مشاعر شاعر في رثاء فقيد الأمتين العربية والإسلامية خادم الحرمين الشريفين الملك عبدالله بن عبد العزيز آل سعود غفر الله له وأسكنه فسيح جنّاته

قال عبدالله بن دهيمش بن عبار العنزي هذه القصيدة رثاء بفقيد الأمة العربية والإسلاميه الملك عبدالله بن عبدالعزيز طيّب الله ثراه :

من حـان يـومه ما يفيـده طبيبـه *** ولا أحـد يـردّه يـوم تـأتي اسبابه
سـهـم المنـايـا كـل حـي يصيـبـه *** ولا يوم عاد اللي تنوشه حـرابـه
ومـا قـدّر الرحمن مـابـه غـليبـه *** ماحاد عنه المصطفى والصحابه
يا الـلـه يالـلي الكون تعلـم بغيبه *** يا منزل الماء من غمام السحابه
تغـفـر لمن فـقـده عـلينـا مصيبه *** يا رب تـجـعـل فـي يمينـه كتـابـه
عاهلنا أبو متعب عسى الله يثيبه *** عسى ولي العـرش يجزل ثوابـه
عساه يسكـن بالجـنـان الـرحيبـه *** يافـارج الشـدات خـفـف حسابـه
الـيـوم كـل الشعـب يـنعى حبيبـه *** الكـل منهـم جـايح الحزن صابـه
حـزت لفانا العـلم ساعـه رهيبـه *** شعب الجزيره يجبـر الله انصابه
شعبه من الحرقه جروحه عطيبه *** مـاحـد يلـومـه لـو يشلّق ثيـابـه
مـالـوم قـلـب الـلي تـزاود نحيبـه *** عـبّـر بالـلي كنّه ضميره وجابه
على الذي ما يـوم بـار بصحيبـه *** الـلي جـمع عـفه ولطف وحبابـه
العاهـل المحبوب مـا داس ريبـه *** يطمع بعفو الـلـه ويخشى عذابه
نبت على الأنصاف والعدل شيبه *** عـدل المناهج مـن بـدايـة شبابه
الحاكم الـلي يشكر الشعب طيبـه *** ذخـر المواطن بالفخـر يقـتـدابـه
والـلـي يجـيـه بمجلسه يحتفيبـه *** عنده جميع الشعب مثل القـرابـه
حـلال عسرات الأمـور الصعـيبه *** تخضع له الشجعان قدر ومهابه
الـوايـلي نسـل الجـدود العـريـبه *** مـا زال نذكـر بالمنـابـر خـطـابـه
مادامكم في خـيـر ماهي غـريبـه *** يقـولـهـا لشعـبه ويشكـر جنـابـه
عقب الفجيعه بالظروف العصيبه *** سلمان في وقت الحرج يعتزابه
خليفـته سلـمـان شعـبـه رضيبـه *** الكـل فـي سلمان يـبـدي اعجابـه
الجود طبعـه والفخـر من نصيبه *** والطيب سلمه والصخى يلتقابـه
سلـمـان بالقـالات يفـلج طـليـبـه *** من صغر سنّه بـه نبوغ ونجابـه
ومقرن شبيه السيف ما ينهويبه *** عز الوطن ماخاب من هو هقابه
الحـر الأشقـر مـاكـرّه بالجـذيـبه *** راس الجبل يصعد معالي هضابه
والنـايـب الثـاني يمينـه عـطيـبـه *** ضد الـذي أمن المواطن عـثابـه
من عال أبن نايف محمد حسيبه *** وضع عـلى كـل الـدوايـر رقـابـه
نسل الزعيم اللي يضادد حريبـه *** عبدالعـزيـز الليـث يـوم المجابـه
حـد الوطن عـذّي جوانب شعيبه *** صنديد ما يقـرب خصيمه لغـابـه
المقرني من ساس عزوه صليبه *** مـن لابـة آل سعـود يا نعـم لابـه
وعند الختام القول نرسل نـديبـه *** فيض المشاعـر نرسلـه بالنيابـه

صح لسانك يابومشعل على هذه الأبيات المعبرة عن صدق المشاعر فى رثاء خادم الحرمين الملك عبدالله بن عبدالعزيز رحمه الله ولاشك أن فقده سوف يترك جرح فى النفوس لكنها سنة الله فى خلقه والعوض إن شاء الله فى أشقائه وأبناء إخوته وسائر الأسرة الكريمة والتفاف الشعب السعودي الوفى حول قيادته والإتفاق حولها والخير باقِ فى هذه الأسرة الى ماشاء الله مادام عزهم بالإسلام أولاَ والتمسك بشريعة الله وسنة نبيه صلى الله عليه وسلم ونبذ ماعدا ذلك والله ناصر من ينصره ولو كره الكافرون

جزاك الله خير يا أبو مشاري ونسأل الله أن يتغمّده برحمته وغفرانه فقد عايشت سيرته منذ أن كان رئيس الحرس الوطني يدخل علينا في غرفة التدريب على أحد الأجهزة عندما كان المدارس العسكريه والفنية في أم الحمام وكان حليم وكريم ولم يغضب أحد من جنده ثم بعد أن تولّى المناصب كان رحمه الله يعطف على الأيتام وكبار السّن وأول قصيدة القيتها بحضرته هذه القصيدة وكنت حينها صغير سن ومستجد :

* وهذه القصيدة بخادم الحرمين الشريفين الملك عبدالله بن عبدالعزيز آل سعود حفظه الله في حفل مدارس الحرس الوطني عام 1387هـ وكان في ذلك الوقت رئيس الحرس الوطني فقط شعر عبدالله ابن دهيمش بن عبار :
منـظـومـنـا بسـم الكـريـم اسـتهـلـه *** عـلام مـكـنـون الخـفـاء والبـيـانـي
رب المـلأ مجـري الـفـلـك والأهـلـه *** مـولاي غــيـره مـا لـنـا رب ثـانـي
تسجـد لـه المخلـوق تطلب ارضلـه *** يـبـقـا ولـي الكـون والـكـون فـانـي
بسـم الـولـي خـط الـقـلم بالـسجـلـه *** مافاض به صدري نطق به لساني
يا مـرحـبـا بالـلي المشـاكـل يـحـلـه *** الليـث أبـو متعــب قـوي الجـنـانـي
عـاش أبـو متعـب للمعـاديـن عـلّـه *** عـبـدالـلـه الصنـديـد ليث الطعـانـي
سيـفٍ عـلى العـدوان يعجبك سـلـه *** فــتـاك يــفـتـك بـالـعـدو بالـكـوانـي
جيش الحرس عـزه وجهـده بـذلـه *** وكـل شي مـن فضله تكوّن وكـانـي
جيش الحرس يـوم اللقـاء مدربلـه *** مـتـجـهـز ويحـمي حـدود الوطانـي
يمـشي بومـرت حـايـز المجـد كـلـه *** الفـيصـلي ريـف الـوفـود العـوانـي
مـا خـاب شعـب الفيصلي حـاكمـلـه *** فيصل ذرانـا الـلي لشعـبه ضمانـي
مـن لاذ بـه مـا يشكي الظيـم ل للـه *** قـصـر المـعــزه فـاق كـل المبـانـي
وأشـبـال مـقـرن عـزوتـه لا بـتـلـه *** دايـم عـل جـل المصاعـب اعـوانـي
تـاريـخـهـم مجـد الـفخـر شـاهـدلـه *** ريف الضعيف اللي حـداه الزمانـي
عــدوهــم دايــم بــقـهــر ومــذلـــه *** وصديقهـم نـال الـفـرح والـتهـانـي
والـلي تـجـاهـل فـعــلـهـم مـا يـدلـه *** لا بـد يسـمـع صـيـتـهـم بـالأ ذانـي
والديـرة الـلي مـن العـدو مستحـلـه *** صاحـت وقـالـت ما جرالي كفـانـي
يا حـيـف آسرها العـدو عـقب خـلـة *** قـامـت تـنـادي ولـوحـت بالردانـي
مـثـل الهنـوف الـلي تـنقـض اقـذلـه *** مـصـيـونـةٍ مـا مسـهـا مـودمـانـي
لا بــد تـصـبـح دولـةٍ مـسـتــقــلــــه *** جاها الفرج والوقت قّـرب وحانـي
نـصـرٍ مـن الـلـه وأمـرنـا راجعــلـه *** ديـن الـهـدى يغـلب جميع الديانـي
وارجـو السموحة كان بالقـول زلـه *** ولا خـيـر فـي هـرجٍ بـلـيـا معـانـي
وصـلـوا عـلى الـلي للبشـر مرسلله *** الـمصطفى حـطـم جميع الوثـانـي