أيها القوم أفيقوا فأن الحاقدين يزورون نسبكم - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

10-07-2015, 07:52 AM

( أيها المتوهمين أفيقوا فأن القبيلة العريقة ما تقبل بالحلف والجد المستعار )
( أيها المزورين كفّوا عن تزوير النسب والأستخفاف بعقول الجهلاء )

مـن وضـع جـد القبـيلـه بالتـلـهـزم *** ضـمهـا لـوايـل جـديلـه بالتـبـني
ومـن تسمّى بغيـر جـده دوم يهـزم *** لـو تعزوى ما كسب غير الهبني
مـا تحيـزم من يحـط النكـث محـزم *** ولا سقاك اللي صميله جرد شني

لا زلت أكافح التزوير وأوضح لمن تجهله الحقائق لن نقبل قول من يضع عنزة
حليفة وضعيفة وجدها مستعار بل هي قبيلة عريقة وأصيلة وجدها عنزي أصل
وفصل وليس هو وايل بن قاسط كما أشيع كذباً وقلت :

وش يـبـون الـلي نسبنـا حـرفـوبـه *** كيـف وايـل مـن جـديـلـه جـايبـينـه
أبن قاسط يا جـماعـه كيـف جـوبـه *** مـنـهـم الـلـي للـقـبـيـلـه نـاصبـينـه
عـلمـوني جـدنـا وش هي عـيـوبـه *** واخـبـروني لـيش وايـل عـايـفينـه
قـالـوا أنـه كـان نـكــره مـا دروبــه *** وأبن قاسط منـذ خلـقـوا عـارفـينـه
جـد عـنـزه وش بـلاهـم حـقـروبــه *** وصفـوا وايـل بالأوصاف المشينـه
من عـذاريب النقايص وش لقـوبـه *** كـيـف هـافيـن البـخـت مستنكرينـه
مـاهو نـكـره فـالهـم خيبـه وكـوبـه *** وايـل الـلـي عـزوتـه مـتـوارثـيـنـه
جـد عـنـزه كـل الأجـيال اعـتـزوبـه *** مـوطـنـه مبـطي بـحـرات المـدينـه
جـدنـا الـلي ضنـا عـنـاز فـخـروبـه *** شبـل أسـد الـغـاب ما يخلف عرينه
خاب من يسمع كـلام الـلي حكوبـه *** جـد فـي كـل الـمـصـادر ذاكـريــنـه
ما صدق من حـقّـر بـوايـل بـنـوبـه *** ومـن نـوى يـنـفـاه غـاياتـه لعـينـه
والـحـقـيـقـة قـولـهـم كـلّـه اكـذوبـه *** مـا يـبـونـه قـصـدهـم متجـاهـلـينـه
ما دروا من عاف جـده لـه عـقوبـه *** الـرسـول وكـل صـحـبـه لاعـنـيـنـه
القبـيـلـة بـالأسـف صـارت العـوبـه *** مـع عـراقـتـهـا نسبـهـا مـزوريـنـه
كـيـف تـقـل بـوايـل الجـد مهـزوبـه *** والسبـب بقـلوبهـم حـقـد وضغينـه
وايـل الـهـزان مـهـمـا شـهـروبـــه *** جـد عنـزي عـاش مع وايـل سنينه
صاحـب التـزويـر والـلي حضبوبـه *** كـل منهم مـا تشـوف الحـق عـينـه
حـيـث تغييـر الحقايـق بـه صعـوبه *** وش يـبـون بـجـد مـاهـم من بنينـه
مـا خـبـرت الجـد بالـعـالـم جـلـوبـه *** ولا ذكـر جـد الـقـبـايـل مـشتـريـنـه
يـشهـد بـمـا قـلـت تاريخ العـروبـه *** كـل مـنـسـب بـالـكـتـاب مـدونـيـنــه