سـيف يمنـاي واحـزام

اهـداء الى الاخ والصديق
محمد بن مبارك الظلاّم الشراري ........... ابـو سلطان

هــات الورق يافهيد وأسـرع بالأقـلام. = واكتـب من الأشــعار قـافً ايغــنـا
هاض القـريح وجفـن الاعيـان ما نام = وطــوقـني الهــوجـاس مــنـا ومــنا
سجّـل وانـا امليك مــن فيض الالهام = فـرايـدً. مــن بـوح فكــري لـفـنــا
واحمــل جـديد ابياتها لابـن ظــلام = للصاحب اللـي فيه مـا خــاب ظنـا
لـ محمــد اللي فــ المــلازيم مقـدام = اللي بفعـل الطـيب كـفــه تـحنــا
خصه. بقـافي مـع تحيـات الاسلام = وعـطـه الكتـاب ورد الاخبـــار عنــا
واشـرح لبوسلطان وضـعً معي دام = وقـلــه سميـّك يالخــوي مـا تهـنٰـا
عطه الخبر تلميـح مـن روس الاقـلام = واللـي مثــل شـٰـرواه. يفهم لحنـا
قله تـراي اصبحت يـا نسـل الاكـرام = بين السـلام وبيــن حـربً اتشــنا
ما بيـن حيــره والحقـايـق والاوهــام = اصبحـت انــا واليــاس يمــي تـعــنـا
شربت انا من واقـعي كاس الاسمام = القـلب مـن شـين البخت مارجهــنا
ومن فوق راسي طير حظ الندم حـام = زاد. بنعـيقـه واشـتهاش. وتجــنـا
هجسً يجـي خـلفي ومــٰرات قدام = هــذا يـشـد وذاك بـيـتــه يـبـنــا
هذا. يبيع وذاك يـا مسندي ســـام = عـيـٰا يـفــارقـنـي. وعـيــا يـكــنٰــا
مـادري رداة الحـظ. مثبــور مـا قـــام = ولاّ صـــواديـف الليـالـي وطــنّـا
بنخــاك انا يـا سيـف يـمنـاي واحــزام = وجــل الامـــور بـفـزعـتــك يصـغـرنــا
انخـاك والموضوع يـا مســندي هٰـام = والصبـر حــده . فـاضبــي ثــم تــدنــا
لـي غـايـةً تسـكن افـوادي ولــه رام = وانـا عـلى لامـاه. نفسي. تــمنــا
مـا سـرت انـا درب المخـازي والاثـام = والعيـب منـه .اسـلومـنــا يـسـتحـنـا
مـع الولـه يـا مسندي وصل للارحام = ومـن شٰوفهــا غبـٰر الظــروف. احرمـنا
هذا هـوى. بالي وشــفي والاحـلام = ولا غيـرها. يابــن النشٰـامٰا. محـنــا
لاشاكي. من حـب مردوع الاوشـام = ولاني مـن اللي بالغــرام اســتجـنـا
ايـضا و لاني من غــثٰـا الـدين منضٰـام = ولا .. امـن عـفــون الـرجـال اســتدنـا
عِشـنـا بخـيــرً تختـلف فـيـه الانـعـام = وامـن وامٰان ومفخره. في وطنٰا
ميـر الفكــر يفـتــر بِـه مـثـل الأفــلام = مشـغـول واشـــبوح المــراد ابعــدنـا
وانـا احمــد اللي بالخـفيــات عـلاّم = اللـي لـــه وجـيـه العبــاد اســـجـدنــا
وصــلاة ربـي عـــد مـا طــاف بحـرام = عـلـى نبيً. زحـزحـزح الشــرك عـنّـا

محمد بن سـوعان الربيّع

صح لسانك يا أخ محمد واشهد بالله أن رجال الشرارات أدناهم احلاهم والف نعم بهم بالكرم والطيب ولهم مواقف مشرفه مع كل من يعرفهم وهم يتغارون على الطيّب ويستاهل أبو سلطان

الاستاذ والاديب والشاعر الكبير عبد الله بن عبار
اشكرك على الاطراء والاشاده وما مديحك الا وسام اعتز به وافتخر
شكراً لك استاذي الفاضل والتعم والله بالشرارات ورجالاتهم الطيبين
لاهنت يابو مشعل ,,,,