كل الخلايق ذاقوا الهم معصور
هذه حقيقه ما عليها غطايش
والصبر نعمه في دجى ليل ينور
ومن لا صبر صارت حياته دوايش
لاكن شيطانك يبي يهد ذا السور
يهب في دارك سمومً حرايش
اللي يصدقه يبي يعيش محصور
محصور في حزنه ولا هو بعايش
شيطانك يجلبك ويبيك اتبور
وتصير عقب العز عايش خرايش
يجيك بالحيلات ويلف ويدور
يقول ماغير انت عايش بلايش
يخلي البذره كما شامخ الطور
درب الليانه من حيله عفايش
يا صاحبي اسمع وخذ مني الشور
تحصن بخالقك مسقي العطايش

ماشاء الله عليك يا فتى ربيعه بدأت تبدع الشّعر موفق .

الله يسلمك يابن عبار الله يوفق الجميع