يقال أن الناس السنة الحق وهم شهود الله في أرضه ونظراً لما حصل من أشخاص قلّه امتهنوا الكذب وبث الأشاعات في المجالس وقد وقفوا الرجال الصادقين الذين ما تأخذهم الأشاعة الكاذبه موقف الرجال وأصبح يرد إلى جوالي قصائد من الرجال الأوفياء مستنكرين هذه الحمله المغرضه من بعض السفهاء الذين عيبهم بجيبهم ومع ذلك يقدحون بشخصي بأكاذيب ملفقه بعيده كل البعد عن الواقع وذلك بسبب أنني عريتهم وكشفت حقايقهم وليس لهم استطاعه في تزوير نسب عنزه بعد أن كذّبتهم وخذلهم الله وخابوا وخسروا حيث تكشفت الحقائق وأصبح كل من غرر به وهو عاقل وواعي يكره التزوير والكذب في نسب هذه القبيلة ورد كيدهم في نحورهم ولله الحمد وهذا الزميل الشاعر محمد الحوشاني الصقري ابو حاتم من حاضرة قبيلة الصقور من أهل الضلفعة بالقصيم يتأثر من ترهات الظلمة والفاسدين فيقول مشيداً بجهدي :


يـا نـديـبـي هـاك مـظـمـون الـكــلام***وصّـل المكـتـوب للشّهـم الأديـب
لا لـفـيــتـه وصـلــه مــنـي ســــلام***عـادتـه ينطحك بالصدر الـرحيب
خـابـريـنـه فـوق مـركـوز الـسنــام***معـتـلي لـه مـوقع بـأعـلا جـذيـب
شاعـر ومـن روس قـوم مـا يظـام***حـربـت الـويـلان باليـوم العصيب
لا حـصـل شـي يـثـيـر الاهـتـمـــام***يـنظـم الأبـيـات والقـاف الصعـيب
لا ركب حبـل الرشاء فـوق المقـام***لـو يشيب القـاف عنـده مـا يشيب
يا أبـو مشعل مـا عليك من الكـلام***ولا عـلينـا من الردي واللي يجيب
الـردي والهـيس والـنـذل الخـمـام***لا تحـرّى الطيـب والـلـه مـا يطيب
مـالـهـم بـالـمـجـد والـعـزّه مـــرام***ولا لهـم بالطـايـلـه حـظ ونصـيـب
الـقـرابـه عـنـدهـم وصـلـه حــرام***والبـعـيـد أصـبـح ولـد عـم قـريـب
يا عـبـدالـلـه مـا يـهـابـون الـمـلام***ولا يخشون اللي على خلقه رقيب


وقد جاوبت الزميل محمد أبو حاتم الحوشاني الصقري بهذه الأبيات :


قـلـت أهـلي فـي وقـار وبـاحـتـرام *** بـالـبـنـاخـي يـوم لـي كـز الـنـديـب
أبـو حـاتـم نـعــم فـي ذاك الـغـــلام *** حـر مـن مصقـر حـرار ولا يخيـب
جـاه طيـبـه مـن خـوالـه والـعـمـام *** مـن نسـل عـزوه مـدلّهـة الغـريـب
من سلايـل صقـر حاميـن الجهــام *** بالقـفـر قـطعـانـهـم تسرح عـزيـب
فـعـلهـم يـوم الـمـشـوّك والـحسـام *** والـجـيـاد الـلـي يـغـزّن الـسـبـيـب
مـن تـجـاوز عـن دبشهـم مـا يـلام *** مـا يطـيـق الـلي يضدون الحـريـب
بـالـعـلـوم الـغـانـمـه نـالـوا وســام *** الـرجـال الـلي يـعـزون الـطـنـيـب
يا أبـو حاتـم بالبشـر مـثـل النعــام *** الــردي دفــّان راسـه بـالــكـثـيــب
لـوهو نسل الـلي يخوضون الكتـام *** يـوم عـصر الخيل عجلات الهذيب
حـاسـد وفـاسـد وبالعـقـل انـفـصام *** يـفخـر بـجـده وهـو فـعـلـه معـيب
يـقـمـح الـظـالـم عـسـى داره هـدام *** نـاقـل النمّـه عسى شمسه تغـيـب

وقال محمد بن عبدالرحمن الحوشاني الصقري أبو حاتم هذه القصيده عندما سمع أحد الرجال يهلس في مجلس حسب دعاية الكذابين :

ياهيه قلي وش حصل لك اوش جـاك *** وش فيك يـوم أنـك تـثرثر مهـاجيك
لـولا كلامك يالـردي مـا اعـتـرضناك *** أحـفـظ لـسانـك عـن مـسبّـة دوانيـك
ياشـيـن والـلـه مـا تسـوى سـوايـاك *** مـطـاوع لـبـلـيس وابـليس مـغـويـك
بالكذب أشوفك قمت تشعـب مطايـاك *** مـيـر النتيجـه خيّـب الـلـه مساعيـك
تـرى الـنـمـايـم لـلـبشـر ســم فـتـّـاك *** مـالـه عـلاج ولا تـجـد مـن يـداويـك
والشلّـه الـلـي تـتبعـك مـثـل شـرواك *** شـلــّـة رخــوم بـالـنـذالــه تـبـاريــك
أهـل الـسـفـالـه دايــم الـدوم تـتــلاك *** مـريـاع ـضيـن وتتبعـك فـي مفـاليك
تـجـمـعـت شـلّـة صعـاليـك واحـكـاك *** يامن خـبـر يا ناس شيوخ الصعاليك
أنـتـم مــقـر الـعـيـب لـلـعـيـب مــّلاك *** مـعكـم صكوك العـيب ورث وتمـليـك
أيـضـاً لكـم بالـقـيـل والـقـال مسـلاك *** ولا الـرجـولـه مـالـكـم بـه مسـالـيـك
أفهـم تـرى الطيّب بخيـص بـدعـواك *** عـارف مـرامك يـوم تلـقى حجاويـك
اسـمـع كـلام الـلـي كـلامـه تـنـصّـاك *** انصحك لا تـاقـع بـوسـط الشرابـيـك
جـنـب مجـال الـلـي بـطـيـبـه تـحـداك *** لا فـاعــل فـعـلـه ولا هــو حـوالـيـك

وقد رديت على الأخ محمد بهذه الأبيات :

اشكـرك يـا مـن دوم تـشهـر حـميـاك *** حـيثـك يا أبـو حاتـم كثيـره حسانيك
عساك في حفظ الولي مجري الأفلاك *** يالـلي عـلى عـلوم الفضيله مباديـك
فزعت لي بالحق من غير مـا انخـاك *** من حيث هرج الكذب والظلم يوذيك
الشيمـه الشمّـا مـن أصلـك ومـربـاك *** وأنـت الـذي يا مسندي دون عانيـك
نطـحـت الـلي لمعـوّج الـهـرج عـلاّك *** الجاهل الـلي ماعـرف تيك من تيـك
يـسـمـع كـلام مـروّج الـهـرج نـمّـاك *** اليـاهـرج مـن يسمعـه يحسبـه بـيـك
يـزمـر ولـكـن مـا سوى قـطف تنباك *** هـرجـه بـلـمـات المجـالـس تـماتيـك
كـوبـان بالمـجـلـس يسبـك ويـشنـاك *** لـو كـان يضحـك لك ضميـره يعاديك
عـليـك بـالطيـب الـيـا عـمست اريـاك *** وقـت الـلـوازم مـا يخيّـب هـقـاويـك
الـلـي الـيـا جـيـتـه فـرح بـك وحيّـاك *** مـالـه هـدف لاشـك من قـلـب يغـليك
من طاب عـزه وأدعس النذل بحـذاك *** الـلاش لـو صفيـت لـه مـا يـصافيـك
والـلي تـقـول بشايـن الهـرج يلـغـاك *** هـذاك يـعـنـيـنـي كـلامـه ويـعـنـيـــك
والحـمـد لـلـه سـمـعـتـي عـنـد حلياك *** تـشـد راسـك مـا تـطـمّـن عـلابـيــك

صح لسان محمد الصقري وبيض الله وجهه وكثر الله من أمثاله
ولو كل رجل منصف يفعل مافعله محمد إذا سمع مثل هذا الكلام لقلوا
اهل الهرج والمرج وإنكسرة شوكتهم وسلم الناس من شرهم ..

وانت صح لسانك يابو مشعل ردك وافي وكافي بيض الله وجهك
وأمد الله بعمرك وأبقاك ذخرا ً لهذه القبيله

كفو بالجميع
وتستاهل يابو مشعل الطيب
واللي يزود عنك
لانك رجل على وضح النقى