أبيات متبادلة عبر الجوال - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

10-07-2013, 07:41 PM

( أبيات متبادلة عبر الجوال )

بعد أن أتضح لبعض الرجال الأوفياء التنكّر والجحود لما عملته لقبيلتي من قبل بعض الحاقدين وحصل التكريم من رجال عنزة ليقولون لمن تنكّر وجحد قف فأن الواقع يفرض نفسه وتاريخ عنزة ثابت ورد إلى جوالي عدد من القصائد والكلمات ومن هذه القصائد ما يلى قال الشاعر عواد بن جازي الطويلعي يثني على جهد عبدالله بن عبار :

تبـقى عـلـم تبـقى عـلى روسنـا تـاج *** تبقى عـلى صـدور النشاما وسامي
تبقى لربعـك رمـز ولخصمك أحـراج *** وتبقى الأديـب الـلي عـليه الكـلامي
مهـمـا حـكـابـك كـل ضايـع وسمّـاج *** الـلي عـلى الطيّـب كـثـيـر المـلامي
تبقى الفخر اللي شامخ مثل الأبراج *** تبقّى سوات النـور يجـلي الظـلامي
أنـت الـذي شعـرك مثـل بـيـر هـداج *** ما نقص مـاء هـداج كثـر الظـوامي
مـا نستمع فـي مثـلكـم هـرج هّـراج *** أنـت الفهـيـم الـلي لـربعـه حـزامي
مـن لا يـقـّدر جـهـدك يـعـد هـلـبـاج *** يحسب رخم ولا أنت مثـل القطامي
أنـت لبني وايـل كـمـا نـور وسراج *** لـتـاريخـهـم بـذلـت كـل أهـتـمـامـي
أنت مصدر موثوق مـاعـاد يحتـاج *** أسـمـك مسجّـل مـع كـبـار الاسامي
يـا شـاعـر الـويـلان الـبستـنـا تـاج *** ومـنـا لـك الـتـقـديـر والاحـتـرامـي

رد عبدالله بن دهيمش بن عبار على الشاعر عايد بن جازي الطويلعي :

عـن الخواطـر واهـس الـهـم ينفـاج *** من فـرحتي في قـاف عالي المقامي
عواد أبن جازي عن الحـق ما مـاج *** ركّـز عـلـى الـواقـع عـداه المـلامي
يـفـداه الـلي بهـرج النمانيـم لجـلاج *** عاب القروم وهو سروق وحـرامي
الـلـي يـدبـلـج بـالـدعـايـات مـنتـاج *** يجـمـخ ولـكـن لا بـخـنـتـه خـمـامي
يوم الردي مع شلّـة الـزيـف ينعـاج *** شـرواك عـن مـجـد القبيلة يحـامي
حـنّـا عنزة يـوم القوي يأخـذ البـاج *** نـقـدم عـلى كسب النفيلـه اشمامي
حـنـا عنزة لا صار للغوش صرناج *** وحـل الطـراد وثـار عـج وعسامي
يـوم العـديـم لحـربـة الـرمـح زرّاج *** ندحم على الصابور والرمي حامي
عـنـاز كان الشر بيـن العـرب هـاج *** نـطيحـهـم بالـكـون يـذهـب عـدامي
قلته وأنـا لي ياأبن الأجـواد منهاج *** ذكـر القبيـلـة مقصدي هـو مـرامي

وقال الشاعر علي بن ثاني الطويلعي هذه القصيدة مجاراه لقصيدة عواد بن جازي الطويلعي :

يـعـيـش أبـن عـبـار نـبـراس وهّــاج *** يـمشي عـلـى ضـوّه رجـال حشـامي
يبقّي علم رغم أنف من داج أو ساج *** بيـن العـرب غـرب وجنوبـاً وشامي
رغم أنـف من سببلهم شعرك ازعاج *** ورغـم أنـف مـن يـرمي بليـا مرامي
ورغـم أنـف متولي ووالـي وحجّـاج *** الـوايـلـي يـسـمـو ومـبـداه سـامـــي
يا الـلـه يـا مـالـك مـفـاتـيـح الأفـراج *** يـامـن خضع لامـره جـميع النـوامي
يا خالقي تجعـل مـن الضيق مخـراج *** يـامـن دخـيـلـه آمـن ولا يـضـامــــي
أن كـان عـظـم الخطـب والـدّم ثجـاج *** واشـتـد بـيـن الجـانبـيـن الخـصامي
وافواج مكتومة تحت وطـأت افـواج *** محـسوم مـوقـفـهـا بـحـد الحـسامـي
حـنـا عـنـزه نـعـد لأهـل الـعيـاعـلاج *** والـصـعــب نــقــوده بـلـيـا خــزامـي
ونـحـط بــفـواه الـمـعــاديـن مــزلاج *** ونحـط فـي خشـم المـعـانـد خـزامـي
تـاريـخـنـا لـصـدور الأعـلام فـجــاج *** تـشهـد لـه العـالـم شعـوب ونظـامـي

وقال عبدالله الموسى الخرشاوي :

تكريم شخصك والله أنـه من الدين *** ومـن لا يـرد الدين والـلـه فشيلـه
يقـوم بـه نسـل الـرجال العـزيزين *** مـن يذكـر المعـروف يوفي عميله
وفي حـفل تكريمك تقول العناوين *** إنـت الـذي كـرمـت كـل الـقـبـيـلــه

جواب عبدالله بن عبار على أبيات الأخ موسى :

سـلام يا نسـل الـرجـال الكـريميـن *** سـلام يهـدى مـن عـديـل لعـديلـه
أبـو فهد معـروف باللطّف واللّيـن *** حـيثـه مـن الـلي يكسبون النفيلـه
من ساس لابه يدحرون المعاديـن *** اليـا تـلاقـوا فـوق بـنـت الكحـيلـه

وقال الحميدي بن نبات بن صنعا هذه الأبيات يسند على زميله عبدالله بن دهيمش بن عبار :

يا أبـو مشعـل خـلّـه تبيّـن خصوصه *** لا تخـلي المـوضـوع ياكـود ينخـص
الحـق دايـم منهـضه مـن خـصوصه *** الـلي مـثـل شـرواك بالحيـل يبخـص
حـث الـركـايـب لا يصيبـه حصوصه *** خص يخص الخـص لابـد لـه خـص
والـلي عنـده مقص يقص اقصوصه *** والبخص له بخيص بالعرف يبخص
مـا ودنـا يـالـقـرم نـشـرب مصوصه *** خـل المـوهـق يا فـتى حيـل يرخـص
راعي الـتبجـح مـا تـفيـده قصوصـه *** عـنـد الحقيقـه مـالـه ابـيـان يشخص
قـّلـه يـعـّود مـا تـفـيـده نـصـوصـــه *** قـّله وخص وخص ثم ابخص وخص

وقال عبدالله بن دهيمش بن عبار جواب لأبيات الحميدي يقول :

يا أبـو عـمـر بحـر المعـاني نغـوصه *** نـبحـث عـن المحـار والـدر والحص
والـلـي تـقـل قـلـبـه تـقـدّه بـخـوصـه *** مـن الحسد في تاريخنا يخلف النّص
حـاول يـمـد الـيـد عـشـريـن بـوصـه *** لـكـن يـا أبـن جـبّـار قـصيتـهـا قـص
كـشفـت خـبصـه يالسنـافـي ولـوصه *** جبت الصمال وقلت كانك عـما بـص
وصارت علومه بالقصاص مخبوصه *** والظـاهـر أنـه كبّـر اللقمـه وغـص
أن كـان جـدّه تـبـرح الـدرب عـوصـه *** اليوم في بطن الثّرى مسكنه جـص
مـن لا تـحـفـت بـالـمـمـاشي قـلـوصه *** جـده من كـبـار الحمايل وهـو لـص

وقال الشاعر حميّد الملفي هذه الأبيات من الهجيني :

ســلام يـا شـاعــر الــويـلان
عـبـدالـلـه شاعـر بـني وايـل

الـقـرم أبـو مشعـل بـلـيـهـان
مـواقــفـه تـعـّدل الـمـايــــــل

شـاعـر تشّرف بـه الفـدعـان
من الجوف لعرعر إلى حايل

والنّعـم والـنّعـم يا كـحـيـلان
يـالـطـاهـر الطـيّـب الطـايـل

أنت أبو مشعل وأبو عدنان
وأبــو نــزار وأبــو وايـــل

وأبو منصور وعبدالرحمن
ومحـمـود ومحـمـد ونايـل

وأبو بشر وأيضاً الأخوان
وأبو أحمد وصالح وهايل

افعـالـكـم مـاضي الأزمـان
وأجـدودك كعّـامت العايـل

واختـامهـا أقـبـل القيفـان
يا شاعر عزوة بني وايل

يحفظك ربي من العدوان
وعساك بالخير يالطايـل