بسم الله الرحمن الرحيم
من الرجال الأوفياء الذين كتب الله لي شرف الجلوس معهم و النهل من معينهم الصافي ..

الأديب و الشاعر و الراوي / كريّم بن زيد الضميني العنزي أبو بندر..

فقد زرته معايدا في عيد الفطر المبارك 1440هــ ..

و كعادة أهل الكرم و الوفاء يأبى إلا أن تكون ضيفا حتى و إن أتيت زائرا ..

و أبو بندر أحد وجهاء و أعيان و شعراء و رواة القبيلة ..

كتبت الله لي ملازمته في حياة والدي غفر الله له و بعد وفاته رحمة الله عليه ..

سررنا في مجلسه العامر في محافظة العلا بلدة مغيراء ..

و اسمتعنا إلى الكثير من شعره و أدبه و مروياته ..

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ
مع السحـــاب اللـــــي نشــأ للرعـــــود رزام
،،،،،،،،،،،،،،، تلــوح البــروق و كــل طــاروق لـه يمّــــــه


اخايــل وانــا فكــري يقــول الوعــد قـــــدام
،،،،،،،،،،،،،،، وأقـــول الوعــــد قــدام والهمّـــه الهمّـــــــه


علـى بوصلــة شاعــر تجـي برمجـة أرقــام
،،،،،،،،،،،،،،، تحــدد مســار أهدافهـــا و الشعـــر ذِمّــــــه


مع الوصف و التحديد سار الضمير هيــــام
،،،،،،،،،،،،،،، بعد جيــت بيـــتٍ فيــه الأجـــواد ملتمّــــــه


زرنـــا كريّــــم زيــــد و معايـــده الـــــزام
،،،،،،،،،،،،،،، لانــه بنـــى قـــدره علـــى عالــي القمّـــــه


تحيزم و هو محزم على المرجلة عــــــزام
،،،،،،،،،،،،،،، و قبل السوالف و الطلــــي سايـــلٍ دمّـــــه


علينـــا الدلال يسوقهــا طيّبيـــن الخـــــــام
،،،،،،،،،،،،،،، و العود الأزرق ريحـــة المجلـــس تعمّـــــه


تمثّل بأشعـــــاره و حــــظ المسيّـــر قـــام
،،،،،،،،،،،،،،، يــارد بمــن يسمــع علــى صافــي الجمّـــه


سمعنا علــومٍ وارده بعــد نـــوح وســــــام
،،،،،،،،،،،،،،، ومن عادته ما ينقــــــل الهـــرج و النمّـــه


يسوق المثايــل مثـل سـوق الدلال شمـــام
،،،،،،،،،،،،،،،، و لا كانــه الا جابهــا مــن طــرف كمّــــه


علـى الطيب تبقى بيوت نسل الكرام كـــرام
،،،،،،،،،،،،،،، ويشــوش بفعــل معزبــه راس ابن عمّـــه


أســـــأل إلـــه الكــــون مقســـم الأقســــام
،،،،،،،،،،،،،،، يعطي لابـو بنـدر مـن الخيـــر و يتمّـــــــه




تقديري للجميـــــــــــع ،،،
عبدالله بن موسى الخرشاوي
أبو فهد
10/10/1440هــــــــ

احسنت يا أبو فهد اثنيت على من يستاهل الثناء والطيّب مثلك يفتخر بالطيّب صح لسانك وبيض الله وجهك وكل عام وأنت بخير