قصيدة وطنية مرفوعة إلى مقام خادم الحرمين الشريفين الملك سلمان حفظه الله - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

11-13-2015, 09:35 PM

( قصيدة وطنيه مرفوعه إلى مقام خادم الحرمين الشريفين والأسرة المالكة الكريمه )

هذه القصيدة مرفوعة إلى مقام خادم الحرمين الشريفين الملك سلمان بن عبدالعزيز حفظه الله والأسرة المالكة الكريمة من شعر عبدالله بن دهيمش بن عبار العنزي
يذكّر بفضل الأسرة السعودية الكريمه على الشعب السعودي :

عسى الغـمـام الـلي خـيـالـه مضاليل *** يضفي عـلى كل المناطق والأصقاع
عسى الـديـار القاحـلـه يدهجه سيـل *** يروي ثـرى البـيـدا سماهيد واتـلاع
غـر المـزون الـلي تـصب الشهـاليل *** من غيث ديم اليا نـزل يسقي الـقـاع
يـنـزل عـلى دار القـروم المـشاكيـل *** عزوة هل العوجاء صناديـد واسباع
الـلي يمانيهـم مـثـل فـايـض الـنـيـل *** ريـف الضعـيف وللمـقـلّيـن مـربـاع
حـكـامـنـا نـسـل الملـوك العـواهـيـل *** الـلي لهـم فـي قـمّـة المجـد مطـلاع
صفـوة مـواريـث الرجال الحلاحـيل *** العـزوه الـلي بالفخـر علمهـم شـاع
تـاريـخ مبـطي لـه شـهـود ودواليـل *** تاريخهـم عنـد البشر يمـلأ الأسماع
يـروون حـد المـرهـفـات المصاقيـل *** سيف العدل بكفوفكم يبري الأوجاع
عـوق العصاه أهـل القلوب المغاليل *** وضـد الذي بالنصح يرشد ولا طاع
أنـتم حـمـاة الديـن عـن كـل تضليـل *** يـنـصـركـم الـلـي للسّـمـوات رفـاع
ذلـلتـم الـلي يـنقـض الـعـهـد تـذليـل *** عـقـب العـيا لابـد لـلّـحـق يـنصـاع
من حاد عن درب الهدى فاله الويل *** مـن دون قـصـد مـدوّر الشر منـاع
ومن خـان يستاهـل مهونـه وتنكيل *** سيف العـدل لرقاب الأخصام قطّاع
أنـتـم كـعـام الصايعـيـن المـهـابـيـل *** بقـيـادة الـلي للعـدى يـوفي الصـاع
سلمان عـاهـلـنـا زعـيـم الـرجاجيل *** أبـو فـهـد مـن تـاه دلـه بـالأسـنـاع
ضـد الحـقـود الـلي يـبـث الأبـاطيـل *** كـل البشر ضـدّه تصوّت بالأجـماع
جـزم وصـمـم مـا تـفـيـد الـعـواذيـل *** وكلّف صقور الجـو والناس هجّاع
تـرمي عـلى راس المعادي زلازيـل *** يسوقها من عاصف الريح ذعـذاع
من لاذ في سلمان يشكي من الميـل *** يقضي عـلى الطاغي وللجار فـزّاع
نسل الزعيم اللي تفضل على الجيل *** من عقب ما كانوا محاويج وجـياع
شعـب الجـزيـره بالسنين المساميل *** شمله شتات وبينهم حرب وصراع
جاهـد ووحدها على الهجن والخيل *** فـوق النضا بـاج الفيافي والأرياع
يسري ويجـري في نهاره مع الليّل *** حـتّى تـوصّل للهـدف طايـل الـبـاع
عبدالعزيز أبيـن مـن البـدر وسهيل *** ساطي ويخشى سطوته كـل طـمّاع
وأنجـب ملـوك لمن نصاهم مداهيل *** ابـوابـهـم لـشـعـوبـهـم دوم شـرّاع
يقضون باللي جاء من الرّب تنزيل *** مـا قـلـدوا حكـم الملاحـد والأشياع
هـم عـزنـا والـلـه عـلـيـه التـواكيل *** حكم العدالـه حافظ الحـق مـا ضاع
لي الفخر أمدح هـل الفضل بالقـيـل *** أفـخـر بـهـم مـاني محابـي وخّـداع
وصلو على اللي جاه بالحق جبريل *** وأهـدى بهـديه ساير الناس بقـناع