قصيدة شكر وثناء للرجل الفاضل محمد بن عايد الدوهان - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

03-18-2023, 05:57 PM

قال عبدالله بن دهيمش بن عبار هذه القصيدة يثني على محمد بن عا يد الدوهان بمناسبة ارسال لقحتين من أبله هديه :

كـلمـني محـمـد يـبـي مـوقعـي ويـن *** ونشدت أبن دوهان عن قصد موده
قال أنـوي ارسـل لـك هديـه لقحتيـن *** بسـم ولـده عـايـد مـن خـيـار ذوده
قلت اعتذر يا ريف من جـوه عانين *** يا الـلي فـعـولـك وافـيـه ومحمـوده
وطلـّق وحـرّم واغلـظ الحلف بالدين *** وقال الـذي لك قلت مـا فيـه عـوده
الـزول حـملهـن وسافـر قـبـل حـيـن *** وغـادر من الخفجي بموتـر يقـوده
الوضح جـنّـك مـا بـهـا قـول بعـديـن *** يـمـديـهـن الـزلـفـي تـعـدن نـفـوده
أختار لي مـن نـقـوة الـذود ثـنـتـيـن *** مـن نـوق تـنفـل بكـرتـه مع قعـوده
وضـح مـثـل هنـف البنـات المزايين *** الـلـي تـنـقّـض بالمـحـافـل جـعـوده
عسى الـولي خـلاّق آدم مـن الطيـن *** مجـري فلـك بيـض الليالي وسـوده
اطلب عساه أعـوام ودهـور وسنين *** فـي عـز والـرحــمـن مـالـه يـزوده
الـلي يـقـدرني كـمـا الـرّبـع الأدنيـن *** عـسى فـداه أهـل لقـلـوب الحقـوده
يشيـد بالـلي انجـزت وأورد براهيـن *** والـلي بـذل مجهود يشكـر جهـوده
من يذكـر الله شـاهـد الحـق بـالعـيـن *** ومـن ينكـر الـواقـع يـورد شهـوده
واشكـر أبـن دوهـان نسل المسمين *** الـنـادر الـلـي بـان طـيـبـه وجــوده
حـيثـه كـريـم ومـن كـرام وصخيين *** كسب المـرجل راس مـالـه وفـوده
نسـل المهـوهي مـا بساسـه رديـيـن *** يمشي عـلى منهـج عوايـد جـدوده
دوهــان جـدّه يـوم جـوه الـمـعـاديـن *** جاهـم مثـل حيص الجمال الهدوده
في حد صفحات الحسام أبـو حـديـن *** ذبـح عقيـد القـوم وأرهـب جـنـوده
وشال اللّقب دوهان من قبل قـرنيـن *** وصـارت حـداتـه بالقبايـل انشـوده
من ساس لابـه يوم خوض الميادين *** صيد الرجال الـلي المعـادي تـذوده
والخاتمه لـو قلت من شعـري الفين *** توصيفكم بالمدح ما اوصل حـدوده