نفي أشاعه كاذبه - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

06-07-2016, 11:15 AM

نفي كذب الذي يدعي بمنع كتاب عنزة

قال عبدالله بن دهيمش بن عبار العنزي هذه القصيدة تنفى الإشاعات الكاذبه من قبل الذين يدعّون بمنع كتاب أصدق الدلائل في أنساب بني وائل أنساب قبيلة عنزة خاصة وقبائل ربيعه عامه وهو تاريخ وأنساب قبائل ربيعة الذي يفخر به كل من يجري في عروقه الدّم الربعي الصريح فأقول :

يالـلي تـقـول كتـاب عـنـاز مـمنـوع *** الـمـنـع لـلـي حـرمـتـه الـشـريـعــه
المنع يصدر لأقشر الجنس والنـوع *** المسكـر الـلي مـا ربـح مـن يبيـعـه
ما فـيـه غـيـر الهلوسه أي مطموع *** ويرثع بـمـال الـلي وقـع بـه رثيعـه
والمنع لـلي من شرب منـه قرطوع *** دلا يــهــوم ومـا بـصـدره يـذيــعــه
ذاك الذي من خمر الأقذار مصنـوع *** يـاكـم سـوّى بـالـعـرب مـن فجيعـه
والمنـع لـلي بخـطبتـه فـرّق نـجـوع *** مفـتـن ويفـتـن بـيـن سنّـه وشيعـه
راسه رمي في ساحة العدل مجدوع *** دحرج مثـل حـذف الحناضل بقيعـه
هـذا الـذي يـمنـع ولا فـيـه مشفـوع *** والـكـل تعـرف سيـرتـه من صنيعـه
ولا الكتاب الـلي بـه جذوع وفـروع *** فـخـر وتـفـخـر بـه قـبـايـل ربـيـعـه
الحـمـد للـمـولى مـوزّع ومـطـبـوع *** مـا وقـفـوه أهـل الـدجـل والخديعـه
أبعـد عـلى الحسّاد من حبّـة الكوع *** لـو حـرضـّوا ضـدي يـبون الوقيعـه
يشمل نسب عزوه جماعات وربوع *** دوم لبعـضهـم كـالحصـون المنيعـه
المنسب الـلي لجـذم عدنان مرفـوع *** مـا بـينهـم مـن دور عـامـر قطيعـه
فيه الـذي يـوم الوغى تنطح جموع *** من هـازهـم ضاقـت عـليه الوسيعه
وفيه الذي لا صار جـردات وفـزوع *** بالـكـون تـلـقى جـمـعـهـم بالطليعـه
مادام جهـدي شـاد بـه طايـل البـوع *** وبـه يفخرون أهل الهداف الرفيعـه
ما اشكل عليه كـل هايف ومصدوع *** أهـل الحسد وأهـل العـقـول الخليعه
الحاسد الـلي بصدره الحقـد مزروع *** أهـل العـقـول الفـاهـمـه مـا تطيعـه
حكي الخطأ ماهو مصدقّ ومسموع *** لـو روجوه أهـل العـلـوم الوضيعـه
من فضل ربـي دابـر الكذب مقطوع *** الـكـذب بـاطـل والـظـلايـم شـنـيـعـه
وحنا بحكم اللي يخلي الصعب طوع *** الـلي عـدل مـابـيـن شعـبـه جميعـه
سلمـان بسيفـه يرتـدع كـل مسبـوع *** ضـربـات كـفّـه بـالـمـعـانـد فضيعـه