( حفل الشيخ فهد بن صفّاق السحيحير )

أقام الشيخ الشاعر فهد بن صفّاق السحيحير العريفي السبيعي العنزي في مساء ليلة الأثنين الثاني من شهر ذوالقعدة في قصر ليالي العرب بالرياض حفل بمناسبة زواج أبنه سيف وقد سجّل بقناة صدى وقد حضر الحفل سمو الأمير عبدالعزيز بن سلمان بن عبدالعزيز آل سعود وبعض مشائخ القبائل وكان لي شرف تقديم هذه القصيدة تهنئة بمناسبة زواج سيف بن فهد بن صفاق السحيحير حيث القاها مشكوراً مقدّم الحفل الأستاذ عبدالله بن سمير الحنتوشي :

جيت أقول لسيف مبروك الزواج *** بالهنا عسى الولي يشرح فواده
يا عسى يـنـال فـرحـه وابتهـاج *** ويا عسى يـرفـل وينعم بالسعاده
دوم يـفـرح مـا تعـكّـر لـه مـزاج *** وأطلب المولي عسى يبلغ مراده
زاكي المنسب من فهود الـزراج *** من حمايل عندهم صبـر وجـلاده
من نسل عزوة اليا ساط العجاج *** يـوم كـلـن بالـوغى يـلكـد جـواده
ملتجـأ الخـايـف وللجـالي سيـاج *** خلفـة سحيحير عـوارف وسـاده
من قبيله ضـد مـن عـنده عـواج *** بالمـلاقى خصمهم صابـه شراده
يوم غالي الروح تجلب بالحراج *** منهـم الـلي أرقـط الصابور قـاده
ومنهم اللي باج عسرات الفجاج *** وادرك الطوله بعـزمه واجتهاده
وكـل مـنهـم بالمراجـل نـال تـاج *** الفخـر والمجـد لـوّح فـي شـداده
من تعـدّى وعال يسقونـه هماج *** ومن شكا جور الليالي هم سناده
ومن أصابه عـل وأحتاج العلاج *** هم شفى عل السقيم وهم ضماده
لو أعـد شخوصهم فـي خط زاج *** ماحصى الفرسان ورجال العقاده
طبعهـم يـوم الجـفـا ذبح النعـاج *** من قديم العهـد لهـم الطيب عـاده
بـالـلـزم رجـالهـم مـا يـوم مـاج *** عـن لـوازم واجبه وقـت اعتماده
مسفهـل ولا يعـنكض لـه حجاج *** كـل يـوم تـمـالـح الـجـيـران زاده
علمهم واضح مثل نـور السراج *** ومـن يعـد الحـق يـدلي بالشهاده
الـنـقـيـلـي عـنـدهـم مـالـه رواج *** مبطي أهــل بخوت ما فيهم قراده
والبخـت والحـظ يشبـه للـزجاج *** لا انكسر هيهات مـا فيـه استعاده
والـمـدايـح مـا تـجـوز لكـل داج *** ولا يحوش النعم من طبعه نكـاده
مـا ذكـر بالعوشزه ستـر ومـلاج *** ولا يكون الضل بشجـرة الكـداده
والختم صلوا عدد ما طاف حاج *** عـلى النبي المصطفى ذكره عباده

"صح لسانك يابومشعل وأنعم واكرم بإسرة السحيحير الكريمة"

صح لسانك يا ابو مشعل جزاك الله كل خير انت دائما حضورك مميز ويعطي اي حفل دفعه للتقارب الاخوي وتسعى دائما الى صدق الكلمه .
ومبروك حفل الشيخ فهد السحيحير بزواج ابنه . ونشئل الله ان يوفق الجميع