(قصيدة في حفل أعتاق سعيد بن عايد الدمجاني ومقاطع من الشعر )

بدعوة من الشيخ نايف بن محمد الفرحان الأيداء شيخ شمل قبائل ولد علي وأمير الفوج الثامن والثلاثين بالحرس الوطني أقيمت في قاعة الأماكن بالرياض أجتماعات لقبيلة ولد علي من عنزة دعي لهذا الحفل كافة قبيلة عنزة وهذا الأجتماع يستمر ثلاثة أيام من ليلة الجمعة الثاني عشر من شهر جماد الأول 1438هـ وذلك لقصد الحث على التبرّع لأعتاق السجين سعيد عايد الدمجاني الولدعي المحكوم بالقصاص وقد تنازلوا عنه أهل الدّم بخمسة عشر مليون وحضر الحفل أبناء الشيخ محمد الفرحان وبعض أحفاده وعدد من مشائخ قبائل عنزة والقيت بهذا الأجتماع خطب وقصائد وكان لي شرف المشاركة بهذه القصيدة :
بمناسبة دعوة الشيخ نايف بن محمد الفرحان الأيدا لأجتماع قبيلة عنزة لعتق رقبة سعيد بن عواد الدمجاني والحث على جمع الديه قلت هذه القصيدة مع تحيات عبدالله بن دهيمش بن عبار العنزي :
الـكـل لـبــىّ دعــوة الـشـيـخ نـايـف *** نـادى وجـوه عـيـال وايـل مـلـبـيـن
بالماضي الـلي بـه تجـف الشفـايـف *** جـدّه حمل بـيرق زعـيـم السلاطين
يوم الهجير اللي بـه الشوب صايف *** أبـوه يـوقـف مع جـميـع العنـزتيـن
يـديـان مـا ولـف لـهـم مـجـد زايـف *** لأفـعـال ماضيهم شهـود وبـراهيـن
سجّـل سوابـق مجـدهـم بالصحايـف *** سـاس الفخـر مـاهـم عـلينا خـفيين
اخـوان بـقشـه يصـعـدون النـوايـف *** صفـوة صناديـد الـرجـال المسميـن
حـمـايـة المـلـحـا كـبـار المـضـايـف *** شجعان في وقت اللّـزوم وكـريمين
فـلـد الـعـجـم قـادوه قـود العـسايـف *** يـوم اخـزموه أقـفـوا جنوده مولين
والشيخ نـايـف شيخ بالـربـع رايـف *** يمشي عـلى نهج الشيوخ القديمين
جـبـر الكسيـر الـلي تـضبّـه سنايـف *** ملاذ اللي يشكي من الغـبن والبيـن
مـن عـزوة الـويـلان مـاهـم لفـايـف *** عـزوة فخـر نسل الـرجال الميامين
عـزوة بـني وايـل جموع وطـوايـف *** نـوادر شخوص الـرجال العزيزيـن
الـعـزوه الـلـي هـابـهـم كـل حـايــف *** مبطي عـلى فعـل المـراجـل معـيين
فـازوا بـجـزلات العـلـوم الـطـرايـف *** يعـرض مجـال أفعـالهـم بالـدياويـن
كـانـت لهـم صنـع الجمايـل وضايف *** وأفعـالهـم بالطيـب مبطي وهـلحين
يا عـيـال وايـل يا حـمـاة العـطايـف *** سعـيـد بن عـواد ضمـن المسـاجـين
أنـتـم هـل النخـوه وستـر العـفـايـف *** جـودوا لعـتـق الـلي عـليه الملايين
الـلي عـلى حـوض المـنيـه تهـايـف *** الـلـه وقـاه مـن الحسام أبـو حـدين
روفـوا بحالـه عن حـيـات الكسايف *** شايب وله في عنبره فوق عشرين
وأن قامـوا الـويلان صارت خفايـف *** رمـز التكاتـف فـي جـميع الميادين
واجـب عـليكـم تحـمـلـون الكـلايـف *** حـيـث القبيله لهـا حـقـوق وقوانين
ويـلان مـا مـنكـم عـفـون وهـدايـف *** أنـتـم هـل الطـولات مـا انتـم رديين
الـمـال يـبـذل مـا عـلـيـه الحـسايـف *** ومن يجبر العثـرات ربّـه لـه ايعين
وحـنـا بـعـهـد مـزبّـنـت كـل خـايــف *** حكامنـا الـشجعـان عـوق المعادين
مرويـن شذرات السيوف الـرهايـف *** للشعب عـز وشـيـدوا رايـة الـديـن

قال عبدالله بن دهيمش بن عبار هذه الأبيات يسند على الشاعر محمد بن عايد بن دوهان :
الـوضـع يا مـحـمـد الـدوهـان حـيـرنـي *** عـبـر التواصل هـذاريم البشر راجـن
حـب القبـيـلـه لـبـذل الجـهـد صخّـرنـي *** هاضن افكاري بفخر العـزوه وهاجن
أحيان اسامر سواد الحـرف واسهرني *** وأحـيـان الأقـدام نتعبهـن اليـا ساجـن
صيد الحـمايل عـلى المجهود تشكـرني *** لاشـك يطعـن بـي الهذلـوف والماجن
قـنصـت بالحـر القـطـامـي وصـقّـرنـي *** ولا يصلح القنص بالعصفور والداجن
قال محمد بن عايد بن دوهان هذه الأبيات جواب لأبيات زميله عبدالله بن دهيمش بن عبار :
أديـب عـنـزة فـي وشـاح الـعـز وقـّرنـي *** وأنا عضيـد الفخـر لـو ما أحد احتاجـن
يا مخـلـد مجـد عـنـزة قـدرك امعسكرني *** وكـل النشامـى مثـيـلي مـابـهـم عـاجـن
والـلي مثيـلـك بـعـنـزة يـجـي يخـبـرنـي *** يـا واصـف خـيـل عـنـزة ويـن مـالاجـن
من ديـرة نجـد وخـيـبر وحيث ماغـرني *** من هـو مثيلك بالفخـر وصفهـن شاجـن
تشكـرك عـنـزة وسيوفها الـلي يقطرني *** وتـشـكـرك بـيـارق لـدار لـلـعـدو بـاجـن
وأنت الـلي لعنـزة ذخـر يالـلي ذاخـرني *** يا مروض روس الصعايب كل ما انعاجن
ومـن هـو ذكـر سيـرتـك بالعـز يذكـرني *** لابـد نـفـنـا وجـبـال الـعـز مـا انـمـاجـــن
بـمـنـزال عـايـد وجاسـر والـلـه آسرني *** ومن مـا رضـوا عـلهم بالجـن والساجـن

قال الشاعر نهير محمد الدهمشي هذه الأبيات يثني على عبدالله بن عبار :
يستاهـل التـكـريـم شخـص أبن عـبـار *** حـقّـه عـلى الـويـلان تقـديـر واكـرام
سـجـل لـنـا تـاريـخ وايـل بـالأمـصــار *** وأنساب وايـل سجـلـه كتـب واعـلام
ترى الخطا يحصل من صغار واكـبـار *** هـو سجـل الأنـسـاب بـوراق واقـلام
قال عبدالله بن دهيمش بن عبار :
يالدهمشي مشكـور يا مهدي الأشعـار *** مشكـور يا نهـيّـر عسى العـز لك دام
ياليت من شاف الخـطأ يا أبن الأبـرار *** يجهـر بتصحيحـه ويخـبـرنـي اشمام
لاشـك يـشـمـت كـل هــايــف وهـــّذار *** هـذر بمجـالـس وأكـثـر النـاس ظـلاّم

مقاطع عبر الرسائل من شعر الشاعر عبدالكريم بن عايد العوينان القعيقعي

قال عبدالكريم بن عايد القعيقعي الرويلي هذه الأبيات يثني على عبدالله بن دهيمش بن عبار :

تعيش يا أبن العم يا نسل الأحـرار *** مـن طيـب ساسك للمراجل دليلـه
أنـت الـذي بك نفتخر يا أبن عبـار *** فعلـك يجـمّـل عـزوتـك والقبـيلـه
من طيب صيتك لك معـزه ومقدار *** تكسب من علوم المراجل حصيله
لك الشكر مدبول يا وافي الأشبار *** لـو ثـقـل حـملـك يالسنـافي تشيلـه
حيثك من اللي مايهابون الأخطار *** أهـل الفعـول الـوافـيـه والجـليلـه
من عـزوة عنـد القبايل لهـم كـار *** وقـفاتهـم يـوم الـفعـايـل جـزيـلـه
الـلي بحـزّات القصى تشعم النـار *** ستـر العـذارى مـرمليـن الحليلـه
تعـرف فعايلهم على قب الأمهـار *** وافـعـالهم تـشهـد ولاهـي قـليلـه

وقال عبدالكريم بن عايد القعيقعي الرويلي هذه الأبيات يثني على عبدالله بن دهيمش بن عبار :

يابن دهيمش باسمك بدعت التماثيل *** نختـار مـن زيـن القـوافي جـزيـلـه
حـنـا نـعـدّك مـن حسـاب المشاكيـل *** وأنـت الـذي سجّـلـت مـجـد القبيلـه
كسبت قـولـت نـعـم عنـد الرجاجيل *** مـثـل المـطـر علمك اليا سال سيلـه
راعي الكرم راعي الدلال المعاميل *** لـه مجـلـسٍ كـل النشـامى تـجـيـلـه
من العزوه اللي باللقاء تتعب الخيل *** أفـعـالـهـم بالطـيـب يـعـرف دلـيـلـه
فدعـان فـي وقـت اللّـوازم حلاحيـل *** نـقـوة حـمايـل يكسبـون الجـمـيـلـه
ستر الهنوف اللي زهاها الخلاخيل *** لا طـار سـتـر الـلي تقـض الجديلـه
واختامها بالمسك والعـود والهيـل *** صلوا على المختار راعي الفضيله

وقال عبدالكريم بن عايد القعيقعي الرويلي هذه الأبيات يثني على عبدالله بن دهيمش بن عبار :

سلام لأبو مشعل عطيب المضاريب *** عـبـدالـلـه العـبـار فعـولـه جـزيـلـه
سـلام احـلا مـن لبـن شـمّـخ النيـب *** لـلـي يـدافـع عـن جـمـيـع القـبـيـلـه
الـلي صبـر يـدرك جـميع المطاليب *** يصبر عـلى الشدات من قـو حـيـلـه
الـلـي كسـب كـل المـراجـل بترتيـب *** يشفق على الطولات راعي الجميله
فعلت فعـل الطيـب يا فاعـل الطيـب *** وقـفـت وقـفـه يـالـسنـافـي مـهـيـلـه
وأديـت لـلـعـزوه جـميع المـواجيب *** تـشـوم عـن لفـظ العـلـوم الهـزيـلـه
تلقا الجزاء عند الولي عالم الغـيب *** حـمـلـت أمـانـه والأمـانـه ثـقـيـلـــه
عـند الرجال أهل الوفاء والأساليب *** مـن يفعـل المعـروف يـلـقـا بـديـلـه
ترفع لك البيضاء بعالي المراقـيـب *** يا كاسـب الطـولـه وهـي تستـويـلـه
انا اشهد ان الطيب دربه مصاعيب *** الا عـلى قـرم الـرجـال ومـثـيـلـــــه
يوم أن بعض الناس شكاك ومريب *** مـا نـال مـن فعـل المـراجل حصيله
اللاّش لـو هـو مـن أدنين الأقاريب *** وقـت الـلّـزم مـا فـاد مـن يلتجـيلـه
واقـبـل تحيـاتي وشكـري وترحيب *** اعـداد مـا هـل المطـر من مخـيـلـه