قصائد من شعر المساجلات

قال عبدالله بن دهيمش بن عبار العنزي هذه القصيدة سبق نشرها وتسجيلها ويوضح ما حصل من اصحاب الشكاوي الكيديه :

بـديـت فـي بـدع القـوافـي ونـظّـمـت *** قـرايـضٍ مـن صافـي الشعـر قــلـتـه
عـن ذكـر شنـعـات المعايـب تـشيّمت *** قـلـت المليـح وباقـي الهـرج شـلتـه
نـقّـحـت جـزلات الـقـصايـد وقـيـّمـت *** والقـاف مـن كـل الشـوايـب نـخـلتـه
مانـي مـن الـلـي بالدياويـن هـذرمت *** بـاب اللغـى عـن قـول عايـل قـفـلتـه
أكـره كـلام الـقـدح واللّـوم والشّمـت *** وعـن سـب خلـق الله لساني عـقلتـه
ولاني على اللي يكسر الباس بصّمت *** ولا سرت في منهاج فوضه وفـلتـه
عـن طـاري المنقـود شمت وتكرّمـت *** أرفـع مـقـامـي والـوطـأ مـا نـزلـتـه
خـاويـت ذربـيـن الـرجـال وتـفـّـمـت *** مـدرك وعـقـلي بالمـواهـب صقـلتـه
وضحـت مكنـون الضماير وترجمت *** مقصودي وجـرح المشاعـر دمـلـتـه
ولا يـوم قيل أني على الناس هيلمت *** ومن لااعترض لي بالخطأ ما شبلته
جادلـت من غـرّه غـروره وخاصمت *** مـن حاد عـن درب الحقيقـه عـذلتـه
رويـت مـن قـول الــرواه وتـعــلّـمـت *** وعـن الحـقـايـق كـل فـاهـم سألـتـه
قـررّت أبي أواصل مسيري وصممّت *** عـلى المسيـر وكـل جـهـدي بـذلتـه
دونـت مـن بـحثي حـصيـلـه وقـدّمـت *** ناتـج ثـمـر غـٍرس جذوعـه شتلتـه
مـا جبت من عندي دعاوي ورهّـمت *** وضّحت كامـل مصدره مـا انـتحلتـه
صـرّحـت بالـقـول الصحيح وتكلمّـت *** والـلـي وجـدتـه بالمصـادر نـقـلـتــه
مااخطيت في حق السميه ولاأجرمت *** ولا جمع عن جمع الجماعـه عزلته
دونـت مـاضي عـزوتـي مـا تـنـدّمـت *** واعـتـز بـالـلـي لـلـقـبـيـلـه فـعـلـتـه
مجـدّت بشخـوص الـرفاقـه ونعـمّـت *** بـهـم أعـتزيـت وفـعلهـم مـا جـهلتـه
كـمّـلـت تـاريـخ الـقـبــيـلـه وتـمّـمـت *** وعـن الغلـط فحـوى كتـابـي كـفلتـه
دونــت واقــع لابــتـي مـا تــوهـمـت *** فـي كـاهـلي حـمـل الأمانـه حـمـلتـه
سجلت عـن ماضي ربيعـه وعـممّـت *** ومـا عـقـبّـه وايـل بـمـدحـي شملتـه
صابر عـلى طول المدى ما تهـضّمت *** واللي اعتزى من عزوتي ما خذلته
مهـمـا تعـبت مـن البحوث وتـغـرّمت *** رغم التعب حملي على المتن شلتـه
مقصودي أبي انجز مهمّه بهـا قـمت *** والحمـد لـلـه عـالـي القصـد طـلـتـه
مجهد وعـن كـل المواجيب مـا نمـت *** ولا اقـول فـزت وكـل مجهـد نـفـلتـه
حـلفت بالـلـه والي العـرش واقسمت *** أن الـمـجـال الـمشتبـه مـا دخــلـتـه
وأن كان كادوا لي هل الظلم واظلمت *** مـلـزوم أكـافـح والخطـأ مـا قـبـلتـه
يـالـلـي تـظـن أنـك بجهـدي تـحكّمـت *** وعـقـل المغـفّـل بالـدعـايـه هـبـلتـه
لا تـفـكّـر أنـي مـن المكايـد تحـطّـمت *** الـحـر يـصعـب تـدركـه لـو خـتـلتـه
مـا هـمنـي مـهـمـا عـلـيـه تـهجـمـت *** بـينـت واقـناعـك عـن الوجـه زلـتـه
ماطعـت من حاول خضوعي وسلّمت *** بـالـعـدل حـلاّل الـقـضـايـا وصـلـتـه
مـن يـدعّي فـي حق مـا يلزم الصّمت *** مـن فضل ربـي كامـل الحـق نـلـتـه
ولفواه اللي يبحث عن النقص بلَمـت *** والـحـاسـد الـمـنكـود كـبـده دبـلـتـه
راع الحسد مهـما احتـرمته وحشّمت *** قـلبـه صـدى مـا يـنجلي لـو غسلته
قـلـتـه وخيط النكث بـه مـا تحيـزمـت *** النكـث مـا شـد الظـهـر لـو فـتـلـتـه

قال الزميل الشاعر حجي بن لافي الربيلي هذه القصيدة مجاراة لقصيدة عبدالله بن دهيمش بن عبار يقول :

البـارحـه يـا نـاس بالـلـيـل مـا نـمـت *** سمعـت شعـر وبالمـعـاني فـهـمـتـه
والـرد زان ولـلـمــجــارى تــولــمـت *** وكـتـبـت بـالأوراق شـي كـتــمـتـــه
هـات القـلـم واكـتـب ومنكـم تعـلّـمـت *** ابي اشرح اللي في ضميري زعمته
أنـا اشـهـد أنـي مـن كـلامـك تـألـمـت *** والـلي فهـمتـه قـبـلـكـم مـا عـلمـتـه
وأنـتـه يا أبـن عـبـار قمت وتحيزمت *** واظـهـرت تـاريـخ القبيلـة واقـمـتـه
انـتـه عـلـم لـنـك وقـفـت وتـكـلّـمـــت *** كـلـن عـلى قـول العـرب مـا ظلـمتـه
جـبـت الـرسالـة كـامـلـه مـا تـهـونـت *** ومـن بـه حسد أو حقـد عنا صدمته
كـونـت مــجــد الــوايــلــيـه وكـونــت *** ودونـتـهـا بـالمـجـد والـقـول قـلـتـه
انـا اشهـد انـك وافـي وقـلـت واكملـت *** والـلـي تـعـرّض للـقـبيـلـة دحـمـتـه
ذكـرت فـعـل عـيـال وايــل وعـلّـمـــت *** وكـلـن بـفـعـلـه يالسنـافـي زهـمـتـه
وسـلام مـني وانـت مشكـور لا هـنـت *** وبـآخـر جـوابي يـوم جـاك استلمتـه

قال الشاعر العميد فرحان بن مساعد بن نومس هذه الأبيات يشيد بمنتدى قبائل ربيعة عامة وعنزة خاصه :

سلام لأهـل الطيـب وافـيـن الاشـبـار *** اهـل الوفاء والمجد واهـل الحميه
ربعـاً لهم تاريخ مـن مـاض الادوار *** الـعــزوه الــلـى كـلـهـا وايــلــيــه
بالمنتدى اللى يحمل اسم ابـن عبار *** يحشم عن علـوم الخطـا والرديـه
شاعـر ولـه فـى قمـه المجـد تـذكار *** اديـب مـن ربـعـا لـهــم مـقـدريــه
معناي ابومشعل عمى عين الاشرار *** سمح الجنـاب الـى شهـر للسميـه
من لابتـن يـوم اللقـاء كارهـم كـار *** عـدوهـم مـا يـهـتـنـى بالضـحـيـه
ويلان لا ركبوا على قحص الامهار *** محشوم وايـل عـن دروب الخطيه
والجـار لـه حشـمـه وقيمه ومقـدار *** يعـيـش مـا يسمـع عـلـومـا رديــه
وصـلا ه ربـى عـد هـتـان الامـطـار *** عـلـى رسـول الـلـه محـمـد نـبـيـه

قال عبدالله بن دهيمش بن عبار هذه الأبيات مجاراه لأبيات فرحان بن نومس

جانا من أبن نومس عبارات باشعار *** سـجـل قـوافـي وارسـل الخـط لـيـه
يـا مـرحـبـابـه عـدد مـا هـل مــدرار *** سـحـبٍ نـشـت مـن مـزنـةٍ عـقربيه
منسوب من عـزوة نزيهين واخيـار *** مـن نسـل عـايـد نعـم ذيـك السميـه
الضـيـف يـقـرونـه وهـم عـز للجـار *** ولا مـنـهـم الـلي مـا يحشّـم خـويـه
وقـت القصا مـا همهم غلو الأسعـار *** لـو توصـل الـوزنـه بالأسواق مـيـه
ذربـيـن مـا فيهـم معـيبـه ومعـيـار *** ونـيـرانـهـم مـا تـنـطـفـي دوم حـيّـه
نـوامسه يـوم الحـرايب والأخطـار *** عـوق المعـادي فـوق بـنـت العـبيـه
أما أنـت يا فرحان يا صلب الأشوار *** حـمـلـت لـك رتـبـه تـقـود الـسريـه
أطلب عسى يحميك علاّم الأسرار *** وعـســاك تـنـعـم بـالـحـيـاه الـهـنـيـه

قال محمد عايد الدوهان هذه الأبيات من ذات القافية الصعبة أهداء لزميله عبدالله بن دهيمش العبار:

مرحبا ياللي شعرك خلا الأعداء ترهب *** دواوينه جواهـر وعـقـد لـؤلـؤ منضد
شاعـر كـل القبيلة كمـا السيف المذهب *** ينـطـح الـلي هجـاهـا للقبيلـة يـعـضـد
لابـتـي بـالـحـمـيـة مــثــل نــارٍ تـلـهـّب *** يـوم عصر الدبايل لابتي تدحـر الضـد

قال عبدالله بن دهيمش بن عبار هذه الأبيات مجاراة لأبيات محمد عايد الدوهان :

يـا سليل المهوهي سيف جـدّك مـزهـّب *** من تعـاوج طـريقـه عادتـه لـه يهـضّـد
جـاه قـايـد عـســاكـر كــان وده يـنهّــب *** وبالحـدب خـلا جسمه كالهميد المخضد
وأنـت لفعـل المـراجـل يـا محمـد تـأهـب *** تعتـمدهـا وحـدك ولا تـبـي لـك معـضّـد

وهذه الأبيات من شعر عبدالله بن دهيمش بن عبار مهداه إلى الشاعر الرجل
الفاضل محمد بن حسن الهزاني من وجهاء بني هزّان أهل السلمية بالخرج :

القـاف مـن نـظـم القـريحـه كـتـبـتـه *** يهدى لأبـو فيصل حفيد أخو نوضا
عـزوة بـنـي هـزّان مـركـز عصبتـه *** نـالـوا فخـر يوم الزمن كان فـوضا
نـعـزهـم والـلي شـمـتهـم شـجـبـتـه *** قولي صدح في كـل مجلس وأوضا
حاججت من سـب الجـدود وغـلبتـه *** حتى نـزل في قاع نـقـرة حضوضا

هذه الأبيات قالها الدكتور الشيخ حسين بن علي الطويلعي يسند على عبدالله بن دهيمش بن عبار :

مـهـمـا يــقّــدم لـه بـحــقــه قـلـيـلـه *** عـبـدالـلـه العـبـار بالمرجـلـه طـاب
يـستـاهـل التـكـريـم رجـل الـقـبـيـلـه *** الشاعـر الـراوي خـبيـر بالأنسـاب
قـضّى حـيـاتـه لـه سـنيـن طـويـلـه *** يفتـح لـه ابـواب ويغـلـق لـه ابـواب
شعـره مـثـل هـطـال مـزن المخيلـه *** دون القبيـلـة يـرتـكي ضـد الأجنـاب
يشيـل مـع حـمـلـه حـمـول ثـقـيـلـه *** نشيـد بجهـوده ونحسب لـه حسـاب

وقال عبدالله بن دهيمش بن عبار هذه الأبيات مجاراة لأبيات الدكتور الشيخ حسين بن علي الطويلعي :

يا أبو علي مالي على الوصف حيله *** انت الذي علمك مع الكهل والشاب
لـك الشـكـر يالـلي عـمـالـك جـلـيـلـه *** تعـيش يا عـز الـرفاقـه والأصحاب
الطيب لـك يا حسين مبـطي وسيـلـه *** تشهد على طيبك شغاميم الأعـراب
وانـت الـذي دايـم تحـوش النـفـيـلـه *** حيثـك كريـم وعادتـك حـل الأنشاب
قـريـت مـنـظـوم الـبـيـوت الجـزيـلـه *** في حفل عنوان الفخر خلفة عقاب

قال الشاعر دحيم بن شايم النومسي هذه القصيدة يسند على زميله عبدالله بن
دهيمش بن عبار ويثني على الشيخ فرحان بن مساعد بن نومس :

يا شـاعـر القـمّـه وعـرّاب الأنسـاب *** عبدالله دهيمش عـريـب المجاذيـب
يا صـاعـداً بالمـرجـلـه كـل مـرقـاب *** يا مـوثـقٍ تـاريـخ عـكـف الأشانيب
مـا يختصر جـهـدك بتوثيـق وكتـاب *** مـواقـفـك لأفـعـال طيـبـك مـنـاديـب
بالمعـرفـه لـك ويـن مـا تـتجـه بـاب *** وبالشعـر تملـك نـادرات الهنـاديـب
اسمـك يا ابـن عـبـار للـعـلـم عـرّاب *** مـا للمدايـح عـن مساعيـك تجنيـب
يـا مـرحـبـابـك عـد مـا هــل سـكّـاب *** اقـولهـا مـن الـراس ولا مـكـاتـيـب
في مجلس اللي يدهله ربع واصحاب *** ابـو مساعد كاسب المدح والطيب
شيخ عن جـزال المهمـات مـا غـاب *** ولاغاب عن فعل الكرم والمواجيب
فرحان بن مساعد به الظّن ما خاب *** الـلـه يجيـره مـن عـذاب وعواقيـب
وحنـا عنـزة رجالنـا طيـب مـا هـاب *** بالمـرجلـه نـرقى طـوال المـراقيـب
تشهـد لتاريخ عنـزة عصم الأشناب *** تحكـم دول ماهي دعـايـه واكاذيـب
وحنـا سعوديين واصحاب واحـبـاب *** الصـف واحـد ما دخـل صفنـا ريـب
فـي حكـم حكـام الجزيره والأعـراب *** آل السعـود مطـوعيـن الأصـاعـيب

قال عبدالله بن دهيمش بن عبار هذه القصيدة مجاراة لقصيدة الشاعر دحيم بن شايم النومسي :

حي الزميل الـلي بـدأ القـاف بعجـاب *** دحيـم ابن شايـم هلابـه وتـرحـيـب
يا مـرحبابـه عـدد منبـوت الأعـشاب *** بأرض الخمايـل والتلاع الضنابيب
واعداد قطر الغيث من مـزن سحّاب *** هـواشلـه تمـلا السهل والجراجيـب
يا دحيم قافك يابن الأجواد لي طـاب *** عساك في حفظ الولي عـالم الغيـب
منظموم لفظك يبهج الصّدر بطراب *** وأشكـر جنـابـك يـا قـليـل العـذاريب
نـزيـه مـا طبعـك مـخـادع ونـصّـاب *** شهـم وكريـم ولا ذكـر بـك شواذيب
مـدحـتـني مشكـور يا عـز الأقـراب *** ومدحت فرحان الوفي طاهر الجيب
فرحان علمه عـنـد ربعه والأجنـاب *** أبـو مساعـد مـا سلك مسلك العـيب
قـلتـه وأنـا دونـت تـاريـخ الأحـقـاب *** مصادره بالصدق مـا تـريـد تعـقيب
دونـت تـاريـخ القـبـيـلـه وأنـا شـاب *** واليـوم صـارت لحيتي كلهـا شيـب
وسـم العشاير والعـزاوي والألقـاب *** ذكـرتهـا ورتـبـت الأنسـاب تـرتيـب
ونفيـت عـن وايـل خرافـات واكـذاب *** وأهل البلابل من نجاحي مغاضيب
اصبـر عـلى كـل الخسايـر والأتعـاب *** بـذلـت مجهـودي ولالـي مطـالـيـب
والمنصفين الـلي يعـرفون الأوجـاب *** شادوا بجهدي والفـخـر للمعازيـب

قال الشاعر مهيل ناجي النومسي أبو معاذ هذه القصيدة يثني على الشيخ فرحان بن مساعد النومسي
بمناسبة تكريمه للشاعر عبدالله بن دهيمش بن عبار ويشيد بجهده لقبيلة عنزة :

اعــوذ بـالـمـعـبـود وابــدا واســمـي *** من هاجس يشوش للطيب ما يـلام
وجــهـتـهــا مـنـي لـلـحــمـي ودمـي *** فرحـان مساعد للجزل يلبس وسام
فـخـر مـا هـو فـخـر قـبـايـل يــذمـي *** الـلـه نهانـا عنـه مـن ضمن الآثـام
لـكـن فـخــر يــرد لـلـطّــيـب جـمــي *** ويجازي اهـل الطيب للطيب مقـدام
يـوم انـبـرى عـن ربعـتـه واستـتمي *** جازى هل المعروف مشكور بعلام
قــدّم لـمـن هـو لـلـجـمـاعـات لـمـي *** عـبـدالـلـه العـبـار بسـطـور الأقـلام
ابـن دهـيـمش ضـلـع راسـي اشـمي *** مـا تغيـره صفـق الهبايب والأقـزام
صـم الأذاني عـن هـل الـزيـغ صمي *** لـو يشّـر اشـاره يقـول امـش قـدّام
الـلــه يــبـعــد عــنـه شــرٍ وهــمّــي *** وبصالح الأعمـال يجعـل لـه اختـام
هـذا حـسـب عـرفـي وقـلتـه بـفـمي *** ولا حد من الأخطأ معه قيد وعصام
وعـلـى الـنـبـي صـلاة ربـي تـتـمـي *** شـفيعـنـا بـيـوم بـه اهـوال وازحـام

قال عبدالله بن دهيمش بن عبار هذه القصيدة مجاراة لقصيدة الشاعر مهيل بن ناجي أبو معاذ النومسي :

حـيـيـت يـالـلـي وجّـه الـقـاف يـمـي *** يـا مـرحبـابـه عـدد مـا هـل مـرزام
القرم الـلي شعـره كما الموج طـمي *** أبـو معـاذ الـلي عـلى الـراي جـزام
مـا هـو مـن الـلي للسوالـف يخـمي *** يمشي على منهاج صاحين وافهـام
لـفـظ أبن نـاجي مقصـده زال غـمّي *** من مارثـة نومس عسى عزهم دام
يقول أبـي امدح وأفتخر بأبن عـمّي *** فرحان من عـزوة شغاميم وأحشام
شـيـخ وعـمـيـد وبـالمحـاني يظـمّي *** قـلبٍ سليم ابيض من القطن بالشام
يـبـذل كـرم لـلـمـال مـا هـو مـنـمّـي *** سـوى لـي المنعـور تكـريـم واكـرام
مـن روس عـزوة للطـراقـي تـومـي *** بالعصر اللي كلن على الـزاد معتام
وصـفـهـم الـلـي لـلـثـنـاء مـا يـدمـي *** أخـو ذكـر نـمـرٍ صميدع وضرغـام
الـلـه نـهـى عـن سـب مسلـم وذمـي *** قـلـتـه ويبشـر بالـفـلـس كـل نـمّـام
وصلّوا عـلى الـلي صفته كان أمـي *** الـلي ارشد الأمه عـلى دين الإسلام

قال الشاعر جزاع العبيدالله هذه الأبيات ينوه بتكريم العميد فرحان بن مساعد
بن زيدان ويثني على جهد زميله عبدالله بن دهيمش بن عبار :

تستـاهـل التكـريـم يـا نسـل الأحـرار *** يـا شـاعــر الــويــلان ومـورخـلـه
مـن العـمـيـد الـلي لـه شـداد واذكـار *** ذكـره ينـومسنـا وهـو فـي مـحـلّـه
فرحـان أبـن زيـدان كـان الدّخن ثـار *** يـسـقـي عـدوه مـر حـسـره وذلّــه
لـك موقـفٍ يصعـب عـلى كـل ثرثـار *** بـالـشعـر والـتـاريـخ والعـلـم كـلّـه
حـزت الأدب والطيب يا نسـل عـبـار *** مـا يجهـلـك ياكـود مـن فـيـه خـلّـه
انـت العـلـم من سـد مـأرب لسنجـار *** غصباً عن اصحاب النفوس المغلّه

قال عبدالله بن دهيمش بن عبار هذه الأبيات مجاراة للشاعر جزاع بن عبيدالله النومسي :

يـا مـرحـبـا حيـيـت يالمخلص الـبـار *** حـيثـك نـزيـه ولا تجـي مـنـك زلّـه
يالنـومسي قـافـك تـقـل قـطـف نـوّار *** يـامـا تساجـلـنـا بصـفـحـة سجـلّـه
منسوب من عـزوة عفيفين واخيـار *** مـن نسـل عـايـد للـمـعـاديـن عـلّـه
نـوهـت يالمنـعـور عـنـي بـالأشـعـار *** وأطلب عسى المولى يضلّك بظلّـه
وأنت الذي تحشم عن العيب والعـار *** والـمـحـتـرم كـل الـخـلايـق تـجـلّـه
فـرحـان مـن زاره يـجـد بـن وبهـار *** فـي مـجـلسـه تـاجـد ونـاسـه ودلّـه

قال الشاعر حجي بن لافي الربيلي هذه القصيدة يسند على عبدالله بن دهيمش بن عبار :

راكب الـلي يا اشتغـل كود مـا ينـاش *** مـا يـداني البنزيـن رجلـك تنوشـه
جمس حـمر مـا صممـه كـل غشّاش *** مـا فيـه قـطعـه ركبوهـا مغشوشـه
تــوه مـورد والـثـمـن دافـعــه كـاش *** مـن معرضه راعيه دافـع قـروشـه
مـنـوة غـريـبٍ نـاويٍ بـعـد مطـراش *** مـا كـل واحـد في مراحـه يحوشـه
مـا جـابـه الشـاوي مـربـي للأدبـاش *** ولا ركبـه الكـداد لأجـل الـمعوشـه
ولا جـابـه الـلي يجـمع العـود قـرّاش *** واليا وقـف وقفـت شجاع بهوشه
عـلى الطلب جابوه انظف من الشاش *** ومصمـمٍ بـديـه بــقـوة عــروشـه
كـانـه من البنزين مشروبـه غـراش *** يشبـه لشيهـان الجبـال مخـروشـه
صفق الهـوا بمرايته صوت رشّاش *** رشـاش يـرمي بالمخـازن قفـوشـه
يـلـفـي لأبـن عـبـار قـدام الأغـبـاش *** الصبح سارح قـبـل وقـت الغبوشـه
واليـا لـفى يلـقـا تـراحيـب وافـراش *** عـنـد الرجال اهل الوجيه البشوشه
عـطـه جـوابي يا سـرى كـل هتّـاش *** من خوف يكشف سرخطي هتوشه
انشد عن احواله عسى معزّبك عاش *** وركـّد كلامك لا تجي فيـك طـوشه
قله تـرى الديره جاها سيل ورشاش *** عـلـم الحيـا والسيل جتني طروشه
مـن الجنوب اليـا القريـات معـتـاش *** راعي الغنـم والبوش شبعان بوشه
والـبـدو فـيهـا بـنـو خيـام واعشاش *** كـلـن عـلى مـا قيـل رتـب عفـوشه
وفيها الزبيدي عبـوا كياس وخياش *** بفياض مافيها الخزامى محشوشه
والـبـر زان وزان بـه كـل مـطـراش *** وحنا على شوفك نسوق الرشوشه

قال عبدالله بن دهيمش بن عبار هذه القصيدة جواب لقصيدة الشاعر حجي بن لافي الربيلي :

بسـم الـذي بمخالـف الـديـن بـطّـاش *** فرعون بطش بـه وحطّـم جيوشـه
ونمـرود يصفع صابـره دوم بكلاش *** سـبـب ذبـابـه بالأنـوف مخشـوشه
وقـارون افلس وأنتهى كل مـا حاش *** خفس بقعـر القـاع بـيتـه وحـوشه
والتبّعي يـوم اعـتـلا منصب البـاش *** عـقـب المعّـزه زال ملكـه وغـوشـه
واللي فخر في غرسته طاح منداش *** شاف الـدوالي والغصون معروشه
هـذي عـبـر دونـتهـا لأجـل يـنحـاش *** الـلي عـن الدنيـا مغـمّض رمـوشه
ومن بعـد ذكر الـلـه حـّلال الأبـلاش *** الـلي يصـون العبـد مـن كـل دوشـه
منظوم حجي هيّض الفكر والجاش *** الـولـدعـي عـسـى فـداه الـدحّـوشـه
القـرم كـان أنـه سمع نخوته شاش *** مثـل النمـر يخشى قبيلـه خـمـوشـه
حلياه اللي فرق الحباري لها راش *** حـرٍ عـلى روس الشوامخ اعشوشه
واليـا لفـاه الضيف يذبح لـه كباش *** مـا جـاب نـادوس الخـراف اللّكوشه
شوقـتـني يالـقـرم لفيـاض ومشـاش *** وتذكر قوانيص الـزبيـدي تحوشـه
وقبلك ذكر لي ريـف بديـار عـمّـاش *** نبـت الخزامى والنفل تـقـل شوشـه
شوف الفياض المعشبه ينعش نعاش *** فيهـا الورق عشبه تمدد شروشه
قلبي يا أبن لافي على الربع عطّاش *** لكـن ظـروفـي بالضبـاب مغـبـوشه
حاولت اسيّـر مـار يا مسندي مـاش *** مـا غـيـر تـلـفـازي أقـلّـب دشوشـه
أحيان شاشاته بهـا طـاش ما طـاش *** وأحيـان يظهـر فيـه غـوار طوشـه
الوقت يمضي بـيـن لمبات وافيـاش *** شاقيـن والمجـلس نـزيـن نـقـوشـه

قال محمد بن حريميس النومسي هذه القصيدة يثني على العميد فرحان بن مساعد النومسي ويسند على عبدالله بن دهيمش بن عبار :

فـرحـان ثـمـن لــلــمـؤرخ مــجـيــه *** استـقـبـلـه بـاحـلا سمـات الحـبـابـه
ابـو مـسـاعـد بـاسـم جـده سـمـيــه *** شيخ وعميـد وفخـر من ساس لابـه
رحـّب بـابـن عـبـار بـازكـى تـحـيـه *** وكـل الحضور بوسع صدر ورحابه
قــدم بــخــور ودلـةٍ شــاذلــيـــــــه *** سـاقـه بـقـول ارحـب هـلا مرحبابـه
فـي مـجـلـسٍ لـه بـالـمـقــام اولـيــه *** مـن يـدخلـه يـزيـل عـنـه اركتيـابـه
وقـدّم مـع الـتـرحيـب اجـمـل هـديـه *** تـكـريـم لـلـعـبـار حـضـرة جـنـابــه
يـمـتـاز تـعـبـيـره بـحـرف ابـجـديـه *** بسم عـنـزة رحـب عـريـب النجابـه
يـسـتـاهـل مـؤرخ سـمـات عـنـزيـه *** اسمـه عـلـم باسـم القبـيلـه سمـابـه
مـا حـرر جـهـوده محـامي قـضيـه *** تـحـريـرهـا مـصـدر كـبـار المـهـابـه
كـبـار وايـل مـن شـيـوخ ورعـيــه *** عـلى مـشـاهـدهـم سمـا واعـتـزابـه
اثـبـاتـهـم شـدت لــه الـمـعـنـويــه *** ركــن عــلـى شـم الـجــبــال ورقـابـه
يـا حـي ابـو مـشعـل ويـا حـي حيـه *** تـحـيـزم المـحـزم وشـد الـعـصـابـه
سـمـا لـهـا جـهـز الـعـزوم الـقـويـه *** عـلـيـه قـو الـعـزم مـاهـي غـــرابـه
ثـابـر بـجـهـد وجـد واخـلاص نـيــه *** مـا قـال قـم يـا فـلان عـنـي نـيـابـه
ولا قـال هـذا لـذاك وهــذاك لــيـــــه *** مـشـيـه قـدى عـلـى دلـيـلـن بـدابـه
تـولـيـف كـتـبـه لـلـمـواهـب رقـيــه *** نـشـط لـهـا فـكـره بـحـزم وصـلابـه
عـبـدالـلـه الـعــبـار فــذن دهــيــــه *** ابـن دهـيـمش رمـز طـيـب ونسابـه
الــوايــلـي مــارد عــدوده رهـــيــه *** عــدن مــواريــده رهـيـن شــرابــه
وخـتـامـهـا خـذهـا جــزالـن وفــيـه *** بـاشـهـر تـحـيـه يـا بـديـه الأجـابـه

قال عبدالله بن دهيمش بن عبار هذه القصيدة جواب لقصيدة الشاعر محمد بن حريميس النومسي :

مــبــداي بـالـرحـمـن رب الـبـريـــه *** منشي هماليـل المطـر مـن سحـابـه
غـيـثٍ يـسـيّـل كــل فـرع وشـغــيــه *** الـروض من وبـلـه تشابـك عشابـه
من عـقـب ماهي قـاحـلـه جـرهـديـه *** تصيـر مـن غـب المطـر تقل غابـه
بسـم الـولـي قـلـت البـيـوت العـذيـه *** رد الـزميـل الـلي وصـلـني جـوابـه
محـمـد ابـن حـريميس يسنـد عـليـه *** الـنـومـسي عـذب الـكـلام ابـتـدابـه
مـاهـو مـن أصحاب النفوس الدنيـه *** ويفلج خصيمه كان صارت طـلابـه
أطـلـب لـعـلّـه مـا شكى مـن شـكيـه *** وعـسـاه مـا يـدخـل مـقـر الـطبـابـه
مـن نسل عـايد عـزوتـه نـومسـيـه *** عـز الـخـوي والـجـار عـز القـرابـه
ريف الغريب وريـف راعي المطيه *** لا جـاء مـن البيـداء منفض زهـابـه
مـلـهـوف جـايـع يـابـسـات شـفـيـه *** ومتـصفـطـات مـن المسيـره ثـيـابـه
صابـه وهـق وأوشـك يـزور المنيـه *** وعادت حياته مـا تـقـل شي صابـه
يـلـقى الحـفـاوة والـحـيـاه الـهـنـيـه *** كـلـن يـقـول الضيف يـقـلـط هـلابـه
عـنـد الكـرام أهـل الكـفـوف الـنـديـه *** عـيـال نـومـس ملـحـقيـن الـزلابـه
يـفـرح بـهـم راعـي الجـواد الونـيـه *** فـي سـاعتـن سرحان كشّـر بـنـابـه
يـوم السنـيـن الـلي كـمـا الجـاهـليـة *** العـصـر الـلي بـه المـرازق نهـابـه
عـيـال نـومـس يـنطـحـون السـريـه *** لا ثـار عـج الخـيـل واعـتـم ضبابـه
والنعـم فـي أهـل الصـدور الفـضيـه *** مـا منهـم الـلي شايـن العـلـم جـابـه
مـنـهـم رجـالٍ بـالـلـقـاء صـيـرمـيـه *** تـدحـم عـلى جـمع العـدا مـا تهابـه
وصـلّـوا عـلى سيـد العـبـاد التـقـيـه *** الـلي لنهـج الـديـن ربّـى الصحـابـه

قال الشاعر صالح بن ضويحي السلمي هذه القصيدة يثني على عبدالله بن دهيمش بن عبار :

خـذ مـن شهالـيـل الـقـراح المصـفّـا *** يـا هـاجــسٍ قــدام عـيـنـي دلـيـلــه
لـك مـن زمـان بـمـدح شـرواه شفّـا *** لا مـا أنـت لاقـي فـي مقامـه مثيلـه
الـوافـي الـلـي وقـفـتــه مـا تـخـفّـــا *** مـن دون حـقـه والوطـن والقبـيلـه
قــام وبــذل جــهــده وكــفّــا ووفّـــا *** واعـطى مالا يعطيـه غـيـره بجيلـه
كـم مـوقـف بـه طـيّـب الصيـت كـفّـا *** حـتـى غـمـرنـا فـي وفـاه وجميـلـه
الـوايـلـي يــوم اكـثـر الـنـاس قــفّــا *** ثــنــا لـهـا واقـف وعــمّـر سبـيـلـه
ثـنــا عـلـى سـاق وقــدم يــوم لــفّــا *** عـلـم يـحـذّر بـه عـمـيـل لـعـمـيـلـه
مـاكـن لـه عــرق بـجـسـمـه يــرفـّـا *** ثـارت حـميـاه ونـسي مـا حـكي لـه
مـالان عـزمـه واسـتـراح وتــعــفــا *** واصـل طـريقـه والمسافـة طـويلـه
والـلـي لـجـالـه بعـض الأحيان حـفّـا *** مـا زعـزع الصامـل ولا هـز حيلـه
شـال الـثـقـيـل ومـا تـثـيـقـل وخـفّــا *** والـلـه جـعـل كـلـن لـدمـه فـصيـلـه
نضـب معيـن الحـرف والحبـر جـفّـا *** ما اوفيت ابن عـبـار زبـن الجزيلـه

قال عبدالله بن دهيمش بن عبار هذه القصيدة جواب لقصيدة الشاعر صالح بن ضويحي السلمي :

جـانـي مـن الشعـر الجـزيـل المقّـفـا *** مـن شـاعـرٍ وافـي خـلاقـه نـبـيلـه
كـالـحـر الأشـقـر بـالـجـنـاحيـن رفـّا *** مـخـالـبـه مـثـل السيـوف الصقيلـه
صـالـح مـعي سلـيـل الأجـواد صـفّـا *** القـرم أبـن ضويحي يشيـد بزميلـه
وقـف ضـد الـلـي بـالـمسبّـه تـشـفّـا *** حـمـيتـه تـظهـر الـيـا شـاف عـيـلـه
وايـقـظ الـلي طـالـت سبـاتـه وغـفـّا *** عـن مـاضي التاريـخ عـينـه كليـلـه
يــغـط بـنــوم وفـي لـحــافــه تــدفـّـا *** وان قام غـر أهـل العقـول الضليلـه
مــا صــار لــه فـي كـل يــومٍ مـلـفّـا *** ولا سـار يـبحـث فـي نـهـاره لـيـلـه
مـع الـكهــول الـحـي والـلـي تــوفــا *** بـحـثـت منسـب طـيـبيـن الفـعـيـلـه
صــدق الـدلايــل بـالـوسـايـل يـزّفــا *** تفصيل عـن عـزوة عنـزه وجديلـه
والـلي شـمتـنـي هـفّـت مـقـيـط هـفّـا *** حـاول يـبي يـبـرز ولا أحـدٍ دريلـه
مـالـه ذكـر وسـراج عـلـمـه مـطـفّـا *** وأصبح يحسـد الـلي عمالـه جليلـه
مـن كـثـر مـا يـقـدح لـسـانـه تـحـفّـا *** غيـر الطعـن والقـدح مالـه وسيلـه
يـبحـث عـن الشّينـه وللـزيـن خـفّـا *** والـجـد عـافـه مـا تـقـل يـنـتـمي لـه