قصيدة ممدوح بن حليس الغضوري وجواب عبدالله بن عبار

من فضل الله سبحانه وتعالى ما تمضي فترة من الزمن ألا يرد إلى جوالي مقال أشادة أو قصيدة ثناء من رجال منصفين يسمعون كلام في بعض مجالس السؤ من الذين يروجون للإشاعات الكاذبة التي اطلقها بعض الحاقدين والحاسدين لتشويه السمّعة ولمقاصد في صدورهم فيدافعون عني المنصفين الصادقين الذين يرون بعين الصواب ويثمنون جهدي وقال الشاعر ممدوح بن عبدالله بن حليس الغضوري أبو عبدالله هذه القصيدة يثني على عبدالله بن دهيمش بن عبار :

مـع كـل نبض يتمخّض حس وجـداني *** وقـعـه عـلى طـهـر الخفـوق هـجيـن
أبــوه أصـيــل وراســخ ومــتـمـكــــن *** وأمــه خــديــن وهــرجـهــا رطـيـــن
وشعـوري الـلي بـي ربـا لـو هـو ربـا *** ربـــا بــســكــون ولا ربــا بــأنــيـــن
آمـنـت بــأن الـلـه مــالــه مــمــاثــــل *** واحـــد أحـــد مــا صــار لــه بـنـيــن
وأن خـاتـم الـرّسـل الجـلـيـلـه محـمـد *** مــهــدي الـعــبـاد الـصـادق الأمـيــن
وأنــي ولـــد حــرّة وأبــويــه خـالـص *** شـريـف مـابــه شـائـبـه تـضـمـيــن
وأنـي عـلـى سـلـم الجـدود مـواضـب *** وأقـــول لـــو شــانــت لابــد تـــزيــن
اشـوف شـوفـاتـن تـشـيّـب نــاظـــري *** الـلـي يـشـيـب لـوقـعــهـا الـجـنـيـــن
اشــوف عـدوان بـمـلاسـن صـحــبــه *** واشـوف صـحـب بـهـرجـهـا تـهـيــن
واشـوف الـذي يـكنـز كـريـه ومعـطى *** وأن الــذي مـعــوز عــطـاه سـمـيــن
وأن الـمــحـاسـن طــبـعــهـا ربــانــي *** وأن الـمـسـاوي فــعــلـهـا مــشــيــن
وأن كـل مسعى غـيـر مسعى بـالحـرم *** بـه ضبـعـه وذيـب وهـمـل وحـصيـن
وأن كـل مـا يطـري عـلى البـال يعتبـر *** سـجـيــن دامــه مــا أبــاح كـنــيــــن
اغـربـل الـلي بخاطـري كيـف مـا بـدأ *** غـربــال مـنـطـوق مـا هــو طـحـيــن
وأمـيّــز الـمـعــنـا وأقّــدر جــمـلــتـــه *** واسـنـد عـلـى الـلـي عـرفـتـه يـقـيـن
الـلـي خـذا مـنـي الـتـحــايـا والـثـنــاء *** وقـولـة نــعــم بـالـقــول والـتـدويــن
عـمـي وأبـن عـمـي وشـريكي بـوايـل *** الـذايـد الـلـي عـن الـنـسـب عـريـــن
الــلـي تـبــنّـى هــم ربــعــه ولابـتــــه *** وغـيـر الـولـي مـالـه شريـك عـويـن
عـبـدالـلـه الـعــبـار يـا خـيـر مـقـتـدى *** كــل عـنـزي أصـبـح إلـيـك مــديــــن
سمعـت مـن بعـض العـوام اعـجـوبـه *** تــشــجــب وتـسـتـنـكـر بــلا تـبـيـيـن
وأنـا غـمضـني مـا سمعـت وجـعـلني *** أســأل عــســى رد الــمــقـال ثــمـيـن
يـوم أن ابـن عـبـار جهـلـت عـواذلـه *** هـو لـيـه مـنـطـوق الـعـذول سـنـيــن
هـو لـيـه مـا شاف العـذول المغـرض *** طـول الـصـروح جـدارهـا حـصـيــــن
هـو لـيـه مـا صـاح الضميـر بصوتـه *** أو مــلـيـت أذان الــعــذول عــجــيــن
هـو لـيـه مـا فـهـم الحسـود رسـالتـه *** مــا دام مــا ســر الــحــديــث دفــيــن
ودام الـجـهـول الـلـي بـعـقـلـه راضـي *** عــن فـعــلـتـه مـا يـقـبـل التـحـسيـن
خــلــه عـسـى مـا يـطـلـقـن سـبـوقــه *** مــا ســال دمـع ولا عــرق جــبــيــن
وصلاة ربي عـلى النبي عد ما خفـق *** قـلــوب مـلـيــت بـالـبـعــاد حــنـيـــن

قال عبدالله بن دهيمش بن عبار هذه القصيدة جواب لقصيدة الشاعر ممدوح بن عبدالله بن حليس الغضوري :

أبــتـــدي قــافــي بــخّــلاق الــبــشــر *** مـنـشي الأنـسـان مـن تـربـه وطـيـن
الــولــي عــز الــجــلال الــمــقـــتــدر *** مــجــري الأفـــلاك رب الـعـالــمـيــن
الـلـي بـكـاف ونــون أمــره يــعـتـمـد *** كـل مـا شـاء نـفـذّه فـي ظـرف حـيـن
وبـعـد ذكـر الـلـه بدعت مـن القـوافي *** رد قــرم مــن الــرجــال الأكــرمـيــن
مـن شعـر ممدوح وصلت لـي رسالـه *** بالمعـانـي مـنطـق أبـن حـليـس زيـن
أشـهـد أنـه مـع انـصـافـه بـه حـمـيـه *** شـاعـر وموصوف بالعـقـل الرصيـن
قـلـتـهـا ولـك مـنـي الـشـكـر الجـزيـل *** يـا عـريـب السـاس يـا ذرب الـيـميـن
نـعـم فـي ممدوح من عــزوه عـزيـزه *** عــزوة عـلـيــان مـرذيـن الـهـجــيـن
مـن ضـنـا سليمـان حـاميـن الضعينـه *** فـي زمـن عـزل المغيـر مـن الكميـن
مـن انجـال عبيـد فـي عصر المعامـع *** عــزوتــي عـاداتـهـم قـطـع الـوتـيــن
قـلـت فـي تمجيـدهـم عـشـرة مـلاحـم *** مـوقـفي يـشهـد عـلـيـه المـنـصـفـيـن
وأيـضـاً التـألـيـف بـأنسـاب القـبـيـلـة *** ولا ثـنـا عـزمـي كـلام الـمـرجـفـيـــن
الـرجـال الصيـد تـفـخـر فـي اعـمـالي *** يشكـر جهـودي مـثـل حضـرة حسين
أبـو عـلـي مـن شـغـامـيـم الـقـبـيــلــة *** ومـثـلـه شخـوص الـرجـال الغـانمين
عـسى يـفـداه الـذي يـشـمـت ويـقـدح *** مـن مـنـاحـيـس الخصـوم الحاسديـن
ومـن يـريـد العـلـم فـي طعـن ومسبـه *** يـشـتـغـل بـالـكـيـد مـا هـو مستكـيـن
مـا حـسبـت حسـابـهـم لـو يـشمـتـون *** بـالـظـلال أغـواهـم إبـلـيـس اللّـعـيـن
فـشّـل الـلـه كــل مـن ولــف حـكـايـــا *** وأحـمـد الـلـه خـاب ظـن المـشتـكيـن
حـيـث حـبـل الكـذب لـو يمـغـط قصيـر *** مـثـل خـيـط النـّكـث مـا سـدوه متيـن
الـنّـكـد والـكـيـد مـن طـبـع الـخـبـــاث *** والظـلـيـمـه مـاهـي طـبـع المسلميـن
مـا غـلـطـت بـقـص تـفـريـع القـبـيلـة *** والحسـود مـن الـكـدر قـلـبـه حـزيـن
مـا نـطـيـع اقــوال مـن زوّر نـسـبـنــا *** ولا سـكــتــنــا عــن كـلام مـزوريــن
الـنسـب مـنـشـور فـي كـل الـمـصـادر *** مـا بـدأ التاريـخ مـن عـشـرة سنـيـن
يـا أبـن عـبـدالـلـه تـرى لازلـت ادافـع *** كـنـت مجـهـد فـي كـفـاح المغرضين
مـا خبـر أنـي عـلـت أو قـلـت المسبّـه *** دايـم أعـرض عـن جـدال الفـاسديـن
عـادتـي دوم اهــل الـزور اخـصـرهـم *** الــعــرب يــدرون والـخـافـي يـبـيــن
فـي تحـريـف انسابـنـا وشـو هـدفـهـم *** ومـن تـعـزووا بـالأعـاره فـاشـلـيــن
بـشـر وضـنـا مسلـم نسـل الجـد وايـل *** بـالـقـرون المـاضـيـه بـه مـعـتـزيـن

وقال الشاعر ممدوح بن عبدالله بن حليس الوزة الغضوري هذه القصيدة يسند على عبدالله بن دهيمش بن عبار :
سـمـيـت بسـم الـلـه ذكـرتـه بـتـقـديـم *** الـقـايـم بـنـفـسـه اطـعـتـه وخـفـتــــه
الـواحـد الـعـادل نـصـيـر الـمـظـالـيــم *** بـاقـي قـديـم ومـدمـعـي لـه ذرفــتـــه
عـلـمـه قـديـم من الأزل جـل تـعـظـيـم *** وجـديـد والـلـي مـقـبـل مـا عـرفـتــه
لـه نبتهل مـن خـلـف موضع إبراهيـم *** واستغفـره عـن ذنـبي الـلي اقتـرفتـه
وارجيـه رجـوى المعـدمين المهاضيم *** أنـه يـجـنـبـنـي الـشّـقـا لـو حـفـفـتـه
مـهـاوي الـدنـيـا حـفـيـظ الـمـلالـيــــم *** مـطـامـعـه لـلـي يـريـده اكـتـفـتـــــــه
عـلـى سـوانـي عـدودهـا دايـم مـحـيـم *** لا سـاعـفـه وقـتـه ولاهـي حـرفـتــه
المـسلـك المـعـمـي جـفـاف الـحـلاقـيـم *** مـتـخـالـطـه شـقـاوتـه مـع تـرفـتــه
والـصّـدق مفـعـولـه بـطـل دون تبـليـم *** لـو مـنـكـريـنـه تخسـفـه مـا كسفـتـه
ولـو يـحـرّم مـاحـل ويـحـل تـحـريــــم *** وصفـت عـلاج اسقامهم ما صرفـتـه
وقـول يـا راعـي الـفـهـم بـالـك تـهـيـم *** فـي طـاريٍ عـني خطفـك وخـطـفتـه
سـيء يخـالـف مـنهـجـك راي تـهـديـم *** مـا قـد ثـبـتـه عـرضـك ولـقـفـتــــــه
واسـويـت بـي واحبـط عملـك النمانيـم *** وشكيـت عـينك والسبب ما طـرفـتـه
بالأمـس اخاصـم مـن جهـل بالتراجيـم *** واليـوم خاصمني الجهـول وشطفتـه
اشـيـد واسـتـنـكـر واعـادي الشـراذيـم *** وأن قـلـت ما انكث حلف يومٍ حلفته
واستـبـشـرت نـفـسي بـعـد رد تـكـريـم *** واثـمـر صنيـعي وكـل نـافـل قطفتـه
ولا انـت يالعـيـلـم شـرحـت المـفـاهـيـم *** بالـلي سمعـت مـن الوسايل وشفتـه
فـعـلـك طـلـع بـه للسمـاء بـلا سـلالـيـم *** وسعـيك صدوق ومسلكه ما عطفته
وذودك عـن جـمـوع القـبـيلـة بتنعـيـم *** كسبت مـنـه امـداح من هـو انصفتـه
شـورك حـكيـم وللجهـل درس تـعـلـيـم *** وحملـك ثقـيـل وفـوق متنـك نسفتـه
وردك كـمـا الـلـي لـلـحـيـاه الخـواتـيـم *** والـلي يشيـل الـنـار داخـل سـعـفـتـه
هـم نـقـدونـي مـا فـعـلـت الـعـلاجـيــم *** والشعـر جـزلـه قـالـوا أنـي اخـلـفتـه
وأنـي اتـمـلّـق طـامـعٍ بـالـمـزاعـيــــم *** بـالـجـاه والـصـيـت الـذي مـا ألـفـتـه
وأنـا فـلانـي لا مـضـام ولا مـضـيـــــم *** أنـا عـنـزي والـعـز ورثٍ غـدفـتـــــه
فـي حكـم مـن سـاد الجـزيـره بتقـويـم *** الـكـل آمـن فـي صـحـفـتـه رغـفـتــه
مـن مـارثـة أبـا الـغـنـايـم تـعـالـيــــــم *** خـذيـتـهـن والـلي مـا نـبـغـاه طـفـتـه
جـدي ومـن بـعـده عـيـالٍ شـغـامـيــــم *** عـطـاهـم الـوزه خـلاصـة ارشـفـتــه
ياسيـن مـنـكـر جـملـة الحـق خـذ جيـم *** مـا يجحـد الحجـة سـوى مـن تلفـتـه
كـنـا ولا زلـنـا عــزاز ومــقــاديــــــــم *** والـعـز مـا يـأنـف خـشـوم انـفـتـــــه
وانـا تـرانـي مـا احتمـل خمـن تنجـيـم *** دفـعـت لـلـعـلـم الـمـجـمّـل كـلـفـتــــه
لا نـايـب غـيـري ولا امـشي بـتـوهيـم *** والـكتـب يـنـبي مـحـتـواهـا اغـلفـتـه
وقـد قـال فـينـا طـيّـب الـذّكـر تـدعـيـم *** مـا اوفـيـه حـقّـه لـو كتبت ووصفتـه
ولـو عـاد بـي وقـتـي عـلـي الملازيـم *** لا اقـول فـيـه أزود مـن الـلي اضفتـه
وأن صـار للأنسـاب والعـرف تنظـيـم *** وحـفـل يـقـام ومـهـرجـان كـشـفـتـــه
يـبـقـى أبـن عـبـار بـالـقـمّـة امـقـيـــم *** وذروة سنـام المجـد قـاضـب شعفتـه

قال عبدالله بن دهيمش بن عبار هذه القصيدة جواب لقصيدة الشاعر ممدوح بن عبدالله الوزه الغضوري أبو عبدالله :

مبداي بالله منشي المـزن بالغيـم *** يطفـح ربـابـه والهبايب اعصفته
كان انهمر غيثه تصب المرازيـم *** ويمـلأ محاجـر كـل جـوره وهفته
بأمـر الولي ياخذ ليالي وهو ديـم *** حـتّى زبـد سيلـه يربرب وغـفتـه
يـهـل وبـلـه فـي جـميـع الأقـاليـم *** في جرهد البيداء تجلجل وحفتـه
منه الطهى يزمي عـلى كل تعقيم *** ونثايـل طعوس الزبايـر اجـرفتـه
ويـنبـت كـلأ للمغتـره والمجاهيـم *** حتى الدّبش سنمه تعدّل اعجفتـه
وتصير هـزلات الركايب مـراديـم *** والعوص كل اللي تريده اصدفته
يا منزل الحكمة بنص الحـواميـم *** والطاغي الطاغوت عرشه قلفته
ومن بعد ذكر الـلـه سجّلت تنظيم *** جـواب القـرم الـلي نبيلـه اهدفته
قم يا نديبي فوق عذي التصاميم *** اسرع من اللي بالطرد لاح سفته
ود الجـواب وسـلّـم الخـط تسليـم *** عطه الرسالة والحذر عن اكلفته
ملـفـاك قـرم ولا ذكـر بـه مثـاليـم *** الغـضوري صادق ولـيـه نهفـتـه
تعـيش يا نسل الـرجـال المقاديـم *** وفـيـت والهـايـف نفلتـه ونـفـتـه
نطـقـت بالـواقع وصممت تصميم *** والـلي تـعـاوج بالهبـايـا خسفتـه
مجناك من وكر الحرار الصواريم *** خـرب الحباري بالمخالب حذفته
من مارثة حصن الرحال النواهيم *** رجالهم تقري الهواشل اصحفته
من عـزوة فيهم مـلاذٍ عـن الظيـم *** كان الحرايب حان زامه وشفتـه
يـوم الطرد عنـد أمهات الخراطيم *** الكـل يلكـد سابقـه مـن ازهـفـتـه
الـبـن الأشـقـر فـي دلال القمـاقيـم *** فنجـالـها ينعشك كـانـك رشفـتـه
والنـعّـم بالـوزه بـوقـت الموازيـم *** شجعان والأجنف تـعـدّل اجنفتـه
واليـوم يا ممدوح عـلط الزراديـم *** ما ينعرف حنشانها من احضفته
الـكـل قـام يـفـخّـم الأمـر تـفخـيـم *** ويبدي على سابق زمانه حسفته
مـن زوّر التاريخ يحتـاج تحجيـم *** واجب على الأجواد تكسر انعفته
مـن كـان جـدّه يتبعـونـه دواهيـم *** وبالمرجله كـل القبايـل اعـرفـتـه
نكبح جماح الـلي يـوهّـم تواهيـم *** من طبعه الأرجاف هانت ارجفته
مانطاوع اللي قسّم الشمّل تقسيم *** شمـل القبيلـه نجمعـه ما نصفتـه
يرغب يرمم ماضي العهـد ترميم *** والمخطـر الحـامي لكـيّـه عكفتـه
ناخذ على المخطي تعهّد وتبصيم *** ومن عاث بأنساب القبيلة كحفته
ماني بمن عتّم عـلى الحق تعتيـم *** والعلم من غير السّند ما خطفتـه
دوّنـت عـلـم يـنبّـه الغـافـل النـيـم *** قلت الكلام الصّدق والكذب عفته
والـلي بقـولـه سمم الفكـر تسميم *** راعي المكايد عـن نـويـه نحفته
مـا يبلـغ الغـايـة كـثيـر الهـذرايـم *** ولا يـنـفـع النـمّـام هلسه وكفتـه
هيهات كيف ابرطمه ينخف شريم *** وأظـن الأشتف ما تغيّـر اشتفتـه
نمشي عـلى منهاج نص التعاميم *** ولاني بحـال الـلي يجمّع اهـلفتـه
عاهل وطنا اصدرلشعبه مراسيم *** من يظلم من أهل المكايد انصفته
يكـتـم افـواه مـدوّر الشّـر تكـتـيـم *** من تـاه دربـه عن مسيره يعفتـه