 |
|
 |
 |
|
 |
الإهداءات |
|
 |
 |
 |
 |
 |
 |
 |
 |
 |
 |
 |
 |
 |
|
|
|||
|
|
|||
|
|
|||
|
|
|||
|
|
|||
|
|
|||
 |
 |
 |
 |
 |
|
|
|
 |
|
 |
||||
 |
 |
|||||
 |
|
 |
|
|
|
|
||||
 |
|
|||||
|
|
|
|
 |
|
 |
|||||||||||||||||||||||||
- تعديل اهداء
|
|||||||||||||||||||||||||||
 |
|
 |
|||||||||||||||||||||||||
 |
|
|
|
|
||||
|
||||||
|
|
|
|
06-26-2022, 08:16 PM
|
#11 |
|
صاحب الموقع
تاريخ التسجيل: Mar 2008
المشاركات: 10,350
|
تابع
وقال عبدالله بن دهيمش بن عبار العنزي هذه الأبيات يسند على عبدالله سمير الفلجي العنزي : 116 نخــيـت عـبـد الـلـه طـلـيـق المحـيـا *** حيثـه سلايـل ريف ضيفه إلى جـاع أخـبـرك يـا مـشـكـاي مـابـه أخـفـيـا *** عجـل علينا بالخبـر وأسرع أسـراع سـلـم عـلـى الـلي مسكـنـه بـالثـريـا *** فـوق الـكـواكـب والغنـاديـر بالـقـاع لـه مـنـزلـه عـنـدي مـكـانـه أهـنيــا *** بالجـوف يوجد موقعه بين الأضلاع أن كـان ملهـوف الحشاء به أحـميـا *** عـلـيـه قـلبي يـا فـتى الجـود ملتـاع أن كـان رحـب بـالـرسـالــه وحـيـــا *** قـله تـرى ما مقصدي مكر وأخـداع وأن كانه أعرض عـن كتابي وعـيـا *** خـلـه بـفالـه وأتـركه كـان مـا طـاع وأن كـان وصـلـه يـا فـتى مـا تـهيـا *** مـا ينـفـع المحـروم تفتيـخ الأصباع مـا يـطـرد الـمـقـفـيـن كـود الحــديـا *** الحـر يـصطـاد الحـبـاري إلـى ثــاع * قال عبدالله بن دهيمش بن عبار يثني على العميد المتقاعد صالح بن عليوي البراك : 117 يـا أبـو فـلاح إلـى تعـايـت نصينـاك *** ولا الـردي كوبـان مـا سـر ناصيـه شـروى جنابـك ينصي يا أبن بـراك *** ولا الـردي مالـي عـليـه المشاريـه يا أبـو فـلاح اسنـد كلامـي لشرواك *** ولا الـردي يـالـقـرم ودك اتـهـبـيـه بذلت مجهودك عسى اللاش يفـداك *** ولا خاب مدحي في زبون المداليه كم واحـدٍ في ساعة الضيـق ينخـاك *** إلى بـار بـه دحش غليضة علابيـه لـك عـادة تقضي لزومـه إلـى جـاك *** كانـه تعـنى وكـايـد الظـرف حاديـه يـا مسنـدي لـولا الـولـي ثـم لـولاك *** كـان امـتـحـنـا الـداهيـه قـل والـيـه يقـولـه الـلي شـاف طيبك وخـاواك *** يشكر صنيعـك فـي قرايض مباديـه ولا هـو كثير أن كان حنـا شكرنـاك *** حصلت علـم الطايلة وأنـت راعيـه قـدمـك يـا صالـح مفـاعـيـل يمـنـاك *** يوم أن بعض الناس يفخر بماضيه تقصـر يمينـه مـا يسـوي سـوايـاك *** كب الـردي لـو هـو عريبه مجانيـه اللي يحوش الطـايلـة ذاك مـن ذاك *** ما تـستـوي لـلي قـريـبـه مـرامـيـه طبع الحميـة والـكـرم من سجايـاك *** نـعـتـز بالطـيـب ونـفـخـر بـطـاريـه تستاهـل التمجيـد والمـدح يـزهـاك *** حيثـك لـزومي فـي يـمينـك تسـويـه ولاني مـن الـلي لـو تعـذرت وازاك *** ولا خير باللي دوم يشتمت بنيخيـه * وهذه ملخص قصيدة قالها عبدالله بن دهيمش بن عبار العنزي يسند على الشيخ عبدالله بن أورنس الشعلان : 118 بـديـت بـاسـم مكـّون الجـن والأنـس *** رب الـمـلأ كـل الـخـلايـق خـلـقـهـا وأسندت منظومي على نادر الجنس *** القـرم اللي علوم المراجل عـشقهـا مـن طلعـته مـا سار بالمسلك الدنس *** سلم الجـدود أهـل الفضايـل لحـقهـا المجد له موروث من شيخ وأبرنس *** مـفـاخـره متـسلـسـلـه مـا سـرقـهـا عبدالله المجذوب من ماكـر أورنـس *** الـلي الصـوارم بالمخـالـب صفـقهـا أبـوه حط الروح أرخص من الـبنس *** يرمس بهـا عـلى الخطر مـا فهقهـا وأن قالوا الريع الفلاني ما هو ونس *** يـنصـاه وأبـواب المـدارك طـرقـهـا * قال عبدالله بن عبار يسند على الشيخ فارس بن محمد الأيداء : 119 القـاف هـاض وزان بالطرس نقشه *** فاض القريض وباح مكنون جاشي يا راكـب الـلي ما حصل فـيه دقـشه *** يسبـق بجريـه كـل من سار ماشـي وأن سار كن بصحصح البيد وقشه *** وقش الهبوب الـلي به المزن ناشي يلفي عـلى فارس سليل أخـو بقشه *** جـده خـزم بالـكـون فـيـل البـواشـي مضراب سيفه يـودع الراس فقشه *** والضيف يـذبـح لـه سمين المواشي ذود المعادي لا نوى الشيخ رقـشه *** حـتى الطلـب لـو غـار ما رد حـاشي قـلتـه وعيب الهرج عفجه وهقشه *** اعــتـز بـالـطـيـب ولا نـي مـخـاشـي *- وقال عبدالله بن عبار يثني على سالم العماوي رحمه الله : 120 عند الرجال أن جيب طاري العماوي *** نعمٍ بأخو سلمى إلى جيب طاريـه أخـوان سـلـمى مـدلـهـيـن الـجـلاوي *** لا شاف دالول الخطأ من عوانيـه وأن صـار لـقـروم النشـامـا عـزاوي *** زبن الطريح اللي جـواده اتخليـه وأن بـار بالـصاحـب ردي الهـقـاوي *** ينصاهم اللي شاين الوقت حاديـه * قال عبدالله بن دهيمش بن عبار يثني على الحميدي بن رميح الوهبي أبو بدر وقحيط أبو قاسم الأشجعي : 121 الجاش هـاض وفاض كامن قصيـدي *** وادنيـت صفحات الورق والمراسم اسنـد عــلى قــرم الرجـال الحمـيـدي *** واسنـد على الفاهم قحيط أبو قاسم جليسهـم مـن هـرجـهـم يـسـتـفـيـدي *** كــنـه لـمجـروح الـضـمايـر بلاسـم مــن زارهــم لازم عـليـهــم يـعـيـدي *** يشتـاق مثـل الـلي عـمل له طلاسم عـلم الـردى واللـوم عـنهـم بـعـيـدي *** الـكـل منهـم يـنـطـح الضيـف باسـم لاشــك واحـدهـم شـديـد وعــنـيــدي *** عـلى القسم معتـاد والهـرج حاسـم عـذروبهـم ما يجـمعــون الـرصيـدي *** فـطمـت بهمهم مـا تطـول المواسم عسى الخـيـال لـلي لمـزنـه رعـيـدي *** يـنـزل بـديـرتـهـم وللـروض ياسـم يـورق بـه الجـذع اليبـيس الهميـدي *** ويبـور محصول العلـف والبـراسم وينـبـت مـصاليع الكـمـا والـزبـيـدي *** ونـفح الشذا فـوحه يشوق المناسم * قال عبدالله بن دهيمش بن عبار العنزي هذه القصيدة يسند على سعد بن ساير الخمعلي العنزي : 122 يا راكـب الـلي ما بعـد حـرك التايـر *** ما ساقه السايق ولا لف لـه طـاره تـوه بـدت دورة الـتـيـار بـالـوايـــر *** وتـو الخـواجه تفـقـد شـد مسمـاره جابوه من مصنعه في شهر فبراير *** من وارد الخمس والتسعين بغباره تـبـارك اسـم الـولي شبهته الطايـر *** مـا ظـنـتي تسبـقـه بـالـقـار سيـاره جبناه من معرضه عند الطلب هاير *** مـتـفـقـده نـاجـبـه نـاقـيـه مخـتـاره دربـه سهل معتـدل مـا طبـه العايـر *** بخط القصيم اتجه ممشاه مع قـاره وإلى وصل مفرق الفيحا من الحاير *** يلف للمجمعه هـي راس مشـواره ملـفـاه ومعــزبـه سـعـد ولـد سـايـر *** الخـمعــلي عـادتـه يـفـرح بـزواره أبـوه الـلي بالكـرم لا جـالـه الـزايـر *** جاب السمين الـذي يحتار جـزاره قـدره بعيت الغنم ريف النضى فايـر *** دايم بوقت القصى ما تنطفي نـاره والهيل طول المدى في ربعتـه دايـر *** يبرم بـه القهوجي للي حضر داره وخاله سبق بالفخر يوم الزمن جاير *** هودا بروس الغنم من أجل خطاره يشهد عليه اللقب باللي جرى صاير *** أيضاً وله شاهـده عـبده وسنجاره وسعـد عـلى دربهم بالمرجله سايـر *** عن الخطأ والردى رب الملأ جاره مرحـوم من طبعـه مـا رافـق البايـر *** ربـاه مـا سيبـه مع شـلـة الحـاره يمشي على منهجه ما طاوع الشاير *** سلم الكرم مقصده والمرجله كاره ما راغ عن واجبه وقـت اللزم نايـر *** لو كن عن واجبه ما طالت اشباره سعد يحث السرى صوب العلا غاير *** واللي يحوش الفخر نعتز باخبـاره * قال عبد الله بن دهيمش بن عبار وقد ارسلها لأخيه حمدي بن دهيمش ابن عبار رحمه الله وكان في البادية : 123 قـم يا نـديبي وارتحـل فـوق سبـّاق *** ونـيـت يعـبـا لـلـطـروش الطـراقـي عسى طريقك يا فتى الجود مايعاق *** سافر بحفظ الـله عسى الـرب ياقي سافر وخذ منظوم من خاطري لاق *** الـذ واحـلا مـن دريـر الـنـيـاقــــــي خـذ الكلام الـلي تقـل شهـد تـريـاق *** قـرايضـه مـثـل العـسـل بالـمـذاقـي سجلتها ابيـض الصفايح والأوراق *** وعـبـرت عـن الـلي تكنـه اعـماقـي وارسلت مظمون التحية والأشواق *** قـلـتـه وأنـا صبـري تعـدا القـناقـي سلـم عـلى قـرم العـيال أبـو صفـاق *** وقـت الـلـزم مـا يـتـقـي بـالمتـاقـي وسلم على ربعـي عريبين الأعراق *** ضـد الـمـعـادي يـوم جـر السناقـي يـهــيـم قــلـبـي كــل مـا لاح بــراق *** مـن صـوب ديـرتهم يزيـد اشتياقي ياما وياما ارقبت في راس شوهاق *** بالحيـد الـلي فـيه أم سالـم أتقـاقـي اصبر كما يصبرعلى الجور عملاق *** ولا بـد مـن عقـب الفـراق التلاقـي اصبـر وعـند الـلـه تقاسيم الأرزاق *** والحمـد لـلمـولى عـلى العـز باقـي وافطن تـرى دنيـاك صالـون حلاق *** هــذا مــنـه يــنــزل وهــذاك راقــي وصلوا على المختار بالقول صدّاق *** حطم عروش أهل الدجل والنفاقي * قال عبدالله بن عبار يسند على مهدي عندما كان في أم السلم بجدة : 124 يـاراكـب الـلـي يـفــرح الـبـال شـده *** يـقـطـع بطانيـج السهـل مـع نفـوده الـيـا هـوا مـع سـهـلــة مـجــرهــدة *** مثـل الصواعـق يوم تدوي رعـوده تـسمـع جليـد الهـاف مع خـطو رده *** جـلــد الـبـرد لا جـاه مـزن يـحــوده أن كـان تسـمح يا فـتى الجـود هـده *** خمسة دقايـق لـو سمحت امعـدوده وإلـى خـتـمـت الـخـط يـا لـقـرم وده *** ولا تــأتـي إلا محـضـرٍ لـي اردوده ملفـاك الـلـي بـام السلـم شرق جـده *** مـهـدي كتـابـي مـا تـغــره ابـنـوده بعض السوالـف مثل حشـو الـمخده *** ولا لي بكـثر الهـرج نقـصه وزوده لاطـف صديقـك واحشمـه لا تـضـده *** واحفـظ لسانـك لا ايتجاوز احـدوده ومن شذ عن ربعه تـرى خاب سـده *** عنـد اللوازم هم سـواعـد اعضوده ربـعــك بهــم رفـــده وهـــده ورده *** يـوم بـه الشيطان يـبـرز وجـوده ومـن لا يدور العـز في عـقـب جــده *** عـنـد الـلـزم مـا يـنـفعـنـه انـقــوده ومـن لا يــــودك تــركـه لا تــــوده *** ولا يـنعـذل قــلـب تـراثـت لهــوده * وقال عبد الله بن دهيمش بن عبار العنزي هذه الأبيات يسند على أبو هزاع وحش السيب القلفا رحمه الله : 125 يا راكب الـلي مـثـل لـمح الـشـرارة *** جـريـه سـريـع ولا تـمالاه بـالسيــر جمس جـديـد بلـوحتـه واسـتـمـارة *** ونيـت هاف إلى مشى يسبق الطيـر سـواقـه الـلـي مـشتهـر بـالشطـارة *** مـتـخـرج مـن دورة الـعـود شنفيـر سـافـر يـخـم الـقـاع لـيـل ونـهــاره *** مثـل الغـمـام الـلي تسوقه معاصيـر يحمـل جـوابـي بـه لطيـف العـبـارة *** ابـيـات قـلـتـه مـن صميـم التفـاكيـر ملفــاه أبـو هــزاع مـكـرم جـــواره *** وحـش عزيـز الجـار زبـن المعاثيـر وأن نـشد عـني قـل تسرك اخـبـاره *** من فضل رب الكون مبسوط وبخير الـشـيـمـة الشـمـاء حـفـظـنا وقـاره *** لكـن حطـام الـمـال مـا فـيـه تـوفيـر واليـوم عصر العلم عصـرالـتجـارة *** كلـن يـبي يربح ويخشى المخاسيـر والبـدو طاحـوا في حيـاة الحضـارة *** حيث انتها عصرالسلف والمظاهير بـيـت الشعـر حطـوا بـدالـه عمـارة *** والغــرب مبطي بـدلـت بـالمواصيـر كلـن يـريـد البـيـت يـرفـع اســواره *** ويشرب من الخزان ما يجذب البيـر * وقال عبدالله بن دهيمش بن عبار هذه القصيدة موجهها إلى الشاعر سالم بن حمدان الشراري يشكره على إهداء نسخة من ديوانة الوان : 126 مشكور يا مرسل من الشعر ديـوان *** حي الكتاب اللي لفاني من الجوف الوان مثل اسمه بـه اشكال والـوان *** يا مرحبا بـه عـدد ما خط بحروف مهديه لي قـرم العيـال ابـن حمـدان *** النـادر الـلي بالرجـاجـيـل معـروف اشكرك يالشغموم يـا نسـل ضبعـان *** من ساس لابة بالفهامة بهم نـوف قصيرهـم يلقى الكرامـة والإحسـان *** ودخيلهم يامـن من الظيم والخوف أولاد مكـلب يـوم روغـات الأذهـان *** عوق العديم اللي من المرمايشوف صافين من خلفة شرار أبن سلمان *** مثـل الجبل ما هزهم كـل عاصـوف غوش إلى ركبوا سلايـل وضيحـان *** يوم المغازي جيشهم كنها خشوف مـدحـتهـم بالطيـب والفعـل برهـان *** لـو ماني بتمجيـد الأجـواد مكلـوف قلته وأنا من ساس لابة لهـم شـان *** طالوا سنام المجـد برماح وسيوف أولاد وايـل مـن صـمـاصـيـم هـزان *** يـوم الملاقى ايمانهم كنها احتـوف بذيقار الأول ناصروا غوش شيبان *** تقابلـوا والجيش زافات واصفـوف وصلاة ربـي عـدد هـطـال الأمـزان *** على الرسول اعداد ما هب نفنـوف * وقال عبدالله بن دهيمش بن عبار هذه القصيدة يسند على العمدة شافي بن جزاع بن جروح : 127 يا شافي أبـن جروح يا نسل جـزاع *** نـقـول لـك يالـقـرم مشكـور مشكـور وابي اعتذر كان أنت للعـذر سمـاع *** وابي السماح إلى حصل مني قصور زين النبا ما يقـري الضيف لا جـاع *** ولا تاجد اللي جـاد من غيـر ميسور حيـث الـذي ما يملـك المـد والصاع *** عـن ما تريـد النفس يالقـرم مقهـور البـاز لـو هـو صيرمي يلـزم الـقـاع *** كـان الجنـاح ومخلـب البـاز مكسور ولا ظنـتي تبحـر سفينـة بلا اشراع *** لـولا المجـادف طـمـهـا كـل شختـور والصيت غـربال الرجل كل ما شاع *** ومـن لا بسط يمناه ما صار مشهور إلـى نصوه أهـل الهقاوي والأرماع *** يشـره عـليه من العـرب كـل منعـور ولا كـل من يظهر تواتيـه الأوضاع *** كـم واحـدٍ مـالـه عـلى الفعـل مقـدور من كـان دربـه سـد مـا فـيه مطلاع *** لـو يعتـذر ما هـو من الناس معـذور مـن كثـر مالـه يعـتبـر طـايـل البـاع *** ومـن قـل مالـه بالعـرب قـيل مثبـور الـلـه كريـم وراجي الـرب ما ضـاع *** والـلي مـشـى بالحـق لا بـد منصـور الـرابـح الـلي دل طـاروق الأسنـاع *** يسير في درب الهدى صايب الشـور والرابح اللي لخالق الكون مطـواع *** يخشى غضـب ربـه ولا يلفـظ الـزور النـاس تشـري بالسوالـف وتـبتـاع *** والملتزم عـن طـاري العيـب ماجـور واشوف دنيانـا بهـا اشكال وانـواع *** هـذا حـزيـن وذاك بالكـيـف مسـرور عـام الـمـحـل لابـد يـقـفـاه مـربــاع *** و نـور الـبـدر لا بـد يـقــفـاه داجـور هـذا زمان أهـل المقـاصد والأطماع *** نعـوذ بالـلـه صـار لـلـنـذل جمـهـور * وقال عبدالله بن عبار يهني العمدة شافي بن جزاع بمناسبة : 128 يـا راكـب جـمـس يـبـوج الـفـيـافـي *** ونيـت هـاف لنـازح البيـد جامـوح عـابيـه للـقـاع الـوعـر والكشـافـي *** يطوي بعيدات المسافة قدر شـوح يا سايقـه سافـر تـرى الجـو صافـي *** ود الجـواب ولـو تأخـرت مسموح انـص الـلي بيتـه للهواشـل مـلافـي *** ود السلام الـوايـلي خـلفـة جـروح اسـلـم وسلم لي على القـرم شـافـي *** أبوتركي ماهو من الناس مشفوح يـفـداه مـن دنـق تـقـل بـه ارعـافـي *** حيثـه لربعـه خاطـره دوم مشروح مبـروك تـرشيـح الكـريـم السنـافـي *** الـلي بحـزات الـلـزم يـبـذل الـروح يستـاهـل الـطـولـه رفـيـع الهـدافـي *** من يبذل المجهود بالطيب ممـدوح علم الفخر ما هو على الناس خافي *** لا بـد يظهر صادق العـلم بوضـوح اشـيـد بـمـدح الـوايـلي بـاعـتـرافـي *** اعتز في مدحه ولا ادور مصلوح لـو كـان فـعـل الطيـب للمـدح كافـي *** من جاد مفعوله عن الشك ناصوح * قال عبدالله بن دهيمش بن عبار العنزي يثني على الرجل الفاضل علي بن خليفة المدحلي العنزي لمواقفه الطيبه : 129 هـاض نبع القـاف والفـاظـه لطيفـه *** من روابـع خـاطـري بـيـّح كـنيـني يا قلم سجل عـلى سطور الصحيفـه *** من طاروق السامري ولا الهجيني اسـنـده لـلـمـدحـلي عـلي الخـليـفـه *** زاكـي الجـديـن والمنسـب حسيـني بالشرف معروف واعماله شريـفـه *** مـا تـردى شـوق وضـاح الجبـينـي ما تصـاعـب حاجـتي لـوهـي كليفـه *** فـعـل أبـن هـزاع شاهـدتـه بعـينـي الـثـقــيـلـه دوم يـودعـهـا خـفـيـفـه *** مـا اخبـر فـي لازمي صـد ونسيني لـو وصفت القـرم ماجيد الوصيفـه *** فيـه جـود وفيـه صدق وفـيه ديـني جعـل يفـدا الوايلي خطـو الهـديـفـه *** والـردي واللاش والنـذل الـدويـني والـهـدانـي عسى تـدواه القـذيـفـه *** مـا نبي قـربـه وهـو ما يش تهيني اتـرك الـلي بالـلـزم يـنـكـر ولـيـفـه *** والردي كوبان مـا هـو لي خـدينـي الـغـلا والبـغـض يـقسـم بالنصيـفـه *** مـا اتبع المقـفي أن كانه ما يـبـيني يجحـد الصـاحـب ويخـتـار اللفيـفـه *** ولا يعاشر كود من ضلعـه سمينـي مـن فخـر بالجـد صـار الجـد جيفـه *** الفخـر والمجـد فـي فـعـل اليـميـني مـن يخيـط الجـرح لا طـول نـزيفـه *** ومن بذل جاهه عـلى فـك السجيني قـالهـا الـلي شـاف من دنياه حيـفـه *** حطـت بكبـده مثـل وسـم المـزينـي يـا عـلي يـا مسنـدي بقـعـا عـنيـفـه *** بـاد حيـلي من غـثـاهـا يـا ظـنينـي كـم واحـد خـربـت دنـيـاه كــيــفـــه *** لـو صبر صبـر المهادي والمحينـي وكـم واحـد خلـت احـوالـه كسيـفـه *** يركـض بـدنـيـاه وافـواده حـزيـنـي وكـم فارس ثـلمت شـذرات سيـفـه *** يشتكي مـن ظـيم لـوعـات السنينـي وكـم تاجـر خـلـت جيـوبـه نـظيـفـه *** انـفـقـر والـلـه يعـيـن الـمستحـينـي بالبشر من ما يجد حـق الـرغيـفـه *** ما حصل له قوت لو قرص الحنيني وبالبشر من صـار زمانـه حـليـفـه *** اقبـلـت دنـيـاه مـع قـولـت عـطـيـني والحسو لو جم ما يروي غـريـفـه *** ولا اخبـر يقطـن عـلى جالـه قطيني ولا استفاد اللي التحري له وظيفه *** مـا كـتـب مـن مرزقـي لا زم يجيني تـم نـظـم القاف واقـوالـي طـريـفـه *** مـن تـسمـع جـابـتي مـا يـزدريـنـي قال عبدالله بن دهيمش بن عبار هذه الأبيات أهداء للأخوين سعود المدحلي وعلي الخليفه المدحلي : 130 عرفت عزوه بالوفاء عـرفهم طمعـه *** أعـني صناديـد الـقـروم المـداحلـه منهم سعود المدحلي صايب الرمعـه *** مثـل المحيط الـلي بعيـده سواحلـه وعـلي كسب عـز وكـرامـه وسمعـه *** رب الملأ من حسن الأخلاق ناحلـه أجـواد مـا مـنـهـم لـك الـلـه أمـعـــه *** والنّعـم بشخوص الـرجال الفطاحله شـمـل القـرايـب شفهـم دوم جـمعـه *** ورجالهم من ظامـه الوقـت راح له سـلايـل الـلـي لـلـرجـاجـيـل شـمـعـه *** زمـان كـان الـكـل يـتعـب رواحـلـه كـم قـلطـوّا مـن نعـمـة الـزاد خمعـه *** يوم السنين اللي على الناس قاحله الضـد يعـطـونـه عـلى الخشم قمعـه *** ولصحابهم مثـل العسل في مناحلـه ومن لا كسب طولات لـو هـل دمعـه *** يـنـدم وعـمـره فـي نهايـة مراحلـه قال عبدالله بن دهيمش بن عبار هذه القصيدة يثني على الرجل الكريم سعود المدحلي الحسيني أبو عبدالعزيز بعد أن سمع قصيدة المناشدة لجمع دية نايف بن سلامه الجعفري وتبرّع مشكوراً بمبلغ عشرة آلاف ريال لوجه الله وتفاعلاً مع قصيدتي لذلك وجب أن اشكره واثني عليه وأشيد بفعله كما أثني على أبن عمّه الرجل الفاضل علي بن خليفه المدحلي حيث له مواقف مشرّفه : 131 ماهو غريب الجود من صاحب الجود *** حـيـث الـكـرم مـن عـادة الـطيـبيـني راعي البويضا المدحلي حضرت سعود *** مشكور يالشهـم الكـريـم الحسيـني دفـعـت عـشـر آلاف مـن مـالـك نـقــود *** وساهمت والمقصد عتـاق السجيني يـا سـعـود كـفّـك دوم لـلـخـيـر مـمـدود *** حيثـك كثيـر إحسـان طـلـق اليميني يـا أبـو عـبـدالعزيز لـك فـعـل مـشهـود *** علمك مـع شخوص الحمايـل يبـيني بـالـمـرجـلـه تمشي عـلى منهـج العـود *** ما تـتـرك المعـروف طـول السنيني عـنـد أبـو ثـامـر دوم لـك عـلـم مشيـود *** يـمدح ويشكـر خـوتـك كـل حـيـنـي كـن الرفيـق مـن أدنـى الأدنيـن معـدود *** خاطرك لـو شان الـزمن مـا يشيني يا سعـود طيـبـك ليـس يالـقـرم محـدود *** من دون ماأنشد ناس علمك يجيني بـك الصّخى والطـيّـب يا سعـود ماكـود *** ما هـو خفي يا سعود شفتـه بعـيني عسى الـولـي يحميـك مـن كـل مقـرود *** أهـل الـغـوى والطيش والحاسديـني مدحـك فخـر يا سعـود والقـول مسنود *** مـع الكرم يا سعود عـقـلـك رصيـني قـلـتـه ولا أنسى الـلي بالأفعال محمود *** عـلي الخليـفـه مسنـدي هـو ضنيني فـي منـصبـه يـبـذل لمـن جـاه مجهـود *** يـا مـا نـفـع مـلـزوم بـه يـسـتعـيـني مــن جــاه فــي دربـه حـواجـز ولادود *** مهـد وعـر ممشاه وأصبـح هـويـني مـن جـاه حصل مكسب الرّبح والـفـود *** حيـثـه بالـلي يـنـصـاه مـا يستهـيني مــداحــلــه مـجـدتـهـم خـص مــفـنـود *** عـرفـتهـم مـا شـفـت مـنـهـم دويـني مـن سـاس عـزوة ملتجأ كـل مـضهود *** مـن ذربـة الأجـواد والـغـانـمـيـنـــي أهــل الـبـويـضـا يـوم حـاوي ومـردود *** حـمـوا حـدود ديـارهـم بـالـعـريـنـي الـلـي يـلاقـي جـمـعـهـم عـاد مـسـرود *** يـوم المغـيـر ويـوم عـزل الكـمـيـني التعديل الأخير تم بواسطة عبدالله بن عبار ; 06-26-2022 الساعة 08:49 PM |
|
|
|
06-27-2022, 06:23 AM
|
#12 |
|
صاحب الموقع
تاريخ التسجيل: Mar 2008
المشاركات: 10,350
|
تابع
* وقال عبدالله بن دهيمش بن عبار العنزي هذه القصيدة يوصف بعض مشاهداته أثناء زيارته لشعبة نصاب ورفحاء وعرعر والجوف وطريف ويشيد بكرم وحفاوة رجال عنزة الذين حظي بلقائهم أثناء تلك الزيارة معبراً عن مشاعره بالثناء والوفاء لذلك الرجال ويذكر أسماء الكثير منهم ويعتذر لمن فاته ذكر أسمه ويسند على عواد بن شعيّب : 132 بسم الكريم انظم من الشعـر قيفـان *** واكـتب عـذيـات المعاني بقـرطاس وأعـوذ بالرحـمن مـن كـل شيطـان *** مـن عاذ بالرحمن ما جاه وسواس قم يا نديب أركب على جيب نيسان *** مديـل واحـد لـون بديـة تقـل مـاس تـوه وصل من طوكيو صنع يابـان *** جابوه للمعرض على شارع انكاس ما فـيه ذارب كـود غـلوه بالأثمـان *** لو كـان تصرف قيمته عبـت كياس عـز الطلب ما هو مهرقـل وخربان *** هو منوت اللي راح زاير وعساس يقطـع مهاميـه الـوعـر والسمهدان *** ويبوج عسرات الفيافي والأطعاس تبـارك المـولى تـقـل روج شـيهـان *** عسى الولي يحميه من كل لـولاس من يركبه مـا نـاد لـو كان سهـران *** تبـارك الـلـه ما دخـل جفنـه نعـاس ساقـه غـلام مـن الشغـاميم ديـقـان *** متعـوّد لمسرى الغداري والأدماس من العاصمة مندوبنا سـار عجلان *** حث السرى والسير للبنص دعّاس ويوم أعتـدل ممشاه والخط له زان *** مـا هـمـه الـلي لعـالي النـور كبّاس سـار بطريق سديـر مع خـط بنبـان *** وتجـاهـل العـداد لـو دق الأجـراس واليا وصلـت المجمعـة دار عثمـان *** شرّق على خط الحفر وزن وقياس واليا توهلت الحفـر ما نـت بلشـان *** عـّدل يسارك صوب بير ابن هباس وميّل يمينك كان جيت ابن وجعـان *** واسلك طريق البادية بـر واعفـاس تلقا بضواحي شعبة نصاب عـربان *** يزبنهم المنيوب وأن حـل به يـاس تلقا طـوارف مـن سلايـل سليـمـان *** ولابة هـل الملحا شديدين الأمراس وأشاجعـه بـالمرجـله فـعـلهـم بـان *** يتلون أبـن معجـل للأضداد طساس المهيوب أهل الفخـر يـوم الأطعـان *** وبـدور وخليفـات وعـيـال بلعــاس من زارهـم يرتـاح لـو كـان تعـبـان *** يدله وينسى كل هاجوس واعماس يا صاح بلغهـم مع الشكـر عرفـان *** شكر وثنا ينبع من شعور وحساس وسلام مـني مـع شـذا ورد ريحـان *** فـوح الخمايل من بختري وبسباس مني لأبن جـارد ولـد سعـد سلطـان *** سلايـل الـلي سمعتـه ترفـع الراس ومـحـمـد الحـمـاد والـشـيخ راكـان *** نسـل العـديم الـلي للأخصام نسّاس ومحمـد مـراوغ مـع الـقـرم حـران *** ومحـمـد الـفـلاح لـلـعـيـب مـا داس ومتروك ابن مصيليخ خلفة جميان *** ومحمـد العمـر كسب عـلم نـوماس وناصر الدهمة مـن كبـار السنيـان *** وأبن جذيل من أهل الفعـل والبـاس والقرم مفلح من صماصيم مطخان *** والمنسي حميدان معدوم الأجنـاس وأبن بريك الجعفري وابن جـروان *** وعـيد وبشير القـرم للـبـن حمـّاس والأسـود الـلي مـن سلايـل عليـان *** وجربوع المرّقـد سليم من الأدناس ثم أمش يالمندوب من شرق فيحان *** سافر عسى ما جاك عايق وحبّاس تلقـا بـعـرعـر مـن رفاقـة وصدقان *** معدن ذهب ما خالطه زنك ونحاس بـلـغ تحيـاتي لصـقـر ابـن عـطـران *** وبشير أبو خالـد وباتـل وهوجاس ورميّض ابن خليف وأيضاً مطيران *** والأشجعي قـرم العيـال ابن دواس ثـم أتجـه لطـريـف يا طيـر حـوران *** يعـجبك جـوه بـه ذعـاذيـع نسنـاس سلم على اللي خاطره دوم ما شان *** نـزه الشوارب مـا تـدنـا للأطـفـاس متعب ندي الكـف مـن نسل قـعـدان *** وأخوانه اللي بالكرم حمرالأمواس الـكـل منهـم عـادتـه يـذبـح الضـان *** قصده كرم ما هـو منافـق وهـلاس القرم اللي دايم على الطيب شفقان *** أنوار بيتـه بـددت داجـي الأغـلاس مع الكرامة جـاب فديـوا وشرطان *** بالصوت والصوره مسجل وعكّاس وأشكر جميع الـلي حضرنا بديـوان *** وأهدي لهم شكر وسلامي بكـّراس أبـن الشريفي خلفـة الشيخ كنعـان *** وشلاش نسل معرب الجد والساس وقحيط أبو قاسم وعلي أبن عشبان *** وعـزيّـر وثـنيـان للطـيـب غـراس ومنهم تحرك صوب ذربين الأيمان *** للجوف يـم رويل مرذيـن الأفـراس الربع اللي بصوير وهـديـب سكـان *** وأهـل زلوم وما خلطهم من الناس وأهـل النظـايـم والزبـارة وهـدبـان *** مـا يـنسي ميـقـافـهـم تـقـل حـّراس وسلم عـلى كـل البنيخي والأخـوان *** اللي دعـوا بمناسبة حفل الأعراس تجـمعـوا بـصويـر والـكـل فـرحـان *** نسمر عـلى ترنيم زينين الأحساس وأتـراثـنـا الـدحـة مـواريـث جـدان *** هي سلم أهلنا من قبل دور جساس الـلي بلقـاهـم نــّور الحـفـل وأزدان *** يومين فاتـن عندهـم فـرح وإيناس الـلي مضـايفهـم تـقـل شـم ضلعـان *** تبـارك الـلـه كنها هـضبة اضـراس والنعـم بالقعقـاع من نسل روضـان *** كف اللغـى يـوم المضاهير تحتاس وأبن اللميخ الهيلعي وأبن ورهـان *** وأبـن دويرج من صواريم قـرناس وهـزاع الحمـادي وبـدر العـوينـان *** ثم الخضع منصورمن عقب حواس وأبن غـشم وأيضاً سلايـل بشيتـان *** وأبن جـزلـه لا صـار للخشم لماس وأبن علي بندر مـن أحفـاد حمـدان *** وابـن الكويكـب للرجاجيل مرواس وعيال زيدي والكريـم أبـن جفنـان *** ومهدي العايد ستر مدقوق الألعاس وكاتـب الغبـن مـع شقيـقـه قـريـان *** وعايد بن فدغاش به طيب وحماس والقـرم سالـم والنصيـري عـشيـان *** ردالهجا وايبس حلوق العدا ايباس ومنصور وبن شعيل وأبن عكاشان *** ومطـرد العـياط لا جـتـه الأتـعـاس وهـزاع القهيـوي وحضرة عنيزان *** وجزاع بن مهدي بالأشعار نبراس وهايل وابن قايم وعـازم طعيسان *** نسـل الـلي أفعـالـه جـدايـد ودرّاس ونعم بكل اللي حضرنا من الأعيان *** والـلي بعيد الـدار ما هـو بالأحناس قعاقعـه وأشبال مرعـض ودغمـان *** وكـواكـبة لباسـت الـدرع والطـاس ونسل الفـريجي بالملازيم شجعـان *** من نسـل زايـد كلهـم خلفـة جـلاس يتلون زيزوم الجموع أبـن شعـلان *** يـوم الركايـب قافلـه مثـل الأقـواس تاريخهم معروف من قـدم الأزمـان *** ولـف لهـم وليم وموزل وتـوماس ونـعـم بهـل العـلـيا الـيـا ثـار دخـان *** وصار المعابك وأشتغل كل ترباس وتعـاقـبـوا كـوخ النواظـر بكرخـان *** وثار المشوك وأشهب الملح قبّاس عـدوهـم وقـت اللقاء عـاد خسـران *** في ساعة يكثـر بها قـطع الأنفـاس يـوم الرجال أجسامهم تـقـل نيشان *** بالكـون وأجساد العدا مثل الأكداس شقوا صميل الخصم كانه بهم خان *** بالقاع راسه له مراغـه ومطحـاس يوم الفخر بالسيف والرمح والـزان *** والكـل منهـم للوغى كـان مدبـاس اليوم اللي كانوا على الخيل فرسان *** راحوا لك الله مثل تشليع الأضراس اللي عـلى دور الجهل يوم الأكـوان *** يرحمهم الله كلهـم تحـت الأرمـاس وأولادهـم وأحفادهـم مثـل مـا كـان *** اجواد نسل اجـواد والعـرق دساس صـافيـن مـا فـيهـم هـلابـيج رديـان *** ولا بهم اللي عن المواجيب خنّاس ويلان من ويـلان مـن نسـل ويـلان *** اللي بهـم ما بـار مدحي ولا خـاس مدحـتهـم بالصـدق ما قـلـت بهتـان *** واللي شنونا روسهم مابها عطاس و من لا يعد الحق مخطي وغلطـان *** ولا يجحـدون إلا هلابيج واخساس أعتـز وأفخـر بالحمايل هـل الشـان *** الـلي لهم فـي قمـة المجـد مجـلاس أفخـر بهـم مـا همني قـول نـدعـان *** الـبـايـق الـلي لـلمـواعـيـن لـحّـاس الخايب الـلي حـط الأقـراب عـدوان *** ومـن خسته لجبـاه الأضداد بّـواس ومن لا تعـزوى في قرايب وخـلان *** مثل الهبيل اللي على المرح نكّـاس ولا درت من قولي زوايد ونقصان *** ولاني عـلى غـرات الأجـواد بـلاس ولا جيت أريـد اجـرب فلان وفـلان *** ولاني مغـربـل للحـمـايـل وسـّواس ومن عادتي ما خاوي النذل كوبان *** ولانـي رفـيـق لكـل خـايـب ولقـّاس من قـارب الأجـواد كاسب وربحان *** ومـن رافـق الأنذال يبشر بالأفلاس من لا غطس بالجم ما جاب مرجان *** در البحـر مـا يدركـه كـود غطـاس والـمعـذرة عـن كـل زلـة ونـسيـان *** العـفـو يا ابعاد الهقاوي والأحداس والـلـه ما قصدي تجاهـل وحقـران *** ولامقصدي لحقـوق الأجواد بخّاس حـاولـت أوضح كل شاهد وبرهـان *** لاشك بعض الوضع شايك وحسّاس واليوم أمن ولا بقي خوض ميـدان *** نرفل ونلبس مـن جديـدات الألباس قـلته مثل ما مقصدي لمزت إنسان *** ولا مقصدي للخلق هـازب ولغـّاس وأسندتهـا لعـواد بالـقـاف فـهـمـان *** يـقـرا القـصيدة والمناعيـر جـّلاس يا أبن شعيّب ما نـت يالقـرم بحلان *** أجهـر بهـا مـا بـيـك بالأذن همـاس أنـت الـذي تـفهـم تـرانـيـم الألحـان *** ومن يسمتع لقرايتك بالطرب هاس والخاتمة صلوا على نسل عـدنـان *** الـلي أحـاديثـه رواهـا أبـن عـبـّاس * وقال عبدالله بن دهيمش بن عبار العنزي يسند على حران بن عشوي البدري ويثني على رجال من قبيلة عنزة الذين حظي بلقائهم في ضواحي شعبة نصاب ورفحا وعرعر وطريف وسكاكا الجوف والقريات : 133 يا وايل أكتب قيـل ما فيـه تصحـيـف *** سجل روابع خافقي وانقش حـروف خـط الكتـاب وغـلـف الخـط تغـليـف *** واليا ختمت القـاف حطـه بمظـروف أكتب صدى فيض المشاعر بتلطيف *** من جـم فكري خاطري حافها حـوف زان المجـال وطـاب نظـم التصانيف *** عـذب المعاني صغتها ما بها جنوف مـن فـن بـدع القـيـل ولفـت تـوليـف *** مـتـفــقــده لا يـنـقــده كـل مـنـقــوف جانيه مـن ورد الفـياض النـفـانيـف *** نفح العبيراللي من الروض مقطوف ما قـلت منظومي بهافي السراجيـف *** اللي خياله غـض والخصر ملهـوف أسنـد عـلى حـران ريـف المهاجيـف *** قـلبه لفعـل الطيب مغـرم ومشغـوف ما عـند أبـو نايف تكاسـل وتسويـف *** بتوصيل خـطـي للشغـاميم مكـلـوف وده لستـر المحـصنـات الغـطـاريـف *** الربع الـلي لهـم جـمـايـل ومعـروف أظهر ثناء الأجواد من دون تحريف *** أولاد مشـجـع بالمـراجـل بهـم نـوف وبـاقـي ضنـا عـنـاز ما هـم لفـاليـف *** مهما نشيد بمدحهم مـا بها حسـوف مـا أريـد أفـنـد كـل واحـد بـتعـريـف *** الشـكـر يـشمـل كـل الأجـواد لفـلـوف ولو أبي أعد شخوصهم قيل تهديف *** أخـشى يـقـال فـلان وفـلان محـذوف ومن لا ورد طاريه ما قلت به حيـف *** مـا أسبهـم والكـل بالفعـل موصـوف نعـم بهـم من شعبـة نصاب لطـريـف *** لـبــلاد دومــة لـلـقــريـات لـلـجـوف صافيـن مـا فيهم عـفـون وهـذاليـف *** ولا طـب مجلسهـم دويـني وملقـوف بيض الوجيه أهل القلوب المواليـف *** زاكيـن ما فـيهم مناحـيس واجلـوف حاولت أوصف كل ما شفت توصيف *** وأصور اللي تشبح العين واتشـوف جيـت الـذي عـلى المراجل مزاهيـف *** بين الحفر ونصاب في بـر مكشوف الـربـع الـلي مـا يكرهـون التكـاليـف *** كـل يـوم يأتـيهـم مساييـر وضيـوف الـربع الـلي مـا حسبـوا للمصاريـف *** لأجل الكرامة فدعوا ببيض الصوف عـزاه لـلـي يصالـن الـقـدر بالصيـف *** يطهن طعام ضيوفهم ما يقـلن أوف عمـار يا كسـور المروبـع مشـانيـف *** يزمي بعـالي الحيـد كنـه عقـرقوف وعمـار يا صفـر الـدلال الـمهـاديـف *** فنجالهن يصبغ كما خضاب هانـوف أنا أشهد أني عندهـم طـاب لي كيـف *** رايتهم البيضاء عـلى راس قفقـوف يا زيـن مجلسهـم اليـا هبهب الهيـف *** يجلي عن الخاطر ثمانيـن صـادوف من ضافهم يلقـا حـفـاوة وتـشـريـف *** ويصخون بالبلجيك وكلاش النكوف فوق الصياني صفـوا الحيل تصفيف *** وذبح الهرافي عندهم صـار مألـوف لكـن بهـم ذارب اليـا جـاهـم الضيف *** يصبح أسيـر بـدارهـم تـقـل موقـوف لـومـا جـبـرنـاهـم بكـثـر المحـالـيـف *** ما يعذرون الضيف لو عنده ظروف ثـم انـتـويـنـا لـلـسفـر دون تـوقـيـف *** عـقب العتيم سـراه والليـل منصوف جينا أهل عرعر بالفخر فعلهم شيف *** وعـن زايد التكليف رفنـا بهـم روف رجـالهـم لـو يـاخـذ الـديـن تـسلـيف *** مابه عن الواجب تهاون ولا عزوف والـلي اعتـذرنا لـه مرافـة وتخفيـف *** غير السلام وشوفهم مالنـا اشفـوف ومن عندهم سرنا لحفـل الزوافـيـف *** وبصويـر لاقـونـا طوابيـر وصفـوف لابـة هـل العـليـا كـبـار المضـايـيـف *** النجـر يضبح والـمعـامـيـل بـرفـوف اللابـة الـلي يعــطـرون المـراهـيـف *** يـوم المـقـمـع والـفـتـايـل ومسقـوف اللابـة الـلي تـردع الخـصم بالسيـف *** صمع القلوب أيمانهم للعـدا احتـوف اللابـة الـلي جمعـهـم للعـدا أيـخيـف *** اليا ثارت العليا غـدا النـور مكسوف اللابـة الـلـي مـا تـطـيـع الأراجـيـف *** بالكون ما يطري على قلوبهم خـوف وأن ثار عج الخيل مثـل العـواصيف *** الجـمع الـلي قـدامهم شالـه الطـوف حالوا على اللي مقـط الناس بالليف *** ورجع معيف مخبـث الفـال مدغـوف وقـت اللقـاء تقـفي عـداهـم مناكيـف *** والـلي غـزاهم عـاد بـالخـام ملفوف تركي على كبود المعـادي مراضيف *** وتسقي العدا سم العرابيد واحضوف ريف النضا حامين عوج السراعيف *** يـوم الـركايـب قافـلة كـنها خشـوف عـاداتـهـم ذبـح البكـار المـزاغــيـف *** وببيوتهـم تشبع مساكين واضعـوف وعقب الوناسة والطرب والسواليف *** بالحفل اللي ما به مزامير وادفـوف سرنا على اللي كن جوه هوا جنيـف *** لطريف نسنـاسه ذعـاذيـع نـفـنـوف وجينا على اللي ما تجيهم صواديـف *** يستاهـلـون الـنعـم مثـني ومـردوف للضيف والجيران صاروا كما الريف *** الكـل منهـم باسـط الـراح واكـفـوف مثل الحرار الـلي بروس المشاريـف *** مـن هـد خـلا الريش بالقـاع منتوف طبـع الكـرم حطـوه مهنـة وتوضيف *** حيث الشرف موفور والمال متلوف أعـتـز بالـلي طيبهـم لـيـس تـزيـيـف *** ومـن لا اعـتـز بلابـته بألف ذالـوف ولاني بحـال أهـل العـلـوم التفـاتيـف *** الـلي مـذاهـبهـم عـلى عـدة صنـوف شيـن الضميـر الـلي بقـلبـه لغـاليـف *** صـداقـتـه بالـدلبحـه درق وازحـوف الـلي يـدرفـع صـاحـبـه بالـمهـاييـف *** وعـن المعـادي ناظره تقـل مطروف تمـت وصلـوا عـد مـن داج بالخيـف *** على الرسول عداد ما هب عاصوف * وقال عبد الله بن دهيمش بن عبار هذه القصيدة مجاراه لأحد قصائد الشاعر عبدالرحمن بن عايد الطويلعي : 134 يا راكب الـلي كنهـا الطير وأن طـار *** مــن وارد الكـنـفــيـر واشـنـطـنـيـة كـنـفـيـر لا شالـت مـع مـدرج الـقـار *** صـوت الـمحـرك كـا رعـود بـرديـة كنفيـر شـفـت المـروحـة يـوم تـندار *** مثـل الـرحـا بيـديـن خـطـو الصبيـة كنفير طـارت والسماء مابـه اغـبـار *** الـجـو صـافـي نـسـمـتـه ذعـذعـيـه كنفـيـر طـارت والـدخن خلـفـهـا ثـار *** فـوق المطـار اللي تشاعـل ضويـه كنفيـر تشعـل بـالـدجـا ليـت الأ نـوار *** كــنـه لـميـع الـبـرق وقـت المسيـة كـنـفـيـر تـجـري بـالهـوا تـقـل تـيـار *** وسـط الفـضـاء مـا تلحقـه مدفعـيـة كنفيـر مـثـل طـرازهـا مـا بعـد صـار *** كـنـفــيـر مـافـي بـالـمـديـلات زيــه كـنـفـيـر تـاخـذ بـالـنسانـيس محـدار *** تـشـق مـوجـات الأجـواء الـفضـيـة كنفيـر لا ناضـت مـع الـجـو مشـوار *** تـوصل غـريـب الـدار لـديـار حـيـه كنـفـيـر عـن مسيـرهـا تنشـر أخبـار *** وبالبوصلـة تـمشي لـحـروة نـويـه كنـفـيـر مثـل الطيـر فـر من الأوكـار *** طـالـع خـيـال الـصـيـد بـالمهمـهيـه كنفير تشـدا اللي عـلى صيدتـه غـار *** واختـار مـن جـول الحباري حظيـة كنفيـر تجـري بالفضاء عبـر الأبحار *** مـا درهـمـت بـالسهـلة الجـرهـديـه كنفير مـن يـبي السفـر فـوقهـا سـار *** ركـابـهــا يـرتــاح مـــيــه بــمـــيــه نــوت عـلى الأقـلاع والـرب سـتــار *** يـصـونـهـا الـرحـمـن رب الــبــريـة ملاحـهـا مـن نـقـوة الـغـوش طـيـار *** يطـوي المسافة فـي خلال ضحويـه ياخـذ رسالـة مـن يميـن ابـن عـبـار *** مـظـمـونهـا شـعـر وسـلام وتـحـيـه مـهـداه لـلي صاغ منـظـوم الأشعـار *** الــقـرم ابـن عـايـد عـريـب السميـه عبد الرحمن لـلي لـه عـلـوم واذكـار *** الـولدعـي راعي الصخـى والحمية مـن راس لابـة مـا يهابـون الأخطار *** صيـد الحـمـايـل عـزوتـه ولـدعـيـه عـزوة هـل الـملحا شغاميـم الأخيـار *** مـن وهـب من عـنـاز مـاهـم نـزيـه قلتـه وأنـا يـاالـقـرم مـن نسل عـقـار *** ضنـا فـريـض وعـزوتـي مـقـرنيـه مـن لابـت الـفـدعـان بـواجـت الــدار *** حـمـر النـواظـر يـذبحـون الشفـيـه ويـلان وأن لاحوا عـلى قب الأمهـار *** خـيـالـهـم بـالـكـون يـنـطـح سـريـه مـن هـازهـم وقـت اللقاء هج بادبـار *** كـمـا تـهـج مـن الـوحـوش الشليـه عنـده خـبـر معـلـوم لـو كـان ما نـار *** خـلـوا دمـاغـه بـالـمـهـنـد شـظـيـه قـطـعـانـهـم تـرعـى زمـالـيـق نــوار *** مـا وفـروهـا لـو تـكـون امـحـمـيـه غصب عن العدوان يرعون الأقـفـار *** يـوم المطـارد فـوق سـرج العـبـيـه مـن ديـرة البلـقـا إلـى حدود سنجـار *** ومـا حـده الخـابـور لأقـصى زويـه يـرعـونـهـا فـي حـد صـارم وبـتـــار *** يــرعـونـهـا بـالسيـف والـبـنـدقـيـه داجـوا على الزرفات في كل الأقطـار *** وسيـوفـهـم كـانـت جـوازوهـويــه خصيمهـم بـامـر الـولي كـود يـنهـار *** لـو بـه شجـاعـه يـفـقـد المعـنـويـه الـلابـة الـلي تكـرم الضيـف والجــار *** ما هـم من اصحاب النفوس الدنيـة تـاريخـهـم يـروي قـديمـات الأخـبـار *** يشهـد لـهـم يـوم الـمـراجـل فـتـيـه هــذي فـعـايـل لابـتـي عـبــر الأدوار *** الـلابـة الـلـي مـا تـهـاب الـمـنـيـــه في ما مضى هذي مفاخـر هـل الكـار *** ودنيـاك تقلـب بـيـن صبح وعشيـه مثـل العـزوم العازمـه ما بهـا اعـذار *** تـهـد حـيـل أهـل الـعـزوم الـقـويــه ترميك بعـض الحيـن بالصالي الحـار *** واحـيـان تـنـعـم بـيـن مـيـه وفــيـه احيان تشـرب من قـراطيـع الأمــرار *** واحـيـان من عـذب العـدود العذيـه ولا تـامـن الدنـيا تـرى الوقـت غـدّار *** مـن تـنكـبـه تـرميـه وسـط الهبـيـه تـلكـد عـلى العـربان مـا تعطي انـذار *** يـا عـونـت الـلـه مـا بهـا مـرحميـه مـشـاكـل الـدنـيـا شـنيـعــات واكـثـار *** عــوج مـعــاويـج سـوات الـحـنـيـه احـيـان تـأتـي بـالـدواهـي والأشـرار *** واحــيـان تــأتـي بـالـبـلأ والـبـلـيـه واشـوف بـالـدنـيـا عـبـايـر وتـعـبـار *** مـا بـقـي لسـلـوم الـحـمـايـل بـقـيـه صار الفـتى يقـدم على العيب والعـار *** ولا عـاد يخجـل لـو عـلـومه رديـه صار ابـن عمك ينتحس منك وايـغـار *** تـقـل اجـنـبي مـا يعـتـزي بعـنـزيـه والمـال لقلـوب المـلأ مـثـل الأسحـار *** ومـن كـثـر مالـه صـار لـه جاذبيـه الــمــال يــودع لـلـرجـاجـيـل تـعـبـار *** يـرفع وضيع الشـان لـو هـو هفيـه من كثر مالـه صار له حـزب وانصار *** كـلـن يـنـافـق لـه يـريـد الـعــطـيـه لـكـن قـلـيـل المـال لـو كـان مـغـــوار *** كـانــه لـفـا مـا قـيـل يـاالـلـه حـيـه مـن قـل مـالـه مـا سـوى ربـع ديـنـار *** يـخــف وزنـه مـا يـعـادل وقــيـــه وأهـل الـدنـاعــة لـو يـكـونـون تجـار *** مـا يغـتـنون أهـل النفـوس الرديـه قـلـتـه ونـظـم الـقيـل عــبـره وتـذكـار *** وانفوسنـا مـن فضـل ربـي غـنيـه والـرزق مـن مـد الولي والـي الأقـدار *** مـقـسـوم والـنـيـه تـراهـا مـطـيـه ثـم الـخـتـام أعــداد هــطـال الأمـطــار *** صـلـوا عـلى هـادي العبـاد ونبيـه يتبع |
|
|
|
|
06-27-2022, 06:48 AM
|
#13 |
|
صاحب الموقع
تاريخ التسجيل: Mar 2008
المشاركات: 10,350
|
تابع
* قال عبدالله بن دهيمش بن عبار هذه الأبيات يسند على عبيد الشمري : 135 يا عبيـد جـيـت اريـد اعايدك بالعـيـد *** جـيتـك وجيتـك ثـم جيتـك ولا جيـت هـذا لـنا عـاميـن جـيـران يـا عـبـيـد *** مـا يـوم عـنـدي يالسنافي تقهويـت كـل مـا دعـيتـك تعـتـذر بالـمـواعـيـد *** ليش البطا يا طيـّب العلـم والصيـت والـجـار لـه واجـب بـسلـم الأجـاويـد *** حـقـه عـلـيـك أن كـان نـاداك لبيـت مبـطـي حـقـوقـه واضحـه بـالأسانيـد *** وصى بـه الهادي بامر والي البيت لـو ما أنـت غـالي مـا دعينـاك تـأكيـد *** لاشـك جـار وكـان سـيّـرت حيـيـت مـا دام بـالـهـجـران مـالـك مـقاصيــد *** نقول لك مسموح لو غبت وابطيت * وقال عبدالله بن دهيمش بن عبار يسند على حميد بن لهيلم الناموس : 136 يـا طروش يـا متـرحـليـن معـاجـيـل *** عـلى الونيـت الـلي يسوقـه شفـاقـه بيـن الرياض وداركـم ألـف بالمـيـل *** مـا تكلـف الـلي محتـرف بالسواقـه وأن سرتوا بستر الولي بأول الـليل *** تلفـون قبـل الفـجـر يبـدي اشـراقـه الـلـه يـسـهـل دربـكـم بـالمـواصـيـل *** اطلـب عسى تلفون مـن غيـرعـاقـه واليا وصلتم في ضواحي الفحيحيل *** ودوا سـلامـي لابــتـي والــرفــاقـــه عـطـوا البناخي جابـتي والمراسيـل *** تـحـمـل تـحـيـة خـاطـري واشتياقـه مـهـديـه لـلي يفتـهـم مقصـد القـيـل *** ويـدرك أهـداف جـلالهـا مـع دقـاقـه مـلـفـاه لحـمـيـد صـميـدع وحلحيـل *** شـوق الهنـوف اللي زهاها الرشاقه حـيـثـه يحـوش الطـايـلـه والتنافـيل *** عـسـى يـفـداه الـلـي رديـه عـمـاقـه ارسلت لـه شرح المعـاني بتفـصيل *** والــقـلـب خـالـي مـن ريـاه ونـفـاقـه حيثـه مجرب مـن خيـار الرجاجـيـل *** وبـيـني وبــيـنـه مـن قـديـم عـلاقــه اعـرف تـرى للهرج مقصد وتحليـل *** مـقصـود قـولـي لا يـغــرك نـطـاقــه ولا تـستـمع لـمـغـززيـن المخـايـيـل *** لـو ادعـوا لـك بـالـغـلا والـصـداقــه الـلـي سـوالـفهـم معـيـبـه وتخجـيـل *** سـود القلـوب أهل الحسد والحماقه كب الرخـوم أهـل العـلوم المهـازيـل *** مـن سـار معهم يـوم شانت اخلاقـه عـلـى الـرفـيـق يـدورون المداخـيـل *** كـلـن يـبي يفـتـح مـن العـيـب طاقـه قـلتـه وبعـض الهـرج مالـه مقابيـل *** مـا يـنـقــبـل كـانـه تـجـاوز اقــنـاقـه قال عبدالله بن دهيمش بن عبار يسند على خلف بن نزال المهيدي : 137 يالله طـلبتـك يالـولي ترحـم الـحـال *** وتـفـكـنـا مـن سـؤ شـر الـهـوايـل الوقـت شتـت شملـنـا يا ابـن نـزال *** ولا عـاد بقي لغيـر كتب الرسايـل الـلـي مـع الـبـدوان نـازل ورحــّال *** يتـلي مـرام المـاشيـة بـالخـمـايـل والـلي مع البـلـدان يـدور الأعمـال *** ابعـد وفـاخـت ناقـضـات الجـدايـل لا يا خلـف يا مسندي وقـتـنـا مـال *** سـود الليـالي عـاضبـت بالحمايـل مـتى نشـاهـد حينـا وتلـك الأطـلال *** اللابـة الـلي دوم عـنـهـم انـسـايـل اللابـة الـلي شوفهـم يفـرح الـبـال *** حمايـة الخـلـفـات يـوم الـصـوايـل من عقبهم عدي على جمر الأملال *** عـدي عـلى صلو اللهب والملايـل لمحـلا المرقـاب في روس الأقـذال *** شـم الجبـال الـلي تـزيـل الـغـلايـل مالي جدا الا آخذ مع القاف منـوال *** فيض الروابع من جـديـد المثـايـل * وقال عبدالله بن دهيمش بن عبار يسند على باني بن الأفنش رحمه الله : 138 راكـب الـلـي نـاجـبـه شــد الجـمـيح *** مشترينه كـاش مـن وسـط البراحـه صـنع حـبـر وعـابـدٍ ديـن الـمـسيـح *** من سلايل جـورج مشهود بنجاحـه راهـبٍ مـأمـون فـي شـغـلـه نـصيح *** يشتغـل بالعلـم فـي عـقـل ورجـاحـه مـا قضى وقتـه مثـل راعـي وضيح *** ولا فـقـد مستـقبـلـه لأجـل السيـاحـه صمـم المطـلـوب بـالمـركـب مـريح *** كمـل التـركيـب وأعـلـن بـافـتـتـاحـه أن مشى ما تـوحي لصـوتـه فحـيح *** لـو بـطـانيج الـثـرى مـثـل الـفـلاحـه يطـوي البيـداء تقـل عاصوف ريح *** كنـه الـلي بـالـفـضـاء رف بجـنـاحـه سـافـر الـمـنـدوب بـالـبـر الـفسـيح *** مـا يـهـم دريـولـه بـعـد الـمـسـاحـــه ســبـرمـان وسـايـقــه وجـه فـلـيـح *** معـتـني للـسالـمـي وجـهـت مـراحـه مـرسلينـه صـوب كسـاب الـمـديــح *** مـا تـوقـف دون بــانـي بـاستـراحـه يـبـذل الـتـرحـيـب بـلـسـان فـصـيـح *** بـالـتـهـلـي والبشـاشـه والسمـاحـه بـلغ الـمـنعـور بـالـعـلـم الـصـحـيـح *** وأخبـره يا القرم في قـول الصراحه وقال عبدالله بن دهيمش بن عبار يسند على نحيطر بن مصيّح : 139 سجـلـت بالمكتـوب مـا خـط الأقـلام *** وعبـرت مافـي خاطري بالرسالـه اكتـب جـواب وارسلـه لأ بـو دحـام *** حـيثـه فهيـم ومـن رجـال الشكـالـه ودعـتـني بالـطـيـر والـنـاس صيّـام *** حـيـث الـوداعـه والأمـانـة كـفـالـه من يوم رحت طيوركم عندنا حشام *** مشعـل حفلهن عـدهـن مـن حلالـه الطير من خبرك عـلى عـز واكـرام *** يطـرب عـلى التغريـد والقـلب دالـه لا شــك حـاشــنـه مـقـاديــر الأيــام *** جاه المصير وسامك العرش شالـه أمـر مـقـدر والضـرورة لهـا احكـام *** الخـلـف عـنـد الـلـه والـمـال مـالـه طيـرك رحـل بالعيـد والعمـر مـا دام *** واحـد تـوفـى وضـل واحـد لحـالـه يسـهـر خـويـه دوم بالـلـيـل مـا نـام *** يـنعـى زمـيـلـه مخـلـص بالزمالـه قلت العوض بك قال عجل لنا شمام *** رح للـنسـيـم وهـات واحـد بــدالــه عجل ترى ماني على خيـر ما ايـرام *** جب لي ونيس وبي تسوي جماله قـلت احضره لـو كـان يغـليـه سـوام *** ومن حين جبنا صاحبه طاب فالـه ولا مقصـدي مـن جـيـبتـه لـوم لـّوام *** أيضـاً ولا قـصـدي طلايـب وقالـه لا شـك امـانـه والـعـرب تـتبـع النـام *** وأنـت اتخبـر تـرك الأمانـة رزالـه عـلى الأمـانـة والعـهـد حـث الإسـلام *** ولا كل من يقدرعلى الحمل شاله * وقال عبد الله بن عبار يسند على عبدالله بن شظيفة الشراري رحمه الله : 140 يـا أبـن شـظـيـفـة يا بـعـيـد الـهـدافي *** أشكي عـليك الحال يا أبـن شظيفـة أضحك وأغـني والـلي بـالقـلب كافـي *** وأصبر على الشدات لو هي كليفـة إلى ضاق بالـي هـاض مكنـون قافـي *** وأمليت مـا يملأ سطـور الصحيفـة وأبـديـت مكنـونٍ عـلى النـاس خافـي *** أمثـال من نـفحـات فكـري طـريفـة أسـهـر طويـل الليـل يـا الـلـه اتـكافي *** أقـنب قنيب الذيب وأهـرف هريفـه وجـدي عـلى السجات بـيـن الفـيافـي *** وجـدي عـلى رقـي الجبال المنيفـه يـا زيـن مشي البـر لـو كـنـت حـافـي *** لا صار خطو الروض مثل القطيفة بفـصل الربـيع الـلي بـه الـجـو دافـي *** بس القـطا بالـريـع تـوحـي رفـيفـه تـلقـا الغـديـرالـلي بـه النـقـع صـافـي *** بـيـن الخـمايـل والفياض المريـفـه مـنـازل الـبـدوان ريـف الـضـعـافـــي *** أهـل الحجـا كـلـن يـرحـب بـضيفـه مـقـطـانهـم بالقيض وقـت أصطيـافي *** بـه تجتمع شـمـل القلـوب الـوليفـة وأشوف الـلي شوفـه يزيـل الخلافـي *** وألحـق مـنات مـراد قـلبي وكيـفــه وأحـظى بـلامى الـلي بـودي مصافي *** شفـي مـن الخـفـرات شما عـفيـفـة هـي مطـلبي مـن لابسـات الـغـدافـي *** مـن ربعـي الأدنـيـن مـا هـي لفيـفـه لـوهــني مـن لايــمــه بــالــزفــافـي *** بـربـيـع عـمـره قبـل يـأتـي خـريفـه ولا أبـغـاه بـا الـلي للشريعـة أينافـي *** ودي بشـرع الـلـه ما هي خـطيـفـة وش يجمع الـلي حـال دونـه مهـافي *** لـلـي سـكـن بـديـار وادي حـنـيـفــة * وقال عبدالله بن دهيمش بن عبار يسند على إبراهيم الحداد : 141 كـتـبـت مـن بـدع الـقـوافـي مـشــده *** مهـديـه لإبراهيـم قـرم الـرجاجيـل يـشكي عليـنا مـن الـهـوا بـاح سـده *** الـوجـد بـلـوا والـمحـبـة غـرابيـل يـا مـن شكيـت مـن الـغـلا والـمـوده *** الحـب عـذب بـالـرجـال الحلاحيـل مـن صـد يـا إبـراهـيـم خـلـه بـصـده *** كـبـه ولا تـكـثـر عـلـيـه الـولاويـل وش عاد لو يضوي كما البـدر خـده *** ابعـد عنـه لـو كـان زينـه تهاويـل وش عـاد لو شـقـر الجـدايــل تـكـده *** سبـيب شـقـرا لاكـده بأول الخـيـل لـو كـان يـوقـف فـي طـريـقـك تعـده *** مـا دام حبـه لـك خـديعـة وتضليل صاحبك وأن حـدك عـلى الجـال حده *** ومن باق بك سكر عليه المداخيل وأن صـدت صيـدك يـالسنافـي تغـده *** صـد السمان ولا تصيـد المهازيـل وأن جـيـت تلبس لـك قميـص تـقـده *** ولا تلبسه يالقرم من دون تفصيل * وقال عبد الله بن عبار يسند عـلى عـواد بـن شقا الشمري : 142 يـا أبـو شقـا بالراس بانـت علامـات *** وضـح مثـل نبـت النـصي والثمامي مـا حـان شيـبي كـان لـلشيب حـّزات *** شيبت قبل الشيب ما أدري علامـي مـا هـو كبـر لكـن هضايـم وحسرات *** جـور الزمن شيّب رضيع الفطامـي يا الضيغمي يـا نسـل زبـن الـونيـات *** يا أبو شقا يا أبـن الرجال الحشامي وش يجـمع الـلي مـوطنـه بالقـريات *** لـلـي سـكـن نـجـران بـديـار يــامـي أحـيـان مـا بـيـن الـيـمـن والإمـارات *** وأحيـان بـيـن العـان وأم الحمامـي شـفـي شـمـال وبـيـن ربـع شـمـالات *** لا ما الرفاقـة هي شفـات المرامـي لاشـك دون الـربـع حـالـت مسـافـات *** مـتـى أيـتجـمـع شمـلـنـا بالتـمـامي قـمـت أتـسـلا عـقـبـهـم بـالـمـجــلات *** وقلبي عليهـم يا فتى الجـود ظامي مـدري مـتى ناخـذ مع البـدو سجـات *** كي نستريـح من الوهـق والهيامي عساي أشوف الزين سيـد الخوندات *** هي مطـلبي مـن ناقشـات الوشامي هيهات أبي أنسى ناعم العود هيهات *** العـيـن عـقـبـه مـا تـذوق المنـامـي أشكي عـلى رفـّاع سـبـع السـمـاوات *** الخالـق الـرزاق مـنشي الغـمـامـي عسـاه يجـمع شملـنـا عـقـب غـيبـات *** وعسى بشرع الله يحـقـق حلامـي حبـه سكـن وأستوطن القـلب بالـذات *** حـبـه تـوغــل باللـحـم والعـظـامـي وجـدي عليهـا ولا تـفيـد الحسـافـات *** وجـد السجيـن الـلـي ولاه النظامـي عـلـيـه بـالتحـقـيـق عـشـرة مـلـفـات *** يبي الخلاص ولا حصل له محامـي حـالـوا عـليـه ولا تـفـيـد الـوساطـات *** ولا لـه جـدا لكـود عـض البهـامـي أو وجد من صابه مع الجوف طعنات *** يـون من جرحـه طعـيـن الحسامي رمــوه عـدوانــه بـصـلـو الـعـيـارات *** وصابـه مغـل من القوانيص رامـي مـن لامـنـي يـبـلاه ربـي بـالآفـــــات *** ويحـل بـه داي البـرص والجذامـي ولا عسى يـعـرض عـلى كـل شمـّات *** ويصبح كما اللي شايف الغبن كامي * قال عبدالله بن دهيمش بن عبار هذه القصيدة مجاراة لقصيدة الشاعر راشد بن كليب يثني على عبدالله بن محمد الزير : 143 جيـت بيـت الـلي يكـرم مـن يجـيـه *** ومـن يـزور الـزيـر يلقـاه بحـفـاوه شوقـني راشـد وهـو يثـني عـلـيـه *** قـال كانـك ما صدقـت المدح خـاوه مجـلسه تشفـق عـليـه وتشتـهـيـه *** فـيـه مـن سلم الحضـارة والـبـداوه قـلـط الـفـنجـال والـشـاهـي يـلـيــه *** والبخور محضره من سوق جـاوه والعشـاء بالـمـيـز دايـم محـتسـيـه *** أبيض القصدير من فوقـه غشـاوه مـن وصف جوده بتوصيفـه يـتيـه *** عـايشه فـي نعـمتـه حـتى القطـاوه قـال راشـد كـن حـاتـم لـه شـبـيــه *** بالـكـرم يـمـنـاه تـشـبـه شــط راوه بــدد أمـوالـه ولا صـر الـجـنـيــــه *** سفـرتـه مـثـل الشـرايـع بالسمـاوه لـو يـلـم الـمـال عــيـنـه تــزدريــه *** كـن مـالـه بــيـنـه وبـيـنــه عــداوه لـو بخـل بالمـال مـا سـمي وجـيـه *** ومـن يـدور المرجلـه يصبح قـداوه الـفـخـر مـن حـر مـالـه يـشـتـريـه *** والـده ربـاه واحـسـن بـالـغـــــذاوه كـم مـعـسـر فـك ديـنـه يـحـتـريـــه *** عـقب شـرب الـمـر ذوقـه الحـلاوة وكـم واحـد جـاه عـــده يــدعــيـــه *** جــاه كـنــه يـطـلـبـه بــاج وأتــاوه سـخـره مـولاه لـلـخـيـر ايـهــديــه *** والـذهـب زايـل وتجـمـيعـه غـبـاوه مـع خصـال الجـود فهمـان ونبـيـه *** بـه سجايا راسخـه فهـم وصحـاوه عن طواريق الـردى عرضه نزيـه *** طـاهـر الـنـيـه وقـلـبـه بـه نـقــاوه مـا تخـضـّع لـلـهـدانـي والـسـفـيـه *** فـيـه جـود وحلـم مع ليـن وقساوه أمـدح الـطـيــّب ولانـي مـرتـجـيــه *** صنت عز النفس عن حكي الفلاوه والـعـلـوم الـطـايـلـه كـلـن يــبـيـــه *** ومن يحوش الطايله يطلب عـلاوه ومن يـدور الطيب حـقـه مـا نسيـه *** والفخـر والعـز له مـعـنـا وطـراوه التعديل الأخير تم بواسطة عبدالله بن عبار ; 06-28-2022 الساعة 05:21 AM |
|
|
|
|
06-27-2022, 10:49 AM
|
#14 |
|
صاحب الموقع
تاريخ التسجيل: Mar 2008
المشاركات: 10,350
|
* وقـال عبدالله بـن عـبـار يسند عـلى ذياب بن سالم الصقري : 144 حـي الكتـاب الـلي لفـا منك يا ذيـاب *** دونك جـوابي وانت بالخيـر مذكـور خـطي كتبتـه بـالتحـيـة والإعـجــاب *** وكتبت لـك رد القوافي عـلى الفـور أشكرك يا الـلي تفتهم كـل الأوجـاب *** صقـر الصقور وناجبينه من صقور مـن ساس لابـة جمعهـم دوم غـلاب *** نطيحهـم يـرجع مـن الغبـن مقهـور هل البويضاء من صناديـد الأعـراب *** يـوم القـبـايـل بيـن كاسـر ومكسور واليوم من فضل الولي كلها أصحاب *** والرابح الـلي صار بالناس مستور أشكي عليك الحال يا زاكي الأنسـاب *** حيث الذي شرواك ينشدعن الشور وش يجمع اللي موقعه شرق ديراب *** لـلي مـقــره بـيـن حـوران والخـور هـنيـت الـلي ما شوقه راس مرقـاب *** يمسي ويصبح بارد القـلب مسرور مرتـاح مـا هـو لسود الأيـام حسّـاب *** مالـه مـرام إلا يـفحـط عـلى سبـور ما همه اللي مـن أجلهـا خافقـي ذاب *** لـو كان جـرب لوعتي قـال معـذور * وقال عبدالله بن دهيمش بن عبار يسند على مفيز بن سعود السبيعي : 145 يـا راكـب الـلـي تـو يـبـدي مـديـلـه *** تـوه مـورد مـن حـفـيـز الــوكـالــه تـوه عـلى الـتمـريـن مـا عـد مـيلـه *** من معـرضـه مـا صلحـت فـيه آلـه وش عـاد لو كان المسافـه طـويلـه *** الـطعـس والبطنـاج مـا هـو بحالـه فـوقـه غـلام وبـالـطـرايــق دلـيـلـه *** بـاج الـديـار وكــل طـاروق جـالــه تـرفـق بـمـمـشـاك لا تحـتـمـي لــه *** مـع الـمـهـل مـقـصـدك لازم تـنـالـه تمشي مع البردين والضهـر قـيـلـه *** حـتى يـغـدي مطلاع شمس اظلالـه ومـن بعـدهـا واصـل نهـاره بـليـلـه *** حـث السرى يا القـرم ود الرسالـه ود الـرسـالـة مـن زمـيـل لـزمـيـلـه *** كـان الـزمـيـل محـافـظ بـالـزمـالــه وإلى وصلت مفيـز ساس الفضيـلـه *** قـرم العـيـال الـلـي كـريـم اسبـالـه نـجـره يـجيـبـك من بعـيـد صلــيـلـه *** وتـلقـا عـلى المـلـة تـطـامـا دلالــه فـنـجــال رايـب زاد بــنـه وهـيـلــه *** وبعـده مـن الشـاي الـمخـدر بـيالـه مع حايل مـن الضان عيتـا جـزيلـه *** فـي لفـوت المرسـول يـكـرم قـبالـه سلـم عـلى الـلي مـا تـمـمـل نـزيلـه *** وأن نشـد عـني قـل تسرك حـوالـه وصـل جـوابـي ثـم جـب لي بـديـلـه *** واسرع نـبي رد الجـواب ابعجـالـه * هذه القصيدة من شعر عبدالله بن دهيمش بن عبار العنزي قالها يثني على قبيلة حرب عندما قاضوا عندهم بعض من قبيلة عنزة فكتبوا لوحات تدل على اماكن أشياب الماء ولوحات ترحيب بعنزة كمال أن بعض مشائخ حرب قد دعوا قبيلة عنزة على كرامة وبهذه المناسبة فالقيت هذه القصيدة في ذلك الحفل : 146 قبل ما اقول القوافي من ضميري وابتدي به ابـتـدي بسـم الـكـريـم الـرب غـفار الذنـوب الـولي جـل وتعـالى كـل خـلـقـه يعـتـني بـه مبدع الكـون العظيم وعـالم بسر الغـيـوب وبعـد ذكـر الـله فكري هاض بعـلوم عجيبه في تماجيد الحمايل يبتهج شعري طروب شاقني فعـل المـزيني من لفالـه يحتفي بـه من مدح راكان قوله صدق ما قالوا كذوب أن كرم راكان جوده من مجاذب ساس طيبه يـتبّع منهاج أبـوه سعـود طيّـب ومحـبـوب فـي بـقـيعـا والفويلـق مـا مـنع وارد قـليبـه من قبل دور المكاين في زمن عصر الغروب ينطح البشري ضيوفه دوم بصدورٍ رحيبـه عادته كسب الجمايل ما وطأ درب العيوب يا عسى دار المزيني مرٍيفـه دوم وخصيبه وجعل ماهم دوم نبعه ما يجي جمه نضوب أفتخر واعتز واسعد وأمتدح عـزوه عريبه حرب في حرب المعادي ما يعرفون الهروب المراجـل حصلوهـا لـو مسالكهـا تعـيـبـه ماضي التاريخ يشهد كل ما كان محسوب الكرامة والشهامة عندهـم ماهي غـريبـه طبعهم والله حباهم بالصخى ونضف القلوب حرب هم سقم الحريب ولا يطيقون الغليبه في زمان الجاهلية من نطح حرب مغلوب حرب ما يشمت عليهم كود من قصر نصيبه كل منصف قال نعم أن جيب طاري للحروب حرب هـم عـز الرفيـق اليـا تـونـت به نجيبـه كل من سار برفقهم ما شكا العايز بنـوب حرب هم زبن الدخيل الـلي حماهم يلتجي بـه كان حلت به جوايح هم حجـاه من الخطـوب حرب هم عـز القصير وجارهم ما شاف ريبه والغـريـب يدلهـونه ما ذكـر يـوم مهـزوب حرب نعم الحي حـرب أهدافهم ما هي قريبـه لابـة يحجـي ذراهـم عـن لـوافـيح اللهـوب حرب مقرين الضيوف اليا جت سنين عصيبه لا بـدأ خـطـو البخيـل يغـّرز الضرع الحلـوب حرب هم خوال ابوي وفعلهم كلن دري به حرب يكدون المعادي لا حصل للملح شوب رايـة الاجـواد بيضاء نرفعـه فـوق الجذيبـه وأهدي الشكر الجزيل لكل مـن عـنهم ينـوب رحبوا باللي يجيهم ما بهم مـن صـك شيبـه أمتدح وأثـني عـليهم كـل مـا هـب الهبـوب قـلتها وافخـر بعـزوه باللوازم نعـتزي بـه اعـتزي بأولاد وايـل يـوم يشتب الشبوب أحـمد الـلـه لي قبيلة من نسل وايل صليبـه العماري والعبيدي والجلاسي والوهوب كـل ديـرة دوجوبـه لابـتي باجـوا شعـيبـه مـن شمال ديـار خيبـر للحمـاد الـيـا رحـوب كل موقع ياصلونه ما حداهـم عـنـه هيبـه ما منع لو كان دونه موحش البيداء تهوب ومن فضل رب البرايا ما بقا حقوق سليبه عمنا حكم العـدالة واجتمع شمل الشعـوب سادها عبدالعـزيز الليـث حـّلال الصعـيبـه وانتهت كل المشاكل وانثبـر كـل مغضوب وحـد بـلاد الجزيرة مطلع الشمس ومغيبه واتحد جمع القبايل بالشمال وبالجنوب وفي ختام القول أصلي عـد ما تومي عسيبه عـلى رسول البـرايا يشفع لمـن هـو يتـوب * وقال عبدالله بن عبار يسند على الشاعر محمد فناطل الحجايا : 147 سـلام لـمـحـمـد سـلايـل فـنـاطــــل *** أبيات ترسل مـن ضميـري هـدايـا الـنـادر الـلـي لـلـجـزيـلات جـاطـل *** الـلـه يـفـكـه مـن سـهـوم المـنـايـا مـن لابـة مــا طـبـهـا كـل عـاطــل *** نعـم الرجـال أهـل الفعـال الحجـايـا خصيمهـم بحقـوقهـم مـا ايمـاطـل *** ضياغـم ومـن سـاس عـبـده طنايـا مـا لبسـوا خـفـراتـهـم بالـبـنـاطـل *** ولا دوجـن بالسـوق مـثـل العـرايـا ولا الـذي من سلم الأجنـاب ناطـل *** مـا هـم عـرب لا شـك بس الهوايـا قـلـت الـوكـاد ولا تـكـلـمـت بـاطـل *** أقـدا كـلامي عـن هـروج الخطـايـا ولاني مـداري كـل خايـب وساطـل *** خـل الـردي جعـلـه لـرقـط الحيايـا * قال عبدالله بن دهيمش بن عبار هذه القصيدة يثني على حران بن عشوي البدري الأشجعي : 148 أسـنـدت منـظـوم الـقــوافي لحـران *** حيثـه فهيـم ويفتهـم مقصـد الـقيـل المكـرم الـلي يفعــل الطيـب لا هـان *** بـيـتـه لدسمين الشـوارب مداهيـل واللي يجيه ارتاض لو كان عجـلان *** يلقـا العـلـوم الغـانـمـة والمعـاميـل وأن جاله المغتاض لو كان زعـلان *** زاح الزعل شوف الوجيه البهاليل ريف الهواشل شاد بالبيت صيـوان *** صيـوانـه الـقـبـه ملـم الـرجـاجـيـل وأن جيت بالملحق به دلال رسـلان *** والقهـوجي دايـم يسـوق الفناجيـل واليـا لفـوه مـن الرجاجيـل ضيفـان *** يكسب فخـر وأيجمل الربع تجميل ماخبر فات اسبوع من دون خرفان *** تندا صحونه من عصيب المهاجيل ذبايحـه عـيت الربايـط مـن الضـان *** يحـط من فـوق الخميعا شحم حيـل شهـم وبشوش ويبتسم دوم فرحان *** ومنطوقه أحلا من قـراح الشهاليل ماظن أبو نايف عن الطيـب كسلان *** والطيب صعب ولا دروبه مساهيل مهما بـذل ما هـو على البذل ندمان *** ما حسب المصرف ولا دبـر الكيـل من حشمته ماله من الناس عدوان *** ولا هو عشير أهل القلوب المغاليل بالجود يكسب فاعل الجود صدقـان *** وينفق كرم ما هـو تـبجـح وتضليل الـوايلي منجـوب مـن نسـل قـعـدان *** ساسه عريب من الأهل والأخاويل جـده مـعـرب مـن صنـاديـد ويــلان *** وخـالـه رمالي ما بعـرقـه دعـابيـل * قال عبدالله بن عبار يسند على عبدالله بن ثميل وعلى يثني على الشيخ إبراهيم بن عبدالكريم الرمضي من وجهاء المذنب : 149 قال الذي ينظم جوابـه عـلى الميـم *** يسند على ابن ثميل منظوم الأقوال القـرم أبـو ماجـد حصان النواهيـم *** مـن لابـة بالكـون يـأمـن بهـا الـذال زرت الـرجـال النـافـلين الشغاميـم *** نسل رمضي سكـان عين ابن هـذال ولقـيت حشمه مع حفـاوه وتكريـم *** وحيـل تـقـلـط بالصحـن كـنـها تـلال ومـهـيّـل يـجـلي وخـام المـخـاريـم *** يطـرد عماس الراس يا وي فنجـال وهـرجت نشاما تبعد الهـم والظيـم *** تبهج صدر من يشتكي ضيقت البال يالـله عسى المذنب يخيّل بـه الديم *** تسعيـن لـيـلـه هاشل المـزن هطّـال يسقيـه من وبل الحيا منشي الغـيم *** وجـميع وادي مـر في ديـرتـه سـال وتـلـقـا طـوالـيـع الكمـا كنـه اللـّيـم *** وتلقـا الزبيدي بالثرى كنـه اسحـال وتـنصاه قطعـان المواشي دواهيـم *** والورد ينبت بـه لـه الوان واشكـال وتسرح مغاتيـر الدبش والمجاهيـم *** حـتى تغـدي حشوانها كنها اجمـال وتصبح اعشابـه بالتـشابـك لهاليـم *** وتريف فياضه مع سماهيد واجبال حيثـه بلـد صيد الرجـال الصواريـم *** قروم الرجال اهل الفضايل والأنفال يا بـعـدهـم عـن الـردى والمثـالـيـم *** تـرثـت حمايـل من صناديد وأبطـال اعـمهـم بـالـمـدح والشكـر تعـمـيـم *** والنعـم والـلـه كلهـم صفوت رجـال وأخص بالتمجيـد حضـرة إبراهيـم *** أبـو عـبـداللـه طـيـّب الجـد والخـال أقسمت مـا طيـبـه تصـنع وترهيـم *** طيبـه عـلى وضح النقا مابها اجدال والخـاتـمـه مـني صـلاة وتـسـلـيـم *** عـلى الشفـيـع لأمـتـه يـوم الأهـوال قال عبدالله بن دهيمش بن عبار العنزي هذه الأبيات بمناسبة أحتفاء أسرة الرمضي بأقربائهم وجيرانهم ومعارفهم : 150 لبيت دعوى اللي تشرّف علـومه *** أبن رمضي يمدح جنابه ولا يذم نسل الـذي كـل المـراجـل يـرومه *** شيخ عريب الجـد والخال والعم وصّـى انجالـه قـبـل يأتيـه يـومـه *** قال اسعوا لفعل النفايل ومن ثم صرح السماء تطلّعوا في نجومه *** واللي تكاسل قال لـه بالعجل قـم عن المراجل مـا ترخّت عـزومـه *** أطلـب عـساه بجنة الخـلـد ينعـم عوّد على علوم الفضيله قـرومه *** غيـر الفضيله ما توجه على يـم ما تنمحي عـبـر الليالي رسومـه *** نذكر ثـنـاه وعندنا حظوظ واذمم والحـمـد لـلـه مـاسكيـن سلـومـه *** الـرب حاميهم عن عيوب واثلـم هـم العسوم وحي منهم عسومـه *** عاشوا بـعـز ودارهم نبعهـا جـم جـمع القـرايب من هدفهم لمومه *** غـيـر التعـارف بينهم رابطـة دم لا جاء القـرابـه يفرحون بقدومه *** ولاسار يسعى بينهم كـل من نـم يـوم المكـايـل بـالـبـلاد معـدومـه *** والـزاد بالميزان باصواع واقطم مـن زارهـم ملـزوم عـاد بلـزومه *** والـلي يحـل بدارهم ما نقـل هـم عـرفتهـم فيهـم شهامـه وشومـه *** عـلى المراجل كل مطلب لهم تـم ياما حضرت بدارهم من عـزومه *** مـا حسّبـوا مصروفها كلفته كـم الكـل مـنهـم دوم يـفـخـر بقـومـه *** رجـالهـم للطايلـه والفـخـر ضـم من عـزوة يـوم النقا والخصومه *** بـواسل تسـقي كـبـود العـدا سـم والعايل الـلي وهـمه كبـر زومـه *** عـزوة هل الجدعا زقامه اليا زم شجعان عوق اللي يركّز هجومه *** مبـطي فعايلهم عظيمات وارهـم عمارهم ترخص بالأكوان سومه *** ونشوقهم قبس الفتايـل اليا شـم ونطيحهم لـو نار ما أحدن يلومه *** عنـد اللقاء صابورهم للعدا طم عـدوانهـم بالكون دوم مهـزومـه *** حزت يكون الريق يذبل من الفم واليوم عسى الـلـه يعـز الحكومه *** حكامنا اللي لشعبهم خيرهم عم عم الرخا شعب الجزيره عمومـه *** والشر زال وساير الشعب ملتـم الكـل يـرفـل فـي حـيـاة النعـومـه *** زال الكدر بجهودهم وأدبـر الغم من ديـرة الخفجي اليا بلاد دومه *** ومن الحسا لجده اليا ديرة دهـم عن العـدا حدود البلاد معصومه *** وديـانهـا عـسرات وجبالهـا صـم الأمن سايد والشعوب محشومه *** ولا همهم من حاكوا الكيد في قـم قال عبدالله بن دهيمش بن عبار هذه الأبيات بأسرة الرمضي الكرام : 151 الكـرم والجـود فـي نـسـل رمـضي *** صفوة القعدان من عـقب العسوم شيـدوا لضيـوفـهـم مجـلس فـضي *** يـبهـج الخـاطـر بجـزلات العـلـوم يجبرون الضيف لـوهـو مـا رضي *** واجـبــه لابــد يــقــدّم لــه لــزوم مـن لـفـاهـم فـي كـرامتهـم حـضي *** مـن حمايـل عـزهـم جعـلـه يـدوم مـا نـفـع عـذري ولا نهي وعـضي *** كـم مـره جـيـت لـلـربــع مـعـزوم جـلستي معـهـم مـرادي واغرضي *** عـنـدهـم دايـم مـقـدّر ومـحـشـوم الـلـي الـيـا جـيـتـهـم زال مـرضي *** الـفـخـر والعـز بـمـخـاوى القـروم يـرحـم الـلي قـال تبقـون اعوضي *** وصـى شايبهم عـلى حفظ السلوم شملهم وأنـا أذكـر الـلـه ما شضي *** ولا يفـرّف جمعهـم هـرج الرخوم قال عبدالله بن دهيمش بن عبار هذه الأبيات تهنئة لمعالي الأستاذ عسم بن إبراهيم الرمضي الخمشي بمناسبة ترقيته وتعيينه وكيل أمارة القصيم : 152 يا عسـم في أعـلى المناصب ترفّعـت *** تستاهل المنصب وهـو يستوي لك مبروك ما انت لفرصة العمر ضيعت *** وفـقـك ربّــك يـوم شـديـت حـيـلـك أنـت الـذي شبحـك بـعـيـد وتـطـلعـت *** صوب السمـا ونـجـم الثـريـا دليلك تـسيـر نحـو الطـايـلـه مـا تـراجـعـت *** وتسعى عـلى العليـا نهـارك وليلك حـتّى عـلى صـرح المعـالي تـربّـعـت *** واثـق مـن أعـمالـك وربـك وكيلـك عـلى الخـطـأ مـا يـوم يالقـرم وقّعـت *** شغـلـك عـدل والكـل يشكـر جميلك نـفّـذت تـعـلـيـم المعّـزب ولـه طـعـت *** هـذا ثـمـر جـهـدك وهـذا حصيـلـك وفـي سلـم جـدّك بالفضيلـه تطبّعـت *** صـادق أمـيـن ولا تـبـوق بـمعـيلـك مـنـذ الطـفـولـه بالمـراجـل تـولّـعـت *** تـذكـر بفعـل الطيـب بأوسـاط جيلك يـزهـا لك التمجيد بالوصف والنعـت *** وكـل العـلـوم الغـانـمـه تـنـتمي لك يتبع
التعديل الأخير تم بواسطة عبدالله بن عبار ; 06-28-2022 الساعة 05:47 AM |
|
|
|
|
06-27-2022, 09:28 PM
|
#15 |
|
صاحب الموقع
تاريخ التسجيل: Mar 2008
المشاركات: 10,350
|
تابع
قال عبدالله بن دهيمش بن عبار العنزي يثني على الفاضل ناصر بن عبدالله العطية من وجهاء أسرة العطية في دولة قطر بعد الحفاوة والإكرام الذي لقيها أثناء زيارته يوم الأربعاء ثالث ربيع الأول عام 1426هـ 153 شـديـت قـطـّاع الـديـار الـخـلــيـــه *** مديـل خـمس بلـوحـتـه واستـمـاره يـطـوي مهـامـيـه الـخـلا والـدويـه *** بــوج الفـيـافـي نـاجـح باخـتـبـاره الـجـيـب للمشـوار يـنـجـب مطـيــه *** يـرتـاح سـواقـه الـيـا لــف طـــاره أنـا اشهـد أن الجـيـب ما فـيـه زيـه *** مـن وارد الـيـابـان تـم اخـتــيــاره يـوم الربـوع الجـيـب مـد ضحويـه *** ثـالـث ربـيـع أول بــدايــة نـهــاره بـعـد المسـافـه بـالعـدد سـت مـيـه *** مـع الطـريـق الـلي وسـيـع مسـاره مـد الصبـاح مـن الـرياض العـذيـه *** للشـرق والهـفـوف حـطـه يـسـاره بـاج الصحـاري والـديـار الفـضيـه *** مـقـصـوده الـدوحـه بـلاد الـزبـاره قـصـده قـطـر دار الـرجـال الشفيـه *** دار الـزعـيـم الـلي زهـتـه الأمـاره دار ابن ثانـي ريـف ربـعـه وحـيـه *** فــخـر تميـم الـلي قـديـم افـتـخـاره تـاريـخـهـم مـعـروف بـالجـاهـليـه *** مـثـل الـعـلـم فـوق الشوامخ منـاره مـقـدامـهـم شـيـخ عـزومـه قـويـه *** مـا لان عـزمه لـو تـليـن الحـجـاره عـسـى بـلـدهـم دوم تـبـقــا مـريـه *** يـشمـخ مبـاني نهـضتـه والعـمـاره حـزّت طـرالــي بـالتـفـاكـيـر نـيـه *** نـويـت أزور الـلـي رفــيـع وقــــاره عنيـت أبـي ناصرعـريـب السميـه *** مالـي غـرض لكـن نـصيتـه زيـاره ابـو عبدالـلـه مـن قـروم العـطـيـه *** الـنـافـليـن أهـل الـكـرم والجـسـاره الـوايـلي فـيـه الصخى والـحمـيـه *** يـلـقـا الحـفـــاوه كـل مــن زار داره زرتـه مـحـبـه والـضـمـايـر نـقـيـه *** جـيـت وتـلـقـاني بـرحـب وحـراره زيـن النـبـا للضيـف نـفسه رضيـه *** غـمـرني بـجـوده ولـطـف العـبـاره شهـم الرجـال الـلي كـفـوفـه نـديـه *** يـبـذل حـلالـه مـا حسـب للخسـاره ما دار مـن بـذل الـكـرامـه جـزيـه *** ألا و لا يـعـرف الـريـاء والـقـمـاره اطـلـب عـسى يـحمـيـه رب البريـه *** ترفـع لـه البيضا عـلى راس قـاره الـلـه يـعــيـذه مـن بــلا كـل سـيّـــه *** وعسـاه يـرفـل بـالهـنـا عـز جـاره وعسى حـيـاتـه بـالسـعـاده هـنـيـه *** يـبقـا عـزيـز بحشمتـه واعـتبــاره ساسـه عـريـب وعـزوتـه وايـليـه *** اهـل الشجـاعـه والـكـرم والنـمـاره مـن لابـة تـرقـى الـبـروج العـلـيـه *** مجلاسهـم بـيـن العـرب بالصـداره افعـالهـم بـالـطيـب مـا هـي خـفـيـه *** تعـرفهـم البـدوان وأهـل الحضاره مـن مـارثـة دواس مـاهــم هـفـيـه *** الـمـجـد والـعـزة خـذوه بـجــــداره مـا يـقـربـون الـعـايـزه والـرديــــه *** والـكـل منهـم طـاب سلـمـه وكـاره وصـلـوا عـلى سيـد الخـلايـق نبيـه *** المصطـفى بالحـق جـاب البشـاره قال عبدالله بن دهيمش بن عبار العنزي هذه الأبيات المتواضعة مهداه مع التحية والإجلال إلى رجال أسرة آل عطية الكرام في قطر : 154 القاف بالمدح يصفي عذب نقروحه *** يـزدان نـظـمه بالحمايـل وتنظيـمـه الطيّـب اجهـر بـه التمجيـد وابـوحه *** ولا يـنفـع الـلاش تبجيلـه وتفخيمه لي الشرف بـزيـارة الـربع بالدوحه *** نوادر شخوص العطية هـل الشيمة ولـي الشرف أكتب بتمجيدهم لوحه *** ولي الشرف مدحهم اجهر بتعميمه لـو كـان شهادتي بالـربع مجـروحه *** قصد الكلام أعرف حلاله وتحريمه اضهـر ثـناهـم والحواسيد مكسوحه *** الـلي نواظـرهـم عن الطايلـه نيمـه ولا العـطيـه صقـور تـبـعـد الشوحـه *** من مصقرتعطب الجزله صواريمه العزالأقعس رقوا في عالي صروحه *** ومن حازعلم المراجل حق تقديمه رجالهم بالفخر صوب العلا اشبوحه *** نـال العـلا بفهمه وعـرفـه وتعليمة أدناهـم الـلي حصّل العـلـم بطروحه *** توفيق من ربـه وعـزمه وتصميمه من يـبلغ الطـايـلـه نعـتـز بـنجـوحه *** يستاهـل المنصب العـالي وتكريـمه لـهـم فعـايـل بكتـب المجد مشروحه *** نـفخـر بها ما هـي تصنّع وترهيمه ما منهم اللي بجوفه نفس مشفوحه *** نسل النبـيـل الـلي قـليلـه مثـاليـمـه أحفـاد ليـث نـزح من دار منفـوحـه *** علي بن عمر صاحب القدر والقيمة أهل مضايف من أجل الضيف مفتوحه *** زبن الدخيل اللي عليهم شكى ظيمه للضيف ريف وزلة الجار مسموحه *** ودخيلهم يصعب على عداه تسليمه لا جاهم الضيف لـه الشاة مذبـوحه *** يـوم القصى والجفا والفقر والعيمه اليـوم بفضل الولي عاش ابحبوحه *** في ضل حاكم عسى رب الملأيديمه حمد منار الدجا يسرى على ضوحه *** شيخ يـمينـه تشابـه هـاشل الغـيمه ياما مسح دمعـة يتيـم عقـب نـوحه *** ويا ما فـرج هم من يشكي مغاريمه شعبـه رفـع قـدره وفكـّر بمصلوحه *** منهاج شرع الولي حكمه وتحكيمه نسل بواسل واحدهم يرخص بروحه *** كانه سمك عـج السبايا تقل خيمـه يـوم الدما بسلوم الأعراب مسفوحه *** والكـل منهم خصيمه يـبي تحطيمه خيـالهـم يجنب مع الـذود بسروحـه *** يحـمي مغـاتـيـر القطيع ومجاهيـمه أشبـال ثـاني لهـم أفـعـال ممدوحـه *** يـوم الفخـر بين العـرب تـم تقسيمه بنوامن المجد قصر تشمخ سطوحه *** فخـر تميم احيـوا سوابق مراسيمه قال عبدالله بن دهيمش بن عبار هذه القصيدة يثني على الشيخ فرحان بن نايف بن فيصل الجربا المشهور بالكرم وصاحب المواقف المشرفه : 155 قـال الـذي جـزل الـقـوافي لفـضـهـا *** يسند عـلى شيخٍ بعـلـم الـفخـر بـان الشيخ الـلي سلـم المشايخ حفضهـا *** سليل نايـف صاحب الجود فـرحـان أفـعـال جـدّه كـل مـبـصـر لـحـضهـا *** فيصل حفيد شيوخ من نسل شيخان مـكـارمـه حـاولـت الخـص بعـضهـا *** وحاولت اشيد بموقفه قـدر الأمكان شهـم وكـريـم وراحـتـه مـا قـبضهـا *** يـنـصـاه مـن حـدّه مطـالـيـب ديـان يـشكـر ثـنـاه الـلي جـيـوبـه نفضهـا *** الـلي يكـن لفـاعـل الخـيـر عـرفـان مـواهـبـه مـثـل الضـريـبه فـرضهـا *** يـبـذل ولا هـو فـي عـطـايـاه مـنّـان مـدّت يـمـيـنـه مـا يـدور عـوضـهــا *** الا من الـلـه خالـق الأنـس والجـان كـم معـوز اوضاعه عـليه يعـرضها *** ينصاه متهقـوي بطيـبـه وشـرهـان عنده هـل الحاجات يقضي غـرضها *** دايـم يجـود ومقصده جود واحسان منصى الرجال الـلي زمنهـا بهضها *** زبـن المقـل الـلي عليه الزمن شان فـي جـوده شحـاح الأيـادي غمضها *** ومن قـلده بالطيب مخطي وغلطان عـن البـخـل والشّح نـفسه وعضها *** والـمـدح والتمجـيـد مـا جـاه مجـان يابن الكـرام بحـور الأمجـاد خضهـا *** والـرزق يفتح لـه من الـرّب بـيبان يـامـن مشاويـر الصعـايـب ركضهـا *** وخـلا الخمول لكـل خـامل وكسلان علياه من فـوق الـعـواولي نهـضهـا *** ولا هي غريبه حيث مجناه جـربان روس المحـمـد فـعـلهـا مـا خفضها *** مـن سالـم الأول يروسـون عـربـان صـافي نسبهـم كـل حـجّـة دحضهـا *** اشراف من صفوة حمايل لهـم شان مـابهـم الـلي بـاق العهـود ونقضها *** ولا منهم الـلي قيل في صاحبه خان طـب القـلـوب اليـا تـزاود مـرضهـا *** عـوق المعـادي يـوم للخيـل مـيـدان كـم سـربـة بالـكـون جـده حـرضهـا *** شجاع ينجـب من صناديـد شجعـان قال عبدالله بن دهيمش بن عبار العنزي هذه الأبيات يثني على الشيخ عبدالله العلي العاصي الجربا : 156 تستاهل المدح والتمجـيـد يالعـاصي *** يكفيك مجد أنك من سلالـة الجـربـا عزوة محمد اعزاز الجار والناصي *** بـواسـلٍ لـهـم بصرح الفـخـر مـربـا شيخان وأفعالهم ما يـدركـه حاصي *** في دوحة المصطفى تذكر لهم قربا يشهد لهـم داني العـربـان والقاصي *** ساده وقادات لشعوب وعرب عربا واليا تلاقت جموع بضرب رصاصي *** رجالهـم سيفـه لـراس العـدو دربـا والكل منهم يحفظ العهـد باخلاصي *** ما منهـم الـلي تـلـوّن كـنّـه الحـربـا قال عبدالله بن دهيمش بن عبار هذه الأبيات المتواضعه يثني على الرجل الفاضل ذياب بن عايد بن خشان المهيدي بمناسبة تبرعه لدية محمد بن أحمد الخريصي في مبلغ ثمانمائة الف ريال مشكور فقلت : 157 يا ذيـاب بن عايـد عسى الله يقـدّرك *** ماهي غـريبه فـزعتك مع ربـوعـك وجهت لشخوص الرفاقه مشاعـرك *** حيـث الرفاقـه بالـلّـزم هـم دروعـك يا أبـو نهار الله عـلى البـذل ياجـرك *** بأهـل الصخّى والجـود ياقـل نوعك عـنـد اللّـوازم مـا تحسّـب خسايـرك *** عن الكرم والجود يصعب رجوعك من جاك حاديه الزمن كيـف يعـذرك *** ينصاك حيث أنـك بعـيده رمـوعـك تنفق جزيل المال من طيب خاطـرك *** وتبي الثواب من الذي له خشوعك طـيبـك يحـثـك للفـضـيـلـه ويـامـرك *** تـبـذل حـلالـك باختيـارك وطـوعـك مـن يلـتـزم كـنّـه بـمالـك مخـاشـرك *** ما أنـت الذي للشّح تعلن خضوعك أنـت الـرصيـد لسـود الأيـام نذخـرك *** الطيب غـرسك والجـمايل زروعـك لنـا الفـخـر نمـدح جنابـك ونشكـرك *** حيث الشهامه والكـرم من طبوعك ربعـك يا أبن خشّان بالخيـر تذكـرك *** أنـت الـذي بالطـايـلـه طـال بـوعـك تتعب عـلى الجزلات والكـل خابـرك *** جـودك غـريـزه من بدايـة طلوعـك أنـت النبيل الـلي نضيفـه سـرايـرك *** بالمعـضله مـاهي هضايم ضلوعـك ماضيك يا طيـر السعد مثل حاضرك *** الطيب ساسك والفخر من جذوعك ما قيـل يشكي جيـرتك من يقاصرك *** عقلك رصين ويقـتـدى في سنوعك وأنت الـذي تفـرح بضيفك وزايـرك *** وأن جـالـك الـلافي تـنـوّر شموعك هذه القصيدة مسندة على فضيلة الشيخ فهد بن صقر الهلال ومهداه إلى معالي الفريق سعود بن عبدالعزيز الهلال الهزاني مدير الأمن العام بعد أن من الله عليه بالشفاء من الوعكة التي ألمّت به رحمه الله : 158 الحـمـد لـلـه يـوم سـلـمـك يا سـعـود *** عساك دوم بخـيـر يا خـلـفـة هـلال وعساك دايـم يا أبن الأجواد موجود *** حيثك من الـلي مابهم قول من قال الـلـه يـفـكـك مـن حسـد كـل مـقـرود *** وياعـل يـفدونـك هـلابيس الأنـذال أخـلصـت بأعـمالك وبـذلت مجـهـود *** حـتّى وثقوبك قـادة الشّعب الأبطال بـك تفتخـر ياسعـود ضبّـاط وجـنـود *** لو ما أنت باسل ما تروست برجال مجناك من روس الحمايل هل الجود *** الـلي لهـم مبـطي تـواريخ وأفـعـال الطيـب لـك موروث من جـدّك العـود *** وأبـوك ريـف الضيف للطايله نـال سـادوا نـعـام وطيبهـم صدق ماكـود *** لهـم الفـخـر والمجـد باقي ولا زال بالـديـره الـلي في ثـراهـا لنـا جـدود *** يـوم العـرب كانوا بالأديـان جـهّـال ديـرة ضـنـا عـنّـاز والـقـول مسنـود *** ياما بها من جدودنا عاشوا اجيـال واليـوم فيهـا مـن بـنـي عـمنـا بـدود *** هزازنه وقـت اللّقاء ضـد من عـال من نسل وايـل والفعايـل لهـا شهـود *** مـن عـزوةٍ عاداتهم كسب الأنفـال عـزوة فخـر منهم رشيد أبن مسعود *** زعيـم وعـلومه عظيمات واجـزال وفيهـم نـوادر نـقـوة نـمـور وفهـود *** بـواسـل تـنـجـب صنـاديـد وأشبـال يـوم المـراجـل فـي مصـقّـل وبـارود *** ينصاهـم الـلاّجي ويـزبـنهـم الـذال هم عـز من جاهم من اعداه مضهود *** عـاداتهـم يصخون بالحال والمـال شادوا عـمايـر شامخـه كـنهـا حيـود *** عن الهجيـر ولافح الشوب مقـيـال لا نـوشـح الميسور والـزاد مـفـقـود *** لـهـم مضـايـف للهـواشيل مـدهـال اثني عـلى الـلي طيبهم ليس محدود *** وأسند عـلى الـلي للصعيبات حلاّل فـهـد أبـن صقـر بالأوصاف محمـود *** الـلـه يفـكّه مـن صواديف الأهـوال قال عبدالله بن دهيمش بن عبار هذه القصيدة أهداء لمعالي الفريق أول ركن فياض بن حامد بن رقاد الرويلي تهنئة بمناسبة ترقيتة فريق أول وتعيينه رئيس هيئة الأركان وفقه الله في خدمة دينه ومليكه ووطنه : 159 نـويـت أبـارك لـلـفـريـق أبـن رقــّاد *** الـوايـلي بـاعـلا المـراتـب نـهـنـيـه نطـلـب لعـلّـه دوم بأفـراح واسـعـاد *** والـحـمـد للـرحـمـن حـقـق أمـانـيـه فـاز بـثـقـة سلمـان كسّـاب الأمجـاد *** والـوافي محـمد عسى الـلـه يقويـه العاهل الـلي للوطـن عـضد واسنـاد *** رقّــاه حــيـثـه لـلـمـهـمـات عـابـيـه أخـلص ونـال الترقية بأمـر الأسياد *** والـلي خـدم بأخـلاص فعـله يـرقيـه لـه تضحية في خدمة الدين واجهاد *** والـرّتـبـه العـلـيـا تـلـوق لمـعـالـيـه المجد صعب ويدرك المجد من جـاد *** نـالـه عسى المولى يحفظـه ويبقيه اللّيث أبـو دحّـام مـن تـرثـت اجـواد *** نسل الرجال الـلي عـريـبـه مجانيـه عـبـر الـوسايـل يمـدحه كـل قـصّـاد *** يستـاهـل التمجـيـد والمـدح زاهـيـه الـلـه يـفـكـه مـن حـسـد كـل حـسّـاد *** رب العـبـاد مـن الحواسيـد يحـميـه فـرحـوا بـتـرفيعـه جماعات وافـراد *** وتبـاشـروا ربـعـه وجـملـة بنيخـيه يا مكثـر الـلي دوم فـي موقـفه شـاد *** محبـوب عـنـد النـاس والكل يغـليه قـايـد يـروس مـن القـطاعـات قـيّـاد *** المرعضي ربّـه عـلى الخير مهديه بان وبرز علمه على روس الأشهاد *** حيثه شجاع وحاضره مثـل ماضيه لـه بالمراجـل والفخـر شـف وامـراد *** شهم وكريم ويرفع الراس طاريـه مـن شـبـّت الشغـموم للطيـّب معتـاد *** مـابـارمـمـدوح السجـايـا بـنـاصيـه مـفـاخـره تــذكــر قـديـمـات واجـداد *** والـكـل بالمعـروف يشكـر مساعيه طـيـب العـليـمـي دايـم الـدوم يـزداد *** مـن سـاس عـزوه نافلين ومـداليـه يـوم السنين الـلي بها كون واطـراد *** من شاف طارف جمعهم مـا يدانيـه قطعـانهـم تطـوي سماهـيـد الأجـراد *** وتسمع لهـم في كـل ديـره مداويـه أقـولـهـا والــلـي عـن رويــل نـشّـاد *** تاريخهـم فـي ماضي العصر ينبيـه ومن راد حصر أمجادهم مالها اعداد *** امجادهـم يصعـب نـعـدّه ونحصيه * وقال عبدالله بن دهيمش بن عبار هذه الأبيات يثني على معالي الفريق أول ركن فياض بن حامد بن رقاد الرويلي : 160 يا أبـو دحّام مثلك من عنالـه مـبـاح *** قصد معناي واضح مايبيله وضوح كـم واحـد عنالك جـاك يـبي السماح *** من عقب مـا تحيـّر وين وده يروح يدري أنه توجه صوب طيـر الفـلاح *** يـوم سار وتعـنـا ما مسيره طحوح من نصاك بلـزومه يبتهج بانشراح *** تسعد بكل ناصي حتّى لو هو لحوح يا شبيه القطامي كـان ظـف الجناح *** يفرح اللي قنص به للحباري ذبوح أنـت نلت المعالي عقب جهد وكفاح *** والمعالي زهـت لك يا بعيد الشبوح يا رفـيع المقـام ويا حليـف النـجـاح *** يا أبـن رقّـاد دايـم بالعـلا لك طموح للخوي والقرابه مثـل عـذب القراح *** كما شهد المناحل أو درير المسوح قـالهـا من دعالـك بالمسا والصباح *** يا نقي السريـره والضمير النصوح قال عبدالله بن دهيمش بن عبار العنزي هذه القصيدة شكر وثاء لمعالي الفريق فياض بن حامد بن رقاد الرويلي لمواقفه الطيبه : 161 عـبـر الوسائل سافر الشعـر مرسول *** شكـر وثـنا لفياض قـرم الرجاجيل فياض الـلي منـه الوفاء دوم مأمول *** اشكر جنابه واجهـر الشكر بالقيـل فـيّـاض أبـن حامـد لـه الشكر مدبول *** ترفع له البيضا مع الصّبح والليـل فـيـاض أبـو دحام مـا يخلـف القـول *** حيثه من شخوص الرجال المشاكيل فياض الـلي للمعـضلـه يـوجد حلول *** عـنـده صعـيبـات القـضايا مساهيل فيـاض الـلي ينقل عـلى متنه حمول *** مثـل البليهي يـرتكي لأثـقـل الشيـل فياض الـلي ينصاه بالعطف مشمول *** يجهد ومن ينخـاه مـا يشكي الميـل فيّاض مـا يغضي ولـو كان مشغـول *** دايـم يـرّحـب فـي وجـيـه المقابـيـل فياض أخو محسن عن الكبر مكفول *** يـاعـل تـفـداه العفـون الـدعـابـيــل فيـاض عـنـد النـاس غـالي ومقبـول *** ونال الثـقّـة عـند الملوك المعاويل فيـاض مـجـده بالمعـالي سمـك طول *** نال الفخـر بالعزم والحزم والحيـل فيـاض سيـف وشاطر الحـد مسلول *** بـتّـار من حدب السيوف المصاقيل فـياض حـر اليا هوى يعطب الجول *** مـخـالـبـه مـثـل الـشبـاري كـواتـيـل فـيـاض جـعـل الـلي يعـاديه مشلول *** حـيثه رفيع الشان نـادر مـن الجـيل فيّاض عـلمـه مشتهر ليس مجهول *** المـرعضي مجناه من عـزوة رويل يـوم الـبـدو كانـوا مقـاطيـن ونـزول *** بـاجوا مـن النقـره لشرق الطريبيل وفـي كـل دار بـريفهـا يـرتع الشول *** يسرح بـديـره مريفـه عـلّهـا السيل كـان أنهـم شـدوا عـلى كـل مرحول *** قـطعـانهـم مـثـل الغـيـوم المضاليـل مـوزيل رافـقهـم مـن الحـول للحول *** ولا مجدهم بس الذي خـط مـوزيـل من زايد بن جلاس من مسلم زحول *** المجـد من عصر الجدود المساميل مـن وايـل لعـنّـاز والأصـل مـوصول *** مـا نبشّـوا عـن ساسهـم بالتحاليـل التعديل الأخير تم بواسطة عبدالله بن عبار ; 06-28-2022 الساعة 05:52 AM |
|
|
|
|
06-28-2022, 04:33 AM
|
#16 |
|
صاحب الموقع
تاريخ التسجيل: Mar 2008
المشاركات: 10,350
|
تابع قال عبدالله بن دهيمش بن عبار العنزي هذه القصيدة تهنئة للرجل الفاضل سعد بن دخيل العبلان البرازي السهلي بمناسبة زواج أبناءه محمد ودخيل الله وعبدالله : 162 يا سعـد لـك مـني تهـانـي وتـبـريـك *** مـبـروك يا عـل الـعـيـال يـتـهـنـون رب الـعـبـاد لـنـيـة الخـيـر يـهـديـك *** وتـدوم في حفظ الولي مبدع الكون جار وصديق لدعوتك كيف ما جيك *** حضرت مع الـلي لحفلك يحضرون فـرحـك يـفـرحـني ولـبـيـت داعـيـك *** حيثـك من الـلي بالمراجل يفوزون الـشـاهـد المـولـى نـعـزك ونغـلـيـك *** قـدرك كبيـر بـداخـل الصدر مكنون تجهد على الجزله عسى الله يقويك *** تعـمل جـميـل وكـل ربعـك يخبـرون شهم وكريـم ودوم بالخـيـر نطريـك *** جـزل ونزيه من العذاريب مصيون جـيـران بـيتـك عـدهـم من بنيخـيـك *** وكـل المعـارف يا سعـد لك يعـزون عيبـك يا أخـو صيته الياجاك ناخيك *** ما تذخر الواجب لمن يطلب العون رب الملأ من حسن الأخلاق معطيك *** تشوم للمعروف لـو كـنـت مديـون عـادتك تـاقــف باللّـزم دون عـانيـك *** تصبر على الشّده ولا تتبع الهـون يبشـر بـعّـزه يا سعـد مـن يخـاويـك *** وتفـزع مع الناخي اليا قال تكفـون أبـوك لـدروب المـراجـل مـوصـيـك *** حـفـّاظ سـلـم وتـفـتهـم كـل قـانـون تستـاهـل التمجيـد والمـدح زاهـيـك *** صـفـوة حـمـايـل باللـوازم يـعـدون مهما مدحت المـدح مـا أظن يوفيـك *** مجناك من عزوه للأمجاد يسعون يحرون في كسب الثنا دون تشكيك *** بـرازات ربعـك مابهم شك واظنون فيهـم طبيعـه قـولـت الـلـه يحـيـيـك *** عـاداتـهـم للضـيـف دايـم يـحـيـون تـاريـخـهـم بـيـن القـبـايـل يـعـلـيـك *** توجد بهم ميـزه بهـا الخلق يدرون رجـالـهـم دمّـه بـتـقـديــر بــاريـــك *** بأمـر الـولي مـنـه المغاليث يشفون أجـواد نسل أجـواد مـاهـم صعاليـك *** ربـع الـذي لأفعالـه النـاس يقـرون أبن لحيان الـلي يخوض المـداريـك *** يـوم القبايـل بين طاعـن ومطعـون أنشد عـنه بيض الصحايف وتنبيـك *** أبن بشر جـاب الخبـر وأبن لعبون قال عبدالله بن دهيمش بن عبار هذه الأبيات نخوه للشيخ فرحان بن منديل بن موينع شيخ قبيلة البيايعة وجميع رجال الموينع والبيايعه الكرام : 163 نـنـخـاك يا فـرحـان يا نـسـل منـديـل *** لـو كـان مـا قـصّـرت أول وتـالــي يا أبـن مـويـنـع حـملنـا بـيّـد الحـيـل *** بـاهـض ولا يـقـواه كـود الجـمـالي وأنت المنيب الـلي يشيل اثقل الشيل *** مـن عـادتك شيـل الحمول الثقـالي ونـنـخـا عـيـال زريـق ربـع مشاكيل *** نـنـخـا جـمـيـع كـبـارهـم والعـيـالي ومـا عـقبـه مقبـل زحـول الرجاجيل *** الـلـي مـنـازلـهـم بـروس الـعـوالي صـيـد الـرجـال النـافـليـن الحـلاحيـل *** مـن أهـل العـرفـا طيـبيـن الفعـالي أنـتـم صناديـد البـواسل عـلى الخيـل *** وأنـتـم جـنـب حـم الـذرى بالمفالي وأنـتـم مـلاذ الـلي جـرالـه غـرابـيـل *** يا عز اللي جاكم من الخوف جالي وأنـتـم مـن الـلي يتعـبـون المعاميـل *** يا أهل الرباع الـلي زهتها الـدلالي يا موقـديـن الـنـار فـي مظـلـم الليـل *** فـيـهـا الـدفـا لا هـب بـرد الشمـالي يا أهـل المعـاني والبيـوت المداهيـل *** فيها الحجـا وفيها الـذرا والضلالي يـا ريـف هـتـاش الـبـداه المحـاويـل *** لاجـوه هجـافـا والمـزاهـب خـوالي أنتم وحنـا أقـراب من ماضي الجيـل *** وأنتم فـزعنا بـوقـت عـسر الليـالي نـخـيتـكـم يـا خـلـفـة عـبـيـد بالقـيـل *** نـخـوة جـماعـه لـيس مـني لحـالي ولد وضنا ماجد من خريص وكحيل *** بـواجـت الـديــرة بـعــاد الـمـدالـي فدعـان مـن قـدم العصور المساميل *** منهـم وهـم منكم اصحاب وغـوالي فـي جـاه مـن يأتيه بالوحي جبـريـل *** وفـي جـاه مولانـا عـزيـز الجـلالي فـكـوا حـديـد الـلي مـقـيّـد بـتـكـبـيـل *** نبي العفوا يا أهل العـلوم الجـزالي تهنئة للشيخ الفارس نايف بن عبد بن خلف الحريميس الفدعاني العنزي بمناسبة فوزه بالمركز الأول لبطولة العالم للفروسية المقامة في قطر : 164 مـبـروك يـا نـايـف بـفـوز البـطـولـه *** نـلـت الفخـر يا شيخ بافـعـال يـمنـاك مـن جـدك حريميس ساس الرجولـه *** تحـري بكسب الطايـلـه يا أبن بـرّاك لـك جـد تـتـبـع بـالـمـراجـل فـعـولــه *** وحـنـا الـذي نفخـر بمثلك وشـرواك تـبـت ايـديـن اهـل العـزوم الكسوله *** مـن خـار عـزمـه مـا يسوي سواياك يـا شيخ فـوزك يـعـتبـر باسـم دولـه *** بالـفـوز شـرّفـت الـوطن لا عـدمنـاك فـي وسـط مـيـدان تـطـارد خـيـولــه *** طـلـعـت الأول فـي تـوافـيـق مــولاك عسى الفـخـر والـفـوز دايـم تـنـولـه *** وربـعـك بـني وايل سنادك ومـركـاك فـارس وتـنسب مـن سلايل حمولـه *** وعـودت طبعـك للفخـر بـأول اصباك هذه القصيدة مسنده على الشيخ صالح بن فريح العقاب العواجي شعر عبدالله بن دهيمش بن عبار : 165 * وقال عبدالله بن دهيمش بن عبار هذه الأبيات يثني على ناصر العرق المري طـرى عـلى بالي مـن الشعـر قيفـان *** في مدح اللي ربعـه لفعله يحمدون من يمدح أبـو سعود ما قيل غلطـان *** صالح قوي الباس مـا يتبع الهـون مـا بـار صالـح فـي رفيقـه ولا خـان *** ولاهومن اللي دوم للشمل يشظون الشيخ عقب الـلي يقودون الأضعان *** يـوم الحـرايـب للجهـامـه يـقـودون ساس الفخـر خلفة فريح بن جمعان *** سلايل الفارس عقاب أبن سعـدون أبـوه فـريـح وعـمّه الشيخ فـرحـان *** نسـل الـذي وقـت اللقاء ما يهابون من عـصر جـارالله وغـانـم وزيـدان *** وحجاب مروي باللقاء كـل مسنون وفريح الأول من صماصيم فـرسان *** ضـد العـدا يـوم الـرجـال يتنـاخـون حـمـايـل ومن روس عـزوة سليمان *** دايـم عـليهـم كـل الأجـواد يـثـنـون نـالـوا فـخـرهـم يـوم للخـيـل ميـدان *** بالمعترك دايم عـلى الموت يردون واليوم سلـم ولا بقى حـرب وأكـوان *** سبـايـب الـلي بالشريـعـه يحكمون ياصالح أبن فـريح يـا ذرب الأيمـان *** شفـت العـبـاد لكـل ناجـح يحسدون بـان الخـفـا يا شيـخ والمختفي بـان *** بـانـت حقايق وأنكشف كـل مكنـون الناس يا صالح بهـا اشكال والـوان *** تلقابهـم صاحي وبالنـاس مجـنـون تـوي لقيت أن أكـثـر الناس عـدوان *** الشيـن يـبدونـه وللـزيـن يـخـفـون كنـت احسبهم لـي رفـاقـه وصدقـان *** لاشك صار الحدس تخمين وظنون لقـيـت بالعـزوه حـمـايـل لهـم شـان *** ولقيـت بالعـزوه هـلابيج واعـفـون ولقيت الـلي طبعـه تـنـكّـر وجحدان *** ولقيت اللي من غير داعي يلومون بـهـم الـذي ينصف ويثـني بعـرفـان *** وبـهـم الـذي من دون ذمّـه يسبون بهم الحقود الـلي طلس قـلبه الـرّان *** وبهم النزيه الـلي لـه الناس يغلون ولا هـمني يا مسنـدي قـدح سفهـان *** ما دام الـلي مثلك بجهدي يشيدون أعـرض عن الـلي للمخاليق طـعّـان *** الـلي بطعن أنساب الأجواد يشقون الـنـاس مـا تسمـع هـذاريـم كـذبـان *** سود القلوب الـلي بالأقوال يخطون بالقـص مـا نبني عـلى قـول بهتـان *** ناخذ من اللي قولهم صدق مظمون والـلي يـخـاف الـلـه مـا يظلم انسان *** نـعـوذ بالـرحمـن مـن كـل ملسـون أهـل الظـلايـم من قـديمات الأزمـان *** من فضـل خـلاّق المـلأ مـا يفوزون الظلم مبطي بـاد عـرش أبـن كنعان *** فيما مضى قضى على ملك فرعون وعبدالله بن حماد القديري الشمري : 166 يستـاهـل المـادح جـنـاب الـقـديـري *** النعـم مبـطي حايشه يا أبـن حمـاد لو كان أنا ما امدحك يمدحك غيري *** والـمـدح يـزها للحمايـل والأجـواد مـدايـح مـا اغـش فـيـهـا ضمـيـري *** مـن خـوف ينـقـد قـولـنـا كـل نقـاد بـيـن الرفـاقـه بان علمـك شهيـري *** عـلمك ظهر بالطيب ما بين الأفراد يا سمي عن طيبك نشدت الخبيـري *** حيثـك لهـتـاش الخـلا تـبـذل الـزاد عـز الـلـه أنـك لـلنشـامـا عـشيـري *** مجناك من لابـه يحوشون الأمجـاد شمر هـل الطولات ريف القصيري *** حـامين مـن سلمى إلـى حـد بـغـداد ولا أنـت قـرم وبالفهـامة بصيـري *** وأنت الـذي تسير في هدي وارشـاد ارشـاد نـاصـر للمـطـابـع مـديـري *** الشيخ أبـو صالح شبيـه أبـن شـداد الـقـرم لأ فـراد الـمـطـابع نصيـري *** الطيب له موروث من دور الأجـداد * قال عبدالله بن دهيمش بن عبار العنزي هذه القصيدة يثني على مهل بن هبيكان العنزي وصالح الرشيد الودعاني : 167 عنيت أريـد لرخصة السيـر تجـديـد *** لقسـم النسيم الـلي عـلينـا قـريبيـن ولقيـت مهـل وقـال مـا بـه مواعيـد *** أن سهـل الـله سوف تأتيك هلحين الجعـفـري نسـل الرجـال الصنـاديـد *** الـوايـلي عـز الـذي جـوه نـاصيـن مجناه من صفوة حمايل ضنا عبيـد *** لابـة هـل الجدعـا سطـام المعاديـن جعـافـرة بالـكـون عـوق المعـانـيـد *** بالمعـتـرك يـوم المـلاقى ضريريـن ريـف الهـواشل متعـبيـن البـغـاديـد *** كانوا بعصر الجوع حمر السكاكين أشكـرك حيثـك مـن قـروم الأوالـيـد *** وأشكر زميلك فاعل الطيب والزين صالح عزيز الجار من خلفة رشيـد *** النادر اللي من شخوص الوداعين أنـا أشهـد أنـه مـن سلايـل أجـاويـد *** حيثـه يعـرف الموجبة والقـوانيـن ما دك به عـرق الرخـوم الرعـاديـد *** ولا يجذبـه عـرق العـفون الردييـن مثـل القطامي عادتـه يـدرك الصيـد *** صيده سميـن إلى كفـخ بالجناحيـن الـزايـدي يكسـب مـدايـح وتـمجـيـد *** حيث الجمايـل بالرجـل تعتبـر ديـن سهـل الجنـاب بـلا تراخي وتعـقـيـد *** طبعه بشوش ولا يقول النبا الشين لا شـك دق الكمبيوتـر عـلى الـقـيـد *** وقـال الغـرامة مبلغـه حول الألفين نعطيـك كشـف مخـالفـاتـك بتـفـنـيـد *** بالصدق مـا نعطيك ظنـه وتخميـن قـطع الإشـارة ثـم تعـطـيلـت السيـد *** مـع سرعه وتفحيط وسط الميادين قـلت أنا يا صالح عن الحق ما حيد *** لكن تـؤكـد مصدر الكتب مـن ويـن شـلات تـفـحـيـط الشـوارع نمـاريـد *** والـلي يقطعــون الإشـارة مجانيـن ولا لي بهـذا يا فـتى الجـود تعـويـد *** تلقى الخبـر عنـد الرجـال المسمين قـال أطـمئـن ولا نـبي مـنـك تسديـد *** ملفك أبيض وأترك الجيم والسيـن وفهمت قوله مزح ما القصد تهديـد *** وكتبت لـه من جيد القاف عشرين قال عبدالله بن دهيمش بن عبار هذه الأبيات المتواضعة يسند على دالش أبن عوض بن ميزان ويثني على فرحان بن باني الجعفري : 168 سجلـت مـن فكـري تناظيـم قـيـفـان *** وبديت اعـبـر من غـزير المعـاني يادالش اسمع جابتي يا ابن ميـزان *** أن كـان تـنشدني افـيـــدك تـرانـي اسنـدت مظمـون القضيـه لفرحـان *** الجعـفـري قـرم العـيـال ابـن بانـي يـقـوم بالـواجـب سلايـل جـعـيـدان *** الـبـاسـل الـلي فـي لـزومي كفـاني انـا اشهـد انـه يالسنـافي كحـيـلان *** الـلي عـلى وصـل القـرابـه ايعـاني يا عـنـك ما تـلـه معـامـيـق رديـان *** مـن راس لابـه مـا خلطهم اهـداني لابة هـل الجدعـا خلايـف سليمـان *** لهـم الحمـيـة مـن قـديـم الـزمـانـي مـالـه عـذر مـادام جـدانـنا اخـوان *** حيثـه رفيق ومـن ضنا عبيد دانـي عـوايـده فعـل الفضيلـه والأحسـان *** يـكسب جميـل ولابـد العـمـر فـاني وان ماتمكـن نعـذره طـيـر حـوران *** مسمـوح مـانـي لـلأجـاويـد شـاني عـنـد الرجـال الـلي تقـدر لنـا شـان *** ولا نطلب الا مـن عـريب المجاني والحـمـد للـه مـا ظـلمنـا ولا انسان *** لا شـاكي مسلـم ولا احـدٍ شكـانـي ابـغـي سـتـر وجـهي وتسديد ديـان *** ملحـوح واستنـظـر أجـار المبـاني أخـيـر لـي مـن مـنـت فـلان وفـلان *** كـان الـولي من مـد جـوده عطاني طلبت رب العـرش خـلاق الأكـوان *** أنـه عـلى الحـق المبـيـن أيـهـداني لـو كنت شاعـر كل ما قـلت مجّـان *** مـا درت بلغـه مـن قرايـض لساني شعـر الهجاء به يرتدع كل غلطان *** أردع بـه الـلي فـي كـلامـه هجـاني والـلي بـه التمجيـد والمدح يـزدان *** نـشكـر جـنـابـه بـالخـفـا والبـيـاني اعـتـز فـي تـمجيـد ذربين الأيمـان *** ريـف الـذي جاهـم من البعـد عاني نـصـيـت شـيـال المحـامـل بليهـان *** واستنظـر البشـرى بـعـد الـثـوانـي قال عبدالله بن دهيمش بن عبار العنزي هذه القصيده يبارك للشيخ عوده بن حييان الجبوري رحمه الله بمناسبة افتتاح قصره العامر في قليب الترمس بمنطقة القصيم : 169 يقـول من صاغ المعاني ضميـره *** عـن الـقـدا مـا عـال مثقـال ذرّه نفخر بعـز أهـل الوجيه السفيـره *** وجينـا نـبـارك للجبوري مـبّـره جـينا نبارك لـه عسى الله يجيـره *** يسعد بقصره مـا تجيه المضّره قصره ياعـل الـرب يعطيه خيـره *** وعسى ولي الكون يكفيه شـرّه الصـافي الـوافي نـقـي السريـره *** عـسـاه يـنعـم بالهـنـا والمسـرّه الشيخ عوده من كـرام العشيـره *** طبع الكرم والجـود عوده مقـرّه بـه عيب تقليط الجفان الغـزيـره *** مـا يـذخــر الـمـاجــود لـلـه درّه درب المكـارم دوم يسلك مسيـره *** ما بان لـه مع سكّة البخل جـرّه اليا كـرم مـا طاع شور المشيـره *** تـنـدا من شحوم الهرافي سفّره زيـن النبا مـا قـيـل نفسه كبـيـره *** سهل الجناب ولا ذكر به مغـرّه من ساس لابه ينطحون المغيره *** ضـد الـعـدا لا صـار للخيـل كـرّه سلقا سقام الضـد يـوم الجـريـره *** يـوم المهنّـد لـه بالأرقاب صـرّه سلقا حمول الخيل عـز القصيره *** زمان عصر اللي الجحافل يجرّه من خيبـر الحـرّه لحـد الجـزيـره *** داجوبها السلقا على اكوار حرّه صالوا على الزرفات في كل ديره *** بالجمع الـلي دار المخافه يمرّه لـهـم مـفـاخـر لـو نـعـدّه كـثـيـره *** والمرجله مـا تنحصي فرد مـرّه * قال عبدالله بن دهيمش بن عبار بأبو فايز عواد بن حييان العنزي : 170 الحـمـد لـلـه نـافـخ الـروح بجـمـاد *** رب الملأ المعبـود للخلـق رحمـان الـلي بلطـفـه راف فـي حـال عـواد *** الـقـرم أبـو فـايـز سـلايـل حـيـيـان الـلـه يجيـره من صواديف الأنكـاد *** ويحميـه ربـه مـن تقاليب الأزمـان حيثه سليم الجاش من قلب وافواد *** من صار ما بـاق برفيقـه ولا خـان حيثه سليل الجود من ترثت أجواد *** من روس لابـه بالفخر طيبهم بـان أبـوه قـبـلـه كـان لـلـطـيـب مـعـتـاد *** فيه الكرم مع طاعت الله والأيمـان ولا أبـو فايز عـن مماشيه مـا حـاد *** فيه الحبابه والتواضع والأحسان من عـفته محبـوب مع كـل الأفـراد *** ومن نضف قلبه لابته كنها أخوان ماهو حسود ولا مشى بدرب حسّاد *** وهل الحسد ماهم لشرواه صدقان ولا هو حقود ولا دخـل قلبـه أحقاد *** ما قال زور ولا مسك غيبة انسان أطـلـب لـعـلـه دوم يـنـعـم بـالأسعـاد *** وعساه يرفـل بالهنـا كـل الأحيـان قال عبدالله بن دهيمش بن عبار العنزي هذه القصيدة بمناسبة ترميم قصر مشرف الأثري في روض الجواء من قبل الرجل الفاضل صالح بن فريح بن غازي الفريح وسبق وأن رمم من قبل جدّه غازي رحمه الله عام 1340هجري وقد بني القصر عام 1265هجري حيث بناه الجد الأعلى لأسرة الفريح وهو فريح بن غانم بن خلف بن عقيل المحيني الدهمشي وهذه الأبيات مهداه إلى الرجل الفاضل صالح بن فريح بن غازي الفريح وجميع الفريح مع الشكر الجزيل للجميع : 171 يـا صـالح الشغمـوم يـا نـسل غـازي *** يالدهمشي مشكور يا خلفـة فـريح عـنـدك بـتـاريـخ الـجـدود اعتـزازي *** حيثك من قـروم الرجال الزحاحيح غـازي لـه بـترميـم مشرف انجازي *** وكملـّت مشواره أضافه وتـصلـيـح رمـمـت قـصر الـلي بالأمجاد فـازي *** جـدّك فـريـح الـلـي زهـاه التماديـح حــفـتــه وخـليـتـه جـديـد الطـرازي *** ونورت جـدرانـه بضوح المصابيح جــددت بـنـيـانـه بعـصـر الـقـزازي *** وكتبت عن تاريخ الأسلاف توضيح قـصـر أبـن غـانـم كنّـه الحيـد لازي *** ما هـدّه العاصوف والهوج والريح قـصر الفخر راسي وساسه عزازي *** قـواعـده بـنيـت عـلى خـيـر تسليح اشـم واشـمخ مـن حـيـود الـنـوازي *** يحجي ويذري عن سموم اللـّوافيح بـنـاه جــدّك يـوم عـصر الـمغـازي *** وغرس بريضان الديار الصحاصيح يـوم السـنـيـن الـلي وزاهـا يـوازي *** زمان عصر الجوع مدهل هل الفيح الضيف يقـرى مـن حميس الجوازي *** والعـيت تقصب للوجـيـه المفـاليح نسـل المحيني مـا مشـوا بالمخازي *** ولاهم عـن فعول المراجـل مدابيـح نـالـوا شـهـادات الـفخـر بـامتيـازي *** ومعهم عـلى كسب النفايل تصاريح يـوم الجفاف بنجد وأرض الحجازي *** مـا قـفـلـوا بـيـبـانـهـم بـالـمفـاتيـح وأن صـار بضروع البهـايم غرازي *** مـاهـم عـلى شـح المكايل مشافـيح مـا راعـهـم بـالكـون كـل انـتهـازي *** مـن ساس عـزوه للمعادي ذوابـيـح مـا نـال مـنـهـم بـالـمعـايـيـر هـازي *** يا بـعـدهـم عـن الـردّى والسواميح عـن الـمـعـايـب يـاخـذون احتـرازي *** مـا ذمهـم بالعيـب مـن راد تجريـح والخاتمه أطـلب عسى الـلـه يجازي *** بالخيـر مـن نطـقـه تهلـل وتسبيـح قال عبدالله بن دهيمش بن عبار العنزي هذه القصيدة في حفل الرجل الفاضل الشيخ صالح بن فريح بن غازي الفريح المحيني بمناسبة احتفاله وتكريمه لرجال من مشايخ قبيلة الدهامشة في قصر مشرف بعيون الجواء وعلى راسهم الشيخ ابن مجلاد والشيخ ناصر ابا الروس المحيني : 172 القـاف مـن عـذب المعـاني نـقـيـتـه *** عـبـر المحـافـل للشغـاميـم مـهـديـه مـطـلـع كـلامـي بـالـتـهـلـي بـديـتـه *** مـن شرّف أبن فريح يالـلـه اتحييـه يـا حـي جمع يا أبـن غـازي دعيتـه *** مـا تـدعـي الا الـلي تـعـزّه وتـغـليـه بالقصـر الـلي عـلى المعـزّه بـنيتـه *** مشرف قصـر جـدك تفاخـر بماضيه الجمع اللي بالـروض أنـت التقيتـه *** ومن طبعـك الواجب للأقـراب تـديـه قـدوم ربـعـك مـن قـديـم احـتـريـتـه *** وجولـك مناعيـر الـرجـال المـداليـه صالح يا أبن مجـلاد من يـوم جيتـه *** بـوجـودكـم يا شيـخ أسعـد لـيـالـيـه مـجـلاد مـجـده وارثـه مـا شـريـتــه *** طـيـب الجـدود الـلي للأحـفاد تمليه من حـيـث طـيبـك يالسنافي خـذيتـه *** من جـدّك الـلي منهجه مانت ناسيه وأعـتـز بالـلي يـرفع الـراس صيتـه *** نسل الشجاع الـلي عـريبه مجانيـه مـفـعـول جـدّه بـالـمـدايـح عـنـيـتــه *** الباسـل أبا الـروس يقهـر معـاديـه من دهمش اللي الطيب فيهم هـقيته *** رجالهم فـعـلـه عـن الـمـدح يكـفيـه فـخـر محـددت الـجـمـل مـا كـمـيتـه *** نـظهـر ثـناهـم والـفخـر مـا نخـفيـه أدنـاهـم الـلـي بـالـلّـزم لا نـصـيـتــه *** زبـن الدخـيـل وعـز ضيفـه وعانيه شاهدهم أصحـاب الحظـوظ البخيته *** يـوم الـبـداه الـبـر تـحمي مـراعـيـه وحـنـا بضـل الـلي فخـرهـم قـريـتـه *** حكـامنـا تهـدي المعـانـد عـن التيـه الـلي مـنـعـوا كـل السّلـوم المقـيـتـه *** وكفوا يديـن المعتدي عـن مغـازيه واليـوم عصر الـلي خدم حـرم بيتـه *** بـيـت الـذي كـل المخاليـق تـرجـيـه سـلمـان تـبشـر بالـفـزع لا نـخـيـتـه *** فـزع لـجــاره ثـم حـقـق أمــانـيـــه طـعـنـاتـه بـصـدر المعـادي مـمـيتـه *** كبح جماح الـلي المجوسي يحـديـه لـو مـا فـزع سلمان صارت فـلـيـتـه *** الحوثي الـلي طاش وإبليس مغويه يا أبـو فـهـد صرح المعالـي رقـيتـه *** قـمّـة سنـام المـجـد تصعـد بـعـاليـه سـرت بـثـبات ودرب جـدّك مشـيتـه *** وعضيدك محمد عسى الـله يقويـه مهـمـا نـشيـد بمجـدكـم مـا حصيتـه *** تـاريـخكـم بالمجـد نفخـر بـطـاريـه قال عبدالله بن دهيمش بن عبار هذه الأبيات مهداه للشيخ صالح بن غازي الفريح المحيني الدهمشي : 173 قـلـت قـافـي مسنـده لأبـو عـمـر *** صالح المنعور من خلفت فريح عــلـم جــدّه سـاطـعٍ كـنـه قـمــر *** منظره بين الكواكب له ضحيح بالـكـرم جـدّه سـكـاكـيـنـه حـمـر *** يوم غلو الزاد والمسعر شحيح فـرحـت الجايع الياصابـه ضمـر *** يطوي البيداء وصدره له فحيح مجـلسـه فـيـه المـهـيّـل والتـمـر *** مع بخورالعود الأزرق له نفيح دلته تطمى عـلى حـامي الجـمـر *** يجذب اللافين نجـره لـه ضبيح والقـدر يطهى عـلى نـار السّمـر *** فيه كبش من الغنم دهنه يسيح عادت الطرقي عـلى قصره يـمـر *** فـي مضيفه يرجهـن ويستريح مجلسه ما يـدخـلـه مدمن خـمـر *** ولا يطبـه صاحب العـلـم القبيح وصالح الغازي على العليا طمر *** بالكرم من يمدحه عـد الصحيح الصـخـي لأمـجـاد جـدّه مـا دمـر *** ومن يروم المجد يزهاه المديح من بـغى الطـولات للعـليـا شمـر *** ومـن تجـوّد بالثوابت مـا يطيح عامل المعروف في فضله غـمر *** ولا يغط النور من عقـله رجيح عـزوتـه ضـد الخصيم اليـا زمـر *** يـوم عبرود المشوّك لـه رزيح تمضي الأيـام فـي بيـض وسمـر *** ولابها يبقى سوى العلم المليح المراكب صـارت جيـوب وهـمـر *** تـطـوي الأميـال بالـدو الفسيح وكل شخص اليوم يبني وايعـمـر *** الجميع بخيـر في مسكن مريـح قال عبدالله بن دهيمش بن عبار هذه الأبيات يسند على نهار بن عبيد الخلاصي أبو خلف حيث أنه يشب كل عصر ويدعي الأصدقاء لمجلسه : 174 في كـل عصر عنـد أبـو خلف شبّـه *** النـادر الـلي مـن رجـال الخلاصات الــبــن بـالـفـنـجـال دايــم يــصـبّــه *** وبـعـده لذيذ الشاي يسكب بكاسات سـلـم الحـمـايـل مـاسـكـه مـا يـكبّـه *** مـيـراث جـدّه بالسنـيـن الـقـديمـات أبـو خـلـف عـنـد الـلّـزوم اعـتصبّـه *** محـزمك كانـه صـار بالوقت ميلات عسى يحفـظه سـامـك العـرش ربّـه *** ويكـفيـه شـر وكـيـد حاسد وشمّات نـهــار الـلـي كـل الـرفـاقـه تـحـبّــه *** نزه الشوارب سامي الأصل والذات شـهـم وكـريـم ولا تـجـد مـن يسبّـه *** فـهـيـم وأهـدافـه ابـعـاد ورفـيـعـات مـا فـيـه عـلـم ألا ضـمـيـره يـضبّـه *** مـن صغـر سنّـه محتفظ بالروايـات لــو تـنـشـده عـن كــل وادي وتـبّـه *** يعـطيـك شـرح ابعـادهـا والمسافات ولـو تنشده عن شخص باسمه ينبّه *** ويشـرح لـنـا عـلـوم عـلينـا خفيات حـيـثـه صـمـال العـلـم يعـطيـك لـبّـه *** ولا قال كـلمه مالها شهود واثبـات جـميـع مـن يسـمـع كـلامـه عـجـبـّه *** واليـا تكـلّـم تصغي الـربـع باسكات أبـو خـلـف لـه مجـلسٍ مـا يـطـبّـه *** راعـي النقـيـلي والعـلـوم الـرديـات المجلس اللي من جلس بـه رغـبـّه *** كل يـوم نقضيبه من الوقت ساعات مجلس شرف في كل عصر نحضبّه *** يبهج ضمير الـلي يـدور الـوناسات يجـمع من شخوص الرجاجيل صبّه *** نخبه من أهـل المرجـله والشكالات مـا بهـم الـلي بأهـل المهايط تشبّـه *** دايـم سـوالـفـهـم سمـان وجـزيـلات واخـتـام مجـلسهم بـه الشيـخ نـبّـه *** عـلى هـدى الهادي وتفسير الآيـات يتبع التعديل الأخير تم بواسطة عبدالله بن عبار ; 06-28-2022 الساعة 06:40 AM |
|
|
|
|
06-28-2022, 06:55 AM
|
#17 |
|
صاحب الموقع
تاريخ التسجيل: Mar 2008
المشاركات: 10,350
|
تابع قال عبدالله بن دهيمش بن عبار هذه الأبيات بمناسبة تكريم هلاّل بن سميّر الحربي من قبل زملائه منسوبي مرور قصيبا : 175 يـستـاهـل التـكـريـم والشكـر هـّـلال *** مـن ربـعـه الشرطـه وقسم الأمـاره هـّلال الـلي للطيـب والـمرجلـه نـال *** تكـريـم الـلي شـرواه ماهـو خساره هـّلال ساس الطيّب محمود الأفـعـال *** فـرض عـلى كـل الـمعـارف وقـاره هـلال لا جـينـاه يـقضي لـنـا اشغـال *** عـز الـخـوي عـز الـقـرابـه وجـاره هـلال قـرم مـكـمّـل الـوصـف رجـاّل *** لـه باس قاسي مثل صلب الحجاره هــلاّل حـيـص ولـلـثـقـيـلات شـيّـال *** الطيـب سلـمـه والمـكـارم اشـعـاره هــلاّل دوم لـعــقـد الأبـلاش حـــلاّل *** ماهـو من أصحاب الرياء والقماره هـلاّل يـسـلـم زاكـي الـجـد والـخـال *** نـال الثـنـاء فـي كـل عـزم وجـداره هـلاّل طبـعـه مـا تـكـبّـر ولا اخـتـال *** سلـم الفـخـر والطيّـب سلمه وكـاره هــلاّل تــفـداه الــزلايــب والأنــذال *** سود القلوب أهـل الـرّدى والحـقاره هلاّل لـه شكري عـدد رمـلـة أوثـال *** واعـداد مـنبـوت الـنـفـل بـالـزبـاره هــلاّل يـسـعـى لـلـجــمـايـل ولا زال *** دايـم طـريـق الخـيـر يسلك مسـاره هـلاّل مـا عـاشـر هـل القيـل والقـال *** حـيثـه جـمع عـفّـه وديـن وطهـاره قال عبدالله بن دهيمش بن عبار هذه الأبيات أهداء للرجل الفاضل مهنا بن إبراهيم أبو هاني المزروعي : 176 يا الفكـر كان بنظم الأشعـار عـبّـرت *** أرسـل لأبـو هاني مبـادي شعـورك أن زرت بيتك يا أبـو هاني وسيّـرت *** لـى الشرف يالـوايلـي يـوم ازورك أنـت الـذي مـن كـل زايـر تـشـكّـرت *** تـزداد بـحـضـور المسيّـر سـرورك شروى جنابـك ينتظـر كـان سافـرت *** لاشك تفـرح عـزوتك في حضورك حيث أنت لـو شان الزمن مـا تغيّرت *** تمشي عـلى منهاج رايـك وشورك وأنـت الـذي بالمـوجـبـه مـا تعـذّرت *** طالـت عـلى فعـل المراجل شبورك مـا يـوم يا مهـنـا بـواجـبـك قصّرت *** تعـمل جـميل وتعتـذر عـن قصورك واليـا بـدأ اللّازم تبيّنت مـا اخمـرت *** ملـزوم تاخـذ يا أبن الأجـواد دورك مهـمـا بلغـت من الفخـر مـا تكبّرت *** عـن التـواضـع مـا يـغـرّك غـرورك نـجـحـت يـوم لساعـد الجـد شمّـرت *** تصعـد صعود وسهّل الـلـه أمـورك وأنـت الـذي مـا يـوم للبـاب سكّـرت *** تمضي بـتـقـليـط الـولايـم شهـورك مـن ثـمـر غـرسات الوديـه تخيّـرت *** وتسـوق لـقـروم النشامـا بـخـورك يـا مـا ويـا مـا لـلـمـبـاهـيـر بـهّــرت *** ويـامـا تـنـادي للهـواشـل نـجـورك ويـامـا عـزمـت ولـلمسايـيـر قـدّرت *** بالحـيـل والحاشي تطـامـى قـدورك ما تبت عن فعل الصّخى لو تخسّرت *** الجـود طبعـك والكـرم مـن دبـورك تنفـق وتـبـذل مـا تهضمت واحترت *** وحصنّت حالك عن شناوي يعورك وهذه الأبيات من شعر عبدالله بن دهيمش بن عبار تهنئة بمناسبة زواج خالد بن بندر المجلاد : 177 الـلـه يـديـم افـراحكـم يـابـن مجلاد *** عـسى تـدوم افـراحكـم دايـم الـدوم وعسى السعـادة والهنا دوم تـزداد *** بامـر الكريم اللي على الكون قيّوم نـدعـي لخـالـد بالمسـرة والأسعـاد *** ونطب عساه من المكاريه معصوم ليلة فرحكم نعـتبرهـا مـن الأعيـاد *** جينـا نـبـارك وابـرك ايامـنـا الـيـوم حيث انكم صفوة مواريث الأجواد *** الـلي لهـم بالـطيـب عـادات وسلـوم متوارثين الطيب من دور الأجـداد *** أخـوان هـوى ملـتجـأ كـل مـظـيـوم مجلاد بن فوزان لأهل الفخـر قـاد *** قاد الجموع اللي من الغوش داهوم اللابـه الـلي طبعها كسب الأمجـاد *** يا بعـدهم عن طاري العيـب واللـوم الـلابـه الـلي تحـدد الـزمـل بحـداد *** تاريخهم مبـطي مع النـاس معـلـوم أولاد عـلي فـي زمـن شـل الأذواد *** نطيحهم مـن ضربهـم عـاد مهـزوم دهـامشـة لا صـار للخـيـل مـلـكـاد *** باعواعزيزأرواحهم برخص السوم من لابـة تـقـري الـيا نوشح الـزاد *** بـوقت الجفاف تقـلط الحيل والكـوم ولو أبي أعد أمجادهم مالها اعداد *** لهم شهايـد عنـد الأصحاب والقـوم مشاعـري سجلتها ضمـن الأفـراد *** وأرجوالسموحه كان بالقاف مثلوم * قال عبدالله بن دهيمش بن عبار يسند على سعد بن محمد بن عبيدان : 178 يـا سعـد عـساك تسعـد يا سعـد *** بالهنـا تـنعـم وتـرفـل بالسعاده يا بـن محمد من قديم اليـا بعـد *** جدك مورثك سلم الطيب عـاده يوم شال اللي عن ربوعه قعـد *** بالـمعـاره طـاح معـدوم الأراده ساقـه المولى عـليـه بـلا وعـد *** وأنقذه من محنته واثلج فـواده فـي سنيـنٍ مـابهـا هاشل رعـد *** ومن يريد الجود ما يقريه زاده ما تكاسل ستر منقوض الجعـد *** بالفخر والمجد سجل له شهاده مـن يـدورالمجـد للعـليـا صعـد *** وأدرك الطولـه بجده واجتهاده والفخـر من دور عدنـان ومعـد *** ما ينوله كـود من عنده جلاده وقال عبدالله بن عبار يثني على سعد بن محمد العبيدان الجلعودي : 179 فاض منظـوم قافـي مـن ضميري بديتـه وابتـدأ الفكـر يـبـدع من غـزيـر المثايـل قـلـت والشكر واجب من تجمل جـزيـتـه اشكـر القـرم واثـنـي بالبيـوت الجـزايـل سعـد الفـاضـل الـلي مـوقـفـه مـا نسيتـه صاحب الكف الأبـيض لـه علينا جمايـل كـل خصلـه حمـيـدة فـي جـنـابـه هقـيتـه فيه حسن الأخلاق وفـيه طيب الخصايل فيـه لطـف وتـواضع والتـقى بـه لقـيـتـه حيث مـولاه صانـه عـن جميع الـرذايـل شفـت عـز وكـرامه كـل مـا زرت بـيـتـه بس ما هـي غريبـه من عريب السلايـل الصخـى والشهامـة فـي جبينـه قـريـتـه حيث ساسه معـرب مـن صماصيم وايـل منسبه مـن قـبـيـلـة مـا عـروقـه نبـيـتـه زاكي الأصـل جـده مـن خـيـار الحمـايـل مـا يغـظـلـم حجاجـه يـبـتسـم لا لـفـيـتـه مـن عـوايـد جـدوده يكـرمـون الـنـزايـل بالكـرم والشهامـه بـان عـلـمـه وصيتـه حـافـظ سـلـم جـده دوم والـراس طـايــل وهذه الأبيات قلتها بالصديق الوفي الشيخ سعد بن محمد العبيدان الجلعودي صاحب المواقف المشرفه : 180 يـا أبـو محمـد يـوم نـذكـر مـواقـفـك *** أحتار مـدري كيـف يا شيخ اكافيك مهما بديت المدح مـا ظـني انصفـك *** كثـر الثناء يا شيخ هيهات يـوفـيـك لا جـيتـك اشعـر فـي حـرارة تلطّفـك *** تـروف بـي كني من أدنـى بنيخيـك أنـت النبيـل الـلي غـريبـه وصايفـك *** لـك الشكـر يا عـز من كـان ناصيك أفـعـال طـيـبـك يالسنـافـي تـشـرّفـك *** عسى الولي من كـل مكروه يحميك يا سعـد يا بعـدك عن الـزور والأفك *** تـقـل خـمـلاتـك وتـكـثـر حـسـانـيـك قـلتـه وأنا يا نسل الأجـواد عـارفـك *** الطـيـب سلـمك والفضيله مـبـاديـك رب الخلايـق ضمن الأبـرار صنّفـك *** والشاهـد الله دوم بالخيـر نـطـريـك طيبـك عـلى فـعـل الجـمايـل مكلّفـك *** ومولاك للمعروف والخيـر مهـديـك مـرحـوم عـود مـن العبيدان خـلّفـك *** أبـوك اللي لعـلـم الـفضيله موصيك قال عبدالله بن دهيمش بن عبار هذه القصيدة بثني على الرجل الفاضل الشيخ سعد بن محمد العبيدان الجلعودي صاحب المواقف المشّرفة : 181 يا سعد شرواك شعر المدح ينظم به *** قـافي معـطّـر بـعـود الـنّـد والـكـادي يا سعـد فضلـك ولي الكون يعـلم بـه *** طيبك معي ياأبو محمد ماهو عادي من شاف وجهك يالسنافي توسّم به *** فعل الجميل اللي على سلم الجدادي يـا سعـد الطيّب تشفـق له وتغرم به *** يا فرحة الـلي يا سعد سار لك بـادي أنـت الـذي منطـق لسانـك تحكّم بـه *** يفداك الـلي يلفظ من الهرج وايدادي يا نادي الكـف دوم المـال تكـرم بـه *** حيث الكرم والجود من طبع الجوادي يالمحـزم الـلي باللـزوم اتحـيـزم بـه *** ياعصابة الراس يامركاي واسنادي ياسيفي اللي يضد الخصم واطعن به *** اللي أحتمي به دوم عن هجمة معادي عـسـاك تـدرك كـل مقصود تحلم بـه *** عسى الولي يحميك من شر الأنكادي عسى اللي انجبك مولاي يغفر ذنبه *** وعساه يسكن بجنب المصطفى الهادي وعساه يفـرح فـي نعيمـه وينعم بـه *** وأطلـب عسـاه لجنـة الخـلـد يـرتـادي قال عبدالله بن دهيمش بن عبار هذه الأبيات يثني على قبيلة الحازم عيال العود ويشكرهم على موقفهم المشرّف في مساهمتهم بدفع دية محمد بن أحمد بن بشير الفدعاني : 182 نـعـوذ بـالـمـولـى عـزيـز الـجـلالــه *** رب العبـاد مكـوّن الخـلق من طيـن الـلـه يـجـنـبـنـا الـغـوى والـضـلالـه *** نـدرى المـلام ونتـقي قـول مخطين مـا نشمت الصاحب ونـذكـر خمالـه *** حـقـّه حـماه العـرف والسّلم والدين مـن طـاب مـنـا نفـتخـر فـي فـعـالـه *** الـزيـن نصدح بـه ولا نذكـر الشين والـعـلـم نـذكـر بالحـقايـق صـمـالـه *** ونمشي عـلى منهاج سلـم وقوانين نظهر ثناء الـلي جاد مـن حـر مالـه *** لأجـل السجين الـلي عـليه الملايين الـلـي فــزع لأبـن بـشـيـر وعـنـالـه *** يستـاهـل التمجـيـد وسـط الدياويـن ماجـوا لـنـا الحـازم يـبـون الدّخالـه *** مـاهـم ضعـوف ولا الحـازم ذليليـن أحـرار مـا أحـد لـه عـلـيهـم وكـالـه *** في عـز من ساد الجـزيره عزيزين جـابـتهـم الـنخـوه وسـووا جـمـالـه *** مبـطي عـيـال العـود مـاهـم رديـيـن فـيهـم مـن خـصال الكـرم والبسالـه *** وبـهـم الـرجـولـه والحـميه للأدنين وأن جـاهم الرجلي وراعي الزمالـه *** يلـقى الكـرم في شامخات الدياويـن وأن انتخـوا بالعـود وقـت الصيـالـه *** عـدوهم عـنـد اللـقـاء لاعـه البـيـن يعزون من ساس الفخـر والجزالـه *** عـزوة فـريـض الـلي تكيد المعادين ربـعي هـل الطـولات مـاهـم حـثـالـه *** ضد المعـادي كان صار اللّغى شين قال عبدالله بن عبار يسند على الشيخ \ عبدالله بن إبراهيم التويجري : 183 ملـزوم ديـوان التـواجر نـعـوده *** مجـلس شغاميم القـروم الولايد بيـت الكرام الـلي تكـّرم وفـوده *** مجلس شرف ماداج به كل مايد والـلـه مـالي حاجـةٍ يـوم أروده *** لا شـك معـرفـة النشامـا فـوايـد نعـم الرجال اللي عريبه جدوده *** مـن صلب وايل طيبيـن البـدايـد نقـوة حمايل بالخصال محموده *** لـهـم فعـايـل مسمـلات وجـدايـد وأن ثوّر البارود يضبح رعوده *** وتـقـابلـوا بالمرهـفات الحـدايـد رجالهم يـبـزع اليـا شاف زوده *** ما يقبل الهـزعات والعـمر بايـد مـا منهـم الـلي خاملات زنــوده *** التكل مـنهـم عـن مبـاديـه ذايـد منهـاج أهـلهـم حافضين بنـوده *** مـاغـيـروا عتاداتهـم والعـقـايـد افعالهم بالطيـب ماهـي محدوده *** ما تتنحصي بمجلـدات وجـرايـد يا الـلـه لا تقـطع للأجـواد ثـوده *** أهـل الجـفـان المثقلـه بالموايـد مثل الجبل تذري شواميخ طوده *** عـن الصريم وحاميات الوقايـد وأسنـد لشيخ مشتهرعلم جوده *** الفاضل الـلي بالكرم لـه عـوايـد علم الفضيله مـا تجاوز حـدوده *** الشهم عبدالله صدوق الـوعايـد شيخ بفعل الطيب تشكر جهوده *** جـّزام ما هـو عن لـزومه يحايد متواضع ونفسه لـربعـه ودوده *** ذخـر الـرفاقـه باللـزوم وسنايـد منعـور شغـموم غميقه سـدوده *** مـقـدام بعـلـوم الفضيلـه ورايـد المجـد نالـه في سواعدعضوده *** صنديد يرسي بكتـراب الشدايـد نفسه على فعل المراجل تقـوده *** يشـوم للجزله شبـوحه بـعـايـد حليـاه صقـرٍ فـي ليالي اهـدوده *** الصيرم الـلي للجزيلات صايد نويت اسجل في مديحه انشوده *** يستاهـل المنعـور مدح القصايد من دون تمجيدي فعاله شهوده *** عنـده على فعل المكارم شهايد الـلـه يجيـره مـن نكايد حسوده *** ويحـماه من كيـد العـدا والمكايد جعل فـداه أهل القلوب الحقوده *** كـبـار النفوس مفرقين الفنـايـد يتبع التعديل الأخير تم بواسطة عبدالله بن عبار ; 06-29-2022 الساعة 08:10 PM |
|
|
|
|
06-28-2022, 10:03 AM
|
#18 |
|
صاحب الموقع
تاريخ التسجيل: Mar 2008
المشاركات: 10,350
|
تابع
* وقال عبدالله بن عبار هذه الأبيات يثني على يوسف بن راضي القراري : 184 يا أبـو راضي جـور بـقعـا لا يهمـك *** بـأمـر ربـك تـنـتهي كـل المشاكـل أطلـب أن الـلـه مـع احـبـابـك يلمّـك *** وتبتهج يا شوق منقوض العثاكـل دق راس الـداب الأرقـط لا يـسـمّـك *** وأنـت الـلي لعـداك بالأقـدام راكـل يا أبو راضي كـل مـّره جيـت يـمـك *** تذبـح من العيت ضخمات الهياكـل الكـرم مـوروث مـن جـّدك وعـمـّك *** لو يشين الوقت تنفق ما أنت ناكـل يعـلم الـلـه لـو طـلـب ناصيـك دمـّك *** كان قلت أبشر وحضرت الجراكـل أريـحـيـات الصخـى حـزت تـخـمـّك *** ترتقص من هـزت الجود وتـواكـل وانت عيلم مـا نضب نقـروح جمّـك *** كـنـك الـهـداج أو مـثـلـه تـشـاكـل مـا تـنـام ولا تـضـع راسـك بكـّمـك *** تسري وتجري لدرب الطيب داكـل أشهـد أن أبـوك عـّرب منسب أمـك *** مـا نـجبـهـا مـن رعـاديـد الأفـاكـل تـجتـمع كـل الـمـكـارم فـي مـعـمـّك *** يـوم ولـد الـّلاش هـمـه بـس ياكل الصخى مثـل البحـر مـوجـه يطمـّك *** مـن يسبـك يـا عسى عـذراه ثاكـل يا أبو راضي ياعسى من هو يذمك *** مـا يـنـال لـضنـوتـه حـق السياكـل قال عبدالله بن دهيمش بن عبار العنزي هذه القصيدة بمناسبة أفتتاح مضيف الوائلية بحايل يثني على الرجل الوقور فهد بن محمد الطوب : 185 يالخاطر أبدع منبع الشعـر ما جف *** ونف العذا عـن صافي القاف نـفـه متفـقـده ناقيـه عـن عـوج واجنـف *** ومـعـدلـه تـعـديـل عـن كـل لــفـــه قلـت الوكـاد ولا نطف الخبـر طـف *** أسـمى التهـاني لـبـو خـالـد نـزفـه بـالـوايـلـيـه شـاد ديـوان واغــرف *** بالمجـلس الـلي مـا يـضم المسفـه فيـه المداخن شامخه كنهـا اعطـف *** وصـفـر الـدلال مـراكـيـات بـرفــه في مجلس اللي عن معانيه ما كف *** مـن جـاه يـبهـج خـاطـره وايتنـفـه منعور عن درب المواجيب ما لـف *** ولا قـال صـك البـاب والنـور طفـه فـهـد كـمـا حــرٍ جـنـاحـه الـيــارف *** جـزل الحـبـاري بالمخالـب يضفـه المكرم الـلي ما قبض راحـة الكـف *** عـرق الصخى يندا من الجود كفه فهـد الـلي بسلوم الأجواد لـه شـف *** كسب الجمايـل هـو مـرامه وشفـه قلبه نصوح ومقصده يجمع الصف *** ومن يفعل المعروف يوقف بصفه العاقـل الـلي عن كلام الخـطأ عـف *** شبحـه بعـيـد وبـه شهامـه وعـفـه يصبرولو شان الزمن ما يقول أف *** اليـا صار بعـقـول الرجاجيل خـفـه ما قـال عـن رقـي العـلا للقـدم قـف *** يوطى على شوك الهـراسه بخفـه يحفظه اللي أنشأالخلايق من أنطف *** أطلب عسى المولى بعطفه يحفـه الـلـه يفـكه من عـواثـيـر واصـدف *** شبحـه تعـلى فـوق راس المـطـفـه من عادته يوقف لضيفه على خـف *** مـا حـاد لـو هـو بالحضاره مـرفـّه أبي أمدح الطيّب وعلى الردي تـف *** الـلاش ما يعـادل من الوزن غـفـه حيث الردي ما هو حسافه اليا هف *** خـلـه يـعـل خشيت يـتـبـع مـهـفــه خطو الرعاع اللي ضلوعه تقل دف *** الـلي بـوقـت اللازمـه صـار قـفــه والخـاتـمه قـبـل نـدامـات وأحسـف *** يـالأدمي فكـرك عـن الشين صفـّه قبـل تصيـر بـدرجـة الخـام وأتـلـف *** كـف الخطأ عن سايـر الناس كفـه وترى الجمايل عدها ديون واسلف *** ديـن الـعـبـاد الـيـا تـمـكـنـت وفـّـه قال عبدالله بن دهيمش بن عبار العنزي هذه القصيدة يسند على فهد بن محمد بن عبدالله ( الطوب ) النويصر : 186 يا فهـد بعـلـوم الفخر قيل لي عـنـك *** الطيب طبعـك والكرم من صفاتـك علمني الـلي مـن الرجاجيل يبخنـك *** يـثـني عـلـيـك وسـر بـالـي لغـاتـك والشاهد الـلـه يـوم تذكـر محاسنك *** تزداد بـصـدور الـقـرايـب غلاتـك تبهج ضمير بصحبتك من يخادنـك *** وجـارك يـعـزك مـا يطيق افتخاتـك يسرك المعـروف والبخـل يحـزنـك *** وعن الـردى والعـيب تعـلن براتـك يـوم الولي مـن وافـر المـال مكنـّك *** تـنـفـق وتستاهـل ثـراك وغـنـاتـك لا جالك اللي يشكي العوز والضنك *** تبـذل وتجـزل للضعيـف اعطيـاتـك كـم واحـدٍ مـن ظيـم الأيـام يـزبـنـك *** مـن طلعتك مـا بـرت في واجباتـك انـت الرصيـد الـلي للأيـام خـازنـك *** الا شان وجه الوقت جت ملزماتك مـن جـاك كنـه مـن حلالـه مديـنـّك *** الـبـذل والإحـسـان غـايـة مـنـاتــك كم تـاجـرٍ مبلغ رصيـده مـلأ البنـك *** تـقـصر يميـنـه مـا يسـوي سواتـك مهما جمعت المـال ما اظن يفـتنـك *** تـقـضي بـه الـّلازم وتـدي زكـاتــك وعن أمـر دينك ما تمـادا بتهاونك *** صوم رمضان وحجتك مع صلاتك والـلي عملتـه يـا فهـد مـا يطـمنـك *** عسـاه يـوزن يـوم وزن أحسناتـك طبعك على جزلات الأعمال مـّرنـك *** حـتى خـذيـت مـن المراجـل كفاتـك يامن فعلت الطيب من طيب معدنك *** حصلت علم الطيب من حسن ذاتك معدن ذهب معدنك ما خالطه زنـك *** نطلب عسى المولى يمهـّل حياتـك بذلت جهد وسامك العرش عـاونك *** وزرع الجمايل هو هدفك وشفاتـك ربك عـن الهفوات واللـوم صاينـك *** نسمع بمـدحـك مـا سمعـنـا شناتـك انت الذي ما ينطق الفحش ملسنك *** تحفـظ عـن الـزلات مـقـول لهـاتـك وانـت الـذي مـولاك بالفهـم لقـنـك *** مـا ظـنـتي ذره مـن الـعـرف فـاتـك الفكـر الـلي لتراث الأجـداد فـطنـك *** حـفـظ السلـوم المسملـه مشغلاتـك اعـتـز فـي مدحـك ولاني مداهـنـك *** فيك الصخى ولا تنحصي مكرماتك وآخـر ختـام القـافيـه مطلبي مـنـك *** في طاعة الـلـه يابو خالد وصاتـك قال عبدالله بن دهيمش بن عبار العنزي بمناسبة دعوة فهد بن محمد الطوب لرجال من مشائخ قبيلة جهينة في قصر الوائلية بحايل : 187 رغم المسافه والمشاغل والأعمال *** فهـد لـزوم منـاسبـتـه أنحضـرهـا سادس نهار العيد في شهر شّـوال *** مـوعـد تلاقي كـل منـا أنـتـظـرهـا اليـوم فزنا بشوف سمحين الأقبال *** مـقـادم جهـينـه لـفـت مـن ديـرهـا نـقـوة حمايل شوفهم يشرح البـال *** مـن عـزوة بالطيـب كلـن شكـرهـا يا ما بقضاعه من صناديد وأبطال *** مـن سجّـل التاريخ مبـطي نشرهـا قبـايـل جهينـه لهـا أمجـاد وأفعـال *** لـهـم فـعـايـل كـل منصـف ذكـرهـا زعيمهم مثـل الغضنفـر اليـا صـال *** لـه رايـة بـالـكـون ربـه نـصـرهـا أخـو سـنـيـدا كـان يـذكــر ولا زال *** فـعـايـلـه عـنـد الـقـبـايـل خـبـرهـا سعـد مـلاذ الـلي بـه قيود وأغـلال *** يـوم أنـتخى كـل الخواطـر جبرهـا ترثت شيوخ تلبس الجوخ والشال *** مشـايـخ تـفـخـر بـمـاضي فـخـرهـا حي الرجال اعداد ما هبهب الـّلال *** واعـداد مـا ينـزل سحايب مطـرهـا والـوايـلـيـه لـلمـشاكـيـل مـدهــال *** فـهـد لـتـكـريـم النـشـامـا عـمـرهـا ديوانهـا يـزمي مثـل نايـف الجـال *** يالـلي تـريـد تـراث الأجـداد زرهـا فيهـا متاحف من قديمات الأجيـال *** طـرايـفٍ قـنـايـهـا مـا خـسـرهـــــا آثـار بالمتحـف جـديـدات واسمـال *** غـرايـبٍ يعـجـب بهـا مـن نظـرهـا فـهـد نـدي الـكـف يستـاهـل المـال *** عـطـاه ربـه وافـر الخـيـر وأرهــا فـيـه الصخى والجـود للمـال بـّذال *** يـا مـا ويـا مـا من جمايـل بـذرهـا ويا مـا عناله معـوزٍ يشكي الحـال *** وكم أسرة من فضل جوده غمرهـا بيـبـان بـيتـه فاتحـه مابهـا أقـفـال *** عـن هاشلـه كـل الحواجـز كسرها حلحيـل مـا يحتـال بـه كـل محتـال *** وأن شاف خملـه في خويه سترها ولا هو بمغـرور من الكبـر يختـال *** ونفسه تـروم الطايله من سطرهـا والمـرجـله مـا كـل رجـٍل لهـا نـال *** بسط اليماني بالكـرم هـو مهـرهـا فـعـايـلـه مـا حـاطهـا كـل مـن قـال *** من قـال بـه كلمـة مديح أختصرهـا وأبـوه قـبلـه لـه كـرامات وأفـضال *** يـمنـاه دون الطايـلـه مـا قصرهـا مـن شبـتـه راعـي معـاميـل ودلال *** دايـم دلالـه عــامـره مـا هـجـرهـا يفرح بـه الطرقي اليا جابـه الفـال *** قـدّم لـه الـدلـه ويـأتــي بـثــرهــــا يقفـاه صينية عـلـيهـا الشحم سال *** في وسطها عيتـا عريض ضهرها يا ماعلى ميزه من ألوان وأشكـال *** يوم العرب بعض الأمور اتعسرها رحل من الدنيا وعـقـب لـه عـيـال *** نعـم الرجال الـلي لطيف امعشرها يا الـلـه عـساه بجـنـة الخلـد نـّزال *** يـوم الخـلايـق موقـفـه بمحشرهـا قال عبدالله بن دهيمش بن عبار هذه القصيدة يثني على فهد بن محمد الطوب من وجهاء وأعيان حائل : 188 الـطـوب بـابـه دايـم الـدوم مفـتـوح *** بيت الصخى والجود شيّد اركـونـه الطوب نـاره بالـدياجي لـهـا ضـوح *** ولـه مجـلس كـل النشامـا يـجـونـه الطوب من ضافه له الكبش مذبوح *** فهـد كـريـم وبالمـكـرم يـمـدحـونـه الطوب ضيفه خاطره دوم مشروح *** وأن سار عـد الـلي تشوفـه عيونـه الطوب يبهج خاطرالضيف بمزوح *** وأن جاله الشاعـر تهيّض اشجونه الطـوب يـبـذل دوم بـالسر والبـوح *** والـلي هـقـابـه مـا يخيّـب اظنـونـه الطـوب علمه بالـرجاجيـل ممـدوح *** كـل الـرجـال أهـل البخت يشكرونه الطوب جـزل وبالمعالي لـه اشبوح *** شبحـه بـعيـد ولا رضي بالمهـونـه الطوب ماطبعه على المال مشفوح *** ولا هـو من الـلي خزنهم يكنـزونـه الطوب سابق بالفخر وأبعد الشوح *** يصعب على اللي حاولوا يوصلونه الطوب وفقـه الـولي خالـق الـروح *** نال أطيب السمعه وعرضه يصونه الطوب ما يكرم على شان مصلوح *** ربـه عطـاه مـن أوفـر الخير مونـه الطـوب جـاد اليـا هبـا كـل مـريـوح *** الـلي عـن الماجوب تـدبـح امتونـه الطوب ينفق دوم بخلاص ونصوح *** وكـم مـغـرم جـالــه وسـدد ديـونــه الطوب عز اللي من الوقت ملحوح *** ريـف الضعيف اللي يدور المعونـه الطوب يحشم عن معايب وساموح *** صيته شهير ويقصر الهـرج دونـه الطوب ماعاشر من الناس سلتوح *** ولا هـو عميل الـلي رفيقـه يخـونـه الطوب فـاز وحاسده بـات مجـروح *** يـمـدح وعـدوانـه تـبـات مغـبـونـه أهل الحسد عاداتهم من عهد نـوح *** من طـاب فعـلـه وأشتهـر يشمتونه لاشك لو يشمت هل الجود مكبـوح *** أهـل القـلـوب الصـادقـة ينصفـونـه قال عبدالله بن دهيمش بن عبار هذه القصيدة يثني على الشيخ عبدالله بن عبدالمحسن المبدل أبو عبدالمحسن صاحب المواقف المشّرفة : 189 اكـتـب المنظـوم بالـقـرم الحشيـم *** وأمدح الـلي عادته يفرح بضيفه أبـو عبـدالمحسن الشهـم الكـريـم *** المبـدّل شيـخ وأخـلاقـه عـفيـفـة للـمـراجـل دوم عـبـدالـلـه يـهـيـم *** مع سماحة منهجه نفسه خفيفـه النبـيـل وصـاحـب الفـكـر السّليـم *** الكـرم والجود مبطي لـه وضيفه مـن نقـاوة مهجتـه مـالـه جـريـم *** عـاقـل ومامون وعلومه طـريفـه من عرفته صار لي اقـرب حميـم *** نعم هوعون الرفيق وهو سعيفه نـادي الكـفـيـن لـه فـضـلٍ عـميـم *** مـع بـذل جـهـده اساليبـه لطيفـه كـم مـحـرج جـاه يشكي مستظيـم *** حـدتـه دنـيـاه واحـوالـه ضعيفـه يـرفـد الـمـغـرم ويـلـطـف باليـتـم *** لـو طلـب مالـه قسم له بالنصيفه اشكـر المنعور شكـر من الصميم *** والمديح بحضرته ماهـو حسيفه يـفـداه الـلي خـاطـره دايـم كظيـم *** يسهج الواجب ويبشع بالرغيفـه عسى يحفظه مالك الملك العظيـم *** وبالسعـادة والهـنـا يطيـب كيـفـه مـن كـرام اجـواد واحـدهـم حليـم *** يحفـظ الصحبـه ولا ينكـر حليفـه الـمـبـدل مـجـدهـم عـلـمـه قـديـم *** واصلهم مجناه من عزوه شريفه ساسهم منسوب من خلفـة لجيـم *** من سلايل درع من عزوة حنيفه من قبيلـة ينتسب منهـا الـزعـيـم *** المريـدي يرهـب العـدوان سيفـه الـزعـيـم الحاكـم البطـل الحكـيـم *** ساد دولـه واصبح لهـوذه خليفـه جـدهـم مرخـان بالعارض مقـيـم *** وعنهـم التاريخ سجّـل بالصحيفه قال عبدالله بن دهيمش بن عبار العنزي يسند على الأخ خالد المبدّل ويثني على الأخ عبدالله بن عبدالمحسن المبدّل لمواقفه الطيبه نحوه : 190 يا خالد أوصل جابت الشعـر توصيل *** للفـاضـل الـلي بالقـصـايـد مدحنـاه اهـديـت لـه بـاقـات ورد وأكـالــيـــل *** مـن فكري القـيفـان للـقـرم مـهـداه مقـصـد كـلامي يـوم قـلـت التماثيـل *** أبـي اشكره عـلى جميلٍ لـي اسـداه شكـر الـثـنـا يستـاهـلـه كـل حلحيـل *** يـزهى لعبدالـلـه عسى الـرب ياقـاه النـادر الـلي من شخوص المباديـل *** منجوب مـن نسـل الـرجال المسمّاه مجنـاه مـن صلب القروم المشاكيل *** ما هو خفي معروف ساسه ومربـاه الـقـرم طـيـبـه لـه شهـود ودواليـل *** عسى الردي واللاش والنـذل يفـداه يـفـداه مـن يجمع سفـال الرجاجيل *** ويكبي اليا جولـه هـل القـدر والجـاه مـا جمـّع حثـال البـشـر والأراذيـل *** ولا حـط هافين البخـت مـن حضايـاه الطـيـّب بالخايـب مـهـونـه وتذليـل *** والـلي تجمّـل بالـردى خـاب مسعـاه نصيت عـز الجـار ريـف المهازيـل *** الوايـلي يلـقـا الوجـب كـل مـن جـاه ابـوعبدالمحسن لـمـن يشكي الميل *** مزبان مـن حده زمانـه عـلى اقصاه قضى لـزومي بالعجـل دون تمهيـل *** اطلب لـه التوفيـق مـن عـنـد مـولاه مهمـا بـمـدح الـوايلي نـبـدع القيـل *** رد الـجمـايـل بـالـثـنـا مـا وصـلـنـاه لكـن نويـت اهديه شكري ولا اطيل *** واعـتـز فـي طيبـه اليـا حـل طـريـاه وقال عبدالله بن عبار هذه الأبيات بالفاضل عبدالله أبو عبدالمحسن المبدل : 191 هاض فكـري وابتـدأ ينظـم قصيـده *** قـلتـهـا ولا قـلـتها فـي زاهي الـّدل قـلتها بالـلي عسى أيـامـه سعـيـده *** افتخـر بـه شـوق منقوض المجـّدل أبـوعبدالمحسن يستـاهـل حـميـده *** الـنـبــيـل الـوايـلـي نـسـل الـمـبـّـّدل زاكـي الـجـديـن وايــل لـه بـديــده *** مـن عـوج مـمـشاه خـلـوه أيـتعـّدل اشهـد أنـه شـهـم شغـمـومٍ ولـيـده *** لـو يشيـن الـوقـت طبعـه مـا تـبـّدل لـه جـمـايـل مـا حصيناهـا عـديـده *** والثـنـاء واجـب ستـاره مـا ايسّـدل قـال أومـر وش طلبك الـلي تـريـده *** مـا انعـقـد منـه الحجاج ولا تهـّدل قال عبدالله بن دهيمش بن عبار العنزي هذه القصيدة يثني على الشيخ عبدالله بن عبدالمحسن المبدل لمواقفه المشرّفه ويسند على الأستاذ خالد بن سعود المبدل : 192 قال الذي من خاطره سجّل حـروفـه *** يثني عـلى شيخ المباديل فـي قـيله مـدح النقي ماهو ندامه ولا حسوفه *** وأبـو عبدالمحسن التمجيد يزهيلـه عبدالله الـلي القاف مايدرك وصوفه *** له علم مثل الفنر تضوي مشاعيله من شب نفسه بفعل الخيـر مكلوفه *** يـجـود والمـرجلـه كسبه وتحصيله ياخالـد الشيخ عبدالـله أبـي شوفـه *** ليتـه يا أبـو فيصل يجيني أو أجيلـه ما أنساه حيث أنه غمرني بمعروفه *** أثـني عليه بصادق القول وأدعيلـه الله يجيره من غثا الوقت واصدوفه *** ويحميه ربـه عـن العيلات والميلـه الشيخ من طبعـه الترحيب بضيوفـه *** والـبـن تـنفـح ريحتـه فـي معاميله لا فـوّحـه فـي صنع بـغـداد والكوفـه *** كـنّـه خضاب الغيـد يصبغ فناجيله طبع الشهامه والكرم راسخ بجوفـه *** الشاهد الله غـريب النوع من جيلـه المكـرم الـلي يفيض الجـود بكفوفه *** كالغيث مـزنه يغيث القاع من سيله فـكـره سليم وغايـة القـرم مكشوفه *** يسعى عـلى الطايله باليوم والليلـه عون الذي حمله تعادل عـلى كتوفه *** حمله ثقيل وحطـّم المتن من شيلـه برك وشاله وأنتهى روعه وخـوفـه *** شال الحمول الكايده مـا فتـر حيلـه كم جـاه من منحرج حدّنـه ظـروفـه *** ريـف الذي ينصى جنابـه ويشكيله الحيـد بـه ملتجأ عن لفح عاصوفـه *** يحجي ويذري بـه ملاجي وبـه قيله اللاّش مبطي عنه الأنظار مصروفه *** واللي يبي فزعه من اللاّش عزيله عن ظن ناس من المخاليق ملقوفـه *** أبـوح عـن مقصد مـديحي وتحليله من حسن ذاته سجّل القرم بكشوفه *** أهـتـم فـي مطـلبي واسرع بتحويله ما تنجحد فـزعة الشغموم ووقوفـه *** مـن يطلب الجـاه يسعاله ويمشيلـه قال عبدالله بن دهيمش بن عبار هذه الأبيات ارسلتها للرجل الفاضل الباحث خالد بن سعود المبدل بعد أن انتحل اسمه شخص وكتب موضوع على لسانه ونفى مع رفع شكوى ضدّه : 193 يا خـالـد أبـن سعـود نسـل المبـاديـل *** قلـت الصراحه في عـبـاره لطيـفـه بـنـي حـنيـفـه مـن خـيـار الرجاجيـل *** مـن الـذي يـجهـل قـبـايـل حـنيـفـه كـان لحنيفـه مملكـه مـاضي الجـيـل *** مـا يـوم صـارت لـلقـبـايـل حـليـفـه عــيـال عـم ولابـهـم قــول مـا قـيــل *** ولاهـم بحال أهـل العلـوم الضعيفه مـنـهـم عـوايـل باليـمامـه مشاكـيـل *** انسابهـم مـن عـقـب وايـل شـريفـه والـلي طـعـن يحتـاج رادع وتنكـيـل *** عـن اتهـام أهـل الجيـوب النظـيفـه قال عبدالله بن دهيمش بن عبار العنزي هذه الأبيات أهداء للشيخ عبدالله بن عبدالمحسن المبدل صاحب الوقات المشرفة حفظه الله ورعاه : 194 اثـني عـلى الـلي بـه حميـه وغـيـره *** فعل الفخـر والطيب من منهله عـل حـيثـه شبيـه السيـف يـبقى ذخـيـره *** في كـف فارس حزت الكون له سل المكـرم الـلـي تـشكـر النـاس خـيـره *** هـو السنـد لـلي شكا العـوز والقـل يـوقـف بـجـنـبـه بالسنيـن العسيـره *** قـدر الـذي ينصـاه مـا ينتقـص جـل ذاك المـبـدل مـن شخـوص العشيـره *** تـمسـك بصحـبـه وقـل لـلـردي ول مـثـل بيـاض الشاش ناصع ضميـره *** حـليـم مـا يحمـل ضـغـينـه ولا غـل أعـني عبدالله لـه مـعي خـيـر سيـره *** الشيخ عـنـده كـل عـقـده لـهـا حـل عـبـدالـلـه الـطـاهـر نـقـي السـريـره *** عـن المـراجـل مـا تكـاسـل ولا زل عـون الـرفـيـق وبالـلـوّازم نـصيـره *** مـثـل البليهي شايـل الحمل مـا مـل مـاهـو كـمـا المربـد ولا تقـل صيـره *** لاشك مثـل الحيـد يـذري ولـه ضـل يـا مـا نـصـاه الـلـي حـوالـه فـقـيـره *** يسند له اللي من الزمن ساعده كل كـفّـه مـثـل وبـل الـمـزون الـغـزيـره *** يروي معاطيش الظوامي اليـا هـل يمشي عـلى منـهـاج فـهـم وبصيـره *** والـلي يسيـر بمسلك الحـق مـا ذل ماهـو رفيـق أهـل النفوس الشريـره *** ولا هو عشيراللي كلامه خذ وخـل مـا سـار بـدروب الـردى والمـعـيـره *** ولا تجتمع عنـده عصابات واشلـل عسى الـولي مـن كـل عايق يجـيـره *** وعساه يـبقى بـعـز يا لـيـت يا عـل يتبع التعديل الأخير تم بواسطة عبدالله بن عبار ; 06-30-2022 الساعة 07:51 AM |
|
|
|
|
06-28-2022, 10:39 AM
|
#19 |
|
صاحب الموقع
تاريخ التسجيل: Mar 2008
المشاركات: 10,350
|
تابع
قال عبدالله بن عبار العنزي بمناسبة الحفل المقام على شرف الشيخ فهد الثنيان الشمري شيخ الزميل عند الشيخ صالح بن الأمعط العواجي شيخ ولد سليمان وعبدالله بن مزعل المطرفي من وجهاء المطارفة والشيخ تركي بن مناحي المجلاد من أهل الشعيبة والفاضل محمد بن شويمان الجروان من وجهاء قبيلة السهول من الجعافرة والأفاضل لافي ومزعل ورفادة أبناء عبدالله بن صنعاء من كبار ووجها السهول في مطلع شهر ذو القعدة لعام 1426هـ : 195 الـكـل رحـب فـي زيـارة كـحـيـــلان *** شيخ الزميل أهل العلوم المراميس يـا مـرحبـابـك يـا خـلايــف ثـنـيـان *** عـم الـفـرح بـزيـارتـك والتوانـيس حـلـيـت أهـلا بـيـن حـيـّك وحـيــان *** وطيـت سهـلا ولا بدربك تضاريس فـرحوبك شيوخ القبيلـة والأعـيـان *** حيث الذي شرواك نـور المجاليس ولابـه عـنـزي الا بـلقـيـاك فـرحـان *** فـي مجـلس مـابـه وجيـه معابيس شرفت حفل المطرفي مفني الضان *** عبدالـلـه المـزعـل كعـام المناحيس ومحمد شويمان مـن نسل جـروان *** يمينه أكـرم مـن هـبـوب النسانيس وعيال عبدالله أهـل جـود واحسان *** والنعـم بالصنعـا ولا قـلـت توهيس والشيخ صالح نسل قـواد الأضعان *** شيخ القبـيلـة مـن سلايـل قـرينيس نعـم الـرجال اليـا تناخـوا بعـوجـان *** صافين مـن صفوة حمايل وفـريس شيخ الشمـل مـقـدام لابـة سليمـان *** أخـو ذكـر حـّلال عـقـد الـلـوالـيــس لابـة هـل الجدعا صواريـم عـقبـان *** من روس وايل بالفخرمابهم هيس مـقـدامهـم صالح فـزع كـل بلشـان *** شيخ لربعه كـرس الجهـد تـكـريس ومناحي وتركي من أحفـاد فـوزان *** مـن لابـة شجعـان مـاهـم هـلابـيس أبـو ولـيـد الشيخ من عقب حمدان *** راع النعوس الليث حبس الملابيس بالمحفـل الـلي ضـم شـمـر اويـلان *** يجلي عن نفوس الرجال التعاميس على شرف شيخ من طوال الأيمان *** فهـد سليـل مـأسس المجـد تأسيس شيخ الزميل اللي مثل طير حـوران *** فهد أبـو فيصل ولد مـرذي العـيس شيخ مصيّت من صماصيم شيخـان *** شيـخ لكسب الطايله يـفـرع الكيس وبرجس أبن عرعر خلايف ظبيـان *** تـرثـت بـواسل للعجـاجـه مـدابيس منسوب ساسه من مجاذيب شجعان *** الـلي يقودون الجموع المطاويس وأبـو فـهـد هـزاع للطـيـب عـنـوان *** دايـم يغـرس من الجمايل مغاريس القرم من عقب المطوطح وروسان *** يفرح ضمير اللي شكاله حواسيس ساهم بتطوير الـوطن والسعـد زان *** يـفـرا الجـبـال ونـابيات الطعاميس ومحـمـد الحـمـاد مـن صلـب جـدان *** الخمعلي عـز الطروش العواسيس من جودهم سموهم النـاس بـلجـان *** منـوة مـناكـيـف الغـزاه المراويس والعفـو ما قصدي للأجواد حـقـران *** مـن لا ورد طاريـه ماهـم حماليس قلته وقولي صدق والهـرج وكـدان *** ولا قـلـت منظـومي تملق وتـدليس هاض الضمير ونظـم البـال قـيفـان *** تعبيـرمن فكري مشاعر وأحاسيس أبي امتدح شمـر وسيعين الأطعـان *** يـوم الفـرنج ويـوم قـدح المقابيس كبار الصحون ومشبعت كل جيعـان *** وقـت الظـلام يـولـعـون الفـوانيس حتى اليـا جـوا تـالي الليـل ضيفـان *** متـلطميـن ويشعـبـون الحـراسيس بـبـيـوت شمـر يبتهـج كـل عمسان *** برباعهـم تسمع صليـل المهـاريس ينعشك فـوح الهيـل بـدلال رسـلان *** ويجذبك ريح البن وسط المحاميس شمر يرومون الفخر جهـر واعلان *** هاموا وشاموا عن ملامه وتدنيس غـلبـا الطنـايا من قـديـم لهـم شـان *** والنعم في زوبع وعـبـده سناعيس وأهـل اللحيسه زادهم يملأ الأجفان *** تـقـليطهم جـزلات ما هي لحاويس غير الكـرم بهم الشجاعة بالأكـوان *** أهـل الفعـايـل كاسبيـن النـوامـيس شمر بهم عن ضيم الأضداد مزبان *** زبـن المجنى يـوم عصر المتاريس وعـيـال وايـل بالفخـر عـلمهم بـان *** أفـعـالهـم مـا تـنحصي بالكـراريس تمجيدهم مـا يـدركـه منطـق لسـان *** من وصفهم كـل القـلم والقـراطيس واليوم من فضل الولي كلنا اخوان *** نمشي عـلى نهج الشريعـة بتقييس فـي حكـم عبـداللـه ملكنا وسلطـان *** متـوارثـيـن المجـد مهنـة وتـدريس سادوا بحكم الشرع والعدل ميـزان *** بحد الحسام الـلي يقص الفواعيس تمسكوا بدين الهـدى خيـر الأديـان *** مـا بـدلـوا صـوت الأذان بنـواقـيس عـن دينهم ما راعهم جور عـدوان *** الـلي تحـوك الكيـد خـلف الكواليس عـدوانـهـم نالـوا مهـونـة وخـذلان *** وصدقانهم مـا يـوم عـادوا مفاليس حكـامنـا نـدعـي لهـم كـل الأحـيـان *** عـنـا يـشيلـون الحـمـول المكاديس والختم صلوا على من زال الأوثان *** المصطفى طاريه يجلي الهواجيس ونعـوذ بالـمعبود مـن كـل شيطـان *** ونلـوذ بالرحمن مـن نـزغـة إبليس قال عبدالله بن عبار بمناسبة شفاء الشيخ صالح بن الأمعط العواجي : 196 يـزول شـّرك يـا زعـيـم الـقـبـيـلــه *** والحمـد لـلـه يـوم طبـت وتعـافيـت يـا عـل عـنـك البـاس ربـي يـزيلـه *** وياعل يحميك الولي حامي البـيـت وعسى تـدوم أيـام عـمـرك طويلـه *** ويعـطيـك خـلاق الـمـلأ مـا تمنيـت يا أبـو طـلال الـلي فعولك جـزيـلـه *** الكـل يفرح يـوم مـن غيبتـك جيـت مـاجـور يـا نسل الشجـاع وسليلـه *** الذيب الأمعط طيّب الذكـّر والصيت أبـوك شيخ ومـن تضايق يجـي لـه *** أخـو ذكـر علمه مثـل ساطع الليت أخـو ذكـر يـوم الـزمـن مـال ميـلـه *** ما قـال من كثـر الهواشل تـوذيـت ما غاض بيتـه من ضنا عبيـد ليلـه *** يمشي بلازمهم ويذبح لهـم عـيـت اليـا وقـع حـمـل العـبـيـدي يشيـلـه *** جـمـّع نزايع لابـتـه عـقـب تشتيت عـساه يـنـعـم بـالجـنـان الظـلـيـلـه *** وأنـت العوض بـه للقبيلـه تـولـيت تحجون من قـلـت عـلـيـه الوسيلـه *** أبــوك وأنــت ولابـتـك مـا تـرديـت حيثـك من اصحاب الأخلاق النبيله *** مـا يـوم عـن لازم عـوانيـك كـنيـت تتعب على الطوله وعـلم الفضيلـه *** وتشوم لصروح العـلا مـا تخـفيـت وتـشيل صعبـات الحمـول الثـقيلـه *** لـو ثقل حملك مـا ذكـر يوم جضيت مقـدم هـل الجـدعـا حـمات الدبيلـه *** بالمرجله والطيب يا نعم ما طـريت شجعـان بسروج المهـار الأصيـلـه *** واليا لفيت بيوتهم حـي مـا الفـيـت عـاداتهـم كسـب الفـخـر والنفـيلـه *** صانوا شرفهم عن ملام الشواميت يـوم المراجـل بالسيـوف الصقيلـه *** يـروون حـد المرهفـات المصاليـت قـبـلي ابـو شـأيـم ذكـرهـم بـقـيـلـه *** يفخر بهم بالملحمه مثل ما اوحيت الـمـجـد واسـع والـقـوافـي قـلـيلـه *** ومهما ذكرت افعالهم مـا تحاصيت ويـوم دعـانـا الـطـوب مكرم نزيلـه *** جيت وعلى شوف الرفاقه تشفيت قال عبدالله بن دهيمش بن عبار العنزي بمناسبة الحفل المقام على شرف مشايخ من قبيلة عنزة وشمر من قبل الشيخ برجس بن عرعر بن ظبيان والشيخ محمد بن حماد البليجا الخمعلي في عرعر ورفحا : 197 بسـم الـولـي رب العـبـاد افـتـتـحـنـا *** مبـدأ القـوافي مـن صميم القـريحه نظم القريض أعرض مجاله وبحنـا *** باشعار مـن فيض المشاعر نفيحـه عـن سـر مكنون الضماير فـصحنـا *** وشـذا عـبيـر صدورنـا فـاح ريـحـه للقـاف بـلسـان الفـصاحـه صدحـنـا *** والفـكـر عـبـّر بالهـروج الفـصيحـه مهـمـا اسهبـنـا بـالكـلام وشـرحـنـا *** عـن مـا نريد القاف ينضب نضيحـه مـن عاصمة نجـد العـذيـه سـرحـنـا *** نـطـوي سمـاهيـد الديـار الفسيـحـه دعونا أهـل عـرعـر ورفحا ورحنـا *** كـي نـلتـقي بـأهـل العـلـوم المليحـه الـلـي بـعـرفـتهـم كسـبـنـا وربـحـنـا *** أهـل المعـانـي والعـقـول الـرجيحـه نشكـر جنـاب الـلي عطانـا ومنحـنـا *** ساعات مـن فرصة زمـانـه يـتيحـه حيـث اجتماع الـربـع زاود فـرحـنـا *** يـومٍ جـمـع كـل الـوجـيـه الفـلـيـحـه بحكم الملوك الـلي جلـو كـل شحنـا *** بالـعـدل وأنـوار الحقـايـق مضيـحـه المصلحيـن الـلي بسبـبهـم صلحـنـا *** نسـل الزعيم الـليث منجي طـريحـه ديـن الهدى على التعـاون نـصحنـا *** في نص أحاديث الرسول الصحيحه واليـوم مـن فضل الكريـم أسترحنـا *** جـزنـا وعـقـلنـا الـركـاب المشيحـه زالـت حـزازات القـلـوب وسمحـنـا *** والـلي اقـتـرف مـنـا خـطيـه نبـيحـه للسلـّم مـن عـقـب التشاحن جنحنـا *** وقـلوبنا أنصع من بياض الصفيحـه عـن السلـوم الطيـبـه مـا صـفـحـنـا *** وحـنـا وشمـر كـلـنـا مـن شـريـحـه حـنـا وشـمـر للـمـراجـل شـبـحـنـــا *** السلـم واحـد والضـمـايـر نـصيـحـه تـطــابــقـت عـاداتــنـا واقــتـرحــنـا *** نـبـقـا لـبـعـضنـا بالـلـوازم مـنـيحـه وأن دار دالـوب الـزمـان ونـزحــنـا *** لـديـار شـمـر والـجـوايـح مجـيـحـه أدنـاهـم الـلـي بـالـتـهـلـي نـطـحـنـا *** زيـن النـبـا يـقـريـك قـبـل الـذبـيحـه مهـمـا لـشـمـر بـالقـصايـد مـدحـنـا *** غـلـبـا الطـنـايـا مـا نـوفـي مـديـحـه شجعـان يـوم السيـف بالكـف يحـنـا *** وأهـل كـرم يـوم المكـايـل شحـيحـه وحـنـا بـعـد فـي قـمـة المجـد لحـنـا *** نشـوم عـن فـعـل السلوم القـبـيحـه وش عاد لو عصر العلوم اكتسحنـا *** ما ننجرف مع كـل موضه وصيحـه المـرجلـه فـيهـا أخـتبـرنـا ونجحـنـا *** نـفــوز وقـلـوب الأعـادي جـريـحـه ولا اقـول فـي كـل القـبايـل رجحـنـا *** ندرى البخت والحظ نخشى مطيحـه نـمـدح صنـاديـد العـرب مـا قـدحـنـا *** بأهل النجور الـلي يشوقـك ضبيحه قـلنـا الهـروج الصاملـه مـا مـزحنـا *** وهـرج بـلا برهـان عيـب وفضيحه تـم الـجـواب ولا عـن الـحـق زحـنـا *** وصلوا على اللي بالمدينه ضريحه قال عبدالله بن دهيمش بن عبار العنزي هذه القصيدة بمناسبة الحفل المقام من قبل الشيخ برجس بن عـرعـر بن ظبيان الدهمشي في منطقة عـرعـر على شرف عدد من مشائخ القبائل ورجال قبيلة عنزة وغيرهم : 198 الـلي يجـيـد القـاف واجـب يسـاهـم *** اعـرض مجـالـه ثـم سجـلت قـايـل حـي الـرجـال الـلـي بـعـيـدٍ مـداهـم *** بـديـار لابـه مــن شـغـامـيـم وايــل الـلابـه الـلي يـبتهـج مـن نصـاهـم *** افـعـالـهـم مـبـطـي عـلـيـهـا دلايــل حـي الـرجـال الـلـي كـرام لـحـاهـم *** يـا مـرحـبـا بـعـداد نـبـت الخمـايـل حـي الـرجـال الـلي فـرحنـا بلقاهـم *** جـمـع تجّـمـع مـن جـميـع القبـايـل حـي الرجـال ويسعد الـلـه مساهـم *** نعـتـز فـي طـاري عـمـوم الحمايـل الشيـخ بـرجـس للكـرامـه دعـاهـم *** مـن العـاصمه للجوف لحدود حايل لبـولـه الدعـوه وجـوا مـن قـراهـم *** مـن ديـرة الشملي وبـيضـا نـثـايـل فرحوا أهل عـرعـر ونـّور سماهـم *** والـدور يضوي نـورها لـه شعايـل وتبـاشروا بقـدومهـم مـن غـلاهــم *** أهـل الشهـامـة والعـلـوم الجـزايل وأهـدافـهـم يـدري بـهـا كـل فـاهـم *** غـيـر التعـارف مالهـم مـن وسايل سـلايـل الأجـواد نـطـلـب عـسـاهـم *** دايـم بـعـز ويـدركـون الـنـفـايـــــل الـلي عـلى العـادات ربـوا ضنـاهـم *** عبـر الـزمن ما سلم الأجواد زايـل رب العـبـاد مـن الفـضيلـه عطاهـم *** عـاداتـهـم بالطـيـب فـعـل الجمايـل أفـرادهـم وشخوصهم واوموراهـم *** الـكـل بـاعـه بـالـمـواجـيـب طـايـل عـز الغريب اليـا نـزل فـي حمـاهـم *** ريـف الهواشـل مكـرمين النـزايـل صانـوا شرف جيرانهـم وقصراهـم *** الجـار يـمـدحهـم الـيـا شـد شـايـل زبـن الدخيـل وضيفهـم مـا شناهـم *** لـهـم بـجـزلات الـمـعـانـي عـمايـل والـيـوم جـمـيـع الـقـبـايـل تـراهــم *** صـاروا قـرايـب كلهـم من فصايـل شعـب الجزيـرة حقـق الـلـه مناهـم *** عـم الـرخا مـن عقب شح المكايـل زال الجهـل والـلـه بـهديـه هـداهـم *** وزالت كوابيس الظروف الهوايـل وأكـبـر دليـل أخـلاصهم لـزعماهـم *** أهل الصخى والجود بيض الفوايل يـعـرف تـضامنهـم ويعـرف ولاهـم *** ويعـرف تفانيهم الـيـا عـال عـايـل تـكـاتـفـوا والـلـه رفـع مـستـواهـم *** بـقـيـادة المـقـرن اعـراب السلايـل فـي ضل الـلي شعبه يدوّر رضاهم *** العـاهـل المحـبـوب للحـمـل شـايـل رب المـلأ عـن كـل عـايـق وقـاهـم *** مـن سؤ كيد أهـل الحسد والدغايل قـول الـمـدايح والإشـادة زهــاهــم *** لهم الفخـر والمجد صدق وصمايل عـديـت لمـحـه مـن مكـارم وفـاهـم *** وأرجـو السموحة بالبيوت القلايل بمناسبة دعوة الشيخ برجس بن عرعر بن ظبيان الدهمشي لمشائخ وأعيان عدد من القبائل في مدينة عرعر في التاسع عشر من شهر جماد الثاني عام 1433هـ قال عبدالله بن دهيمش بن عبار هذه القصيدة : 199 جينـا لحـفـل الـلي لعـلـم الفخـر شام *** يشفق على الطوله ويبعد عن اللـوم الشيـخ برجس يـفعـل الـطيـب جـزّام *** عــوايـده طـبـع الـكـرم دايــم الــدوم سـلايـل ظـبـيــان وافــيـن واحـشــام *** الـكـل مـنـهـم طـيّـب الذكّـر شغـمـوم من ساس عزوة للفخر تحمـل وسام *** نالـوا عـلى العـليا شهادات واخـتـوم عـزوة محـددت الجـمـل فعـلهـم هـام *** تاريخهم من ماضي العصـر مفهـوم ريـف النكيف اللي عـلى الـزاد معتام *** يـوم الجفاء والجـوع والكيل معـدوم قلته ومن يمدح هل الطيب مـا ايـلام *** والطيب مبطي بـيـن الأجواد مقسوم ولـو أبـي أعـدد كـل فـارس ومـقـدام *** تمجيـدهـم مـا حـاط بـه كـل منـظـوم ألـعـام يـأتـي فـيـه عـيـديـن بـالـعــام *** والثالـث من اعـيـادنـا عيـدنـا اليـوم حـي الـرجـال الـلي مشاكيل وافـهـام *** حـي الـقـروم الـلي مجـانـيهـم قـروم الـلـه يـحـيـيـكـم عـلـى عــز وأكــرام *** فـي محـفـل العـياش ذبـاحـت الـكـوم ماريد أخص المدح في بعض الاقسام *** كـل القبـايـل بالفضـايـل لهـا سهـوم يصعب على الشاعر ولو عنده المـام *** هيهات يحصى المجد لو كان معلوم أنتـم شخوص ومـن مشاهير وأعلام *** صيـد الحـمايـل ملـتجـأ كـل مضيـوم الكـفـوا يـزهـاكـم وعشـرات الأنـعـام *** يامـن لكـم بالطيـب عـادات واسلـوم يوم الفخـر والمجد في رمح واحسام *** أنـتـم احـفـاد مـروّيـت كـل مسـمـوم شـجـعـان كـانـه دق لـلـحـرب دمـــام *** وأبطـال بالميـدان يـوم الـعـرب قـوم واليوم صرناأخوان واصهار وارحام *** ولا عـاد بـه هـازم ولا فـيـه مهـزوم بجـهـود مـن طـبـق تـعـاليـم الإسـلام *** الـبـاسـل الـلـي للـرجـاجـيـل قـيـدوم عبـدالعـزيـز الليـث مـجـنـاه ضرغـام *** الصيرمي منجوب من وكـر صيروم بـه من كـرم مـعـن وبـه عـز بسطـام *** وبه من فخـر هوذه وفتك أبن كلثوم صقـر الجزيـره سادهـا والسعـد قـام *** واصدر على توحيد الأوطان مرسوم من غربي الساحل إلى مشرق الشام *** عـّذّا جـنـاب الـدار عـن كـل مـثـلــوم رفـرف علمهـا فـوق رايـات وأعـلام *** وحكم بهدي اللي عن العيب معصوم عـبـدالـعـزيـز الـلـي لـلأضـداد لـطّـام *** نطلـب عساه بجـنـة الخـلـد مـرحـوم صنديـد مـا سـاوم عـلى الـدار سـوّام *** رحــل وسـلـمـهـا لـلأنـجـال تـسلـوم حـكّـام تـنجـب مـن صماصيـم حـكّـام *** يـفـخـر بـعـادل حكمهـم كـل محـكـوم يـوجـد بـهـم مـثـل المهلـهـل وهـمّـام *** عـدوهـم يدبـر عـلى الخشم ملـطـوم زبـن الدخيل الـلي مـن القهـر منظام *** وملاذ الـلي جاهـم من الغبن مظلـوم في ضلهم عشنا على خيـر ما ايـرام *** ما منهـم الـلي يحمـل الكبـر والـزوم تـاريـخ مـاضيـهـم مـسـجّـل بـالأقـلام *** عـبـر الوثـايـق بـالسجـّلات مـرقـوم عـثـمـان سجـل فـعـلهـم وابـن غـنـاّم *** هم عـز من يشكي كوابيس واهموم يوم الزمان اللي مثل عـصر الأصنام *** لـبّـوا نـدا شيح من الغـيض مـكـلـوم القـاضي الـلـي يسهـر الليـل مـا نـام *** شاف المناكر والتجا الشيخ مـزحـوم عاهده أبن مقرن على دحر الأخصام *** حـتـى يـقــر بــزلـتــه كــل مـتـهــوم كانـوا عـلى مذهـب من الشرك هـدّام *** وأرشدهم الـلي بقوة الحـق مدعـوم من عـزوة المقرن عسى عـزهـم دام *** مـن ساد منهم يحمي الديـن ملـزوم زالـوا خـرافـات الجـهـالـة والأوهـام *** عـلى الضلالة والجهل شنوا اهجوم احـفـاد الـلي صـدّوا طوابير الأعجام *** فـوق الجيـاد وقـوضوا دولـة الـروم يحفـظـهـم الـلي بـغـايـة السـر عـّلام *** رب الـخـلايـق مـالـك الـمـلـك قـيّــوم قال عبدالله بن دهيمش بن عبار هذه القصيدة يثني على الرجل الفاضل الشيخ برجس بن عرعر بن شاعف الضبيان من مشايخ قبيلة المحلف من الدهامشة ويشيد بمواقفه المشرّفه : 200 قـال الـذي صاغ الـقـوافـي ونـظـّمهـا *** بحـر الشعـر موجـه تلاطم مـرافيها مهـديـه لـلي حـروف القـاف يفهمهـا *** برجس أبن عـرعـر يحلـل قـوافيهـا برجس تبع سلم الجـدود ومكـارمهـا *** مكـارمـه مـدح الـثـنـاء مـا يـوفـيهـا نـسل الحـمـايـل عسى ربـي يسلمهـا *** لـي الشرف أمـدح فـعـايـل سنافيهـا مـن والـده كـل الـمـراجـل تـعــلّـمهـا *** والـنـار تقبس من مقابس مجـافيهـا نـفسه عـن دروب الَضلالات ينهمهـا *** تبقّى عـفيفـه نـزعـة الشـر مـافيهـا يـامـا مـن الحشـوا للضيفان قـدّمـهـا *** والضان لضيوفـه يـقـلّـط هـرافـيهـا بالجـود مـا هـمّـه خـسايـر تـغـّرمهـا *** عـلى الكـرم تشهد قـدوره واثـافيهـا من عـزوة نالـت من المجد مسهمهـا *** يوم المغازي خفاف الهجن تحفيهـا عـن المـراجـل مـا تـرخّـت عـزايمها *** أفـعـالـهـا فـي سجـل المجـد يكـفيهـا وبـيـوتهـم مـثـل الشوامخ معـالمـهـا *** يسعد بهـا الـلي سنين الجوع يلفيها عـدوانـهـم بالكـون تكـثـر هـزايـمها *** يخشى المعادي من مطاعن شلافيها العـزوه اللي خشوم الأضداد تلطمها *** تفنا العدا وصدور الأصحاب تشفيها بـرجس جـهـودي للقبيـلـه يـقـيـّمهـا *** ولـو شاف خملة رفيع الشان رافيها شهم الرجال أهـل الفضايل يحشمهـا *** أبـو زياد أهـل الـرذايـل ايـجـافـيـهـا مـن يشمـت رجـال القبيلـه ويظلمهـا *** فـي منهجـه كـل الـتـقـالـيـد نـافـيهـا والـلي بـني وايـل يـبـوح بمثـالـمـهـا *** يوم قدحوا بجدودنا قـلـت وش فيها وأهـل الجحود الـلي تـوزع قسايمها *** الـلـه مـن أمراض الضماير يعافيهـا يـا شيـخ مـا يشكـل عـليـه شتـايمهـا *** مـن بـاع حـظّه ذّمـتـه دوم يهـفيـهـا دام الـنـمـايـم والـي الكـون حـرمـّهـا *** ما انسامح أصحاب البلابـل ونعفيها مـن ألـف إنسـاب القبـيـلـه ولـيمـهـا *** في كـتب عـن كـل الشوايب مصفيها ومـن الـذي يشنـا القرايب ويتهمهـا *** يـبي النحايـل عـلى الـويلان يضفيها جـدود حـقـرّ بـهـا وجـدود عـظـمّهـا *** مـرامـه أنـوار الـحـقايـق يـطـفـيـهـا واللي المصادر عـلى كيفه يترجمهـا *** مـا يـقـدر يـزيـل المـراجع ويخـفيها مـا يـربح الـلي هـل التزوير يدعمها *** مـا يـدري أنـه بالمـهـافي يهـلـفيـهـا وش الـذي غـطّـى القبيلـه ونـومهـا *** لابـد مـا نيقـض مـن الـنـوم غـافـيها قال الشاعر عبدالله بن دهيمش بن عبار العنزي هذه الأبيات يثني على اللواء علي المدبل 201 سجلت منظـومي يالأجـواد مجبـور *** يـا سامعيـن القـول لي لا تـلومـون يا عـلي بـن مدبـل تجـملت مشكـور *** أشكرك بلسان الثـناء ألـف مليـون يا صاحب المعروف بالخير مذكـور *** لا زلت لـك يالقرم بالفضل مديـون وفيـت بالواجب ولا جيـت بقـصـور *** وأنت المجـرّب باللـّوازم ومبخـون ماهي غريبه منك يا صايب الشـور *** حيثك من الـلي بالمواجيب يوفـون يالوايلي مجناك مـن مـاكـر صقـور *** مـا ذكـر بجـدودك هلابيج وعفـون فـخـر جـدودك بالتـواريخ مسطـور *** خط بسجل المجد من خمسة قرون نسل الجدود الـلي لهم بالفخـر دور *** رومي ولـد وطبان والناس يدرون سليل من علمه مـع الناس مشهور *** حمايل مـن صلـب مرخـان يعـزون يا فزعت العاني اليـا جاك مضـرور *** أنـت الـذي شـرواك للملتـزم عـون جـيتـك ولا ذخـرت يالقـرم مـذخـور *** عـنيت نـاصي والأجـاويـد ينصون ورجعت راضي من قبالك ومسرور *** جـمالتك وصلت وأنا منـك ممنـون كـرمـت لـي بالـرقم تشكر وماجـور *** مجهـد ولا تذخر من الجهد مكنون وقال عبدالله بن دهيمش العبار هذه القصيدة يسند على العميد سليمان بن سعدون : 202 قال الذي سجل مـن القـاف منشور *** أبيات مـن نظمي لها الناس يقرون أسند على قرم من الغـوش منعـور *** أبن شبيب الهاشمي نسل سعـدون جـده زعيـم المنتـفـق مشعـل النـور *** مـن روس لابـه بالمكـارم يعـيـون زبـن الدخـيل الـيـا كـبـا كـل مثـبـور *** منهـم مقـاطع حـق ورجـال قانـون شيخان لكن مـا بهـم كـبـر وغـرور *** لهم الفخر موروث من دورهارون نسل النمور نمور تنجب من نمور *** ونسل الحمايل ما تدنى على الهون ولا الـردي شخصيتـه بــس ديكـور *** هيكـل خيـال وداخـلـه فـلم كـرتـون ناصيك ياسليمان واشكي لك الجور *** دنـيـاك هـذي كـلهـا غـلب وغبـون طال المطال وخاطري صارمكسور *** أسهـر طويل الليل والبال مشطـون والحر لو صبر له حساس وشعـور *** قلته ومن يسكت عن الحق ملعون ولا ظنتي يصبر على الغلب ممرور *** الغلب يودع صاحب العقل مجنـون مقهور والله يا أبن الأجواد مقهـور *** مقهور من قـل الوسايـط وممهون من دون شفي حـال يالقـرم عاثـور *** كيف الوسلة يابن سعدون وشلون باللي خدعني بالوعـد والوعـد زور *** قـال انتظـر يومين والرقم مظمون واليوم فات من الوعد عـدة شهـور *** وصارت مواعيده تخامين وظنون لاجيت أراجع ماقدرت أدخل السور *** دونـه عساكـر عـن قـبـالـه يـردون وذكـرت مـا قـال المتـنـبي بكـافـور *** وطـرى عـلى بالي كلام أبن لعـبون قلته ومن يظلم عسى يدعسه مور *** مسرع وحمله خالف الوزن بالطون ولا عـساه بمظلـم الحبس مخـفـور *** ياقع بجـرم ويقضي العمر مسجون مـا للعـبـاد بـقـطـع الأرزاق مقـدور *** الـرزق من مـد الولي مبدع الكـون يتبع التعديل الأخير تم بواسطة عبدالله بن عبار ; 06-30-2022 الساعة 07:56 AM |
|
|
|
|
06-28-2022, 11:17 AM
|
#20 |
|
صاحب الموقع
تاريخ التسجيل: Mar 2008
المشاركات: 10,350
|
تابع
قال عبدالله بن عبار يسند على راكان بن جبل وخلف بن سعود الخمعلي وبشير الكاسب الفقيري أبو سعود : 203 راكب الـلي سد عن هجن الإبـل *** مـن ورد ما عاد نحتاج الذلـول جيـب صمم للصحـاري بـه دبـل *** لـلـرمـال وللـجـبـال وللسهـول مـا تـخلخـل بـه صواميل وربـل *** جاهـز ولابـه عيوب ولا خلـول حس بلفه صوت نسناس بسبل *** أو جلاجل حس خلخال الحجول منـظـر الفكسار مـرموق وقبـل *** كـل مـن شافـه تـمنى لـه ينـول بـس عـيبـه مبلغ السعـر يهبـل *** من نشد عن قيمته صابه ذهول كـم مشفـق كـن بـيـديـنـه كـبـل *** عقب سومه عاد نادم ومخجول الحصى خلف كفـراتـه لـه نـبـل *** لا تحـّرك يسبق الظبي الجفـول ما مسك طاره غشيم ولا خـبـل *** سايـقـه مـاهـو بلـيـد ولا كسول كنه الـلي شاش من دق الطبـل *** أو كما اللي فاز من تدخيل قـول سار مسرع تقـل تـقـداه بحـبـل *** يحـمـل المكتوب عنيّتـه رسـول وصـل المكتـوب راكـان الجبـل *** وخلف بن سعود قرم لـه فعـول وبشير اللي بالكرم زنـده عبـل *** أبن كاسب من حصيفين العقول فـي بـلادٍ جعـل يدهجهـا الوبـل *** دار اللي عسى فخرهم ما يزول نسـل منـبـه كلهـم خـلفـة شبـل *** من عـرين ليـوث ما طبه ثعـول يـوم خيـل القوم تكرس بسطبل *** خيلهم تصول بالبيـداء وتجـول فرحت الـلي بـه تقطعت السبل *** يـوم شح الـزاد والديـره محـول كان يبس الريـق بالكون وذبـل *** مـن يشاهـد فعلهم راسه يطـول قال عبدالله بن دهيمش بن عبار بمناسبة أجتماع قبيلة الهزازنة السنوي: 204 عسى تـدوم اعـيـادكـم كـل الأحيـان *** في جـاه خـلاق الملأ رب الأربـاب أعـتـز وأفـخـر فـي شغـامـيم هـزان *** حيـث أنهـم لنـا بـني عـم وأقـراب أهـل الحريق لبيـت عـنـاز عـمـدان *** والبيت ما يبنا بـلا عـماد واطنـاب والكـل منهم لـه كرامـه ولـه شـان *** مـن مارثة وايـل عـريبين الأنساب يستاهل الشكـر الجزيل ابن عثمان *** يستاهـل التمجيد والمـدح من طاب الـلي جمع كـل الـرفاقـه والأعـيـان *** أبـو يـزيـد لجمـعـكم جـر الأسبـاب الشمل جمعـه عـز بـه بـر وإحسان *** عساه دايـم يجتمع شمـل الأحبـاب المجلس الـلي يجمع الشمل يـزدان *** بوجـود صافين الضماير والألبـاب جمع الشمل يعتـز به ذرب الأيمـان *** واللي تواصل مع دوانيه ما خـاب العـز والهـيـبـه اليـا صرتـم أعـوان *** ما ذل مـن ربعـه تكاتف ولا هـاب والحـمـد لـلـه كلـكـم ربـع وأخـوان *** فيما مضى كنتم ولا زلتـم أصحاب وأنتم هل الطولات من قدم الأزمان *** مـا منكم الـلي يلمز بعـيب وأيعاب واليـوم بعـلـوم الفخـر صيتكم بـان *** والـكـل مـنـكـم سـار للمجـد طـّلاب وافين بالواجـب وبالكـون شجعـان *** ومـن زاركـم يلقا كـرامه وترحـاب هـذا الوكـاد وماضي الفعـل برهان *** ما اقـدر اعد امجادكم مالها حساب قال عبدالله بن دهيمش بن عبار العنزي هذه القصيدة بمناسبة أجتماع قبيلة بني هزان يسند على الأستاذ محمد بن حسن الهزاني : 205 مبداي بالـلي شئون الكون صرفهّـا *** رب المـلأ كـربـة الشدات يـفـرجهـا العـالـم الـلي اسرار الخلق يكشفهـا *** مولاي كـل البشـر يقضي حوايجهـا هـو الـذي يـنـقـذ عباده ويـسعـفـها *** بـالهـاطل الـلي محيل القاع يدهجها ومن بعد ذكره زهورالقاف نقطفها *** عذب القوافي صميم الجاش ينسجها أخـتار من جـزلها وأترك عـذايفها *** والهـزلـه الـلي بها المنقود نسهجها قيفان من خـاطري فـكري يصنفها *** ماني من اللي حروف الشعر دبلجها ماني من اللي صناف الهرج زيفها *** يلوي المعاني عـلى كيفـه ويطعجها قريحتي هاضت مشاعر عـواطفها *** هاجت وداعي عريب الساس هيجها الـدعوه الـلي لـي الشغموم زرفـها *** حددهـا أبو فيصل وسجّـل بـرامجهـا في محفل أسره قديم المجد شرّفها *** أخوان نوضا على الطولات منهجها من جـدها حسن تشرّف مـواقـفـها *** مـن نسل هـّزان مجـناها ومنتـجـهـا مشكور من لابـته يجمع طـوارفـها *** الـلي لفوهم مـن الوسطا وخـارجهـا وصـل القـرايب يعـبّر عـن تكاتفها *** وجمع الشمل يفرح المهجه ويبهجها والتفـرقه تفرق العـصبه وتضعفها *** تذهب قـدر هيبـة العـزوة وتسمجها من يلطم الخشم نون العين يطرفها *** تـنثـر من الدمع لو بالكحل يدعجهـا أفـخر بعزوة بـني هـّزان وأنصفها *** شكر الثناء في مجد الأجواد نلهجها عـزوة فخر نفخر بماضي سوالفها *** ما هـي دعايه خبـيـر الـفـن روجهـا هـّزان مـن عـزوه التاريخ يـعـرفها *** ضمن القبايل سجـل المجـد يدمجهـا هـّزان يـوم الجـفا تقري مضـايـفها *** ضيانهـم يـجـذب الهـاشل تـوهـجهـا الـلـي تـقـلّـط لـلهـواشل مـنـاسـفها *** وقـولت هـلا تنطق من أول مهارجها وأنسابهـم مـن قـبل الإسلام ولـفـها *** هشام بـكتـابـه المشهـور مـدرجهـا من ساس عـزوه تزبّن من يحالـفها *** دخيلهم يـغـلب أخصامـه ويفـلجهـا كـم دار قــوم بـنـي وايـل تـصيـفـهـا *** تسيد قـطعـانهـم مـا أحـدٍ يـهجـجها زمـان يـوم العـرب كانت وضايـفهـا *** بالسيف وين الـذي يـقدر يـرمجـها واليوم بضل الـلي الأشرار كتـفـها *** روس الأعادي بحد السيف دحرجها عبـدالعـزيز الـلي العدوان خـوفـها *** ما راعـه طـوابـها وراسي بوارجهـا سوّه على الـلي سّنه الحق حـرّفها *** بالحق الأبلج دعـات الشر يحـرجهـا بطـش بالـلي مـلّة الإسلام خـالفها *** بالحربه اللي بجوف الخصم يزرجها عـبـدالعـزيز الـلي مهاره يـعسفّها *** دار الخصوم بهـجعـة الليـل هـادجهـا زمان صم الرمك تنفض معـارفها *** صقرالجزيرة قحوص الخيل يسرجها يا ما أعـتلا سابقه بالكون يشعفها *** عـلى العـدا حربتـه بالكـف يـرعجهـا وزمان عوص النضا تومي سفايفها *** ياما بغلس الدجى الداجور يـدلجها عوص النضّى ينسف عليها كلايفها *** شيب الغوارب من ملاحا حدايجهـا كانه سمك عجها وهـبت عواصفها *** والخود تـوايقـت من وسط هودجها الليث الأروع شخوص القوم يتلفها *** بحدود شلف خصوم الخصم تبعجها أرض الجزيـرة من الإلحاد نـظـفـها *** وكل القضايا حكيم الـرأي عـالجهـا مـا غـّره المـال والـدنيا وزخـارفـها *** أيضاً ولا غـرتـه زاهـي بهـارجـهـا أفعال صقر العـرب ما أقـدر أوصفها *** لـيث بلاده بـتاج الـمـجـد تـوجـهــا وأنجـب ملوك سليـل المجد خلـفـهـا *** عـلى مسيره زعيم الشعب خرجهـا حكـامـنا بالـفـخـر بـبـض صحايـفها *** طب النفـوس الـلي كثيـراً تشنجهـا * قال عبدالله بن دهيمش بن عبار ملخص قصيدة قلتها في الشفاعة لشخص : 206 يا ولـي الكـون يا مـنجي الغـريـق *** من مصير الحوت في لـج البحـار نـبـتهـل لـك يـا مـفـّرج كـل ضيـق *** يا عظيم الشان يا محصي العمـار ثـم نـنخـى الـلي يفكـوك الـوسيـق *** نطـلـب الرحمن فـي لـيـل ونـهـار ذي سلـوم بـيـنـنـا بعـصر سحيـق *** العـفـو بـيـن الـعـرب مـلـه وكـــار الضمـيـر الحـي بالـنخـوة يـفـيـق *** لـو يكـون القـلـب من صم الحجـار يا رفيع الشان والساس العـريـق *** عـلـمـكـم مشهـور فـي كـل الـديـار مـن قبـيلـة يـوم ينشف كـل ريـق *** فـعـلهـم فـوق الـنـجـايـب والمهـار يوم بيض الشلف يلمع لـه بـريق *** والـسـبـايـا مـا تـونـي بـالـمـغــــار الخـوي يـثـني عـليهـم والـرفيـق *** ولا شنـاهـم كـل ضيـف وكـل جـار وأن تصاعد بالسما مـثـل الدقيـق *** بالـلـقـاء عـاداتهـم خوض الغـبـار فـوق حـيـل كـنهـن تـفـزيـز هيـق *** لا تـرامـوا بـالـتـفـق والمـلـح ثـار يـوم عبـرود الفـرنجي لـه شعيـق *** الحـلـسـه مـا يـعـرفـون الـفــــرار ولابة فليحان الـيـا لحـق اللحـيـق *** دون جـل اذوادهـم مـثـل الـجــدار مع نسل عـزام مـرذيـن السبيـق *** مـن يـلاقي جـمعهـم بـالـكـون نـار وأن تـبـيـّح كـل مـكـنـون عـميـق *** دوم يـوخـذ للـضبـاعـيـن اعـتـبـار بني مكلب مجـدهم مبـطي وثـيـق *** واللحـاوي شيخهم مصـقـر حـرار وابن جـريـد حامي الـذود الغبيق *** يـوم بـالـسربـة كـسيـرة وانـتـصار وابن دعيجا للفخـر دايـم شفيـق *** لـه بـعـلـم الجـود شهـره واشتهـار وبن دويرج عـن لـزومه مايميق *** فـاز بالـطـولات مـن عقـب اختبـار ونـعـم بـالخـيـال لـلعـلـيـا عشيـق *** دوم يــذخـر لـلـمـعـاضـيـل الـكـبـار صاغ ابن عـبـار مرجـان وعقيق *** عـقـد مـن نـظـم القوافي باختصار قال عبدالله بن عبار بالحفل المقام من قبل الشيخ محمد بن حماد الخمعلي : 207 سـلام يـا جـمع تجـمع عـلى النـقـا *** برفحا ونور العـز تضوي مشاعلـه عـلى النـقـا تجـّمع الجـمع والـتـقـا *** فـي بيت قـرم مـن كبـار الخماعلـه أبن حماد اللي عن الضيف ما اتقـا *** محمد الـلي الجـود والطيب فاعلـه الوايـلي صعد عـلى المجد وأرتـقـا *** رام الفخر حتى خضع له وطاع له يفداه من يجمع حلاله عـلى الشقـا *** وأن شاف ضيفه صد كنه مزاعلـه الحـمـد يـبـقـا لـكـن المـال مـا بـقـا *** ومن جاد ماهمه لو المال ضاع له قال عبدالله بن عبار العنزي تهنئة للفريق عبيد بن غثيث بن موينع : 208 سطرت منظومي على صفحة البوك *** بابيات من بدعي ضميري سبكها تهدى على اللي عزته ما بها شكوك *** شيـخ منـاهيج المـراجـل سلـكهـا جيناك يابـو زياد ضمـن الـذي جـوك *** يا مـن مهمات المفـاخـر مسكهـا جينا نبـارك لـك نقـول الـف مبـروك *** نعـتـز بـالـلي الطـايـله مـا تـركها بالطيب مبطي لـك سجلات وصكـوك *** جـدك رفيعـات المبـانـي سمـكهـا يا بن غثيث افخر بعلمك إلى أطروك *** وأنت الليالي فـزت في معتـركهـا بـيـّن اخـلاصك للمعـازيـب واغـلـوك *** وزانـت لـك الـدنيا بـدورة فلكهـا كسبت حب الـلي تسلسل مـن مـلـوك *** العاهل الـلي قـلوب شعبه ملكهـا قال عبدالله بن دهيمش بن عبار يهني للشيخ الراوي بن بستان التمران بمناسبة حصوله على الختم : 209 الـلـه يزيـّن فالكـم يا ابـن بستـان *** عساك ترفـل بالهنا يابو ممدوح الختم لك مبروك يا نسل تـمـران *** حيثـك نبيـل وبالمعالي له شبوح عزيز قوم لك كـرامه ولـك شـان *** رب المـلأ ياقـاك من كل ساموح مجناك من لابة نوادر وشجعـان *** اللابـه الـلي باللقـا تبـذل الـروح أولاد حسن وأن تـلاقـوا بميـدان *** لهـم فعايـل يـوم ناطح ومنطوح سلقا مدابيس العجاجـه بالأكـوان *** نطيحهم بسيوفهم طاح مذبـوح جدك بعـلم المرجله والفخـر بـان *** بيتـه بنـاه بعالي الحيد مشتـوح يفرح اليا جاء تالي الليـل ركبـان *** نـاره سناهابالدياجي لها ضوح وأبـوك مـقـدام النـشاما كحـيـلان *** في ربعته ريح المهيّل لها فوح وأنت اقتفيت آثارذربين الأيـمـان *** ديـوان بيتـك للمسايـير مفتـوح تشوم لعلوم الفضيله والأحسـان *** ألا ولا شاورت خايـب ومكبـوح تروم منهاج الفخر والسعـد زان *** عساك دوم بعز والبال مشروح نسل الحمايـل بالملمـات مـزبـان *** مثـل الذرا الياهب بالقيظ لافوح لك المدايح والثنا جهـر واعـلان *** بك افتخر واعتز بالسر والبوح يا مقـدم الربـاع حـضـرٍ وبـدوان *** لعل لو قصرت بالمدح مسموح قال عبدالله بن دهيمش بن عبار العنزي يسند على عايد بن سليمان الرشيد بمناسبة الزياره لمنطقة الجوف والقريات وطريف وعرعر : 210 شاقـني بـرد الشمـال اليـا نـطحـتـه *** البـلاد الـلي لـهـواهـا القـلـب رايـد شاقني شوف السراب اليا سبحتـه *** فوق اللي يطوي المسافات البعايـد موتري للجوف صوب رويل محته *** منتوي صوب الجلاس عيـال زايـد وبعد ذلك سار صوب الغرب شحته *** لأهـل الـقـريـات وافـيـن الـوعـايـد ثـم يـم طـريـف نحـو الشرق لحتـه *** صـوب لابـه مـن قـديـم لـي سنايـد ثـم سـار الجيب ولعـرعـر صفحتـه *** ديـرة الأجـواد صـافـيـن الـعـقـايــد من نوى يجرح مشاعرهم جرحتـه *** عـن حسبهم عـن نسبهم دوم ذايد مجـدهـم في ناضر الواقـع شبحـتـه *** في فخرهم في كرمهم قـلـت شايد زان منظـوم القصيد وطـاب نحـتـه *** والـقـريـحـه تـمـلي بـيـوت جـدايـد جم شعري من صدى فكري نزحته *** والثـنـاء يـزهـى الشغاميم الولايـد هاض نبع القـاف والمكنون بحتـه *** ماحصى مشاعري صحف وجرايد كل ما اكتب بيت ما جاز ومسحته *** مجـد وايـل مـا يـوصـف بالقصايـد كيف أوصـف شي بعيـوني لمحتـه *** عـن كـرمكـم يـا عـريـبـين البدايـد كـل منـكـم بالفـخـر عـرفـه ربحتـه *** مسندي عضـدي بحـزات الشدايـد يـا بـني عـمي ستـار الشـك زحتـه *** مـا نـشـك بطيبكـم عـنـدي شهايـد قـلـت يالـلي بالكـرم بـابـك فـتحتـه *** وأنـت عنوان الصخى بالمال جايـد كـم حاشي لا لفـا الهـاشل ذبـحـتـه *** عـادتـك للضيـف تـقـلـيـط المـوايـد وكم كبش بالصحن قـلـط فـطحـتـه *** والصيانـي فـوقـهـا مـثـل النضـايـد يالكريـم الـلي كسر بيـتـك شتحتـه *** الـمــراجـل كـايـده والـطـيـب كـايــد الـمـراجـل دربـهـا مهـمـا بـرحتـه *** دونـهـا تـزمـي سمـاهـيـد الوهـايـد الصخي بـذلـه يـزود اليـا نصحتـه *** الكـرم والـجـود لـه سلـم وعـوايـد الصخي دايـم يشوش اليـا مدحتـه *** وأن نخيته عـن لزومـه مـا يحايـد والردي مـا نمدحـه لـو زاد سحتـه *** ما كسب طولـه ولا حصـل فـوايـد الـزلابـه مـا يـهـمـه لـو كـسـحـتـه *** ضـاع مجـده ما بقي عـنـده شرايـد مـن يـذل النفس داس العـز تحـتـه *** ومـن تـلاشت قيمته مـا صار قـايـد مـا تبلـويـت الـرفيـق ولا فضحتـه *** ولا وضع من قيمتي منطوق مـايـد تـم نظـم القـاف والمعـنى شرحتـه *** والقـوافـي مـسـنـده لـلـقـرم عـايـد قال عبدالله بن دهيمش بن عبار يثني على الرجل الفاضل عايد بن سليمان الرشيد المشدّق من وجهاء عنزة القريات : 211 الكـفـو والنـعـم يا صـعبـه *** والمـرجـلـه دربـهـا كـايـد الطـيّـب الـقـاف يـبـدع بـه *** والمـدح يستاهـلـه عـايـد الـلـي حـلالـه ايــفـدّع بــه *** وعن المواجيب ما يحايـد الـطـيـب قـلـبـه تـولـع بــه *** قـدوه ولأهـل الكـرم رايـد الحـيـد أبن رشيد يطلع به *** والـلي يـنـال الـفخـر فايـد ما يخـدعونـه هـل اللعـبـه *** ولا عـاشر الهيس والمايد من جامل الناس تطمع بـه *** وخسران اللي للردي جايد قاع الصبخ كيف تزرع بـه *** ملسا مـثـل رغـوة الـتـايـد عـش بالـزمان وتمتـع بـه *** ولابـد عـمـر الـفـتى بـايــد أمدحك بالقاف واسجع بـه *** ولا أريـد نـاقص ولا زايـد أقسمت باللي حمى الكعـبه *** إنـي أعـزك وبــك شـايـــد صيتك مع الناس نسمعـبه *** طـيـر السعد للشبب صايـد لك مجلس دوم تجـمع بـه *** الـلـي قـرابـه والـلـي نـايـد يفداك اللي النـزل يرثعـبه *** لـو كـان جــدّه قـبـل قـايــد مـا هـمّـه ألا مـلي جـعـبـه *** ودّه يسـود ولا هـو سـايـد يسودنـا الـلي رفـع شعـبه *** الـلي عن حـد الوطن ذايـد قال عبدالله بن دهيمش بن عبار هذه القصيدة شكر وثناء للرجل الفاضل منصور بن إبراهيم بن عليان على دعوته وكرمه : 212 لبيـت دعـوة صاحب الجـود منصور *** الـقـرم لـه مـني تـشـكّـر وعـرفـان الهج واقول لفاعـل الطيـب مشكـور *** وأشكر جنابه دوم من قلب والسان ما يـوفـي حـقـوقـه تماجيـد بسطـور *** مهما نظـمت من المشاعـر بقيفان لاشك أعبّـر عن أحاسيس واشعـور *** بالـلي أحتفابي طيّب الذكـر لا هـان ترفع له البيضاء عـلى نايـف القـور *** ويستاهل التمجيد في كـل الأحيـان يرقـى سنـود ولا نـوى ينـزل حـدور *** من شبّتـه يصعـد شواميخ ضلعـان لـو المـراجـل حـال من دونهـا سـور *** مـا يعـتـليـهـا كـل خـامـل وكسـلان مـا هـو رفـيـق لكـل خايـب ومثبـور *** شبحه بعيد يعد من روس الأعـيان حـيثـه كـريـم من الـرجاجيل منعـور *** الصيرمي من ساس عـزوة عـليان العـزوه الـلي مابهـم نقص واقصور *** من شمّـر الغـلبـا حمايل لهـم شـان صفوة حمايل مابهم شخص مغمور *** الكـل منهـم فـي عـلـوم الفخـر بـان جـده مـبـارك حـر من ماكـر صقـور *** مـن دار عـقـده رام ديـرة حـويلان ساسه عريق من الرجاجيل مشهور *** فـعـايـلـه تـذكـر عـلى مـر الأزمـان وأبـوه فـي فـعـل الجمـالات لـه دور *** فيه الكـرم فـيه الشهامة والإحسان والنّـعـم بإبـراهـيـم بالخـيـر مـذكـور *** يـامـا فـصـل مـابـيـن دايـن وديّـان يامـا نصـاه مـن المغـاريـم مضـرور *** هو فرحت المحرج اليا جاه حيران من جـاه حاديـه الزمن عـاد مسرور *** يعـود مـن عـنـده مكيّف وفـرحـان رام الفخـر والمرجلـه صايب الشور *** مـا يـقـتـدي بـفـلان وفـلان وفـلان يـبي الـثـواب بـكـل الأعمال ماجـور *** ما دار سمعـه يدفعـه ديـن وأيـمـان أقـول وشهوده عـلى قـولي حضـور *** ماضي فعـوله لـه دلايـل وبــرهـان قال عبدالله بن دهيمش بن عبار هذه القصيدة يثني على الرجل الفاضل منصور بن إبراهيم العليان وأخوانه الكرام : 213 جـف القريض وبـان عنـدي نشافـه *** والمدح فـي منصـور كيـف ابتديبـه الشعـر يقـصر عـن وصايـفك قـافه *** ومن يجحد المعـروف يهفي نصيبه ومن يصنع المعروف يلـزم انصافه *** تـرفـع لـه الـرايـه بـراس الجـذيبـه مهمـا مدحـت المـدح مـاهـو حسافه *** رد الـثـنـاء مـابـه عـلـيـه مـعـيـبــه مـن حـقي أنشـر سيرتك بالصحافـه *** وطاريـك فـي كـل المجالس نجـيبـه جـودك عـلـي الـكـل بالعـيـن شـافـه *** وفـعـل الكرامه منـك ماهي غريـبـه وأنـت الـذي مـولاه كـمّـل اوصـافـه *** عـنـد الحـمايـل لـك حشيمه وهـيبـه تـبـذل ومـيـلات الـزمـن مـا تخـافـه *** والطيـب كـايـد والـمـراجـل صعـيبه تـنفـق ولا عـنـدك لـنـفسـك مـرافـه *** شـهـم وكـريـم وبـك مـزايـا عجيبـه طـويـت فـي درب الـمـكـارم مسافـه *** شـبحـك بـعـيـد ولا اهـدافـك قـريبـه يـامـن طـمـان الهـون نفسك تعـافـه *** والمجـد وعـلـوم الفـخـر تعـتـنيـبـه مهـنـتـك تـعـمـل كـل لـيـلـه ضيـافـه *** حـيثـك مـن انجـال الكـريـم وربيبـه أبـوك يـا منـصـور تـمـشـي خـلافـه *** يتعب على الجزله عسى الـله يثيبه طـبـعـه كـريـم ولا يـهـاب الـكـلافــه *** وجـمـايـل إبـراهــيـم كـلـن دريـبــه من جـاه يشكي مـن زمـانـه حـفافـه *** عـطـف عـليـه وخلّصه مـن طليبـه رحـل وجـاب الـلي المراجل اهدافـه *** أنـجـالـه الـلي طيبهـم ساس طـيبـه الـغـرس يـجـنى مـن بـذاره قـطـافـه *** وأنتـم من أحـفـاد الرجال العـريبـه الـكـل مـنـهـم يـتـصّـف بـالـلـطـافــه *** وأدنـاهـم الـلـي بالـلّـزم تـعـتـزيـبـه مـن شبّ مـا رافـق من الناس تافـه *** الـلاّش والهـلـبـاج مـاهـو صحـيبـه يـحـمـيـهـم الـرحـمـن مـن كـل آفــه *** ويـكـفـيهـم الخـلاّق شـر المصيـبـه وقال عبدالله بن دهيمش بن عبار يثني على الرجل الفاضل منصور بن إبراهيم العليان : 214 صـاحـب المـعـروف نـجـزاه بشـكـر *** مـن مـثـل منصـور ملـزوم اتشكّـر نـعـم فـي منـصـور محـمـود الـذكّـر *** صيرمي مـثـل القطـامـي يـوم وكّـر يـلـفـظ الـمـنـطـق مـثــل در الـبـكــر *** خلفـة الـلي مـا وجـد بـابـه مسكّـر مـا سـلـك درب الـضـلال ولا سـكـر *** يـدرك الـجـزلـه وللـطيـّب أيـتـذكّـر مشتهـر بالـجـود مـع عـقـل وفـكـر *** صـافـي الـنـيّـه وبـالـواقـع تـفـكّــر يـفـداه الـلـي صـاد بـالـمـاء الـعـكـر *** يخـفي الـزيـنـه وللصـاحـب تـنـكّـر يتبع |
|
|
|
|
«
الموضوع السابق
|
الموضوع التالي
»
|
|
|
|
||||||||||||||||||||
|
||||||||||||||||||||||
|
|
|
|
||||||||||||||||||||
العرض العادي
|
|
الساعة الآن 09:32 AM.
 |
|
 |
