يالله بغيث منتصف شهر إيلول
يعم كل المملكه في امطاره

الغيم ينشي فيه الامطار محمول
من البحر للبر ياخذ مساره

يعم كل المملكه عرضها وطول
الغيم ضافي والمطر به غزاره

كله وقع مايذكر السيل منقول
الماء يحير بكل روض وفقاره

غرن تتالى مزنها ماهو هملول
منها الجراذي تهرب براس قاره

المملكه السحب تجولها جول
الباديه والي سكن بالحضاره

كل الوطن يكون بالخير مشمول
والي بطمان الارض يلزم فراره

والمرتفع هو المفضل ومنزول
والارض تلبس قبعها في بذاره

راع الغنم من همها دوم مشغول
بالليل يركض ما اكتفى في نهاره

طول السنه يعلف على مدة الحول
مامن فوايد من وراها تجاره

واحيان ما يحصل بالاسواق مقلول
ولاحد درى عن الضرر بالخساره

يالله طلبتك ماتمنيت مقبول
الكون كله في ايدينك قراره

يمرسل يم العرب خير مرسول
محمد المبعوث تم أختياره

يالله اغثنا بالمطر ينزل نزول
وغير براد الجو عقب الحراره

وصلاة ربي عد مايلفظ القول
على النبي اعداد حصا الحجاره

الشاعر /نهير بن رخيص.

الأخ نهيّر نسأل الله أن يقبل دعوتك ونحن جميعاً نرفع الأكف ونلهج بالدعاء وقد صورت الواقع الذي نعيشه من القحط والجفاف وغلاء الأعلاف الله يغيث العباد والبلاد وصح لسانك

اللهم آمين.
صح بدنك ابو مشعل تشرفت في مرورك .