفهـم ولـك عـيـن وسيـع نـظـرهـا
قال الشاعر البشري بن مناحي الهبداني الجعفري هذا المقطع من قصيدة:
من بعد ذكر الله هات القلم وارسـل *** لـعـبـدالـلـه الـعـبـار مـني نـوصلهـا
قـرم العيال اللي من مقابلـه ما مـل *** اللي علومه عـن الهزلات يجـزلهـا
بيته لدسمين الشوارب ذرا ومدهل *** شخوص الرجال اللي تأرخ فعايلها
فدعان يوم الكون بالملزمات أزحل *** ما تنوخـذ عصر المغـازي قوافلهـا
فدعان ليوث الغـاب عدوهـم يجفـل *** مثـل الجبـال الشم سربـة جحافلهـا
يوم العصور اللي بها رد خذ وخـل *** حمـايـة الخلفـات بأقـصى مـداهلهـا
أنهض لنا يالحر يالليث أبو مشعـل *** عسى مسـاعيكـم تسهـل عـراقـلهـا
يا مسند النخوة وكفـواً لهـا وتفعـل *** وتتعب عـلى روم المعالي رحايلهـا
يا ريهجان الشعـر فـي قمتـه تنـزل *** إلى قـام أخـو مـره وولـع فـتـايلهـا
يأتيك طوع وكره وقريحتـك تـنهـل *** هـل المزون الـلي تـزلـزل مخايلهـا
وقال صالح بن سعود بن عميرة النتيفي هذا المقطع من قصيدة :
يا زيـن والله خـوتـك يا ابـن عـبـار *** الا وزيـنهــا مـخـاوى الـهــزازيـن
ودي بشرح أمجاد وافيـن الأشبـار *** لكـن تـبي شـرح طـويـل وعناويـن
ولا لـلـتيمـم دور بحضـور الأنهـار *** ويقـضى مـع التجـار دور المقليـن
أرجـو يا أبـو مشعـل ولانـي بأمـار *** تفصيل بيضاً تطـرب الأذن والعين
سجل بديع القاف يا نسـل الأحـرار *** بأبيات شعـرٍ ذات معـنى وموازيـن

قال ماضي بن صبر العنزي هذا المقطع من قصيدة :
من ضاحية لبـده قبـل فـج الأنـوار *** قـام النـديـب وثـم واصـل مـسـاره
والتاسعه بالضبط عند ابـن عـبـار *** المكـرم الـلي يجـذب الضيف نـاره
ترفع له البيضا على طيب الأذكـار *** هـذاك أبـو مشعـل عـرفـنـا وقـاره
عبدالله اللي بـان علمـه بالأمصـار *** الـوايـلي عـلى الـفـضـيـلـة مـداره
من لابـة الفدعـان وافيـن الأشبـار *** لابـة مصـوت بالعـشـا فـوق قـاره
أهـل الكرم والطيب والسلم والكار *** تشهد لهم البدوان وأهل الحضاره
ثم أعـلم المندوب يا نجـم الأشعـار *** الـلي بـرع بالمـرجـلـة والجـسـارة
تمشي بدرب الحق يالقرم باصرار *** غصب على اللي ما براسه نمـاره
أنت الذي سطرت بالخـط الأسطـار *** حتى أتضح ليـل الدجـا من نهـاره
هـذا جـميـل وتشكـره كـل الأحـرار *** تـجـارتـك بـالطـيـب نـعـم التجـاره
هذا الذي يبقـا عـلى مـر الأعصـار *** فعـل الجـميـل ومـوجـبته الغـيـاره
يا كاتـب التاريخ يا صافـي الأفكـار *** حيـث العـمـل يحتـاج فـن ونـداره
عـسـاك عـز لـلـقـبـيـلـة ومـفـخــار *** تفخـر بـك الأجيال عـنـد أفتخـاره
وآخـر كـلامـي لـك مـعـزة ومـقـدار *** بنفـوسنـا ما هـو بـمكـر وعـيـاره
أجـمـل تـحـيـاتـي تعـطـر بـالأزهـار *** عـنـبـر وريـحـانٍ وورد بـغــزاره
تهدى لأبو مشعل وتنعم بهـا الـدار *** الـلي رجينـا الـلـه يطـّول عـمـاره
يفـداك يا راعـي الوفـاء كـل ثرثـار *** ولنـا طـلب منـك الوفـاء بالزيـاره
وقال ماضي بن صبر هذا المقطع من قصيدة :
مثل الأديب الـلي عـلومـه غـليضه *** الـوايـلي رمـز الـلـنـقـا والبـيـاضي
الـلي عـلـومـه كـل سـامي تهيضه ***عـبـدالـلـه الـعـبـار لا جـاك حـاضي
طول الزمن معروف برده وقيضه *** ركن مـنـيـع ولا يـجـيـه امتـعـاضي
من عانده يمـوت قهـر وغميضه *** ضاقت على المسكين سبع الأراضي
سـم العـدا طـب الكبـود المـريـضه *** من لابـة الفدعان رمـز الحضاضي
متوارثين الطيب مـا هـو عـريـضه *** متـمكـنـيـن فـيـه حـاضر ومـاضي
وقال الشيخ الشاعـر ماضي بن صبر النومسي :
ثم أشكر الـلي ولـف كتاب الأنساب *** الـلي ينقحهـا عـن الشـك والريـب
الـلي محى والـقـا عـمـل كـل كـذاب *** أطفا شموع أهل الخطأ والتلاعيب
وأعما عيون اللي تعرض للصحاب *** وأركـا على كبد المعادي مشاهيب
وأضرم ضريم مـا تطفيـه الأشيـاب *** بصدور ناس ما تـورع عن العيب
ناس تبي العليا وهي روسها أذناب *** عبدالله أدبـهـا عـن اللعـب تأديـب
أبـن دهـيـمـش مـا تـنـكـر ولا هـاب *** يضرب بكـفٍ لـه تليـن المصاليب
كـف حديدي ضربتـه ترهب أرهـاب *** تخشاه فرسان القصيـد المطاليـب
لـه وقـفـة جـزلـه بعـضات الأنـيـاب *** عبدالـلـه العبار راعـي المواجيب
الـوايـلي عـز الجـمـاعـه والأقـراب *** من لابة الفـدعان عالي المجاذيب
هـذا ومـثـلـه لا غـرابـه إلـى طــاب *** من مركزٍساسه تأسس على الطيب
مركـز سعـد غايـة طلب كـل طـلاب *** طـلاب للـعـلـيـا وعـذب المشاريب
أهل الحضاره والأعاجم والأعـراب *** تشهد بما أقوله شبابه مع الشيـب
تشهـد لقـوم باللقـا تـرعـب أرعـاب *** منهـا كبار القـوم هـم والمناصيب
رغـم الأنـوف وكـل حاسد ونصـاب *** حـنـا أهـل العـليا فعـول ومواهيب
بـأفعالنـا حزنـا عـلى التاج والكـاب *** نـكـسـب ولا فـيـنـا لقـوم مكاسيـب
فضل من المولى لسبـب له أسباب *** مصاب مايخطي ومخطا فلا يصيب
أقـولهـا وأتـرك مـفـاتـيـح الأبـواب *** للي يـبي صدره هـدف للمضاريـب
عـلمـاً تناديبـه عـلى راس مـرقـاب *** حـنـا لهـا يـا هجرس الذيب للذيب
حـنـا لـهـا وأن صـاح نـادب لـنـداب *** طـبـعٍ لـنـا قـدام جـساس وكلـيـب
نكشف ورقها كان عقل الردي غاب *** التايـه اللي تاه عـن سكة السيـب
وأقـر السّير وأسأل حكيمين الألباب *** الـلي تـفـيـدك لا تـقـلـب تـقـالـيـب
حـقـايـق مـا يـجـحـده غـيـر لـعّــاب *** نحـط بعـيـون الـمعـادي مخـاليـب
هـذي عـوايـدنـا عـلى مـر الأحقـاب *** مهمـا تـطـول أيـامهـا والـدواليـب
وش هـمنـا مـن كـل نـاعـق ونعـّاب *** أهـل العـلـوم الخايبـه والسعابيـب
الـلـي إلـى شـب الـوغـا كـل شبـاب *** تأخـذ مواقفهـا بـوسـط السراديـب
قال عبيدالله بن جهاد البجيدي هذا المقطع من قصيدة :
أملي القوافـي بالمضامين وأخـتـار *** ما هـان مـنـهـا بالمـعـانـي غـنـيـه
أبيـات شعـر ومـن مـواليـد الأفكـار *** مضمونها الشكـر الجزيـل وتحيـه
مقـرونـةٍ فـي بـاقـة ورود وأزهـار *** تـفـوح فـي عـطـر الـورود النـديـه
تهدى على قـرم العـيال ابن عـبّـار *** شكـر عـلى ما أهـديتنـا مـن هـديـه
هـديـةٍ فـيـهـا الطـرايـف والأخـبـار *** مـثـل الفيـاض المعـشبات المّـريـه
تسـرد لـنـا تاريـخ وافـيـن الأشبـار *** عـبـر السنيـن المـاضيات القصيـه
قـومٍ لهـم بالمجـد مـورد ومـصـدار *** كـمـا لـهــم فـي كــل مـبـدأ مـزيــه
شاعر وأديب وعندك العرف ينـدار *** وأدلـيـت دلـوٍ بالـمـنـاسـب رويــه
ألـفـت بـالأنسـاب وألـفـت الأشعـار *** بـالـنـص تـثـبــت والأدلــه قــويــه
يا ما رويت أخبار وأحـداث وأذكار *** واطلعت أمورٍ تحت الأنقاض حيـه
وأزلـت مـنهـا كـل تعـتيـم وأغـبـار *** قـد لـفـتـهـا وادرجـتـهـا بـالـهـويـه
من بين مد وجزر فيك الذكى سـار *** عـلى ضفـاف الـمعـرفـة والـرويـه
جنبت اللي فيها حزازات وأضـرار *** وأحـراج يفسد مـا بـرز من قضيـه
كـم راحـت الأيـام باشـرار واخيـار *** وكلـن بـقـي لـه فـي سجـلـه بـقـيـه
تصـيـر لـه بـالنـاس رمـزٍ وتـذكـار *** فـي سـلـبـها وأيجـابهـا لـه مطـيـه
هـذا بعـض يـا طيّـب الفـال مـا دار *** في خاطري وأوحى بـه الفكـر ليـه
بغيت أقصر طول شرحي ولا صار *** تـداعـت الأفـكـار غـصـبٍ عــلـيــه
تـواردت في كـل تصميـم وأصـرار *** بـاثـر بعـضهـا مـثـل ورد الـظـميـه
والمعـذرة لـو فيه موجب للأعـذار *** فـي مـا ذكـرتـه يـا كـريـم السجـيـه
أنـت الـذي عندك مقاييس وأعيـار *** والحـرف تكشف مايلـه من سويـه
وقال الشاعر محمد بن فناطل الحجايا هذا المقطع من قصيدة :
حيــيـت يامـن كاتـب زيـن الألحـان *** تجلي عن النفس السقيمة اعللها
نظم أبـو مشعـل يـا بعـد كـل فـنـان *** كـاتـب معاني مثـل صافي عسلهـا
الـوايـلـي يـوزن أقـوالـه بـمـيـزان *** عقـداً من الجوهـر سبايك اجملهـا
عـزيـز نـفـس ولا تـقـّـول ابـهـتـان *** بابيـات شعـر معـذيـه عـن زلـلهـا
مـن لابـة لا شبت الحـرب شجعـان *** كسرى شكى يـوم الملاقى ثـقـلهـا
جـاروا عليـه وعززوا بنت نعمـان *** وذيقـار تخبـر من نشدها وسألهـا
ربع لهـم في هامة المجـد مسكـان *** عـلى سـنـام المـجـد بـنـّوا فـلـلـهـا
هـذا لأبـو مشعـل تشكـر وعـرفـان *** مـن خافقي صدق العواطف نقلهـا
الشكـر لك يا نسل عطبين الأيمـان *** حيثـك مدحـت الـلي للأردن أملهـا
ومني تحيـه لأبـو مشعـل بشيحـان *** مثـل الشهد جانيـه طايـف نحلـهـا
يا اللي حديثـك ريح عطرٍ وريحـان *** ومسك تخـالـط مـع روايح نفـلهـا
وقال محمد بن فناطل الحجايا هذه الأبيات :
هـذي تحيـات الوفـاء يا ابـن عبـار *** كتبتهـا وأبـو عـبـدالـلـه حـفـرهـا
كـتـبـتـهـا يـا مـاكـر الـجـود تـذكـار *** يـبـقى عـلى مـر الليالـي خـبـرهـا
يا أبن الكرام اللي على مـر الأدوار *** نالوا وسامات الشرف مع فخرها
يشهد لكم يا طيّـب الساس ذي قـار *** ومفاخـرٍ غيـره كريمـه اصورهـا
وقال الشاعر هذا المقطع من قصيدة :
كـل عنـزي لـو حـبراسك قـليـلـه *** قـدرك عـزيـزا عـندنـا يابن عـبـار
يا من نـذر نـفسـه لـربـعـه دلـيـلـه *** يا عالـماً بانسابوايـل هـل الـكـار
يا مـن حملـت هـمـوم كـل القبيـلـه *** انا اشهد انك يافتى الجود معــوار
فـيـك الحميـه يا أبـو مشعـل نحيله *** نحـيلـة مـن سابـعجـدودن اخـيـار
صـد الذي صالـوا عـلينـا بـعـيـلـه *** مـا صـدهـم كـلامنـا وكـثـرالأعـذار
كـل من هجا وايـل يطيح بخـميلـه *** بـيديـن ابـو مشعلمعيثير من صار
يصيـده عـقـاب السعـد والنـفـيلـه *** ويتـوب كـل العمر عنسب الاحرار
يا الـلـه تمهـل لـه سنيـنا طـويلـه *** ويا الـلـه تفكه منصواديف الاقدار
يـا رب جـازه بـالجـنـان الفـضيله *** واتـجـنـبـه يـا ربـنـاحـامـي الـنـــار
وقال الشاعر متعب بن لافي الرويلي هذا الكقطع من قصيدة :
قـلبي يا أبو مشعل من الهم يجتال *** بين الجنوب وبين شـرق وشـامي
وليلي يا أبن عبار ساعـاتـه طـوال *** وعـيني بهجعـات الملأ ما تـنامي
قـلتـه ولك بقـلـوبـنـا الـواو والـدال *** نعـتـز فـي طاريـك حيثـك اقطامي
وقال يوسف بن راضي القراري هذه الأبيات من قصيدة :
لـلنـظيـم مـوجهـيـنـه مـن محاسن *** صوب من يحظى بقدري وأعتباري
دون ابـن عـبـار لحظـه لا يتماسن *** بستر ربـي توصلـه تالـي النهـاري
شعره وصـل نجد وديار الغساسن *** يبـدع القيـفـان مـن انهـار جـواري
كـن قـافـك منـبـعـه مـن مي ماسن *** بالجـواب أحتـار فكـري وافـتكاري
ويـوم حرب القاف نيـرانـه تلاسن *** تعـتـفـر من دون ربعـك مـا تـداري
لـك تـليـن قـلـوبـنـا مـهـما تـقاسن *** فـزعـتك بالسلم أو وقـت الخطاري
والعلـوم اللي نوحيها من حساسن *** لو تعالت قـولهـا من الصح عـاري
روسنـا مثـل الرواسي مـا يـراسن *** ما هي بالقرطاس وعلوم الهكاري
وقـت لولاس القضايا اليا انحاسن *** ما انتعـذر عن حلولـه وأنـت داري
وقال الشاعر سلامة بن حجي الحايطي هذه الأبيات من قصيدة :
دن الركاب وصخر القـاف تصخيـر *** بنصى الكريم اللي في الضيف حيّا
رجـل أيـتبسـم لا لـفـوه الـمسـايـيـر *** يـفـرح بهـم لا جـوه صبح وعشيّـا
يـأخـذ أمـوره لا نـصـيـتـه بـتـدبيـر *** ويـاقـف بـجـنـبـك لا أبـتـلتـك البليـا
هـذا هـو اللي من الرجال المغاويـر *** لـلـي كـواه الـقـيـض تـلـقــاه فــيــا
قـل لأبو مشعل لا لفيتـه بما أيصيـر *** والـلي غــرق تــراه يـبـي الـنجـيـا
حيثـك كريم ومن قـروم المناعـيـر *** وتـذكـر لي أنـك تتصـف بالحـمـيـا
وأنت الـذي تنصى بوقـت المعاسير *** عـن الـردى والبـوق نـاصع نـقـيـا
وقال محمد القويعي الخريصي هذه الأبيات من قصيدة :
يوصل لأبن عـبـار مكتوب منصـاب *** ذاق الـمـرار بعـيشـتـه والغـلـيـلـي
يا الوايلي يا عزوتي زاكي الأنساب *** وش حـيلـة الـلي سـاهـر كـل ليلي
أبـي الـفـزع يالقـرم فكـاك الأنشـاب *** بجاهـك عسى جاهك لهمي يزيلـي
وقال مبارك بن جوال بن وايل رحمه الله هذه الألبيات من قصيدة :
فـي دبـرة الرحمن شّـرق بتكليـف *** سـافـر من بريـدة ولطويـق هايـف
هايف عـلى دار الرجال المواليـف *** مـن دون ابـن عـبـار مالـه نكايـف
الوايلي ما حـّرف الهـرج تحريـف *** جـاب المعـاني والعـلـوم الطرايـف
سجل عن الويلان مجـد وتعاريـف *** وجمع حتى اللي بالقبايل عـرايـف
مجـد القبيلة سجلـه دون تسويف *** وشهد له اللي بناظر الحق شايـف
ابن عباريصرّف الشعـر تصريـف *** عسى الولي ياقـاه من كـل هـايـف
أودع عسيرات القـوافي مهاديـف *** يا جـعـل تـفـداه العـفـون الهـدايـف
ما كل من هو يبدع القاف حريف *** والعـرف يلـقـا بالرجـال العـرايـف
تبحر ابحر العلم من دون تجديـف *** خضت البحـور ولا ثنتك الكسايـف
وبنيت بالتاريخ لـك قصـرٍ امنيـف *** قصر المعزة نفت بـه وأنـت نايـف
عسى الولي ياقاك شر الصواديف *** ويحفظ لك اللي عقبكم لك خلايـف

وقال حمد بن يحى بن عواد الغري الخمعلي هذا المقطع من قصيدة :
هات القلم وأكتب جوابي بتمجـيـد *** وكـز الرسالـه للفهيـم أبـن عـبـار
نبعث بها لنسل الربـوع المواريـد *** الـلي عـلى كـل المـواجيـب صبّـار
بعدالعصر اللي على كيف ما تريد *** الـلي بهـا جـار يسيّر عـلى الجـار
وحيا بضيفه قبل عـرف وتناشيـد *** تـحـيـة يـطـرب لـهـا بـال مـحـتـار
والبـن جـاهـز دلـتـه هـيـلهـا زيـد *** والقهوجي فيها على المجتمع دار
وإلـى تريّض حالاً الكبش لـه قيـد *** خلا الحمر من مقطع الراس نثـار
وعقب العشا زانت علوم الأجاويد *** عطـه الجواب وبلغـه كل الأخبـار
الـحـر مـثـلـك بـه حـميـه وتجهيـد *** عادتك ياطيرالسعد تصخر صخـار
البوم لوينخى على الصيد مايصيد *** وطير الرخم يالقرم ما فاد صقـار
ولا أنت من مجذب حرار لها تريد *** أفعـالهـم يشهـد لهـا بكل الأقـطـار
وقال الشاعـر حمد بن يحى الغري الخمعلي من قصيدة جوابيه :
حي الجواب اللي بالأوراق مظمون *** اعـداد مـا هـلـت مـزون مـطـرهـا
واعـداد مـا حـجـوا لـمـكـة يـلبـون *** وعداد من صلى الفروض وذكرها
بـجـوابـكـم يـالـلـي عـلـيـنـا تـردون *** ياللي صحيحات الحقايق شهـرهـا
فرحت أنـا برسالتـك فـرح سعـدون *** نهـار جـاه عـقاب نـاطح خطـرهـا
حيثك يا أبـن عـبـار للمدح تزهـون *** ومثلـك رجـال الطيب كلن شكرهـا
صبت الهدف ياللي للهداف ترمون *** مـن قبـل نبدي لك وقايع اسررهـا
وعـرفت مطلوبي قبـل لي تسالـون *** وبـردت كبدي عـن لهايب سعرهـا
مالي هـدف غـيـر الـذي لـه تظنون *** لـم الجـمـوع وثـم طـيـّر اغـبـرهـا
وأنـخ الـذي عـنـد اللـوازم يسـدون *** لا حـولـوا في قـالـة جـاء خبـرهـا
ربعي على اللازم مع الكود يمشون *** بالقالـه اللي شمت لي بمحضرهـا
خـمـاعـلـة عـنـد الـمـلازيـم يثـنـون *** وحـفـلات جيتكـم نـزود بـزهـرهـا
خماعـلـة يالـلي بـهـم دوم تـوحـون *** ربعي تـرى شيل الثقايـل فخـرهـا
عـنـد العشـايـر باللـزوم ايتـنـاخـون *** وتصبح اعداهـم كيدها في نحرها
ربعي نهـار الكـون بالكـود يرسـون *** مثل السفن بالموج داخـل بحرهـا
وقـبـايـل الـويـلان كـلـه لـنـا عــون *** وعـاداتـهـم رد الـعـدا فـي كـدرهـا
وقال الشاعر عايض بن علي القحطاني هذا المقطع من قصيدة :
يا نجم هات البوك يا مسندي هـات *** مـع الـقـلـم يـا تـرثـت الطـيـبـينـي
من خاطري جريت بالصدر عبرات *** وأهـدي سـلامي مـن خفايا كنيني
سـلام مـنـي مـع جـزيـل التـحـيـات *** عـدت نجـوم بالسمـاء سامـريـني
للي انتشر صيته بصحف ومجلات *** ولا شك صيته منتشر مـن سنيني
عـبـدالـلـه الـعـبـار زبـن الـونـيـات *** بالمرجـلة والطيـب فعـلـه يـبـيـني
واثـق من نفسه مـا تهمـه دعايـات *** حيثه شبيه الليث حـامي العريني
الوايلي مـا أجيـد وصفـه بالأبيـات *** أوفى حقوق الشعر بصر وذهيني
حلحيل ما ينحـال فـي كـل الأوقـات *** وعـزالله أنـه بـه شهـامـه وديـني
الـلي على حـد الوطن لـه شهـادات *** يشهـد لـه الغـيـاب والحاضـريني
أنـا أشهـد أنـه كـفـو حامـل لمانـات *** وأنـا أشـهـد بـالـمـواقـف أمـينـي
من روس لا بـة بالسنين القديمـات *** رجـالهـم بالكـون ذرب الـيمـينـي
اللابـة الـلي يـنطحـون الصعـيـبـات *** زبن الدخيل اليا نصب لـه كميني
أطلب لـه التوفيق راعـي المهمـات *** وأدعـوا لأبـن عـبـار يالسامعيني
وقال الشاعـر حمدان بن عبدالله العنزي هذا المقطع من قصيدة :
أكتب جـوابي وأرسلـه لأبـن عبـار *** سـوالـفـه تشـفي القـلـوب الغـلايـل
قـلبـت صـفحـات المجـلـد بـالأذكـار *** ولـقـيـت بـه تـمجـيد كـل الـقبـايـل
أولاد وايـل مـا بـهـم قـول شبـشـار *** قـولـه صحـيح ومـاضي لـه دلايـل
وقال الشاعـر مشرف بن خلف المطردي الجعفري هذا المقطع من قصيدة :
وأرسلت به مرسال للقـرم عنيـت *** أرسلـتـه لقـرم العـيـال أبـن عـبـار
قـرم كـلامـه مـرحبـا بـك وحيـيـت *** وبعـد التحيـة دلـة نصفهـا ابـهـار
ومن بعدها يقدم سمينه من العيت *** سلم له المكتوب يا وافي الأشبـار
شرواك بـه عنـد اللزوم استعزيـت *** يا زبن مضيوم عليه الزمن جـار
وقال جروح بن ضيدان البحيري العبادي رحمه الله :
عنـد أبـن عـبـار يذبح لـك سمينـه *** والمفـطح قـدمـه فـوق الصيـانـي
أمـدحـه والنـاس قـبـلي مـادحينـه *** لا لفـاه الضيف حـلـو ومعشرانـي
وقال الشاعر زويد بن راشد الرويلي هذا امقطع من قصيدة :
أكتـب كـلام فـيـه تـقـديـر وأعـبـار *** للشاعـر اللي يرفع الراس طرياه
جهـز سلامي وأرسله لأبـن عبـار *** حـيثـه حكـيـم وعـارف كـل مبـداه
صدفه لقيته وأنا اسمع به بالأخبار *** علمه صعـد بالناس وأبعد معشاه
دايـم عـن التاريخ نـاشـد ومفخـار *** وضع البوادي شاغله وين ماجاه
يالله عسى المولى يمـده بالأسفـار *** وايـطـول أيـامـه عـلى كـل ملفـاه
مواقفه يشهـد بهـا صاحـب الكـار *** النـادر الـلي مـركـز الحـر مجـنـاه
لـه دلـة دايـم عـلـى واهـج الـنــار *** للضيـف والخـطـار والـلي تنصـاه
قال الشاعـر راضي بن عبدالله البليطيح المسيكي هذا المقطع من قصيدة :
عبـدالله العـبـار بالطـيـب مبخـون *** أمـدح جـنـابـه والعـرب يمدحونـه
قـرم يـهـلـي بـالــذي لــه يـمـرون *** عـبـدالـلـه الـلي باللـوازم يجـونـه
قـرم عـليـه أهـل القضايا يتعنـون *** مـا هـي غـريبـة حـيثهـم يبخنونـه
قـدم لهـم ترحيب مـن يـوم يلفون *** وأن كـان يقـدر مـا بغـوا ياخذونـه
مـن لابـة يـوم الـلـقـا مـا يـكـنـون *** يـوم اللـقـا خصيمهـم يـلـطـمـونـه
لابة بني وايل على الموت يردون *** حـوض المـنـيـة باللـقـا يـاردونـه
يوم أنها بعصور طاعن ومطعـون *** عـاداتهـم جـمع العـدو يكسـرونـه
يمشون للموت الحمـر ما يهابـون *** وأن أنقـطـع عـاداتـهـم يلحقـونـه
مـن ساس لابـة بالتوالـي يـردون *** أفـعـالـهـم كــل الـمـلأ يــذكـرونــه
عاداتهم عن خصمهم ما يصـدون *** يـوم الحرايب خصمهم يدحـرونـه
وقال الشاعـر عبيد بن راضي بن هليبان الحربي هذا المقطع من قصيدة:
يا كاتب أكتب من جزيلات الأشعار *** أكتب من الجزلات وأترك اهزاله
دونك رسالـة يا حمـد لأبـن عـبـار *** وإلى وصلت القرم عطه الرسالـه
وصل سلامي يا حمد لأبن الأخيار *** وإلـى قـرأ المكتوب يرسل بـدالـه
من اللابـة اللي تارد الموت جسّار *** عـدوهـم تصفـق يـمـينـه شمـالـه
يا ما غدوا بالوضح زينات الأوبار *** لـو كـان راعيهـم يكـود احتـلالـه
أولاد وايل يوم هي جيش وأمهـار *** يا ما كسبوا من شيخ قوم حلالـه
أولاد وايـل كـان عـج الـدخـن ثـار *** ترسي كما ترسي رواسي اجبالـه
عـدوهـم يـرجـع ذلـيـل ومـحــتـار *** وعـاداتهـم رد الجـمـيـل بجـمـالـه
منهـم خوالي أهـل المجـد والكـار *** جـعـافـرة يـا عـز مـنـهـم خـوالـــه
يا ما نزلوا بالقفر لو فيه الأخطار *** وهـم فزعت المظيوم لا جا مجاله
جعافرة يا ما أحتمـوا كل معـطـار *** بسيـوف حـدب مـرهفـات السلالـه
يستاهلون المدح صلبين الأشوار *** أهل الشرف والطيب وأهل العداله
شكيت شكوايه على الوافي البـار *** رجـل فـهـيـم ونـقـتـنع فـي مقـالـه
رجـل ولـه عنـد الرجاجيل مقـدار *** وعـادات مثـلـه يدركـون الجمـالـه
يفـداه من فكره عن الطيب منـدار *** اللي مشى بدرب الردى والرزالـه
الـلي يدينـه عـن الجـزلات قصّـار *** والعـمـر عاشه بالـردى والنـذالـه
يفـداك ولـد اللاش يالطيـب السـار *** يالوايلـي يا عـز مـن هـو عـنـالـه
وقال الشاعر مهل بن مرسال الجعفري هذا المقطع من قصيدة :
أن عـدت الأمـيـال ألـف وثـمـانـي *** توصل جناب الوايلي نسـل عـبـار
تلفي على القـرم العديم الحصاني *** يا مـكـرم الخطـار يا مـدلـه الجـار
يذبح من الجـزلات حيـل اسمانـي *** مـا حسـب للـدنـيـا وللـمـال خسّـار
الـلـي يـحـط الـبـن والـزعـفـرانـي *** بالدلـة اللي نصفهـا هـيل وابهـار
مـن لابـة يشدون زمـل الصخـاني *** أولاد وايـل طـيـبهـم مـابـه أنـكـار
أن عـزل الصـابـور بالجـبـخـانـي *** فازوا على الأضداد بالماقف الحار
حـريـبـهـم يـروح حـقــه بـيــانـي *** يطـول غـبنـه مـا قـدر ياخـذ الثـار
وقال الشاعـر كريدي بن قشعم الشمري رحمه الله هذا المقطع من قصيدة :
ملفـاك أبن عبـار لا صرت معـتـاز *** القرم ريف الـلي على الـزاد يلتـز
لا شاف زولك ينطحـك كنـه الـبـاز *** وعــنـده دلال صـافــات تـقــل وز
فنجالهن يغدي خوا الراس ممتـاز *** وابهارهن من ديـرة الهند جا كـز
لاجو مسايير الضحى جاب نقـراز *** جـذاب لـقـروم النـشـامـا إلـى نــز
ونشهد لكم بالطيب يا أولاد عنـاز *** يـوم المعـارك طعـنـكم للـعـدو كـز
وأن رز عند اقطيهم صـوت رزاز *** عـاداتهـم نـطح الفـرنجي إلـى رز
وقـت الـلـزم مـا ردهـم كـل حجـاز *** أرداهـم الـلي لا لـكـد هـزهـم هــز
ذخـر الـذي لـزه مـن الـظيـم لـزاز *** زبن العرندل لا مشى بالعصا خـز
أولاد وايـل لا تـعـاطـوا بـالألـغــاز *** عدوهـم فـي ساعـة الضيق ينمـز
واللي غـزا عناز من حربهم جـاز *** يدعـون راسـه مـن علابيـه ينجـز
ماأنت لربعك يا فتى الجود منحاز *** كل من سمع قافك من الناس يعتز
وقال الشاعـر كريدي بن قشعم الشمري من قصيدة أخرى :
ملفاك أبن عبـار كـان أنـت محتـاج *** بـه ذارب يـذبـح سمـيـن النعـاجـي
ما هـو مـن الـلي بالمعاييب هـراج *** قـرايـضـه مـا قـالـهـن كـل راجــي
ربعـه يفوجون الفرنجي إلـى هـاج *** لا صـار عـنـد المكرمات ارتجاجي
ضد العديم اللي على الناس ينعـاج *** يقـدون من صابه عـليهم عـواجي
أنتم بحر ماخضخضه كثر الأمـواج *** لا جاكـم المظيـوم شـاف الفـراجي
أقـسمـت بالمـعـبـود زراع الأمـراج *** مـا قـلـتهـا نـفـقـه ولانـي مراجـي
ربعـك يا أبن عبار يخلون الأسراج *** يـوم الذي لهـم عـلى الناس بـاجي
أشهـد بـهـا مـا بـيـن جـالي ووداج *** شهـادة مـا يـنـطـفي بـه اسـراجـي
لا ركبوا الطوعات وأدلـوا بالادلاج *** أدنـاهـم الـلـي لـلجـماجـم حـلاجـي
لا ركبـوا الويلان وأبـدوا بالأرواج *** عيوا عـلى الشيمات يوم الرواجي
أبي أنشـد الفـهـيـم عـاليـن الأدراج *** ويـن الـذي يطـلع مـزاجي بـزاجي
وأنت الذي ما سرت مع كـل هلباج *** تصعد على روس الطوال البراجي

وقال الشاعـر معزي بن طليان الخريصي العنزي هذا المقطع من قصيدة:
يحمل جـواب من ضميري معـنيـه *** للـوايـلي سـاس الفـخـر والشكالـه
مـع التحـيـة والسـلامـات نـهـديـه *** حيـث الـلي مثـلـه طيـبـات خصالـه
عبدالـله الـلي كـل مـا حـل طاريـه *** أفـخـر بـعـلـمـه يـوم يلـفي مجـالـه
وأطرب لقافـه يـوم نسمع معانيـه *** حـيـث أن قـافــه دايـم بـه جـزالــه
وقال الشاعر معزي بن طليان الخريصي :
يا راكـب مـن عـنـدنـا فـوق وانيـت *** دونـك جـواب مـن ضميري بديتـه
وده لأبـن عـبـار كـان أنـت مـديــت *** الـلي بفـعـل الطـايـلـه بـان صيتـه
وصـل سـلامـي للمعـنى إلـى جـيـت *** القـرم أبـو مشعـل أن كانك لقـيتـه
وقال الشاعـر عايد بن رغيان الشراري هذا المقطع من قصيدة طويله :
يـا نـاقـل المكتـوب مـني بـه أخبـار *** تعـطيـه مـن يـفهـم معـاني كلامـي
ملفـاك رجـل مـن صليبين الأشـوار *** يـهـاب فـزاتـه خـطـات الـغـلامــي
عبد الله المعروف مـن نسل عـبـار *** قـرم صميـدع مـثـل حـد الحسامـي
يتعـب عـلى العـليا وبالقـاف بيطار *** ويمسك على زمام الأدب بالبهامي
مـن لابـة يـوم المغـازي لهـا أدوار *** وايـل هـل الـردة نـهـار الـزحامـي
خلفت ربيعـة وصفهم مثل الأحـرار *** وأعـدادهـم مثـل الجـراد التهامـي
صلـفيـن فـي يـوم المـلاقـا إذا طـار *** ستـر البنات معـورجات الوشامـي
المـنـذريـة يـوم صـاحـت بـذي قـار *** جوهـا بـني شيبان فـزعة شمامي
راجوا عـلى الأعجـام بالسيف بتـّار *** اكفوفهم من جيش كسرى دوامي
منهـم أبـن مسعـود بالحـرب جبـار *** مثل الفحل وأن طب ركن الجهامي
اهـل الكـرم بربـاعهـم بـن وأبـهـار *** وصحون تندا من الدسم واليدامي
ومنهم مصوت بالعشا يوم الأسعار *** غـلـيـت بـديـرتهـم وقـل الطعـامـي
ربـيـع لـلـخـطــار والـعـز لـلـجـــار *** وأهـل الأمانـة يحفـظون الـذمامـي
الأمـر كـلـه جـاز لـي بـدع الأشعـار *** وبموجبـه نعـرف عـزيـز المقامي
عرفي بكم هو مقصدي مابها أنكار *** وأمثالـكم هـو غـايـتي والمـرامـي
يـنـوب عــنـي خـطـنــا جــاك زوار *** يـهـدي لـكـم تحـيـتـي وأحـتـرامـي
أحـلا مـن المسك الذي عند عطـار *** العـود من عطـر الرجال الحشامي
وقال الشيخ باتل بن نومان بن أديهم الحازمي هذا المقطع من قصيدة :
مرسل لنـا من الوايلي نسـل عـبـار *** الطيـب ساسه والردى ما انهقابـه
عـبـدالـلـه الـلي دوم للـكـود صبّـار *** حيثـه لفـعـل الطيـب يتعـب اركابـه
اللي لنسب ربعـه مؤسس ومفخـار *** يـفعـل جميـل وموقـفـه لا غـرابـه
ألـف لهـم تـاريخ فـي كـل الأقـطـار *** والـكـل منهـم يـفـتخـر فـي كـتـابـه
يزرع جمايـل في مقاييس وأعـيـار *** وعلم الفخر هـو مربحه والكسابه
والطيب يزرع بين صلبين الأشوار *** بيـن الرجـال الـلي اعـزازٍ جـنـابـه
يـنـمي نمـو الـزرع فـي مطلـع آذار *** ويجني حصيده كل من هو سعابه
ولا الردى من يزرعه يجـني العـار *** مـا فـيـه فـود الـلـه يعجـل ذهـابـه
والمـرجـلـة يـا القـرم تلقـا وتـنـدار *** عند الرجال الـلي تحسب احسابـه
الـلي بهـم نخـوة اليا صار ما صـار *** تلقـابهـم فـزعـة وسـرع الأجـابـه
جمع الشمل مطلوب ما بين الأخيار *** رخـم الجموع اللي عـدوك يهـابـه
والتفـرقـة تجـلـب مهونـة ومحـدار *** ينفـل جمعـك عـقـب تلـك الصلابـه
يمنى بلا يسرى ترى ما لها أشبـار *** ويسرى بلا يمنى صعـيب اكترابـه
والبيت بـلا عمدان مـا شيـد بأقفـار *** ولـولا رواق البيت يصبح خـرابـه
وقال الشاعر مقبل بن عقلا العنزي هذا المقطع من قصيدة :
عـنـاه مقـبـل لأبـن عـبـار بالـقـاف *** من اقصا الشمال خطوطنا ناصياته
من دون بيتـه ما ايتحيّر بالأوقـاف *** بحـي النـظـيـم إلـى تحـرك مـبـاتـه
إليا وصلت الوايلي ريف الأضياف *** عطـه الخطاب ورد الأبيـات هـاتـه
أبو مشعل كزيت لـه عـدة أضـراف *** ولا جـاء مـرد اخطوطنا من تلاتـه
ولنـا عليـه حقـوق أكبر من اذراف *** حيـث أبـو مشعـل يفتهـم واجباتـه
الشـاعـر الـلي للـقـوانـيـن عــّراف *** ومعـنـا المثـايـل يـفـتهـم لمعـنـاتـه
شاعـر بني وايل من الكاف للكـاف *** وأمـرشـحـيـنـه لـلـقـبـيـلـه ابـذاتـه
رشحـه أبـن حبيـب بعـيـد الأهـداف *** عـبـدالـلـه ابن تشيم أعـلـن ثبـاتـه
ما كن عـن واجب والأرياق نشـاف *** فعـل أبـو مشعل بان حـزت انداتـه
إلى سمع صوت الندا لو بـه اكلاف *** قـال أبـو مشعـل حاضـرٍ لأ طلباتـه
يـنـوب عـن كـل القبـيـلـة بميـقـاف *** ومـواقـفـه بالمـرجـلـة مـن بـداتـه
بالشعـر أبن عبـار هـو الـذي نـاف *** ولا الـردي مـا يعـرفـه الا خـواتــه
حيثه كما موج البحر زام الأطراف *** كـان اشهـلـنـه بالـهـوا عـاصفـاتـه
وقال الشاعر مقبل بن عقلا العنزيأيضاً من قصيدة :
ويا راكب اللي لا مشى بالغطاليس *** يـنـوز مـع الـهـاويــة دون دعـاس
يلفي على اللي ينشكاله حواسيس *** عـبـدالـلـه العـبـار لـعـداه مـدبـاس
يا شوق من تزهى جديد الملابيس *** تستاهلـه ولا الردي يزها الأفـلاس
لـك ربعـة فـيهـا النشامـا مجالـيس *** ما طبها شلات وأوباش وأخساس
مـن لابـة عـلى المعادي ضواريس *** عـدوهـم يقفي عـن الدار مـرواس
تقفي اعداهـم عن لقاهـم مراويس *** يلقون من جمع الفداعين الأنكـاس
عـدوانهـم ترجـع وتقـفي مفـاليس *** لو زارجمع أخصامهم كود ينحاس
حمـر النواظر محرقين المحاميس *** وأفعالهـم يالـوايـلي تـرفـع الـراس
هـداتهـم تشبه لعـنتـر وأبـن قـيس *** يـوم الشفايـا فـيها الأريـاق يـبـاس
وقال الشاعـر خالد بن حسين البقمي هذا المقطع من قصيدة :
وأسنـد عـلى اللي بالفعايل عطيبي *** يفـرق عـلى بـاع المناعـيـر بـاعـه
الـلي جـمع ثـنتيـن عـرف وطيـبـي *** والثـالـثـة قـاف يشـوقـك سمـاعـه
قـافـه الـيـا مـنـه نـطـق بـه تعـيـبي *** ما صار عـن معناه فيـه انهـزاعـه
مـن لابـة الفدعـان عـوق الحـريبي *** تاريخهـم حـاز الفخـر والشجاعـه
لا تـنـتـقـدنـي يـالـفـهـيـم اللبـيـبـي *** أرجـوك تـعـطـيـني كـلام الـوقـاعـه
وجهـت لك شكواي حيثـك صحيبي *** يا أبـن المعـنى مـن يراعيك راعـه
يا أبـن عـبـار أن كان ما تستجيبي *** ولا اعـتـبـرني مـغـلـط بـالـطبـاعـه
أنا عـلى غيرك فـلا أبـديت غـيـبي *** أخـذت عـن بـوح السرايـر منـاعـه
أحـب الـلي شـرواك رايـه صليـبي *** وإلـى نصحني قـلت سمع وطـاعـه
ولا الـردي لـو كـان مـني قـريـبـي *** أخـوي ولا لـي مـن أدنـا الجمـاعـه
إلـى نشـدني قـلـت لـه وش تبـيـبي *** عنكـم خذيت من التجـارب قـناعـه
قـد قـالـهـا مـرشـد لـزبـن العـتيبي *** المرجلـة مـا هـي بتصنع صناعـه
والسـر لا مـنـه مـن الـقـلـب جيـبي *** غنت بـه الأصوات في كـل أذاعـه
وقال مونس بن مفرح الشملاني هذا المقطع من قصيدة :
خـذ الـكـتـاب اوصـلـه لأبـن عــبـار *** من روس لابـة عـز اللي عزوتلـه
وإلى وصلـت الوايلي تلقـا الأخبـار *** حـيـث أن بـيــتـه كــل قــرم يـدلــه
الـبـن دايـر والـذبيحـة عـلى الـنـار *** عـوايـده ذبـح الـخـراف بـمـحـلـــه
صفـر الدلال مبهـرات عـلى اوجـار *** حيـث الكـرم والمـرجـلـة عـادتـلـه
تـثنـي عـلى فعـلـه مجالس وشعـّار *** القـرم اللي مجـد القـبيلـة فـطـنـلـه
ولا الغـبي مـا ينفعـه كـبـر الأعمـار *** سوالف اجـدوده مـا هـو عـارفلـه
هـذاك خـله وأتركه يا أبـن الأخيـار *** لا تـناقشـه يا نسـل الأجـواد خـلـه
وقال مونس بن مفرح العنزي أيضاً هذا المقطع من قصيدة :
واصـل مسيره والـولي ما يعيـقي *** عقب العصر تلقاه في هضبة طويق
وصل أبو مشعل بالسلام الـرقيـقي *** على الجواب مغلق الضرف تغليق
بالمجـلس الـلي للنشـامى يشيـقي *** والكـيـف جـاهـز بالـدلال الغـرانيـق
مـن لابـة الفدعان سـاسه عـريقي *** من دور وايـل والسنين السواحيق
والـلـي يـعـاديـهـم بـدمـه غـريـقـي *** وصديقهم نـال الرخـى والتـوافيـق
قال مبارك بن نومان المطوطح رحمه الله هذا المقطع من قصيدة :
نـرسـل كتـاب مـزرف لأبـن عـبـار *** فـيـه التحيـة والوفـاء وأحتـرامي
وجميع من ساهم بطبعات الأشعار *** وقاموا بنصح وساهموا بالنظامي
تـحـيــة مـنـي لـكـم سـر وأجـهــار *** وكـل الجماعـة خصهـم بالسلامي
سـلام أحـلا مـن همـاليـل الأمـطـار *** وألذ مـن شربه إلى صرت ظامـي
أولاد وايـل فـعـلـهـم مـابـها انـكـار ***هـذي سلـوم جدودهـم والعـمامـي
جـلابـة الأرواح بـالـمـوسـم الحـار *** أفـعـالهـم غـرب وشـرق وشـامي
اللابة اللي تحشم الضيـف والجـار *** وإلـى زبـنهــم لاجـي مـا يـظـامـي
مـاهـم خـفـيـيـن عـلـيـنـا بـالأذكـار *** واليـوم شفنـا رسومهم بالتمامـي
يا جعـل ميتهـم يزحزح عـن النـار *** والحـي منهـم فـي رفـيع المقامـي
وقال إبراهيم بن حرير بن فيحان العنزي هذا المقطع من قصيدة :
وأرفع سلامي وأعـتـزازي هـديـه *** ومهمـا احـيي فـيـه مـا هـو كفايـه
عـبـد الـلـه العبـار راعي الحـميـه *** الـلـه يـفـكـه مـن خـطر كـل سـايـه
وأقـبـل تـحـيـاتـي بـنـفـس نــقــيـه *** بـاول كلامـي وأوسطـه والنهـايـه
وقال الشاعر عاصي العامر المطرفي هذا المقطع من قصيدة :
يـمـد مـن رفـحـا حـلـول العـتيمـي *** ويلفي على قـرم العيال ابن عـبـار
يـذكـر تـرى بـيتـه بحـي النظيمـي *** وإلى وصلت الحي تنشد عن الدار
تـلـفـي لـقـرم بـالـلـوازم كـريــمـي *** يذبح لك الحايـل إلى جيـت مسيـار
وبـلـغ سـلامي للعـزيـز الحـشيمي *** عبـدالـلـه العبـار صليـب الأشـوار
وقال الشاعر عودة بن زله الصقري رحمه الله هذا المقطع من قصيدة :
وقضى لزومه وأصطفق لأبن عبار *** ملفا النشامـا اليـا كبـا كـل مكعـوم
قـبـل الـذبيحـة قـلـط الهيـل وأبهـار *** متعـلـم للـطيـب مـن غـيـر تعـلـوم
مـن لابـة بالكـون يهـدون الأعمـار *** يـوم العـزاوي واللقا تسمع الـروم
ويوم المغازي والفخر بـام شنكـار *** ويـوم الرقيبـة ملتوي عند مرجوم
وقال الشاعـر سعود بن عودة بن زلـه الصقري هذا المقطع من قصيدة :
يـم الـريـاض مـكـلـفـه لأبـن عـبـار *** عـبـدالـلـه الـلي فـايـزٍ بـالـشطـاره
مـن دون بيتـه لا تمّيـل عـن الـقـار *** وكـلـن يــدلـك كـان ضـيـعـت داره
مـا هـو خـفي كلـن يـدلـك بـتـذكـار *** مـتـبـيّـن ولا صـك بـاب الـعــمـاره
يالوايلي علمك مـع الجـاري المـار *** يا الـلي بـدرب الطيب زايـد وقـاره
يا اللي عـلى در الصعـيبـات صبّـار *** الـلـه يـفـكـك مـن عـذابــه ونــاره
وقال الشاعر محمد المحدى الغبيني هذا المقطع من قصيدة :
ومن بعد ذكرك قلت زين القـوافي *** وسجلـت مـن قيـلي كـلام سليمي
يهدى عـلى قـرم من الـربع وافـي *** عـبـدالـلـه العـبـار رجـل حشيمي
أديـب شـاعـر بالمـواقـف سنـافـي *** الـوايـلي بالـعـرف دايـم فـهـيـمي
قلـه يا أبو مشعل أشوف أختـلافي *** في هالـزمن عن الزمان القديمي
شفنا يا أبو مشعل بـه الحـر خافي *** كـمـا تـرى ذل الشجاع العـديـمي
وأشوف جو الناس ما هو بصافي *** شفنـا يا أبن عبـار بالجـو غـيمي
وأيضاً هذه الأبيات من قصيدة للشاعر محمد المحدى الغبيني :
قـم يا نديـبي فـوق ما يقـطع القـار *** فكسار لـونـه بـيـج يشـر انبيـره
يقـطع بعـيـدات الفيـافـي والأقـفـار *** ويحل في ممشاعه في كـل ديره
يلفي عـلى قـرم من الربع الأخيـار *** طاري جنابـه تفتخـر بـه عشيره
أبـي استشيرك يالسنافي بالأشوار *** ومن شاور الفهيم ريّـح ضميـره
وش حيلتك يا مسندي يا أبن عبار *** بـنـاس خفايـاهـا عـلينـا حقـيـره
قلي يا أبو مشعل ترى الوقت دوار *** ودنيا البشر رب الخلايق يديـره
وقال الشاعر خلف بن محدى الغبيني هذا المقطع من قصيدة :
أبـو مشعـل بالفـخـر ذرب العـيـالي *** بالوفاء والمجـد والطيـب معـروف
لابـتـه بالـكـون لا جـوا بحـتـمـالي *** خصمهم بالكون يمشي مـا يشـوف
لابـتـه بالكـون مـاضيـن الـفـعـالـي *** لا تـلاقــوا بـالـرمـاح وبـالسـيـوف
أهـل العشوى مثـل حيـد بالجبـالي *** مـاتهـزهز راسي بـوجه العصـوف
هـذا قـولي فـي كـريميـن السبالـي *** ربعـي الفـدعـان طـلقـيـن الكـفـوف
أمـدح الفـدعـان وافيـن الخصالي *** ريف من هو شاف من وقته حفوف
أمـدح الفـدعـان فـي جـور الليـالي *** الـخـوي والـجـار بـه دايـم تــروف
أمـدح الفدعـان لا صـار انـعـزالـي *** يـدحـرون الخصم وعيونـه تشوف
أمـدح الفـدعـان يـا جـالـي مجـالي *** ولا سألت عن الردي هو والهلوف
أمـدح الـفـدعـان فـي قـيـل طـرالي *** ومن زعـل من قولنا جعـله ذلـوف
وقال خلف المحدى هذه الأبيات رسالة جوال :
لا يـهـمـونـك قـريـبـيـن الـشـوابـح *** الـردي حـيـشـاك ذكـره مـا يـخـلــد
يا ابو مشعل خـل من دار المرابـح *** لا يـغـيـضـك خـايـن قـام ايـتـجـلـــد
لا تـسـمّـع لـلمـهـايـط والـمـطـابـح *** أنـت فـوق القـول والخـاسي تـبـلـد
جواب خلف المحدى رسالة جوال :
يـا رفـيع الشـان يـا ذرب الـفـعـايــل *** مـن يـدور الشـر جـعـل الـلـه يـلـده
أصعـد أصعـد للعـلا والـراس طـايـل *** بـرج مجـدك مـا قـدر حـاسـد يهـده
وحـنـا لـك أنصار يـا عـرب السلايل *** مـن يحـدك حـالـفـن والـلـه لا حـده
وقال خلف المحدى :
مكـانـتـك بـقـلـوبـنـا يـا أبـن عـبـار *** وإذا نـسـيـنـاك أنـت ربـي نـسـانــا
يا سيفنا المصقول بالموقف الحـار *** الـيـا احـتمـينـا فيـك نلقـى حـمـانـا
يا أبن المعنى قطعت عنك الأخـبـار *** وحـنـا قصرنـا بـواجـبك من ردانـا
وقال خلف المحدى
واصل يا ابو مشعل للأمجـاد واصـل *** وعليـك لا يشكل من الناس لـواص
أنت الرفيق اللي على الطيب حاصل *** ولا الردي في حزت الضيق حواص
وقال الشاعر محمد المحدى الغبيني أيضاً من قصيدة :
تنصى جناب اللي عـلومـه شهيـره *** عبـدالـلـه الـلي وافـيـات خصايـلـه
الـوايـلي مـن سـاس قـوم عـريـبـه *** مـن لابـةٍ بالطـيـب تـذكـر فعـايـلـه
ويـلان بـالـتـاريـخ كـلـن ذكـرهـــم *** ويخـبـرك بالـتـاريـخ واقـع دلايـلـه
ومن غيـر هـذا خصمهم ينطحونـه *** واللي غـزاهـم دوم توخذ رحايلـه
أشوف ناس يا أبـو مشعـل هـزيلـه *** تـغـيـرت عـاداتهـم فـي هـزايـلـــه
وقال فارس بن سطام الجميدي الركابي هذه الأبيات من قصيدة :
سر يا قـلم وأكتب لنا نظـم الأشعـار *** أكـتـب لأبـن عـبـار مـني سـلامـي
من لابة كـان اعتـلـوا قـب الأمهـار *** فـكـاكـة الطـابـور عـنـد الـزحامـي
ويـلان مـا فـيـهـم تـلاقـيـط شبشـار *** ومـعـربـيـن الخـال هـم والعمامـي
يـوم اللـقـا يسـمع بـهـم كـل مغـوار *** بأفعالهـم يـدري رضيع الفطـامـي
ويـلان مـن عدنـان وافيـن الأشبـار *** لـنـا الفخـر باذكارهـم كـل عـامـي