قال عبدالله بن دهيمش بن عبار الفدعاني العنزي هذه القصيدة يثني على الشيخ محمد بن عبدالله بن عبدالعزيز الطيار أبو عبدالله :

بديـت أوضح بديع القاف واجهربـه .. واصوغ نظم الشعر واطوّع اصعابه

يهـدى لشيخ طويـل البـاع نفخر بـه .. علمه يشرف مع الأجناب واصحابه

أعـني محـمد شبيه الحـر يصقـر به .. مثـل القطامي يشل الصيـد مخـلابـه

أبـو عبدالله يسيـر الجـود مـع دربـه .. من دون باب الفخر ما نـوّخ ركابـه

اكرم من الناشية وأسطا من الحربه .. يبـذل وميـل الزمن ما حسّب حسابه

من طلعتـه واجـبـه مـا يـوم قصّربـه .. بيتـه لمـن يقصـده مفتوحه أبـوابـه

شرواه علم الفخر يـبرز و يضهـربه .. مـن لابـةٍ تـنصي لا صـارت طلابـه

طيايـرة باللقـاء مـا تطـري الهـربـه .. مبطي هم شيوخنا في سلم واحرابه

يا أبن الزعيم الـذي يتلـونه السربـه .. جعـفـر مـنـار الـدجـا كـلـن تـقـدابـه

القول الـلي تسمعه تدري وتشعربـه .. والقصد يا مسندي رب الملأ أدرابه

يا شيخ هـرج الخـطأ لابـد ينـظـربـه .. الحـر كـان أنـظـلـم تـوتـر أعصـابـه

من جانب الحـق والشيطان غـرربـه .. كان اعتدل واعتذر ما عـاد نشقابـه

زمـانـك اليـوم يـا محـمــد تـحـيّـربـه .. نعـوذ بالـلـه كثـيـر النـاس نـصّـابـه

الكـذب لـو صاحبه مـرات يسفـربـه .. لا بـد راعي الدجل ما تكشف ألعابـه

المخلص اليـوم يطعن بـه ويغـدربـه .. قـليـل بالمجتمع مـن ينفض جيـابـه

الناس مثل السمك يجتـال في وربـه .. صغـيـرهـا تـقـنصـه تـبغي تعـشابـه

انظـر تشوف الزمن كلش تغـيّـر بـه .. دار الـزمـن دورتـه وافـتـر دولابــه

منقـار فـرخ الصعـو بالبـاز ينقـربـه .. والليث جـرو الثعـل حده عن الغابـه

الغصن ما يزدهر والسوس ينخربـه .. ما بـان طلع الثمـر والـدود يرعابـه

والبيت ما ينسمك كان انكسر خربـه .. لـو ارتـفـع بالعـمـد يحتـاج لطنـابـه

أفخر بربعي لـو المخلوق من تربـه .. ومن نال علم الفخر للغوش مهزابه

مجهـد ولا مقصدي علمي يشهربـّه .. ولا هـمني قـولهـم شاعـر ونـساّبـه

من عاش مع لابته ما يشكي الغربه .. لاشك أنا غـربتي صارت من اللابـه

والـلي طمـن للوطـأ ربعـه تعيّـر بـه .. يجـلب عـلى عـزوتـه عـارٍ ومعيابـه

مـن بار بـك جنبه لا تشفـق لقـربـه .. هـذاك لـو تـزبنـه مـا فـيـه لـك ثـابـه

لا صار ما ينتخى في حـزت الكربـه .. وقت الرخاء قلعته وش عاد يبغـابه

قال عبدالله بن دهيمش بن عبار العنزي هذه الأبيات مسنده على الشاعر الشيخ راكان بن جبل الفقيري بعد أن أرسل أبيات بالجوال يحث قبيلة عنزة على مزاين الإبل أسوة بالقبائل الأخرى وبما أن من مقومات المزاين وجود الإبل الصالحة وتوفر المال فأن عدم تمكن بعض القبائل لا ينتقص من حقها وحيث أن هناك أمور تهم أبناء القبيلة أهم من مزاين الإبل فقد قلت هذه الأبيات :

الـقـبـايـل مـا فخـرهـا بالمزايـن .. قبل عصر اليوم معروف فخرها

الفخـر والمجـد مثل سهيل بايـن .. والأيادي كان طالت ما قصرهـا

كود شح المال من قـل الخزايـن .. ما تجود الأيد والبذل أيعسرهـا

يا أبن جبل ناظـر الهيلا وعايـن .. فعـلهـا بالطيب بينهـا وشهرهـا

فكوا المسجون وأوفوا كل داين .. من دفع ماله لمعسر ما خسرها

ما مقادمهـم رخـوم ولا هـدايـن .. لهم شيوخ للعـلا يشبح نـظرهـا

منهم أبن حميد حماي الضعاين 00 شيخ برقا الخيل لا جالت ذعرها

وشيخ روق الليث نطاح الكماين 00 صفوة ربيعان عدوانه كسرها

وغيرهم شيخان بعتيبه رصايـن00 لو نعد شخوصهم صعب نحصرها


كـل شيخ بديرتـه لحـماه صايـن .. يبـذل جهوده لربعـه ما ذخـرهـا

وأن تناخوا كل قاسي صار لاين .. والحميـة عنـدهـم كلن خـبـرهـا

من جنوب رهاط لحدود القراين .. عمـّرت بلدانهـا وأحيـت ديرهـا

العـدود بـدارهـم صـارت مدايـن .. كل منهم خـط لـه دار وعمـرهـا

السهال الريـد تضبح بـه مكايـن .. كل معوز انعم من الخيـر وارها

كـل صعـب بهمة العتبـان هـايـن .. في علـوم المرجله كلن شكرها

نافليـن بـذبح جـزلات الضوايـن .. وتلطم العايل إذا حدوده طمرها

ولابة الويلان يوم الهرج شاين .. باللقاء عدوانها تخشى خطرهـا

يوم عصر الـلي تكرّب بالبطاين .. كل ديـره ذودهم يرعى شجرهـا

الحسايف يا ابن جبـل والغبايـن .. والذي غـث المناعيـر وقهـرهـا

كان صار اللاش يا راكان مايـن .. شق صف الربع والفتنة بذرهـا

ما جمع شمـل القبيلة كـل خايـن .. يقمح اللي سمعة جدوده دمرها

والنقيلي هـو سبب كل الضغايـن .. لكن أهل الظلم ربك ما نصرهـا

ما نطيع الـلي يحفـرون الدفـاين .. الحفر يقع بها من هـو حفـرهـا

كان قصد أهدافهم قطع المنـايـن .. أنتم أهل التفرقه خوذوا حذرها

يا أبن جبل ما نبي بـوح الكناين .. والدعايـة ما تجمل مـن نشرهـا
كان صارت بين عشرات وخداين 00 ندوة اللي ما دعاني ما احضرها

أصبـر ومـا قـدّر الرحـمن كايـن .. عسى ليال السعد يشرق قمرها

قال الشاعر عبدالله بن خليف الرويلي يسند على عبدالله بن عبار:

البـال ضـاق وبالتماثـيـل نـخـتـار .. وكتبت رسالـة بصافي ذهـبـهـا

اكتب جوابي وارسله لأبن عبـار .. الـلي عـلوم الطيب فاز وكسبها

اليا نـخيـتـه مـا يـروّغ بالأعـذار .. ولا يـنـفـع الأنذال عالـي رتـبهـا

الحـر الأشقر نـافـل كل الأطـيـار .. مجناه من عالي المواكر جذبها

أبـو حقب ما قيل راعيـه صقـار .. من ماكـرٍ ما هـو معـرب نسبها

ولاتزرع الصبخا الياصرت بذار .. ولـو تجوع الهازلـه لا اتحلبهـا

ويدٍ يقصر شبرها دون الأشبـار .. ودك تـقـطع بالمنـاجـل عصبهـا

جواب عبدالله بن عبار رداً على عبدالله بن خليف

سلام يا مرسل عذيات الأشعـار .. أرق وأنـعـم مـن نسانيس أبـهـا

هلاعدد رمل الجزيرة والأحجار .. وعد المزون اللي وليّك سكبهـا

لك الشكر يا طيّـب السلم والكـار .. على البيةت اللي يراعك كتبهـا

والله ماني يا بيض الوجه ذخـار .. ما نذخر المجهود حزت وجبها

أن يسر الله نبذل الجهد بصخـار .. لاشك بقعـا مـا قـدرنـا نغصبهـا

واليوم يا مشكاي بالوضع محتار .. ماودي الأجواد نكشف حسبها

الـلي لنـا عـنـده حشيـمه وتعـبـار .. عقب التقاعد فرق الله شعبهـا


قال الشاعر عبدالعزيز بن ناجي الجعفري هذه الأبيات يسند على عبدالله بن دهيمش بن عبار :

للمجد نـاس وللردى نـاس ونفـوس .. والـطيـبـه تـبقـى ويـرفـع عـلمـهـا

لاشك كان الروس ما تنحسب روس .. وجـودهـا بالكـون كـنـه عـدمـهــا

تبقى فعول أهل الوفاء كنز ودروس .. يعـيش راس بالشجـاعـه رسمـهـا

رجـال ذكـره عـز مـبـدى ونـامـوس .. يـبني صروح المرجلـه ما هـدمها

اقولهـا والسيف يفـرق عـن الموس .. السيف مـيـزان الحقـوق وحكمهـا

شروى مقـام القـرم عساه محـروس .. عـبـدالـلـه بفـعـله ورايـه وسمهـا

اليا وقف كل المصاعب لـه جلـوس .. تخضع تحت سلطان عزمه هممها

ما طـال وقـفـاتـه ضعيـف ودنفـوس .. المـرجـلـه تـخـدم نـبـاه وخـدمـهـا

يوم أن بعض المرجله زيف وفلوس .. عـنـده تبـاشير السعـد مـا ظـلمهـا

لبس الوفاء يـزهـاه واعـز ملبـوس .. وعين الحسود اللي تحسده لطمها

وقال الحميدي بن نبات هذه الأبيات :

بعض الأوادم يا أبو مشعل ولا شي .. ماتـوا قهـر ما قيـل لحقـت منـاهـا

ما ينحسب لو طولت بـه وهـو حي .. وحكيه مثل ما قيـل ليـل وضحاهـا

والـلي يدور شهرته بالسـب لي .. ما عـقبكم تأليف في محتواهـا

بـينـتـهـا يالقـرم تـبـيـان مشـفي .. وحميتها من كل من هو بغاها

أعجزت من بعدك هـل شناب ولحي .. والـلي بحث من بعدكـم مـا لقـاهـا

وأنساب وايل يا ابن وايل كما هـي .. وأنت الذي وقفـت مـن هـو نـواهـا

وأنـت الحـميـا راسهـا للقسى عـي .. وأهل الدسايس ما حسبت لقساهـا

تكحل مدامعهـا وتقسي عـلى السي .. وعـنـد التحـدي مـا يهمـك عـداهـا

مواقفك تبـري غـثـاء الكبـد وكـوي .. لاعاش من هو يابو مشعل نساها

ومـحـرّف الأجـداد يـا لـي يـا طــي .. يا للعجب وش مقصده مـن وراهـا

بـني وايـل مـا هـي تـلافيـق وشـلي .. تاريخهـا والمجـد يقـضي قـضاهـا

أسم عـنـزة يعـمـهـا والـفـخـر ضـي .. صفـوة ربـيعـة مـا يقـرب حمـاهـا

اسم شمخ مـا هـي بواريـد وعصي .. منهـم مـلـوك المملكـة وزعـمـاهـا

عنـزة بـني وايـل هـل العـز والـفي .. زبن الدخيل وعوق من هو قصاها

سقم المعادي لا تمـادى عـلى الـغي .. ودلـت خيـول القـوم تلـمع حـذاهـا

قال عبدالله بن دهيمش بن عبار رداً على الحميدي بن نبات الجعفري :

يا مرحبـا بمسطر القـاف يا حـي .. حيه عدد رمل البلاد وحصاها

ابـن نـبات الـوايلي فـزعـتـه لـي .. شاف الحقيقة يوم كتبي قراها

مبطي ذكرت الدم ما ينقلب مـي .. والقوم ما ترضى عليه خطاهـا

يا أبو عمر دونت ما نالت أيـدي .. افخر بماضي لابتي من غلاها

يوم الذهان مقيله في ذرى الفي .. تذكـر زميلك كـل مـلـه صلاهـا

والـلي عـذاريـب الملأ حطها بي .. هو الذي شمل القبيلة شظاهـا

اللي خلط يا مسندي ذيك مع ذي .. شتت بني وايل وقـلـّع مـداهـا

والـلـه ما خـليت يا مسندي شي .. لو دار كسرت هوبرة ما لقاهـا

عثيت بالناضج وخليت أنـا الني .. نترك حكاك قدروها لمن بغاها

انهـل من الصافي نقاريح بـدلي .. وبقي حثايل من غثاريب ماهـا

اشوف ناس بكل محفل لهم زي .. حتى رذال القوم هبهب هواهـا

نسل الكرام اللي تشابه كرم طي .. دمـدم مكارمهـا فعايـل ضناهـا

أهـل العفوج الزاقحه كنها نحي .. يا للأسف تسمع كلام اسفهاهـا

واليوم سفيه البشر لبست عبي .. وصارت بلمات المجالس تباها

من يارد الحسيان لا يرتجي ري .. صدر وشوله تجتلد من ظماها

وقال الشاعر جميل بن محمد الحوسي هذه الأبيات يسند على عبدالله بن عبار :

وقعت لك وقعت في عشـر الأصبـاع .. أنـك أديـب وفـيـك صـبـر وجــلاده

شاعر فحل مشهور في كل الأصقاع .. عنـدك عـلى نظـم القوافي شهـاده

راوي واديب وشاعر وعندك اقـناع .. أنـا أشـهـد أنـك تستـحـق الأشـاده

وأن قيل من هو قلت بين الملأ شاع .. عـلمه وذكـره محتـرم فـي عـتـاده

أنـا اشـهـد أنـه بالصعـيـبـات بـتــاع .. بـالمـعـضـلـه عـنـده قــدوم وأراده

عـبـدالـلـه العبـار مـا هــو بـرعـراع .. وأولاد وايـل بـالـلـزم هـم اسنـاده

مـن لابــة هـداتـهـم تـشـبـع اسـبـاع .. عـدوهـم مـا يـهـتـنـي فـي رقـــاده

قال عبدالله بن عبار رداً على جميل بن محمد الحوسي :

حـي الـزمـيـل الـلـي للأشعـار بـداع .. حـيـه عـدد نـبـت النـفـل بالحـمـاده

حيه عـدد ما نسنس الصبح ذعـذاع .. وأعـداد مـن صلـوا بـدور العـبـاده

جميـل أبـو تركي كمـا الحـر لا ثـاع .. اسطى مـن الصيـرم بحـزت هـداده

شيخ وخطيب لوالي الكون مطـواع .. عـسـاه دايـم فـي حـيـاة الـسـعــاده

ترى الكلام الـلي سمعته ولـو شـاع .. لا تـصـدقـه يـا شـيـخ كـلـه ربــاده

أصـبـح يـعـوث بـغـرتـي كـل خـداع .. الـلي لـه الـتـزويـر والـكـذب عـاده

مـا دام تـشكـرني طـويليـن الأبـواع .. الـلاش مـا يـشـكـل عـلي انـتـقـاده

عنـد اللـزم ما شفت من صال فـزاع .. الـكـل سيـفـه شـايـلـه فـي غـمـاده

قال عبدالله بن دهيمش بن عبار هذه الأبيات يثني على الشيخ متعب بن معبهل الشعلان :
يا متعـب الشعـلان مهـمـا مدحنـاك .. طيبك غلب يالمرعضي من يمجدك

اكـرمـتــنـا يـالـوايـلـي يـوم زرنـاك .. ما هي غريبه منك هـذي عـوايـدك

يلقا الكرامه ياأبن الأجواد من جاك .. سمعت في طاريك من قبل أشاهدك

تطـيـب وأشبـالـك بالأفعـال حـلـيـاك .. الـكـل مـنـهـم بـالـمـراجـل يـقـلـدك

ربـيـتـهـم لا خـيّـب الـلـه مـسـعــاك .. عسى الولي بصلاحهم دوم يسعدك

كسبت علم الطيب مـن فعـل يمنـاك .. وكـل العلوم الغانمـه حشتها بـيـدك

مشكور يا متعب عسى الله يرعـاك .. تبقى ذخر يا ريف من سار قاصدك

أنـت الـذي يالقـرم نفخـر بطـريـاك .. تتعب على كسب الفضيله سواعدك

يا طيب منطوقتك ويا طيـب ملقـاك .. لـو مـا مدحتـك فعـل يمنـاك حامـدك

قال نايف بن متعب بن معبهل الشعلان هذه الأبيات رداً على عبدالله بن دهيمش بن عبار :

يا راكب اللي مالها مراس واسلاك .. هـبـه شمالـيـه هـواهـا تـحـت يـدك

اسرع من الصاروخ قطاع الأفـلاك .. تسبق صدى النوماس من طيب مقصدك

سقـهـا لأبـن عـبـار يا زيـن ملفـاك .. من نايـف الشعـلان والـلـه يسعـدك

قـلـه بـيـوت الشعـر تزهى بطـرياك .. يا تاج راس المدح ما جيت أمجدك

الطيب يعـرف يـوم يمشي بممشاك .. تشهـد معي وايـل وهـذي عـوايـدك

جيت العزيز ورحت أعـز وفقدنـاك .. وصـار المـكـان بـكـل ركـن يـرددك

تـم الكـلام وهاجسي يطـلب رضـاك .. عسى القصيده ترتـقي مع قصايدك
قال عبدالله بن عبار رداً على نايف بن متعب بن معبهل :

حييت يا نايـف عسى النـذل يـفـداك .. الـلـه يـفكـك مـن عـدوك وحاسـدك

نـادر حـرار بـعـالي الحـيـد مـربـاك .. تبهج ضميراللي على الصيدعودك

مخـلاب كـفـك لـلـجـزيـلات فـتـــاك .. والـلي جنـاك مـن الصواريم فـنـدك

جتـنـا البيـوت الطيـبـه لا عـدمنـاك .. قــريـتـهــا ومـلـزوم بـالــرد أزودك

ردك عـلي اعـتـز بـه طابـت أريـاك .. وأنـا تـراي بـكـل موضوع أسانـدك

سجل قصيدك فـي سجلات الأبـواك .. وأقـره على الـلي بالدياوين ينشدك

حيثك عرفت سنوع دربك ومسراك .. لا تطـاوع الـلي في مباديـك ينقـدك

أمض وتـحـد الـلي بقـولـه تـحـداك .. وخلك تضـد الـلي يحـاول يضـاددك

.................................................. .................

بسم الله الرحمن الرحيم

قال عبدالله بن دهيمش بن عبار العنزي هذه الأبيات المتواضعة يسند على الرجل الفاضل عايد بن سليمان الرشيد المشدّق بمناسبة الزياره لمنطقة الجوف والقريات وطريف وعرعر شاكراً ومقدراً الرجال الذين غمروني بفيض كرمهم بالتقدير والإكرام :

شاقـني بـرد الشمـال اليـا نـطحـتـه .. البـلاد الـلي لـهـواهـا القـلـب رايـد

شاقني شوف السراب اليا سبحتـه .. فوق اللي يطوي المسافات البعايـد

موتري للجوف صوب رويل محته .. منتوي صوب الجلاس عيـال زايـد

وبعد ذلك سار صوب الغرب شحته .. لأهـل الـقـريـات وافـيـن الـوعـايـد

ثـم يـم طـريـف نحـو الشرق لحتـه .. صـوب لابـه مـن قـديـم لـي سنايـد

ثـم سـار الجيب ولعـرعـر صفحتـه .. ديـرة الأجـواد صـافـيـن الـعـقـايــد

من نوى يجرح مشاعرهم جرحتـه .. عـن حسبهم عـن نسبهم دوم ذايـد

مجـدهـم في ناضر الواقـع شبحـتـه .. في فخرهم في كرمهم قـلـت شايـد

زان منظـوم القصيد وطـاب نحـتـه .. والـقـريـحـه تـمـلي بـيـوت جـدايـد

جم شعري من صدى فكري نزحته .. والثـنـاء يـزهـى الشغاميم الـولايـد

هاض نبع القـاف والمكنون بحتـه .. ما حصى مشاعري صحف وجرايد

كل ما اكتب بيت ما جاز ومسحته .. مجـد وايـل مـا يـوصـف بالقصايـد

كيف أوصـف شي بعيـوني لمحتـه .. عـن كـرمكـم يـا عـريـبـين البدايـد

كـل منـكـم بالفـخـر عـرفـه ربحتـه .. مسندي عضـدي بحـزات الشدايـد

يـا بـني عـمي ستـار الشـك زحتـه .. مـا نـشـك بطيبكـم عـنـدي شهايـد

قـلـت يالـلي بالكـرم بـابـك فـتحتـه .. وأنـت عنوان الصخى بالمال جـايـد

كـم حاشي لا لفـا الهـاشل ذبـحـتـه .. عـادتـك للضيـف تقـلـيـط المـوايـد

وكم كبش بالصحن قـلـط فـطحـتـه .. والصيانـي فـوقـهـا مـثـل النضـايـد

يالكريـم الـلي كسر بيـتـك شتحتـه .. الـمراجـل كـايـده والـطـيـب كـايــد

الـمـراجـل دربـهـا مهـمـا بـرحتـه .. دونـهـا تـزمـي سمـاهـيـد الوهـايـد

الصخي بـذلـه يـزود اليـا نصحتـه .. الكـرم والـجـود لـه سلـم وعـوايـد

الصخي دايـم يشوش اليـا مدحتـه .. وأن نخيته عـن لزومـه مـا يحايـد

والردي مـا نمدحـه لـو زاد سحتـه .. ما كسب طولـه ولا حصـل فـوايـد

الـزلابـه مـا يـهـمـه لـو كـسـحـتـه .. ضـاع مجـده ما بقي عـنـده شرايـد

مـن يـذل النفس داس العـز تحـتـه .. ومن تلاشت قيمته مـا صار قـايـد

مـا تبلـويـت الـرفيـق ولا فضحتـه .. ولا وضع من قيمتي منطوق مـايـد

تـم نظـم القـاف والمعـنى شرحتـه .. والقـوافـي مـسـنـده لـلـقـرم عـايـد

مشكوووووور ابو مشاري على الطرح الجميل



ماقصرت الله يعطيك العافية

تقبل مروري وصادق ودي ...............

يعطيك العافية يابو عبدالله وصح لسان ابو مشعل

الـقـبـايـل مـا فخـرهـا بالمزايـن .. قبل عصر اليوم معروف فخرها

الفخـر والمجـد مثل سهيل بايـن .. والأيادي كان طالت ما قصرهـا

كود شح المال من قـل الخزايـن .. ما تجود الأيد والبذل أيعسرهـا

اكرم من الناشية وأسطا من الحربه .. يبـذل وميـل الزمن ما حسّب حسابه



الله الله


مبدع وفحل يابو مشعل





احترامي

الله يعطيكم العافية

بسم الله الرحمن الرحيم

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
شـكــ وبارك الله فيك ـــرا لك ... لك مني أجمل تحية .


بسم الله الرحمن الرحيم

قال عبدالله بن دهيمش بن عبار العنزي هذه الأبيات المتواضعة يسند على الرجل الفاضل عايد بن سليمان الرشيد المشدّق بمناسبة الزياره لمنطقة الجوف والقريات وطريف وعرعر شاكراً ومقدراً الرجال الذين غمروني بفيض كرمهم بالتقدير والإكرام :

شاقـني بـرد الشمـال اليـا نـطحـتـه .. البـلاد الـلي لـهـواهـا القـلـب رايـد

شاقني شوف السراب اليا سبحتـه .. فوق اللي يطوي المسافات البعايـد

موتري للجوف صوب رويل محته .. منتوي صوب الجلاس عيـال زايـد

وبعد ذلك سار صوب الغرب شحته .. لأهـل الـقـريـات وافـيـن الـوعـايـد

ثـم يـم طـريـف نحـو الشرق لحتـه .. صـوب لابـه مـن قـديـم لـي سنايـد

ثـم سـار الجيب ولعـرعـر صفحتـه .. ديـرة الأجـواد صـافـيـن الـعـقـايــد

من نوى يجرح مشاعرهم جرحتـه .. عـن حسبهم عـن نسبهم دوم ذايـد

مجـدهـم في ناضر الواقـع شبحـتـه .. في فخرهم في كرمهم قـلـت شايـد

زان منظـوم القصيد وطـاب نحـتـه .. والـقـريـحـه تـمـلي بـيـوت جـدايـد

جم شعري من صدى فكري نزحته .. والثـنـاء يـزهـى الشغاميم الـولايـد

هاض نبع القـاف والمكنون بحتـه .. ما حصى مشاعري صحف وجرايد

كل ما اكتب بيت ما جاز ومسحته .. مجـد وايـل مـا يـوصـف بالقصايـد

كيف أوصـف شي بعيـوني لمحتـه .. عـن كـرمكـم يـا عـريـبـين البدايـد

كـل منـكـم بالفـخـر عـرفـه ربحتـه .. مسندي عضـدي بحـزات الشدايـد

يـا بـني عـمي ستـار الشـك زحتـه .. مـا نـشـك بطيبكـم عـنـدي شهايـد

قـلـت يالـلي بالكـرم بـابـك فـتحتـه .. وأنـت عنوان الصخى بالمال جـايـد

كـم حاشي لا لفـا الهـاشل ذبـحـتـه .. عـادتـك للضيـف تقـلـيـط المـوايـد

وكم كبش بالصحن قـلـط فـطحـتـه .. والصيانـي فـوقـهـا مـثـل النضـايـد

يالكريـم الـلي كسر بيـتـك شتحتـه .. الـمراجـل كـايـده والـطـيـب كـايــد

الـمـراجـل دربـهـا مهـمـا بـرحتـه .. دونـهـا تـزمـي سمـاهـيـد الوهـايـد

الصخي بـذلـه يـزود اليـا نصحتـه .. الكـرم والـجـود لـه سلـم وعـوايـد

الصخي دايـم يشوش اليـا مدحتـه .. وأن نخيته عـن لزومـه مـا يحايـد

والردي مـا نمدحـه لـو زاد سحتـه .. ما كسب طولـه ولا حصـل فـوايـد

الـزلابـه مـا يـهـمـه لـو كـسـحـتـه .. ضـاع مجـده ما بقي عـنـده شرايـد

مـن يـذل النفس داس العـز تحـتـه .. ومن تلاشت قيمته مـا صار قـايـد

مـا تبلـويـت الـرفيـق ولا فضحتـه .. ولا وضع من قيمتي منطوق مـايـد

تـم نظـم القـاف والمعـنى شرحتـه .. والقـوافـي مـسـنـده لـلـقـرم عـايـد

لايستغرب هذا الجمال من الشعر

صح لسانك يابو مشعل وكل من راسلك..

قصائد تستحق الثناء..

ومشكوور اخوي / مشعل على ماقدمت لنا من ددر الشعر.

اخوكم

ابوسامي البدري