قصيدة بالشيخ فيصل بن بندر بن بتلا - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

06-25-2018, 11:05 AM

قال عبدالله بن دهيمش بن عبار هذه القصيدة يشكر ويثني على الشيخ المقدّم فيصل بن بندر بن بتلا الغيداني حيث له مواقف مشّرفه عندما حصل ظرف مع أحد الذين طلبوا مني الوجاهه فكلمته وأسدا لي معروف :

أرسـلـت للمـنـعـور فـيصـل بـريـدي *** عبـر التواصل يوصل الخط هلحين
فيصـل ياعـلّـه فـي حـيـاتـه سعيـدي *** أطلب عسى رب الخلايق لـه ايعين
أبـــوه بــنــدر نـال رتـبـة عـمـيــدي *** وجـدّه محـمد شيـخ شمل الغياديـن
بـنـدر أبـوه وعـم أبــوه الـحـمـيـدي *** مـع المـراجـل طـاهـريـن وتـقيـيـن
عـرفـتـهـم والـلـه عـلـيـه شـهـيـدي *** بهم الكرم والجود واللّطـف والليـن
وذعـار جـد أبـوه شـيـخ وعـقـيـدي *** شجاع ويطبّـق مـبـادي هـل الـديـن
هـذا أبـن بـتـلا لـلـقـرايـب وديـــدي *** تفخـر بـه الأجـنـاب والـرّبع الأدنين
أنجـب سلـيـل المجـد ضـد العـنيـدي *** فيصل كسب علم الفخر بالنّبا الزين
فيصل صليب الشـور رايـه سديـدي *** الهاشمي منسوب مـن جـدّه حسين
حفيـد الـلي قالـوا لـه الناس سيـدي *** المصطفى صلّـوا عـلـيـه المصليـن
تاريخهـم مـاهـو لـك الـلـه جـديـدي *** مشهور من عصر الجدود القديمين
للناصي العاني سعـيـف وعـضيـدي *** حيثـه مسمّى ومن حـمايـل مسمّين
شروى جنابـه باللـّزم هـو رصيـدي *** الجـاه أفـضـل مـن رصيـد الملاييـن
يـحـق لـي أثـنـي بـمـدحـه واشـيـدي *** وأجهـر بفعلـه واشهـره بالدياوين
الـكـبـر مـا يـعـرفـه ولاهـو بـلـيـدي *** ولا يلتقـي ناصيـه بالخاطـر الشيـن
لـي أنتخى الشغموم وأدى الجهيدي *** سهـر طويـل الليـل والنـاس غافين
فيصـل رفـيع الشـان طيبـه يـزيـدي *** أذكـر تجـمّـل بـي قـبـل عـدّة سنيـن
من عادتـه عـن واجبـه مـا يحـيـدي *** بـه طـبـع دايـم مسفهـل الحجاجيـن
فـرحت ضمير الـلي برجلـه حديـدي *** يـبي الفـزع ينخاه ضمن المساجين
مـثـل القـطـامي للجـزيـلـه يـصيـدي *** صيـده سمين اليـا كـفـخ بالجناحين