قصائد جديده من شعر عبدالله بن عبار - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

12-26-2014, 09:39 AM

( قصائد جديده من شعر عبدالله بن عبار )

قال عبدالله بن دهيمش بن عبار العنزي هذه القصيدة تدور حول موضوع الأشخاص الذين يدعون بالباطل في دعايات ظلم وكذب أسند على الرجل الفاضل الدكتور حسين بن علي الطويلعي صاحب المواقف المشّرفه :

يـا ولـي الـكـون عــفـوك يـا لـطـيـف *** أنت اللي لطفك على المخلوق ضافي
أنـت الـلـي مـالـك مـثـيـل ولا وصيف *** وأنـت يـا مـولاي تـعـلـم كـل خـافـي
يالـلـه أنصـر صاحب الجيب العـفيـف *** يا مغـيـث القـاع مـن بـعـد الجفـافي
كـان بعض الناس لـلـظـالـم سـعــيـف *** استعـيـن بـخالـقي واطـلـب انصافي
ومن تكاسل عن حقوقه شاف حيـف *** وكـل ظـالـم فـيـه مـيـلـه وانـعـطـافي
ولا نـدور الـحـق مـن لجـنـة جـنيـف *** لـو حـفـظ حـق المـؤلـف والصحافي
مـا انـتـحـاكـم فـي سـجـل اليونسيف *** حكم شرع الـلـه عطانا الحـق وافـي
والـعـدل والـشّـرع كـنّـه حــد سـيـف *** طـبّـق بـعـدل المـلـوك وقـلـت كـافـي
في حكـم من خـلوا المصعـب عسيف *** ومـن تجـبّـر يـدعسونـه بالخـفـافـي
مـن تـعـرّض للـبـري حـظّـه ضعيـف *** ولا يـذم أهـل الفـضيـلـه كـود هـافي
ولا يـبـور بـصـاحـبـه رجـل شـريــف *** ولا يجيـك الكيـد مـن عـال الهـدافي
ولا يـغـثـك صاحـب القـلـب النضيـف *** والنقيـصه مـا تجـيـك مـن السنـافي
وأن بـدأ خـطـو المهـرفل لـه هـريف *** مـثـل مـومي بالـدجى والنـور طـافي
الـلـجـاجـه بالـمـجـالـس مـا تـخـيـف *** وأحـمـد الـلـه عصرنا سلـم وعوافي
يـجـرف التـيـار مـن وزنـه خـفـيـف *** ولا يـهـز الحـيـد عـاصـوف السوافي
والـحـمـايـل مـا تـصـدّق كـل هـيــف *** والصـمـال الـواقـعـي لـلـكـذب نـافـي
كيف الـلي يطمر عـلى جال الرصيف *** بالمسيـر يـشجـعـه خـطـو الهـلافـي
وكـيـف رواد المسـارح بـالـمـصيـف *** مـنهـم الـلي يـفتـخـر والفعـل مـافـي
مـن نـزل عـن الشـداد أصبـح رديـف *** ولا يسود الـلي عن الطولات غـافي
والثـنـاء يـرهـم لـمـن شـاد المضيف *** بـالـكـرم والـجـود مـقصـد كـل لافـي
أبـو عـلـي شـايـل الـحـمـل الـكـليـف *** أفـتخـر بـه وامدحـه بحـروف قـافـي
عـادتـه يصعـد عـلي الضلـع المنيـف *** مـا يـلـوبـد بـالـطـمـانـه والـمهـافـي
الـنـبـيـل حسيـن مـن طـبـعـه يـقـيـف *** مـع طلاب الحـق يـجهـر بـه كشافي

قال عبدالله بن دهيمش بن عبار الفدعاني العنزي هذه القصيدة مهداه لسعادة الدكتور فهد بن عبدالعزيز الأحمد الفدعاني رئيس التعليم في القصيم سابقاً من أهل القويع في بريده بمناسبة حضوري لحفل زواج أبنه عبدالعزيز في قصر الرصافة في بريده وقد شرّف الحفل صاحب السمو الملكي الأمير فيصل بن بندر آل سعود أمير منطقة القصيم وجمع غفير من وجهاء وأعيان القصيم :
الحـمـد لـلـه يافهـد حـفـلـكم زان *** عـم الفرح بأركان قصرالرصافه
بالمحفل الـلي شرّفه كـل الأعيان *** ظم الرجال أهل الفخر والشرافه
عسى تدوم أفراحكم كل الأحيـان *** ويحميكم الـرحـمن مـن كـل آفـه
نعم بفهد رمز المكارم والأحسان *** اللي الفضايل كـلها من أوصافه
القـرم فعـلـه مـا نحيطه ولو كان *** نمـلي ونكتب في سجّل الصحافه
نال الفخر والمجد والقدروالشان *** هـو النبيل الـلي بـعـيـده أهـدافـه
فهـد ظهـر صيتـه وبالطايله بـان *** وعلم الفخر مـا يدركه كـل تافـه
والنعّم بالأحمد من احفاد عمران *** مـن عـزوة تـنـزل بـدار المخافه
الأصل من عـناز والـدار قصمان *** أهـل الشجاعه والكـرم واللّطافه
ربـوا بدار العـز والساس فدعان *** بالوصف ما يوفيهم الشعر قافـه
ببيوتهم يلقـا القـرى كـل جيعـان *** وقت القصا يوم الزمن به حفافه
متوارثين المجد من قدم الأزمان *** أهـل مضايـف للهـواشـل مضافـه
العـزوه الـلي فعلهم يـوم الأكوان *** رجـالهـم بالكـون عـمـره يعـافـه
سارت قوافلهم على كل الأوطان *** فـوق النجايب يقطعون المسافـه
واليوم صرنا كلنا أحباب أخوان *** تـوحـدوا بالـراي عـقـب أختلافـه
الشعب كله وحـدّه نسل مرخـان *** بالعـدل والمظلوم عـنـده أنصافـه
وأنجب لنا حكّام بالفعل شجعـان *** بأحوال كل الشعب عطف ومرافه
حموا جناب الدار عن كل عدوان *** وزالوا علامات الدجل والخرافه
والحمد للـه عصرنا أمن وأيمان *** زال وذهب وقت الشقّا والكسافه