مقاطع مما استجد من شعري

من فضل الله سبحانه وتعالى ما يمضي أسبوع من الزمن إلا يصل لي قصائد اشادة من رجال منصفين يثمنون جهدي مشكورين وقد لخصّت اكثر من ألفين قصيدة ونسختها بعنوان ( شهود الله في أرضه ) فلا نامت أعين الجاحدين .

قال الشاعر معيض بن راكح ابو جابر الرويلي هذه الأبيات يثني على عبدالله بن دهيمش بن عبار :

لـلـهـيـلـعـي نـبـي نـكـز الـمـراسـيـل *** الـلـي تـفـاخـر بـه صـنـاديـد وايـل
عـبـدالـلـه العـبـار جـزل المـحاصيل *** لا عــدوا الــوافـيــن مــع الأوايــل
مـواقـفـه مـا تـنسـي نـافـل الـجـيـل *** سجّـل لـه التـاريـخ بـاصـدق دلايـل
واثـق ولا هـمـه هـل القـال والقيـل *** اهـل الحسـد ومـولـعـيـن الـفـتـايـل
يكفيـه تشهـد لـه زحـول الرجاجيل *** بالحـق تـشهـد لـه عـيـال الحمايـل
والحـق مـا تكفيـه بعـض الدواليل *** وقـلـب الحقايق مـا يضوّل صمايل
والمختصر سـلام يا عـادل المـيـل *** اعـداد مـا تمطـر حـقـوق المخايـل
وابي اطلب اللي فك مكه من الفيل *** انـه يـعـزك دوم والـراس طـايـــل

قال عبدالله بن دهيمش بن عبار هذه القصيدة جواب لقصيدة الشاعر معيض بن راكح الرويلي أبو جابر :

من قاف أبـو جابر وصل رايع القيل *** جاني جواب معيض ظمن الرسايل
يا معيـض بن راكـح فـداك الدعابيـل *** أهـل الـعـلـوم الـلي تجيـب الفشايل
يـا مـرحبـابـك عـد مـا مـر مـن ليـل *** وأعـداد مـا يـزهـر نـبـات الخمـايـل
يالنادر اللي مـن شخوص المشاكيل *** من ساس عـزّوه هابهـم كـل عايـل
يالمرعضي مجناك من عزوة رويـل *** أهـل الفخر والطّيب وأهـل الفعايـل
داجـوا من الشنبل اليـا وادي الهيـل *** ومن ديرة الغوطة اليا شرق حايـل
وأن ثـارت العـليـا نـهـار المصاويـل *** عـاداتـهـم دحـر الـعـدا بـالـدبــايــل
يـرعـون بحـدود السيوف المصاقيل *** شـلـف الـرمـاح ومرهفات السلايل

الشاعر محمد بن عبدالرحمن الحوشاني من أهل بريدة دعاني وطلبت منه عدم التكلفة
ومع الحاحي الشديد في منعه فأنه تكلّف وكتبت هذه الأبيات :

يا ابـو حـاتـم حـنـا كـنـا محـرصينـك *** يـا طـويـل العـمـر مـا نـبي الكلافـه
لـكـن تـكـلـفـت عـسى الـلـه يعـيـنـك *** يشهـد الـلـه كـل مقصودي مـرافـه
انـت مـابـك شـك مبـطي خـابـريـنـك *** ما عـملتـه مـن حضر بالعين شافه

وقال محمد بن عبدالرحمن الحوشاني أبو حاتم هذه الأبيات جواب :

يا أبـو مشعـل مبـطي حنـا محترينك *** جيتـك تجـلي عـن القـلـب الحسافـه
يالبـنـاخي مـتّـع الـلـه فـي سـنـيـنـك *** مـا سوينـا كـود مـاجـوب الضيافـه
قلت وأطلـب يا عسى الـلـه لا يهينك *** عـادتـك حـب التـواضـع واللّطـافـه

وكتب الشاعر عايد العمير هذه الأبيات يطلب مجاراتها يقول :

بـلهـون يا نـقـالـة الهـرج بـلـهـون *** لا تنقـل الكلمـه وهـي مالهـا اثبـات
واثـبـاتـهـا مـاهـو بكـلمـة يقـولـون *** ولا في شهادة واحد ظمن الأموات
واللي يجيب الهرج ماهو بمصيون *** تبـدي عـليه من الرجـال الملامـات

وقد جاريت ابيات عايد العمير بهذه الأبيات :

يا عـايـد بن عميـر نشكـرك مليـون *** دونـك جـوابي مع جـزيـل التحيات
الناس يا عـايـد لهـا قـلوب وعيون *** وأهل العقل ما يصدّقون الأشاعات
والهرج ما يقبل من انسان ملسون *** الـلي يـلـفّـق بالمجـالـس دعـايـات

كتب أحد الأخوة في تلاحين القوافي مجاراة لقصيدتي المنشورة في التوتر والتي مطلعها :

مبداي بالـلي بقدرته تجـري الأفلاك *** عـازل نـهـاره عـن ديـاجيـر لـيـلـه
وقال الأخ الفاضل :
أنـت الأديـب الـلي حميـده سجـايـاك *** دافـعـت عـن ربـعـك وكـل القبـيـلـه
لا عـاش من هـو قـام بالسب يشناك *** أنـت الـذي ارقـبـت راس الطويـلـه
أن جـيـت أبـي أوصفـك الحـر حلياك *** يـامـا رمـى بالصيـد خطـو الجزيله
اللاّش وأبـن اللاّش والـلاّش يـفـداك *** أهـل القـلـوب الحـاقـده والـرزيـلـه

قال الشاعر سليّم بن كسّار المضياني يثني على جهد زميله
عبدالله بن دهيمش بن عبار والشاعر خلف بن خليف المحدى :

يا مجددن فـي بـحـث تاريخ الأنساب *** وش عـاد لـو كثّرت فيها الختومي
لـولا أبـو مشعـل مـا لقيتـوه بـكـتـاب *** يطيـر مـع طـيـرت طيـور تحـومي
حـمـاه أبـن عـبـار بـأيـام الأنـشـــاب *** للماضي عـلـم حاضـره للوسومي
ولا أبن محدى يـوم وقفات الأصعاب *** خلـف تصدّى لكـل عـايـل هجومي

وقد جاراه خلف المحدى بهذه الأبيات يقول :

يا سلـيّـم الكسّـار يا عـرب الأنسـاب *** الـحـر يـبـقـى حــر والـبـوم بـومـي
وتاريخ أبـن عـبّـار معـروف بكتـاب *** مـاهـي عـلـوم مـزيفـيـن العـلـومي
عـبـدالـلـه الـعـبـار مـاهـو بـمـرتـاب *** لـو وقـفـوا ضـدّه جميع الـرخومي
مواقفـه تعـرف نـعـم يـوم الأصعـاب *** دون عنـزة خـلا الخصيم مهزومي
فطحـل شعـر مـاهي سواليف كـذّاب *** نعـم أبـو مشعل يـوم دق الخشومي
دون عنزة تشهد له اقراب واجنـاب *** ولا يـنـكـرونـه طيـبـيـن السلـومـي

قال عبدالله بن دهيمش بن عبار هذه الأبيات مجاراه لأبيات سليّم كسّار وخلف المحدى :

حـي الرجّال الـلي يعرفون الأوجـاب *** خـلـف وأبـن كسّـار نعـم القـرومي
مثل الحرار الـلي عـلى راس مرقاب *** مـا يوكـر ألا فوق روس الحزومي
عـرفـوا مقاصـد كـل عابـث ونصّاب *** خطو الـذي مـا يـدل درب اليمومي
هـذاك خـاب وكـل مـن شجعـه خـاب *** الظلـم من فضل الـولي مـا يـدومي
مانـي مـداري كـل هـايـف ومغـتـاب *** عن بذل جهدي ما ثنوني خصومي
والـلي مـرامـه بس تشتيت الأقـراب *** مـافـيــه عـز لعـزوتـه بـالـلّـزومـي


نشر الأخ مسعود أبيات في توتر يقول :

شــاعــر ربــيـعــه لـلـتـواريـخ قــرّاي *** دوّن حسـب عـرفـه مآثـر ربيعـه
لـه منـهـجٍ واضـح ولـه نـظـره وراي *** ترفـع مقامـه عـن أمـورٍ وضيعـه
قـريـت مـا يكـتـب وأنـا بـأول صـبـاي *** ونهلت مـن جمّـت زلال الشريعـه
وعـلى أثـر سـاقـتـه تـتـعـب مـطايـاي *** لا يممت صوب الفجوج الوسيعه
وأن جاء لطرش البدو حادي وشعّاي *** مـا أحـدٍ تعـدا ما قضب سد ريعـه

وقد جاريت أبيات مسعود فقلت :

مشكـور يا مسعـود يحفظـك مـولاي *** مـن شـر كـيـد الجايحـات الشنيـعـه
يـفـدا جـنـابـك كـل شـامـت وشـنّـاي *** الشامـت الشـاني عـطـاه القطـيـعـه
الـلي جحـد جهـدي وينكـر سوايـاي *** يسلك طريـق أهـل العقـول الخليعـه
والكـل يـدري مـن بلـوغي بـدنيـاي *** أكـتـب تـواريـخ الـرجـال الشجيـعـه
خـطـيـت جـزلات المفـاخـر بيـمنـاي *** وسجلت مجد أهـل الهداف الرفيعه

قال الشاعر محمود بن عبدالله العبار هذه الأبيات يثني على والده :

هـاض جاشي وأرسل المنظوم لـلـي *** شال مـن هـمي عـلى مـتـنـه دبـول
أن نـوى لـلـطـيـب يـنـزل لـه مظـلي *** وأن بـرك للحـمـل يشتـال الحـمـول
الـكـريــم الـعــابــد لــربّــه مـصـلـي *** الحـشيـم الـوافـي الـشـهـم الـعـدول
والـدي وش بـه أقـول ووش أخـلـي *** يـرتـكـي لـلـكـايـده مـا هــو مـلـول
يـتـصـف بـالـصـدق دايـم مـا يـزلّـي *** وعـن كـلامـه مـا يـزول ولا يحـول
الحـليـم أن كنـت مخـطي لـي يحـلي *** مـا خبـرتـه يـوم يـمسي بـه زعـول
مـا يـنـام ألا حـجـاجـه مـسـفـهــلـي *** مـا غضب مـني عسى عمره يطول

قال عبدالله بن دهيمش بن عبار جواب لأبيات النجل الشاعر محمود بن عبدالله العبار :

مـن جـزيـل القـاف نجـلي مـرسلـلي *** الأبــن مـحـمــود ذخــٍر مـا يــزول
أشهـد أنـه شـاعـر وشعـره يـسـلّـي *** أفـتخـر بـه وأفـتـخـر بـالـلي يـقـول
الـزعـل يـا مـسـنـدي خـلّــه يــولـي *** وأنت تعـرف أبوك مـا ينـزل نـزول
مـا نـزلـنـا بـالـوطـا مـقـدار مـلّـــي *** نـرتـفـع يالـقـرم فـي روس التـلـول
وأنـا كـنـت أرجـيـك بـايـام مضـلـي *** حـتى تـم الخمس والعشريـن حـول
بـالـلـزوم أبـيـك تـبـقـى مـحـزمـلـي *** مـا تـبـور بـواجبي تـرفى الخـلـول
أنـت وأخوانـك ذراي وساس ظـّلي *** كـان شح الريـف في وقـت المحول


قال الشاعر عبدالكريم بن عايد العوينان الرويلي هذه الأبيات يسند على عبدالله بن دهيمش بن عبار :

يا طـاروق الشعـر عجّـل بالـرسالـه *** وأبدعي يا افكار شعري من فوادي
دلـو الشعـر راكـبـه فـوق المـحـالـه *** ومتكـل بالـلـه وعـلـيـه اعـتـمـادي
ابـدع المنظـوم مـن شعـر الجـزالـه *** لأبـو مشعـل يـاعـل أيـامـه عـيـادي
جاه ورث الطيّب مـن عـمّـه وخالـه *** عـن دروب المرجله ماهو اتحادي
لا غريب الطيب مـن راعي الجماله *** مـن نسـل قـوم يـضـدون المعـادي
لا غـدا للـخـيـل صـولـه واجـتـوالـه *** يجعـلـون الخـصم يـعـاف الـرقـادي
يشبعون الـذيـب الأسحم مع عيـالـه *** لا ركضوا بالكون بسيوف الهنادي
لا لـقـيـت الـصنـدلـي لـوهـو لحـالـه *** ابـتـهـج ولا تـفـكّـر بـالـعـبـــــادي
وأبـو مشعـل كـل ما يطـري مجـالـه *** النعـم مقـرون باسمـه شي عـادي
عن عـلوم الطيـب ما تقصر حبـالـه *** والـذي مثلـه تـرى مـا هـو بغـادي
والخـتـم صـلـّوا عـلى محـمـد وآلـه *** الـرسول المصطفى للخيـر هـادي

قال عبدالله بن دهيمش بن عبار هذه القصيدة جواب لقصيدة الشاعر عبدالكريم بن عايد الرويلي :

مـرحـبـا حيـيـت يا راعـي الـرسالـه *** عـدد مـا تـسبّـح أصـابـيـع الأيـادي
وعـدد مـا ترسـل محطّـات الـوكالـه *** وعـدد مـا يصدح صداها بالروادي
عـبـدالكريم الـولـي يصلـح احـوالـه *** والـلـه يـدلّـه عـلـى درب الـرشادي
عسـاه بحـفـظ الـولـي عـز الجـلالـه *** ويا عسى يـأتيـه مـن ربّـه منـادي
أطـلـب الـمـولـى وأرجـيـه وأسـالـه *** يا عسى يعـطيـه شـفّـه والمـرادي
كـل مـا يكتـب مـن اشعـار ومـقـالـه *** يـثـنـي الشغمـوم عـريـب الجـدادي
عسى يـفـداه الـردي وأهـل النـذالـه *** جملـة أهـل النمنمه وأهـل الدوادي
يـا أبـن عـايـد مـا أنا لشرواك زالـه *** حـيـث أنـك بـالـقـصـايـد دوم بـادي
سبـق جـاني مـنـك شـعـرٍ ينصغـالـه *** وكـل قولك يا راعـي العليا سدادي
والنـبـيـل الـقـرم مثـلـك طـاب فـالـه *** لـه أشـاده في جهـودي واجتهـادي
دام ساسـه مـن هـل العـلـيـا سـلالـه *** عـن طواريق الـزلـل يـقـداه قـادي

تستاهل كل خير يأبو مشعل إذا حب الله عبد وضع له قبول في الأرض وأنت بناخي ونحبك فالله رجل فعلت فعل مافعله أحد غيرك لقبيلته مع أحترامي لمن ساهم لقبيلة عنزة حفظ النسب وإخراجه ودراسته والتأليف ماهو عمل سهل الله يكتب أجرك ،،،

الأخ أبو نايف لا يفوتني أن أقدّم لك الشكر الجزيل والعرفان بالجميل على فضلك وأحسانك في تبيان الحق والأنصاف فجزاك الله خير الجزاء وتقبّل تحياتي .

قال عبدالله بن دهيمش بن عبار هذه الأبيات تهنئة لمعالي الأستاذ عسم بن إبراهيم الرمضي الخمشي بمناسبة ترقيته إلى المرتبة الرابعة عشرة وتعيينه وكيل أمارة منطقة القصيم وهو أحد أبناء الرجل الكريم المعروف إبراهيم الرمضي من أعيان أهل مدينة المذنب :

يا عسـم في أعـلى المناصب ترفّعـت *** تستاهل المنصب وهـو يستوي لك
مبروك ما انت لفرصة العمر ضيعت *** وفـقـك ربّــك يـوم شـديـت حـيـلـك
أنـت الـذي شبحـك بـعـيـد وتـطـلعـت *** صوب السمـا ونـجـم الثـريـا دليلك
تـسيـر نحـو الطـايـلـه مـا تـراجـعـت *** وتسعى عـلى العليـا نهـارك وليلك
حـتّى عـلى صـرح المعـالي تـربّـعـت *** واثـق مـن أعـمالـك وربـك وكيلـك
عـلى الخـطـأ مـا يـوم يالقـرم وقّعـت *** شغـلـك عـدل والكـل يشكـر جميلك
نـفّـذت تـعـلـيـم المعّـزب ولـه طـعـت *** هـذا ثـمـر جـهـدك وهـذا حصيـلـك
وفـي سلـم جـدّك بالفضيلـه تطبّعـت *** صـادق أمـيـن ولا تـبـوق بـمعـيلـك
مـنـذ الطـفـولـه بالمـراجـل تـولّـعـت *** تـذكـر بفعـل الطيـب بأوسـاط جيلك
يـزهـا لك التمجيد بالوصف والنعـت *** وكـل العـلـوم الغـانـمـه تـنـتمي لك

قال : عبدالله بن دهيمش بن عبار هذه القصيدة يثني على المقدّم طيّار متقاعد الرجل الفاضل سعود بن شحاذه بن معتاد المهيدي صاحب المواقف المشرّفه :

يا سعود نطلب مالك الملك يحرسـك *** مـن جملـة الحسّاد وأهـل النحاسـه
ونطلب عسى ما يقرب الهم واهسك *** دوم بـسعـاده مـا تـجـيـك انـتكـاسه
وعسى الزمن في كـل وقتـه مونسك *** وتمضي سنينـك بالفـرح الـوناسـه
وعساك مـا تشكي روابع هـواجسك *** وغيض الخواطر ما تجرّب عماسه
وعسى الولي مـن نعمتـه ما يفلّسك *** وعساك مـا تـجـرّب حيـات التعاسه
وعسى ولي الكون يا سعـود يلبسك *** ثـوبٍ مـن الصّحـه وسيـعٍ مـقـاسـه
أبـوك لـعــلـوم الـمـراجـل مـدرّســك *** وتبـعـت كـامـل منهـجـه بالـدراسـه
ساسك عـريب وطيّب الأصل ينعسك *** حيثـك نسل عايـد مـن خيـار ناسـه
يا أبن شحـاذه لـك فعـايـل تـنـومسك *** وأنت الذي يا سعود مرفوع راسـه
والـلي رفع من جـل قـدرك وروسّك *** تجـود لـو كـان الـزمـن بـه شراسه
ربّـك عـلى كسب النفـايـل مـكـرّسـك *** منصى لـمـن لـيلـه مـعـتـم دمـاسـه
غـلبـت بفعـل الطايلـه من يـنـافسـك *** عـلى الكـرم والجـود عندك حماسه
أنتج ثـمـر زرعـك وطابت غـرايسك *** تزرع جمايـل مـا بـزرعـك خياسـه
يشمـل محـاويـج الـرفـاقـه تـلمّسـك *** وتفزع مع الـلي جايـر الوقت داسه
يـا مـكـثـر الـلي بالمـدايـح يـقّـدسـك *** يفخـر بالـلي شرواك من قـو باسـه
ما يفتخر بـك بس يا سعود خامسك *** فخـر لـلي ساسك من جـذوع ساسه
وأنت الذي علمك مثل ريحة المسك *** تـكـرم رفـيـقـك مـا تـود اخـتـلاسـه
طبعك كريم وبـك شهامه وبـك نسك *** ناسـك ومتـديّـن وعـنـدك سـيـاسـه
حـلـّيـك الـلي بالوصـايـف يجـانـسك *** معـن شبيهـك بالصخـى والكيـاسـه
من عفّتك يا سعود مـا طـب مجلسك *** أهـل الـغـوى والنمـنمـه والبـلاسـه
ما تقـرب لـعـفـن الطـبـايـع يـدنسّـك *** تـكـرم عـنـه كوبـان مـثـل النجاسـه
ولا همّك الـلي عـن طريقـك يعاكسك *** من حيث توصف بالذّكى والفراسه
لا عـاش من يجحد حقوقك ويبخسك *** عسى فداك أهل الردى والخساسه

قال عبدالله بن دهيمش بن عبار هذه الأبيات أهداء للأخوين سعود المدحلي وعلي الخليفه المدحلي :

عرفت عزوه بالوفاء عـرفهم طمعـه *** أعـني صناديـد الـقـروم المـداحلـه
منهم سعود المدحلي صايب الرمعـه *** مثـل المحيط الـلي بعيـده سواحلـه
وعـلي كسب عـز وكـرامـه وسمعـه *** رب الملأ من حسن الأخلاق ناحلـه
أجـواد مـا مـنـهـم لـك الـلـه أمـعـــه *** والنّعـم بشخوص الـرجال الفطاحله
شـمـل القـرايـب شفهـم دوم جـمعـه *** ورجالهم من ظامـه الوقـت راح له
سـلايـل الـلـي لـلـرجـاجـيـل شـمـعـه *** زمـان كـان الـكـل يـتعـب رواحـلـه
كـم قـلطـوّا مـن نعـمـة الـزاد خمعـه *** يوم السنين اللي على الناس قاحله
الضـد يعـطـونـه عـلى الخشم قمعـه *** ولصحابهم مثـل العسل في مناحلـه
ومن لا كسب طولات لـو هـل دمعـه *** يـنـدم وعـمـره فـي نهايـة مراحلـه

قال الشاعر غصّاب المضياني هذه القصيدة يسند على عبدالله بن دهيمش بن عبار :

انتـاج فكـري والعـمـل مـن اشـرافي *** والعيـن نعـمـه بس قضّوا نظـرهــا
الـلي يـقـول الحـق قـولـه انـصـافـي *** تـدوم نـعــمـت كـل واحـد شـكـرهـا
الجـو عندي يا أبيض الوجـه صافي *** والبـل خلقهـا الـلـه وزيـّن صورها
ابـكـار شــرّد تـوهــا مـن عـسـافــي *** مثـل الذهـب حـمـار لـونـه وبـرهـا
ساجـت حبالـه يـوم صـارت عجـافي *** غـزلان صيد وحـس رامي ذعرهـا
جـزيـات ذره صـار فـيـهـا الـتـنـافـي *** صـار التـنافي يـوم بـيّـن خـطـرهـا
دوك الرسالـه وصـلـه يا أبـو وافـي *** اكـبـر شـاعـر وكـاد يـقـرا خـبـرهـا
عـنـدك يا أبـن عـبـار كـل الـقـوافـي *** وكـل عـنـزة تـقـول أنـك بـحـرهــــا
اكـبـر شـاعـر وكـاد وهـذا اعـترافي *** امـواج بـحـرك كيـف حـنـا نعبرهـا
لاجيت والـلـه يا أبيض الوجـه لافي *** تـفـرح فيـك الـربـّع يـوم تحضرهـا
الضيـف عـنـد الـربـع ياكـل هـرافـي *** لـه الـذبـيحـه كـود يـدرج حـمـرهـا
واليـا تعـشى الضيـف قـلـنـا عـوافي *** والضيق يقـرا الضيف والله سترها
والطيـب فـطـره بـس فعـلـه يشافـي *** كلمـة وفـاء مـاريـد حاجـه باثـرهـا
والجـار عـنـد الجـار نـفـعـل ونـافـي *** والـجـار فـيـنـا كـل زيـنـه ذكـرهـــا
نـودع لـه نـفـوسـن قـويـه ضعـافي *** والنفس عـنـد الجـار حـنـا نحقـرها
مضيـان مـنـا الخـيـل ولـت مـقـافـي *** وخيولنـا طـاح العـدو فـي نـحـرهـا
مضيـان مـثـل السيـل يلطـم وضافي *** والسيل قـو السيـل ارضـه حفـرهـا
أيـام دور الـسـيـف هـو والـشـلافـي *** الـقـوم كـل الـقـوم حـنـا نـحشـرهـا
مـنـا العـدو منحاش يركض وحـافي *** ياطـا شخانيب الـرضم مع وعـرهـا
الـورع مـنـا تـذبـحـه مـا يـخـافــــي *** لـوهـو بخـاف عـروق حلقـه بترهـا
منك العـذر لا اخطيت والعـذر كافي *** شـاعـر حكيـم وداخـل العـقـل درهـا
يا ابـو مشعـل يالقـرم هـذا اكتشافي *** وفـيـه الليالي البيض ساطع قمرهـا
جـو الشـمـال الـبـرد طـبـه لـحـافـي *** وأحـب عـرعـر ديـرتي مع شجرهـا
شـاعـر أنـا يالـقـرم وأرمـي هـدافي *** واعـرف بطـن السالفه من ظهرهـا

قال : عبدالله بن دهيمش بن عبار هذه القصيدة جواب لقصيدة الشاعر غصّاب المضياني العنزي :

يـا الـلـه يـا عــلاّم فــي كــل خــافـي *** تـعـلـم بـذرات الـرمـال وحـجـرهــا
أنـت الـذي مـن كـل عــلـه تـشـافـي *** كـل الـمـلأ يـا رب فضلـك غـمـرهـا
ومـن بـعـد ذكـر الـلـه سجّلـت قـافي *** جـواب الـلي جـزل المعاني نشرهـا
غـصّـاب قـرم مـن الرجاجيـل وافـي *** الـلي القوافي من افكـاره صخـرهـا
قـريـت مـنـظـوم الـنـبـيـل السنـافـي *** حيثه صدح في نـادر الشعر وارهـا
هـلا عـدد مـن حـج وأدى الطـوافـي *** بالكعـبـه الـلي رب خـلقـه عـمـرهـا
واعـداد مـا يلفـح مـن الريح سافـي *** واعداد ما عـل الثـرى من مطـرهـا
للمقـرم عـنـوان الشّـرف والعـفـافي *** غـصّـاب نـفسـه ترتفع مـا حـدرهـا
أرسلـت لـك يا طـيّـب الـذّكـر قـافـي *** من خاطري مثـل الجـواهـر نثـرهـا
جـاريـت قـافـك والضمايـر نضـافـي *** ونظـم الفشعـر قريحتي مـا عسرها
عـبـر الـذي مـا يـسبـقـه كـل هـافي *** الـواتسـاب الـلي الـركايـب دمـرهـا
واسـرع مـن الـلي وجـهّـت للمرافي *** زوارق مـن المـوج تـاخـذ حـذرهـا
يـطـوي بـلحـظـات الثـواني فـيـافـي *** مـن سرعتـه كـل الحواجـز طمرهـا
الـواتـسـب يأتـيـك لـو كـنـت غـافـي *** يشيـل عـلـم النـفـس يجلـي كـدرهـا
يـا راعـي الصبحـا كـفيـت الخـلافي *** أخـذت مـن قـطـف المعاني ثـمـرهـا
يـفــدا جـنـابـك كـل هـايـف وهـافــي *** النفس عـن درب الخطأ ما نـزرهـا
يعجـبـك مضهـر منضـره بالمشـافي *** ويمناه عن فعـل المراجـل قصرهـا
ما يرعوي خطـو السفيـه الهـلافـي *** وأهـل الفضيـلـه مـا يـمـيّـز نـفـرهـا
قـلـتـه وأنـا شفـت الجـفـا والتجـافي *** مـن كـل هـذلـوفٍ جهـودي نكـرهـا
ولا أنـت من عـزوة تفوق الوصافي *** تركي عـلى كـبـد المعادي ضررهـا
سـتـر الـعـذارى لابـسـات الـغـدافـي *** خلفة سوي بالكون ربـي انـصـرهـا
أهـل مـضـايـف لـلـهـواشـل مـلافـي *** والأجـار يـدلـه مـا يـمـل معـشـرهـا
ولا كـنـت أنـا لـزيـارة الـرّبـع نـافـي *** أفرح باهل عـرعـر وارغب ديرهـا
لـكـن ظـروف الـوقـت يالـلـه تكـافي *** يـا مسـرع الأيـام يمـضي شـهـرهـا

قال عبدالله بن دهيمش بن عبار العنزي هذه الأبيات أهداء للشيخ عبدالله بن عبدالمحسن المبدل صاحب الوقات المشرفة حفظه الله ورعاه :

اثـني عـلى الـلي بـه حميـه وغـيـره *** فعل الفخـر والطيب من منهله عـل
حـيثـه شبيـه السيـف يـبقى ذخـيـره *** في كـف فارس حزت الكون له سل
المكـرم الـلـي تـشكـر النـاس خـيـره *** هـو السنـد لـلي شكا العـوز والقـل
يـوقـف بـجـنـبـه بالسنيـن العسيـره *** قـدر الـذي ينصـاه مـا ينتقـص جـل
ذاك المـبـدل مـن شخـوص العشيـره *** تـمسـك بصحـبـه وقـل لـلـردي ول
مـثـل بيـاض الشاش ناصع ضميـره *** حـليـم مـا يحمـل ضـغـينـه ولا غـل
أعـني عبدالله لـه مـعي خـيـر سيـره *** الشيخ عـنـده كـل عـقـده لـهـا حـل
عـبـدالـلـه الـطـاهـر نـقـي السـريـره *** عـن المـراجـل مـا تكـاسـل ولا زل
عـون الـرفـيـق وبالـلـوّازم نـصيـره *** مـثـل البليهي شايـل الحمل مـا مـل
مـاهـو كـمـا المربـد ولا تقـل صيـره *** لاشك مثـل الحيـد يـذري ولـه ضـل
يـا مـا نـصـاه الـلـي حـوالـه فـقـيـره *** يسند له اللي من الزمن ساعده كل
كـفّـه مـثـل وبـل الـمـزون الـغـزيـره *** يروي معاطيش الظوامي اليـا هـل
يمشي عـلى منـهـاج فـهـم وبصيـره *** والـلي يسيـر بمسلك الحـق مـا ذل
ماهـو رفيـق أهـل النفوس الشريـره *** ولا هو عشيراللي كلامه خذ وخـل
مـا سـار بـدروب الـردى والمـعـيـره *** ولا تجتمع عنـده عصابات واشلـل
عسى الـولي مـن كـل عايق يجـيـره *** وعساه يـبقى بـعـز يا لـيـت يا عـل


قال عبدالله بن دهيمش بن عبار هذه الأبيات توضيح لمن تجهله الحقايق :

نـويـت أوضح صادق العـلم بإيـجـاز *** عن مصدره ماهو كلام المغاشيش
حـنـا بـنـي وايـل مـن احـفـاد عـنـاز *** ياللي تبون لواضح الأصل تهميش
من نسل الـلي طعـن خصيمه بعكّـاز *** عـامـر ابـن أسـد سليـل المداغيش
حيـث انتحال الجـد بالشرع مـا جـاز *** أقـروا أحاديث النبي صفـوة قريش
جـد عـنـزة يـكـفـي ولا عـاد نـعـتـاز *** وايـل جديلـه ليش لـه ننتسب ليش
اصل عـنـزة ثـابـت ولا عنـه ننحـاز *** والـلي تعبّـث بالنسب مقصده ويش
بشر وضنا مسلم شريفين واعـزاز *** مـرويـن لـدنـات الـرمـاح المراييش
يوم العرب في كون وطراد والـزاز *** تعـرف فعايلهم على الخيل والجيش
حـمـايـة السـاقـه ثـقـيـلـيـن الأرواز *** تقـفي عـداهـم مـن لقاهـم مخاريش
مـا نستـعـيـر الجـد لـو كـان يـمـتـاز *** بالصيت والشهره ولو شاخ حتيش
لـو قـيـل جـدّك مـن تـنـمـّر بـخـــزاز *** أقـول ما أقبـل غـيـر جـد الحناتيش

وقال الشاعر عوده بن عطيش بن حضيري المسيكي هذه القصيدة مجاراة لقصيدة عبدالله بن دهيمش بن عبار :

سـار الـقـلـم والفـكـر للشـعـر فـرّاز *** هلّت سحاب الشعر ماهي رشاريش
من شاعـرٍ ماهـو عن النّظـم عجّـاز *** ايفـصّلـه تفصيـل لـبـس الدشاديش
وهـرج بلا معنـا مع الناس مـا جـاز *** النـاس قـالـوا قالهـا عـوده عطيش
بابيـات شعـرٍ واضحهـا مابهـا الغـاز *** مرسولـه بالجـوال مامن مطاريش
تـلـفـي لـرجـلٍ بالـمـواقـيـف يـمـتـاز *** شاعـر بـني وايـل بعيد المطاويش
صـح الـلـه لسـانـه وبـالغـانـمـه فـاز *** عـبـدالـلـه العـبـار نسـل الحناتيش
وضّـح لـمـن هـو جـاهـلٍ جـد عـنـاز *** ناس حقوده وناس يمكن دراويش
وضّـحـت لـلـجـاهـل ولـجـمـت لـمّـاز *** وفهّمت لمن يلطّش الهرج تلطيش
وصـورتـهـا تـصـويـر فـلٍـم ابتـلـفـاز *** وشافوها العقيّل من غير تشويش
جمع عنـزة يهابـه الخصم مـا أيـهـاز *** وتربـش عـداها بالميادين تربيش
فـي كـل ديـره بفعـلهـم سـووا انـجـاز *** مثبتّـه بالتاريـخ مـاهـي خـرابيش

وقال عبدالله بن دهيمش بن عبار هذه القصيدة جواب لقصيدة الشاعر عوده بن عطيش بن حضيري المسيكي :

مشكور يالـلي لجزل الأشعار كـزّاز *** عوده رفيع الشان من خلفة عطيش
قـافـك مـثـل عـقـد الجواهـر ابـرواز *** كـنّـك تفتّـش غـايـة القـلـب تفتيـش
تمشي عـلى منهج أحاديث ابـن بـاز *** ما سـرت مع الـلي يـدور التباليش
عسى يفـداك مـن العـرب كـل هـمّـاز *** وعساك تسلم طـول الأيـام وتعيش
يالقرم بعض الناس هرجه استفـزاز *** يكتب خـطأ وايخيّش الربّع تخييش
الـلي خـلـط سـكّـان خيبـر والأهـواز *** مثل اللي بغلس الدياجي حواشيش
مخطـر يجيه الـلي إذا اهتاش قـمّـاز *** قوع الشّجر يلقابها حظف وحنيش
عـزوه لهـا من طيّب الأصل مـركـاز *** تاريخهـم معـروف مـاهـم أحابيـش
لاشك بعـض الناس مـا يسمع العـاز *** دايم يطنّش صادق الهـرج تطنيش
تـلخـبـطـت مـابـيـن عـاجـن وخـبّـاز *** وصـاروا يسبّون العبـاد الخفافيش
واللي اعتدى فضخت عينه بمخراز *** خطو الذي مايرعوي غير تجحيش