نسمع سوالف تنحكي مالها ساس ** هرجن يقال ويثبت الصدق ضده

ناس تحد لبعضها رؤس الامواس ** باالكذب بنيان الموده تــــهـــده

كلن يقيس الناس منهم بمقياس ** على المصالح بغضهم والموده

اجسام ناس بلا ضمايرولااحساس ** وعن كل الخير من الفعايل مصده

بنوا تعاملهم على غش وادناس ** من الوحوش أخلاقهم مــســتـمـده

اللي يجامهلم على العين والرأس ** غالي ولا احد عن لزومه يـــرده

واللي يعارضهم له السم بالكاس ** وكلن على المكروه وده يـــحــده

ما للصريح بمجلس القوم مجلاس ** الكل دونه باب بيته يــســــــده

طالب الحسني


صح لسانك وقصيده رائعه من شاعر رائع


دمت بخير وعافيه

طالب الحســـــــــــني صح لسانك قلت واجدت الواقع اليوم والله يا عنزي ان ان الي يقول الحق مهو مرغوب في المجالس وبكل محفل والي مهو منافق ومتملق ما احد يحبه ونشوف صار الباطل حق والحق باطل

والناس باعت دينها بدنياها