أبيات مما استجد من الشعر

الشيخ محمد بن عايد العامر المجلاد مدير مطار الأمير نايف بن عبدالعزيز بالقصيم وبعض
المطارات الأقليميه من الرجال الأفاضل الذين اسمع منه دائماً الأشادة بجهدي لقبيلتي وسبق وأن
وجهت له قصيدة أثني عليه وهذه الأبيات المتواضعة وجهتها له الحاقاً لما سبق شكر وعرفان :

محمد بن عـايـد بن عـامـر المجـلاد *** كريم وحليم ويعجب الناس بأخلاقه
محمد سليل المجـد موارث الأجـواد *** عريب المجاني ينتبه مجذب عراقه
رفيع القـدر والشان للمرجله معتـاد *** لنيل الفخر نفسه طموحه ومشتاقه
عـدو الكبر معدود من ساير الأفراد *** على المرجله رجله سريعه وسباقه
مايمشي الاصعود نحو العلا مسناد *** عاف الطمان ولـّوح براس شوهاقه
تعلّى وبرز علمه على قمّة الأطـواد *** مجمل عسى يفدونه النـذل والعاقـه

وكتب الصديق الوفي عبدالله الموسى الخرشاوي عبر الواتساب ما يلي :
صباح الخير يا أبا مشعل وربي كم أنا مشتاق لرؤيتك والحديث معك والنهل من
معينك العذب أسأل الله أن تكون بخير وجميع من يعز عليك ثم كتب هذه الأبيات

يا أديـب القبيلـه يا عـزيـز الجـنـاب *** عطني علـوم حالك يا عساها بخيـر
لـك مكانه عزيزه لـو يطول الغيـاب *** يشهـد الـلـه عـليها ساكنه بالضمير
اسعـد الله صباحك بالأجـر والثواب *** وبارك الله جهودك يالحسام الشطير

وقد رديت على الصديق أبو فهد بهذه الأبيات :

يا أبو فهد هلابك عـد قطر السحاب *** من مناشي غمامه هل وبله غـزيـر
ياصدوق المشاعر جاك رد الجواب *** عبـر عجل الوسايل مع نفيح العبير
أبشر أني بعـز وخيـر والوقت طاب *** وأحمد الـرب سهّـل كـل أمـر عسير

قال عبدالله بن دهيمش بن عبار هذه الأبيات مما استجد من شعره :
الحسـد يـعـلـق بالضـمـايـر حـريـقـه *** فـي مهـجـة الحاسـد يـولـّع لهبـهـا
والـلي أبـتـلا بالحسد يشعـر بضيقـه *** مـن حـيـث نـفسه مـا تحقق طلبهـا
يصعب عـليه مـن الكـدر بـلع ريـقـه *** فـكـره تـلـوّث والـذنـوب ارتـكـبـهـا
الحسـد مـا بـيـن الشقيـق وشقـيـقـه *** يـفـتـن وكـل المشكلـه هـو سبـبهـا
والـتـايـه الـلـي مـا يـقــدّي طـريـقـه *** يمشي ورجـلـه خـيّـب الـلـه تعبهـا
والـجـاحـد الـلـي مـا يـعـد الحـقـيقـه *** يكـمـا الشهـادة والحقايـق حجبـهـا
والهـايـف الـلي مـا اقـوالـه وثـيـقـه *** خـم العـلـوم المـسـمـلات ونـهـبـهـا
والـرجـل تـعرف سيـرته مـن رفيقـه *** صقـر الصوارم مـا يـرافـق حقبهـا
ومـن لا تـمسّـك بالسـلـوم العـتيـقـه *** طـمـن وبـأفـعـالـه جـدوده هـزبـهـا
والـكـاتـب الـلي مـا اقـوالـه دقـيـقـه *** مـا تـعـتـمـد مـقـولـتـه لـو كـتـبـهــا
هـرج المغالـط والخـطـأ مـا نـطيـقـه *** يا كـاتـب الـنـبّـذه مصـادرك جـبهـا
مـن خاض في تاريخ عـزوه عريقه *** الـواجـب أنـه مـا يـحـرّف نـسـبـهـا

قال عبدالله بن دهيمش بن عبار هذه الأبيات يثني على الرجل الفاضل الفاضل
الدكتور المستشار أحمد بن عبداعزيز الربيش أبو مشعل حفظه الله :
الـرسـايـل نـرسـلـه مـن دون زاجـل *** مـع جـهـازٍ نحـملـه وزنـه خـفـيـف
لا مع الراكب ولا مع شخص راجـل *** مـع أثـيـر الريح مع نسناس هـيـف
مثـل نـفح الـورد في وادي جـلاجـل *** خالطه ريح النّفـل والروض ريـف
سار لأحمـد يوصله شعـر المساجـل *** مع تبهـلـل حـاجـبـه قـلبـه نـضيـف
الربيش أحـمـد سلـك درب المراجـل *** أبـو مشـعـل شـاد ديـوان ومضيـف
البخـيـل أن كـان شـافـه قـام خـاجـل *** يـبي مثله والفخـر صعـب وكـليـف
عـادت الشغموم تـقـلـيـط الـمهـاجـل *** بالصحون البيض مع رز ورغيـف
ماهـو من الـلي لسنهم مثـل المناجل *** بـه طبيعـه مـا يسير بـدرب حـيـف
كـنـه كـحـيـلان بـالـمـيـدان حـاجـــل *** باللقـاء يلكـد عـلى الجمع المخيـف
مـن حمـايـل فعـلهـم بالطيـب عاجـل *** كـل منهـم صـيفتـه شهـم وعـفيـف
مـا يـعـاشـر كـل مـتـمـلّـق وداجــــل *** ولا يـلـوذ بمجـلسه كـود الشـريـف
الـدواجـن دوم تـسـكـن بـالـكـواجــل *** والصقر وكـره عـلى الحيد المنيف

السلام عليكم ورحمة الله وبركاته
كعادته الشاعر المحبوب عبدالله بن عبار مبدع في الوصف غزير في المعاني متابع لكل جديد
ولكل مايخص قبيلتنا الوافية والمستشار أحمد بن عبدالعزيز الربيش الرويلي يستاهل الطيب
والمدح فتح ديوانه وسماه ديوانية عنزة وكأنه يقول هذا مجلسكم ومنكم ولكم جعله الله ديوان للطيب والطيبين
شكراً ابا مشعل على قصيدتك للمستشار فهي قصيدة لأهل العليا وأنت تقول وتفعل.

حيّاك الله يا راعي العليا وشكراٍ لك على المرور والأطلاع والحقيقة انني من كثر ما مر عليه من جحود ونكران ألأنذال بديت أثني على المنصفين الصادقين من رجال القبيلة من حاضره وباديه امثال أبو مشعل لأنهم يستاهلون