قصيدة بالشيخ محمد بن عبدالله الحجاج - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

04-26-2023, 06:02 AM

هذه القصيدة من شعر عبدالله بن دهيمش بن عبار العنزي يثني على صاحب الأيادي البيضاء عنوان الكرم والرجولة الشيخ محمد بن عبدالله الحجاج المسعودي الأسلمي الشمري من أهل القوارة بالقصيم ومحافظ عيون الجواء سابقاً والمستشار لسمو أمير منقطة القصيم حالياً وهو من كرماء الرجال ويستاهل الشكر والمدح والاشادة أبو سعود على كرمه ونخوته ومواقفه المشرّفه :

يا ليـت ابـن حجـاج عـنـده تـرليـون *** يـكـرم ويعـطي كـل مـن جـاه بـادي
لاشـك لـو يـمـلـك عـلى مـال قارون *** بـخـلال عـشـر أيـام يـذهـب بـدادي
مصـروف يـومـه مـا يكفيه مـليـون *** يا الله عسى رزق الصخي بزديادي
حيث الكرم لـه طبع لـو كان مديـون *** الـبـذل عـنـده طـول الأيـام عـــادي
يـفـرح بـه الـلي للجـلايـب يبـيعـون *** قـبـل يسـوم الضـان بالحشـو بـادي
فـي كـل يـوم يكـوّم الـزاد بصـحـون *** ويرجم فطـاح الحيل وسط البوادي
دايـم ضيـوفـه فـي مضيفـه يسمـوّن *** وأنـا اذكـر الـلـه مجلسه تقل نـادي
كـل مـا يودع ناس بـه نـاس يأتـون *** هـواشـلـه تـأتـي صبـاح وهـجـادي
والنعّم بأبـو سعـود ما يقبـل الهـون *** غيـر الكـرم والجـود يحسب قيـادي
سمعـت قـول الـلي بطيبـه يشيـدون *** ومـن يمدحه بالجـود هرجه وكادي
يـا مكثـر الـلي عـن فعالـه يعجـزون *** للمـرجـلـه والطيـب مهـديـه هـادي
مـن كثـر معـروفه لـه الناس يغلون *** يفخـر بمدحـه كـل مـنـشـد وشـادي
ينصـاه بالشدات مـن يطـلـب العـون *** ريـف الـذي حـده من الوقت حادي
من راس عزوه دوم بالذكر يطرون *** حـمـايـلٍ تنسب مـن أهـل الشدادي
جـملـة جـدوده بالهـواشـل يحيـون *** والـكـل مـنـهـم دون جـاره يـفــادي
جـدّه من الـلي لـه ربوعـه يحمدون *** يـوم الزمن بـه قحط مـا سال وادي
وأبـوه تـاريخـه لـه النـاس يـقـرون *** بالـفـهـق والتقـليـط مـالـه مـشـادي
يشهـد بجـوده والـكـرم كـل ماعـون *** وقـدوره الـلي فـوق سـود الهوادي
وصفـر الدلال الـلي تغيـر بها اللّون *** مـن حـامي الملّـه غشاها السوادي
عـلـم الفخـر يبـقى لـو أهلـه يفنـون *** مـن حيث مسلكهم طريق الرشادي
حـاتـم ومعـن مـن قـبـل عـدّة قـرون *** فـانـيـن وعـلـوم الـمكـارم اجـدادي
علم الكرم بـه بـان صيت ابن خيون *** وابـن مـهــيـد الـلـي بـزاده يـنـادي

1- حاتم الطائي كريم العرب المشهور 2- معن بن زائدة الشيباني كريم ربيعة 3- أبن خيون شيخ قبائل بني أسد بالعراق وهم من خزيمة من كنانة من مضر أبناء عم لقريش كانت بلادهم بالعصر الجاهلي وصدر الإسلام القصيم في وسط نجد ثم هاجروا للعراق وهم حالياً من كبريات القبائل ومن الخيون سالم بن خيون وثعبان بن خيون وغيرهم 4- أبن مهيد ( مصوّت بالعشا ) شيخ الفدعان من عنزة وقد اشتهرت أسرة آل مقحم بالكرم .