الشاعر القديم / منصور الرويلي.... يهدي هذه القصيده للاديب والشاعر / عبدالله بن عبار العنزي... وأتصور عند دعوته لزواج اولاده ......تحيه للعم ابو مشعل.

يقول :-

جاني أتصالك بالوفا (يابن عبار) = ومثلك تلبى دعوته يالسنافي
وأنا ألبي دعوتك طيب وأصرار = وافي وأنا مع طيب الصيت وافي
الله يديمك .. للصناديد الاخيار = ياشامخٍ في كل قمه يشافي
رمز عنزة في ساحة الشعر بيطار = لاصار من بين الرجال أختلافي
واليا دعتنا حاجة الماقف الحار = أنت السند واللي مضى منك كافي
سجلت تاريخ عنزة سر وأجهار = ووقفت بوجيه السنين العجافي
من دون ربعك يوم عج الرمك ثار = أرخصت روحك واكثر الناس غافي
معناك مثل السيف والسيف بتار = لاقيل ياهل الخيل مامن عوافي
جمعت قو الباس وحماية الجار = مع الحمياء والوفا والعفافي
صيتك ينومس بالفخر كل الاحرار = للمنصفين ليا أنكر الحق هافي
الله يجيرك من صواديف الاقدار = وينصرك ربٍ عالمٍ بالخوافي
فرحتك هي فرحة طويلين الاشبار = ومدحك يجمل بالمواقيف قافي
عسى الفرح مبروك ياطيّب الكار = وعساك دايم للنشاما ملافي
الله يزيدك خير وأيمان واكبار = ويسعدك ياللي بالمواجيب وافي
الله يسعد لك بعيدين الانظار = ويجعلهم صرحٍ من العز ضافي
أعيال حر وقدرهم مابه أنكار = من بيت عزٍ ماعليه أختلافي

شكراً للأخ حميد الرحبي على نشر قصيدة زميلنا الشاعر المبدع منصور الرويلي الذي القاها في حفل زواج الأبناء هايل ونايل وأني مدان له ولجميع الزملاء الشعراء الذين أكرموني بالثناء والأشادة وهذا كرم منهم ومع كثر ما يردني من قصائد الزملاء على قافية حرف الراء فأني ما استطيع مجارات من ترد قافيته على قاف عبّار لكثر القصائد فأعتذر للجميع والشكر للجميع

شكراً للأخ حميد الرحبي على نشر قصيدة زميلنا الشاعر المبدع منصور الرويلي الذي القاها في حفل زواج أبناء أديب عنزة إبن عبار هايل ونايل