صوت ////وصدى

بيني وبين الشاعر والاعلامي ومقدم برنامج فنون واشعار في اذاعة دولة الكويت
نايــف بندر العتيبي
اقـــــــــول :
يانايــف البنــدر لك الـود مرســول = ياتـيـك مـنـي يالســـنـافـــي هـــديٌّـه
سـلام عـبــر الفيس ياتيــك منـقــول = مـن قـلب ينبـض بالــوفـا والحمـيّـه
ياخوك طمني عسى ماانت مشغـول = بامـور دنــيـا يالعـتــيـبــي شــقـيٌـــه
واللي يصير وصار ماهوب مجهـول = باوطــانــنــا وديــارنــا اليعــربيّـه
شــيً تعــدا كُــل حــدً ومعــقـول = شــرق وشــمال وبالجنـوب الاســيٌه
دم العـرب ياصاحبي يجـري اسيول = ســيلً جـرى في كل صوب ونحيٌــه
والحــق صـندوقــه امحكٌــم ومقـفول = وماتـوا احمـاتــه والهــقــاوي رديٌـه
ومسلسل الاحداث يمشي عـلى طول = حســب الـزمـن واحـروفــه الابجديٌه
ومــن لايحس بواقــع الحـال مهبـول = خـبــلً غــــدا فــي ليـلـــةً ســرمـديٌـه
هـوج العواصف نزلت راس ابالهول = ومن لا اعـتبر منهـا امـوره اشـويٌـه
عبرت عــن ما جال والقلـب مـذهـول = مـن مـا نـشـوفــه صبح ولاٌ مســيّه
وتمت وصل الله على خير مرســول = الهـــادي المخـتــار وايـضـــا نـبـيـّـه
محمد بن سوعان الربيٌع
فرد الشاعر نايف بندر العتيبي بهذه الابيات

(يامرحبا ترحيب وافي ومدبول)

يامحمد الســوعان بالـود مشمول = وهـديّة الصــاحب لهـــا القابليـٌه
عبر البريد اللي عن الزيف معزول = جـانـي خطـاب بيـوتك الشـاعريٌـه
يـامرحبـا ترحيـب وافـي ومـدبـول = من طيب نفس وطيـب خاطـر ونيٌه
يا مرحبــابك عــد مــاطاح هملول = وما ينبـت النــوّار بارضً عــذيّـــه
من منطلق ماني عن الوضع مسؤول = نصيحة الشـــعلان تطــري عـليـٌه
قد قالها الشاعر ليا شفت لك ضول = بالك تعـســـــه دام نفـسـك غـنيـٌه
اشوف انا ما صار اكثر من الحول = ويفـــور دمـي ميـر وش في يديٌـه
الوضـع لغــزه صعـب ومحيّـر عقـول = وبعض الكراسـي حربهـا عالميٌه
واللي دهـانا يجعـل العقـل مذهول = هــبت عـليهـم عاصـفـة مــوسـميّـه
لاشـافوا العنقـا ولاشافـوا الغــول = ولحـدن مـن الخـلان نفـسـه وفـيٌـــه
وحنّــا نـردد جـاب ( رونالدو) قول = ونعيش رهـن احـلامنــا العـاطـفيّـه
يالله عسى الغُمه عن الامه اتـزول = ويــزول حــكــم الظلـــم والعنجهيّـه

نايف بندر العتيبي

لابد أن كل مسلم غيور على دينه وعروبته يحس بما يجري والألم يعتصر قلبه حيث تكالبت قوى الشر والظلال والكفر على أمة الإسلام وذبحوا الأطفال واغتصبوا النساء وكما جاء بالمثل ( العين بصيرة واليد قصيرة ) ولا حول ولا قوة ألا بالله فقد انتقموا الفرس من العرب بعد أن هدم كيان دولتهم الإسلام والشكوى إلى الله

صحة السن الشاعرين فهو أحساس بما يجري ومشاعر نسأل الله أن ينصر المسلمين ويخذل الأعداء وأن يكفينا شر الأشرار ويدحر الفجّار

اللهم امين ياااارب
تحياتي لك شاعرنا واديبنا المخضرم
ابو مشعل لاهنت ربي يحفظك ويعزك ويديم عليك نعمة الصحه والسرور