أبيات دعوة المظلوم

هذه الأبيات دعوة مظلوم على من ظلمه يقول صاحبها :

يا الـلـه يارب العباد أكفني شـر *** شر الحقود الـلي بلاني بشّـره

يارب يا مخرج من المشة الدر *** أنك تجازي من يـدور المضّره

جعل كفر خطو التريله اليا صر *** يدهك عظامه مـا تجمّع اكسّره

يصبح طعام لجايع الدود والذر *** فتيت جسمه مثل رمل الصفّره

نفرح بمصرع كـل ظالم الياخـر *** مصير من حـاك المكايد تحـرّه

الظـالـم الـلـي بالدياويـن يـفـتّـر *** واليا وجد عامي بصيره يفـرّه

يخدع ردي الشان بالفر والـكـر *** يقدح ومن يسمع كلامه يغّره

الطايش اللي بالخطأ للسبب جر *** والـرمل بعـيون المغـفّل يـذرّه

ينقـل نمايـم بالمجـالس اليا مـر *** ويغتابني في كـل مجلس يمرّه

عنده خداع ولـه ملاويذ وازبـر *** ومن قام مقفي بالعلابي يـتّـره

لو كان قرقر بالمجالس ولو قر *** مـا يعـادل المذموم مثقـال ذرّه

الهرج اللي ماله براهين ماضر *** والكذب يمله صاحبه ما يسرّه

شيطان نفسه بالغوى زرها زر *** يجمخ وصوته بالتشّدق يجـرّه

كنّه ملك على المحيطات والبـر *** يمدح جنابه والردى هو مقـّره

خلا شمل ربعه حزوبات وأخبر *** ونار التشاحن بين ربعه يوره

ياعل ما فعله مثل حضرة اعمر *** عـز الأقـراب وقالوا الـلـه درّه

المرجله ما هي تماثيل وأصور *** ولهي ملامح زين منظر وغرّه

الطيب من دونه عراقيل واحفر *** وتلاع في دربه وضلعان حّره

الطيب تقليط الموايدعلى اسفـر *** ما ناله الـلي دوم كيسه يصره

والتبع يبقى تبع لومصقره حر *** والهلب ما حاز السبق لو تبرّه

اقتباس : المشاركة الأصلية كتبت بواسطة عبدالله بن عبار [ مشاهدة المشاركة ]

أبيات دعوة المظلوم هذه الأبيات دعوة مظلوم على من ظلمه يقول صاحبها : يا الـلـه يارب العباد أكفني شـر *** شر الحقود الـلي بلاني بشّـره يارب يا مخرج من المشة الدر *** أنك تجازي من يـدور المضّره جعل كفر خطو التريله اليا صر *** يدهك عظامه مـا تجمّع اكسّره يصبح طعام لجايع الدود والذر *** فتيت جسمه مثل رمل الصفّره نفرح بمصرع كـل ظالم الياخـر *** مصير من حـاك المكايد تحـرّه الظـالـم الـلـي بالدياويـن يـفـتّـر *** واليا وجد عامي بصيره يفـرّه يخدع ردي الشان بالفر والـكـر *** يقدح ومن يسمع كلامه يغّره الطايش اللي بالخطأ للسبب جر *** والـرمل بعـيون المغـفّل يـذرّه ينقـل نمايـم بالمجـالس اليا مـر *** ويغتابني في كـل مجلس يمرّه عنده خداع ولـه ملاويذ وازبـر *** ومن قام مقفي بالعلابي يـتّـره لو كان قرقر بالمجالس ولو قر *** مـا يعـادل المذموم مثقـال ذرّه الهرج اللي ماله براهين ماضر *** والكذب يمله صاحبه ما يسرّه شيطان نفسه بالغوى زرها زر *** يجمخ وصوته بالتشّدق يجـرّه كنّه ملك على المحيطات والبـر *** يمدح جنابه والردى هو مقـّره خلا شمل ربعه حزوبات وأخبر *** ونار التشاحن بين ربعه يوره ياعل ما فعله مثل حضرة اعمر *** عـز الأقـراب وقالوا الـلـه درّه المرجله ما هي تماثيل وأصور *** ولهي ملامح زين منظر وغرّه الطيب من دونه عراقيل واحفر *** وتلاع في دربه وضلعان حّره الطيب تقليط الموايدعلى اسفـر *** ما ناله الـلي دوم كيسه يصره والتبع يبقى تبع لومصقره حر *** والهلب ما حاز السبق لو تبرّه

قال النويبعي مجارات لهذه الابيات

	قريت قافٍ لابن عبار لي سرً000 والاً العدو لو له قرا ما يسرًه أديب وايل ما تخضع و لا خرً 000 مثل البحر قل النجس مايضرًه كم ساعةٍ عن ربعه يوقف الشرً000 راع القشر يهابه ولا يمره سباح لامن غاص يظهر لنا درً 000 وليا وقف ياصل لنجم المجرًه لياصاغ قافه مايجيلك مكسًر 000 وليا ضرب راس المعادي يحرًه بيته على ساس وقواعد معمًر000 انعرف نسبه و عارفينٍ مقرًه ايدرس اهل الشعر حسب المقرر000 ومن يستحق البر بالبر برًه و يساند اللي في طريقه تعثًر000 ليا جنبوا بعض المخاليق مرًه ومن عانده يسقيه من علقمٍ مر000 وان طاح عن وجه الجهامه يجرًه لكن بعض الناس بالوقت يغترً000 مسكين له ضحك زمانه وغرًه الياسمع في مجلسٍ لجةٍ فر 000 يخطي ولا سولف عليك يتشرًه وليا مشى بعبيته جرها جر000 نفسه على درب الرزاله تجرًه مثلوث وكري لا يعاند اله حر000 يريح لنفسه ويكفي الناس شرًه قريت قافٍ لابن عبار لي سر000 يا لله انك يا الاهي تسره

الله يكفينا شر النمامين واهل الافك . والذين ينكبون في النار على وجوههم
جرى حصائد السنتهم .

صح لسانك يابو مشعل وصح لسان النويبغي

خلا شمل ربعه حزوبات وأخبر *** ونار التشاحن بين ربعه يوره

الله لا يمتحنا بمن هذا فعله فبدل ان يكون محامي عن قبيلته يسعى لفرقتها

ابو مشعل بيّض الله وجهك ولولا الله ثم لولاك الله اعلم بحال نسب وتاريخ عنزة

النويبغي يقول

كم ساعةٍ عن ربعه يوقف الشرً000 راع القشر يهابه ولا يمره

انشهد اسم ابن عبار يرهب كل حاقد من خارج عنزة

والمواقف شاهده والتاريخ شاهد

تحياتي للجميع

صح لسانك عبدالله العبار وصح لسان النويبعي

الله يكفينا شر النميمه

الأخوة الكرام : النويبعي ومتعب الفققي والنداوي ومنصور عبدالرزاق اشكركم جميعاً على تفاعلكم مع هذه الأبيات التي أضطريت إلى نظمها لأن هناك شخص سمم أفكار بعض ضعاف العقول في بث الدعايات فهو يجوب الديار وكل ما حل في مكان عرفت مكان وجوده حيث يتصل بي ناس يسألون عن موضوع محدد ورد في دعاية بثها ذلك الشخص وكل ما بث دعاية راجت ثم عرف هدفها وطفت وقد انسعر في بث الدعايات وحيث أن هذا الرجل ومن أخذ بقوله ليس له عندي أية دعية ألا انه قد رعى قلبه الحسد وأنطوى على الحقد فبدأ ينفس عن نفسه وهو يظن أنه يؤثر على مصداقيتي عند رجال عنزة وقد حرّض ضدي في المجالس والمنتديات ولكنه مني بالفشل الذريع ولله الحمد 0
ولا يسعني أن أتقدم للزميل الشاعر النويبعي العطيفي على هذه القصيدة التي جارى بها أبياتي المنشورة أعلاه وشكراً للجميع

صح لسانك يابومشعل على هالابيات الجزله التي تعبر عن فحواها فلله درك ياابا مشعل فانت والله علامة ربيعة واديبها ونبراسها فسر يحفظك الله ويرعاك ...

والشكر موصول للشاعر المفعم النويبعي سلمه الله وسدد خطاه على هذه القصيد فبارك الله فيك من كل قلبي ...

حفظكم الله ورعاكم

الأخ أبو وائل الوائلي شكراً على تمعنك بهذه الأبيات وأنت تعرف المقصد ومن حصّل شيء يستاهله
الأخ صالح النويبعي لقد حاولت أرد عليك للمرة الثانية ولكن صعوبة القافية حالت دون الرد وطرأ على خاطري هذه الأبيات الحاقاً لما سبق حيث أقول :
بالناس يا صالح حـراديب وأعجـر*****مـن دور آدم والبشر نضح جـرّه
اللي عن الصاحب يـطـرّم تقـل كـر*****قـلـبـه وريـم وفـيـه لـخـّه وعـرّه
عـلى القـرايـب بالقشارة غـدا مـر *****ليته تعوّذ من إبليس أخـو مـرّه
ماهو مطالب في مشاريع وأهجـر ***** قصده هـذاريـم السوالف يـثّـره

الله يعطيك العافيه ياابو مشعل وانت نهر لاينضب لاعدمناك والشكر موصول لجميع اعضاء منتدى العبار جميعا وشكرا