هذه الأبيات ضمن مقطع صوتي من الشاعرين خلف المحدى الغبين وسليم بن كسّار المضياني يشيدون بجهدي مشكورين قال خلف بن محدى الغبين هذه الأبيات :

يا سليم بعطيـك العـلـم *** المصـادر مـا هـو ظلـم *** مـا هـو تصـويـر ولا فـلـم
انا كلامي مثبوت
شاعر عنزة معروف *** اللي وقف يوم الخوف *** خاض صفوف وهز صفوف
واصبح عدوه مكبوت
هو عبدالله ابن عبـار *** شاعـر عنـزه الأحـرار *** ومـن يجـحـد جـهـده نـكـار
ابو مشعل صوته صوت
يـوم الـزمـان القـديـم *** عـبـدالـلـه حـد الغـريـم *** مـا هـي سـوالـف غشيـم
خصم عنزة شاته شوت
هـذا الـكـلام الصـحـيـح *** عـبـدالـلـه قـد المديـح *** مـن يسبـه خامـد ريـح
خايب والخايب مشموت

وقال سليم بن كسار المضياني هذه الأبيات مجاراة لأبيات خلف المحدى :

يا خلف مثـل ما قلـت *** كلامك صح ولا مـلـت *** هرجـك وكـاد ولا عـلـت
عليه شهود ومثبوت
يا ابن محدى لك تاريخ *** مطنوخ ومن مطانيخ *** ماهبت القايد والشيخ
والمستشرق والسحلوت
عند القبيلة وقـفـت *** يـوم المواقف شرفّت *** تفـزع فـزعات بـلا بشـت
يوم ان غابت كل بشوت
امـا عـن شاعـر عـنـاز ***هـو عبدالله مـا يعتـاز *** عـز الأول والمـمتـاز
من خمس عقود ووقوت
عبدالله نسل عـبـار *** معـروف بكـل الأقطـار *** شاعـر عـنـاز البيطـار
له شهادات وكروت
عبدالله شاعـر لا قـال *** قولـه صمايل وافعال *** مثل شرشور الأنفال
بأيام جموسٍ وفروت

وقال : عبدالله بن دهيمش بن عبار هذه الأبيات مجاراة لأبيات الشاعرين خلف المحدى الغبين وسليّم بن كسّار المضياني :

جـاني منظـوم الأشعـار *** من خـلـف عـزيـز الجـار *** وسليّـم نسـل كـسّـار
هرجهم مثل الياقوت
يالنشاما مشكوريـن *** دايم للصاحب وافيـن *** ردعـتـم عـمـيـان العـيـن
هايف ولسانه مفلوت
يا خـلـف يا أبن جفـال *** عسى تفـداك الأنـذال *** الـلي هرجه قيل وقـال
ما فكّر يأتيه الموت
يا سليّم يفداك اللّاش *** اللي يشمت بي لا عاش *** ما هو للجزله حوّاش
بذي لسان وسربوت
الحاقـد طبعـه حسـود *** دايم نكور وجـحـود *** متغطرس واعمالـه سـود
حيثه مذموم ومذهوت
عند الأجواد من الناس *** معروف ومرفوع الراس *** حصلت لربعي نوماس
يوم أصحاب الكيد صموت
مـا جـاهـم مـني خـمـال *** لكـن خبيثيـن أعـمـال *** ما سبـوا غـيـر الجـهـال
ولا يظلم كود العكروت

وتفاعلاً مع أبيات الشاعرين خلف المحدى وسليّم كسار المضياني قال الشيخ الشاعر متعب بن حمود القاعد هذه الأبيات يسند على عبدالله بن دهيمش بن عبار :
صح الله لسان الشعّار *** يمـدحـون ابـن عـبـار *** قالـوا من جـزل الأشعـار
موزونه في مقطع صوت
عبدالله صاحب مشروع *** سواه وراسه مرفوع *** ما عـمـره فـرّق جمـوع
والدنيا تاليها الموت
يكرم جنابه والشان *** عن شخص فاضي فسقان *** يطعن في اصل العربان
ما ينفع لا فات الفوت
ابو مشعل يبقى رمز *** ولا عنده همز ولا لمز *** موروثـه اغـلى من الكنـز
واطيب من نوع الياقوت
لو قالوا ما نسمع فيه *** حنا لوجه الله نزكيـه *** عـبـدالـلـه فـعـلـه يـكـفـيـه
يكتب في حكمه وسكوت

قال : عبدالله بن دهيمش بن عبار هذه الأبيات جواب لأبيات الشيخ الشاعر متعب بن قاعد :

يالشاعر متعب مشكور *** هرجك صدق ولابه زور *** عـسى يـفـداك المثبـور
الـلي كـلامـه ممـقـوت
تسلم يا نسل الشجعان *** قاسم وعـلي ومشعـان *** من قـاعـد خلفـة روضـان
يروون السيف المصلوت
هـم مقادم عـزوة سيف *** معروفين بـلا تعريـف *** عـز الجـار وعـز الضيـف
بالكـرم لا شـح القـوت
يـوم الغـزوا عـلى ركاب *** بالشجاعة لـهـم الغـاب *** محسن وعـلي القصاب
خصمهم راسه مزتوت
فرسان اليا ركبـوا خـيـل *** دوم معـاديهـم ذليـل ***نسـل الـلي يسـري بالليـل
مـا سهـر يلعـب بالـوت