قال الشاعر حامد الذرعي الشمري هذه الأبيات يسند على زميله عبدالله بن عبار :
أبـتـدي بـأبيـات جـزلات ونـقـيـه *** في زبون المجد راعي الطايلاتي
ذاك أبـن عـبـار يا زبـن الـونـيـه *** يا حفيـد المجـد في كـل الصفاتي
طـولـت غـيبتـك والـنيـه مـطـيـه *** عـطني الأسباب يا ذيـب الفـلاتي
صاحبك يالقـرم وقـفـاتـه حـميـه *** مـا تغـيـر مـوقـفـه مثـل الـزناتي
لا حـداه الـوقـت غنى سامـريـه *** مـا تفـكـر بالسنيـن المـاضيـاتـي
طـايـع لـلــرب وافـكـاره قـديــه *** ما تخلا يوم عن فرض الصلاتي
وقد رديت على أبيات الشاعر حامد الذرعي الشمري :
حامد الذرعي جت بيوته هـديـه *** كنهـا النقروح من شـط الفـراتـي
صاغ قافـه بالعجل وأهـداه لـيـه *** يحتـري مـني سريـع الـرد يـاتـي
الـزمـيـل بمنطقـه يـثـني عـلـيّـه *** لـه الشكـر اعداد ما يزهر نـباتي
مـن قبيلـة لا أنتخـوا بالشمريـه *** من يناطح جمعهم يذهـب فـواتي
عزوته شجعان وأيديهم صخيه *** للـضيـوف يـقـلطـون المسمنـاتي
يحتمون الـلي تـونـت بـه رديـه *** فزعت المضيوم يوم المعضلاتي

مـن قبيلـة لا أنتخـوا بالشمريـه *** من يناطح جمعهم يذهـب فـواتي
عزوته شجعان وأيديهم صخيه *** للـضيـوف يـقـلطـون المسمنـاتي
يحتمون الـلي تـونـت بـه رديـه *** فزعت المضيوم يوم المعضلاتي

عز الله إنهم أهلها وكفوٍ لها ولا هو ردى بالقبايل الثانية، وصح لسان الشاعر حامد الذرعي ولسانك يأديب وايل وبارك الله فيكم وهذه هي الشيمة والقيمة والحشيمة بين الرجال أهل المعالي والمكارم والأفعال المقدّرة والثمينة ..
ونعمٍ بإخوان غلبه هل الطولات وأهل المجالس والصياني الكبار أللي بها الدلال المراصيف وأهل الفعول والمدّات الثمينة أللي صغارهم يمشون على وصايا كبارهم ولا يتركون الطيب لو كان فيهم خصاصة ولم يتأثروا بالمدنيّة ولا بالحضارة وبهرجتها وزيفها ولم يتخلوا عن قيم آبائهم وأجدادهم كما فعل وللأسف أبناء بعض القبائل الأخرى الذين خسروا هيبتهم وقيمتهم وكرامتهم ما بين كل المخاليق، وفي هذا الصدد ذكرتني أطال الله عمرك بزميل لي من قبيلة شمر كنا قد عملنا مع بعض منذ عام 1996م إلى عام 2007م وبعدها إنتقل كلٌ منّا إلى قسم آخر غير الذي كنّا نعمل فيه سوياً، والعام الماضي ذكرني به حدث حصل من أحد الموظفين، فقلت هذه الأبيات التالية فيه وهو الأخ العزيز والفاضل نقى بن جار الله الشريهي الشمري، حيث قلت:

الله يذكر راعي الجود بالخير=حيث الحوادث للمعاني تفطن
هذاك أبو جارالله زبون المناعير=الشمري راع الجواب المثمن
ما هو حقود ولا هو والله كنيهير =شهمٍ شجاع وبالمراجل مبخن
حطاط كيلٍ ما حسب للمخاسير=حرٍ جواد وبالمعالي تفنن
ما قلتها والله صيدي معاذير=إلا كلامٍ من ضميري تبنن

وقد أجابني بالتالي وفقه الله حيثما كان:

يامرحبا بك والدلال المباهير=جهزتها للي سواتك يسوّن
نفرح ليا جونا رجالٍ مسايير=سلمٍ لنا ماضاع ويّا التمدن

نسأل الله يحفظكم يأبو مشعل وأن يطيل بأعماركم جميعاً ويلبسكم ثياب الصحة والعافية ..

الأخ الفاضل محمد بن دوهان شكراً على مرورك وعلى هذه الأبيات المتبادلة بينك وبين الشمري وكل منكم كفو أما الأخ حامد الذرعي فقد تذكرت أنه طلب مني سبب غيبتي ولم أجاوبه شعراً لأن المجال ضيّق ولا أريد أزوّد على أبياته

صح لسان الشاعر حامد الذرعي الشمري
وصح لسانك ابو مشعل ورد جزل وشمر يستاهلون

صح لسانكم الجميع وهذه من عوامل الاخوه بين افراد القبائل وقوة اللحمه بين كافة شرائح المجتمع السعودي العريق بمختلف مسميات قبائلها وعوائلها والحميع يرجعون الى العراقة والاصالة العربيه وه1ه القصائد المتبادله دليل على ماذكرت لان كل سخص يعتبر سفير لقبيلته او مجتمعه