مساجلات جديده بين الخضع وآبن عبار - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

05-06-2013, 02:35 PM

( مساجلات جديده )

الشاعر المعروف منصور بن حواس الخضع من الخضعان مشائخ قبيلة الفرجه من الروله رجل حسن الخلق صادق وعفيف اللّسان وصاحب غيره وحميّه على قبيلة عنزه ساءه ما يسمع من بلبله بالمجالس وما آطلع عليه من كتابات في بعض المنتديات المشبوهه من بعض الشواذ الذين يحرضونهم الحاقدين ضد كتاب تاريخ عنزه الذي يتشّرف به كل عنزي شريف فقال هذه المقاطع من القصائد وقد رديت على هذه القصائد وآشكر الشيخ منصور على الأشاده بجهدي لقبيلة عنزه والله يخذل كل حاسد وفاسد

قال منصور بن حواس الخضع هذه الآبيات يسند على عبدالله بن عبار :
يـوم عـن يـوم العـوايـد بالنـزول *** كـل يـوم السّلـم بعيـونك تشوفـه
مـار أنـا شـفـي تـقافـا بـالـفـلـول *** من يباس شدوق الاغلب والنشوفه
والطبيعه يا آبو مشعل مـا تـزول *** لـو تـغـيّـر بـالـبـنـادم دم جـوفـه
باطـح مـع جـرهـد العـز الرحول *** تابع الـلي عصبته قبل معـروفـه
الظهـر يا سيّـد الـعـرف مخـزول *** عـن دحـاديـر التـرجـي في جـروفـه
من يقول الحـق هالوقت مهبـول *** مـل حـال سـببـوا لـهـا الـتـلـوفـه
كـان ما خالطتهم صرت معـزول *** وأن بقيت القاالعواجه والجنوفه
شفت إنا ماعفت يالقرم الخجول *** من هـزيـل الفانيه زادت ظروفـه
يعلم الله يا أبومشعل لك قبول *** عند غـوش شوفكم غاية شفوفه
قلت ما قلته عسى عمرك يطول *** موقـفك ما ينسي ماضي وقـوفـه
لك يميل القلب يا حيص الزمـول *** دون ماتحرج على ردت حروفـه

جواب عبدالله بن دهيمش بن عبار رداً على الشاعر منصور حواس الخضع الرويلي :
يالخـضع يا عـل عـزك مـا يـزول *** الخـلايـق غـيـرت كـل معـروفـه
مثـلـك وشـرواك شيـال الحـمـول *** مـن ثقيل الشيل ما ملت اكتوفـه
لا يـهـّمـك بالـعـرب كـل مخـلـول *** اتركه جعـل الولي يقطع صنوفه
مـا نجـح يالقـرم لـكـود النـطـول *** كـل خـبـره بالعـرب لازم يـلـوفـه
ما سمع ناصح ولا طاع العـذول *** يرتمح والنفس ما نالـت شفوفـه
يطوي البلـدان في كـور الذلـول *** خـفهـا حفيـان وابيّضـت ادفـوفـه
الـلي سابق مجلسه عند النعول *** صـار ينعـت بالسعاده والعطـوفـه
ارتـقـا الفـاسد وشرّاب الكحـول *** والـفـدامـه والهـلاسـه واللفـّوفـه
والسنافي صار يالقـرم مخـذول *** منطوي محتار يشكي من ظروفه
ولا يـنـال الـعــز رجــال كـســول *** ومن تّونى طاح والعـزّه تطوفـه
يا زميـل العـون وش ودك اقـول *** يامنصور القاف ما تكفي حروفه
وأنت عدل وتابع لهـدي الرسول *** والزمان الـلـه يفكك من صدوفه

وقال الشاعر منصور بن حواس الخضع الرويلي هذه القصيده يثني على زميله عبدالله بن دهيمش بن عبار :
سـلام يـالـعـيـلـم لـنـا طـاب فـايـضــك *** خمسين عـام وعـنـزه في مقيضك
لك من شمال المملكه صوب عارضك *** عـليـا الـرويـلي تتحد مع فـريضك
ذاربـك بـس مـلاحـظـه يـوم الاحـظـك *** الـريهجـان أن قـام يشلع نضيضك
حـنـا نـخـبـرك اليـا تـهشم تقضقضـك *** مـن دون وايـل ما لتح مستهيضك
يـا فـارض نـفسـك ولا أحـد بفـارضك *** عن الحقوق استاخذوا من نفيضك
الشمغ سوداء وأنـت بيض قضايضك *** وعنـاز ترفع لك على الجال بيضك
وانـت العـريـب ويجـذبـنـك نضايضـك *** حيص منيـب ولا يتعافى كضيضك
تمشي قدم رجلك شرف عن معارضك *** مـا دنقت نفسك عسى الله يعيضك
شريف لوفي ما مضا الحـمل باهـضك *** من عف نفسك مايجضور جضيضك
ولا مـدحـت الـلي تـراجـيـه يـقـرضـك *** عن منبـر الكذبان مبطي فضيضك
مـن شبتك ياما غشى الشيب عارضك *** زبدت كلامك منتجه من خضيضك
وان ذمـك الناقـص ترى الـذم ينهضك *** حـيـث ان نقصه بالمزايـا نقيضـك
واثـني مـعـك والعـن ابـو من تعرضك *** دع عنك من هو باللقاء ما يعيضك
تـمـت يا ابـن عـبـار واردف لفـايضك *** قريض منصورالخضع مع قريضك

قال عبدالله بن دهيمش بن عبار هذه القصيده رداً على الشاعر منصور بن حواس الخضع :
مشكـور يا منصـور جـني قـرايـضك *** حيثك عـلـم يهـدي الطراقي وميضك
يالباسل الـلي مـن تخـمـه مقـابـضك *** بالمخـلـب الشاطـر تعـالـج مـريـضك
أنت الجبل مـا كـل عاصف يقـوّضك *** تزمي شموخ وترتفع عـن حضيضك
وأنت الذي جدّك على الطيب فوّضك *** وآبـوك ورثـك الفخـر هـو وعيضـك
اعـتـز في شعرك ونطقـك وملفـضك *** واعـز مـن عـّزك وأبـغـض بغـيـضك
نوهـت بجهودي عسي اللـه يحفظك *** ما طعت قول اللي اجهدوا بتحريضك
يامن عـلى العـليا سريعه مـراكضك *** وعـن الحقايـق ما رضيت اتغـميضك
مهما قسى صعب الزمن مايروضك *** وعـن العـلـوم الغـانـمـه مـا يـريضـك
أنت الـذي منطوق الأنـذال غامضك *** واعـلنت في سود القلـوب اتعـريضك
هـذر العلوم العوج ما اظن تحمضك *** وهـرج الـردي يا مسندي لا يهيضك
الظلـم من الظالـم يغـثـك ويـمـرضك *** والكـذب يا نسـل الحمـايـل يغـيـضك
قـلت لسـفيـه الـقوم وقـّف تـلمضـك *** أذلـف لـعـلـك مـا يـتـليّـم شـضيـضـك
غـّرك غـليـث فـي نيـابـه يعضعضك *** وآن يسـر المعبـود نـدفـق حـويـضك
بـأنسـاب وايـل مالـك الـلـه نقايضك *** يـا مـزوّر التـاريـخ فضّخـت بـيـضـك