( قصيدة بمناسبة حفل البرازات في بلدة البطين بالقصيم )

هذه القصيدة بمناسبة دعوة أبناء دخيل الله بن عبلان السهلي لأخوال والدهم من الدعاجين من عتيبه في بلدة البطين بالقصيم حيث أقيم حفل كبير في يوم الجمعه مساء السبت الخامس عشر من شهر ربيع الأول لعام 1436هـ :

لي الشّرف بحضور حفـل أبن عبلان *** عـلى شرف صيـد الرجال الدعاجين
ولـي الشّرف انظّـم من الشعـر قيفان *** وأثني عـلى قـروم الرجال الحشيمين
من عـزوة الهيـلا هـل المجـد عتبـان *** تـاريـخهـم معـروف مـاهـم خـفيـيـن
ذبـاحـة الـحـايـل الـيـاحـل ضـيـفـــان *** لـطـامـت الـعـايـل سـطـام المعـاديـن
فـيهـم كـرم فيهـم حـميـه وشـجـعـان *** صفـوة هـوازن بالمناسب عـريـبيـن
الـعـزوه الـلي بالفـخـر فـعـلـهـم بـان *** شمّـاخـت الـربـعـه كـبـار الـديـاويـن
أهـل الفخـر لـهـم مـقـادم وشـيـخـان *** نـالـوا شموخ المجـد سابق وهلحين
مقدمهم أبن حـميد من ساس فرسان *** ونعـم وكفو بشيوخ روق الرباعـين
وزعـيـم طـلحـه من مقاديـم عـربـان *** ويا كـثـر بعـتـيـبـه مشايـخ مسمـيـن
لـو أذكر شخوص الحمايل والأعيان *** مـا تـنحـصي بـمـجـلـدات الـديـاويـن
حـاولـت أنـوه بالفخـر قـدر الأمكـان *** لاشـك كــل الـلـي ذكـرتـه عـنـاويــن
وأثني وأشيد بصاحب القدر والشان *** أبـو مـحـمـد بـه شـهـامـه وبـه ديـن
أعـني دخـيـل الـلـه سلايـل كـحيـلان *** أبـو الـرجـال الـنـافـلـيـن العـزيـزيـن
أنجـب نشاما طبعهـم فـعـل الأحسان *** يـعـزون مـن غـر الـرجـال المياميـن
أنسابهم من جذع دوحه لها أغصان *** بـيـن الـزبـيـر وبـيـن ذات النطاقيـن
الـلي شـرب دم النبـي غـزر الأيمـان *** وأصبح يعالج من شكا لـوعـة البين
واللي يعضّه غلث وانصاب مرضان *** مـن قـبـل لا يهـرف سوات المجانين
دم الــبــرازي لــه دلايــل وبـرهــان *** فـيه الشفاء مـاهـو هقاوي وتخـمين
لـهـم كـرامـه عـنـد خـلاق الأكـــوان *** حـيـث أنـهـم عـقـب الجـدود التقيـين
والنعّـم فـي ربـع الـزعيم أبن لحيـان *** مشهور مـن قـيّـاد جـيش السلاطين
أدنـاهـم الـلي بالـكـرم يـفـني الضـان *** فـي كـل لـيـلـه بـالهـواشل مـحـيـيـن
مـن يـوم صرنا عنـد الأجواد جيران *** مـضـالـنـا بـجـوارهـم عـدة اسـنـيــن
قـصيـرهـم مـالـه مـهـونـه وحـقـران *** يلقـا الكـرامـه عندهـم والنبـا الزيـن
من جيت صارولي رفـاقـه وصدقـان *** وآصبـح يعـدوني مـن الربع الأدنيـن
والـحـمـد لـلـه كـلـنــا ربــع وأخـوان *** مـا عـاد حـنـا عـن بعـضنـا بعـيديـن
مـن طـيبهـم صـرنـا قـرايـب وخـلان *** كـل الجميع أصحاب والمسكن بطين
أهـدي لهـم جزيل شكـري وعـرفـان *** والشـكـر يـرفـع لـلـكـرام الكـريـميـن
قـلـت الوكـاد ولا ‎بـمـا قـلـت بـهـتـان *** شـاهـدت مـا عـديـت بمـجـرّد العيـن
في مدحهم ما كنت مخـطي وغـلطان *** أثـني على الأجواد ما مقصدي شين
وصلوا على اللي سارفي هدي قرآن *** الـهـادي الـمـهـدي خـتـام النـبـيـيـن

بيض الله وجهك أبا مشعل ،،،

و نعم و الله بأهل البطين و أقل ذلك من واقع معايشتي لهم فنعتز بهم و نفتخر ،،،

و أهل الهيلا يستاهلون ،،،

و نعم و الله بالسهول و أسأل الله أن تكون صلتهم بأخوال أبيهم في ميزان حسناتهم ،،،

أبا مشعل أعدت ذاكرتي إلى الوراء قليلا فذكرتني بقصيدة سبق و أن وجهتها لأهل البطين ،،،،

أقول في مطلعها :


فكـري يحـوم و يعتلـي بالمراقيــــب *** يبحث عن العليا على كل عالي

جاني يقول أهل الكرم و المواجيب *** يا كثرهم وسط البطين الشمالي

سلمت أبا مشعل على هذه العصماء....

حق للرجال الفخر بك و حق لك الفخر بالرجال ....

تقديري لك و لأهل البطين و لكل قارىء.....