 |
|
 |
 |
|
 |
الإهداءات |
|
 |
 |
 |
 |
 |
 |
 |
 |
 |
 |
 |
 |
 |
|
|
|||
|
|
|||
|
|
|||
|
|
|||
|
|
|||
|
|
|||
 |
 |
 |
 |
 |
|
|
|
 |
|
 |
||||
 |
 |
|||||
 |
|
 |
|
|
|
|
||||
 |
|
|||||
|
|
|
|
 |
|
 |
|||||||||||||||||||||||||
- تعديل اهداء
|
|||||||||||||||||||||||||||
 |
|
 |
|||||||||||||||||||||||||
 |
|
|
|
|
||||
|
||||||
|
|
|
|
07-10-2023, 09:29 AM
|
#1 |
|
صاحب الموقع
تاريخ التسجيل: Mar 2008
المشاركات: 10,350
|
قصائد من شعري قلتها باسرة الهذال شيوخ مشايخ عنزة
قصائد من شعري قلتها باسرة الهذال شيوخ مشايخ عنزة
بسم الله الرحمن الرحيم لا يخفى على الجميع أنني سخرت معظم شعري في تمجيد قبيلة عنزة ومشاهيرها ومدحت كل من يستحق المدح ولم أفرق بين قبائل عنزة ولم أتخصص في أسرة معيّنة وقد اثنيت على الجميع وذكر المفاخر والأمجاد والشجاعة والكرم وما قلته في حمولة الهذال شيوخ مشائخ عنزة ماهو ألانموذج لبقية المشائخ وهذه القصائد وفاء وأعتزاز بمنزلة آل هذال الكرام وهي الأسرة التي لم ينالني أي أذا من رجالها بعكس بعض أهل الجحود والمكائد وأسأل الله سبحانه وتعالى أن يجمع شمل القبيلة في ضل حكومتنا الرشيدة حفظهم الله : * قال عبدالله بن دهيمش بن عبار هذه القصيدة رثاء بالشيخ محروت بن فهد بن هذال شيخ مشائخ عنزة المتوفي عام 1388هـ رحمه الله عندما أذيع خبر وفاته في وسائل الإعلام : يـا مـل عـيـنٍ حـاربـت لـذة الـنـوم *** طـار النعاس وصار بالقلب ولـوال غابت أنجوم وغربت بعدها أنجوم *** حـتى النعايـم دوبحت والدجى زال حان القدر وش عاد ما ينفع اللوم *** لاشك فقد أهـل الفخـر يشده البـال العـلم اللي جاني من الربع مشئوم *** قالـوا تـوفى شيخنـا ذرب الأفعـال أبـو زبـن عسـاه بالخـلـد مـرحـوم *** الـوايـلي شيخ الشيوخ أبـن هـذال الباسل اللي يرخص العمر بالسوم *** يا ما جدع عن قب الأفراس خيـّال المكـرم الـلي يذبح الحيـل والكـوم *** ديـوان بـيـتـه للـهـواشيـل مـدهـال مبطي عـلى عنـاز مقـدم وزيـزوم *** مـفـاخـره تذكـر جـديـدات وأسمـال صيته شهـر بين المخاليق معلـوم *** مثل العلم يزمي على راس ما طال غير العرب تدريبه الفرس والروم *** تاريخهـم مـا ينمحي عبـر الأجيال أبو زبن منجـوب من نسل شغموم *** الليـث كسـاب الفـضـايـل والأنفـال شيخ المشايخ عاد مجد ابن كلثـوم *** ومجد المثنى حامي الخايف الذال به من مزايا كليب عادات وأسلـوم *** وأحيـا أذكار الزيـر قهـار الأبطـال قال عبدالله بن دهيمش بن عبار هذه القصيدة يثني على الشيخ متعب بن محروت الهذال شيخ مشايخ عنزة حيث أيد الشيخ سعد بن عباس الفدعاني أمين رابطة عشائر عنزة بالعراق لتشكيل رابطة تجمع شمل عنزة وتضيف اسم العنزي بعد أن كانوا جاليات متفرقة وقد بلغ عدد الرابطة مليون ونصف وهم يراجعون الشيخ متعب ويستنيرون بآراءه فقلت : أبـدي كلامي بالـولي مبدع الكون *** هـو الكريم الـلي المـلأ يطلبونـه كـل العـبـاد لمـالك الملـك يرجـون *** يرجون عفوه والفـرج يحترونه وبعد ذكر الله باح بالصدر مكنون *** هام الفكر والبال هاضت شجونه وسجلت قاف مكمل اللفّظ موزون *** الفكـر صاغه مـن روايع فنونـه أمدح جناب الشيخ والناس يدرون *** علـم الفخـر والمجد ما يجحدونه أفخـر بأخو بتلا وأنـا منه ممنون *** عسى الولي من كل عايق يصونه متعب سليل المجد ما يقبل الهون *** شبحه بعيد ولا رضي بالمهونه متعب مـن الـلي للقبـيلـه يـعـزّون *** وكل عنـزة ربعـه سناده وعونـه الشيخ جده يـوم طاعن ومطعون *** كم راس فارس طوحه عن متونه هـذال جـدّه شاخ لـه عـدة قــرون *** شيخ المشايخ عـزوتـه يتبعـونـه نـفخر باللي مسعاه للربع مظمون *** ربعه على حل المشاكل يـجونـه الشيخ متعب عـزوته لـه يطيعون *** شيخ الشيوخ اليا هرج يسمعونه أولاد وايـل بـالـولاء لـه يـديـنـون *** يمشون فـي رايـه ولا يخالفونـه الـرابطـة للشيـخ بالعهـد يـوفـون *** أهـل وفاء ما منهم الـلي يخونـه الشيخ اللي عليـه بالشكر يـثنون *** عـلى الفـعـول الطيبـه يشكرونـه وسعد أبن عبّاس بالطيب مبخون *** بفعـل الكـرم والمرجله يمدحونه سعـد أمين وصادق العهد مامون *** مخلص ونـفسه للـرفاقـه حنونـه خلا عنزة عقب الشتات يتصافون *** بالجد الأقصى بعد ما حيل دونـه للـرابطـة صاغـوا مبـادي وقانون *** لأجـل القبيلـه شملهـا يجمعونـه اللي انتسب للرابطة فـوق مليون *** ومن شذ عن ربعه تزاود غبونه ونعتـز بالـلي من الرجال يتحامون *** من أجـل مجد جدودهم يبعثونـه ولا الردي لو كان من نسل هارون *** ينـزل مقامه والعـرب يسمجونه ما نطاوع اللي لشمل عناز يشظون *** الـلي هـدفهـم جمعـنـا يفـرقونـه الشمـل يشظـونه هـلابيج وعفـون *** الـلي القرابـه واجبـه يسهجونه بعض الرخوم المجتهد له يسبون *** يصعب عليهم مسلكه يوصلونـه أهل الفضيلـه في جهوده يشيدون *** وأهل القلوب الحاقده يشمتونـه عـلى النسب صبيـان وايـل يعيون *** والجـد كانـه منتحـل مـا يـبـونـه لومي عـلى اللي ينتفخ تقل بالون *** اللستـك الـلي بالـهـوى ينفخونه عـليـه عوجـان المشاور يشيرون *** عـلـى اتجـاه اهـدافهـم يبرمونه يسمـع كـلام الـلي بـربعـه ينمـون *** والحق الأبلج ما تشوفه عيونـه لا جاهـم الـلي بالـدعايات مفـتون *** يصدح بهـرج الزور ويصدقونه من ينخدع في طهبلت كل ملسون *** اللي على الأقراب تضرس سنونه الظلـم جـرم وغامط الحق ملعـون *** والمفـتـري كـل البشـر يلعـنـونـه قال عبدالله بن دهيمش بن عبار هذه الأبيات في رثاء فقيد عنزة الشيخ سلطان بن زبن بن محروت الهذال رحمه الله : نطلب عسى الـلـه يرحم الشيخ سلطان *** أبن زبـن شيخ الشيوخ أبـو فـواز عسى مقـر الشيخ فـي خـلـد واجـنـان *** وعساه ضمن اللي بزين العمل فاز مـرحـوم يـا شـيـخ تـكـنّـى بـالأحـسان *** حيثـه كريـم ومـن ثـقيليـن الأرواز سلطان نسل شيوخـنـا عـبـر الأزمـان *** مـا منهـم الـلي عـن مباديـه ينحـاز فـي فـقـده نـعـزي عـيـالـه والأخــوان *** فـقده جلـل ولخاطـر الغوش حـّزاز ونـرفـع تـعـازيـنـا لـمسلـط وجـدعـان *** وجـديع وأعمامـه شريفين واعزاز ونـعــزي بـفــقـده ســلايـل عــديـنـان *** والتـعـزيـه تشمـل عـلى كـل عـنـاز الشيخ مـن تـرثـت مشايخ وشجـعـان *** الكـل مـنـهـم بـالـكـرم للفـخـر حـاز الـلـي يــرود بـيـوتـهـم كــل جـيـعـان *** ساس الكـرم مـا عـابـهم كـل هـمّـاز حـمايـل وعـنـد الحـمايـل لهـم شـان *** باقصى الشمال وفي بلد نجد وحجاز الـكـل مـنـهـم بالـمـواثـيـق مـا خـان *** من ساس عزوه بالمفاخر لها انجاز بهـم الكـرم بهـم الشجاعه وشيخـان *** وقـت القـصا يـلجـأ لهـم كـل معـتـاز كانـوا ولا زالـوا يـروسـون عـربـان *** مـن حـد تركيـه إلـى حـدود الأهـواز ومن خيبـر الحـرّه إلى حـدود لبنـان *** شيوخ المشايخ جمعهم دوم ما يهاز أخـوان بتـلآ أهـل مضايـف وديـوان *** مـا داج بـه راعـي نـمـايـم وجـنـبـاز لهـم الفخـر والمجـد من دور حبلان *** يشهد لهـم مـن شـال بالكـف عـكّـاز وأن هاجت الهيجا بحـزات الأكـوان *** مصقـولهـم لـرقـاب الأخصـام جـّزاز يـوم اللقـاء يشهـد لهـم كـل مـيـدان *** في صهـوة الـلي لا نهـم فارسه نـاز قـلتـه رثاء والكـل شارك بالأحـزان *** عبـر الـوسايل نرسل الشعـر بجهـاز عبّرت عـن مكـنـون فكـري بقيفـان *** وسجلت منظومي من الشعر بأيجاز قال عبدالله بن دهيمش بن عبار هذه الأبيات رثاء بالشيخ أورنس بن متعب الهذال رحمه الله محافظ نخيب بالعراق الذي فجر قصره من قبل عصابات الغدر والخيانة الدواعش : جاني خبر من هوله الراس دايخ *** فجـر سموع اللي آذانه مصاميخ الـلـه حسيب السافلين الـوصـايخ *** الـزمره الـلي مابهـم مخ ومخيخ جـرح الضماير ما تـفيده صبايخ *** يغور بالمهجه مثل حامي الصيخ ليت الفناء لأهـل القلوب الدرايخ *** أهـل التكبّـر والنفـوس المـزابيخ خطـو الـذي لمعورج الهرج لايخ *** اللي عن الجزله عيونه مفاضيخ لـو الخـبـر جانـا عـلى موت بايخ *** مـاهمنـا فـقـد الـرخـوم المتاويخ لاشك مات اللي على المجـد نايخ *** بالطيب يصعد عاليات الشواميخ أورنس بن متعـب حفيد المشايخ *** النـادر الـلي عقبّه شيخ من شيخ يا حيف قصر العـز حيطه شلايخ *** مضيف أخـو بـتـلا تحطم بتفخيخ مضيفهـم مـاهـو مضيـف الكلايخ *** ديوان ذربين الشيوخ الطخاطيخ ساسه مثبـت داخـل القـاع صايخ *** مضيف اللي لجدود جـده تواريخ غلطان الـلي لخوان بـتـلا يشايخ *** مامنهم اللي طوخ الراس تطويخ لاجـن هجـافـا والسفايف طـرايخ *** من جودهـم تتعب يدين الطبابيخ على الصياني صاخن الـزاد فايخ *** وتبرك عـليه الـلي ذراها منافيخ وان صار لحراب الشلافي نجايخ *** سيف أخو بتلا يبتخ العنق تبتيح الحـر مـا صيـده جـراد وجخـايـخ *** والنمر ما راعه صوافر وتكخيخ قال عبدالله بن دهيمش بن عبار العنزي هذه القصيدة بمناسبة الحفل الذي أقامه الرجل الفاضل المقدّم علي بن كريّم بن طواري في حايل على شرف الشيخ مسلط بن زبن بن محروت الهذال أحد أنجال شيخ مشائخ قبيلة عنزة : للمنتـوي بـعـد المسافات مـا أيـعـيـق *** الـدّرب سـهـل ويسلـكـه كـل سـايـق دعـانـي الـلـي والـده حـزّت الـضيـق *** يلجـالـه الـلي مـن زمـانـه تـضـايـق مـن جـاه مـا يـاجـد أبـوابـه مغـاليـق *** سـفـر الـمـحـيـا دوم والـفـكـر رايـق أبـن طـواري حـقـق القـصـد تحـقيـق *** يـوم عـنـزة تـطلـب كـفيـل البطايـق أقـولـهـا ولا الـفـّق الـهـرج تـلـفـيـق *** مدحي لأبـو نـواف صـدق وحقايـق أقـولـهـا وأدعـي لـنـجـلـه بـتـوفـيـق *** عـلـي عـسى يـرعـاه رب الـخـلايـق دعـى ولـبـّى دعـوتـه خـلفـة الـبـيـق *** مسلـط مـن إحـفـاد الشيوخ العتايـق أبـن زبـن ربـعـه لـشـوفـه مشافـيـق *** الـكـل مـتـشـوّق لـشـوفـه وشـايـــق شيخ عنـزه مـا فـرّق الشمل تفريـق *** عسى الـولـي يحميه مـن كـل عايـق الشامـخ الـلي قـامتـه تشبـه طـويـق *** شيخ الشيوخ الـلي بـه المـدح لايـق أبـو فـهـد مــا دنّـق الـراس تـدنـيـق *** يـبعـد اشبوحـه فـوق والفعـل فـايـق فـاز وتـفـوّق طـايـل الـبـاع تـفـويــق *** سـاس الـعـلـوم جـلالـهـا والـدقايـق أجهـد ونسّق صـايـب الـراي تنسيق *** حيثـه عـلى أوضاع القبيلـه تهايـق وأن طاح ستر البيت يحتـاج ترويـق *** حـيـث الأخـلـه تـشبـكـه بـالشـقـايـق وكان المنيب لكايد الحمل مـا أيطيـق *** شـال الحـمـول الباهضه والـوسايق مـثـل القـطـامي مـا تعـوقـه مسابيق *** الـنـادر الـصـاروم لـلـصـيـد تـــايــق نسـل المحّـزم لا نشّف ذابـل الـريـق *** تصبح معه عصم الشوارب عـلايـق أخـوان بـتـلا حـافـظـيـن الـمـواثـيـق *** مـابـه مــن الـهــذّال غــادر وبـايــق ومـا عـقـبـه هـذال مـتواضـع وليـق *** ونـفسـه عـفـيفـه مـا يـدور اللقـّايـق وصـدورهـم بالسـر مـثـل الصناديـق *** مـاهـم مـن أهـل الثـرثـرة والهلايـق الصيت عـلمه شاع غرب وتشاريق *** وتـشهـد سجـلات الـدول والـوثـايـق هـم ريف من قـلّـت عـليـه المرازيق *** ومـلاذ مـن شـاهـد زمـانـه يـوايـــق وأن حـلـوا بـديـره حـزوم وصعافيق *** لا جـولـهـا الـهـذّال صـارت حـدايـق لـهـم الفخـر يـوم اليمـاني مطـالـيـق *** ولهـم عـلى كسـب النـفايـل طـرايـق مـرويـن لـدنـات الـرمـاح المـزاريـق *** الـيـا تـنـاخـوا دون شـقـح الأنـايــق قطعـانهـم بالـريـف ترعى الـزماليـق *** بيـن الحـمـاد وبـيـن زور الحـوايـق عـاداتهـم ردع العـصـاه المـطـافـيـق *** والــلـي غـزاهـم عـاد لـلـسّـم ذايــق كم شيخ لابـه عافهم عـقـب مـا سيق *** بـعـود القـنـا والمـرهـفات الـرقايـق وكـم عـايـل خـلـوه مـن غـيّـه أيفيـق *** كـن بـضمـيـره مـوقـدات الـحـرايـق مهما مدحت لوصف الأجواد ماطيـق *** وأرجـو السّمـاح وللقـوافـي لحايـق وهذه القصيدة من شعر عبدالله بن دهيمش بن عبار العنزي بمناسبة تكريم الشيخ مسلط بن زبن بن محروت الهذال من قبل الرجل الفاضل محمد بن صالح بن معتق الشملاني في قرية قليب الترمس بالقصيم : يـا حـي شـيـخ لـه كـرامـه وتـبـجـيـل *** عـند الشملان أهـل الفعـال الجزايـل في بـيت أبن معـتـق تطيـب التعـاليـل *** بـوجـود أخـو بـتـلا كـريـم السبـايـل أبـو فـهـد يـغـلـونـه الـربّـع بـالحـيـل *** حيثـه من الشيخان بـيـض الفـوايـل أبـي أمـدحه مـاهـو تـمـلّـق وتضليـل *** ولا درت مـن شعـر المدايح وسايـل مـا يـرفـع الطـامـن مهايـط وتطبـيـل *** ولا يـطـمـن الـعـالـي كـلام الـرذايــل المـدح مـا يـزهى العفـون الدعابيـل *** كـبـار النفـوس أهـل اليدين البخايـل الـمـدح يـزهـى لـلـرجـال الـبـهـالـيـل *** بهـم الحجـأ حـزّت تضيـق المحايـل أمـدح مـنـاعـيـر الـقـروم المشاكـيـل *** أقــولـهـا وأفــخـر بـكـل الـحـمـايــل أمـدح جنـاب الشيخ قـرم الرجاجيـل *** مسلـط نـسـل شيـخٍ يـقـود الـقـبـايـل زبـن الحريج الـلي جـرالـه غـرابيـل *** مـثـل البلـيهي لأثـقـل الحـمـل شايـل ما شيخت الهـذال بـس لضنا سهيـل *** لاشــك شـيخـتهـم عـلـى أولاد وايـل شيـخ الشيـوخ مخصصّـه للهـذاليـل *** لقـب عـلى الـلي يـدركـون الجـمايـل هـذال هـو شيخ الشيوخ الحـلاحـيـل *** نــال الـلـقّـب والـشـيـخ لـلـعـز نـايـل نـال اللقـب هـذال من ماضي الجـيـل *** وأنـجـب مشايـخ طـيـبـيـن الفـعـايـل صـفـوة نـوادر يـكـرهـون الأبـاطـيـل *** امـثـالـهـم بـيـن الـمـشـايـخ قـلايــل مـن نسل عبدالله ومـن نسـل منـديـل *** شيخـة فعـل مـا جـت لهـم بالتحايـل شيخان من قـدم العصور المسامـيـل *** بسيـوفهـم يرعـون ريـف الخـمـايـل مـن ديـرة الشنبـل الـى ديـرة ثـمـيـل *** ومن ديـرة الجوبه إلى حدود حـايـل وأن حل ضرب المرهفات المصاقيـل *** يـوم القـبـايـل بـيـن جـايـل وصـايـل طعناتهـم تـشـفي القـلـوب المغـالـيـل *** ضـد العـدى بالمـعـضـلات الهـوايـل وإلـى حصـل يـوم نهـاره تـقـل لـيـل *** وحـمي الوطيس وثـار ملـح الفتايـل كان انتخوا بتلا ولاحوا عـلى الخيـل *** صارت عـلى جـمع المعادي سحايـل أمـا الكـرم وقـت السنيـن الممـاحيـل *** هـم ريف من غاله من الجوع غايـل مـا وفـروا غـلاّت جـني المحـاصيـل *** ريـف الهجافـا والضعـوف الهـزايـل بصحونهـم يـردم عصيب المهاجيـل *** وحـدره مـن الـتّـمـن سـوات النثايـل أهـل الصّخى ريـف البداه الهواشيـل *** خـيـراتهـم عـاشـت عـليهـا عـوايـل سجّـل فـخـرهـم بالـدياويـن تسجيـل *** ولـهـم بـسجـلات المفـاخـر سجـايـل قال : عبدالله بن دهيمش بن عبار الفدعاني العنزي هذه القصيدة يسند على الشيخ جدعان بن زبن بن محروت الهذال أحد أنجال شيخ مشايخ قبيلة عنزة : أسنـدت منظـومي لـصفـوة كحـيـلان *** جدعان نسل الشيخ محمود الأفعـال حيثـه شجاع ومـن مواريث شجعـان *** عـاداتـهـم يـثـنـون كـان أدبـر الـذال وأن أنـتـخـوا بـتـلا بحـزات الأكـوان *** وحمي الوطيس وصار للخيل زلزال بالـكـون يسقـون العـدا سـم ثـعـبـان *** وبـيوتـهـم للجـار والضيـف مـدهـال كـل الثناء لأهـل الفضايل والإحسان *** الـلـي بـحـزات الـقـصـا تـبـذل المـال ولا تاجد الـلي حصّل المجـد مـجّـان **** لاشـك مـن دار الـعـلا يجهـد الحـال يــوم الجـفـا لهـم مضايـف وديـوان *** فرحت ضمير الـلي حداه أشهب اللال مـضـايـفٍ يـشـبع بـهـا كـل جـيـعـان *** يـوم الـبـداوى مـا تـجـد كـيـل تكتـال فيها عصيب الحيل وفطـاح خـرفـان *** وفـيـهـا روايـح فـايـح الـبـن بـــدلال وفيها سوالـف مـن مهاريج شيبـان *** يصـغـي لهـرجـتهـم مسنيـن وعـيـال جـدّه أخـو بـتـلا ســلايـل عـديـنـــان *** شـيـخ الـمشايـخ مـن قـديـم ولا زال شيخ عـنـزة تتليـه دكـلات الأضعـان *** قـايـد جـحـافـل بـيـن رجـلي وخـيـال مجـده تسلسل مـن جـعـيثن لحبـلان *** أبطال نسل أبطـال من تـرثـت أبطـال شيخان وايـل مـن منـاسيب شيخـان *** شيخه مـن الـوالـد تعـقّـب لـلأنـجـال شيخ الشيوخ الوايلي ذرب الأيمـان *** الليث الأروع بالعـرين أنجـب أشبـال قلته واللي من مدح الأجواد زعـلان *** يضرب براسه ما تطرّف مـن الجـال يا أبن زبن مشكور يالشيخ جـدعـان *** ما هي غـريبـه منك وأنت أبن هذّال ثمنـت جهـدي فـي تشّكـر وعـرفـان *** ومن لا عمل معروف للمدح مـا نـال تـشيـد بالمـجهـود يـا عـالـي الشـان *** يـوم أنكروا مجهودنا بعـض الأنـذال يـالـوايـلـي لا هـنـت يـفـداك كـوبـان *** الـلي جـداه الـقـول والـقـيـل والـقـال يا شيخ يا خلفـت مـدابـيس الأكـوان *** بـك يعتدل كـان أنـعـوج شايـن الفـال الـلي مـرامـه يـودع الـربـع عـدوان *** يشضى الشمل بتصرفاته والأعـمـال خطو الـذي قلبـه من الحقـد مرضان *** وسـط المجـالـس مـلسنـه تـقـل دلاّل يرمي عـبـاريـده عـلى غـيـر نيشان *** ويغـتـر بـه مـن سايـر النـاس جهّـال الـيــا بــدأ لازم دوانـيــه مــا بـــــان *** لكـن بـحـزات الفـضـا خـوش رجـّال وضحّـت للـويـلان عـن كـل مـا كـان *** وسجلت ماضي مجدهم عبر الأجيال مصـادر التاريخ مـن عصر عـدنـان *** تـروي قـديـمـات الفضـايـل والأنـفـال سجـلـت واقـع دون زايـد ونـقـصـان *** بأمجـاد لابـه شامـخـه كـنـهـا جـبـال مجـد عـنـزة مذكور في كـل الأحيـان *** مبطي لهـم في عـالي المجـد منـزال مـن يـوم كـانـوا بالمـجـازه ومـاوان *** حـتى ضعنهم مـن بـلـد جـدهـم شـال عـيـن التمـر لـهـم مـرابـع ومسكـان *** ومـن بعدها خيبـر وهـذيـك الأطـلال ورديت عن هرج الخطأ كل غـلطـان *** ولانـي مـجـامـل كـل هـايـف ودجّـال والحمـد للرحمن لـي قـلـب والسـان *** لاشـك مـا ودي تـشـاحـن ولا جــدال ألا الـيـا زادوا تـمـادي وطـغـيـــــان *** عـنـدي حقـايـق دامغـه تردع الضـال وقال عبدالله بن دهيمش بن عبار هذه القصيدة يسند على الشيخ جدعان أبن زبن بن محروت الهذال أحد أنجال شيخ مشايخ عنزة حيث أنه من الذين يثمنون جهدي لقبيلة عنزة بعكس بعض الذين يجحدون : يـا الـلـه يا محيـي العـظـام الـرمايـم *** يالـواحـد الفـرد الصمـد حـي قـيـوم يـا رب يـا مـجـري هـبـوب النسايـم *** يامنـزل السحـب الثقيله من غـيـوم يـا مـوفـّر ارزاق البشـر والبـهـايـم *** قـدّرت لعبـادك مـن الـرزق مقسـوم أدعـوك بأسـمـاك الجـلال العـظـايـم *** يامن خلقـت مـن العـدم كـل مـعـدوم أدعـي بـدعـوة كـل خـاشع وصـايـم *** والـلي تهجد بالـدجى هجعت القـوم بـك يستغـيـث الـيـا هـجـد كـل نـايـم *** يدعـي وعـينـه حاربـت لـذّت النـوم نـعـوذ بـك مـن كـل ظـيـم وهـضايـم *** يامن فـرجـت لكـل محـرج ومكلـوم طـالبـك تنصفـني مـن أهـل الظـلايـم *** يا مجيب دعـوة بالمـلأ كـل مظلـوم الظـلـم ظـلـمـا ومـن كـبـار الجـرايـم *** والـلـه جعـل عـقـوبـة الظلـم زقّـوم الظـلّـم يـرمـي صـاحـبـه بالجـحـايـم *** عن حـامي اللاّهـب تظلّـل بيحمـوم لا صـارت الأجـسـاد تـحـت الـردايـم *** مـا قـيـل للظالـم محـالـل ومـرحـوم بالموقـف الـلي بـه تشيـب الـلّـمـايـم *** الـرب يقضي بـيـن حاكـم ومحكـوم دام الـحـكـم بـالـعـدل والشـرع قـايـم *** كلي أمـل ماني من الحـق مـحـروم الشرع مـن هـدي النـبي لـه دعـايـم *** والـحـاكـم الـعـادل أقـره بـمـرسـوم الـوضـع فـي حـكـم الـعـدالـه مـلايـم *** بالحـق ما أظن البـري صار متهوم ومن بـاع حظّـه بـيـن بايـع وسـايـم *** يـزداد كيـد من أهـل البغي مـدعـوم يـقـدح ومـنـطـوقـة لـعـان وشـتـايـم *** أسبابهـا قـلبـه مـن الحقـد مسمـوم الـلـي بـهـرج الـزور شـامـت ولايـم *** يـدور بالصاحـب نقيصـه ومـثـلـوم مـا يـدوّر الـغـرّات كـود الـهـلايــــم *** ولا يفعـل الهـزلـه صنـاديـد وقـروم الـلـه حسيـب الـلي جـداه الـنـمـايـم *** مهـمتـه بـيـن العـرب يـنـقـل عـلـوم الـلي عـن المـاجـوب والحـق نـايـم *** يكتـب ولا عـنـده من العـلـم معـلـوم حـتى الرضيع الـلي عـليـه التمـايـم *** يـبي الحقايق ما يـبي قـول مزعـوم ركـّزت لأنـسـاب الـقـبـيـلـة رسـايـم *** وانـا بشـر ماني عن العيب معصوم نـكـتـب حـقـايـق مـا نـوهـم وهـايـم *** ولا يـغـيّـر الـواقـع تواقـيع وخـتـوم أسـم عـنـزة عبـر العصـور القـدايـم *** سجـل بتاريخ العـرب ليـس مكتـوم لـهــم مـعـالـم بـالـديـار وعــلايـــــم *** بالحـرّة السـمـرا مـراسيـم ورسـوم مـا تنجحـد يا أهـل القلـوب الفهـايـم *** لاشك قصـد مـزوّر الأصـل مفهـوم هـرج الـمـزوّر نـجـدعـه بـالـقـمايـم *** مـالـه سـنـد كـلّـه خـيـالات وحـلـوم مـجـد عـنـزة من فـوق نجم النعايـم *** ولا يختلـف بنسابهـم كـود مـنـجـوم عـزوة ضـنـا عـنّـاز مـاهـم خـمـايـم *** لهـم بفعـل الطيـب عـادات وسـلـوم أولاد وايــل يـتـعــبــون الـهــمـايــم *** عـز الخـوي والجـار ذبـاحت الكـوم أولاد وايــل يــوم جــدع الـعــمـايــم *** أفعالهـم تشهـد لهـا الفرس والروم كـان اعـتـلـوا بكـوار عـوج القـوايـم *** باجوا من البيداء رهاريه وحـزوم عـوق الـذي لـلـشّـر راغـب ورايـــم *** يقـفي ذليـل مخـبـّث البـال مهـمـوم ضـد الـذي كـبـده بـهـا الـمـر زايـــم *** وردع العنيد الـلي تجبّـر من الـزوم يـوم المـغـازي يـكسـبـون الـغـنـايـم *** عـدوهـم يرجع من الغـلب مصـدوم مدحي لهـم مـا هـو حسوف ونـدايـم *** مـن فـن قافي سجل الفكـر منظـوم وأسنـد عـلى نسل الشيوخ الحشايـم *** الشيـخ الـلـي جـدّه لـعـنّـاز زيـزوم جـدعـان نجـل الشيخ للطيـب شـايـم *** عـليـه يسنـد كـل مـن كـان مـلـزوم شيـخ الشيوخ لمـركـز المجـد هـايـم *** الوايـلي منعـور من عـقـب شغموم كالحـيـد يـذري عن لهـوب السمايـم *** هـجـيـر وأيـامـه نحيسات وحسـوم مثـل المحيط الـلي بـه المـوج عـايـم *** اليـا طـمى يـقشع دراكيـل وعـقـوم تـرثـت مـشـايـخ تـدرك الـنـعـم دايـم *** مشايخ الـويـلان بـالأمـس والـيـوم بـربـاعـهـم يـلـقـا الـمـسـّيـر ولايـــم *** وكـيـف الرجـال مفـوّحينـه بقمقوم هـذال ريـف أهـل الـركـاب الوخـايـم *** منصى الوفود اليـا هبـأ كـل مكعوم أخـوان بـتـلا بـالـمـراجـل عـدايـــــم *** زبـن الـدخـيـل وملتجـأ كـل مظيـوم ودنيـاك هـذي بـيـن نـصـر وهـزايـم *** هــذا بـهــا هــازم وهـذاك مـهـزوم دنـيـا الشـقـا تـرمـي قـوي الـعـزايـم *** يا كثـر الـلي من جور دنياه مغموم والحـر الـلي يرمي جـزيـل الحـوايـم *** فرخ الصوارم ما يشبّه على البوم نـوادر صـقـور الـحـرار الـصـرايـــم *** مـا طالهـا تشبيه سمقـان ورخـوم وزعّـت لشخـوص القـبـيـلـة قـسايـم *** أقـولـهـا ولا هـمـنـي كــل مـذمـوم وقال عبدالله بن دهيمش بن عبار هذه القصيدة يثني على الشيخ جدعان أبن زبن الهذال حيث كان له موقف مشرف للقبيلة وقلت: المهـونـه تعـتبـر غـلـب وهـزيـمـه *** والمعين الـلـه اليـا صارت مطمّـه بالـولي نـعـوذ مـن شـر الجـريـمـه *** ونطلـب الرحمن يجـلي كـل غـمّـه عاش أبن زبـن عسى ربـي يديمـه *** شيخـنـا جـدعـان وقـفـاتـه مهـمّـه شيخ نسل شيوخ به عـفّـه وشيمه *** وان تـفــوّه بـالـوعـد لازم يـتـمّــه أبـو ثـامـر لـه مـع الـويـلان قـيمـه *** النبـيـل الـلي شمـل ربـعـه يـلـمّـه بالكـرم معـروف واكفوفه كـريـمـه *** عـز نـفس وجود والأخـلاق قـمّـه نـعـم فـي جـدعـان قـوي العـزيـمـه *** بالمراجل فيـه عـزم وفـيـه هـمّـه شيخنـا المحبوب غـايـاتـه سليـمـه *** حب عنزة عـزوتـه يجـري بـدمّـه يـوم خطو اللاّش ما فارق حريـمـه *** له شخير وحط راسه وسط كمّـه أبـو ثـامـر عـادتـه حـث الهـمـيـمـه *** لأجـل ربعـه يـتجـه فـي كـل يـمّـه مقصده يرفع عـن الربع الهضيمه *** عـزوتـه موضوعهـم لازم يهـمّـه تـرثـت شيـوخ فـعـايـلـهـم قـديـمـه *** عـز وايـل بالسنيـن الـمـدلـهـمّــه أخـو بـتـلا شيـخ عـنـاز وزعيـمـه *** ولا يقيف الوايلي دون أبن عـمـّه أخـو بـتـلا لـه وقـار ولـه حشيمـه *** أفتخـر بالشيخ وأشتم مـن يـذمّـه عسى يفـدا الوايلي خطـو اللخيمـه *** الـلي يفخر بالجدود وهـو مـقـّمـه يمتـدح والـنـاس بأفعـالـه عـليـمـه *** ومن عمل معروف ينفـاه ويـدمّـه حاشيته أهل الرياء وأهـل النميمـه *** وكل سافل مجلس الخايب يضمّه الكبـر يـرسم عـلى وجهـه وسيمـه *** مثل الأرقـط يصطلق بالناب سمّه ما كسب طولـه ولا حـاش الغنيمـه *** ولا مـنع شـرّه عسى بقعـا تخّمـه وقال عبدالله بن دهيمش بن عبار العنزي هذه القصيدة يعتذر من الشيخ جدعان بن زبن الهذال عندما أصر أن يقيم حفل تكريم له بالكويت وبعد أن وصلته هذه الأبيات سمح عن اقامة الحفل مشكوراً : يوم أنت يا شيخ المشايخ توضح لي *** لي الشرف لا قـلـت جدعان كلمني تبغي من العيت والحشوان تذبح لي *** كيف أتعـذّر وأبن الأجـواد عازمني لاشـك باغـيـك تعـذرني وتسمح لـي *** جـمالتـك وصلـت وعـدّك مكـرمـني يا شيخ عند الردي ما انوخ الرحّلي *** لاشـك الـلي مثلـك سنافي يحشمّني العـاقـل يـثمـن جهـودي ويشبح لـي *** بشعـوره يشجّع وبالفكـر يـدعـمني مـادام شـرواك يشكـرني ويمـدحـني *** يا شيخ ما هـمني من كان يظلمني أخـوان بـتلا ما غشى قلوبهم دحلي *** أمدحهم ولا أحـدٍ من الناس لايمني تاريخهم عن سابق العهـد يشرح لي *** بمجادهم بيض الصحايف تعلمني وختاماً تقبلوا تحيات عبدالله بن دهيمش بن عبار الفدعاني العنزي التعديل الأخير تم بواسطة عبدالله بن عبار ; 07-11-2023 الساعة 05:25 AM |
|
|
|
«
الموضوع السابق
|
الموضوع التالي
»
|
|
|
|
|||||||||||||||||||||||||||||||||||
|
|||||||||||||||||||||||||||||||||||||
|
|
|
|
|||||||||||||||||||||||||||||||||||
| أدوات الموضوع | |
| انواع عرض الموضوع | |
العرض العادي
|
|
الساعة الآن 08:38 AM.
 |
|
 |
