( من مواقف رجال القبيلة الأوفياء )


بعد أن أثيرت البلبلة في بعض المجالس والمنتديات وكتب بعض المزورين مقالات ملفقه عن قبيلة عنزه حيث وصل الأمر إلى تزوير نسب عنزه وأنتحال جد ليس جدها ونشرت أشاعات كاذبه ضد جهدي المتواضع لقبيلتي من قبل بعض الجاحدين وتجاوب معهم بعض من يجهله حقيقة الأمر وقد تصديت للمزورين وأثبت نسب هذه القبيلة بالحقائق الدامغة هناك رجال لهم مواقف صادقه فهم يكرهون الظلم ولا يقّرون الكذب ويثمنون جهد المجتهد ومن ضمنهم الرجل الوقور الفاضل برجس بن عرعر بن شاعف الضبيان فهو عمل مناسبات على مستوى القبيلة لمشايخ القبائل بعد صلح في قضايا دم وكان لي شرف الحضور والمشاركة وهذا الرجل كل ما يكون بيني وبينه مهاتفه يثمّن جهدي ويشيد وأني فخور بمثل هذا الرجل فقلت هذه الأبيات :


قـال الـذي صاغ الـقـوافـي ونـظـمهـا *** بحـر الشعـر موجـه تلاطم مـرافيها
مهـديـه لـلي حـروف القـاف يفهمهـا *** برجس أبن عـرعـر يحلـل قـوافيهـا
برجس تبع سلم الجـدود ومكـارمهـا *** مكـارمـه مـدح الـثـنـاء مـا يـوفـيهـا
نـسل الحـمـايـل عسى ربـي يسلمهـا *** لـي الشـرف أمـدح فـعـايـل سنافيهـا
مـن والـده كـل الـمـراجـل تـعــلّـمهـا *** والـنـار تقبس من مقابس مجـافيهـا
نـفسه عـن دروب الَضلالات ينهمهـا *** تبقّى عـفيـفـه نـزعـة الشـر مـافيهـا
يـامـا مـن الحشـوا للضيفان قـدّمـهـا *** والضـان لضيوفـه يـقـلّـط هـرافـيهـا
بالجـود مـا هـمّـه خـسايـر تـغـّرمهـا *** عـلى الكـرم تشهد قـدوره واثـافيهـا
من عـزوة نالـت من المجد مسهمهـا *** يـوم المغازي خفاف الهجن تحفيهـا
عـن المـراجـل مـا تـرخّـت عـزايمها *** أفـعـالـهـا فـي سجـل المجـد يكـفيهـا
وبـيـوتهـم مـثـل الشوامخ معـالمـهـا *** يسعد بهـا الـلي سنين الجوع يلفيها
عـدوانـهـم بالكـون تكـثـر هـزايـمهـا *** يخشى المعادي من مطاعن شلافيها
العـزوه الـلي خشوم الأضداد تلطمها *** تفنا العدا وصدور الأصحاب تشفيها
بـرجس جـهـودي للقبيـلـه يـقـيـّمـهـا *** ولو شاف خملة رفيع الشان رافيها
شهم الرجال أهـل الفضايل يحشمهـا *** أبـو زيـاد أهـل الـرذايـل ايـجـافـيـهـا
مـن يشمـت رجـال القبيلـه ويظلمهـا *** فـي منهجـه كـل الـتـقـالـيـد نـافـيهـا
والـلي بـني وايـل يـبـوح بمثـالـمـهـا *** يوم قدحوا بجدودنا قـلـت وش فيها
وأهـل الجحود الـلي تـوزع قسايمهـا *** الـلـه مـن أمراض الضماير يعافيهـا
يـا القرم مـا يشكـل عـليـه شتـايمهـا *** مـن بـاع حـظّه ذّمـتـه دوم يهـفيـهـا
دام الـنـمـايـم والـي الكـون حـرمـّهـا *** ما انسامح أصحاب البلابـل ونعفيها
مـن ألـف إنسـاب القبـيـلـه ولـيمـهـا *** في كـتب عـن كـل الشوايب مصفيها
ومـن الـذي يشنـا القرايب ويتهمهـا *** يـبي النحايـل عـلى الـويلان يضفيها
جـدود حـقـرّ بـهـا وجـدود عـظـمّـهـا *** مـرامـه أنـوار الـحـقايـق يـطـفـيـهـا
واللي المصادر عـلى كيفه يترجمهـا *** مـا يـقـدر يـزيـل المـراجع ويخـفيها
مـا يـربح الـلي هـل التزوير يدعمها *** مـا يـدري أنـه بالمـهـافي يهـلـفيـهـا
وش الـذي غـطّـى القبيلـه ونـومـهـا *** لابـد مـا نيقـض مـن الـنـوم غـافـيها

يـا القـرم مـا يشكـل عـليـه شتـايمهـا *** مـن بـاع حـظّه ذّمـتـه دوم يهـفيـهـا
دام الـنـمـايـم والـي الكـون حـرمـّهـا *** ما انسامح أصحاب البلابـل ونعفيها
مـن ألـف إنسـاب القبـيـلـه ولـيمـهـا *** في كـتب عـن كـل الشوايب مصفيها
ومـن الـذي يشنـا القرايب ويتهمهـا *** يـبي النحايـل عـلى الـويلان يضفيها
جـدود حـقـرّ بـهـا وجـدود عـظـمّـهـا *** مـرامـه أنـوار الـحـقايـق يـطـفـيـهـا
واللي المصادر عـلى كيفه يترجمهـا *** مـا يـقـدر يـزيـل المـراجع ويخـفيها
مـا يـربح الـلي هـل التزوير يدعمها *** مـا يـدري أنـه بالمـهـافي يهـلـفيـهـا
وش الـذي غـطّـى القبيلـه ونـومـهـا *** لابـد مـا نيقـض مـن الـنـوم غـافـيها

صح لسانك يابومشعل ولاهنت ،واهل الطيب يستاهلون مايقال بهم

قصيدة جزله وقافيه مركوزه ،
تحيتي

بارك الله بك يا أخ فهد والله أنه بعد أن أثيرت البلبله وخدعوا بعض الشيوخ ووقعوا على ظلم وعدوان ضدي وعلى تزوير نسب القبيلة بجهل منهم وخبث ممن حرضهم وغرر بهم والله أن الكثير من مشائخنا الفضلاء عرضوا عندي وقالوا أطلب تواقيع مقابل تواقيع المذكورين ونحن مستعدين ولكنني شكرتهم وقلت لهم أنا رجل صاحب حق ولا أحتاج تواقيع ورفضت أن أتقدّم لأي شيخ آخذ توقيعه لأن شهودي الله وخلقه أنني ما عملت إلا كل ما يرضي الله وخلقه والحقيقه أنني مدان للرجال الذين أثني عليهم بشعري لا أريد منهم شي إلا شكر وثناء لمواقفهم المشرفه وهذا ما دعاني أن أنشر قصائد أشادة بأشخاص

الأخ فهد مادام هذا الطاروق أعجبك يسرني أن أنشر هذه القصيدة التي قلت قبل سنين في حفل للهزازنة بالخرج وهي ضمن الديوان وقد تلاحظ عدم تكرار القافيه مع القصيدة السابقه وأفيدك أنني لم أحتاجهم بشيء ولله الحمد ولكني قلتها بموجب المشايم بين الرجال

قال عبدالله بن دهيمش بن عبار العنزي هذه القصيدة بمناسبة أجتماع قبيلة بني هزان يسند على الأستاذ محمد بن حسن الهزاني :


مبداي بالـلي شئون الكون صرفهّـا *** رب المـلأ كـربـة الشدات يـفـرجهـا
العـالـم الـلي اسرار الخلق يكشفهـا *** مولاي كـل البشـر يقضي حوايجهـا
هـو الـذي يـنـقـذ عباده ويـسعـفـها *** بـالهـاطل الـلي محيل القاع يدهجها
ومن بعد ذكره زهورالقاف نقطفها ***عذب القوافي صميم الجاش ينسجها
أخـتار من جـزلها وأترك عـذايفها *** والهـزلـه الـلي بها المنقود نسهجها
قيفان من خـاطري فـكري يصنفها *** ماني من اللي حروف الشعر دبلجها
ماني من اللي صناف الهرج زيفها *** يلوي المعاني عـلى كيفـه ويطعجها
قريحتي هاضت مشاعر عـواطفها *** هاجت وداعي عريب الساس هيجها
الـدعوه الـلي لـي الشغموم زرفـها *** حددهـا أبو فيصل وسجّـل بـرامجهـا
في محفل أسره قديم المجد شرّفها *** أخوان نوضا على الطولات منهجها
من جـدها حسن تشرّف مـواقـفـها *** مـن نسل هـّزان مجـناها ومنتـجـهـا
مشكور من لابـته يجمع طـوارفـها *** الـلي لفوهم مـن الوسطا وخـارجهـا
وصـل القـرايب يعـبّر عـن تكاتفها *** وجمع الشمل يفرح المهجه ويبهجها
والتفـرقه تفرق العـصبه وتضعفها *** تذهب قـدر هيبـة العـزوة وتسمجها
من يلطم الخشم نون العين يطرفها *** تـنثـر من الدمع لو بالكحل يدعجهـا
أفـخر بعزوة بـني هـّزان وأنصفها *** شكر الثناء في مجد الأجواد نلهجها
عـزوة فخر نفخر بماضي سوالفها *** ما هـي دعايه خبـيـر الـفـن روجهـا
هـّزان مـن عـزوه التاريخ يـعـرفها *** ضمن القبايل سجـل المجـد يدمجهـا
هـّزان يـوم الجـفا تقري مضـايـفها *** ضيانهـم يـجـذب الهـاشل تـوهـجهـا
الـلـي تـقـلّـط لـلهـواشل مـنـاسـفها *** وقـولت هـلا تنطق من أول مهارجها
وأنسابهـم مـن قـبل الإسلام ولـفـها *** هشام بـكتـابـه المشهـور مـدرجهـا
من ساس عـزوه تزبّن من يحالـفها *** دخيلهم يـغـلب أخصامـه ويفـلجهـا
كـم دار قــوم بـنـي وايـل تـصيـفـهـا *** تسيد قـطعـانهـم مـا أحـدٍ يـهجـجها
زمـان يـوم العـرب كانت وضايـفهـا *** بالسيف وين الـذي يـقدر يـرمجـها
واليوم بضل الـلي الأشرار كتـفـها *** روس الأعادي بحد السيف دحرجها
عبـدالعـزيز الـلي العدوان خـوفـها *** ما راعـه طـوابـها وراسي بوارجهـا
سوّه على الـلي سّنه الحق حـرّفها *** بالحق الأبلج دعـات الشر يحـرجهـا
بطـش بالـلي مـلّة الإسلام خـالفها *** بالحربه اللي بجوف الخصم يزرجها
عـبـدالعـزيز الـلي مهاره يـعسفّها *** دار الخصوم بهـجعـة الليـل هـادجهـا
زمان صم الرمك تنفض معـارفها *** صقرالجزيرة قحوص الخيل يسرجها
يا ما أعـتلا سابقه بالكون يشعفها *** عـلى العـدا حربتـه بالكـف يـرعجهـا
وزمان عوص النضا تومي سفايفها *** ياما بغلس الدجى الداجور يـدلجها
عوص النضّى ينسف عليها كلايفها *** شيب الغوارب من ملاحا حدايجهـا
كانه سمك عجها وهـبت عواصفها *** والخود تـوايقـت من وسط هودجها
الليث الأروع شخوص القوم يتلفها ***بحدود شلف خصوم الخصم تبعجها
أرض الجزيـرة من الإلحاد نـظـفـها *** وكل القضايا حكيم الـرأي عـالجهـا
مـا غـّره المـال والـدنيا وزخـارفـها *** أيضاً ولا غـرتـه زاهـي بهـارجـهـا
أفعال صقر العـرب ما أقـدر أوصفها *** لـيث بلاده بـتاج الـمـجـد تـوجـهــا
وأنجـب ملوك سليـل المجد خلـفـهـا *** عـلى مسيره زعيم الشعب خرجّهـا
حكـامـنا بالـفـخـر بـبـض صحايـفها *** طب النفـوس الـلي كثيـراً تشنجهـا

صح لسانك يابومشعل
تغرف من بحر ، جزالة لفظ ونفس طويل ومعنى ، ماهو حنا اللي نقيمك ،
انا يعجبني اللفظ الجزل والمفرده الاصيله والقافيه المرتكزه ، وانت اهل لها يابومشعل
ولكننا نستغرب من كثير من الشعراء ممن يعتبرون من كبار الشعراء من داخل القبيلة وخارجها ممن يخلفون القاف في قوافي ليست عسره ، ومع ذلك تجد القصيده كل بيت قاف لحاله ،
وانت في قصيدتك الاولى ركزت القافيه على اربع حروف في عجزها وهو شيء لايستغرب عليك ، رغم ان غيرك يخلف اللي دون دونها ,,,