قال حوري مناور الحركان المضياني هذه القصيدة يثني على زميله عبدالله بن دهيمش بن عبار :

مـبـداي بـالـلـي لـلمـخـالـيـق خــلاّق *** الـواحـد الـلـي مـالـنـا رب غـيـــره
يـالـلـه تـقـديـنـا عـلى زيـن الأوفـاق *** ويالـلـه تجـنـبـنـا الأمـور الـمثـيـره
أهـدي لأبـو مشعـل تحيـات واشواق *** راعـي العـلـوم الطيـبـه والشهيـره
نقيـت لـه مـن طـيّـب الشعـر مـالاق *** وهـو منبـع القيفـان وأيضـاً خبيـره
يشهد لـه الماضي وزينين الأخـلاق *** دافـع بــقــوة دون حــق الـعـشيـره
هـذا الصحيـح الـلي مـوثـق بميثـاق *** والـنـاس مـا يخـفـاه حبّـت شعيـره
سجّل لـه التاريخ في بيض الأوراق *** ويـشهـد بـحـقّـه طـيـبيـن السريـره
اقـول كـلـمـة حـق مـانـي بـهــــلاّق *** وقـريـت قـولـك بالـبـيـوت الأخـيـره
الـلـه يـقـدي مـا نظـمت من أعمـاق *** والـلـه يحميك من الوجيه الشريره

قال عبدالله بن دهيمش بن عبار هذه القصيدة جواب لقصيدة الزميل الشاعر
حوري بن مناور الحركان المضياني :

حـي الزميـل الـلي بعلـم الفخـر فـاق *** حوري عـلى درب المراجل مسيره
حـيّـه عـدد مـاهـل مـن غيث بــرّاق *** يسكـب همـاليـل المـزون الـغـزيـره
حـوري نسل حركان عاقـل وصدّاق *** شرواه أثـق من حكمته واستشيـره
من طلعـت المنعـور للطّيـب عشّـاق *** شاعـر وأديـب وبـه حميـه وغـيـره
صـريـح مـا قـالـوا مـنـافـق ومـلاّق *** ونـزيـه أصفـا مـن القـزازه ضميره
مـا يـنـهـزع مـع كـل غـادر وبــواّق *** ولاهـو مـن الـلي يولعـون السعيره
الناس ياحوري لها أصول وأعـراق *** وجـد القبـيـلـه مـا ذكـر بـه معـيـره
وضحت لـلي عن أصل عزوته مـاق *** أخـلـف نـسبهـا وجـدهـا يستعيـره
والهـرج الـلي مالـه براهين مـا لاق *** والعلـم يوخـذ مصـدره مـن خبيـره