هذه القصيدة ارسلت عبر القروبات للشاعر مشاري الغامدي الملقّب سفير الحرف مهداه آلى عبدالله بن دهيمش بن عبار العنزي وقد ورد بها أسم الشاعر عايد بن رغيان الوردة الشراري والشاعر هايل بن عبدالله الرويلي الملقّب الحوت يقول مشاري :

رحـلـة هـبـوب الـود بالقـلب مرسول *** تـحـمـل لأبـن عـبـار شـكـر وثـنـائي
في حظن أعمى واكثـر الناس لاحول *** مـشيـت بالـدنـيـا وأخـذت اكـتـفـائي
به ناس تجرح ناس والهرج مشلول *** مـات الأدب وانـهـد صـرح الحـيـائي
صوتن على الجيران من غير مدلول *** يـرمـي حـصانـتهـم بمـكـر ودهـائـي
ولـلـوالـديـن السيـف بـيـديـه مسلول *** وجــودهــم مـافـيـه غـيـر الـعـنـائـي
فـا الـلافـتـه يـا شـاربـيـن الـبـنـادول *** تشخيصهـا يحـجـب مـرور الهـوائي
مـرّه غـيـاب ومر صحوه على طـول *** وبعض الصحاوي في رحيل انتهائي
الشيخ نجـله صار راعـي ومجـهـول *** والأمـعـة تـرفـع جـنـاح الـعـبـائــــي
شعـّار واقـعـهـم مـوسيقـات وطبـول *** في جـدولـه محـضـور قسم النسائي
ما الـلاّم لـو قـلنـا تماثيـل أبـا الهـول *** شفـت السراب وضـاع فـيه الروائي
لـو قـلـت يالعـبـار بشهـور وفـصول *** مشـاكسيـن نـجـوم تـوهـج ضـيـائـي
سـر بالظـلام ولـك محيطات وتـلـول *** مـسـاحـتـك هـي تـسـتـحـق الـولائـي
فـي نهـجـك لعـايـد رغـيان محصـول *** الـعــنـصـريـة جــثـهــا بـأنــتـهـائـي
والحـوت هـايـل مملكة شعـر واقـول *** شـق الـبحـر مـاهـو بشـاعـر بـدائـي
تـذوب مـن نظـرتـك وتـروح محلول *** أهـل الـوجـيـه الـداكـنـات الـغـثـائــي
ثوب العـرب ما يلبسه هـامـل القـول *** حـتى الـرسل في مـدرجات السمائي
البـوصلـة تـأشيـرهـا غـيـر مجـهـول *** لأهـل العـقـول الـراجـحـه بـرتـقـائي
والـغـرب مـالـه عـنـدنـا أي مـدلـــول *** النـاكـريـن الـقـول وأهـل الـوشـائي
جسر المسيب صار واقـعـه مـغسـول *** وذيـب يجـر عـواه صـار انـطـوائـي
على صدى صوت رضخ شاطي الول *** فـي صـدرهـا شـلال يـروي ضمائي
جرتني لبحـرن مـن الخـوف مـذهـول *** تسبـح بصوتي وسكنت في شقـائي
كل أميرات الجن تحرس لهـا سطـول *** سحـر الخـلـود بشعـرهـا الأكتسائي
شاعـر يجـابـه منـبر الغـرب ويـقـول *** مـا يشرب الشيطان حوض ارتوائي


قال عبدالله بن دهيمش بن عبار هذه القصيدة جواب لقصيدة الشاعر مشاري الغامدي :

جـتني قـرايـض كـنها الشهد معسول *** مـن شـاعـر مـاهـو بـقـولـه مـرائـي
قيـفان جـزلـه مـابهـا فتـوق وخـلـول *** قـريـت مـنـظــومـه ونـور مـسـائـي
الغـامـدي قـافـه كـمـا نـبـع شـهـلـول *** وأنـا مـن الأشـعـار قـطّـر وعـائــــي
من حيث خـلا مـوقـف البيت مقـفـول *** ولا عـاد بـاقـي مـا أشـيـل بـغـنـائـي
ولـو أعتقد عـذري عن الـرد مقبـول *** أخمـرت عـن رد الـزمـيـل بـغـطـائي
هـذا الجـواب ومنكـم العـفو مـأمـول *** تـجـاوزوا يـا ربـعـتـي عـن خـطـائـي
كـزيـت قـافـي بالـقـروبـات مـحـمـول *** يوصل معاني صغتها مـن انـشـائـي
يوصل سفير الحرف مرسل ومنقـول *** ويـبـوح لـه عـبـر الجـهـاز بـغـلائي
القرم الـلي عن طاري العيب مكفـول *** مـا نجـهـلـه لـو بـيـنـنـا البـعـد نـائي
نـعـم بمشاري مـن قبيلـه لهـا فـعـول *** قـبـل يسـن الشرع حكـمـن قـضـائي
والنعـم في غـامـد اليا ضـوّل الضّـول *** رجـالـهـم بـالـكـون مـثــل الـفـدائــي
الأزد من يـوم العـرب تسرج خـيـول *** عـاداتــهـم شـن الـهـجـوم الـوقـائـي
يـامـا ويـامـا عـطـروا كـل مـصـقـول *** أفـعـالـهـم كـانـت حـديـث الــروائـي
يالغامدي قـولك عن الوضع معـقـول *** لاشك ما دفق بأرض الأصباخ مائي
النـاس كـلـن يا فـتى الجـود مشغـول *** مـع الأسـف مـا يـسـمـعـون لـنـدائي
حـيـث البشر فيهم مناحيس وخـبـول *** حـديـثـهـم وسـط المجـالـس هـرائي
مثل الزمن يأتيك بـه ريـف ومـحـول *** والطقس بـه بـارد وطقس استـوائي
مـا كـل بـيت مـن الرجاجيـل مـدهـول *** ولا كـل من حـاز الكـرم صار طائـي
واليـوم الـلي كـفّه عن الفعـل مشلول *** يـقـول كـل الــقـوم تـمـشـي ورائــي
وأكثر مهاجيهم مـثـل غـثـرب الثـول *** وقـت الـلّـزم هيهـات تـذهـب هـبائي
المدح يزها اللي عن الشعب مسئول *** الـلـي لـهـم بـالصّـدق أعـلـن ولائـي
سور البلد وحماه بالعـرض والطـول *** تـاريـخهـم مـعـروف مـابـه خـفـائـي
نسل الزعيم اللي كسب مجد مدبـول *** وطـبّـق حـديـث التـرمـذي والنسائي

شعـّار واقـعـهـم مـوسيقـات وطبـول *** في جـدولـه محـضـور قسم النسائي

مثل الزمن يأتيك بـه ريـف ومـحـول *** والطقس بـه بـارد وطقس استـوائي

لاهنت يابن عبار ولاهان الغامدي ،،، قصيديتن رائعتين ،،، استمتعنا بقراءتهما

تحيتي

لله درك ودر الشاعر القدير مشاري الغامدي يأديب وائل ومؤرخها العزيز وبارك الله في قولكم وعملكم، فكم من قولٍ إعتد به ورجحت به الموازين ونصر به الحق..

تسلم يا أبو عبدالعزيز على تذوقك وتشجيعك حفظك الله من كل مكروه