يالمشتكي لاتشتكي لي مواجعك
وقتٍ يحير قويين السدودي

لاتشتكي للي بذنبك يتابعك
اللي على النمّه سريعٍ حسودي

أطلب كريم لالطف بك يسنعك
اللي على خلقه رحيمٍ ودودي

يالآدمي الله خلق لك طبايعك
والصبر زين وبالصفات محمودي

ان زان حظك للشواهيق طلعك
وان بار بك كثر عليك القيودي

وعن الكلام الشين سكر مسامعك
بعض الكلام اليوم يثر لهودي

وترى العقول انواع والعرف يقنعك
وحذرى من اللي للجمايل جحودي

صديقك اللي بالمهمات ينفعك
ووقت الرخى يلقى كثير الحشودي

كانه جهلك القول فكر باصابعك
باحجامهن تشوف نقصن وزودي

واطلب عسى الله في حياتك يسنعك
والعافيه ماتنشرى بالنقودي

الشاعر / حوري الحركان
.................................................. ...............
بعض الملا من دون ذنب يتوشعك
الخبث في دمه سوات اليهودي

كنه مكلف في حياته يتابعك
تقول هذا في جهاز محدودي

واحيان يقرط بالكلام لمسامعك
وانت تعرفه كالنعامه شرودي

لو يلحس اذنه ماتوصل مرامعك
ولاحد سلم حتى الذي بالحودي

بعض الملا لاهو بكيفه إيضيعك
ناقم على المخلوق طبعه حقودي

إن جيت في وجه من المدح يرفعك
وان غبت حمله في غيابك يقودي

الود وده قلعت مقيط يقلعك
يقطع رشاك ولاتثني تعودي

احذر من الحاقد اطلع مجالعك
خله تحت وارقى عنه بالسنودي

صندوق قلبك اغلقه في موانعك
هرج مع النمام مافيه فودي

مايندمج في مذهبه لو تولعك
طبعه نزول وأنت طبعك صعودي

نهير بن رخيص.