قصيدة شكر وقصايد مساجلة مما استجد - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

07-15-2023, 11:47 AM

قلت هذه الأبيات اثني على الرجل الفاضل محمد بن صالح بن فحيمة الجعفري
رئيس لجنة التنمية في الشقّة بالقصيم حيث ارسل لي تسجيل صوتي للرجل
الفاضل ناصر بن سويلم بن فحيمه الجعفري يشيد بجهدي لقبيلة عنزة وقلت اشكرهم :

مرحبابـك يا أبن فحيمـه كيف حالـك *** بالعـلـوم الغـانـمـة هـرجـك وردنـي
يا أبـو يـوسف سـرني ملفـظ مقالـك *** من حسن ذاتك نقدت الـلي انتقدني
يا ابن سويلم بالفخـر زانـت افعـالـك *** عسى يا ناصر فـداك الـلي جحدني
انـت جاك الطيب من عـمّك وخـالـك *** الـف نعمن بـك جواب لمـن نشدني
يا أبن مجـرب يالسنافي طـاب فالك *** تفتهـم مقصـد كـلام الـلي حـسدنـي
يا أبن مجرب كل من ينصف امثالك *** شاد في جهـدي وبأنصافه حمدني
تـذكـر جهـودي وأبـو مشعـل كـذلك *** وكـل منكـم من سبيل الخيـر يدني
يا محمد عسى الولي يصلح عيالـك *** كـم معـوز قـال ابـو مشعـل رفـدني
يا ابن صالح انت عون اللي شكالك *** يـوم جـاك وقال لك ظـرفي هجدني
عـاد فـي مـوتـر جديـد الـلي عنالك *** وقال ابو مشعل وفاء باللي وعدني
والمديـون تخـلصه مـن حـر مالـك *** قـلت يبشر بالفرج من هـو قصدني
الثنـاء يـبقى وحطـام المـال هـالـك *** اطـلـب المـولى وقـل يـا رب زدني

وقال الشاعر خالد بن عبدالرحمن بن مسيب الجروان هذه القصيدة يسند على عبدالله
أبن دهيمش بن عبار حيث كان مسافر لنجران وشغّل شريط أبن عبار وتذّكر أنه كان
يسافر مع والده عبدالرحمن رحمه الله وكان يشغّل الشريط والدة وتأثر وقال :

يـا راكــب الـلـي مـا يـغـيّـر مـســاره *** ولا يشتـكي لـو زاد فـيـه المشاويـر
سـلـم عـلى الـلـي زايـدن فـي وقـاره *** عـبـدالـلـه العـبـار ريـف الخطاطيـر
الـشـاعـر الـلـي وسـط راسـه نـعـاره *** سطّـر لنـا التاريـخ والمجـد تسطيـر
ينظم جزيـل القـاف عـرف وشـطـاره *** محـبـوب للشعـار وكـل الجـمـاهـيـر
البـارحـه شـنّـت عـلى الـقـلـب غـاره *** وحامت على طيوف الخيال التفاكير
والـقـلـب شبـت بـه سـعـيـر الحـراره *** وهلّـت دمـوع العين من دون تبرير
مـن فـارقـه غـالـي يـزيـد اعـتـبــاره *** دنـيـاه دارت ثـم عـلـيـنـا الـتـداويــر
روح وهـبـات الـفـضـاء فـي ديـــاره *** مـن عـقـب مـا يمـلاه كثـر المسايير
يـأتـونـه ربـوعـه الـيـا شــب نــــاره *** ريح السمر والرمث وريح المباهير
والجـار مـا يخـطي عـلى حـق جـاره *** يصـفي لـه مـن القـلب حـقٍ وتقـديـر
مـا هـو مـن اللي في هروجه حـقاره *** ولا هـو من اللي يزوّر الهرج تزوير
وصـلاة ربـي عـدد رفـع الـمـنـــــاره *** عـلـى رسـول نــوّر الـديـن تـنـويــر

قال عبدالله بن دهيمش بن عبار هذه القصيدة جواب لقصيدة الشاعر خالد بن عبدالرحمن المسيّب :

يـا راكـب الـلـي لـون مـنـظـر اشـعــاره *** مثـل الـذهـب بـيـديـن هـنـف الغناديـر
جــابــه جـمـيــل ولا تـغــيّــر اغــبــاره *** مـن دولـة الـيـابــان جـابـوه تـصـديـر
تكتـب عـلى الطـبـلـون قـيـمـة اسعـاره *** الـيـا شـافـه المفـلس جـداه التحاسيـر
قـم يـا النديـب اصعـد بـوسـط الغـمـاره *** أقر الدعاء وحث السرى وأدلج السير
بـالـلـيـل يـسـري مـع بــدايــة نـهـــاره *** يوصـل بلـد نجـروان مـن دون تأخيـر
سـافــر لأبـن جــروان خـالــد زيــــاره *** الجـعـفـري نسـل الـرجـال المشاهيـر
خـالـد وصـل لـي مـنـه لـطـف العـبـاره *** وبـالـقـاف ذكـرنـي بـالأجــواد تـذكـيـر
الـلـي عـلـى الـعـدوان فـيـهــم قـشـاره *** لاشـك لشخوص القـرايـب بهـم خـيـر
عــمّــه وأبـوه أهـل الـذكـى والـنــداره *** نـقـوة ومـن روس الـقـروم المنـاعيـر
الـلـي بـهـم مـن صيفـة الطـيـب شـاره *** ومن أتصف بالطيب يفـرق عن الغيـر
نـالـوا تـمـاجـيـد الـثـنـاء فـي جـــداره *** بفعـل الكـرم مـا يكـرهـون المخـاسيـر
عــســاهــم بــخـلــدٍ تــدارج انــهــاره *** فـي جـنـةٍ فـيـهـا الـزهـّر والـنـواويــر
جـابـوا حـرارٍ بـارعـه بـالـصـقـــــاره *** وطيـر القطامي حـل فـي ماكـره طـيـر