الأخ إبراهيم بن حمدان شكر الله لك فقد أفدت وأجدت ونحن نعتز بكل رجل يعتز بنسبة وهذه القبيلة لنا منها زملاء وأصدقاء وقد قلت من قصائد جوابية رداً على زميلنا الراحل فيصل الرياحي البقمي رحمه الله عندما وجه لي قصيدتان ضمنتها ديوان الوائلي فمن قولي بهذه القبيلة :
أركب عـلى الصالون لا شـرق الفي *** وأجعـل مسيرك بالضحى والمسيه
وأحـذر مسير القايلـة صكت أعـمي *** يلحـقـك من ممشى الظهيـرة أذيـه
دونــك جـواب لـجــابــةٍ ردهــا لـي *** فـيصـل بـداهـا وأرسـل الخـط لـيـه
أن جيت في دار البقوم وهاك الحي *** بـيـن السـراة وبيـن رجـم الحـويـه
الشاهـد الـلـه كنهـم مـن عـرب طي *** كـلـن يـقـول أقـلــط دلالــه مـلـيـــه
شبيـه حاتـم بالصخـى وأبنـه عـدي *** تـلـقــاه فـي هـاك البـيـوت العـذيـه
أوصيك ثـم أوصيك يا مسنـدي عي *** حـذراك تـقـلـط عـنــدهـم قـيـدنـيـه
تاخـذ سنه واشهور ما عوقـك شي *** غـيـر الذبـايح بالصحـون الفـضيـه

وهذا مقطع من القصيدة الجوابية الثانية :
جاني جـواب الـلي معـانيـه نبـراس *** فيـه القـدا لمن تـاه مثـل الفوانيس
مـهـديـه قـرم لابـسٍ للـفـخـر طـاس *** فيصل فداه اللاش والنذل والهيس
الــنـادر الـلـي لـلـرذيــلات مـا داس *** شبحه بعـيـد ولا مشى بالدحاويس
من لابـةٍ فعـلـه عـلى قـب الأفـراس *** زبـن الـدخيـل وبالأكاويـن فـرّيـس
لهـم الفـخـر مـن دور تـبّع ونـواس *** الأزد لـهـم بسـاس كهـلان تأسيس
من ينتبه عرقٍ به الطيب ما خـاس *** يـوم المغازي تتعب الخيل والعيس
أن جتك دكلات السبايا لها احساس ***تنـاوخـوا يـوم والظعاين محابيس
والعـج ثـار وشبـك الجمع وأحتاس ***وتعـاقبـوا بالـلي يقـص الفواعيس
ما غير صليل الهنادي لها أضراس *** فـي هـام لباس الدروع المطاويس
اللي يناطحهم غدت خمسه أخماس *** أنكـف وعاف الفايده عقب ماديس

أبيات جزلة ،،
بيض الله وجه أبو مشعل ،،
و صح لسانه ،،
...

و لا عليكم زود يا لآد وائــــل