قصيدة شكر وثناء بالشيخ علوش بن محمد أبو ثنين وقبيلة سبيع الغلبا - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

10-07-2013, 06:16 AM

( أبيات ثنا وشكر للشيخ علوش محمد أبو ثنين )
قبل عشرين سنة كان الشيخ علوش أبو ثنين برتبة رائد في شرطة سلام غرب الرياض فنصاني أحد الجماعة وقال أن أخوه مسجون في شرطة سلام بسبب قضية مضاربة مع أحد أقرباءه وأنهم تنازلوا عنه وبقي الحق العام وكنت حينها لا أعرف من مسئولين ذلك المركز أحد فمشيت معه لعلني أجد أحد أعرفه وعندما دخلت في المركز بدأت أتطلع إلى لوحات الضبّاط فلفت نظري رجل مكتوب اسمه ( علوّش أبو ثنين ) فقلت في خاطري هذا الرجل من أسرة كريمة وهم مشائخ قبيلة سبيع فدخلت وسلّمت عليه وقلت له أنني نصيت هذه اللوحة التي على صدرك وأني أعرف أسم أبو ثنين شيخ من مشائخ القبائل وعمود من أعمدة بيوت العرب وأني ناصي هذا الأسم الأخير في اسمك علماً أنك لا تعرفني فتأثر الرجل وبدأت على وجهه علامات التأثر فقال أبشر بما أستطيع عليه فأخبرته بطلبي ثم نهض وأمر بأطلاق سراح السجين وقلت هذه القصيدة وكنت أنوي أيصالها له بحينها ولكنها فقدت مني وسبق وأن عثرت على مقطع منها ونشرته وهاهي كاملة قلتها اثني على الرجل الفاضل علوش بن عبدالله أبو ثنين السبيعي :

أنا أشهـد أن يستاهل المـدح عـلـوش *** النـافـل الـلي مـن رجـال الجـماليـن
علوّش من طيبه يحوش الفخرحوش *** طـبـّق تـقـالـيـد العـرب والقـوانـيـن
هـو فـرحـة العاني اليـا جـاه مبلـوش *** حيثـه من الـلي يطلقون المساجيـن
أبي أمدح اللي له معي موقـف خوش *** عـلوش قـرم ومن رجـال عـزيزين
مـا جـيـت للمنعـور محـتـاج لقـروش *** مـن عـز نـفسه عـد عـنـده ملايـيـن
جيته وأنا فكـري مشوّش ومـربوش *** لجل السجين الـلي من الربع الأدنين
لا قلت تكفا شاش فيه السطر شوش *** قـال أبشر أنـه يصدر الأمـر هالحين
ثم اخرج اللي بالسجن كان مطشوش *** يمضي عـليـه اليوم كـنّـه اسبوعين
ومن واجبي رد الثناء لنقوة الغـوش *** حـيـث الجماله بالـوفـي تعـتبـر ديـن
ساسك نقي مـابـه هـلابيج واختـوش *** مـن عـزوة ابـو ثنين بالفعل ذربيـن
معدن ذهب مشخول ماهو بمغشوش *** مـثـل الجنيـه عـيـار واحد وعشرين
سبعان لا جـوهـم مساييـر وطـروش *** هـم عـز من جوهم من البعـد عانين
الـكـل ديــوانــه مـن الـزل مـفـروش *** يقلط به شخوص الرجـال الحشيمين
ما منهم اللي يقري الضيف كرفـوش *** يـقـرونـه بعـيـت الغـنـم والبعـاريـن
سبعـان ضـد الـلي تجبّـر وبه طـوش *** عـز الصحيـب ويكعـمون المعـاديـن
بهم الكـرم والطيب والبذل والهـوش *** مـن عـامـر الغـلـبـا حمايـل مسميـن
حـمـايـة الساقـه الـيـا درهـم البـوش *** شجـعـان بـالـلـقـّوات مـاهـم ذليـليـن
ستـر الهنوف الـلي تـزهّـت بدندوش *** الـيـا تـنـاخـوا بالـوطيس المـثـاريـن
ويـوم الموحد للوطن يجـمع جيـوش *** بـأخـلاصهـم لعـيـال مـقـرن مواليـن
فـوق العبيـة سابـق الخيـل وكـروش *** لـهــم فـعـايــل فـي زمـان الأكـاويـن
تاريخهم في صفحـة المجـد منقـوش *** مبطي وعادوا ماضي المجد هلحين