أبيات رثاء بالشيخ أورنس بن متعب الهذال رحمه الله - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

02-02-2015, 06:58 AM

( أبيات رثاء بالشيخ أورنس بن متعب بن محروت الهذال )

هذه الأبيات قلتها على عجل وهي جهد المقل والرجال الذين سطروا المجد في صفحات التاريخ وربطوا حاضرهم بماضيهم مثل الشيخ أورنس رحمه الله ما نوفيهم حقهم في الرثاء والمدح والثناء ولكننا نترك التاريخ يكتب عنهم كما كتب عن أسلافهم وعذرنا أن استشهاد الشيخ على يد تنظيم تحاربه جميع الدول ويقاتل جميع المسلمين وغيرهم ونحمد الله الذي جعل الشيخ من الشهداء رحمه الله وأسكنه فسيح جناته

وهذا الأبيات المتواضعه من شعر محدثكم عبدالله بن دهيمش بن عبار رثاء بالشيخ أورنس رحمه الله :

جاني خبر من هوله الراس دايخ *** فجـر سموع اللي آذانه مصاميخ
الـلـه حسيب السافلين الـوصـايخ *** الـزمره الـلي مابهـم مخ ومخيخ
جـرح الضماير ما تـفيده صبايخ *** يغور بالمهجه مثل حامي الصيخ
ليت الفناء لأهـل القلوب الدرايخ *** أهـل التكبّـر والنفـوس المـزابيخ
خطـو الـذي لمعورج الهرج لايخ *** اللي عن الجزله عيونه مفاضيخ
لـو الخـبـر جانـا عـلى موت بايخ *** مـاهمنـا فـقـد الـرخـوم المتاويخ
لاشك مات اللي على المجـد نايخ *** بالطيب يصعد عاليات الشواميخ
أورنس بن متعـب حفيد المشايخ *** النـادر الـلي عقبّه شيخ من شيخ
يا حيف قصر العـز حيطه شلايخ *** مضيف أخـو بـتـلا تحطم بتفخيخ
مضيفهـم مـاهـو مضيـف الكلايخ *** ديوان ذربين الشيوخ الطخاطيخ
ساسه مثبـت داخـل القـاع صايخ *** مضيف اللي لجدود جـده تواريخ
غلطان الـلي لخوان بـتـلا يشايخ *** مامنهم اللي طوخ الراس تطويخ
لاجـن هجـافـا والسفايف طـرايخ *** من جودهـم تتعب يدين الطبابيخ
على الصياني صاخن الـزاد فايخ *** وتبرك عـليه الـلي ذراها منافيخ
وان صار لحراب الشلافي نجايخ *** سيف أخو بتلا يبتخ العنق تبتيح
الحـر مـا صيـده جـراد وجخـايـخ *** والنمر ما راعه صوافر وتكخيخ

ونتأسف على الشيخ وعلى المضيف الذي كان ينصاه القاصي والداني والقصايد التي قيلت في ذلك المضيف في العصر الماضي كثيره نقتطف :

الـبـن الأخـضـر تـو فـكـوا بـلامـــه *** مع شف فنجالـه اعماسك يطيـري
وصـيـنـيـة عـلـيـه مـثـل الـعــدامـه *** كرامـة مـا غـاب عـنهـا القصيري
وقال عجلان بن رمال من قصيده :

شيخ الشيـوخ الـلي يضـد العنـيـدي *** شيخ الشيوخ الـلي عـزيـز جـنـابـه
الشيـخ أبـن هـذال نسـل الحـمـيـدي *** عـزان عـن قـرب الأهـل والقـرابـه
وقال قطيفن بن ثميل من قصيده :
يا مـا شبع برباعهـم مـن حواليـك *** ويـا مـا تلـذذ بالمـروة عـلى الجـار
ويا ما عطوا في ماجبه واحدٍ فيـك *** والـلي طلع منهم يتاقي عـن النـار
مـاكـر حـرار وبالمخالـب صواليـك *** أدنـا بـالأدنـى كـل مـن هـد مـا بـار
وقال قطيفان بن ثميل

طـالـبـك عـز الشيـخ وأرفـع قـدره *** ولـد فهـد وسعـد مـن هـو بـه صقر

مـضـيـفـتـه مـبـنـيــة لــلــعــانـــي *** وصـيـنـيـتـه مـجـرورة لـلـي يـمــر

وريف القصير أن كان طول وقـته *** حيص إلـى ثـقـّل على حملـه صبـر

والطيـب مـا يضهـر بـلـيـا خـسـاره *** وبـل الثـمـيـلـة مـا يـلاديـه الـنهـر

تقـلط عـلى الجـودا وتثـني وتنثـني *** حيثـك شبيـه سهيـل لامـنـه ظـهـر

غديت بالناموس والطيب والصخى *** مثل الشعيب اللي من الزهرخضر

أخـص حـاضـركـم وكـل غـيـابـكــم *** واللي أنجبه هذال من تاسع ضهر

بالعـز والناموس والمجـد والسعـد *** وانتم هـل الطولات والفعل والفخر

شيوخ الشيوخ من الشيوخ القدايم *** وأنتـم شيوخ اللي بنـا بيت الشعـر

عـاداتكـم لا جـاء الغـريـب بـداركـم *** يسلم من الزودة ومن ظيـم الدهـر

وديوانكـم يـغـدي العماس بمجلسه *** والـلي قدم فيكم عـن الدنسه طهـر

افـرح بـزودتـكـم وعــزي عـزكــم *** وأدعي لكم بالخير كل ابيض شهـر