( مساجله بين الأبن أحمد بن عبدالله العبار وأبيه )

قال الشاعر أحمد بن عبدالله بن دهيمش العبار هذه الأبيات موجهه لواده عبدالله بن دهيمش بن عبار :

وصيتني بالطيـب يا راعـي الطيـب *** وشفـني كبرت ولا نسيت الوصيه
مشيت مثلـك في دروب المواجيـب *** وابعـدت زيّـك عـن دروب الخطيه
نصحتـني لا ينطـق لسانـك العـيـب *** يلحـقـك مـن مـنـطـق لسانـك أذيـه
وأن شفت من دنياك ظلم وتعاجيب *** اشتـك عـلى الـلي مطـّلع بالخـفيـه
وأحـذر تـغـرّك دنـيتـك بالمـلاعيـب *** مـا دامـت الـدنـيـا لـخـيـر الـبـريـه
ومن لا يـودك يقلعه عـالـم الـغـيـب *** مـاهـو حسافـه لـو تـجـيـه المنيـه
وعساك تسلم مـن جميع اللـواتيـب *** وياعـلـنـا نـجـزاك باحسن جـزيـه
أفـخـر بـذكـرك عنـد كـل الأصاحيب *** ويـفخـر بـذكـرك ربعـنا والسميـه
لو استطيع أخذت من راسك الشيب *** وقـدمـت لـك بـاقـي حيـاتي هـديه

جواب عبدالله بن دهيمش بن عبار على نجله أحمد :

تعـيش يا مـرسـل بـيـوتـك منـاديـب *** يـا صـايـغ القـيـفـان لا جـتـك سيّـه
الـلـه يفكـك مـن شـرور المغـاضيب *** وأطـلـب ولـي العـرش يبـقيـك لـيـه
حـمـاك ربّـك مـن جـميع الشواذيـب *** وعـسـاك تـنـعـم بـالسنيـن الهـنـيـه
مـالي عـلى مـا قـلـت يالقرم تعـقيب *** مـا دمـت سـايـر بـالـدروب الـقـديـه
خلك على ما قلت لـك طـاهـر الجيب *** وأحــذر تــدنّـى لـلـعــلـوم الــرديــه
أبـيـك تبّـقـى يالسنـافي كـمـا الـذيـب *** وأبــيـك دايــم لـلـعــدو سـم حــيّــه
وأبـيـك تستـرنـي بـوسـط الأجـانيـب *** ولا خـيـر بـالـلـي مـا يحشّم خـويـه
وعند اللزوم أصبر كما يصبر هديب *** شـال المـحـامـل بـالعـزوم الـقـويـه
وأخلص لدين الـلـه ولأمر المعازيب *** ولا تستـمع لأهـل العـقـول الغـبـيـه

أنعم والله بالموصّي ويا نعم والله بالملبّي، صح الله لسانك شاعرنا العزيز أحمد بن عبدالله بن عبار وسلّم بنانه، والفخر يشاركك به يأحمد جميع أبناء قبيلة عنزة الأجلاء الأكارم فوالدكم هو رمز ومحل فخر وقدوة بل هو والله بمثابة الأب والعم.

وصح الله لسانك ياعزيز وايل وأديبها ومتعك الله بالصحة والعافية ورزقك برهم وصلاحهم ورفعتهم وما ذاك الشبل إلا من هذا الأسد..

وفقكم الله ورعاكم وسدد على دروب الخير خطاكم وأتم عليكم فضله ونعمه وبركاته التي لا يخص بها إلا عبادة الصادقين الأبرار أهل الرحم وأهل الحيا والكرم المخلصين..

جزاك الله خير الجزاء يا أبو عبدالعزيز على تشجيعك ولطفك وأن كلماتك كا وسام الشرف شرّف الله قدرك ورفع شانك وشكراً على كلامك الطيّب من صاحب القلب الطيّب