أشـرب على فرقـاه ســبعـة فناجـيـل
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,
ابيات ارسلها لي الصديق رعود المزن
بعد ما قرأ الابيات اللي سبق وان نشرتها هنا ,,,,,,
يابـو فهـد حســيت متضايقــن حيـل = ومـن ضايقك يـا عـل رجـلـه تــزلي
اللـي يبيعــك قــــول دربـك تسـاهيل = ولا تـتـبع المــقـفي وخـلــه يـــولي
اشـرب على فرقـاه ســبعـة فناجـيـل = وخـلـه يــدوّر لــه رفـــيـجً يســلي
واترك يابن سـوعان بعض المخابيل = اللــي. ليا جــتــه النميـــمه. يهـــلّي
عـليـك باللي طلتـه تشبه اســـهـــيل = ومـع ضـوح نوره يانديـمي يســـلي
وبعض العذارا عرفها يجلب الويــل = ومـن قبل تبخنهـا فلا تقــول خــلّي
لا لا يغـــرك هـرجـهـا والاقـــاويـٰل = انشــد احاســيسك وعـقــلك يــدلــي
رعـود المـزن
--------------------------------------------------------------------
وهذا ردي على ابيات الصديق :رعـود المزن حسب مـا جائتني
اتمنى ان تحوز على عجاب الجميع .
---------------------------
يامرحـبا يـا رعـود مـزن الهماليل = اعــداد مـا كّـبـر وصـلّى المـــصـلي
ولاّ عــدد مايسطـع النجـم باللـيـل = ونجـــم الثـريـا والقـمر يــوم طـــلي
كـفيت ثـم وفـيت يـا نـادر القـيـل = يـاللي حــروفـك كالمـطـر تسٰــــتهـلي
نصيحتك تسوى البعارين والخيل = مثـل الذهب يارعـود في كـل محــلي
نصيحتك تشـفي. اكبـودً مغـاليــل = ومــن تـاه فــيـهـا يالخـوي يســـتدلي
تنصح ونصحك مقـدريـه وتبجـيـل = وقـدرك كـبيـر لخـافــقي يـسـتحــلي
امـا الخبـول الخـامـليـن المهـابيــل = اخــليـت منهـــم يـارفـيقـي ســـجلي
طـلـبت انـا ربً عـلـيــه التــواكـيـل = رب الخــلايــق مـالغـيـره نـجـلّـي
انـه يـجـمــلني بـفـعـل التـنـافـيـل = وأحـظى عسـاي بخـاطــرً مســفـهـلي
اما العــذارا يـا سـليـل المشـاكـيل = فــيـهــن لـنــا سٰـــجـه وفــلّـه وظـلّي
البيض مـا عنــهن غـنــاةً وتبـديـل = والنـفـس مـا منهــن تطـيب وتـمـلي
معنى الحياة وعـطرها والتفاصيل = وش عــاد لــو راعِ الــردا يسـتغـلي
لاشــك ذا رايي ولا عـنــه تحــويـل = ولانـي لحــالي بالهـدف مســتقـلي
واقبـل سلامي في ختـام المراسيل = يـامــن وقـــاره بالضـمـايــر يـحـلـي
محمد بن سوعـان الربيّع

صح لسان الشاعرين كلام من ذهب ومن يقرأ هذين المقطوعتين يشعر كأنه يلعق عسّل مصفّى أقولها دون مجاملة وكما قال أبن سبيّل ( أزكى الشّعر ماقاله أزكى الرجاجيل )

اقتباس : المشاركة الأصلية كتبت بواسطة عبدالله بن عبار [ مشاهدة المشاركة ]

صح لسان الشاعرين كلام من ذهب ومن يقرأ هذين المقطوعتين يشعر كأنه يلعق عسّل مصفّى أقولها دون مجاملة وكما قال أبن سبيّل ( أزكى الشّعر ماقاله أزكى الرجاجيل )

ما عليك زود استاذي الفاضل انت الاصل وانت الذهب
ومنكم نستفيد
لاهنت ربي يحفظك ويعطيك الصحه والعافيه وطول العمر
ولايحرمنا من مشورتك ورايك السديد .