وقال الشاعـر سعود بن ضفيدع الجعفري هذا المقطع من قصيدة :
مـنـصـاه يـم الـوايـلـي قـرم الأولاد *** لجل الرسالة حرك الجمس ناصيه
يـا مـرحبـا ترحيـب والـي بالأحفـاد *** عـقـب البطـأ بشر بشوفـة ابـانيـه
يـا مـرحـبـا بـعــداد مـا هــل رعــاد *** وأعـداد ما هـل المطر من مناشيه
في خط أبن عـبـار عـريـب الأجـداد *** الـوايـلـي راس الـعـلا دوم راقـيـه
يـوم لـفـاني خـطـكـم مـثـل الأعـيـاد *** فــزيــت لــه فــزت مـودٍ لـغـالـيـه
خـط الرفيق اللي كسب كل الأمجـاد *** ريـف الذي ضاقت عليه المناويـه
يا القـرم يا حلال عسـرات الأعـقـاد *** العـذر نـقـبـل بـه ورضاك نشريـه
عسى الـذي شرواك دايـم بالأوجـاد *** اللي يحـب الطيب والطيب زاهيـه
ولا الـردي عـنـد الصعيبات مـا فـاد *** وأنـا معـك يـا قـرم الأولاد نـافـيـه
الطيـب مـا يقـواه لـو بـالجهـد جـاد *** حيثـه عن الطولات تقصر مداليـه
مـثـل الـثعـل حـيـال مـا هـو بصيّـاد *** شيـن الطبـايع بـالـرذيلـه مماشيـه
ممشـاه بالـنمـة ويخـلـف بـالأوعـاد *** ويجيب هـرجت ذاك وهـذا يوديـه
ما ينفعـه لـو كـان من ترثت أجـواد *** يطيع شور إبليس وإبليس مغويه
اهل الخـزا وأهل الضغينة والأحقاد *** من قرب للجرب على الحول يعديه
الطيب يا أهـل الطيـب مرقـاه بنكـاد *** ولا الردى ما هي عسيره مراقيـه
عـسـاك دايـم يـالـمعـنى لـنـا أسنـاد *** ونـلـقـاك دايـم بالمحـل يـوم نأتيـه
ودنياك هـذي بـيـن حـاسـد وحسّـاد *** واللي شكيتـه غالب الناس يشكيه
أنـت الـذي لـلـمـرتـفـع دوم صـعـاد *** وأطلعت كنـز بالـي العهـد مخـفيـه
تـاريـخ للأمجـاد لـو عـصـرهـا بـاد *** نفخـر بطاري فعـلهـم يـوم نوحيـه
لـو كان واضح فعلهم فوق الأشهاد *** طول الزمن يا كامن العرف مفنيه
وقال أيضاً الشاعر سعود بن ضفيدع هذا المقطع من قصيدة :
ملفاك بيـت الـوايـلي ذرب الأيمـان *** عـز الرفيق إلى اشتكا مـن غثـاهـا
نعم بأبو مشعل حوى الطيب وكدان *** القـرم الـلي طيـب العوايـد حواهـا
عـبـدالـلـه الـلي بالـلـوازم كحيـلان *** لـه منـزلـه بالطيـب مبـطي بـنـاهـا
يفرح إلى جولـه مع الليـل ضيفـان *** وقـولـت هـلا قبـل المعـرفـة بداهـا
أمدحك يالمنعـور في سـر وأعـلان *** يالـلي لفعـل الطيـب نـفسه هـيـاهـا
سبـب مديحي فيـك يالقـرم عجبـان *** مـا أدور بـلغـه يـالسنـافـي وراهـا
ولا أنت طيبك واضح قـدم الأعيان *** من جاك بالمعـروف ياخـذ جـزاهـا
ساسك عريب ومن صناديـد ويلان *** عـز الـدخـيـل الملـتجي فـي ذراهـا
عـرينـك الـويـلان بالكـون شجعـان *** تقصر يميـن الـلي بحـربـه نـواهـا
ربعك اعزاز الجـار ضد الذي خـان *** مـن لابـة بالضيـق يـذري حجـاهـا
قـبـيـلـة بـيـن الـقـبـايـل لـهـم شـان *** يـرجـع ذليـل وخـايب مـن غـزاهـا
يرجع ذليل وطامن الراس وايهـان *** ويقصرعن الطولات من هو بغاها
قـولي صحيح ولـه ثمانيـن برهـان *** مـنـشـورة بـالـكـتـب كـلـن قـراهــا
مـثـايــل تـرويــه شـيــب لـشـبــان *** أهـل المكارم ريف من هـو نصاهـا
عـقبان تنجب مـن مجانيـه عقبـان *** عـقبـان تـنجـب بالمـواكـر احـلاهـا
يـوم أنهـا فـي دور طاعـن وطعـان *** فرسـان تـاخـذ حقهـا مـن اعـداهـا
تـركـب عـلى قـب تصاهـل بميـدان ***كـم عـقـلـة وردو مـقـاطـيـن مـاهـا
والمعذرة يا شوق مردوع الأوجان *** أهديك عذري سالف عـن خطاهـا
وأهديك معهـا مـا نظمتـه بشرطـان *** في صوتكـم أبغـاه يضهـر صداهـا
وقال الشاعر سعود بن ضفيدع بن محيميد الجعفري هذا المقطع من قصيدة
بحيث تصدى لرجل يخوض دون درايه يوضج الواقع فقال :
بعـده بديـت القـاف نكتـب بتـرتـيـل *** عبـر السطور أمثال فكري حشدها
سمعت كلمه من ختوش الرجاجيل *** الـلي تقـول القـول مـا أحـدٍ نشدهـا
ضعوف الرجال وباللوازم مهازيـل *** تقصر عن الطولات هافي سعـدهـا
غير الردى والشين مابـه محاصيل *** باللازمه خسران من هـو قصدهـا
يا شين وش عرضك لي يالمهيبيل *** قلـت الكـلام الـلي الضماير لهـدهـا
تشمت على منهج صدوق الدواليل *** تأليف من روس المعالي صعـدهـا
تأليف من حـاش الفخـر والتنافيـل *** عـذب المـنـاهـل مـن قـديـم وردهـا
مـواقـفـه تـبـري الكـبـود المغـاليـل *** ستر الهنوف الـلي تنقض جعـدهـا
ألـف كـتـابٍ فـيـه صـدق الأقـاويــل *** قـسـّم بـنـي وايـل وفـصّـل ابددهـا
أنساب وايـل مـن عصورٍ مساميـل *** بـوسط الكتـاب مـوضحٍ مستـندهـا
تاريخهتم مشهـور مـثـل القـنـاديـل *** هـزمٍ بعـيـن الـلي نفـاهـا وجحدهـا
حـنـا هـل الطولات جيل بأثـر جيـل *** واحقوقنـا ما أحدٍ لك الـلـه جحدهـا
وأن قـلـت قـلـنـا والليـالي مقـابيـل *** وعنـد الـولي طول العمار ومددهـا
أن كنت صاحي تفهم العلم واتشيل *** بـالـك تـكـرر منـك وأحـذر تـعـدهـا
لا تصير مثل اللي ذكر فيه ما قيـل *** سـوالـهـا جـنـحـان والـلـه قـردهــا
لـو أنت تفهم أنت مـا تـقبـل الميـل *** تحـمي حماهـا مـن بغيض حسدهـا
من كان مثلك يجهل الدرب وايعيل *** حـنـا عـمـى عـيـنـه وحـنـا رمـدهـا
تاريخـنـا معـروف مـابـه تجـاهـيـل *** شـف الجـقـايـق بالـدفـاتـر تجـدهـا
قال الشاعر سعود بن ضفيدع بن محيميد العنزي هذه الأبيات يسند على عبدالله بن دهيمش بن عبار :
يا أبن الرجال اللي بعيده هقاويـك ** أكـفـخ بجنحـان السعـد لا تـهيـبي
الـلـه يـعـزك ثـم يـخـذل مـعـاديــك ** كانه من أقصى الناس ولا قريبي
اللي يدس الراس وبالهرج ياذيـك ** عـلى الـرزالـه لحيته ليـن شيـبي
لا يهـز وجدانك ويضعف مـباديـك ** نبح الكلاب اللي بها الحقـد تيـبي
وقال الشاعـر مطني بن رسام الشمري رحمه الله هذا المقطع من قصيدة طويله
هي منوت الـلي منتوي لـه لديـره *** لشاعـر بـني وايـل تـقـدم سلامـي
تلـفـي لـحـر مـن حـرار الجـزيـره *** عـبـدالـلـه العـبـار مثـل القطـامـي
عـطـه الكتـاب وبلـغـه بالسـريـره *** وبـلغ سلامي مـع وقـار أحتـرامي
حيثـه فـهيـم وعـز مـن يستشيـره *** في مجلسه تلقـا الرجال الحشامي
الشـاعـر الـلي بالـمسجـل هـديـره *** مثـل البحـور اللي امواجه زوامي
مثـل البحـور الـزاميـات الغـزيـره *** ولا كمـا الهـداج عـذب الجـمـامـي
هداج ما يلادي الرسوس وحفيره *** لا زاد يلطـم فـوق هـدف المقامـي
يا الـلـه مـن شـر الليـالـي تجـيـره *** القـرم أبـو مشعـل بعـيـد العلامـي
مـن لابـة يـوم الـمـلاقـا ضـريــره *** أرواحـهـم يـوم الحـرايب عـدامـي
أولاد وايـل بـالـسيـوف الشطيـره *** ضرباتهـم تـفـرا اللحـم والعـظامي
كـم فارس هامـه ولا جاء صديره *** خـلي عشا للذيـب والطيـر حـامـي
عـدوهـم صابـه من الخوف ذيـره *** يسـري تـوالـي الليل بالأنهـزامـي
صـيـارم مـثـل الـحـرار الشـهيـره *** تلقـا لهـم عـنـد الرجال أحتـرامـي
ونعطيك من ساس الصداقه بريره *** ولا أنت سيـد المعرفـة والحكامي
وقال الشاعـر مطني بن رسام الشمري رحمه الله هذا المقطع أيضاً :
راكـب الـلـي بـعـيـد الـدار يــدنـنـه *** من عماق الركايب جيش أبن ثاني
الصبح مرن عـلى العـدوة وفاتـنـه *** جول ربـدٍ ذعرهـم شوف سرحاني
وأن زمـى حـيـدٍ بـعـيـدٍ تـغــارنـــه *** زمـالـهـن واحـدٍ بـنحـورهـن بانـي
عـقـبـن شـقـراء والـبــره تـعــدنـه *** روحـن كـنـهـن جـفــيـل غــزلانـي
يـلـفـن لـعـبـدالـلـه العـبـار لا جـنـه *** يـذبـح الـحـيـل للخـطـار وأسمـاني
كـنـه الـحـر الأشـقـر يـوم وصلـنـه *** نطحهـن بالتحـيـه طـيـر حـورانـي
عـاش ريـف الـركايـب كـان زارنـه *** يـذبح الحيـل لـو غـليت بالأثمانـي
دلـتـه فـوق جـمـرٍ وحـامـي بــنـــه *** والـمـعـامـيـل عــذيـات الألـوانـــي
بـالـمعـامـيـل أشـقـر الهـيـل صبنـه *** يتعـب الـلي يصبـه لـو معـه ثـانـي
ريـحـت الهـيـل بالـرسلان يـزهـنـه *** ريحـت العـنبـر الصافي وريحـاني
نـزه الأشنـاب والشينـات مـا جـنـه *** زاكي الأنسـاب مـن خـال وعمـاني
هـجـنـنـا يـم أبـو مـشـعـل تـنـصنـه *** مـن نـوادر حـرارٍ تـكـرم الـعـانــي
قـلـتـهـا بالحـمـايـل يـا أهـل السنـه *** وأذكـر الـلـه عـدد هـتاف الأمزاني
وقال فريح بن ضاهـر العبدلي هذا المقطع من قصيدة :
الـقـرم أبـن عـبـار قـرم الـعـيـالـي *** حـيثـه مجـرب باللـوازم ومبخـون
عـبـدالـلـه الـلي يستحـق المعـالـي *** الـوايـلي يحمـاه مـن يبـدع الكـون
أنا أشهـد أنـه مـن خيـار الرجـالي *** غصب عن الأعـدا وإبليس ملعون
من عـزوة الويلان حامي التـوالي *** يـوم القبايل بين طاعـن ومطعـون
أفـعـالـهـم مـبـطـي قــديـم وحـالـي *** مثل الذهب عن العذاريب مصيون
وقال فريح بن ضاهر العبدلي يسند أيضاً :
يحمـل جـواب مـن ضميـري مبّـنـد *** لقـرم صمـيـدع مـن خيـار السميـه
للـقـرم أبـن عـبـار مـلـزوم يقـصّـد *** الـوايـلي سـاس الـوفـاء والحـميـه
الـلـي بـنـا لـلـطـيّـب قـصـرٍ مـشيّـد *** قـصــرٍ رفــيـع وثــابــتــات بـنـيــه
مـن عـزوة يثـنون بالموقـف الجـد *** ربـع عـلـى الـطـولات تـورد دلـيـه
مـتـوارثـيـن المـجـد جـدٍ وراء جـد *** تـاريـخهـم مـعـروف كـنـه طـمـيـه
هـذا الـصـحـيـح وكـل شـي مـوكـد *** غصبٍ عـلى الـزعـلان ميـه بمـيـه
والـلـه عـلى ما أقول يعلم ويشهـد *** ولانــي بـهــلـبــاج عـلـومـه رديــه
ومـن بعـد هـذا سلـم الخـط وأقـعـد *** وصـل لأبـو مشعـل سـلام وتـحـيـه
أنـت الـذي تعـبـا لمهمـات وأعـقـد *** وأنت الذي يا القـرم يلحـق خـويـه
وأنـت الـذي يا مسندي تـورد العـد *** وأنـت الـذي دايـم عـزومـه قـويــه
وقال الشاعر مفرح بن مليحان الجعفري هذا المقطع من قصيدة :
يا طارش مـغـرب تجيـب العـلـومـي *** هـاك الـرسالـة ودهـا لأبـن عـبـار
وصـل سـلامـي لـلمـعــنـى لـزومـي *** الهـيـلعــي مـثـل البليهـي إلـى ثـار
عنـده يقـدم لـك مـن الحيـل كـومـي *** وتـاجـد معـامـيـل بهـا بـن وأبـهـار
مـن لابـة تـثـنـي نـهـار الهـجـومـي *** عـاداتهـم جـدع المدرع على الثـار
فرسان والـلـه مـا تهـاب السهومي *** أيضاً وريف اللي عليه الزمن جار
يتلـون أخـو قـطنـه قـوي العـزومي *** الـلي يصـوت يـوم لوذات الأسعـار
وقال الشاعر سميحان بن فهد الشمري هذا المقطع من قصيدة :
سافر صلاة الفجرمع نوضة الطيـر *** من حايـل منصاه بـيت ابـن عبـار
وقبل صلاة الضهر يوصل بتيسيـر *** حـي النـظيم ديـار وافـيـن الأشبـار
يلـفي لأبـن عبـار ريـف المسـاييـر *** يحيي بكم وهي عادته مكرم الجار
تـفـضـلـوا عـلى الـدلال المبـاهـيـر *** ماجوبها يشريه من غالي الأسعار
وإلى وصلتوا للسنافي عـلى خـيـر *** وقـدم لكـم مـا تمـلـك الأيـد بأيسـار
كـبـش يـربـى للـوجـيـه المسـافيـر *** يشبع قصير البيت ومن كـان زوار
واعطوه خطي فيـه شرح وتعابيـر *** مـن واحٍـد يـبـي مـنـه رد الأخـبـار
أبـي مـنـك يالـقـرم جـابـه بتفسيـر *** حيثـك فهيم الـراي وللشعـر بيطـار
وقال الشاعر سالم بن فلاح العنزي هذا المقطع من قصيدة :
يلفي لأبن عبار مخصوص خـصى *** اللي عن الماجوب مـا قيـل حاصي
يلـفي عـلى الـلي للمراجـل تقـصى *** عـلى الوجب دايـم فلوسه رخاصي
أنـا اشهـد أن الطيب عنـده تعـصى *** من ساس لابة فيهم الطيب عاصي
يـامـن عـلى تـاريـخ وايـل تقـصـى *** تسلم يالـلي دونت فيهـم اقصاصي
أولاد وايـل فـعـلـهـم مـا ايـحـصـى *** يتعـب جميع مـورخ وألـف حاصي
وقال الشاعر حمدان بن دهيمان الشعيلي هذا المقطع من قصيدة :
مـا مـن صديـق يحفظ الواو والـدال *** يـوصـل لأبـن عـبـار مـني رسـالـه
حيثـه لصعبـات المـواجيـب حـمـال *** لا جـيـب للحمـل الثـقـيـل ارتكـالـه
قـرم صليـب الـراي حمـال الأثـقـال *** يشبـه لـحـيـد مـن رواسـي جبـالـه
طـول الزمن بيتـه للأجـواد مدهـال *** الـضـيـف يـأوي كــل يـوم بـجـالـه