اللي ظلم واللي بجاهه حشم له - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

01-10-2015, 07:10 AM

أبيات من شعر التصدي للحمله المغرضه والله حسيب الظالمين :

يالفكر سجل صافي القاف وأملـه *** وأبـدع من الخاطـر ترانيم حنـده
طلبت اللي موسى الكليم أنتقم له *** من ظالمه فرعون وأعوان جنده
يالله عسى الظالم يـعـفّـر بـرملـه *** وعساه يلزق بين شاصي وتـنـده
واللي على ظلمه بجاهه حشم له *** جعل الحدب يبتر من الكوع زنده
ويا عل من داروا بالأجواد خمله *** ينهـد سقف قصورهـم والبـرنـده
أهـل الظلايم جـورهم مـا نحـملـه *** والحق في عدل القضا نص بنده
والـلي نـزل عناز يشظون شملـه *** بالنمنـمـه يسعـون مـع كـل فـنده
عـوذه تراهـم قـربهم قـرب نملـه *** لـو هـم قـرايب كنهم من أوغـنده
والـلي بـهـرج البلبله شن حـملـه *** عـنـاز ماهـم مـن مـوالي عـبنده
تاريخهم مذكـور فـي كـل جـمـلـه *** من عصر أبن تبّع وحمير وكنده
الظلم ظـلما ومنطق الكـذب يملـه *** واللي تغطرس ضاع بنده وسنده
والـلي يبيعـون الضمايـر بعـملـه *** ما يسمعون الـلي يـنـادي ويـنـده
من لا رضي بالـلي وليـه قسم لـه *** مـا يقتنع لـو مـال قارون عـنـده
وين الذي يتعب من السير زملـه *** يـوم النخـاوي يحـتمي كـل ونـده
المـرجلـه تحتاج جـزمـه وصمله *** ماهي ملاهي رقص غاده ورنـده