 |
|
 |
 |
|
 |
الإهداءات |
|
 |
 |
 |
 |
 |
 |
 |
 |
 |
 |
 |
 |
 |
|
|
|||
|
|
|||
|
|
|||
|
|
|||
|
|
|||
|
|
|||
 |
 |
 |
 |
 |
|
|
|
 |
|
 |
||||
 |
 |
|||||
 |
|
 |
|
|
|
|
||||
 |
|
|||||
|
|
|
|
 |
|
 |
|||||||||||||||||||||||||
- تعديل اهداء
|
|||||||||||||||||||||||||||
 |
|
 |
|||||||||||||||||||||||||
 |
|
|
|
|
||||
|
||||||
|
|
|
|
|
|
07-01-2009, 05:01 PM
|
#1 |
|
صاحب الموقع
تاريخ التسجيل: Mar 2008
المشاركات: 10,350
|
جديد ابن عبار من الشعر في شهر جمادى الثاني ورجب
جديد أبن عبار من الشعر في شهر جماد الثاني ورجب عام 1430هـ قال الشاعر حسين بن علي الجبوري العنزي هذه القصيدة بعد أن سمع شريط التصدي للحملة المغرضة الموجهة للأشخاص الذين حاولوا تغيير نسب قبيلة عنزة قالها يسند على زميله عبدالله بن دهيمش بن عبار العنزي : ياهاجسي من قبل بدع المثل سم **حتى جوابك رحمـة الـلـه تعمـه ومن بعد ذكر الله غـز الهدف ثـم **أحفظ عيـار أم الفشق لا تـزمـه وإلى اختلف رأي الرجاجيل وألتم **ماني بمن يمشي على غير يمه أقـصـد طـريـقي بالخـطـأ وأتـقـدم **وأرافق اللي لا فترق شمل لمه وأجنب الهـراج لـو هـو ولـد عـم **جماع هـرج وكـل عـلـم يخـمّـه وأشفق على اللي رفقته تجلي الهم **الـلـي الـيـنـه قـال قـول يـتـمــه مـتـعـلـم لـلـمـرجـلـه مـا يـتـعـلـّم **حـاش المـراجـل كلها زنـد كمـه قلتـه وأنا لي غايـة وضعها مهم**تحتاج من رأي أهل العرف قمّه الـلي يـدخـل بالنسب شك واتهـم **رجـل عـلى مـا قيـل بـيـّاع ذمـه لـو الفتيلـه بالعـطـب شمهـا شـم**أكـيـد مـات الـداب لامـات سمـه واليا دخل في مجلس قيل له قـم **يـبقى خـلاوي ما أحـد راح يمـه هـذا جزاء اللي عن جدوده تلهزم **تـلهـزم عـن جـد خالـه وعـمـّه مجموعـة قـامت تـلـم الخطـأ لـم **لـم الحـطـب فـي لـيـلـة مدلهمـه نسمع كثيـر البلبلـه والسبب هـم**لولاك يا أبن عبـار جتنـا مطمـه يا شاعـر الـويلان يالشهم الأشـم **هداج تيماء اللي عميق مجمـه أنا طلبتك يا أبـو مشعـل وقـل تـم**تـرمي حـثـال علومهم بالمقمّـه مـا أبيـك في قـول الأباطيـل تهتم **واصل طـريقك وأنت قد المهمه وعساك دايـم يا أبـن عـبـار تسلم **مثلك هـرابيـد الـردي ما تهمـّه وقال الشاعر حسين بن علي الجبوري العنزي أيضاً هذه القصيدة بعد أن سمع شريط التصدي للحملة المغرضة الموجهة للأشخاص الذين حاولوا تغيير نسب قبيلة عنزة قاله يسند على زميله عبدالله بن دهيمش بن عبار العنزي : يا الـلـه اليوم ياللي للدعاء تستجيب ** طالبـك مـا يخيـب ولا يخيـب طـلـبـه تصرف الشر عنا والحقود الغـضيـب ** مـن نـوانـا بـكـيـده عـلـقـه بـسبـبـــه بـعـد ذكـر الإلـه الـلي عـلم كـل غـيب ** يـا نـديـبـي تـوّلـم والقـصـيـد أبـد بـه هاض منظوم قـافي والقـلم لـه نديـب ** مـا تـهـيـا تـهـيـا يـا نـديـبـي جـبــــه لكن أحرص على اللي منطقه مايعيب ** قـبـل تـذكـر كـلامـك خـل فـكرك نـبـه البشر مـا تعـذرك صـر لنفسك حسيب ** مـن تـقـنطـر وطـاح يشوف دم ركبه من يشوف العجايب بالـزمان العجيـب ** لا تـلـومـه لـو أنـه شـك فـي مـذهـبـه شاف خطو القرابـه مرتدي جلد ذيـب ** والثعـل بـالخـمـيـلـه غـز راس ذنـبـه طاب رجـل رعـاع ولا فعـل قبـل طيـب ** مـن فـعـول المـراجـل خالي مـزهبـه صار يأمر وينهى صار شيخ وطبيـب** بالقصص والسوالف ما أحـد يغـلـبـه كنه الـزيـر سالـم ولا حـضرت كـليـب ** كـل فـعـل المـراجـل حـطـهـا بـشنبـه لاجلس وسط مجلس بين رز وعصيب ** كـل يـوم يـخـلـص مشكـلـه ورقـبـه يأكـل الـلي بوجهـه والنخـل والعسيب ** هـب مـا اكبـر لهـاتـه تـقـل فـم قصبـه ناشب راس رمحه في كتوف القـريـب ** والعـدو لـو يـجي لـه مـا يـفـك عـربـه والكـلام الصحيـح الـلي يـفـيـد اللبـيـب ** الـتـنـك لـو يـزيّـن مـا يـصـيـر ذهـبـه أنـصح الـلي يحـرّف بالنسب والنسيـب ** وش حيات المشورب كان ضاع نسبه أودعـوا عقب وايل كما الحشو الذهيـب ** قالـوا حنـا لهـازم حلـف مـدري شبـه وشـو حـلـف اللـهـّازم جـد ولا صحـيـب ** دام مـا هـو بـوايـل وش يصير لـقـبـه لا تـخـوض بـنسبـنـا يـا ردي الـنصـيـب ** ما أنت كفـو الروايه والأمـور صعبـه أبـك وايـل وعـقبـه شمسهـم مـا تغـيـب ** كـود هـضـبـة طـمـيـه تـنـتـقـل لـتـربـه عـنـزة من ربيعـه سقـم عيـن الحـريـب ** حـدهـم يـالـهـلايــم مـا أحــد يــقــربــه يـوم عـصـر الركاب ورافعـات السبيب ** نالوا أعلا المفاخر غصب ما هي هبـه يـوم عـلط الـرماح وحـد سيـف عطيـب ** جـمـعـهـم مـا يـهـاز بغيضتـه وطـربـه يوم كسرى غزاهـم مثـل سيل الشعيب ** في جحافل جيوش من العجم مـرعـبـه جتك فـزعت ربيعـة فـي نهـار صعيـب ** دون حـق الـدخـيـلـه قـامـت الملـعـبـه قادها الشيخ هاني فوق عجـل الهذيـب ** يـوم خصمـه بـرز لـه بارزه وأعـطبـه حطموا جيش كسرى وأنهـزم له نحيب ** ثـم قـالـت الـحـرقـا تـم ثـارك يـبــــــه وجاك من صار راوي مثل بطن الربيـب ** الحـقيـقـه طـمسهـا والـتاريـخ قـلـبـه يا أبن عـبـار خـلـه عـنـك طايـح قـليـب ** لا يهـمـك كـلامـه حـامـضـه يـا عـنبـه تستحق الإشـاده وأنـت شاعـر وأديــب ** شاعـر عيال وايـل وأنـت في منصبـه مصـدر لـلـرواه وفـيـلسوف وخـطـيـب ** وكـل عـالـم وراوي حـطـك بـمـرتـبـه وأنت بقلوب ربعـك لـك مكـان رتـيـب ** مثـل حضرت جنابك مـا يضيع تــعـبـه كيدهـم لا يهـمـك حـط فـوقـه صلـيـب ** حـاسـدك نـار حـقـده ولـعـت بحـطـبـه أنصح اللي برايـه جـاب جـد غـريـب ** كـان طـوّل عـنـاده شـربـتـن تـشـربـه الحقـايـق حـقـايـق دون شـك وريـب ** والعـروسـه تـبيّـن بـنـت ولا عـزبــــه وقال عبدالله بن دهيمش بن عبار العنزي هذه القصيدة رداً على الشاعر حسين بن علي الجبوري العنزي أبو عبدالعزيز ويثني على عوده بن حييان الجبوري العنزي : أبتـدي وأطلب الـلي طالبه مـا يخيـب ** الـولـي مـن لجـأ لـه كـل خيـر وهبـه الـولي نلتجي بـه عـن سعيـر اللهيـب ** كـان صفـت عبـاده والصراط انصبـه مـنـزل الغيـث عالـم بالـدبـا والـدبيـب ** يعـلـم بـحـال ذره تحـت جـذع غـربــه أذكـر الـلـه وأصلي عـلى طـه الحبيـب ** يشفع لـمـن كـتـابـه باليـميـن اقـضبـه ومن بعد ذكر ربي طاب لي شـد جيـب ** نـوع فـكسـار تـوه مـن جـمـيـل نجـبـه ما وقف عند ورشه حول حي الخبيب ** هـو شفات المسافـر بالمسـير صلــبـه لـو تحطه بـوادي مـن نفـود اللسيـب ** ما هلش بالـرمـال ولا بـونش سحبــــه كـل مـا نـاش بنصه يرتقص لـه قنيب ** والمـواتـر تسابـق تقـل خـيـل وطـبــه شـال مـني قـوافي مثـل در الحليـب ** مـن مـقـاديـم مبـكـر بالصميـل حـلـبــــه قلت وأرسل جوابي للأصيـل العـريـب ** رد قــافٍ لـفـانـي لـي حسيـن كـتـبــه منطق حسين صافي مـا لقيبـه سريـب ** أبـن عـلـي بـدابـه يـوم صـار وجـبــه شاعـر هاض قافـه جـم ما هو نضيـب ** مـا هـو الـلي كلامـه مـن قـراه شطبه يالجبـوري تعيش وعسى فالـك يطيـب ** كـل شغـموم مثلـك عـرق أبـوه جـذبـه عشت ياحسين حيثك فـي زمـيلـك تهيـب ** يترك الجاهل الـلي طـاح وسط خلبـه مـن سكـت يالسنـافي راح حـقـه سليـب ** يا أبـن وايل خطاهم كبر ضلع رغـبـه نتبع الحـق والـلـه عـلى خـلقـه رقيـب ** مـا يعـرقـل مسيـري مـن يحـط عـقـبـه وأحـمــد الـلـه هـوّن كـل أمــر مـريــب ** وأنكفـأ الحاسد الـلي مـن يطيب هـزبـه عسى يـفـدا جنـابـك مـن يسوع ويليـب ** مـقصـده مـلي جيبـه تـقـل وجـه لجـبـه باللزوم اعـتـزي بـك يالشجاع المهيـب ** يـا شبـيـه القـطـامـي سـاطـي مخـلـبـه مثلك اليـا نخيتـه بالعجـل جـاء حضيب ** يـفـزع وبـه حـمـيـه مـن يـعـيـل رعـبـه أنـت رايـتـك ترفع فـوق راس الجـذيب ** كـنـك اللـيـث الأروع كـان زاد غـضبــه وأثـني الشكـر لـلي دوم صدره رحيـب ** صاحـب الجود عـوده مـا كمينـا حسبـه شاد قصر الكـرامـة في شمـال القـليب ** كـل يـوم الـهـواشـل يـصعـدون عـتـبــه شوف عيني صحونـه مثـل تـل الكثيـب ** ريـف من شان وقـتـه والـزمـان نـكبـه صار عوده لربعه كما الروض الخصيب ** حـيث عـلـم النـفـيله حـصلـه وكسبـه عـنـده الـبـن الأشقـر بالـدلال الـربـيـب ** حـيـن تـلـفـيـه تـلـقـا دلـتـه وأرطـبـــــه وعقب شرب المهيّل من دلالـه سكيـب ** جـاب كبـش سميـن وللضيـوف قصبـه مـن صماصيم لابـه يفلجـون الطـليـب ** يـا كـبـر حـظ مـن هـو للجبـور عصبـه عندهم به معيبه خدم حوض الشريب ** خـص شـول القصير ولـو يبين جـربـه في عصور الجهالة من يحنشل يجيب ** فـود يـوم الـمـرازق بـالـزمـان نـهـبـه خيلهـم مسرجات وذودهـم لـه جنيـب ** والضعـون وسلـفهـم يحتـمـيـه جـنـبـه كـل منهـم شجـاع ولا جـواده هـلـيـب ** كـان صاح المـنـادي للخـصيـم هــذبـه منهم وشيوش اللي كمـا الحيص المنيب ** فارس الخيل عكلي بالحسام ضربه يـوم كـن الفـوارس مـن شبـاب وشيـب ** شال بالسيف راسه طاح تقـل هـدبـه هـو ستـر مـن تـزهى باللباس القشيـب ** فـرحت المحرج الـلي باللـزوم انـدبـه قال الشاعر فهد بن سماح النومسي هذه الأبيات في حفل قصيبا يثني على زميله عبدالله بن دهيمش العبار : القصيم الـلي عـلى البال سريته *** طـب وديان من الوسم ممطوره عند أبن راضي عزمته وقهويته *** في حضور أستاذنا كنه سطوره القصيـد الـلي زهـمتـه ونـاديتـه *** لا وقفنـا لحضرته نحتمي دوره والأديـب الهيلـعي يـوم لاقـيـتـه *** الأدب والعلم والشعـر بحضوره توخـذ الأمثال من محتوى بيتـه *** العلم ما لمعـه صوت مع صوره وأبو مشعل يوم بالشعر خصيته *** مجد للتاريخ والنـاس مخبـوره تفتخـر فـيـه عنـزه ذايـع صيتـه *** لـه بياض الوجه بجهود مشكوره شاعـر الـويـلان بالاسم سميتـه *** شامخ مثل العـلـم مرتفع سـوره وكان جت للطيّب والعـز هاقيته *** ياصله لو هو وراء غبت بحوره أبـن عـبـار مـثـل الحـر حـليـتـه *** في حضور الحفله مشعشع نوره قال عبدالله بن دهيمش بن عبار العنزي هذه القصيدة رداً على قصيدة الشاعر فهد بن سماح النومسي : جاني جوابك يا أبن نومس وحييته *** يا مرحبابـه عـدد مـا سار بالكـوره حيـيـت بالقـاف يـا فـهـد وجاريـتـه *** أنـت الصديق الذي عبّرعن شعوره جهرت بالصوت يالمنعور وأوحيته *** تمدح زميلك وتذكـر جهـده ودوره من حسن ذاتك كلام الصدق عـديته *** بالمحفل اللي يضم رجال مشهوره في بيـت شيخ من الشيخان عـزيته *** فهد أبو فيصل اللي طالت اشبـوره اغليت أنا أبوه ريف الجار واغليته *** الحر الأشقر نجب من نادرصقوره يستاهل النعـم فهـد كـل مـا أطريتـه *** شيخ قصيبا تسيـر بـرايـه وشـوره فـهـد دعـاني عـلى المحفـل ولبيتـه *** أفـخـر بطـاري سليل دحيم وازوره وأشكرك ياللي جزيل الشعر سويته *** عساك تسعد ودوم اعداك مدحوره وأن كان حقك من التمجيد ما وفيته *** أعذر زميلك يعتذرلك عن قصوره التعديل الأخير تم بواسطة عبدالله بن عبار ; 11-21-2009 الساعة 03:14 PM |
|
|
|
07-01-2009, 05:06 PM
|
#2 |
|
صاحب الموقع
تاريخ التسجيل: Mar 2008
المشاركات: 10,350
|
قال الشاعـر فرج بن عوده الجعفري هذه القصيدة بعد أن سمع بعض الكلام المبني على الخرافات والتهجم على الشاعر عبدالله بن عبار بسبب مصداقية بحوثه وكتاباته المشرفة عن قبيلة عنزة بدافع الحسد:
بسم الولي بديت مضمون الأشعـار **واسترسل المعنـا بفكري وجابـه قـلـتـه ولا نـقبـل خـطـأ كـل سمسار ** الـلي غـلط ملـزوم ناخـذ حسابـه من دون أبن عبـار نسوق الأعمار ** الـوايلي راعي الصخى والحبابـه يالـلي تـلـوم الـوايـلي دونـك أنـذار ** قصر عنزه يصعب عليكم خرابـه بالوايلي ما نستمع هـرج الأشـرار ** حنـا معـه والضـد نعـطب صوابـه اللي لأجل ربعـه تعـرض للأخطـار ** وبالبحـث والتأليف مضى شبـابـه نظهـر ثـنـاه وعـيـن عـمـار بالنـار ** وأهـل الحسد كلامهم مـا انعبـابـه ما همنا من كان يلعب على الطـار ** الـلي عـلـوم الطيـب مـا تـنهـقابـه الحاقـد الحسود أنجس مـن الـفـار ** الفـاسـد الـنـذل الـخبـيـث الـزلابـه يـالـلي تـروّج بالـديـاويـن الأخبـار ** الـوايـلي يـلـزمـك تـقـرأ كـتـابـــه عـلى الكتاب أثـنت مشاكيل وأمـار ** والكـل يشكر جهد من هـو سعابه الـكـل مـنـا لصاحـب الجـهـد شكـار ** تـاريـخ وايـل دونـه واعـتـنـابــه يستاهـل التقديـر جهـد أبـن عـبـار ** مـن لابـة الفـدعان مثـل الذيـابـه حيثه جبل ما حركه ريح الأعصار ** ولا هـزت اركانـه رعـود السحابه طويق شامخ مـا طلـع فـيـه سبـار ** من حاول المرقاب يخشى ويهابه شاعر قبيله وقـت الأزمـات جبـار ** ليـث يخاف الخصم من عض نابه عـلمه تبيّـن واشتهر مثـل الأقمـار ** يـوم الردي كوبان ما أحـد داربـه أطلب يعـلـه من طويلين الأعـمـار ** الـلي لـراسي بـالشدايـد عـصـابـه وصـلاة ربـي بآخـر القـاف تـكـرار ** عـلى النـبي بختـامهـا والصحابه وقال عبدالله بن دهيمش بن عبار رداً على فرج بن عوده الجعفري : حـيـيـت يـا قـرم بـالاشعـار بـيـطـار ** خـطـك لفـاني مرحبا ويـا هـلابـه لـك الشكـر يالـلي الحميـا لكـم كـار ** يـا بعـدكم عـن الـردى والمعـابـه يـا فـرج العـوده كلامـك لـه أثـمـار ** قـريـت منظومـك وجتـك الأجابـه من فضل ربي صاحب الظلم ينهار ** صابه قهر والحسد حطم اعصابه وش عاد لـو روّج دعايات وأفكار ** الكـذب بـاطـل والـتـجـنـي خـيـابـه عندي دليل الصدق والجد ما أيعار ** أنـا خصيـم الـلي يـريـد الـطـلابـه عيب أنتحال الجـد نقـولهـا اجهـار ** أقـولـهـا عـن لابـتـي بـالـنـيـابـــه من اعتزا بعزوة ربيعه لنـا أنصار ** أما النسب ما فـيـه مـزح ودعابـه كثّر التخبط بالنسب يجلب اضرار ** ويـلـزم لمـن زوّر نـسبـنـا مجـابـه والـلي تخبـط بالنسب منهجـه بـار ** وايـل أبـن قاسط لنـا كيـف جـابـه وايل بن قاسط بالأنساب مـا صـار ** مـا هـو لـعـنـزة جـد لـكـن قـرابـه جـد عنزه مشهور من قدم الأدوار ** والجـد الـلي بالحلف مـا يعتـزابـه الحلف ما نرضاه واجدودنا احرار ** حلـف الضعافه نـتـركـه مـا لنـابـه حنا عنزه نحشم عن العيب والعار ** نـنسب لـوايـل والأسـامي تـشابـه حـنـا لك الـلـه ما عـن الجـد نختـار |** لا حـلف يجمعنا ولا هـو عصابـه الـحـمـد لـلـه جـدنـا عـامـر اخـيـار ** سليل من سمي عـلى ليـث غـابـه نسـل ربـيـعـة مـن صماصيم نـزّار ** وأحـفـاده التـاريخ سلسل أنسابـه بـشـر ضنـاه عبـيـد وعيـال عـمـار ** هـم الـذي منهـم تسلسل اعقـابـه ومسلم ضنـاه أثنين وافين الأشبار ** أنجب وهب وجلاس يا نعـم لابـه |
|
|
|
|
07-01-2009, 05:07 PM
|
#3 |
|
صاحب الموقع
تاريخ التسجيل: Mar 2008
المشاركات: 10,350
|
وقال فرج بن عوده أيضاً هذه القصيدة يسند على عبدالله بن عبار :
يـوم أن كـلـن حـط راسـه بـكـمــه ** اسهر وهمي ضيّق الصدر والبال كلن يابو مشعل شكا من أبن عمّه ** وكلن قريبـه صار سلطه وغربال لـو الـقـرابـه فـيـك لـحـمـه ودمــه ** لابـد ما يلحقك فـي شين الأقـوال يشمـت عـليـك وفـرحتك ما تهمـه ** سود القلوب اللي بها الحقد يجتال الطيـب واجـد والبشـر مـا نـعـمـّه ** كم من قرابه له علىالطيب منزال لاشـك كـلـن يـشتـكـي كـثـر هـمـه ** وعايش بهدنيا عـلى كثـر الآمـال وأنـت الـذي مـا تستحـق المـذمـه ** يا مسطـر بالمجـد تاريخ الأبطـال شاعـر وأديب العـلم واصل لجمـه ** بـدر الدجـا مـا غيبه عج واخيـال والمعتـرض يا جـعـل بقعـا تخـّمـه ** لاكف شر ولا صنع زين الأعمال عساه بأمـر الـلـه تجي لـه مطمـه ** وتنهي حياته بعد ماتنهي الأموال وأختامهـا صلوا على خيـر الأمـه ** نـبـيـنـا الـلـي للـثـقـلـيـن مـرسـال وقال الشاعر فرج بن عوده الجعفري يسند على عبدالله بن عبار : وينك يا أبـن عـبـار غـيـبـت عـنـا ** الظاهر أنك صرت صاحب مشاريع تـجـارتـك فـي أي حـي بـوطـنــــا ** يا الـلـه عسى لك بالتجاره منافيع عـسـاك تـسعـد يالـرفـيـق وتـهـنـا ** وأنـا أدري أنـك مـا تدور المنافيع أنـا لـشـوفـك كـل يـوم أتـمـنـــــــا ** واليـوم شفتـك يا بـعـيـد المـراميع وأنـسر بـالـي يـوم شـفـت المعـنـا ** وسط الجريـده كاتـب لـه مواضيع يـا مـسنـدي شانـت وقـايـع زمـنـا ** بعـض الأمـور تقطع القلب تقطيع يالـوايـلي أنـت الفخـر وأنـت مـنـا ** وحـنـا لخـصمك بالشدايد رواديـع واخـتـامـهـا مـنـي سـلام يـثـنـــــّا ** وتحـيتي لـك وأعـتـرافي وتـوقـيع وقال الشاعـر جميل بن محمد الحوسي هذه الأبيات بمناسبة أصدار شريط التصدي للحملة المغرضة : يـالـلي تـبي تعـتـاش لـو هـو بـدينـار ** أرضك محل وأنت تحلم عايش بزيف تحـفي قـدم رجلـك وتخـثـع بالأحجـار ** تبحـث عن المحار في شاطي السيف تـطـرد سـراب القـيـظ ظـامي ومنهـار ** تبغي تبل الريق عـن حامي الصيـف تبحث عن الشهرة وتلعـب بهـا قـمـار ** كـنـك عـن الـويلان كـاتـب وحـريـف أنسـاب وايـل دونـهـا سيـاج وأسـوار ** حاميـه أبن عـبـار عـن كـل تحـريـف عجـز هـل التـأليـف بجهـود وأصخـار ** هـو الصحيح وكـل تحـريف تـزيـيف الـزيـف يـبـقى زيـف يـا طـافـي النـار ** يا الـلي تـبي التأليف من غير تكليف مـالـك ومـال الـلـي حـمـاه أبـن عـبـّار ** عـبـدالـلـه الـلي ألـف الصدق تأليـف ** وقال الشاعر جميل أيضاً يـا مدعـيـن العـلـم بـيـن الـبـرايـا ** يالـلي بحثـتم فـي تواريخ وأخبـار شـدوا ومـدوا في جميع النحـايـا ** وهاتوا لنا البرهان في كل الأقطار يا مـدعـي يـا مكـتشـف للخـفـايـا ** يالـلي لقيت آثـار فـي داخـل الغـار قم أجتهد وأركـب وحـث المطايـا ** أبحث عن الأنساب لو عبـرالأقمار عـطـني دلـيـل صادق بـلا رشايـا ** معـروف بالتاريخ في كل الأمصار عطنـا نـسـب وايـل بـلـيـا هـقـايـا ** متواتـر فـي كتب الأنساب وأقـرار حـتى تـنـام وتـسـتـريـح الخـلايـا ** الحـق حـق وخـشم عـمـار بالـنـار هـاتـوا دلـيـل ونحتـكم للقـضـايـا ** الشرع شرع الـلـه وشيوخنا ابرار وأن كان ما جبتوه أكـبـر خـزايـا ** عار وشنار وصار فرصه للأشرار لا شـك مـا حنـا لـك الـلـه هـفـايـا ** والجـد مـا يـقبـل بـدالـه ولا أيعـار أسألـك لا جـينـا حـفـايـا وعـرايـا ** أسألك بالله يوم تشخيص الأبصار مـن سطـر التاريخ بـوثـق روايـا ** في وقـتنا الحاضرودوّن لنا أشعار هـو جهـد شينين العـمل والنوايـا ** ولا جـهـود الـوايـلـي نسـل عـبـار وقال شايز خليف الضوي الجعفري : يا حـيـد يالـلي كـلـنـا اليـوم دونـه ** وش عادحنا دونك اليوم وش عاد كم شاعـرٍ دونـك تخـالـف اظنونـه ** وكـم شاعـرٍ يـبغي ينولـك ولا فـاد مثلـك شريـف والعـرب يحتـرونـه ** يا جـامـع كنـز العـزاوي والأجـداد تـكـفـى تـشـرفـنـا ولالـك مـهـونـه ** يا جـود حـظي كـانـه بجـيتك جـاد وقال الشاعر خليل بن غانم بن محمد الوحداني الولدعي العنزي يثني على عبدالله بن دهيمش بن عبار العنزي لجهودة في خدمة قبيلة عنزة : بسـم الكريـم الـلي عطايـاه جـزلات ** الواحـد الـلي بـامـره الكـون كـاني أسمـه وذكـره خيـر مبـدأ البـدايـات ** مـا خاشـره فـي ملـكـه إلـه ثـانـي عـّلام مـا تخـفـى عـلـيـه الخـفـيـات ** دايــم ومــا ســواه زايــل وفـانــي ومن بعـد ذكـر الـلـه سلام وتحيات ** تهدى لبو مشعل عـريب المجـاني أبـن عـبـّار الـلي أذكـاره شهيـرات ** الـوافـي الشغـمـوم ريـف العـواني راعـي الحميـا والفخـر والشكـالات ** تـشهـد لـه العـربان قاصي ودانـي مهـمـا مـدحتـه مـا يـوفـن الأبـيـات ** قـدره بـصـدري مـا وفـابـه لساني يـالـوايـلي تـشـكـر بـلايـيـن مـّرات ** عـلى الجهـود المخـلصة والتفـاني ألـفـت عـن أمـجـاد وايـل سـجـّلات ** دلـيـل عـرفـك والـفـخـر بالمجانـي تعـبت فـي تجميعها مـن الروايـات ** ومن المراجع والقصص والمعاني تنقى الوكاد الـلي له شهود واثبات ** وتخـلي الـلي مـا عـلـيهـا ضمـاني حفـظـت مـجـدٍ كـاد يـروح سيبـات ** لـولاك والـلـه ظـنـتـي مـا يـصانـي من خوف تضيع الأمجاد العريقات ** دونـتـهـا بـكـتـاب حـفـظ وأمـانـــي وذكـرت مشاهـيـرنـا والـبـطـولات ** وديـارنـا فـي كـل صـوب ومـكانـي حتى الوسم اللي على البل علامات ** رسمتـهـا ونـوهـت عـنـهـا بـيـاني نسب وفعـل أجداد ما هي خرافـات ** لـكـنـهـا تـهـيـل عـقـل الـهــدانــــي تزعل قلوب أهل الحسد والحـزازات ** بـس اعجبت أهل القلوب الذهـاني ودون السمية لك مواقف شريفات ** ذدت وتـذود وبـالـلـه الـمستـعـانـي فارس قوافي لك مع الضد صولات ** تـنطـح بقـافـك كـل عـابـث وجـاني ياما كبحـت جـمـاح ثـرثـار شمّـات ** يـشـمـت بـنـا مـمـا بـقـلـبـه يعـاني نرفع لك ابيضاء بـروس المنيفـات ** ويجزاك عنا الـلـه بخيـر الحساني وأنت الفهيم اللي علومـه مفيـدات ** عـّراف مـا يصعب عـليك امتحـاني بالشعـر نهجك يقتـدي بـه قـداوات ** نـبـراس لأهـل المعـرفـة والمعـاني نعـم بـذكـرك نـفـتخـر كـل الأوقـات ** عنـد الأجناب وعـنـد كـل الـدوانـي مـا ينمدح راعي الفعـول الـرديـات ** والمدح ما يـزهى عشيق الطمـاني المدح يزهى الـلي صفاته حميدات ** ويتعب على كسب الفعول السماني وأطلب من الخالق مجيب الدعوات ** أنـه يجيرك مـن صدوف الـزمـاني وعسى تعيش أيام عمرك سعيدات ** وبـالآخـرة تسكـن فسيح الجـنـانـي لـومـن دعيله بالبقاء عاش مامات ** دعـيـت بـاخـلاص وبــلا تــوانـــي لـكـنـهـا كـمـا يـقـولـون هــيـهـــات ** مـا دام حـي ولا يـدوم الـكـيـانـــي مجهودك المبذول بشتى المجـالات ** لـقـيـت بعـضـه والكثيـر ايخـفـانـي هـو السابايب في نظـم كـل مـافـات ** ولالي سوى العرفان مقصود ثاني ونخوني ربـوعي رجـال المـروات ** جـميـع وحـدانـي لشكـرك نـخـانـي قلت ابشروا مطلوب مابـه كلافـات ** اعجـابـكـم والشكـر لـه يـاصـلانـي عبر القصيد وعن طريق الرسالات ** أوصلـه لـو كـان مـا رحـت عـاني لولا العمل وظـروفه اللي شطيطات ** جـيتـه ومـن مـا سرنـي ويهنـاني لي الشرف وأن كان جيتـه زيارات ** وأكبر شرف لي كان بالبيت جاني وختامهـا نهدي لك أزكى التحيـات ** وتقـديـر فـأيـق مـع عظيم امتـناني آخـر ختام القاف أرجو السموحات ** أرجـوك تـدمـح زلـتـي واهـفـواني وعـلى النـبي مني سلام وصلاوات ** اعـداد مـا هـلـت رشوش الغشاني وهذه القصيدة أيضاً وصلت من الشاعر خليل بن غانم الوحداني التويجري العنزي من أهل تبوك قالها يثني على جهد عبدالله بن دهيمش بن عبار العنزي على جهده لقبيلة عنزة ولابد أنه قد سمع بلبلة بعض المجالس المبنية على الخرافات وتعتبر هذه القصيدة ضمن شهادات المنصفين من رجال هذه القبيلة الذين يرون بعين الحق ولا تأخذهم الإشاعات المغرضة المضللة يقول : بسم الله أبـدأ القاف وأحكم معانيـه ** عـن هـفـوة يلـقى وراهـا مـداخـيـل الـلـه هـو الـلي كـل مخلوق يرجيـه ** مجري الفلك عازل نهاره عن الليل ومن بعد ذكر الـلي عظيمه أساميـه ** سر يا قـلم وأكتـب صدوق التماثيل أكـتـب كـلام لأبـن عـبــار أنـصـيـــه ** وأبي أشرح الحاصل بكل التفاصيل حيثه بـذل مجهود مـا أحـدٍ يضاهيـه ** حـفـايـظٍ تـحـفـظ لجـيـلٍ بـعـد جيـل لـو حـاولـوا سـود الضمايـر تخفيـه ** يـعـد مـرجـع لـلـرجـال الـمشـاكـيـل دوّن لـوايـل مـجـدهـا الـلـه يعـافـيـه ** وجـمـعّ نـسبهـا وأثـبتـه بالـدواليـل وشلون وهـو فـي كـل نسخه ينقيـه ** ويـنـقـحّ كتـابـه عـن القـول والقيـل لـولا الـحـمـيـا تـدفـعـه مـا يـسويـه ** سكت مثـل غـيـره وصارت مساميل الـلـه يـلـوم الـلي يـلـومـه وشانـيـه ** مـا لامـه ألا الـنـاقـصيـن المهابـيـل ولا الرجـال العـارفـه تـفـتخـر فـيـه ** ولا نستمع بـه لـو تـقـول العـواذيـل نـرفع لـه البيضاء ونشكر مساعيـه ** بـذل جهوده مـا هي سـرد وأقاويـل والـيـوم كـثـر الـلي يقـلـد ممـاشيـه ** يا هـون قـطـفـك للفياض المخاميـل كسبها أبـو مشعل ولا أحـدٍ يماريـه ** تـريـحـوا يـا دابـكـيـن وراء الـخـيـل الشـكـر لـه أكـرر الشـكـر واثـنـيــه ** للفـاهـم الـلي بالمـواقـيـف حـلحـيـل يا مـا تصـدى لأهـل البـغي والـتـيـه ** حيثـه عـلى الويلان مـا يقبل الميـل مـا أحـدٍ عـلى حميـاه يقـدر يجاريـه ** يصبر عـلى كثـر التعـب والغـرابيل بـذل جـهـوده مـا رجـاء من يكافيـه ** وأعانـه الـلـه وأرتكـا لأثـقـل الشيل واللي تجهد للبشر صعـب يـرضيـه ** مارضوهم اللي من الباري مراسيل الـنـاس كـلـن فـكـره العـرف يملـيـه ** فـيهـم مهـابـيـل وبـالـنـاس عـقـيـّل وبـهـم السفيـه الـلي يجيـبه يـوديـه ** وفيهم عوارف وأهل حكمه وتحليل وفيهم ربادي صايب الهرج غاويـه ** الصـدق دايـم عـنـه يـلـقـا تحـاويـل وبهـم الـلي شبحه ما يقدي مواطيـه ** وفـيهـم شيـاطين بهياكـل رجاجيـل وفيهـم مريض الـلـه يعينه ويشفيـه ** مريض قـلب وعـلتـه ساطيـه حيـل داء الحسـد والحقـد داخـل محانـيـه ** أكـره مـا يـكـره كـاسبيـن التـنـافيـل مدري وش الـلي بالمخاليق مشقيه ** يزرع وزرعـه خاس ماله محاصيل يا هيه كانـك تسمع الهـرج يا هـيـه ** ريّـح ضميـرك عـن كثيـر الولاويـل الشمس ساطع نورها منت مخفيـه ** قولك ما يحجب من ضياها قدر ميل لكن تري من يغـرس الغرس يجنيه ** واللي يحكم ضامره ما غوى سهيل ولا أبـو مشعـل سـامـيـات مـبـاديـه ** نـوّر طـريـقـه وأشعـلـه بـالقـنـاديـل كـافـح وسطـر مجـد عـنـاز بـيـديـه ** ولا هـمـه الـلـي يـنشـرون الأباطيـل واصـل مسيـر وحقـق الـلـه أمانيـه ** ولا ثـنـوه مـكـثـريـن الـبـلابـيـــــــل لا شـك أنـا يـغـثـنـي هـرج أوحـيــه ** يحـيي جـروح في ضميري مداميـل لو كان من عاقل آخذ معه وأعطيـه ** مـار الـبـلا نـاس جـحـلـّط وجـهـيـل الـلي تقول القـول من غيـر داعـيـه ** ويـفـرّحـون الـلـي عـلينـا مـغـالـيـل وخـتـام قـافـي بـسـم الإلــه بـاديـــه ** وصـلاة ربـي عـد رش الـهـمـالـيـل عـلى الـرسول مبـلـغ الـديـن والـيـه ** الهـادي الـلي كـمـل الـديـن تـكميـل قال عبدالله بن دهيمش بن عبار هذه القصيدة رداً على الشاعر خليل بن غانم الوحداني الولدعي : يا الـلـه يالـلي كـل مخلوق تعطيـه ** رزقه وهو مايملك الحول والحيل يا الـلـه يالـلي يابس القـاع تسقيه ** من غـر هطال المـزون المضاليل يا خالـق المخلوق والكـون باريـه ** يا منـزل الآيـات بالـوحي تـنـزيـل أنت الذي في ساعة الضيق ندعيه ** وأنت الكريم الـلي عليك التواكيل من لاذبك عن كيد الأشرار تحميه ** يامن عـلى الظالـم عقوبـه وتنكيل بسمك قـريح القاف نختار صافيـه ** من جـم نقروح القـراح الشهاليـل جـواب قـرم يبهج الصـدر طـاريـه ** خـليـل تـفـداه الـرخـوم المساهيـل خليـل بـن غـانـم وصلـني قـوافيـه ** ما طاع هرج المرجفين المهازيل قريت منظومه عسى الـلـه يحييـه ** يا مـرحبـابـه عـد رمـل الغـراميـل قـرم العيـال الـلي عـريبـه مجانيـه ** الـنـادر الـزاكي عـريـب الأخاويـل أبي أشكـر الوافي زبـون المداليـه ** الـلي بعـلـم الطـايـلـه لـه مفـاعيـل الـوايـلي بالطيـب طـالـت يمـانـيـه ** حيثـه مـن الـلي يعـتني بالمعاميـل يلقـاك بالترحيـب مـن حيـن تلفيه ** في مجلسه حلو الرطب وأشقر الهيل لاشفه الخـرمـان عـلـّم بـاشـافـيـه ** يصبغ شقار اللون بيض الفناجيل وبعده يجيب اللي عريضه ثناديـه ** كبش مـربـيه الشريطي تـقـل فيـل ماكن عن واجب عسى الله يقويه ** فـي مجـلسه تلـقـا النشاما تعـاليـل شهم وكريم وعـز ضيفـه وعانيـه ** يفـرح اليـا حلـت عـليـه الهواشيل الطيب سلمـه والمراجـل منـاويـه ** شرواه لـه عنـدي كرامـه وتبجيـل عسى الولي يرفع مقـامه ويـبقيـه ** ويكفيـه رب الكون سـؤ الغـرابـيل مثلـك يا أبن غـانـم نعـزه ونغـليـه ** يفداك مـن طبّـل مع الناس تطبيـل العـاقـل الـمـدرك بـعيـده مشاحيـه ** شبحه على روس الجبال المشاويل من طـاب فعـلـه مـا يطمن علابيـه ** والهـرج مـا يلـفـظ بـلـيـا دوالـيـل مفهوم قصد مفـوه الهـرج تفويـه ** قولـه نفذ عند أبـلـه القوم وخبيـل الـلي يريـد لفاعـل الخيـر تشويـه ** ضوح القمر ما هو سوات القناديل من شـوه التـاريخ مـاني مـداريـه ** أبي أنذره يقصر كلامه ولا ايطيـل من خالف الواقع عسى الله يهديه ** بالأصـل مـا نقبـل تـدلس وتضليـل يا ليـت لـوهـم ينصحونـه بنيخيـه ** عـن الخطـأ لا يـبـدّل الجـد تـبـديـل مـا نـتـبـّع رأي الغشيـم وهـقـاويـه ** لازم نـعــدل تـايـه الـراي تـعـديـل الـلي تمـادا ولا سمع قـول نـاهيـه ** غـروه قـوم يـنـصبـون المحـابيـل من عـال نبـراس الحقايق ايقـديـه ** الـلي عـلى الجاهل يهـوّل تهاويـل والهرج الـلي مالـه براهين مابيـه ** أبي أذكـر الواقع قبل يطفح الكيـل ما جـدنـا سلعـه يبـيعـه ويـشـريـه ** صفوة ربيعة من سلايل إسماعيل حلف الضعافة مـا نـبي دوم نتليـه ** حنا عنزة والراس ما ينتكس ذيـل حنـا عنـزه والجـد نفخـر بماضيـه ** لـنـا عـلى روس الشوامخ منازيل هذا الوكاد وصاحب الصدق ينجيه ** ما هو مخادع بالسوالف وتدجيـل يامن تحـوك الكيـد والحـظ تهـفيـه ** ادخل على الله رب موسى وجبريـل حـذراك من جـور الزمان وبلاويـه ** مـا كـل وقـتـه فـيـه ورد وأكاليـل مـا داومـت دنيـاك للبـاش والـبـيـه ** ولا مهـلـت لـدهام شيخ الجلاليـل |
|
|
|
|
07-01-2009, 05:10 PM
|
#4 |
|
صاحب الموقع
تاريخ التسجيل: Mar 2008
المشاركات: 10,350
|
بسم الله الرحمن الرحيم
آخر ما أستجد من شعر التصدي للحملة المغرضة وتبصير من يجهله حقيقة نسب عنزة حرر في يوم الأربعاء الأول من شهر رجب عام 1430هـ إلى كل عنزي كريم المحتد أصيل الأعماق لقد حّرف نسبنا ونحن نتفرّج كيف نقبل من يرجع بنا إلى الوراء أربع عشر قرن كي يضعنا في حلف ضعيف مقابل أن ندخل بوائل بن قاسط وهو جد مستعار ؟ ونحن أولاد وائل عنزي صريح النسب عنزي صليبة لا تشوبه شائبة ونحن عنزة بشهادة التاريخ من أعز القبائل وأكثرها عدداً ؟ كيف نرضى بأن يأتي من يتخبط بنسبنا ويخلطنا مع بكر وتغلب ونحن عنزة ليس بين جدنا وبين ربيعة ألا جد واحد وهو أسد بن ربيعة ؟ كيف يلفق القول أننا من شراذم ربيعة ونحن أبناء بشر ومسلم ؟ لقد آليت أن أكافح كل مزوّر لنسب هذه القبيلة شرعاً وعرفاً وشعراً وقولاً وعملاً وبكل ما أستطيع حتى تقدّم هذه الكتابات الخرافية للجنة مختصة فيتضح التزوير ونحن نحمل مسئولية أجيال قادمة تريد منا أن نوّضح لها النسب الصحيح ونحن عنزة بن أسد ونسبنا من أوضح الأنساب فكيف نقبل العبث والتحريف بنسبنا الواضح ؟ واللوم يقع على من غرر بعوام عنزة كيف نقبل قول من يريد رجوع قبيلة عنزة إلى فتره من الزمن تلهزمت عندما دخلت في فترة ضعف ثم عادت قوية ؟ كيف بمن يريد أن يرجع هذه القبيلة لهزمة ضعيفة وقد أصبحت هامه منذ بزوغ فجر الإسلام إلى هذا العصر وقد بلغني أن أصحاب المقاصد عاودوا نشر المهاترات ضدي كي يضللون على من يجهله حقيقة النسب ولكن معظم القوم قد فهم مقصدهم وهم يريدون تمرير الخطأ الذي وقعوا به ولكن هيهات فالتاريخ ثابت والنسب ثابت ونحن لا نلتفت إلى هذه الأقوال الباطلة وما يهمنا هو تصحيح نسب قبيلة عنزة وقلت هذه الأبيات من القصائد التي توّضح الحقيقة : أنـذرك يامن تغـوي الجاهل الجلـف ** مـن حـّرف التاريخ يأتـيـه خـازم الـصدق يبقى والغـلط ينقلف قـلـف ** والصدق يا أهل العرف للكذب هازم خل الذي ضحكه مثل دقـّت السلـف ** نـوب لـك يـكـشّـر ونـوبٍ يـبــازم يا هيه ياللي قلوبكم بالجهل غلف ** هيا أوقفوا موقف مع الـحق حـازم الـلي على وايـل جديلـه بهـم ولـف ** حنـوا كمـا حنت قـلوص العـرازم ما هـرجهم به صح واحـد من الألف ** والكل في تحريف الأنساب جازم واللي يعود أربع عشر قـرن للخلف ** يبي عنـزه تدخل مع الحلـف لازم حنـا عنـزة مـا ننتحل جـد بالحلـف ** هـامات مـا حـنـا لـك الـلـه لهـازم حنا عنزة لا غـط بالغـارب الضلف ** حـنـا مدابـيس الـوغـى بالمـوازم حنـا سطام الضـد بالموقـف الكلـف ** لنـا الفخـر عنـد اكتـراب المحازم واليا سمك عج الرمك بالهوا الصلف ** والخيـل تـرهـم والعشايـر تـرازم اليـا تلاقوا عصم الأشناب بالشلـف ** قمنا على حدب السيوف انتعـازم |
|
|
|
|
07-31-2009, 09:16 AM
|
#5 |
|
مشرف الشعر الشعبي
تاريخ التسجيل: Feb 2008
المشاركات: 179
|
صح لسانكم كلكم
والله اطربتوني وابو مشعل يستاهل ولاهنت يا عمي ابو مشعل 
|
|
|
|
«
الموضوع السابق
|
الموضوع التالي
»
|
|
|
|
||||||||||||||||||||||||||||||
|
||||||||||||||||||||||||||||||||
|
|
|
|
||||||||||||||||||||||||||||||
العرض المتطور
|
|
الساعة الآن 06:14 AM.
 |
|
 |
