قصيدة حنا عنزة

قال : عبدالله بن دهيمش بن عبار هذه القصيدة في قبيلة عنزة بن أسد بن ربيعة
ويفند قبائل ربيعة المتواجدة قبل الإسلام ويشير لحديث الرسول صلّى الله عليه
وسلّم ( نعم الحي عنزة مبغي عليهم منصورون ) ويوضح نسب قبيلة عنزه :

قـال الـذي مــا يــوم تـاجـر بـقـيـلــه *** ولا دار مـن بـدع القـصيـد المطاميع
مـنـظـوم قـافـي مـا جـعـلتـه وسيـلـه *** جـلـه نـظـمــتـه للشغـامـيـم تشجيـع
مـجــدت ربعي فـي مـلاحـم طـويـلـه *** ولا هـمـني مـن حـط بالشمل تصديع
حـنـا عـنـزه يشهـد لـنـا بالـفـضيـلـه *** نعـّم لنـا الـلي شـرّع الـديـن تشريـع
حـنـا عـنـزه لـنـا الـمـثـل بـالـنـفـيـلـه *** بيـن القبايـل عـلمنـا بـالـفخـر شيـع
حـنّـا عـنـزه لـنـا الـفـعـول الجـزيـلـه *** بالصّدق ما نعرف الدجل والمخاديع
حـنـا عـنـزه يـوم الـلـيـالي سـحـيـلـه *** نـقـري مـحـاويـل الـبـداه المجاويـع
حــنـا عـنــزه عــدونــا ازداد ويــلـه *** يـوم بـه الفـرسان ترخي المصاريع
حنا عنـزه نـروي السيوف الصقيلـه *** عـصر الشلّافي والتـّفـق والمقـاميع
حـنـا عـنـزه غبـن الخصيم وغـليـلـه *** أمـجـادنـا كـل الـوسـايـل بــه تـذيــع
حـنـا عـنـزة شجـعـان يـوم الـدبـيـلـه *** والـلي يحـوش الطايلـه نـال تـرفيـع
حـنـا عـنـزة مـا نـرتـضي بـالفشيلـه *** يشهـد لـنـا مشعان وعقـاب وجـديـع
حـنـا عـنـزة مـن نسـل وايـل قبـيـلـه *** عـن مجدنـا التاريخ سجـّل مواضيع
حـنـا عـنـزة تــاريـخـنـا مـا يــزيــلـه *** ألا جـبـال طـويـق تــصبـح بـلاقـيـع
حـنـا عـنـزة نسـل الجـدود الأصيـلـه *** واصل نسبنـا مـا حصل فيـه تقطـيع
حـنـا عنـزة من دور عـامـر وجـيلـه *** ولا يخـلـف الـواقـع خـتـوم وتـواقيع
حنـا عـنـزة والجـد الـلي نـنـتـمي لـه *** سمـي شرسـات الأسـود الـبـواتـيـع
أسـد سـاسـه مـن ربـيـعــة سـلـيـلــه *** مـا هـي هـقـاوي بالـكـلام ومـراميع
ربـيـعـة اسـتـورث مـن الجـد خـيـلـه *** وأنجـب أسـد وأكلـب الليـث وضبيع
وأسـد أسـد الـغــاب عـقـب مـثـيـلــه *** جـد عنـزة عامر صميدع وصعصيع
وأنجـب عميـرة من ضنـاه وجـديلـه *** فـرعّهـم التـاريـخ بـالـقـص تـفـريـع
وجديلـه انجب عبـد قيس وغـفـيـلـه *** والنـمـر بن قـاسط وعـنـز المـداريع
وبـكـر وبـني تغـلـب عـذاب الكحيلـه *** أهـل الـفعـايـل بـالسيـوف اللـواميـع
الـلي تـفـانـوا يـوم صيحـت جـلـيـلـه *** نـهـار تحليـق اللمـم في هـاك الريـع
ذولا قـرايـبـنــا ولا بــه جـهــيــلــــه *** حـيـث النسب ودّع مع الناس توديع
نـفـخـر بـطـاري طيـبـيـن الـفـعـيـلـه *** لاشـك مـا نـقـبـل للأنـسـاب تـضيـيع
مـصــدر فـخــرنـا مــا نــدّور بـديلـه *** والـجـد مـا نـقـبـل بـدالـه ولا نـطـيع
مجـد عـنـزه مـوروث مـاهـو هميلـه *** وجـد عـنـزه مـابـه معـايـب وتشنيع
ومـن لا يعـرف الحـق لازم نـحـيـلـه *** للمصدر الـلي يرجعـه غصب ترجيع
وهـرجٍ بـلا بـرهـان مـا ينصـغـي لـه *** هـرج الغـلط يذهـب سـوات الفقاقيع
أوردت فـي كـل الـمـصـادر دلـيــلـــه *** مـا هـو كـلام مجّمـع الهـرج تجميع
أنـساب فـصـلـتـه فـصـيـلـه فـصـيلـه *** قصدي فخـر مـابي معـونـه وتـبريع